माझी बातमी MB NEWS

  छायाचित्रकार नेमका कोण असतो? #जोशींचीतासिका असं म्हणतात एक चित्र हजारो, लाखो शब्दांपेक्षा सरस असतं. चित्र प्रकारात पेंटिंग, व्यंगचित्र, छायाचित्र असे वेगवेगळे प्रकार आहेत. सगळे आपापल्या परीने तितकेच ताकदवान आहेत. थोडक्यात आपल्या भावनांना आणि आजूबाजूच्या परिसराला नेमकेपणाने त्याच्या नजरेतून टिपणारा एक जादूगार म्हणजे छायाचित्रकार. आजही मी जेव्हा माझ्या घरी असलेला अल्बम उघडतो तेव्हा तो काळ नजरेसमोर वेगवेगळ्या भावभावनांना सोबत घेऊन एक भावविश्व उभे करतो. सर्व प्रथम माझे ज्यांनी ज्यांनी आजवर छायाचित्रे काढले असतील त्या ज्ञात अज्ञात मंडळींना त्या अनमोल ठेव्यासाठी प्रणाम व धन्यवाद. व्यंगचित्रांचा प्रभावी वापर करून शिवसेना नावाचा अंगार हिंदुहृदयसम्राट बाळासाहेब ठाकरेंनी जन्माला घातला. तितकीच ताकद छायाचित्रात असते. हिरोशिमा नागासाकीवर झालेल्या अणुबॉम्ब हल्ल्याने झालेले जागतिक परिणाम विषद करायला एकचं छायाचित्र पुरेसं होतं. वेगवेगळ्या आंदोलनात एक क्षण असा असतो जो कॅपचर करायला अख्ख आयुष्य पणाला लावणारे छायाचित्रकार होऊन गेले. खासकरून वाईल्ड लाईफ फोटोग्राफर तर कमालीचे धाडसी आणि तितकेच संयमी म्...

  लक्ष्मीबाई देशमुख महाविद्यालयान गृहविज्ञान विभागातर्फे कौशल्य विकास कार्यशाळा: मोठा प्रतिसाद  परळी वैजनाथ दि.१९ (प्रतिनिधी) 'नवीन शैक्षणिक धोरणाला सामोरे जाताना त्या अनुषंगाने " कौशल्य विकास कार्यशाळेचे आयोजन गृहविज्ञान विभागातर्फे नुकतेच करण्यात आले होते. यास विद्यार्थ्यांचा मोठा प्रतिसाद मिळाला.      कार्यक्रमाच्या अध्यक्षस्थानी संस्थेचे अध्यक्ष संजय देशमुख, प्रमुख पाहुणे संस्थेचे कोषाध्यक्ष प्रा. प्रसाद देशमुख व महाविद्यालयाच्या प्राचार्या डॉ. विद्याताई देशपांडे उपस्थित होत्या. या कार्यशाळेसाठी प्रमुख मार्गदर्शक म्हणून कपील वाघमारे उपस्थित होते. श्री वाघमारे यांनी चॉकलेटचे विविध प्रकार विद्यार्थिनींना शिकवले. या कौशल्याचा उपयोग व्यवसाय म्हणून कसा करावा यासंदर्भात विस्तृत मार्गदर्शन केले. या प्रसंगी विभागप्रमुख डॉ. पाध्ये यांनी पाहुण्यांचा परिचय करुन दिला व कार्यक्रमाचे सुत्रसंचलन श्रीमती देशपांडे यांनी केले. या कार्यक्रमास संस्थेच्या संचालिका छाया देशमुख,प्रा. जोशी, प्रा. यल्लावाड, कल्याणी पत्की उपस्थित होत्या. विद्यार्थिनींनीच उस्फूर्त प्रतिसाद मिळाला.

  अवर्षणग्रस्त शेतकऱ्यांना दिलासा देण्याची किसान सभेची मागणी ●खरीप पीक कर्ज माफी व पीक विमा अग्रीम देण्यासाठी करणारा आंदोलन परळी / प्रतिनिधी खरीप पिकांचे 50 टक्के पेक्षा अधिक नुकसान झालेल्या शेतकऱ्यांना अग्रीम पीक विमा देण्यात यावा, अवर्षणग्रस्त शेतकऱ्यांचे खरीप पीक कर्ज माफ करण्यात यावे यासह  शेतक-याना तातडीने दिलासा देण्या-या विविध मागण्या घेत महाराष्ट्र राज्य किसान सभेच्या परळी शाखेच्या वतीने परळी तहसील कार्यालयासमोर सोमवार दि 21 रोजी आंदोलन करण्यात येणार आहे. बीड आणि परळी तालुक्यातील पर्जन्यमान पाहता मान्सूनचा निम्मा काळ लोटला असून देखील सरासरीच्या निम्मा पाऊस देखील झालेला नाही.खरिपाची लागवड झालेले परळी तालुक्यातील 51 हजार 800 हेक्टर वरील पिके धोक्यात आहेत. अद्याप देखील समाधानकारक पाऊस नसल्याने दुष्काळी सावट माथ्यावर गोगावत असताना शेतक-यांच्या प्रश्नी सातत्याने लढत असलेल्या किसान सभेने या प्रश्नी पुनः पाऊले उचलली असून परळी तालुका दुष्काळ जाहिर करण्याच्या अनुषंगाने तहसील प्रशासनाने संबंधीत अहवाल शासनास सादर करून पाठवावा करावा, अवर्षण ग्रस्थ शेतक-याचे खरीप पिक कर्ज माफ करा...

