माझी बातमी MB NEWS

  गेवराईच्या पूर्व तपासणी शिबिरास दिव्यांगांचा उत्स्फूर्त प्रतिसाद खा.प्रितमताई मुंडे यांनी भेट देऊन दिव्यांगांशी साधला संवाद गेवराई । दि. २६ । सामाजिक न्याय विभाग आणि गोपीनाथ मुंडे प्रतिष्ठानच्या संयुक्त विद्यमाने राबविण्यात येत असलेल्या दिव्यांग पूर्व तपासणी शिबिराला काल दिव्यांगांनी उत्स्फूर्त प्रतिसाद दिला. केंद्र सरकारच्या एडीप योजनेअंतर्गत सुरू असलेल्या उपक्रमातून जिल्ह्यातील गरजू आणि पात्र दिव्यांगांना मोफत सहाय्यक साधने उपलब्ध करून दिली जाणार आहेत. या अनुषंगाने काल गेवराई उपजिल्हा रुग्णालयात पूर्व तपासणी शिबीर संपन्न झाले. जिल्ह्याच्या खासदार डॉ.प्रितमताई मुंडे यांच्या संकल्पनेतून आणि केंद्र सरकार व गोपीनाथ मुंडे प्रतिष्ठानच्या माध्यमातून सुरू असलेल्या शिबिराचे काल गेवराईत खा. मुंडे यांनी उदघाटन केले, विधानसभेचे सदस्य आ. लक्ष्मण पवार यांच्यासह पदाधिकारी,कार्यकर्ते आणि प्रतिष्ठानचे स्वयंसेवक यावेळी उपस्थित होते. याप्रसंगी बोलताना खा. प्रितमताई मुंडे म्हणाल्या की ‘ प्रतिष्ठानच्या माध्यमातून आम्ही सातत्याने लोकोपयोगी सामाजिक उपक्रम राबवित असतो. कोरोनाच्या कठीण काळात आम्ही रुग्णा

  यंत्रसामुग्रीच्या वापराचा सल्ला देत उत्पन्नवृद्धीसाठी शेतकऱ्यांना मुख्यमंत्र्यांकडून शुभेच्छा औरंगाबाद दि.२६ (जिमाका) :मुख्यमंत्री एकनाथ शिंदे यांचा राज्यातील शेती आणि शेतकरी हा जिव्हाळ्याचा विषय आहे, याचा प्रत्यय आज कन्नड येथील कार्यक्रमात उपस्थितांना आला. लाभार्थ्यांसाठी ट्रॅक्टर आणि कम्बाईंड हार्वेस्टर वाटपाच्या वेळी शेतकऱ्यांना चाव्या सुपुर्द करताना मुख्यमंत्री श्री. शिंदे यांनी ट्रॅक्टर आणि कम्बाईड हार्वेस्टर स्वतः चालवून पाहिले… शेती आणि संबंधित उद्योगांमध्ये या यंत्रसामुग्रीचा वापर करून उत्पन्नवृद्धीसाठी  संबंधित शेतकऱ्यांना त्यांनी शुभेच्छाही दिल्या.             आज कन्नड येथील ‘शासन आपल्या दारी’ कार्यक्रमात पीक काढणीसाठी वापरण्यात आलेल्या हार्वेस्टरची  माहिती घेत मुख्यमंत्री श्री. शिंदे यांनी जवळपास 500 मीटरपर्यंत ट्रॅक्टर आणि हार्वेस्टर चालवले. हा क्षण लाभार्थ्यांसाठी खऱ्या अर्थाने सुखद ठरला. त्यानंतर संबंधित शेतकऱ्यांना ट्रॅक्टरच्या चाव्या सुर्पुद केल्या. यावेळी ट्रॅक्टर 250, हार्वेस्टर  10, शेती अवजारे, नांगर, रोटावेटर, पेरणी यंत्र 35 तसेच यावेळी मालवाहतुकीसाठी 10 वाहने

 व्ही.आय.पी. शासकीय विश्रामगृहाच्या इमारतीचे उपमुख्यमंत्री देवेंद्र फडणवीस यांच्या हस्ते भूमिपूजन           अहमदनगर, दि.26: (जिमाका वृत्तसेवा) -  व्ही.आय.पी. शासकीय विश्रामगृहाच्या इमारतीचे  भूमिपूजन उपमुख्यमंत्री देवेंद्र फडणवीस यांच्या हस्ते करण्यात आले.             यावेळी महसूलमंत्री तथा जिल्ह्याचे पालकमंत्री राधाकृष्ण विखे पाटील, खासदार सुजय विखे-पाटील, आमदार बबनराव पाचपुते, आमदार प्रा.राम शिंदे, आमदार मोनिकाताई राजळे, जिल्हा मध्यवर्ती बँकेचे अध्यक्ष शिवाजी कर्डीले, आदी उपस्थित होते.

  पुण्यश्लोक अहिल्यादेवी होळकर स्त्री शक्ती समाधान शिबिरात  आज ११२ तक्रारींचे निराकरण         मुंबई,दि. २६ : पुण्यश्लोक अहिल्यादेवी होळकर स्त्री शक्ती समाधान शिबिर (शासन आपल्या दारी) कार्यक्रमात खार (पश्चिम) एच पश्चिम वॉर्ड  येथे आज ६३५ तक्रारी प्राप्त झाल्या असून त्यापैकी ११२ तक्रारींचे निराकरण  करण्यात आले आहे. उर्वरित तक्रारी देखील वेळेत निराकरण करून समस्या प्राधान्याने सोडविण्याचे आदेश महिला व बालविकास मंत्री मंगलप्रभात लोढा यांनी दिले. यावेळी स्थानिक लोकप्रतिनिधी व अधिकारी या कार्यक्रमाला  उपस्थित होते.          यावेळी महिलांची वैद्यकीय तपासणी करण्यात आली तसेच बँका आणि महिला आर्थिक विकास महामंडळ आणि विविध विभागांचे  स्टॉल लावण्यात आले होते. या स्टॉलमध्ये शासनाच्या विविध विभागांकडून महिलांकरिता राबविण्यात येणाऱ्या योजनांची माहिती  महिलांना देण्यात आली.               हा उपक्रम  ३१ मे २०२३ पर्यंत   दुपारी ३ ते 5.30 वाजेपर्यंत सुरू राहणार आहे. या उपक्रमात महिलांना तक्रारीसाठी प्रत्येक वॉर्डमध्ये ऑनलाईन अर्जही  करता येणार आहे. अधिक माहितीसाठी व अर्ज भरण्यासाठी https://forms.gle/7GzCS

