माझी बातमी MB NEWS

  द्रुतगती महामार्गापेक्षा मराठवाड्यात सिंचन अनुशेष पूर्ण करणारा प्रकल्प राबवा ■शक्ती पीठ महामार्ग प्रकल्प रद्द करा अथवा शेतकऱ्यांच्या प्रेतावरून बनवा-संतप्त भावना ●मराठवाड्यातील सर्व बाधित जिल्ह्यातील शेतकरी प्रतिनिधींची परळीत बैठक परळी / प्रतिनिधी मराठवाड्यात अगोदरच सिंचनाखाली जमीन कमी आहे. त्यातच पवणार ते पत्रादेवी या शीघ्र दृतगती शक्तिपीठ महामार्ग नांदेड, हिंगोली, परभणी, बीड, लातूर, धाराशिव जिल्ह्यातून जात असून हा मार्ग अत्यन्त सुपीक आणि बागायती जमिनीतून जाणार आहे. त्यामुळे मराठवड्यातील खूप मोठी बागायत जमीन या महामार्गामध्ये जाऊन कायमस्वरूपी शेतकरी भूमिहीन होणार आहेत.यामुळे पवणार ते पत्रादेवी या शीघ्र दृतगती शक्तिपीठ महामार्गास विरोध करण्यासाठी मराठवाड्यातील विविध जिल्ह्यातील बाधित शेतकरी प्रतिनिधीची बैठक शनिवार (दि13) रोजी परळी येथे संपन्न झाली. या बैठकीसाठी नांदेड, हिंगोली, परभणी, बीड, लातूर धाराशिव या जिल्हातील प्रत्येक तालुक्यातून प्रमुख प्रतिनिधी या बैठकीस उपस्थित होते. मराठवाड्यातील ज्या सहा जिल्ह्यातुन हा शक्ती पीठ महामार्ग हळद, केळी, फळबागा, ऊस बागायत पट्ट्यातून हा ...

  प्रेस फोटोग्राफर भीमाशंकर नावंदे यांनी जोपासली सामाजिक बांधिलकी शालेय विद्यार्थ्यांना शैक्षणिक साहित्य देवून केला वाढदिवस साजरा परळी वैजनाथ/प्रतिनिधी : तालुक्यातील मौजे परचुंडी येथील सामाजिक क्षेत्रामध्ये उल्लेखनीय कार्य करत असलेले सामाजिक कार्यकर्ते तथा प्रेस फोटोग्राफर भीमाशंकर नावंदे यांचा आज शनिवार दिनांक 13 एप्रिल रोजी वाढदिवस परचुंडी येथील जिल्हा परिषद प्राथमिक शाळेत शालेय विद्यार्थ्यांना शैक्षणिक साहित्य व खाऊचे वाटप करून साजरा करण्यात आला वाढदिवसाचा अनावश्यक खर्च टाळून भीाशंकर नावंदे यांनी समाज उपयोगी उपक्रम राबवत वाढदिवस साजरा केला. भीमाशंकर नावंदे हे राजकारण न करता नेहमीच समाजकारणामध्ये सक्रिय असल्याचे दिसून येते. परचुंडी व परिसरात विविध सामाजिक उपक्रम राबविण्यासाठी  भीमाशंकर नावंदे हे नेहमीच सक्रिय असतात. युवकांना सोबत घेऊन काम करणे हे  भीाशंकर नावंदे यांचा नेहमी उद्देश असतो. श्री नावंदेे हे नेहमीच हसतमुख सर्वांसोबत प्रेमाने वागणारे व्यक्तिमत्व म्हणून परचुंडी व पंचक्रोशीमध्ये ओळखले जाते. वाढदिवसानिमित्त जिल्हा परिषद प्राथमिक शाळा परचुंडी ता.परळी वैजनाथ येथे अ...

  ३९ लाखाच्या विटांचा व्यवहार: हैदराबादच्या एकाने परळीतील वीटउद्योग व्यापाऱ्याची केली फसवणूक परळी वैजनाथ, प्रतिनिधी.......       ३९ लाखाच्या विटांचा व्यवहार करुन  हैदराबादच्या एकाने परळीतील वीट उद्योग व्यापाऱ्याची  फसवणूक केल्याप्रकरणी परळी शहर पोलीस ठाण्यात गुन्हा दाखल करण्यात आला आहे.        याबाबत पोलीस सुत्रांकडून प्राप्त अधिक माहितीनुसार, परळीतील फिर्यादी शेख मकसूद मुजीब शेख रा. इस्लामपुरा बंगला परळी वै. यांच्याशी आरोपी खैसर अकबर पठाण रा. हैद्राबाद याने वीटा खरेदीचा व्यवहार केला. यातील आरोपीने फिर्यादीकडून 39,02,700/- रुपयांच्या विटा घेवुन गेला. त्यापैकी एकुण रक्कम रुपये 25,00,000/- (पंचवीस लाख रुपये) फिर्यादीच्या खात्यावर पाठवले. अजुन त्याच्याकडे बाकी 1402,700/- (चौदा लाख दोन हजार सातशे) रुपये असुन त्यापैकी  11,42,000/- चा चेक दिला मात्र तो चेक वटला नाही. तो खोटा व बनावट धनादेश देवुन एकुण 1404,700/- (चौदा लाख दोन हजार सातशे) रुपयांची फसवणुक करुन  विश्वासघात केला. असा तक्रार अर्ज दिल्याने अर्ज चौकशी ...