  बीड जिल्हयातील शेतकऱ्यांना पीक विमा मंजूर करून तात्काळ अग्रीम रक्कम द्या - पंकजा मुंडे यांची मागणी सलग २५ दिवस पाऊस नाही ; परळी तालुक्यात सर्वात कमी  पाऊस तर जिल्हयात केवळ ४२ टक्केच पाऊस खरिपाची पीकं पूर्णपणे हातातून गेली ; शेतकऱ्यांवर मोठं संकट बीड । दिनांक १९ । जिल्हयात सलग २५ दिवस पाऊस झाला नसल्याने शेतकरी हवालदिल झाला आहे. खरीपाची पीकं पूर्णपणे हातातून गेल्याने शेतकऱ्यांवर मोठं आर्थिक संकट आलं आहे. अशा संकटात त्यांना आधार देणं खूप आवश्यक आहे. विमा कंपनीने जिल्हयातील शेतकऱ्यांना पीक विमा मंजूर करून तात्काळ अग्रीम रक्कम द्यावी अशी मागणी भाजपच्या राष्ट्रीय सचिव पंकजाताई मुंडे यांनी मुख्यमंत्री व उप मुख्यमंत्र्यांकडे केली आहे.     यंदाच्या पावसाळ्यात सुरवातीपासूनच जिल्हयात अत्यल्प पाऊस झाला. पावसामुळे पेरण्या उशीरा झाल्या आणि नंतर पावसाने सलग २५ दिवस उघडीप दिली.२४ जूलै ते १८ ऑगस्ट दरम्यान जिल्हयात कुठेच पाऊस पडला नाही परिणामी खरीप पीकांची वाढ खुंटली. पावसाळा सुरू झाल्यापासून आतापर्यंत जिल्हयात सरासरीच्या फक्त ४२ टक्के पाऊस झाला, सर्वात कमी २९ टक्के पाऊस परळी तालु...

  मोठी बातमी: अजितदादांची सभा रद्द झाल्याच्या बातम्या निराधार ;27 ला सभा होणारच -धनंजय मुंडे यांचे ट्विट परळी वैजनाथ, प्रतिनिधी....       राष्ट्रवादी काँग्रेस पक्षाची दिनांक 27 ऑगस्ट रोजी उपमुख्यमंत्री अजित दादा पवार यांच्या प्रमुख उपस्थितीत बीड येथे जाहीर सभा होणार आहे. मात्र काही प्रसार माध्यमांमध्ये ही सभा रद्द झाल्याच्या निराधार बातम्या प्रकाशित झाल्या आहेत. या बातम्यांमध्ये कोणतेही तथ्य नसून 27 रोजी ची सभा होणारच असल्याचा खुलासा कृषिमंत्री धनंजय मुंडे यांनी एक ट्विट करून केला आहे . असे आहे धनंजय मुंडे यांचे ट्विट..... https://twitter.com/dhananjay_munde/status/1692837451608592567?t=xQ73nNyKlWuTett9ENtkGA&s=19 राष्ट्रवादी काँग्रेस पक्षाची बीड येथे दिनांक 27 ऑगस्ट रोजी जाहीर सभा होणार असून या सभेला उपमुख्यमंत्री अजितदादा पवार यांच्यासह पक्षाचे वरिष्ठ नेते मार्गदर्शन करणार आहेत. ही सभा रद्द झाल्याबाबत माध्यमांवर येणाऱ्या बातम्या पूर्णपणे चुकीच्या असून माध्यम प्रतिनिधींनी कृपया खात्री केल्याशिवाय सभेबद्दल अशा चुकीच्या व निराधार बातम्या देऊ नयेत,...

  उपजिल्हा रुग्णालय प्रांगणातील जुने झाड उन्मळून  पडले ! परळी वैजनाथ, प्रतिनिधी.....         परळीच्या उपजिल्हा रुग्णालय व जिल्हा परिषद शाळेच्या प्रांगणात असलेले जुने एक झाड आज दुपारी तीन वाजण्याच्या सुमारास उन्मळून पडल्याची घटना घडली. या ठिकाणी नेहमीच वर्दळ असते. गाड्याही पार्क केलेल्या असतात. दरम्यान हे झाड उन्मळून पडले परंतु सुदैवाने कोणती हानी झाली नाही.          परळी उपजिल्हा रुग्णालयाच्या प्रांगणात असलेले एक जुने झाड आज अचानकच उन्मळून पडले आहे. सकाळपासून रिमझिम पाऊस सुरू असून या भीज पावसामुळे जमीन ओलसर झालेली आहे. गेल्या काही दिवसांपूर्वी या ठिकाणी खोदकाम करण्यात आले होते. त्यामुळे बहुदा या झाडाच्या मुळ्या ढील्ल्या झाल्या असण्याची शक्यता असुन आज दुपारी तीन वाजण्याच्या सुमारास हे झाड उन्मळून पडले आहे. उपजिल्हा रुग्णालय कर्मचारी वसाहत, जिल्हा परिषद मुलांची शाळा व उपजिल्हा रुग्णालय प्रांगणात नेहमीच नागरिकांची ये -जा असते . या ठिकाणी वाहने पार्क केली जातात. हे झाडून उन्मळून एका गाडीवर पडले. सुदैवाने...