  अंध, दिव्यांग तसेच  बचतगटाच्या महिलांना योजनांचा आधार मुख्यमंत्री एकनाथ शिंदे यांचा लाभार्थ्यांशी थेट संवाद                       औरंगाबाद, दि. 26 (जिमाका) : अंध, दिव्यांग यांना मदतीच्या साधनांच्या वाटपासाठी स्वतः व्यासपिठावरून खाली येत दिव्यांग बांधवांची मोठया आस्थेने मुख्यमंत्री श्री. एकनाथ शिंदे यांनी केलेली विचारपूस, दिव्यांगांना विविध उपयोगी साहित्याचे केलेले वाटप, बचतगटाच्या महिलांच्या कौटुंबिक अर्थव्यवस्थेला विविध योजनांच्या लाभामुळे हातभार मिळाला आहे.  मुख्यमंत्री श्री. शिंदे यांनी दिलेला मदतीचा हात आम्हाला दिलासा देणारा असल्याच्या भावना लाभार्थी बोलताना व्यक्त करत होते.             ‘शासन आपल्या दारी’ या उपक्रमांतर्गत आज औरंगाबाद जिल्ह्यातील कन्नड येथे   मुख्यमंत्री श्री. शिंदे यांच्या प्रमुख उपस्थितीत या उपक्रमाचा शुभारंभ झाला. या अभियानामुळे शासनाच्या विविध योजनांचा लाभ लाभार्थ्यांना मिळाला. महसूल,  कृषी, अण्णासाहेब पाटील आर्थिक विकास महामंडळ, वन विभाग त्याचबरोबर इतर विभागांच्या विविध योजनांचा थेट लाभ लाभार्थ्यांना देण्यात आला. एकूण दीड लाख लाभार्थ्यांना मुख्यमंत्री श्री. श

  पशुसंवर्धन विभागात ४४६ पदांची भरती- राधाकृष्ण विखे पाटील             मुंबई, दि. २६ : पशुसंवर्धन विभागात विविध ४४६ पदांसाठी भरतीची प्रक्रिया राबविली जातअसल्याची माहिती पशुसंवर्धन मंत्री राधाकृष्ण विखे पाटील यांनी दिली.              लम्पी संसर्गाच्या वेळी पशुसंवर्धन विभागात पदांची कमतरता लक्षात घेता, त्यावेळी पशुसंवर्धन मंत्री श्री. विखे - पाटील यांनी लवकरच आवश्यक त्या पदांची भरती प्रक्रिया राबविण्यात येणार असल्याचे आश्वासन दिले होते. त्यानुसार मंत्री श्री. विखे - पाटील यांनी याबाबत धोरणात्मक निर्णय घेत ही पशुसंवर्धन विभागाची पदभरती जाहीर केली आहे.             स्वातंत्र्याच्या अमृतमहोत्सवी वर्षात मुख्यमंत्री एकनाथ शिंदे  व उपमुख्यमंत्री देवेंद्र फडणवीस यांच्या नेतृत्वाखाली राज्यात मोठ्या प्रमाणावर भरती प्रक्रिया राबविली जात आहे. याच अंतर्गत पशुसंवर्धन विभागाच्या माध्यमातून सरळसेवा कोटयातील रिक्त पदे भरण्यासाठी जाहिरात काढण्यात आली आहे. यामध्ये पशुधन पर्यवेक्षकची ३७६ पदे, वरिष्ठ लिपीकची ४४ पदे, लघुलेखक (उच्चश्रेणी)ची ०२ पदे, लघुलेखक (निम्नश्रेणी) ची १३ पदे, प्रयोगशाळा तंत्रज्ञची ०४ पदे,

  मराठवाडा शिक्षक संघाचा गौरवशाली इतिहास टिकविण्यासाठी पदाधिकाऱ्यांनी दिपस्तंभा सारखे कार्यरत रहावे - पी.एस.घाडगे मराठवाडा शिक्षक संघाचे कार्यकर्ता प्रशिक्षण शिबिर    परळी / वार्ताहर   मराठवाडा शिक्षक संघाला गौरवशाली इतिहास आसून तो पुढे कायम चालू ठेवण्यासाठी व टिकवण्यासाठी शिक्षक संघाच्या नुतन पदाधिकारी व कार्यकर्त्यांनी दिपस्तंभा सारखे सतत कार्यरत रहावे असे प्रतिपादन मराठवाडा शिक्षक संघाचे माजी अध्यक्ष तथा मार्गदर्शक पी.एस.घाडगे यांनी केले.    मराठवाडा शिक्षक संघाचे दोन दिवसीय कार्यकर्ता उदबोधन प्रशिक्षण शिबिर बीड जवळील कपीलधार येथे नुकतेच संपन्न झाले. यावेळी उपस्थित शिक्षक संघाच्या  पदाधिकारी व कार्यकर्त्यांना *मराठवाडा शिक्षक संघाचा इतिहास* या विषयावर मार्गदर्शन करताना घाडगे बोलत होते. यावेळी व्यासपीठावर कार्यकर्ता शिबीराचे उद्घाटक तथा दैनिक प्रजापत्रचे संपादक सुनील क्षीरसागर, संघटनेचे अध्यक्ष सूर्यकांत विश्वासराव, सरचिटणीस राजकुमार कदम आदीजन उपस्थित होते. यावेळी घाडगे यांनी मराठवाडा शिक्षक संघाच्या स्थापनेपासून (२९ जानेवारी १९६७) ते आतापर्यंत संघटनेने केलेल्या विविध कार्याचा व अं

 ‘महाडीबीटी पोर्टलवर प्रमाणित बियाणे वितरण, पीक  प्रात्यक्षिके या घटकासाठी शेतकऱ्यांना अर्ज करण्याचे अवाहन         बीड, दि.27 (जिमाका):- सन 2023-24 मध्ये राष्ट्रीय अन्नसुरक्षा अभियान-अन्नधान्य पिके व गळीतधान्य अंतर्गत खरीप हंगामामध्ये प्रमाणित बियाणे वितरण, पीक प्रात्यक्षिके या बाबीसाठी इच्छुक शेतकऱ्यांचे महा डीबीटी प्रणालीद्वारे अर्ज मागविण्यात येत आहेत. पीक प्रात्यक्षिकेचा लाभ घेण्यासाठी शेतकऱ्यांनी संबंधित कृषी सहाय्यकांशी संपर्क करून नोंदणी करण्यासाठी ‘महाडीबीटी’- शेतकरी योजना पोर्टलवर अर्ज करण्याची प्रक्रिया पूर्ण करावी. राष्ट्रीय अन्नसुरक्षा-अभियान अन्नधान्य पिके व राष्ट्रीय खादयतेल अभियान गळीतधान्य कार्यक्रम खालील नमूद पिकासाठी जिल्ह्यांमध्ये राबविण्यात येत आहे. कडधान्य:- तुर,मुग,उडीद (100 टक्के अनुदान) पौष्टिक तृणधान्य:- खरीप ज्वारी, बाजरी (100 टक्के अनुदान) गळीत धान्य:- सोयाबीन (अनुदान रुपये 45 प्रति किलो बियाणे साठी) प्रमाणित बियाणे वितरण:- एकूण किमतीच्या 50 टक्के मर्यादित अनुदान देय आहे. प्रमाणित बियाणे वितरणासाठी एका शेतकऱ्याला दोन हेक्टर मर्यादेत लाभ देय आहे. शेतकऱ्यांची