  परळी राष्ट्रवादी शहर कार्यकारिणीची आज बैठक ना. धनंजय मुंडे  करणार मार्गदर्शन  शहरातील सर्व आजी-माजी नगरसेवक, विविध आघाडी व फ्रंटल सेलचे पदाधिकारी व कार्यकर्त्यांनी उपस्थित राहण्याचे आवाहन परळी वैद्यनाथ (दि. 12) - आगामी लोकसभा निवडणुकीतील महायुतीच्या उमेदवार पंकजाताई मुंडे यांच्या प्रचाराच्या नियोजनार्थ राष्ट्रवादी काँग्रेस पार्टी परळी शहर च्या कार्यकारिणीची महत्त्वपूर्ण बैठक शनिवार (दि. 13 एप्रिल) रोजी सायंकाळी सहा वाजता परळी शहरातील श्रद्धा मंगल कार्यालय येथे आयोजित करण्यात आली असून या बैठकीला राष्ट्रवादी काँग्रेस पक्षाचे नेते तथा कृषिमंत्री धनंजय मुंडे हे मार्गदर्शन करणार आहेत.  परळी शहरातील राष्ट्रवादी काँग्रेस पक्षाचे सर्व मान्यवर नेते, पदाधिकारी, आजी-माजी नगरसेवक, विभाग प्रमुख, वार्ड प्रमुख, बुथ प्रमुख, त्याचबरोबर विविध आघाडी व फ्रंटल सेलचे सर्व पदाधिकारी व कार्यकर्ते या सर्वांनी या बैठकीस उपस्थित रहावे असे आवाहन परळी शहर राष्ट्रवादी काँग्रेस पक्षाचे अध्यक्ष बाजीराव भैया धर्माधिकारी यांनी केले आहे.

  पडत्या पावसात धनंजय मुंडे शेतकऱ्यांच्या बांधावर ! धारूर तालुक्यातील डाळिंब, आंबा, मिरची, टोमॅटो आदी पिकांच्या अवकाळी व गारपिटीने झालेल्या नुकसानीची धनंजय मुंडेंनी केली पाहणी तातडीने पंचनामे पूर्ण करण्याच्या प्रशासनास सूचना धारूर (दि.12) - राज्याचे कृषिमंत्री धनंजय मुंडे यांनी आज लोकसभा निवडणुकीच्या प्रचाराला ब्रेक देत पडत्या पावसात धारूर तालुक्यातील चोरंबा, सोनीमोहा, आंबेवडगाव आदी गावांना भेटी देऊन अवकाळी पावसाने नुकसान झालेल्या आंबा, डाळिंब, मिरची, टोमॅटो आदी पिकांची पाहणी केली, तसेच शेतकऱ्यांना धीर दिला. अवकाळीने फळांची व भाज्यांची पडझड झाली असून मोठ्या प्रमाणात नुकसान झाले आहे. या नुकसानीचे तातडीने पंचनामे करून त्याचे अहवाल राज्य शासनाकडे तातडीने पाठवावेत, अशा सूचना यावेळी धनंजय मुंडे यांनी केल्या.  मागील दोन तीन दिवसात सातत्याने बीड जिल्ह्यात बहुतांश भागात अवकाळी पाऊस व काही ठिकाणी गारपीट झाली आहे. यामुळे आंबा, डाळिंब, यांसह मिरची, टोमॅटो, भाजीपाला आदी पिकांचे मोठे नुकसान झाले आहे. बऱ्याच ठिकाणी पंचनामे झाले आहेत तर उर्वरित ठिकाणचे पंचनामे तातडीने पूर्ण केले जावेत व मद...

 स्व.गोपीनाथराव मुंडे साहेबांनी परळी पेक्षा पाटोदा-आष्टीवर अधिक प्रेम केले, त्याची परतफेड इथली जनता नेहमीप्रमाणे सर्वाधिक मताधिक्य देऊन करणार - धनंजय मुंडे हजारो कोटींचा विकास निधी खेचून आणण्याची आमच्यात ताकद, त्यामुळे साथ द्या - आ.बाळासाहेब आजबे  पंकजाताईंच्या विजयासाठी होणार सूक्ष्म नियोजन पाटोदा (दि. 12) - माझ्यासह बीड जिल्ह्यातील अनेकांना स्व.मुंडे साहेबांनी आमदार-खासदार केले. त्यांनी नेहमीच परळीपेक्षा अधिक प्रेम आष्टी-पाटोदा-शिरूर मतदारसंघावर केले. त्याबदल्यात इथल्या जनतेने देखील कायमच मुंडे साहेब उभं करतील त्या नेत्याला मताधिक्य दिले. याही वेळी पंकजाताईच्या रूपाने ती संधी पुन्हा एकदा आली आहे. इथली जनता पुन्हा एकदा पंकजाताईला परळीपेक्षा अधिक मताधिक्य देईल, असा विश्वास कृषिमंत्री धनंजय मुंडे यांनी पाटोदा येथे बोलताना व्यक्त केला.  पाटोदा येथे आ.बाळासाहेब आजबे यांच्यासह महायुतीतील मान्यवर नेत्यांच्या पुढाकारातून महायुतीतील घटक पक्षांच्या पदाधिकारी व कार्यकर्त्यांची बैठक शहरातील चाऊस मंगल कार्यालयात आयोजित करण्यात आली होती. त्या बैठकीत धनंजय मुंडे बोलत होते.  पश्...

  तुमचं प्रत्येक मत माझ्यावर कर्ज; जिल्हा विकसित करूनच परतफेड करू - पंकजा मुंडे पाटोद्याच्या बैठकीत महायुतीच्या नेत्यांसह कार्यकर्त्यांनी कसली पंकजाताईंच्या विजयासाठी कंबर पंकजाताईंच्या दारात कुठलाही रंग पाहिला जात नाही ; इथं प्रत्येकाचं काम सन्मानपूर्वक केलं जातं पाटोदा ।दिनांक १२। पंकजाताईंच्या दारात कुठलाही रंग पाहिला जात नाही. प्रत्येकाचं काम इथं सन्मानपूर्वक केलं जातं. समाजातील सर्व घटकांचे हित साधत वंचित, उपेक्षितांचे स्वप्न साकार करण्यासाठीच आम्ही राजकारणात आहोत. लोकनेते मुंडे साहेबांची लेक म्हणून माझ्यावर जरूर प्रेम करा, पण मला मतदान करतांना माझ्यातील नेतृत्व, कर्तृत्वाला मतदान करा. तुमचं प्रत्येक मत हे माझ्यावर कर्ज आहे, त्याची परतफेड जिल्हयात विकासाची कामे करूनच करेन त्यासाठी मला साथ द्या असं आवाहन भाजपा महायुतीच्या उमेदवार पंकजाताई मुंडे यांनी आज येथे केलं. गेल्या निवडणुकीत पाच लाख मतं घेणाऱ्यांनी पाच वर्षांत जनतेचा चेहरा तरी पाहिला आहे का? असा सवालही त्यांनी केला.     भाजपा महायुतीच्या उमेदवार पंकजाताई मुंडे यांच्या प्रचारार्थ शहरात आज कार्यकर्त्यांची बैठक आ...

