माझी बातमी MB NEWS

 *धनंजय मुंडेंच्या नेतृत्वात परळीत राष्ट्रवादी आपल्या दारी अभियानास पुन्हा सुरुवात* *रविवारी धनंजय मुंडे देणार प्रभाग क्र. 3 मध्ये गृहभेटी* परळी (प्रतिनिधी) - परळी राष्ट्रवादी काँग्रेसच्या वतीने माजी मंत्री आ. धनंजय मुंडे यांच्या नेतृत्वाखाली सुरू करण्यात आलेल्या 'राष्ट्रवादी आपल्या दारी, विकासाची प्रभागफेरी' या अभियानास रविवारपासून पुन्हा सुरुवात होत असून, धनंजय मुंडे हे त्यांच्या सहकाऱ्यांसह शहरातील नवीन प्रभाग क्र. 3 मधील नागरिकांच्या भेटी घेऊन संवाद साधणार आहेत.  धनंजय मुंडे यांच्या नेतृत्वाखाली सुरू करण्यात आलेल्या या अभियानास परळी वासीयांनी उत्तम प्रतिसाद दिला होता. धनंजय मुंडे हे त्यांचे सहकारी, पदाधिकारी व स्थानिक प्रशासकीय कर्मऱ्यांसह घरोघरी होऊन नागरिकांशी संवाद साधतात, यावेळी नागरिकांच्या लहान मोठ्या समस्यांना घरपोच व्यासपीठ मिळत असल्याने ही प्रभाग फेरी लोकप्रिय ठरत आहे.  मध्यंतरी घोषित झालेली आचारसंहिता व संततधार पाऊस यामुळे या अभियानास काही काळ खंड पडला होता, मात्र रविवार (दि. 7) पासून पुन्हा या अभियानास सुरुवात होत असून, सकाळी 8 वा. सर्व पदाधिकारी, आजी-माजी नगरस

 या युुवतीने गेल्या वर्षीच स्वयंस्फूर्त हाती घेतला होता 'हर घर तिरंगा' उपक्रम _पंतप्रधानांना पत्राद्वारे दिली होती 'हर घर तिरंगा' सह 75 कृतियुक्त संकल्पनांची यादी_ परळी वैजनाथ, प्रतिनिधी....        स्वातंत्र्याच्या अमृत महोत्सवी वर्षानिमित्त देशभरात विविध उपक्रम राबविण्यात येत आहेत. यामध्ये सर्वात महत्त्वाचा उपक्रम हाती घेण्यात आला असून हर घर तिरंगा या उपक्रमाने यावेळी  स्वातंत्र्य दिन राष्ट्र अस्मितेसह साजरा केला जाणार आहे. देशात घराघरात पोहोचणारा हा उपक्रम परळी जवळच्याच देशमुख डिघोळ येथील एका मुलीने गेल्यावर्षी पंतप्रधानांना पत्र लिहून सुचवला होता. त्याचप्रमाणे तिने गेल्या वर्षीच स्वतः स्वयंस्फुुर्तिने हा उपक्रम स्वतःच्या घरापासून सुरू केला होता आणि आज हाच उपक्रम देशभरात राबवला जात आहे हे विशेष.        परळी शहरात शिक्षण घेतलेली व सर्वपरिचित विद्यार्थिनी कु.मंजुश्री सुर्यकांत घोणे ही नेहमीच विविध कृतिशील व रचनात्मक उपक्रमांमध्ये अग्रेसर असते. सोनपेठ तालुक्यातील देशमुख डिघोळ येथील ती रहिवासी आहे. चांगली वक्ता व प्रतिभावान व्यक्तिमत्व असलेली ही विद्यार्थिनी विविध क्ष