  लिट्ल फ्लॉवर कनिष्ठ महाविद्यालयाची यशाची परंपरा कायम!      मॉडर्न एज्युकेशन सोसायटी परळी (वैजनाथ) संचलित लिट्ल फ्लॉवर कनिष्ठ महाविद्यालयाने इयत्ता बारावी बोर्ड परीक्षेच्या निकालाची परंपरा कायम राखली आहे. एकुण महाविद्यालयाचा निकाल 95.32% लागला आहे.विज्ञान शाखा 100%,वाणिज्य शाखा 97.14%,कला शाखा85.18%,व्यावसायिक शाखा 90.90% निकाल लागला आहे.        विज्ञान शाखेतून अनुक्रमे प्रथम जैस्वाल दुर्गेश ओमप्रकाश 79.50% द्वितीय इनामदार फजीलत मुद्दिसर  79.33%,तृतीय देशमुख विरोचन तानाजी 77.50% वाणिज्य शाखेतून अनुक्रमे प्रथम चाटे यशश्री भालचंद्र 90.17%, द्वितीय अष्टेकर सायली सुनील 84.50%, तृतीय काकाणी साक्षी विजय 81.33%,कला शाखेतून अनुक्रमे प्रथम फड साक्षी सिद्धेश्वर 74% द्वितीय सोळवे प्रियंका शनी 72.33% तृतीय शिंदे मेघा विश्वनाथ 61.67% व्यावसायिक शाखेतून अनुक्रमे प्रथम उंबारे किरण कल्याणराव 73.17%,द्वितीय भांड सोमनाथ गौतम 71.33%,तृतीय राठोड समाधान गणेश 70.50% उत्तीर्ण झाले आहेत.      सर्व यशस्वी विद्यार्थ्यांचे संस्था सचिव ,अध्यक्ष,प्राचार्य वीरेंद्र शास्त्री,प्रा.रामेश्वर सारडा,प्रा.साखरे सर,प्रा

  दोन हजार नोटबंदी कौतुकास्पद पण धक्कादायक निर्णय... दि. *19/05/2023* रोजी भारतीय रिझर्व्ह बँकेने *2000/-* रु हे चलन *30 सप्टेंबर 2023* पर्यंत वैध असेल असे जाहीर केले. म्हणजेच या नोटा ज्यांच्याकडे असतील त्यांना या कालावधीत नोटा बॅंकेत जमा कराव्या लागतील किंवा बदलून घ्याव्या लागतील. नंतर त्या नोटा चलनात वापरता येणार नाहीत.  भारतीय रिझर्व्ह बॅंकेने मागील नोटबंदी केल्यानंतर पाचशे आणि दोन हजारच्या नोटा चलनात आणल्या होत्या. त्यावेळेस पैशांचा तुटवडा जाणवू नये आणि जनतेला त्रास होऊ नये म्हणून या नोटा चलनात आणल्या. त्याचवेळेस दोन हजार ची नोट तात्पुरत्या स्वरूपात असणार म्हणून जाहीर केले होते. ती नोट कधीही चलनातून बाहेर केल्या जातील असे सांगीतले होते. त्यानुसार हा निर्णय घेण्यात आला आहे त्यामुळे रिझर्व्ह बँकेवर किंवा केंद्र सरकारवर कोणालाच बोलण्याचा अधिकार नाही.  त्यावेळेस बर्‍याच लोकांनी दोन हजारच्या नोटा काढल्यामुळे पंतप्रधानांवर बरेच तोंडसुख घेतले. हा निर्णय कसा चुकीचा आहे हे पटवून सांगण्याचा प्रयत्न केला. मलातर असे वाटते की जाळ्यात सावज पकडण्यासाठी त्याच्यापुढे तुकडा टाकला जातो त्या पद्धतीन

  शब्दप्रभू - प्रशांत जोशी  नि योजन करावे ते प्रशांतने. वर्षातून दोन ते तीन वेळेस उर्जादाई भ्रमंतीची आवड जोपासत आपल्या सहित इतर मित्रांनाही घराबाहेर काढून वेग वेगळी शहरें, निसर्ग सौंदर्य सहली, ठरवून त्याचे निघण्या पासून ते घरी परत  येण्यापर्यंत, सहलीच्या ठिकाणी राहणं, जेवणं या बाबीचे अतिशय सुरेख नियोजन म्हणजेचं प्रशांत.  भेट दिलेल्या प्रत्येक ठिकाणी चार मित्र जोडावे ते प्रशांतनेचं.नेहमीचं आनंद आणि विनोदांची फुलअतिषबाजी करणारा प्रशांत.. ! बातमीदार, संपादकीय व्यवस्थापन, जाहिरात डिझाईन, केबल टीव्ही चा वृत्त निवेदक, संगीताचा जाणकार, गेल्या अनेक वर्षांपासून संगीत प्रेमी साठी रोजचं एक सुमधुर गीतं आपल्या हजारो मित्रांना नचूकता बरोबर रात्री १०  च्या सुमारास पाठवावे ते प्रशांतनेचं. जिल्ह्याचं न्हवे तर अख्या महाराष्ट्रात सन्मान पत्र आणि त्यांचे लिखाण,ते दृष्य रूप करण्याचं कल्पकता करावी ती प्रशांतने.... सूत्रसंचालन करून कार्यक्रमांची उंची वाढवणारा तो प्रशांतचं...! रोटरी इंटरनॅशनल च्या माध्यमातून सूत्रसंचालन करण्याचें धडे मी त्यांच्या कडूनचं घेतलें. बातमीत नेमकं काय हवं, बातमीतील शब्दाचा वापर कस

  सहकारमहर्षी रामकृष्ण बांगर यांच्या सत्तराव्या वाढदिवसानिमित्त पाटोद्यात प्रथमच जंगी कार्यक्रमाचे आयोजन कोविड योद्ध्यांचा व समाजसेवकांचा होणार सन्मान, आ.धनंजय मुंडेंची प्रमुख उपस्थिती सिने अभिनेते सुनील शेट्टी, अभिनेत्री उर्मिला मातोंडकर, गायिका अभिलिप्सा पांडा पथमच येणार पाटोद्यात अभिनेत्री मानसी नाईक, स्मिता गोंदकर, रुपाली भोसले, दर्शन साटम व कविता राम यांच्या सुमधुर आवाजात रंगणार सांस्कृतिक कार्यक्रम माझा देव उत्सव समितीचे आयोजन व तर थेट परळीहून वाल्मिक कराड यांचे नियोजन! पाटोदा (दि. 26) - पाटोदा तालुक्यातील सहकार महर्षी व शिक्षण सम्राट अशी दुहेरी ओळख असलेले ज्येष्ठ नेते रामकृष्ण बांगर यांच्या 70 व्या वाढदिवसानिमित्त माझा देव उत्सव समिती यांच्या वतीने पाटोदा येथे प्रथमच भव्य दिव्य अशा वाढदिवस अभिष्टचिंतन सोहळ्याचे शनिवारी (ता.27) पाटोदा येथे आयोजन करण्यात आले आहे. हा कार्यक्रम शनिवार दि. 27 मे रोजी सायंकाळी 5.30 वाजल्यापासून चाऊस मैदान, मांजरसुम्भा रोड, पाटोदा येथे संपन्न होणार आहे. राष्ट्रवादी काँग्रेसचे नेते, माजी मंत्री आ.धनंजय मुंडे यांच्या प्रमुख उपस्थितीत हा कार्यक्रम संपन्