  शेतात काम करणाऱ्या  माय लेकावर कोसळली वीज   गेवराई, प्रतिनिधी..  शेतात काम करत असताना अचानक वीज अंगावर पडल्याने शेतकरी महिलेचा जागीच मृत्यू झाला तर सदरील महिलेचा मुलगा गंभीर जखमी झाला. हि दुर्दैवी घटना शुक्रवार(ता.१२)एप्रिल रोजी सायंकाळी साडेचार वाजण्याच्या सुमारास गेवराई तालुक्यातील मन्यारवाडी येथे घडली. मिना गणेश शिंदे (वय ३५)वर्ष असे मृत्यू झालेल्या शेतकरी महिलेचे नाव तर ओंकार गणेश शिंदे (वय १५) वर्ष असे जखमी युवकाचे नाव आहे.      गेवराई शहरात तसेच परिसरात शुक्रवार रोजी सायंकाळी वादळी वारा व विजेच्या कडकडाटसह जोरदार पाऊस झाला. दरम्यान गेवराई शहरापासून तीन किलोमीटर अंतरावर असलेल्या मन्यारवाडी येथील मिना गणेश शिंदे व ओंकार गणेश शिंदे हे माय-लेकरं आपल्या स्वतःच्या शेतात काम करत होते. याचवेळी अचानक पाऊस व विजेच्या कडाकडाट सुरु झाल्याने मिना शिंदे व ओंकार हे दोघे लिंबाच्या झाडाखाली थांबले असता वीज कोसळली. यामध्ये मिना शिंदे यांचा जागीच मृत्यू झाला तर ओंकार शिंदे हा गंभीररित्या जखमी झाला. घटनेची माहिती मिळताच ग्रामस्थांनी घटनास्थळी धाव घेतली होती. जखम...

  परळीत सलग दुसऱ्या दिवशी दोन गावात वीज कोसळली: एक बैल व म्हैस दगावली परळी वैजनाथ, एमबी न्युज वृत्तसेवा                   अवकाळी असून परळी तालुक्यात काल वीज कोसळून एक म्हैस दगावली होती त्यानंतर आज पुन्हा एकदा सलग दुसऱ्या दिवशी दोन विविध गावात वीच कोसळून दोन जनावरे दगावल्याची घटना घडली आहे.           परळी तालुक्यातील मौजे कानडी ता. परळी वै  येथील श्री प्रदीप बाबुराव कदम यांची म्हैस (वगार) वीज पडून मयत झाली आहे.तसेच मौजे  पाडोळी ता परळी वै येथील  भास्कर संभाबुवा पुरी यांचा बैल  वीज पडून मयत झाला.

  टोकवडीचे माजी सरपंच दशरथ आबा मुंडे यांचे निधन परळी वैजनाथ प्रतिनिधी  तालुक्यातील टोकवाडी गावचे माजी सरपंच दशरथ आबा मुंडे यांचे हृदविकाराच्या धक्याने दुख:द निधन झाले. दशरथ आबा मुंडे यांचा दांडगा जन संपर्क होत. त्यांनी टोकवाडी गावचे सरपंच भूषवले. गावात त्यांचे सर्वांशी जिव्हाळ्याचे संबंध होते. दि 11 एप्रिल रोजी त्यांना हृदयविकराच्या तीव्र धक्का बसला व त्यात त्यांची प्राणज्योत मालवली. मृत्यू समयी त्यांचे वय 67 वर्ष होते. आज दी.12 रोजी सकली 8.30  वाजता सार्वजनिक स्मशानभूमी टोकवाडी येथे होणार आहे. त्यांच्या निधनाने टोकवाडी गावावर शोककळा पसरली. त्यांचा पश्चात दोन मुले मुली सुना नातवंडे असा भरगच्च परिवार आहे.

  अवकाळीचा तडाखा: परळी तालुक्यात वीज कोसळली; एक म्हैस दगावली  परळी वैजनाथ, एमबी न्युज वृत्तसेवा...        बीड जिल्ह्यात आज सर्वत्रच अवकाळी पावसाने झोडपून काढले असुन परळी तालुक्यातही सोसाट्याच्या वाऱ्यासह अवकाळी पाऊस झाला. यात परळी तालुक्यात वीज कोसळून एक म्हैस दगावल्याची घटना घडली आहे.       परळी तालुक्यात कालपासूनच ढगांच्या गडगडात सोसाट्याचा वारा व विजांच्या कडकडाटात अवकाळी पाऊस सुरू झाला असुन या अवकाळी पावसाने जनजीवन विस्कळीत करून टाकले आहे. आंब्याचे मोठ्या प्रमाणावर नुकसान झाले असले तरी रस्त्यावरील अनेक झाडे उन्मळून पडण्याच्या घटना घडल्या आहेत. तर घरावरील पत्रे व अन्य साहित्य उडून जाण्याच्या घटनाही घडल्या आहेत. दरम्यान परळी तालुक्यातील खामगाव येथे आज वीज कोसळली. खामगाव येथील शरद प्रल्हाद बडे यांची म्हैस पाऊसात वीज  पडून दगावली आहे.