  आई-वडिल हेच आमचे 'विद्यापीठ ' आणि 'साथी' !          आ म्ही आज जे काही आहोत आणि यापुढे जे काही असणार आहोत याचे सर्व श्रेय हे आमच्या आई-वडिलांना जाते. एक प्रकारे आमच्या परिवारासाठी आमचे आई-वडील हेच 'विद्यापीठ' असून दैनिक मराठवाडा साथीच्या माध्यमातून झालेली जडणघडण, सामाजिक, राजकीय, शैक्षणिक, धार्मिक, बँकिंग क्षेत्रात आम्ही करत असलेले काम या सर्वांच्या मुळाशी खरेखुरे 'साथी" असलेले आमचे आई-वडील हेच आमच्या जडणघडणीचे खरे शिल्पकार ठरतात.आमचे पिताश्री मोहनलालजी बियाणी यांची आज जयंती.त्यानिमित्ताने त्यांच्या संस्कार व विचारावरच ही वाटचाल पुढे अविरत सुरु ठेवण्याचा पुन्हा एकदा संकल्प आहे.        शिका, शिक्षणाचा उपयोग लोककल्याणासाठी करा,सामाजिक दायित्व निभवा, माणुसकीच्या भावनेतून माणसं जोडा,जे जे उदात्त व उन्नत ते स्विकारा, सत्यमार्गावर चालताना संघर्ष आला तर डगमगून जावू नका धैर्याने वाटचाल करा असा मंत्र आमचे वडील मोहनलाल बियाणी (काकाजी )यांनी सदैव दिला.यामुळेच मी चंदुलाल ,माझे भाऊ सतीश ,जगदीश बियाणी  व छाया बियाणी -...

  राजस्थानीज् पोदार लर्न स्कूल व स्वामी रामानंद तीर्थ रुग्णालय यांच्या विद्यमाने स्व. मोहनलाल बियाणी यांच्या जयंती निमित्ताने भव्य रक्तदान शिबीर .परळी / प्रतिनिधी राजस्थानीज् पोदार लर्न स्कूल व स्वामी रामानंद तीर्थ रुग्णालय, अंबाजोगाई यांच्या संयुक्त विद्यमाने स्वातंत्र्याचा अमृत महोत्सव आणि दै. मराठवाडा साथीचे मुख्यसंपादक स्व. मोहनलालजी बियाणी यांच्या जयंती निमित्ताने भव्य रक्तदान शिबिराचे दि.19ऑगस्ट शनिवार रोजी आयोजन करण्यात आले आहे. तरी सर्वांना या रक्तदान शिबिरामध्ये उत्स्फूर्तपणे सहभागी होऊन देशसेवा व मानवसेवा करण्याची संधी उपलब्ध आहे. परळीत विशेषतः चंदुलाल बियाणी यांच्या संकल्पनेतून गेली चार वर्षांपासून दर तीन महिन्यात एकवेळ हे महारक्तदान शिबीर आयोजित करण्यात येत आहे. स्वातंत्र्याचा अमृत महोत्सवा निमित्ताने दि.19ऑगस्ट शनिवार रोजी राजस्थानीज पोदार लर्न स्कूल परळी गंगाखेड रोड येथे सकाळी 10 ते दुपारी 2 वाजेपर्यंत भव्य रक्तदान शिबीर आयोजित करण्यात आले आहे. रक्तदान म्हणजे सर्वोच्च दान,त्यामुळे जास्तीत जास्त रक्तदात्यांनी रक्तदान करून, आपली सामाजिक बांधिलकी जपवणूक करावी,असे आवाहन...

  मोहनलाल बियाणी यांच्या जयंती निमित्त विविध उपक्रमांचे आयोजन- चंदुलाल बियाणी परळी वै. ता. १६ प्रतिनिधी        मराठवाडा साथीचे मुख्य संपादक मोहनलालजी बियाणी यांच्या जयंती निमित्त शनिवारी (ता.१९) परळीत विविध कार्यक्रम व उपक्रमांचे आयोजन करण्यात आले आहे अशी माहिती संयोजक चंदुलाल बियाणी यांनी केले आहे.       मोहनलालजी बियाणी यांच्या जिवनचरित्रावर ह.भ.प.भरत महाराज जोगी यांच्या वाणीतुन व्याख्यान होणार आहे. कन्हैया वारकरी शिक्षण संस्थेतील विद्यार्थांना शालेय साहित्याचे वाटप, पोद्दार लर्न स्कुल मध्ये एक दिवसासाठी स्विमींग पुल मध्ये पोहचण्याची सोय, मृदंग स्पर्धा, गायन स्पर्धा, उत्कृष्ट बाल किर्तन पुरस्कार, सुंदर हस्ताक्षर स्पर्धा, शालेय साहित्य वाटप व त्यांच्यासाठी भोजनाची सोय करण्यात आली आहे. या सर्व उपक्रमांचे आयोजन अखिल भारतीय वारकरी मंडळाचे ह.भ.प. रामेश्वर महाराज कोकाटे यांच्या संकल्पनेतून करण्यात आले आहे. .............. ..........