  नौकरीची संधी :- पशुसंवर्धन विभागातील सरळसेवा कोटयातील रिक्त पदे : अर्ज प्रक्रिया झाली सुरु स्वातंत्र्याच्या अमृतमहोत्सवी वर्षात पशुसंवर्धन विभागातील सरळसेवा कोटयातील रिक्त पदे भरण्याबाबत भुतपूर्व दुय्यम सेवा निवड मंडळाच्या कक्षेतील गट क संवर्गातील निम्न नमुद सरळसेवेची पदे भरण्यासाठी पात्र उमेदवारांकडून ऑनलाईन पध्दतीने अर्ज मागविण्यात येत आहेत. त्याकरिता दिनांक 26.05.2023 रोजी वर्तमानपत्रामध्ये जाहीरात प्रसिध्द करण्यात आलेली आहे. ऑनलाईन पध्दतीने अर्ज भरण्याची मुदत दिनांक 27.05.2023 रोजी सकाळी 10.00 पासुन सुरु होणार असून ऑनलाईन पध्दतीने अर्ज भरण्याचा अंतीम दिनांक 11.06.2023 रात्री 11.59 पर्यंत आहे.    1. पशुधन पर्यवेक्षक - 376 पदे 2. वरिष्ठ लिपीक- 44 पदे 3. लघुलेखक (उच्चश्रेणी)- 02 4. लघुलेखक (निम्नश्रेणी) -13 5. प्रयोगशाळा तंत्रज्ञ - 04 6. विविध संवर्ग पदे- 07 (तारतंत्री-3, यांत्रिकी-2 व बाष्पक परिचर-2) ऑनलाईन पध्दतीने अर्ज भरावयाची सुविधा / https://ibpsonline.ibps.in/cahmay23/ या संकेतस्थळावर तसेच सदर जाहिरात पशुसंवर्धन विभागाच्या  https://ahd.maharashtra.gov.in या संकेतस्थळावर उपल

  तीन हजाराची लाच मागितली व ती स्वीकारण्याची  पंचासमक्ष  कबुली दिली; एसीबीची कारवाई परळी वैजनाथ दि २६:- शेतकरी सिंचन विहीर फाईल मधील ना हरकत वर सही करण्यासाठी शेतकऱ्यास तीन हजाराची लाच मागितली व ती स्वीकारण्याची कबूल केल्याबद्दल महावितरण उपविभाग परळी येथील कनिष्ठ अभियंता किरण निंबाळकर यांच्यासह एक खाजगी व्यक्ती अशा दोघाविरुद्ध परळी शहर पोलीस ठाण्यात गुन्हा दाखल करण्यात आला आहे. तक्रारदार यांचे वडिलांचे व साक्षीदारांचे भाऊ यांचे नावे असलेल्या शेतामध्ये महात्मा गांधी राष्ट्रीय रोजगार हमी योजना अंतर्गत अल्प भुधारक शेतकरी सिंचन विहीरीचे फाईल मधील ना हरकत प्रमाणपत्रावर सही करण्यासाठी आरोपी किरण जयवंत निंबाळकर कनिष्ठ अभियंता महावितरण उपविभाग परळी, राहणार बँक कॉलनी परळी व शहाणीक दत्तात्रयअनुसे राहणार रेवली तालुका परळी लोकसेवक यांनी पंचासमक्ष खाजगी इसमाचे मार्फतीने लाचेची मागणी करून लाच रक्कम खाजगी इसम याचे मार्फतीने स्वीकारण्याचे मान्य केले व खाजगी इसम यांनी ३००० रु ची मागणी करून तडजोडी अंती फाईलवर सही घेऊन देण्यासाठी स्वतःसाठी २०० रु व लोकसेवकासाठी ५०० रू असे तीन फाईलचे प्रत्येकी ७०० रू प्

 यशोगाथा-  सख्ख्या तीन भावांची एकाचवेळी पोलीस दलात निवड  परभणी : मातृ-पितृ छत्र हरवल्याने अत्यंत प्रतिकूल परिस्थितीत शिक्षण घेत मोठया भावाच्या खंबीर साथीने तिन्ही सख्ख्या भावंडानी संघर्ष करीत शिकत राहिली. त्यांच्या या संघर्षाने यशाला गवसनी घालत एकाचवेळी पोलिस दलाच्या सेवेत प्रवेश मिळविला आहे. त्यांच्या या संघर्षमय वाटचालीतून मिळविलेल्या यशामुळे ही भांवडे कौतुकास पात्र ठरली आहेत.         माखणी (ता. गंगाखेड) सारख्या डोंगरी भागात जमीन जुमला नसल्याने इतरांच्या शेतात मोलमजूरी करणाऱ्या कुटुंबात चार मुले असल्याने सातत्याने असलेल्या आर्थिक विवंचनेतून कुटूंब प्रमुखाने पत्नीसह जीवनयात्रा संपवली. त्यानंतर चार मुलांच्या पालनपोषणाचा निर्माण झालेला प्रश्न त्यातीलच मोठया असलेल्या भावाने उचलला. माखणी येथील केशवराव शिसोदे हे पत्नी व चार मुलांसह गावात वास्तव्यास होते. स्वत:ची जमीन नसल्याने इतरांच्या शेतात मोलमजुरी करून कुटुंबाचा चरितार्थ कसाबसा चालवित होते. मात्र सातत्याने आर्थिक विवंचना तोंड द्यावी लागे. या विवंचनेतूनच 2012 मध्ये केशवराव यांनी पत्नीसह जीवनयात्रा संपविली. आई-वडिलांचे छत्र हरवल्यानंतर

  ■ताबा नको मालकी हक्क द्या-किसान सभेची मागणी ●लाल बावटा सर्वसामान्यांच्या पाठीशी-एड.अजय बुरांडे अतिक्रमण मालकी हक्क परिषदेत एकमुखी निर्णय परळी / प्रतिनिधी "ताबा नव्हे मालकीची नक्कल हवी "या मागणीचा ठराव सहमत करून दि 5 जून रोजी परळी तहसील कार्यालया वरती मोर्चा काढण्याचा एक मुखी निर्णय किसान सभा व शेतमजूर युनियन च्या वतीने गायरान निवासी अतिक्रमण मालकी हक्क परिषदने आयोजित केलेल्या परिषदेत घेण्यात आला.या परिषदेस माकपचे तालुका सचिव कॉ.गंगाधरराव पोटभरे महाराष्ट्र राज्य शेतमजूर युनियन राज्य अध्यक्ष तथा अतिक्रमण प्रश्नाचे गाढे अभ्यासक कॉ. मारोतीराव खंदारे, बीड जिल्हा किसान सभेचे अध्यक्ष कॉ. अॅड. अजय बुराडे,कॉ.मुरलीधर नागरगोजे,कॉ.सुदाम शिंदे, कॉ. अॅड. सय्यद याकूब आदींची प्रमुख उपस्थिती होती. परळी तहसिलकडून सिरसाळा येथील शेकडो लोकांना अतिकमण निष्कसीत करण्याबाबत नोटीसा दिल्याने सिरसाळ्यातील समस्त अतिक्रमित घर दुकानदार भयभीत झाले आहेत. दारिद्यामुळे खाजगी प्लॅट घेता न आल्याने शासकीय जमिनीवर कुटुंबाना निवारा बांधून गेल्या ३० वर्ष्यापासून हे लोक राहत असून छोटे मोठे धंदे करुन पोट भरत आहेत.या