  श्रुती शांतलिंग फुटकेला आयआयटी रोपर पंजाब येथून पीएचडी प्रदान परळी वैजनाथ दि.११ (प्रतिनिधी)            शहरातील शास्त्रीनगर भागातील रहिवासी श्रुती शांतलिंग फुटके-पाटील हिला आयआयटी रोपर पंजाब येथून नुकतीच पीएचडी प्रदान करण्यात आली. याबद्दल तीचे सर्वत्र अभिनंदन होत आहे.              येथील शास्त्रीनगर भागातील रहिवासी, वैद्यनाथ बँकेतील पिग्मी एजंट शांतलिंग फुटके यांना एक मुलगा एक मुलगी असून आर्थिक परिस्थिती तशी बेताचीच आहे. आर्थिक परिस्थिती बेताची असताना शिक्षणाचे महत्त्व जाणत दोन्ही मुलांना काटकसर करत शिक्षणासाठी आवश्यक खर्च केला.मुलांनीही आपल्या वडीलांचे कष्ट, मेहनत पाहून जबाबदारीने शिक्षण पूर्ण केले. मुलगा शुभमने इंजिनिअरिंग पूर्ण केले. व सध्या मुंबई येथे खाजगी कंपनीत नौकरी करत आहे तर मुलगी श्रुती हिने नुकतीच पीएचडी प्राप्त केली आहे. श्रुती चे शालेय शिक्षण न्यु हायस्कूल येथे, पाँलिटेकनीक शासकीय तंत्रनिकेतन लातूर येथे, बीई टि.बी.गिरवलकर आंबेजोगाई तर एमटेक गुरुगोविंदसिंह इंजिनिअरिंग काँलेज नांदेड ला पूर्ण केले. याच ठि...

  पंकजाताई मुंडेंच्या प्रचार नियोजनार्थ महायुतीची गुरुवारी बीडमध्ये महत्वपूर्ण बैठक धनंजय मुंडे, पंकजाताई, यांसह जिल्ह्यातील सर्व आमदार, मान्यवर नेते व महायुतीतील पदाधिकारी राहणार उपस्थित भारतीय जनता पक्ष, राष्ट्रवादी काँग्रेस, शिवसेना, रिपाइं (आठवले गट), रिपाइं (कवाडे गट), रासप यांसह महायुतीतील घटक पक्षांच्या सर्व आघाड्या, फ्रंटल सेल आदींच्या पदाधिकाऱ्यांनी उपस्थित राहण्याचे प्रचार समितीचे आवाहन बीड (दि. 10) - बीड लोकसभा मतदारसंघाच्या भारतीय जनता पार्टी राष्ट्रवादी काँग्रेस, शिवसेना व घटक पक्ष महायुतीच्या अधिकृत उमेदवार पंकजाताई गोपीनाथराव मुंडे यांच्या प्रचाराच्या नियोजनार्थ गुरुवार (दि.11) रोजी बीड शहरातील तेलगाव रोडवरील कोहिनुर लॉन्स येथे महत्वपूर्ण बैठकीचे आयोजन करण्यात आले असून, या बैठकीस राज्याचे कृषिमंत्री तथा राष्ट्रवादी काँग्रेस पक्षाचे नेते धनंजय मुंडे तसेच लोकसभेच्या उमेदवार तथा भाजपच्या राष्ट्रीय सचिव पंकजाताई मुंडे या मार्गदर्शन करणार आहेत, तसेच या बैठकीत आगामी काळातील प्रचाराचे नियोजन करण्याबाबत सविस्तर चर्चा होणार आहे.  या बैठकीस दोन्हीही नेत्यांसह बीड जिल्ह्...

  धर्म-जाती पेक्षा शिक्षणच आयुष्य बदलू शकते-प्रमोद सटाले क्लास वन अधिकारी बनलेल्या विद्यार्थ्यांचा शाळेकडून सहृदय सत्कार परळी / प्रतिनिधी धर्म-जातीत अडकून पडण्यापेक्षा शिक्षणच हे आपले आयुष्य बदलू शकते.शाळेचे संस्थापक माजी खासदार कॉ.गंगाधरआप्पा बुरांडे यांची साधी राहणी व उच्च विचारसरणी हे आदर्श शालेय जीवनापासून मनात रुजली असून त्यांचा या गुणाचा माझ्या आयुष्यामध्ये व्यक्तिगतरीत्या खूप मोठा फायदा झाला असल्याचे मत एमपीएससी स्पर्धा परीक्षेतून वित्त व लेखा अधिकारी (वर्ग 1) अधिकारी बनलेल्या प्रमोद सटाले व त्यांची पत्नी स्मिता प्रमोद साटले यांची तालुका वनाधिकारी पदी निवड झाल्याबद्दल आसुबाई माध्य व उच्च माध्य विद्यालय, मांडेखेल शाळेच्यावतीने बुधवारी (दि 10) सहृदय सपत्नीक सत्कार करण्यात आला. या प्रसंगी संस्थेचे सचिव एड.अजय बुरांडे, उपाध्यक्ष एड.श्रीधर डिघोळे, संचालक मुरलीधर नागरगोजे, प्राचार्य सुरेश बुरांडे आदीची प्रमुख उपस्थिती होती. पुढे बोलताना शाळेचे विद्यार्थी असलेले प्रमोद सटाले यांनी सांगितले की,इयत्ता पाचवी मध्येच माझा जो आत्मविश्वास माझ्या शिक्षकाने उंचवला त्याच  विश्वासाच्या...