  राज्यातील हजारो तरुण - तरुणींना मिळणार नोकरी मराठवाडा साथी व राधा - मोहन साथी प्रतिष्ठानच्या वतीने आयोजन; विविध क्षेत्रातील नामवंत कंपन्यांचा सहभाग छत्रपती संभाजी नगर (प्रतिनिधी) राज्यभरातील लाखो सुशिक्षित तरुण नोकरीच्या प्रतीक्षेत असल्याचे आपण पाहत आहोत. वेगेवगल्या क्षेत्रात उच्च शिक्षण घेऊनही नोकरी लागत नाही. परंतु आता अशा तरुण वर्गासाठी नोकरीची मोठी सुवर्णसंधी चालून आली आहे. दैनिक मराठवाडा साथी आणि राधा - मोहन साथी प्रतिष्ठानकडून दैनिक मराठवाडा साथीचे संस्थापक संपादक स्व.मोहनलालजी बियाणी यांच्या जयंती निमित्त भव्य नोकरी महोत्सवाचे आयोजन करण्यात आले आहे. याच महिन्यातील दि.24 सप्टेंबर रोजी छत्रपती संभाजी नगर (औरंगाबाद), दि.25 सप्टेंबर रोजी लातूर तर दि.26 सप्टेंबर रोजी नांदेड अशा मराठवाड्यातील प्रमुख शहरांत हा नोकरी महोत्सव जीआरबी सोल्युशन्स पुणे या कंपनीच्या सहकार्यातून आयोजित करण्यात आला आहे. पुणे, मुंबई, नगर, नाशिक, संभाजी नगर आदी ठिकाणच्या नामवंत कंपन्यांचा यात सहभाग असणार आहे. या नोकरी महोत्सवामुळे राज्यभरातील हजारो सुशिक्षित तरुणांना नोकरी मिळणार असल्याचा विश्वास मराठवाडा...

  कोट्यावधींची शिष्यवृत्ती व लाखोंच्या बक्षिसांचा वर्षाव करणाऱ्या; बंसल क्लासेसच्या बहुचर्चित बूस्ट परीक्षेची घोषणा पत्रमहर्षी स्व.मोहनलालजी बियाणी यांची जयंती व बंसल क्लासेसच्या द्वितीय वर्धापनदिनाचे औचित्य    परळी - दैनिक मराठवाडा साथीचे संस्थापक संपादक पत्रमहर्षी स्व.मोहनलालजी बियाणी यांची जयंती व बंसल क्लासेस महाराष्ट्राच्या द्वितीय वर्धापनदिनाचे (ता.१९) औचित्य साधून, बंसल क्लासेसच्या वतीने बूस्ट (बंसल ओपन ऑपॉर्चूनिटी स्कॉलरशिप टेस्ट) या शिष्यवृत्ती परीक्षेच्या तारखांची घोषणा करण्यात आली आहे. कोटा, राजस्थान येथील सुविख्यात बंसल क्लासेस महाराष्ट्रात देखील २ वर्षांपासून यशस्वी निकालांची आपली परंपरा कायम राखत आहेत. सदर शैक्षणिक सेवा अधिक उंचीवर नेण्यासाठी व विद्यार्थ्यांना समान संधी उपलब्ध करून देण्याच्या दृष्टीने इयत्ता दहावीतील विद्यार्थ्यांसाठी बूस्ट या शिष्यवृत्ती परीक्षेचे आयोजन करण्यात आले आहे. येत्या २२ ऑक्टोबर, ५ नोव्हेंबर आणि १७ डिसेंबर अशा तीन टप्प्यात महाराष्ट्रातील सर्व जिल्ह्यात सदर परीक्षा घेण्यात येणार आहे. बूस्ट परीक्षेच्या माध्यमातून इयत्ता दहावीतील विद्...

  अल्पवयीन मुलीला फुस लावून पळवणारे परजिल्ह्यातील दोघेजण पकडले    गेवराई,एमबी न्यूज वृत्तसेवा...  अल्पवहिन मुलीस पळवणारे पर जिल्ह्यातील दोघेजण तात्काळ जेरबंद  करण्यात आले आहेत.      सध्या होत असलेला बेसुमार सोशल मीडियाचा वापर व त्यामुळे होणारे दुष्परिणाम सध्या समाजातील सर्वच घटकांना अनुभवास मिळत आहेत. सोशल मीडिया गैर वापरा मुळे लहाना पासून  मोठ्यापर्यंत सर्वजण अडचणीत येत असल्याचे आपणास ऐकावयास व पाहावयास मिळत आहे. सोशल मीडियाच्या गैरवापरामुळे अल्पवयीन मुलांवर मोठ्या प्रमाणावर गुन्हेगारीचे सावट ओढवल्याचे  पावयास मिळत आहे अशाच प्रकारची घटना काल उमापूर येथे एका अल्पवयीन मुलीच्या बाबतीत घडली असून सदर पीडित अल्पवयीन मुलीस सोशल मीडियाच्या माध्यमातून जाळ्यात ओढून तिला वेगवेगळ्या प्रकारचे अमिष दाखवून फुस  लावून जबरदस्तीने पळून नेण्याचा प्रयत्न झाला होता परंतु सदर पीडित मुलीच्या ओरडण्यामुळे व उमापुरातील जागरूक नागरिकांमुळे सदरचा प्रकार आणून पाडण्यास पोलिसांना यश आले असून पोलिसांना सदर सदर घटनेबाबत माहिती मिळताच पोलीस ठाण्याचे प्रभारी ...