 कु.प्राची रमेश झंवर वैद्यनाथ कॉलेजमधून विज्ञान शाखेत सर्वप्रथम  परळी, प्रतिनिधी..       महाराष्ट्र राज्य माध्यमिक व उच्च माध्यमिक शिक्षण मंडळाने मार्च 2023 मध्ये घेण्यात आलेल्या बारावी परीक्षेचा निकाल नुकताच जाहीर केला आहे.जवहार शिक्षण संस्थेच्या वैद्यनाथ कॉलेज वैद्यनाथ काॕलेज ,परळीचा विज्ञान शाखेचा.92.21% टक्के निकाल लागला आहे. महाविद्यालयातील विज्ञान शाखेतुन कु.प्राची रमेश झंवर सर्वप्रथम आली आहे.       कु.प्राची रमेश झंवर वैद्यनाथ कॉलेजमधून विज्ञान शाखेत सर्वप्रथम आली असुन तिने 89.17 टक्के गुण मिळवले आहेत.तिचे सर्व स्तरातून अभिनंदन होत आहे.या यशाबदल जवाहर शिक्षण संस्थेचे अध्यक्ष श्री जुगलकिशोर लोहिया, सचिव, श्री दत्ताप्पा इटके, महाविद्यालयाचे प्राचार्य, डॉ जे व्हि जगतकर, उपप्राचार्य ,प्रा हरीश मुंडे, प्रयेवेशिका प्रा. मंगला पेकमवार, विज्ञान शाखेचे समन्वयक प्रा उत्तम कांदे यांच्यासह महाविद्यालयातील सर्व प्राध्यापक व शिक्षकेतर कर्मचाऱ्यांनी गुणवंत विद्यार्थ्यांचे अभिनंदन केले आहे.

  महाराष्ट्र वीरशैव सभेच्या बीड जिल्हाध्यक्षपदी  दत्ताप्पा  ईटके गुरुजी यांची फेरनिवड  परळी: महाराष्ट्र वीरशैव सभा, पुणे या संस्थेच्या बीड जिल्ह्य़ातील मान्यता प्राप्त सदस्याची बैठक संत गुरू लिंग स्वामी मंदिरात संपन्न झाली. बैठकीत विविध उपक्रमाबाबत चर्चा झाली. महाराष्ट्र वीरशैव सभा पुणे यांच्या आदेशानुसार बीड जिल्हा कार्यकारिणीची निवड पुढील तीन वर्षासाठी करण्यात आली. जिल्हा अध्यक्षपदी श्री. दत्ताप्पा ईटके यांची फेरनिवड करण्यात आली, कार्याध्यक्षपदी संजय घाळे   (बीड)उपाध्यक्ष पदी चंद्रकांत अप्पा  थळकरी (यूसुफ वडगाव) सरचिटणीस पदी सुधीर फुलारी  ,कोषाध्यक्ष पदी प्रभाकरअप्पा शेटे, सहचिटणीस पदी  शाम बुद्रे ,युवा अध्यक्ष पदी अनंत शहागडकर बीड तर महिला अध्यक्षा म्हणून नगरसेविका सौ. उमाताई समशेटे यांची निवड करण्यात आली. जिल्हा कार्यकारिणीवर अशोक शहागडकर, अश्रूबा कोरसाळे  ,नंदकिशोर विभुते, शिवकुमार केदारी, महादेव फडकरी, चंद्रकांत समशेटे ,विकास हालगे ,दत्ता गोपनपाळे ,अशोक नावंदे ,रंगनाथ खके ,जी. येस. सौंदळे गुरुजी,वैजनाथ  इटके ,सोमनाथ गोपनपाळे यांची निवड करण्यात आली.  या बैठकीला प्रांतिक सदस्य श्री

  ह भ प युवाकीर्तनकार प्रकाश महाराज फड यांचे बारावी परीक्षेत घवघवीत यश  परळी (प्रतिनिधी )यशवंतराव चव्हाण महाविद्यालय परळी वैजनाथ येथील विद्यार्थी ह भ प युवा कीर्तनकार प्रकाश महाराज फड यांचे बारावी परीक्षेत घवघवीत यश बारावी बोर्ड परीक्षेचा  निकाल जाहीर झाला असून परळी वैजनाथ येथील यशवंतराव चव्हाण महाविद्यालयाचा विद्यार्थी ह भ प युवा कीर्तनकार प्रकाश महाराज फड यांचे बारावीच्या परीक्षेत घवघवीत यश संपादन केले असून या यशाबद्दल यशवंतराव चव्हाण कॉलेजचे प्राचार्य  शिक्षक  कर्मचारी यांचे यांनी त्याचे अभिनंदन करून पुढील वाटचालीस शुभेच्छा दिल्या आहेत  ह भ प युवा कीर्तनकार प्रकाश महाराज फड हे आळंदी येथील जोग महाराज  वारकरी शिक्षण संस्था  आळंदी देवाची येथे वारकरी शिक्षण घेत असून या बारावी परीक्षेमध्ये सुद्धा त्यांनी घवघवीत यश संपादन केले आहे त्याबद्दल त्यांचे सर्व स्तरातून अभिनंदन होत आहे

  यशवंतराव चव्हाण कनिष्ठ महाविद्यालयाचे बारावी परीक्षेत घवघवीत यश    परळी.वै (प्रतिनिधी) नाथ शिक्षण संस्था संचलित यशवंतराव चव्हाण विज्ञान, कला व वाणिज्य कनिष्ठ महाविद्यालयाने बारावीच्या निकालात घवघवीत यश संपादन केले आहे.  राज्य माध्यमिक व उच्च माध्यमिक शिक्षण मंडळाच्या वतीने इयत्ता बारावीच्या  मार्च 2023 परीक्षेचा निकाल  गुरुवारी जाहीर झाला असून  या निकालात  परळी वैजनाथ येथील नाथ शिक्षण संस्था संचलित यशवंतराव चव्हाण विज्ञान, कला व वाणिज्य कनिष्ठ महाविद्यालयाच्या विद्यार्थ्यांनी घवघवीत यश संपादन केले असुन. महाविद्यालयाच्या विज्ञान शाखेचा निकाल 91.75 टक्के कला शाखेचा निकाल 80.48 टक्के वाणिज्य शाखेचा निकाल 75.00 टक्के इतका लागला आहे. या निकालात महाविद्यालयातुन विज्ञान शाखेतुन   प्रथम ताटे मंगेश कांताराव -      77.66% , द्वितीय डोंगरे गायत्री भगवानराव - 76.83%, तृतीय पाटसकर तनुजा व्यंकटेश -      75.66%   कला शाखेतुन  प्रथम किरडे वैभव कैलास -            77.00%, द्वितीय तरटे बजरंग सूर्यकांत -        75.%, तृतीय केंद्रे अनघा गोविंद-      73.33%,      वाणिज्य शाखेतुन प्रथम  केंद्रेआकांक्षा -