  श्रीराम नवमी निमित्त श्री गोराराम मंदिरात अध्यात्म रामायण व संहिता पारायण : नऊ दिवस चालणार धार्मिक कार्यक्रम परळी वैजनाथ:  प्रतिनिधी...  श्रीराम नवमी निमित्त  गणेशपार भागातील श्री गोराराम मंदिर येथे पारंपरिक पद्धतीने अध्यात्म रामायण व संहिता पारायण तसेच रामजन्मोत्सव सोहळा होणार आहे. या निमित्ताने नऊ दिवस विविध धार्मिक कार्यक्रम होणार आहेत.समर्थ रामदास स्वामी संस्थापित गोराराम मंदिर येथे दरवर्षी रामनवमी उत्सव मोठ्या उत्साहाने साजरा केला जातो.         या निमित्ताने पाडव्या पासून रामनवमीपर्यंत दररोज   रामायणाचार्य मनोहरबुवा जोशी कान्हेगावकर यांच्या वाणीतून अध्यात्म रामायण होणार आहे. सकाळच्या सत्रात सहिंता पारायण होणार आहे. त्याचबरोबर रामाचे नवरात्र साजरे केले जाणार आहेत.रामनवमी दिवशी  रामजन्मोत्सव पारंपरिक पद्धतीने साजरा करण्यात येणार आहे.या जन्मोत्सव सोहळयास भाविक भक्तांनी मोठ्या संख्येने उपस्थित रहावे असे आवाहन वैद्यराज रामदासबुवा (दादा) रामदासी,लक्ष्मणबुवा रामदासी व नंदकुमार रामदासी यांनी केले आहे.

  मतदान करणे हाच लोकशाहीचा आत्मा आहे -प्रा.डी.बी गायकवाड  परळी प्रतिनिधी ---जवहार शिक्षण संस्थेच्या वैद्यनाथ कॉलेजमध्ये शासनाच्या परिपत्रकानुसार मतदान जनजागृति मोहिमे संदर्भात कार्यक्रमाचे आयोजन करण्यात आले होते त्याप्रसंगी राज्यशास्त्र विभागातील प्राध्यापक डी बी गायकवाड यांनी मतदान करणे हाच लोकशाहीचा आत्मा आहे  असे मत प्रतिपादन केले या कार्यक्रमाच्या व्यासपीठावर महाविद्यालयाचे उपप्राचार्य प्रा डी के आंधळे, प्राणीशास्त्र विभाग प्रमुख डॉ.जे व्हि.जगतकर इंग्रजी विभाग प्रमुख डॉ. व्हि.जे चव्हाण यांची उपस्थिती होती. यापुढे बोलताना प्रमुख पाहुणे प्रा. गायकवाड यांनी मतदानाद्वारे लोकशाही शासन व्यवस्था मजबूत करता येते. तसेच मतदानाच्या माध्यमातून नागरिकास हवा तो राजकीय पक्ष सत्तेत आणता येतो ,अर्थात हवी ती विचारधारा राजकीय सत्तेच्या माध्यमातून अमलात आणता येते, मतदानाकडे दुर्लक्ष करणे लोकशाहीचा अपमान आहे ही राजकीय उदासीनता लोकशाहीसाठी घातक आहे म्हणून आपल्या आवडीचे सरकार व विचारधारा प्रत्यक्षात अमलात आणण्यासाठी मतदान करणे गरजेचे आहे .मतदानाच्या माध्यमातून वैचारिक क्रांती होऊ शकते .जो...

  महातपुरीत पाण्याच्या मोटार काढण्यावरून राडा!  अख्ख्या गावाने पाच तास रोखला तहसिलदारांचा ताफा   आ.सोळंकेंनी मध्यस्थी करून तहसीलदारांना काढले सुखरूप बाहेर  माजलगाव प्रतिनिधी दि.10 तालुक्यातील महातपुरी सुलतानपूर येथील गोदावरी नदीवर पाणी उपश्यासाठी बसवलेल्या मोटार काढण्यावरून गावकरी आणि तहसीलदारात बुधवार दि 10 रोजी पहाटे मोठा राडा झाला.यादरम्यान आख्या गावाने एक होत सुमारे पाच तास तहसीलदाराचा ताफा रोखून धरला होता.या आणीबाणीच्या प्रसंगी आ.प्रकाश सोळंके यांनी गावकऱ्याची समजूत काढत मध्यस्थी करून तहसीलदारांना सुखरूप बाहेर काढले. गतवर्षी पावसाळा कमी झाल्याने जिल्ह्यात पाण्याची भीषण परिस्थिती निर्माण झाली आहे. त्यामुळे पिण्याच्या पाण्यासाठी नागरिकांना भटकावे लागत आहे. पिण्याच्या पाण्याची जपवनुक करण्यासाठी शासनाने विविध उपाययोजना सुरू केल्या आहेत. यातच शेतीसाठी नदीकाठ गंगा काठावरून केला जाणारा पाण्याच्या उपशावरही नियंत्रण ठेवणे सुरू केले आहे.याच कामासाठी माजलगावच्या तहसीलदार वर्षा मनाळे आपल्या ताफ्यासह महादपुरी  येथे गंगा काठी गेल्या होत्या.यावेळी त्यांनी नदीवर असण...

शंभू महादेवाच्या वाघाच्या काठीची व कावडीची मिरवणूक   परळी : शंभू महादेवाच्या वाघाच्या काठीची व कावडीची मिरवणूक येथील पद्मावती गल्लीतून जुन्या परळीत पारंपरिक मार्गावरून मंगळवारी सायंकाळी  वाजत-गाजत काढण्यात आली  आहे .           पद्मावती गल्लीतील  मठपती वाघेश विश्वंभर स्वामी यांनी सपत्नीक महादेवाच्या काठीची व कावडीची पूजा केली .यावेळी आरती करण्यात आली. साखरेच्या गाठीची माळ व पुष्पहार घालून व एकदा शंभूच्या नावाने बोला हर हर महादेव चा जयघोष करीत मिरवणुकीस प्रारंभ करण्यात आला. यावेळी मठपती संजय स्वामी ,दयानंद स्वामी ,धनंजय स्वामी, वाघेश स्वामी , अनिरुद्ध स्वामी, उद्योजक शेखर स्वामी, विनोद स्वामी, ओम स्वामी.  शिक्षक नेते श्री शिवलिंग स्वामी. आश्विन मोगरकर , दयानंद चौधरी, रमेश चौधरी, संदीप चौधरी, उमाकांत टाक यांच्यासह गणेशपार रोड, जंगमगल्ली , देशमुख गल्ली, अंबेवेस , पेठगल्ली मार्गे   मार्गे  ही काठी व कावड मिरवणूक रात्री देशमुख पारावरील देशमुख वाड्यात आली. यावेळी एकदा शंभूच्या नावाने बोला हर हर महादेव चा जयघोष चालू होता...