  श्री.भगवान जिव्हेश्वर जन्मोत्सवानिमित्त विजय ग्रंथ पारायणास उत्साहात सुरुवात परळी /प्रतिनिधी: आद्य वस्त्र निर्माते शिवपुत्र भगवान श्री जिव्हेश्वर यांचा जन्मोत्सव येत्या १० ऑगस्ट रोजी सर्वत्र उत्साहान साजरा होत असून त्यानिमित्त विजय ग्रंथ पारायणास संत श्री जगमित्र नागा मंदिरात आज मोठ्या उत्साहात सुरुवात झाली. स्वकुळ समाजाचे आद्य दैवत भगवान श्री जिव्हेश्वर यांचा जन्मोत्सव श्रावण शुद्ध १३, बुधवार १० ऑगस्ट रोजी येतो आहे. यानिमित्त शहरातील साळी समाज बांधवांच्या वतीने विजय ग्रंथ पारायणाचे आयोजन करण्यात आले आहे. आज सकाळी संत श्री जगमित्र नागा मंदिर येथे  भगवान श्री जिव्हेश्वरांची आरती करून पारंपारिक पद्धतीने ग्रंथ पारायण सुरुवात झाली. या ग्रंथ पारायणास महिलांनी मोठ्या संख्येने सहभाग घेतला आहे. देशभरात विखुरलेला साळी  (विणकर) समाज भगवान श्री जिव्हेश्वर जन्मोत्सवां निमित्त एकत्र येत असतो.विजय ग्रंथ पारायण प्रारंभ आणि श्री पूजेनिमित्त शहरातील आणि परिसरातील असंख्य समाज बांधव महिला पुरुष मोठ्या संख्येने उपस्थित होते. दरम्यान जन्मोत्सवाच्या दिवशी हरिभक्त परायण अनिल महाराज पाटील बार्शीकर यांचे क

  परभणी जिल्हा मुख्याध्यापक संघ : सोनपेठ तालुकाध्यक्षपदी आर.एल. मुंडे यांची बिनविरोध निवड सोनपेठ, प्रतिनिधी.....        परभणी जिल्हा मुख्याध्यापक संघ कार्यकारिणीच्या सोनपेठ तालुकाध्यक्षपदी भाई उध्वराव पाटील विद्यालय, उक्कडगाव (म) चे मुख्याध्यापक आर.एल. मुंडे यांची बिनविरोध निवड करण्यात आली आहे. या निवडीबद्दल त्यांचे सर्व स्तरातून अभिनंदन होत आहे.      परभणी जिल्हा मुख्याध्यापक संघाची आज दिनांक 06/08 /2022 रोजी महत्वपूर्ण बैठक झाली.या बैठकीत  भाई उद्धवराव पाटील विद्यालय उक्कडगाव(म) येथील मुख्याध्यापक श्री. मुंडे आर. एल. यांची सोनपेठ तालुका मुख्याध्यापक संघाच्या अध्यक्षपदी बिनविरोध निवड करण्यात आली.  तर उपाध्यक्षपदी श्री माधवाश्रम विद्यामंदिर खडका चे  मुख्याध्यापक श्री.आर.एम.बुरांडे, श्री मुक्तेश्वर माध्य. विद्यालय, सोनपेठ चे मुख्याध्यापक राधेशाम बबनराव कुरे यांची निवड झाली. सचिवपदी श्री. किर्तेश्वर माध्य. विद्यालय आवलगाव चे मुख्याध्यापक श्री.अशोक भगवानराव शिंदे यांची निवड करण्यात आली. या प्रसंगी जिल्हा कार्यकारणीचे जिल्हाध्यक्ष उमाटे सर तर सचिव भांगे सर व सर्व सोनपेठ तालुक्यातील

  गावी निघालेला युवक  अपघातात ठार  गेवराई ..... ग्रामपंचायत निवडणुकीत मतदानाचा हक्क बजावण्यासाठी दुचाकीवरुन गावी निघालेल्या तरुणाला टेम्पोने जोराची धडक दिली, त्यानंतर तो उडून रस्त्यावर पडला.यावेळी भरधाव टिप्परने त्यास चिरडले. ही हृदयद्रावक घटना पुणे- नगर रोडवरील रांजणगावजवळ घडली. सुनील भगवान डुकरे (२८,रा.सिरसमार्ग ता.गेवराई) असे मृत तरुणाचे नाव आहे. तो रांजणगाव (जि.पुणे) येथे खासगी कंपनीत नोकरी करायचा. सिरसमार्ग येथे ग्रामपंचायतच्या पंचवार्षिक निवडणुकीसाठी ४ ऑगस्ट रोजी मतदान झाले. मतदानाचा हक्क बजावण्यासाठी तो दुचाकीवरुन ४ ऑगस्ट रोजी सकाळी सात वाजता गावी निघाला होता. रांजणगावजवळ भरधाव टेम्पोने त्याच्या दुचाकीला धडक दिली , यानंतर तो रस्त्यावर कोसळला. याचदरम्यान समोरुन येणारे टिप्पर त्याच्या अंगावरुन गेले. त्यामुळे त्याचा दुर्दैवी अंत झाला. या घटनेची माहिती मिळाल्यावर ग्रामस्थ व नातेवाईकांनी रांजणगावला धाव घेतली. सायंकाळी सिरसमार्ग येथे अंत्यसंस्कार करण्यात आले. --------------------------------------------------------- Video News :