 कु.रोहिणी विश्वांभर फड एमपीएससी परीक्षा अंतर्गत राजपत्रित अधिकारी( बीडीओ) पदासाठी पात्र मूर्ती गावातून पहिल्या राजपत्रित अधिकारी  होण्याचा फटकाविला या कन्येने बहुमान परळी (प्रतिनिधी):- अंबाजोगाई तालुक्यातील मूर्ती येथील मा. सरपंच तथा सेवा सहकारी सोसायटी मूर्ती -वाकडी लाडझरी चे विद्यमान चेअरमन विश्वांभर फड यांची कन्या कु. रोहिणी फड ही एमपीएससी परीक्षा अंतर्गत राजपत्रित अधिकारी  (बी डी ओ )पदासाठी पात्र ठरली असून मुलीमध्ये महाराष्ट्रातून 59 बँक प्राप्त केली आहे तिचे सर्व स्तरातून अभिनंदन होत आहे. कु. रोहिणी विश्वांभर फड प्राथमिक शिक्षण जिल्हा परिषद प्राथमिक शाळा मूर्ती येथे झाले तर माध्यमिक शिक्षण सोमेश्वर विद्यालय घाटनांदुर येथे झाले आहे  त्यानंतर अकरावी बारावीचे शिक्षण योगेश्वरी कन्या शाळा अंबाजोगाई येथे झाले होते. उच्च शिक्षण नांदेड येथील श्री गुरु गोविंद सिंग गव्हर्मेंट इंजीनियरिंग कॉलेजमध्ये पार पडले. त्यानंतर एमपीएससी च्या अभ्यासासाठी पुणे येथे शिक्षण घेऊन ती राजपत्रित अधिकारी  बी डी ओ पदासाठी पात्र ठरली. मूर्ती गावातील  महिला अधिकारी होण्याचा बहुमान कु.रोहिणी  विश्वांभर फड हिने

  संत भगवानबाबा शासकीय वसतीगृह योजने अंतर्गत शासकीय वसतीगृह योजनेचा लाभ घेण्याचे आवाहन बीड (जि.मा.का) तालुक्याच्या ठिकाणी स्थलांतरीत ऊसतोड कामगारांच्या मुला मुलींसाठी संत भगवानबाबा शासकीय वसितगृह योजना सुरू करण्यास मान्यता दिलेली आहे. त्यानुसार प्रथम टप्प्यात बीड जिल्हयात मुलांसाठी 6 व मुलींसाठी 6 अशी एकूण 12 वसतिगृहे सुरु करण्यात आली आहेत. बीड जिल्ह्यात बीड, गेवराई, केज, पाटोदा, परळी वै आणि माजलगाव या ठिकाणी मुलांचे-1 व मुलींचे -1 असे 100 विद्यार्थी  क्षमतेचे 12 वसतीगृह सुरू करण्यात आलेले आहेत. शैक्षणीक वर्ष 2023-24 मध्ये ऊसतोड कामगारांच्या इयत्ता 5 वी पासुन पुढील अभ्यासक्रमाच्या पाल्यांनी संत भगवानबाबा शासकीय वसतीगृह योजने अंतर्गत सुरू करण्यात आलेल्या शासकीय वसतीगृहांध्ये प्रवेश घ्यावा, असे आवाहन समाज कल्याणचे सहाय्यक आयुक्त यांनी केले आहे. वसतीगृह प्रवेशाकरीता प्रवेश अर्ज हे संबंधीत वसतीगृहामध्ये उपलबध आहेत. वसतीगृह प्रवेशाकीरता खालील गृहपाल यांच्याशी संपर्क साधावा. के. वाय. बरबडे, गृहपाल. मोबाईल क्र. 9881958674 संत भगवानबाबा मुलांचे शासकीय वसतीगृह गेवराई , संत भगवानबाबा मुलांचे श

  जिल्हास्तरीय जादुटोणा विरोधी कायदा समितीसासाठी अर्ज सादर करण्याचे आवाहन बीड (जि.मा.का) सामाजिक न्याय व विशेष सहाय्य विभाग मंत्रालय मुंबई शासन निर्णय अन्वये जिल्हा स्तरावरील जादुटोणा विरोधी कायदा जनजागृती प्रचार व प्रसार कार्यक्रम अंमलबजावणी समिती गठीत करणेबाबत निर्देश देण्यात आले आहेत. या समितीमध्ये जिल्हा समन्वयक म्हणुन सदस्य निवड करण्यासाठी जादुटोणा विरोधी काम करणाऱ्या इच्छुक सदस्यांनी आपले अर्ज दिनांक 31 मे 2023 पर्यंत सहाय्यक आयुक्त, समाज कल्याण बीड कार्यालयास सादर करावेत असे, आवाहन समाज कल्याणचे सहाय्यक आयुक्त यांनी केले आहे.

  महात्मा जोतिराव फुले शेतकरी कर्जमुक्ती योजना शेतक-यांनी योजनेचा लाभ घेण्यासाठी आधार प्रमाणीकरण करणे अनिवार्य --जिल्हाधिकारी बीड (जि.मा.का) डिसेंबर 2019 अन्वये राज्यतील शेतक-यांसाठी महात्मा जोतिराव फुले शेतकरी कर्जमुक्ती योजना जाहिर केली असून या योजनेची अंमलबजावणी चालू आहे. या योजनेतर्गंत दि. 9 मे 2023 रोजी जिल्हयातील लाभार्थ्यांची विशिष्ट क्रमांकासह यादी आधार प्रमाणीकरणसाठी प्रसिध्द करण्यात आली आहे. शेतक-यांनी या योजनेचा लाभ घेण्यासाठी आधार प्रमाणीकरण करणे अनिवार्य आहे. विशिष्ट क्रमांकासह यादी संबधित बँक शाखा, विविध कार्यकारी सेवा सहकारी संस्था, कार्यक्षेत्रातील ग्रामपंचायत कार्यालयाचे सूचना फलक, जिल्हा उपनिबंधक, कार्यालय तसेच तालुका सहाय्यक निबंधक कार्यालयात प्रसिध्द करण्यात येणार आहेत. विशिष्ट क्रमांकासह यादी प्रसिध्द झाल्यानंतर त्यातील शेतक-यांनी संबंधित बॅकेत किंवा सेवा केंद्रामध्ये जाऊन आधार प्रमाणीकरण करावयाचे आहे. प्रमाणीकरणानंतर पात्र लाभार्थ्यांची लाभाची रक्कम त्यांच्या खात्यावर जमा होणार आहे. आधार प्रमाणिकरणासाठी गेल्यानंतर त्यांचा आधार क्रमांक किंवा त्यांच्या कर्जाची रक्कम