  पंकजाताई मुंडेंनी गुढीपाडवा साजरा केला धनगरवाडीतील ऊसतोड मजूरांसोबत बीड जिल्हयाच्या अतिउज्ज्वल भविष्याचा इतिहास होण्याचा केला संकल्प माहेरी आलेल्या  लेकीसारखं ग्रामस्थांनी केलं उत्स्फूर्त स्वागत बीड।दिनांक ०९। भाजपा महायुतीच्या उमेदवार पंकजाताई मुंडे यांनी आज धनगरवाडी (ता. शिरूर) येथील ऊसतोड मजूर बांधवांसोबत गुढी पाडवा सण मोठया आनंदात आणि उत्साहवर्धक वातावरणात साजरा केला. माहेरी आलेल्या लेकीसारखं गावातील महिलांनी अतिशय थाटात त्यांचं उत्स्फूर्त स्वागत केलं.    चैत्र शुध्द प्रतिपदा अर्थात मराठी नववर्षाच्या सुरवातीला येणाऱ्या गुढी पाडवा सणाला विशेष महत्त्व असते. पंकजाताई मुंडे सध्या जिल्हयात ठिकठिकाणी प्रचार दौर्‍यावर असून ग्रामस्थांशी संवाद साधत आहेत. आजचा गुढी पाडवा सण कष्टकरी जनतेसोबत साजरा करावा अशी त्यांची मनोमन इच्छा होती. या उद्देशाने त्यांनी शिरूर कासार तालुक्यातील धनगरवाडी येथील ऊसतोड मजूरांसोबत साजरा गुढी पाडवा साजरा केला.  ग्रामस्थांनी केलं लेकीचं जंगी स्वागत ------ धनगरवाडीत आगमन होताच पंकजाताईंचं ग्रामस्थांनी वाजतगाजत जंगी स्वागत केलं. माहेरी आलेल्या...

  संतश्री रानबा महाराज मंदिर येथे आज गुढीपाडवा उत्सवाचे आयोजन नववर्षानिमित्त पूजा व आरती; प्रसादाचेही होणार वितरण परळी वैजनाथ/प्रतिनिधी परळी वैजनाथ येथील संत श्री रानवा महाराज मंदिर येथे आज मंगळवार दिनांक 9 एप्रिल रोजी सकाळी नऊ वाजता हिंदू धर्मियातील नववर्ष गुढीपाडवा उत्सवाचे आयोजन करण्यात आले आहे. यानिमित्त संत श्री रानबा महाराज यांची विधिवत पूजा व आरती होणार असून सकाळी दहा वाजता भाविक भक्तांना खिचडी प्रसादाचे वाटप करण्यात येणार आहे. या कार्यक्रमास परळी शहर व पंचक्रोशीतील भाविक भक्तांनी मोठ्या संख्येने उपस्थित राहावे असे आवाहन संत श्री रानबा महाराज मंदिर ट्रस्टचे श्री ज्ञानेश्वर खर्डे व श्री रामेश्वर खर्डे यांनी  केले आहे. प्रति वर्षाप्रमाणे याही वर्षी परळी वैजनाथ येथील पंचायत समिती समोर असलेले संत श्री रानबा महाराज यांचे मंदिर आहे. गुढीपाडवा नववर्षानिमित्त संत श्री रामभाऊ महाराज मंदिर फुलांनी सजविण्यात आले आहे. या ठिकाणी संत श्री रानबा महाराज यांची विशेष महापूजा व आरती सकाळी नऊ वाजता होणार आहे. त्यानंतर खिचडी प्रसाद भाविकांना वाटप केला जाणार आहे. या कार्यक्रमास भाविक भक्तांन...

  जिल्ह्यातील सर्व घटकांचा विकास करण्यासाठीच माझी उमेदवारी :पंकजा मुंडे  जनतेचे प्रेम हीच माझी ऊर्जा; बीड दौऱ्यात पंकजा मुंडे यांनी व्यक्त केला विश्वास लोकनेते मुंडे साहेबांच्या संस्काराच्या शिदोरीवरच सर्वसामान्यांना सोबत घेऊन राजकीय वाटचाल बीड ।दिनांक ०८। जिल्ह्यातील सर्व नागरिकांचा विकास करण्यासाठी भाजप महायुतीकडून माझी उमेदवारी आहे. यापूर्वी राज्य मंत्रिमंडळात मी काम केलेले आहे. हे काम करताना जिल्ह्यातील सर्व घटकांचा विकास हेच ध्येय समोर ठेवून जनतेची कामे मार्गी लावली. लोकनेते गोपीनाथ मुंडे यांनी आम्हाला दिलेल्या संस्काराच्या शिदोरीवरच जिल्ह्यातील सर्वसामान्य, वंचित, उपेक्षित घटकांना न्याय देण्यासाठी त्यांना सोबत घेऊन आमची राजकीय वाटचाल होत आहे, त्यामुळे मी ज्यांना- ज्यांना भेटते त्यांना कधीही जातीच्या चष्म्यातून पाहत नाही. तो संस्कार आमचा  नाही. बीड जिल्ह्यातील जनतेचे प्रेम हीच माझी ऊर्जा आहे असे भाजप महायुतीच्या उमेदवार पंकजाताई मुंडे यांनी आज येथे सांगितले.  बीड लोकसभा मतदारसंघासाठी 13 मे रोजी मतदान होत आहे. या पार्श्वभूमीवर पंकजाताई मुंडे यांनी जिल्ह्यातील स...