  चंद्रपूरचे मुख्य दिवाणी न्यायाधीश प्रशांत कुलकर्णी यांचा परळीत लावण्याई पब्लिक स्कूल तर्फे सत्कार   .............. परळी वैजनाथ दि  18  ( प्रतिनिधी) अंबाजोगाई येथील भूमिपुत्र तथा चंद्रपूरचे दिवाणी न्यायाधीश प्रशांत प्रभाकरराव कुलकर्णी यांनी परळी शहरातील बारा ज्योतिर्लिंगापैकी एक महत्त्वाचे समजल्या जाणाऱ्या प्रभू वैद्यनाथाचे श्रावण महिन्याच्या शुभारंभाचे औचित्य साधून दर्शन घेतले. तसेच परळीतील लावण्याई पब्लिक स्कूलला भेट देऊन विद्यार्थ्यांशी संवाद साधला. शाळेचे अध्यक्ष पत्रकार अनंत कुलकर्णी यांनी प्रशांत कुलकर्णी यांचा यथोचित सत्कार केला. परळी येथील वैद्यनाथ प्रभूंचे दर्शन घेतल्यानंतर परळीचे माजी नगराध्यक्ष तथा युवा सामाजिक कार्यकर्ते बाजीराव भैया धर्माधिकारी यांनीही त्यांचा सत्कार केला. लावण्यई पब्लिक स्कूल मध्ये चिमुकल्या मुलांनी त्यांचे स्वागत करून ते न्यायाधीश कसे झाले हे जाणून घेतले. विद्यार्थ्यांना मार्गदर्शन करताना न्यायाधीश प्रशांत कुलकर्णी म्हणाले," विद्यार्थ्यांनी आपल्या आवडीनिवडी छंद जोपासून अभ्यास केला पाहिजे. सांस्कृतिक कार्यक्रम, वक्तृत्व स्पर्धा, वादविव...

 प्रा.एच.पी.गित्ते यांनी समाजसेवेची दिलेली शिदोरी गित्ते परिवाराने जतन केली  -हभप केशव महाराज उखळीकर परळी वैजनाथ (प्रतिनिधी)वै प्रा एच पी गित्ते सर यांच्या १२व्या पुण्यस्मरणा निमित्त आयोजित सन्मान कर्तृत्वाचा विशेष कार्य गौरव पुरस्कार २०२३ विविध मान्यवरांच्या उपस्थितीत संपन्न झाला. भागवताचार्य जोग शिक्षण संस्था आळंदी मा.  अध्यक्ष केशव महाराज उखळीकर यांच्या शुभहस्ते आणि परळी वैजनाथ मार्केट कमिटी मा सभापती बंकटराव कांदे यांच्या अध्यक्षतेखाली सोहळा संपन्न झाला. भाजपा राष्ट्रीय सचिव पंकजा  मुंडे आणि बीड जिल्ह्याच्या खासदार डॉ प्रितम मुंडे या काही अपरिहार्य कारणास्तव कार्यक्रमासाठी उपस्थित राहु शकल्या नाहीत त्यांनी दुरध्वनी द्वारे सन्मान प्राप्त सन्मानार्थी यांचे अभिनंदन करून पुढील कार्यासाठी शुभेच्छा दिल्या आणि वै प्रा एच पी गित्ते सर यांना त्यांच्या पुण्यस्मरणा निमित्त आदरांजली अर्पण केली. हरिसुख प्रतिष्ठान चे अध्यक्ष राजेश गित्ते आपल्या वडीलांच्या पुण्यस्मरणात जो समाजोपयोगी उपक्रम राबवतात त्या बद्दल त्यांचे कौतुक केले आणि भविष्यात ही गित्ते परिवाराच्या हातुन समाजसेवेचा...

  परळीचे भूमिपुत्र मुख्य दिवाणी न्यायाधीश प्रशांत कुलकर्णी यांनी घेतलं वैद्यनाथ दर्शन परळी वैजनाथ, प्रतिनिधी.....      परळीचे भूमिपुत्र चंद्रपुर येथील मुख्य दिवाणी न्यायाधीश प्रशांत कुलकर्णी यांनी आज पंचम ज्योतिर्लिंग वैद्यनाथ दर्शन घेतले.           परळीचे भूमिपुत्र सध्या चंद्रपूर येथे मुख्य दिवाणी न्यायाधीश म्हणून कार्यरत असणारे  श्री.प्रशांत प्रभाकरराव कुलकर्णी हे आज पवित्र श्रावण महिन्याच्या पार्श्वभूमीवर ज्योतिर्लिंग प्रभु वैद्यनाथ मंदिर येथे दर्शनासाठी आले. यावेळी परळीचे माजी नगराध्यक्ष तथा राष्ट्रवादी काँग्रेसचे शहराध्यक्ष बाजीराव भैय्या धर्माधिकारी यांनी त्यांचा हृदय सत्कार केला.                        

