MB NEWS:विद्यावर्धिनी विद्यालयाचे स्पर्धेत यश

 विद्यावर्धिनी विद्यालयाचे स्पर्धेत यश

परळी वैजनाथ दि.१६ (प्रतिनिधी)

     क्रांतीसुर्य महात्मा फुले व भारतरत्न डॉ बाबासाहेब आंबेडकर यांच्या जयंतीनिमित्त आयोजित सामान्य ज्ञान स्पर्धेत विद्यावर्धिनी  माध्यमिक विद्यालयाच्या दोन विद्यार्थ्यांनी यश मिळवले.याबद्दल संस्था व शाळेच्या वतीने विद्यार्थ्यांचे अभिनंदन करण्यात आले.

          क्रांतीसुर्य महात्मा फुले व भारतरत्न डॉ बाबासाहेब आंबेडकर यांच्या जयंतीनिमित्त मंगळवारी (ता.११) आयोजित सामान्य ज्ञान स्पर्धेत शहरातील अनेक शाळेतील विद्यार्थ्यांनी सहभाग नोंदवला होता. यामध्ये विद्यावर्धिनी माध्यमिक विद्यालयातील दोन विद्यार्थ्यांना प्रथम व द्वितीय क्रमांक प्राप्त झाला आहे.यात प्रथम क्रमांक श्रीनिवास पांडुरंग काळे (९ वी) याने रोख ५ हजार रुपये, प्रमाणपत्र व ट्रॉफी पटकावली तर आदित्य जगन्नाथ वडुळकर (९ वी) याने द्वितीय क्रमांकांसह ३ हजार रुपये नगदी रोख, प्रमाणपत्र व ट्रॉफी मिळवली. या विद्यार्थ्यांचे श्री समर्थ शिक्षण प्रसारक मंडळाचे अध्यक्ष श्री. कोळगे, उपाध्यक्ष श्री भिंगोरे, सचिव श्री इटके, संचालक श्री. मुंडे, श्री.पैंजणे, डॉ. चेवले यांच्यासह विद्यावर्धिनी माध्यमिक विद्यालयाचे मुख्याध्यापक श्री .मातेकर, प्राथमिक विद्यालयाचे मुख्याध्यापक श्री .सुमठाने, मुख्याध्यापक श्री .नांदुरकर, स्पर्धेचे मार्गदर्शक श्री सूर्यवंशी व शाळेतील सर्व शिक्षक वृंद यांनी विद्यार्थ्यांचे अभिनंदन व कौतुक केले.