 'मायेच्या हळव्या स्पर्शाने' समृद्ध नेतृत्व: ताई ,आम्ही आहोत; स्वतःला जप - पंकजाताईंना वयोवृद्ध महिलांचे भरभरून आशीर्वाद बीड, प्रतिनिधी....           पंकजाताई मुंडे यांना राजकीय जीवनात जनसामान्यांचा खंबीर आशीर्वाद, प्रेम ,साथ, सहकार्य नेहमीच मिळत आले आहे. परंतु इतर राजकीय नेत्यांपेक्षाही वेगळी अशा प्रकारची जिव्हाळा  माया व प्रेमाची समृद्ध श्रीमंती फक्त पंकजाताई मुंडे यांनाच सातत्याने अनुभवावयास मिळते याची अनेक उदाहरणे बघायला मिळतात. बीड लोकसभेच्या प्रचारात असताना आज असाच काहीसा भाऊक परंतु अतिशय जिव्हाळ्याचा प्रसंग बघायला मिळाला.              बीड लोकसभा मतदारसंघाच्या भाजप महायुतीच्या लोकप्रिय उमेदवार पंकजाताई मुंडे या सध्या जिल्ह्यात दौरा करत असून जिल्ह्यातील गाव न गाव त्या पिंजून काढताना दिसत आहेत. पंकजाताईंना जाईल तिथे जनतेच्या निरपेक्ष प्रेम व मायेची साथ मिळतांना  दिसते. पंकजाताई मुंडे राज्यात कुठेही फिरत असताना असे जिव्हाळ्याचे प्रसंग अनेक वेळा  बघायला मिळतात. परंतु बीड जिल्ह्यातील जनतेच्या मनात आणि वागण्...

  पंकजा मुंडेंनी चाकरवाडीत केली सेवा,माऊलींचे दर्शन व घेतले आशिर्वाद ! माऊलींचे घेतले दर्शन ; कारेगावच्या संत बाळूमामांच्या सप्ताहात घेतला कीर्तन श्रवणाचा लाभ केज ।दिनांक ०८।  भाजपाच्या राष्ट्रीय सचिव तथा महायुतीच्या उमेदवार पंकजाताई मुंडे यांच्या साधेपणाचा प्रत्यय पुन्हा एकदा दिसून आला. श्रीक्षेत्र चाकरवाडीत माऊलींचे दर्शन घेतल्यानंतर त्यांनी स्वतःच्या हाताने महापंगतीतील भाविकांना प्रसाद वाटप केला, त्यांच्या या कृतीने उपस्थित भाविक मात्र भारावून गेल्याचे पहायला मिळाले.     लोकसभा निवडणुकीच्या प्रचाराच्या निमित्ताने पंकजाताई मुंडे यांचा सध्या जिल्हाभरात दौरा करत आहेत. आज सोमवती अमावस्यानिमित्त परळीतील व्यापाऱ्यांच्या वतीने चाकरवाडीत महापंगत ठेवण्यात आली होती. पंकजाताई मुंडे आज बीडमध्ये होत्या, प्रचारातून वेळ काढून त्या श्रीक्षेत्र चाकरवाडी येथे पोहोचल्या. सर्वप्रथम त्यांनी संत माऊली महाराजांचे दर्शन घेतले. मंदिर संस्थानच्या वतीने महादेव महाराज चाकरवाडीकर यांनी त्यांचं यावेळी स्वागत केलं. यानंतर पंकजाताईंनी लगेच महापंगतीत जाऊन भाविकांना  स्वतःच्या हाताने प...

  महानिर्मितीची ऐतिहासिक विक्रमी ६१४३९ दशलक्ष युनिट्स वीज निर्मिती : परळी औष्णिक विद्युत केंद्राचे विशेष योगदान मुख्य अभियंता डॉ अनिल काठोये यांचा व्यवस्थापकीय संचालक डॉ पी अनबलगन यांचाकडून सत्कार परळी / प्रतिनिधी      राज्यात महानिर्मिती कंपनीकडून वीज उत्पादनात विक्रम प्रस्थापित करण्यात आला असुन या वर्षात महानिर्मितीने ऐतिहासिक विक्रमी ६१४३९ दशलक्ष युनिट्स वीज निर्मिती केली.यामध्ये परळी औष्णिक विद्युत केंद्राचे विशेष योगदान राहिले. या कामगिरीबद्दल मुख्य अभियंता डॉ अनिल काठोये यांचा वरिष्ठांकडून सत्कार करण्यात आला.         राज्यातील येथील औष्णिक विद्युत निर्मिती केंद्रांनी पुन्हा एकदा विक्रमी वीज उत्पादन केले असून एका आर्थिक वर्षात ६१४३९ दशलक्ष युनिट्स वीज उत्पादन केले आहे. याबद्दल महानिर्मिती च्या मुख्य कार्यालय मुंबई येथे औष्णिक विद्युत केंद्रांच्या मुख्य अभियंतांचा सत्कार करण्यात आला. यामध्ये परळी वैजनाथ औष्णिक विद्युत केंद्राचे मुख्य अभियंता डॉ अनिल काठोये यांचाही सत्कार करण्यात आला.परळी वैजनाथ येथील औष्णिक विद्युत निर्मिती केंद्राच्या वतीने व...

  जहाजावरून बेपत्ता परळी तालुक्यातील युवकाच्या शोधासाठी मुंडे बंधू- भगिनींचे पीएमओ व परराष्ट्र मंत्रालयाकडे मदतीसाठी प्रयत्न परळी वैजनाथ, प्रतिनिधी           परळी तालुक्यातील इंजेगावचा युवक सिंगापूर- इंडोनेशिया दरम्यान जहाजातून  बेपत्ता झाल्याच्या घटनेने त्याचे कुटुंबचिंतग्रस्त बनले आहे. सर्वच प्रसार माध्यमांमध्ये प्राधान्याने ही बातमी प्रसारित झाली असून कराड कुटुंबाला प्रणव चा शोध घेण्यासाठी मदत व्हावी या दृष्टीने सर्व स्तरातून प्रयत्न केले जात आहेत. या अनुषंगाने राज्याचे कृषिमंत्री तथा बीड जिल्ह्याचे पालकमंत्री धनंजय मुंडे व भारतीय जनता पक्षाच्या राष्ट्रीय सचिव पंकजा मुंडे यांनी प्रधानमंत्री कार्यालय, परराष्ट्र मंत्रालय आदी संबंधित ठिकाणी पाठपुरावा  सुरू केलेला आहे. प्रणव कराडचा शोध घेण्यासाठी मदतीचे आवाहन त्यांनी ट्विट करून केले आहे.             सध्या पुण्यात राहत असलेला मात्र  मुळ परळी वैजनाथ तालुक्यातील इंजेगावचा प्रणव कराड नावाचा तरुण जहाजावरुन बेपत्ता झाल्य...