अंबाजोगाई बसस्थानका समोर पादचार्‍याने मारली उडी बसचे टायर गेल्याने हाताचा चुराडा अंबाजोगाई - उदगीरहून छत्रपती संभाजीनगर कडे जाणारी उदगीर आगाराची बस बसस्थानकामध्ये जात असताना रस्त्याने चालत असलेल्या पादचार्‍याने एसटी समोर उडी मारली. चालकाच्या प्रसंगाधवनामुळे पादचार्‍याच्या हातावरून टायर गेल्याने हाताचा पुर्ण चुराडा झाला. ही घटना दुपारी दोनच्या सुमारास अंबाजोगाई बसस्थानकासमोर घडली. उदगीर- छत्रपती संभाजीनगर (एम.एच.20.बी.एल.3824) क्रमांकाची बस छत्रपती संभाजीनगरकडे जात होती. अंबाजोगाईच्या बसस्थानकामध्ये वळत असताना धुराजी बालाजी साळवे, रा.अंबाजोगाई (वय 29) याने बससमोर उडी मारली. चालकाच्या लक्षात आल्याने त्याने ब्रेक मारला परंतु डाव्या बाजूचे टायर त्याच्या हातावरून गेल्यामुळे हाताचा तुकडा पडला. चालकाच्या प्रसंगधावनामुळे त्याच्या अंगावरून गाडी जाण्याची वाचविली. या घटनेची माहिती मिळाल्यानंतर अंबाजोगाई आगाराच्या वतीने व शहर पोलिसांच्या वतीने पंचनामा करून जखमीला स्वामी रामानंद तीर्थ रूग्णालयात उपचारासाठी दाखल करण्यात आले आहे. या प्रकरणी पोलिसांत गुन्हा दाखल करण्याची प्रक्रिया सुरू होती.

  शरद पवारांच्या बीड मधील सभेनंतरही धनंजय मुंडेंकडे मात्र इनकमिंग! परळीचे माजी नगराध्यक्ष सुनील नाना फड यांचा अजितदादा, सुनील तटकरे, धनंजय मुंडे यांच्या उपस्थितीत राष्ट्रवादी काँग्रेस मध्ये प्रवेश मुंबई (दि. 17) - आज एकीकडे बीड शहरामध्ये धनंजय मुंडे यांना टारगेट करत शरद पवारांची जाहीर सभा संपन्न झाली मात्र अजितदादा पवार व धनंजय मुंडे यांच्या नेतृत्वात राष्ट्रवादी काँग्रेस पक्षात कार्यकर्त्यांची इनकमिंग  सुरूच आहे. आज परळीचे माजी नगराध्यक्ष सुनील नाना फड यांनी उपमुख्यमंत्री तथा राष्ट्रवादी काँग्रेसचे अध्यक्ष अजितदादा पवार, प्रांताध्यक्ष खा. सुनील तटकरे, कृषी मंत्री धनंजय मुंडे, ज्येष्ठ नेते वाल्मिक अण्णा कराड यांच्या उपस्थितीत मुंबई येथे राष्ट्रवादी काँग्रेस पक्षात जाहीर प्रवेश केला.           दरम्यान सुनील नाना फड यांचे अजितदादा पवार यांच्या सह प्रदेशाध्यक्ष सुनील तटकरे, कृषीमंत्री धनंजय मुंडे यांनी पक्षात स्वागत केले आहे.

  शेतकर्‍याचा अल्पवयीन मुलाकडूनच खून अंबाजोगाई तालुक्यातील पुस येथील शिवारात बुधवारी मध्यरात्री घडलेली घटना घटनेच्या पाच तासातच बर्दापुर पोलिसांनी लावला प्रकरणाचा छडा अंबाजोगाई (प्रतिनिधी) - आई वर नेहमी चारित्र्याचा संशय घेत असलेल्या बापाचाच काटा काढण्याचा बेत ठरवलेल्या 17 वर्षीय अल्पवयीन मुलानेच बापाच्या डोक्यात कुर्‍हाडीने सपा-सप वार करून त्याचा खून केला. ही घटना अंबाजोगाई तालुक्यातील पुस गावा लगत असलेल्या शेतामध्ये बुधवारी रात्री 1.30 वाजता घडली. साहेब जानुखाँ पठाण (वय 42) असे या शेतकर्‍याचे नाव आहे.  अंबाजोगाई तालुक्यातील पुस येथील शमिमबी साहेब पठाण (वय 39) यांच्या फिर्यादीवरून बर्दापुर पोलिसात गुन्हा दाखल झाला आहे. या घटनेची अधिक माहिती अशी की, फिर्यादी पत्नी वर पती साहेब पठाण हे नेहमी चारित्र्यावर संशय घेत होते. त्याला दारू पिण्याचे व्यसन असल्यामुळे दारू पिवून दररोज पत्नीला व मुला-बाळांवर संशय घेत त्याचं चारित्र हणन करीत होते. दि.16 ऑगस्ट रोजी संध्याकाळी 7 च्या सुमारास मी घरी असताना मोठा मुलगा साहिल याने वडीलांना फोन करून जेवणासाठी विचारले असता त्याने शेतात डब्बा घेवून...