  संस्थांनकडे गतवर्षीपासून केलेली मागणी: यंदातरी गजानन महाराज पालखीचा मार्ग परळीच्या जुन्या गावभागातून पुर्ववत ठेवावा - बाजीराव भैय्या धर्माधिकारी परळी वैजनाथ, प्रतिनिधी....      शेगाव येथील संत गजानन महाराज यांचा पंढरपूर आषाढी वारी निमित्त निघणारा पालखी सोहळा दरवर्षी परळीत येतो. या दोन दिवसात परळीचे वातावरण अतिशय भक्तीमय असते.परंतु या भक्तीत भेद निर्माण करण्याचे काम गेल्यावर्षीपासून सुरु झाले संत गजानन महाराज पालखीचा परळीतील नगर प्रदक्षिणा मार्ग गेल्यावर्षीपासून बदलला. याबाबत पालखी मार्ग पुर्ववत राहण्यासाठी ना.धनंजय मुंडे यांच्या माध्यमातून प्रयत्न करण्यात आले. संस्थांनकडे गतवर्षीपासून  मागणी केलेली आहे. त्यामुळे निदान यंदातरी गजानन महाराज पालखीचा मार्ग परळीच्या जुन्या गावभागातून पुर्ववत ठेवा अशी मागणी माजी नगराध्यक्ष तथा राष्ट्रवादी काँग्रेसचे शहराध्यक्ष बाजीराव भैय्या धर्माधिकारी यांनी केली आहे.         परळीत येणाऱ्या सर्वच दिंड्या नगरप्रदक्षिणा करूनच मार्गस्थ होतात. अन्यत्र वारीमार्गावर कोणत्याच ठिकाणी नगरप्रदक्षिणा केली जात नाही.परळी व त्यानंतर पंढरपूर याठिकाणी दिंड्या नगरप्रदक्षि

  वैद्यनाथाची कृपा अन् सर्वांची मदत व सदीच्छा: परळीच्या वेदांतचे लिव्हर प्रत्यारोपण यशस्वी; प्रकृती स्थिर परळी वैजनाथ ,प्रतिनिधी        परळी शहरातील रहिवाशी चि. वेदांत गणेश जोशी यांच्यावर दुर्धर अशा प्रकारची लिव्हर प्रत्यारोपणाची शस्त्रक्रिया करण्याची वेळ आली होती. सर्वसामान्य आर्थिक परिस्थितीच्या कुटुंबातील या चिमुकल्याचा वैद्यकीय खर्च करण्यासाठी सर्व स्तरातून दाते पुढे आले व अशक्यप्रय असणाऱ्या खर्चाची तजवीज झाली. वेदांत वर लिव्हर प्रत्यारोपणाची यशस्वी शस्त्रक्रिया पार पडली असून त्याची प्रकृती स्थिर झाली आहे. लवकरच   वेदांत ठणठणीत होईल अशी आनंदवार्ता डाॅक्टरांनी दिली आहे.           वेदांत व त्याच्या आईचे (डोनर ) ऑपरेशन यशस्वीपणे पार पडले. शनिवारी रात्री १०.३० वाजता पूर्ण झाले. वेदांतला लिव्हरचे जॉइंट खूप चांगले बसले आहेत. दोघांचीही प्रकृती चांगली आहे. वेदांतची भूल ४८ तासांपर्यंत ठेवणार होते मात्र, प्रकृती चांगली असल्याने लवकरच उतरवली. साधारण पुढील एक आठवडा हॉस्पिटलमध्ये राहावे लागेल, असे डॉक्टरांनी सांगितले आहे. प्रभु वैद्यनाथ कृपेने, सर्वांच्या आशीर्वादाने व मदतीने ऑपरेशन यशस्व

  परळीच्या आरती पोरवालचे JEE परीक्षेत नेत्रदीपक यश:99.81 टक्के गुण मिळवत देशात 124 वा क्रमांक परळी वैजनाथ, प्रतिनिधी         अत्यंत महत्त्वपूर्ण समजल्या जाणाऱ्या परीक्षेत परळीच्या सुकन्येने घवघवीत यश मिळवले असून या परीक्षेत 99.81% गुण मिळवत तिने देशपातळीवर 124 वा क्रमांक मिळवला आहे. या यशाबद्दल तिचे सर्व स्तरातून अभिनंदन होत आहे.           परळी वैजनाथ येथील सर्वपरिचित पोरवाल कुटुंबातील कु. आरती सुरेश पोरवाल हिने JEE या परीक्षेत नेत्रदीपक यश संपादन केले आहे. JEE (B Arch) परिक्षेत 99.81% गुण मिळवत तिने देशपातळीवर 124 वा क्रमांक मिळवला आहे. तिने मिळवलेल्या या यशाबद्दल तिचे सर्व स्तरातून कौतुक केले जात आहे. कु.आरती पोरवाल हिच्यावर अभिनंदनचा वर्षाव होत आहे.

  वैद्यनाथ कॉलेजची यशाची परंपरा कायम परळी, प्रतिनिधी महाराष्ट्र राज्य माध्यमिक व उच्च माध्यमिक शिक्षण मंडळाने मार्च 2023 मध्ये  घेण्यात आलेल्या बारावी परीक्षेचा निकाल नुकताच जाहीर केला आहे.जवहार शिक्षण संस्थेच्या वैद्यनाथ कॉलेज वैद्यनाथ काॕलेज ,परळीचा विज्ञान शाखेचा.92.21% टक्के व कला शाखेचा 92% व व वाणिज्य शाखेचा92.50% एम सी व्ही सी चा 92.31 निकाल लागला आहे. कला  शाखेतून अनुक्रमे प्रथम व तृतीय आणि क्रमांकाने कु.बहीरे प्रतिभा विष्णू 83.33%, कु.तिखे आरती संतोष कू.मंदे अंजली नारायण 80%,वाणिज्य शाखेतून  कु. सुरवसे मयुरी दिलीप 86%, कु. दीक्षित पायल विठ्ठल 83.50 %,चि.पुरी अजित संजय 78.50% ,तर विज्ञान शाखेतून कु.जोरवर प्राची रमेश 89.16 ,%कु.पोरवाल आरती सुरेश 87.33%, कु.रांदड आरुषी विजय 87.16% , व्होकेशनल शाखेतील इलेक्ट्रॉनिक्स टेक्नॉलॉजी या अभ्यासक्रमातून कु. दहिवडे प्रणाली अशोक 76.83 % चि.गोयल ओंकार धनराज 65 %चि.भारती सौरभ गजानन 63.83% तर इलेक्ट्रिकल्स टेक्नॉलॉजी या अभ्यासक्रमातून चि मुंडे बळीराम महादेव 67%,चि.घाडगे शनी लक्ष्मण 64%आनंदास आदित्य नरसिंग 63.83% गुण घेऊन अनुक्रमे प्रथम   द्विती