  पंकजाताई मुंडेंना लोकसभेत पाठविण्यासाठी पालकमंत्री, आमदारांच्या गावोगावी बैठका स्थानिक नेते, कार्यकर्ते लागले कामाला सुक्ष्म प्रचार यंत्रणा राबवून विक्रमी मताधिक्य देण्याचा निर्धार बीड।दिनांक ०७। लोकसभा निवडणूकीसाठी येत्या १३ मे रोजी मतदान होत आहे. तब्बल २१ लाख १५ हजारे ८१३ इतके मतदान असलेल्या बीड जिल्ह्यात भाजपाच्या राष्ट्रीय सचिव पंकजाताई मुंडे यांना भाजप महायुतीने बीड लोकसभेची उमेदवारी दिल्यानंतर पालकमंत्र्यांसह भाजप महायुतीचे सर्व आमदार, माजी आमदार, जिल्हाध्यक्ष आदी नेत्यांसह महायुतीचे तालुका व गावपातळीवर काम करणारे पदाधिकारी, कार्यकर्ते जोमाने कामाला लागले आहेत. पंकजाताईंना विक्रमी मतांनी निवडून देत लोकसभेत मान-सन्मानाने  पाठवण्याचा निर्धार सर्व जण विविध ठिकाणी बोलून दाखवत आहेत.  सध्या पंकजाताई मुंडे यांनी नुकताच प्रचाराचा पहिला टप्पा पूर्ण करून दुसरा टप्पा सुरू केला आहे. गावोगावी महायुतीचे कार्यकर्ते तसेच पालकमंत्री धनंजय मुंडे यांचेसह आमदार सुरेश धस, आ. प्रकाश सोळंके, आ. लक्ष्मण पवार, आ. बाळासाहेब आजबे, आ. नमिता मुंदडा, माजी आमदार केशवराव आधळे, भीमराव धोंडे, अम...

  पंकजाताई मुंडेंनी वडवणी शहर पिंजून काढलं तुमचं प्रत्येक मत हे माझ्यासाठी वचन ; सर्व घटकांचा विकास हेच माझं ध्येय निवडणूक सोपी करण्याचं कोष्टी, बंजारा समाज बांधवांनी दिलं पंकजाताईना वचन वडवणी ।दिनांक ०७। तुमचं प्रत्येक मत हे माझ्यासाठी वचन असणार आहे, समाजातील वंचित, पीडितांसह सर्व समाज घटकांचा विकास करणं हे ध्येय ठेवून मी काम करत आहे. लोकनेते मुंडे साहेब जिथपर्यंत पोचले होते, तिथपर्यंत जाण्याची संधी मला आपल्या आशीर्वादाने मिळणार आहे. या संधीचा उपयोग जिल्हयासाठीच होणार असल्याने मला आपले आशीर्वाद द्या असं आवाहन भाजपा राष्ट्रीय सचिव तथा महायुतीच्या उमेदवार पंकजाताई मुंडे यांनी आज इथे केलं.     लोकसभा निवडणुकीच्या अनुषंगाने प्रचार दौरा करत असतांना पंकजाताई मुंडे यांनी आज वडवणी शहर पिंजून काढले. चौपदरा तांडा येथे बंजारा आणि चौंडेश्वरी मंगल कार्यालयात कोष्टी समाज बांधवांशी संवाद साधत त्यांनी शहरातील विविध समाज घटकातील नागरिकांच्या भेटी घेतल्या व संवाद साधला.    नागरिकांसमोर बोलताना पंकजाताई म्हणाल्या,  आतापर्यंत मी लोकनेते मुंडे साहेब, खासदार डाॅ.प्रितमताई, रज...

  परळी तालुक्यातील इंजेगावचा युवक सिंगापूर- इंडोनेशिया दरम्यान जहाजातून  बेपत्ता ! तीन दिवस उलटले :पालक चिंताग्रस्त: कंपनीकडून अधिक माहितीसाठी समाधानकारक प्रतिसाद नाही परळी वैजनाथ, एमबी न्युज वृत्तसेवा...          सध्या पुण्यात राहत असलेला मात्र  मुळ परळी वैजनाथ तालुक्यातील इंजेगावचा प्रणव कराड नावाचा तरुण जहाजावरुन बेपत्ता झाल्याची धक्कादायक माहिती समोर आली आहे. हा तरुण मर्चंट नेव्हीमध्ये एका कंपनीच्या जहाजावर काम करत होता. मात्र आता तो अचानक बेपत्ता झाल्याची माहिती प्रणवच्या कुटुंबियांना देण्यात आली आहे. या सगळ्या प्रकारामुळे प्रणवचे कुटुंबीय फार चितेत आहेत.तसेच या संदर्भात अधिक माहितीसाठी कंपनीकडून माहितीसाठी समाधानकारक प्रतिसाद मिळत नसल्याची खंत चिंताग्रस्त असलेल्या कराड कुटुंबियांनी व्यक्त केली आहे.            प्राप्त अधिक माहितीनुसार, विल्हेम्सन शिप मॅनेजमेंट प्रायवेट लिमिटेड या कंपनीत प्रणव काम करत होता. कंपनीच्या जहाजावर प्रणव डेट कॅडेट म्हणून काम करायचा. गेल्या तीन दिवसांपासून प्रणव बेपत्ता असल्याचं त्याच्य...