  परळी वैजनाथ रेल्वे स्थानकाचा कायापालट करून उच्च दर्जाच्या अधिकाधिक रेलसेवा देऊ - भरतेश कुमार जैन             परळी वैजनाथ  दी .  {प्रतिनिधी}.....    मध्य रेल्वे झोन अंतर्गत सिकंदराबाद चे विभागीय रेल्वे व्यवस्थापक (डिव्हिजनल रेल्वे मॅनेजर - डीआरएम) भरतेश कुमार जैन हे गुरुवारी सकाळी परळी वैजनाथ रेल्वे स्थानकावर विशेष निरिक्षण दौर्यानिमित्त आले होते. "परळी रेल्वे संघर्ष समितीच्या शिष्टमंडळाने त्यांची  सदिच्छा भेट घेऊन त्यांना आपल्या काही विविध प्रलंबित मागण्यांचे निवेदन सादर केले. त्या मागण्या बाबतीत त्यांना चर्चेद्वारे योग्य ती जाणीव करून दिली. त्यास त्यांनी सकारात्मक प्रतिसाद दिला. त्या वेळी बोलताना डीआरएम श्री जैन यांनी परळी वैजनाथ रेल्वे स्थानकाचा कायापालट करून येथे प्रवाशांना अद्ययावत आणि उच्च दर्जाच्या रेल्वे सेवा देण्याचे निःसंदिग्ध आश्वासन या शिष्टमंडळास दिले. रेल्वे संघर्ष समितीचे अध्यक्ष श्री चंदुलाल बियाणी आणि त्यांच्या सहकाऱ्यांनी दिलेल्या निवेदनात खालील प्रमुख मागण्यांचा समावेश होता.  नांदेड - पनवेल, न...

  परळीत पत्रकार संरक्षण कायद्याची होळी पत्रकारावर हल्ले होऊन जर गुन्हे दाखल होत नसतील तर त्या कायद्याचा काय उपयोग? पत्रकारांच्या संतप्त प्रतिक्रिया परळी (प्रतिनिधी):-पत्रकारांवरील वाढते हल्ले आणि पत्रकार हल्ला विरोधी कायद्यांची अंमलबजावणी करण्यात होत असलेली कुचराई याच्या निषेधार्थ परळी येथे सर्व पत्रकार संघटना, संपादक यांनी एकत्र येत पत्रकार संरक्षण कायद्याच्या शासन आदेशाची होळी राणी लक्ष्मीबाई टावर येथे केली. दि 17 ऑगस्ट 2023 रोजी सकाळी 11 वा. परळी शहर व तालुक्यातील संपादक व पत्रकार बांधवांनी या आंदोलनात मोठ्या संख्येने सहभाग नोंदवला होता.          पाचोरा येथील आमदार किशोर पाटील यांनी एका पत्रकारास अर्वाच्च शिविगाळ केल्यानंतर आणि चार गुंडांनी पत्रकारावर हल्ला केल्यानंतरही या प्रकरणात पत्रकार संरक्षण कायद्याचे कलम लावले गेले नाही. राज्यातही जेथे जेथे पत्रकारांवरील हल्ल्याच्या घटना घडतात तेथे तेथे पत्रकार संरक्षण कायद्याचे कलम लावण्यास पोलीस टाळाटाळ करत आहेत. 2019 मध्ये कायदा अस्तित्वात आल्यानंतर जवळपास दोनशे  पत्रकारांवर हल्ले झाले. त्यांना शिविगाळ क...

  आदर्श शिक्षिका श्रीमती मिरा शिवदास तपसे (शिनगारे) यांच्या नावे गुणवंत विद्यार्थ्यांना "मिराई स्कॉलरशिपचे" वितरण •••••••••••••••••••••••••••• मिराई प्रतिष्ठान चंदनसावरगावच्या वतीने शरद तपसे , गोविंद तपसे , महेश तपसे या भावांनी बहिणीच्या नावे सुरु केली शिष्यवृत्ती योजना  ------------------------------------- केज / प्रतिनिधी  चंदनसावरगाव येथे दि.15 ऑगस्ट  भारतीय स्वातंत्र्य दिन व मराठवाडा मुक्ती संग्राम अमृतमहोत्सवी वर्ष  म्हणून सर्वत्र  साजरा होत असतानाच याच दिवसाचे औचित्य साधून मौजे चंदनसावरगाव येथे आपली मोठी बहीण आदर्श शिक्षिका श्रीमती मिरा शिवदास तपसे (शिनगारे) सम्राट (अशोक माध्यमिक विद्यालय गोटेगाव) यांच्या नावे मा.शरद तपसे, गोविंद तपसे, महेश तपसे या भावंडांनी  मौजे चंदनसावरगाव येथे "मिराई प्रतिष्ठाणची" स्थापन करुन  भविष्यात शैक्षणिक , सामाजिक , आरोग्य इत्यादी समाजहितासाठी उपयुक्त असणारे  उपक्रम राबविण्याचा संकल्प करून आपल्या मोठ्या बहिणीच्या सामाजिक  कार्याची संकल्पना हाती घेतली असुन भावांनी बहिणीच्या नावे सुरु केलेल्या कार्याचे कौत...