  उपनयन संस्कार सोहळ्यात झळकला 'छोटा कार्यकर्ता' ; हिरिरीने पंगतीत वाढ करणारा यश सर्वज्ञ परळी वैजनाथ प्रतिनिधी....          सार्वजनिक व सामाजिक कार्याची रुजवन बालवयातच होते याचे मूर्तिमंत उदाहरण आज परळी येथे आयोजित एका सोहळ्यात बघायला मिळाले. परळी येथे आयोजित उपनयन संस्कार सोहळ्यात वयस्कर कार्यकर्त्यांबरोबरच एका चुकल्याने सर्वांचेच लक्ष वेधून घेतले. या सोहळ्यात हा 'छोटा कार्यकर्ता' हिरीहिरीने पंगतीत वाढ करताना दिसून येत होता. उपस्थितांतून त्याचे विशेष कौतुक झाले. Click: ■ समर्थ प्रतिष्ठान आयोजित सामुदायिक उपनयन संस्कार सोहळ्यात २२ बटूंवर उपनयन संस्कार        परळी येथे समर्थ प्रतिष्ठानच्या वतीने वैद्यनाथ मंदिर दर्शन मंडप येथे उपनयन संस्कार सोहळा आयोजित करण्यात आला होता. या सोहळ्यानिमित्त विविध ठिकाणचे समाज बांधव मोठ्या संख्येने उपस्थित होते. या सोहळ्यात भोजन व्यवस्थेमध्ये मोठी लगबग सुरू असताना जेवणाच्या पंगती बसल्या. या पंक्तीत वयस्कर मोठ्या कार्यकर्त्यांनी पंगती वाढतांना या व्यवस्थेत परळी येथीलच मनोजराव जब्दे यांचा नातू यश सर्वज्ञ हा चिमुकला कार्यकर्ता झळकू लागला. पं

  महाराष्ट्र विद्यालयाचा एच.एस.सी परीक्षेत ही डंका ;उच्च माध्यमिक विभागाचा 98.63 % निकाल परळी / प्रतिनिधी ग्रामीण भागात गुणवत्तापूर्ण शिक्षण देणारी संस्था म्हणून ओळख असलेल्या परळी तालुक्यातील महाराष्ट्र शिक्षण संस्था मोहा संचलित महाराष्ट्र माध्य व उच्च माध्यमिक विद्यालयाने आपली गुणवत्ता पुन्हा एकवेळ सिद्ध करून दाखवली आहे.नुकत्याच जाहीर झालेल्या एच.एस.सी 2023 बोर्ड परीक्षेत उच्च माध्यमिक विभागाचा 98.63 टक्के निकाल लागला आहे. गुणवत्तापूर्ण शिक्षण देणारी शाळा म्हणून ओळख असलेल्या मोहा येथील महाराष्ट्र माध्य व उच्च माध्यमिक विद्यालय सातत्याने आपली गुणवत्ता सिद्ध करत असून विविध स्पर्धा परीक्षा असो की बोर्ड परीक्षा शाळेचा उत्कृष्ट निकालाचा चढता आलेख कायम आहे.नुकताच जाहीर झालेला एच.एस.सी 23 बोर्ड परीक्षेत उच्च माध्यमिक विभागाचा 98.63 टक्के निकाल लागला असून कला आणि विज्ञान शाखेतील तब्बल 22 विद्यार्थी विशेष प्राविण्य श्रेणी, 112 विद्यार्थी प्रथम श्रेणी तर 11 विद्यार्थी द्वितीय श्रेणी मध्ये उत्तीर्ण झाले आहेत. विद्यार्थी आणि शाळेच्या या यशाबद्दल महाराष्ट्र शिक्षण संस्था मोहा चे सचिव, संचालक मंडळ

  समर्थ प्रतिष्ठान आयोजित सामुदायिक उपनयन संस्कार सोहळ्यात २२ बटूंवर उपनयन संस्कार बहुसोमयाजी यज्ञमार्तंड यज्ञेश्वर सेलूकर महाराज यांची प्रमुख उपस्थिती ◼️ धर्मशील व्यक्ती,समाज व राष्ट्र निर्मितीसाठी उपनयन संस्काराचे अनन्यसाधारण महत्त्व - वे.शा.सं. ज्योतिषाचार्य अनंतशास्त्री जोशी परळी वैजनाथ(प्रतिनिधी)दि.२४ - वेदनिष्ठ धर्मशील व्यक्ती,समाज व राष्ट्र निर्मितीसाठी सोळा संस्कारांत उपनयन संस्काराचे अनन्यसाधारण महत्त्व आहे.यासाठी केवळ खऱ्या अर्थाने उपनयन संस्कारानंतर अध्ययन,गायत्रीमंत्र पठण व अन्य संस्कारमूल्य जपले गेले पाहिजेत असे प्रतिपादन वे.शा.सं. ज्योतिषाचार्य अनंतशास्त्री जोशी यांनी केले.धार्मिक,संस्कारित पिढी घडावी यासाठी प्रयत्नशील असलेल्या समर्थ प्रतिष्ठान द्वारे  सामुदायिक उपनयन संस्कार सोहळ्याचे आयोजन करण्यात आले होते.या सोहळ्यासाठी बहुसोमयाजी यज्ञमार्तंड यज्ञेश्वर सेलूकर महाराज,वे.शा.स.ज्योतिषाचार्य अनंतशास्त्री जोशी यांची प्रमुख उपस्थिती होती. गुरूवार दि.२५ रोजी सकाळी १० वाजून ४५ मिनीटांच्या पावन मुहूर्तावर यंदाच्या सोहळ्यात २२ बटूंवर उपनयन संस्कार करण्यात आले.श्री वैद्यनाथ दर्शन

  कर्करोग पूर्व निदान शिबीर व व्याख्यानाला  उत्स्फूर्त प्रतिसाद  छत्रपती संभाजीनगर (-संजय क्षिरसागर) - जिल्ह्यातील सिल्लोड तालुक्यात असलेल्या वडोदचाथा येथे कर्करोग ह्या आजाराविषयी तज्ञ डॉक्टरांचे मार्गदर्शनपर व्याख्यान व कर्करोग पूर्व निदान शिबिर नुकतेच संपन्न झाले.                                    महाराष्ट्र शासनाच्या निर्देशानुसार ग्रामीण भागातील महिलांमध्ये स्तन कर्करोग व थायरॉईड या आजारांविषयी जनजागृती व्हावी या उद्देशाने दि. १९ मे रोजी छत्रपती संभाजीनगरच्या शासकीय वैद्यकीय महाविद्यालय व कर्करोग रुग्णालयाचे अधिष्ठाता डॉ. संजय राठोड यांच्या मार्गदर्शनाखाली सदरील शिबिराचे आयोजन करण्यात आले होते.         याप्रसंगी कर्करोग रुग्णालयाचे विशेष कार्य अधिकारी डॉ. अरविंद गायकवाड यांनी कर्करोग प्रतिबंधाबाबत विशेष मार्गदर्शन केले. त्याचबरोबर डॉ. कैलास चिंतले (सहा. प्राध्यापक मेडिसिन अंकोलॉजी ) डॉ. ओंकार (सर्जिकल ऑनकॉलॉजी) डॉ.स्फूर्ती (सहा. प्राध्यापक जीव रसायनशास्त्र ) व डॉ. सोमेश्वर गुंठे यांनी उपस्थित लोकांची तपासणी करुन त्यांच्या शंकांचे निरसन केले‌.       शिबिरासाठी वडोदचाथा तालुका सिल्ल