  खा.शरदचंद्र पवारांच्या स्वाभिमान सभेला मोठ्या संख्येने उपस्थित रहा - अॅड. जिवनराव देशमुख परळी वैजनाथ (प्रतिनिधी) :- राष्ट्रवादी काँग्रेस मधील मोठा गट शिंदे - फडणवीस सरकारमध्ये सामील झाल्यानंतर राष्ट्रवादी काँग्रेस पार्टीचे सर्वेसर्वा शरद पवार साहेब हे महाराष्ट्र मध्ये ठीक ठिकाणी सभा घेत आहेत. बीड शहरामध्ये गुरुवार दिनांक १७ ऑगस्ट रोजी शरद पवार  यांचे हात बळकट करण्यासाठी स्वाभिमान सभेला सुजाण नागरिकांनी मोठ्या संख्येने उपस्थित राहावे असे आवाहन राष्ट्रवादी काँग्रेसचे शहराध्यक्ष अॅड. जिवनराव देशमुख यांनी केले आहे. बीड जिल्ह्यातील प्रत्येक तालुक्यात तसेच ग्रामीण भागात आदरणीय साहेबांच्या स्वाभिमानी सभे बाबत उत्साह आहे. युवक, विद्यार्थी, महिला आणि ज्येष्ठ नागरिक असे सर्वच आदरणीय साहेबांचे विचार ऐकण्यासाठी उत्सुक असल्याचे दिसून येते. सध्या महाराष्ट्राच्या राजकारणातील परिस्थिती पाहता महाराष्ट्राचे नेतृत्व फक्त शरद पवार साहेबांनीच करावे अशी भावना जनमानसाची आहे. या स्वाभिमान सभेचे आयोजन बीड येथे राष्ट्रवादी काँग्रेस पार्टीचे बीड जिल्ह्याचे लोकप्रिय अध्यक्ष तथा विधानसभा सदस्य संदीप भ...

राष्ट्रचेतना अभियानाची स्वातंत्र्यदिनी मुंबईत सांगता जात-धर्मात गुंतवून लोकशाही पोखरण्याचा डाव उधळून लावा - नरेंद्र वाबळे यांचे भारताच्या नागरिकांना आवाहन मुंबई (प्रतिनिधी) : जात - धर्माच्या अस्मिता बळकट करून लोकशाही पोखरण्याचे कारस्थान कांही धर्मांध शक्तींकडून सुरू आहे. अशा शक्तीच राष्ट्रध्वज, राष्ट्रगीत आणि स्वातंत्र्याबद्दल नकारात्मक विचार समाजात पेरत आहेत. आंम्ही भारताचे लोक म्हणून घेणा-या लोकशाही प्रेमी नागरिकांनी एकत्रित येऊन हे कारस्थान उधळून लावावे असे आवाहन, मुंबई मराठी पत्रकार संघाचे अध्यक्ष नरेंद्र वि. वाबळे यांनी केले. संविधान समता दिंडी आयोजित राष्ट्रचेतना अभियानाच्या सांगता सोहळ्यात अध्यक्ष पदावरून ते बोलत होते. आपलं संविधान इतकं मजबूत आहे की इथली लोकशाही संपवण्याचे प्रयत्न कधीही यशस्वी होऊ शकणार नाहीत. आपण सगळे मिळून या संविधानाचे रक्षण करुन या देशात खऱ्या अर्थाने लोकशाही बळकट  करु, असा विश्वास त्यांनी व्यक्त केला. देशात जे काही चालू आहे त्याचे मूळ जात-धर्म हेच आहे असे आग्रही प्रतिपादन करून वाबळे पुढे म्हणाले की, जात ही समूळ गेली पाहिजे आणि त्यासाठी सत्यशोधक समाजाचे...

 आ.अभिमन्यू पवार यांनी घेतलं पंचम ज्योतिर्लिंग वैद्यनाथ दर्शन  परळी वैजनाथ, प्रतिनिधी.... औसा मतदारसंघाचे आमदार अभिमन्यू पवार यांनी पंचम ज्योतिर्लिंग प्रभू वैद्यनाथाचे दर्शन घेतले.      बारा ज्योतिर्लिंगापैकी पाचव ज्योतिर्लिंग असलेल्या पंचम ज्योतिर्लिंग वैजनाथच्या दर्शनासाठी औसा मतदारसंघाचे आमदार अभिमन्यू पवार हे सहकुटुंब आले होते. त्यांनी परळीत येऊन सहकुटुंब प्रभू वैद्यनाथाचे पूजन करून दर्शन घेतले.

  स्वातंत्र्य दिनानिमित्त भारतमाता  पुजन आणि  देशभक्तीगीत कार्यक्रम उत्साहात  परळी, (प्रतिनिधी) :- मागील अनेक वर्षांची परंपरा कायम राखत परळीत यंदाही  विक्रम चहाकडून स्वातंत्र्य दिनानिमित्त राणी लक्ष्मीबाई चौकात दि १५ आॅगस्ट रोजी सकाळी सात वाजता भारतमातेच्या प्रतिमेचे पुजन राजस्थानी पत संस्था चे अध्यक्ष श्री चंदुलालजी बियाणी यांच्या हस्ते करून, परळीतील स्त्री आणि पुरुष आवाजाची आशीर्वाद प्राप्त झालेला परळीतील युवक श्रावण आदोडे साक्षात   गाणकोकिळा लता मंगेशकर यांच्या वेषभुषेत         *गीतों में गुंजे आजादी का जश्न*  देशभक्ती गीत सादर केले             दरवर्षी स्वातंत्र्य दिन राणी लक्ष्मीबाई चौकात जिलेबी वाटून साजरा केला जातो . कार्यक्रम यशस्वी करण्यासाठी गोपाळ कंकाळ, विरभद्र जवादे,उमेश म्हैतरजकर,मित्र परिवार आणि समाज बांधवांनी सहकार्य केले त्याबद्दल विक्रम चहाचे वितरक संजय सेवलकर यांनी सर्वांचे आभार मानले.