  अतिवृष्टी:परळी तालुक्यातील दहा गावात ढगफुटीसदृश्य परिस्थिती; पांगरी, लिंबुटा, तळेेगाव सह अन्य गावे प्रभावित परळी वैजनाथ....          गेल्या काही दिवसापासून जोरदार पाऊस बरसत आहे.अतिवृष्टीमुळे शेती व पिकांना मोठी बाधा निर्माण झाली आहे. काल दि.5 रोजी सायंकाळी सहा वाजण्याच्या सुमारास परळी तालुक्यात सर्वत्र जोरदार पाऊस झाला. यामध्ये परळी जवळील पांगरी, लिंबोटा, तळेगाव, या परिसरातील दहा ते बारा गावांमध्ये मुसळधार पाऊस झाला व एक प्रकारे ढगफुटी सदृश्य परिस्थिती बघायला मिळाली. या अतिवृष्टीत दहा ते बारा गावे  प्रभावित झाली आहेत. शेती व पिकांना या अतिवृष्टीने मोठ्या प्रमाणात बाधित केले आहे.          काल दि.5 रोजी सायंकाळी सहा वाजण्याच्या सुमारास अवघ्या काही वेळात सर्वत्र पाणीच पाणी दिसून आले. त्यामुळे उभी पिके संपूर्णतः पाण्यात गेल्याचे चित्र दिसून आले. जवळपास अर्धा ते पाऊण तास हा मुसळधार पाऊस सुरू होता. या पावसाने शेती आणि शिवार थळथळून गेला. पांगरी लिंबूटा ,तळेगावसह परिसरातील गावांमध्ये सर्वत्र काही क्षणात पाणीच पाणी दिसून येत होते. उभ्या पिकांमधून पाणी वाहताना दिसत होते. छोट्या नदी नाल्यासार

  धर्मापुरी फाटा रस्ता बनला परळीचा जलमार्ग परळी वैजनाथ, प्रतिनिधी....       परळी-गंगाखेड रस्त्यावरील धर्मापुरी फाट्यावरून संपूर्ण रस्ता नेहमीच जलमय असल्याचे चित्र दिसून येते. या रस्त्यावर पावसाचे पाणी साचून मोठ्याप्रमाणात तुंबुन बसते. त्यामुळे या रस्त्यावरील रहदारी अक्षरश:पाण्यातून होत आहे. वाहनधारकांना मात्र यामुळे चांगल्याच अव्यवस्थेला सामोरे जावे लागत आहे.     धर्मापुरी फाट्यावरील रस्त्यावर थोडाही पाऊस झाल्यानंतर रस्ता जलमय होऊन जातो.या रस्त्यावर मोठ्या प्रमाणावर पाणी साचून बसते.एखादाही पाऊस झाल्यानंतर पुढचे अनेक दिवस या रस्त्यावर पाणी राहते.रस्त्यावर साचणाऱ्या पाण्याचा निचरा होण्यासाठी पर्याय शिल्लक राहिलेला नाही.या रस्त्यावरील पाण्याला जायला वाट नाही.रस्त्यावरील दोन्ही बाजूस पाणी वाहून जाण्यास नाल्या शिल्लक राहिलेल्या नाहीत. यामुळे चांगला रस्ता असुनही पाणी साचून बसत असल्याने वाहनधारकांची गैरसोय होत आहे.

 *■ पीकविमा प्रश्नी किसान सभा दिल्लीत* ● ऍड.अजय बुरांडेसह शिस्ट मंडळाने घेतली कृषी सचिवांची भेट परळी / प्रतिनिधी सण २०२० खरीप पीकविमा शेतकऱ्यांनी वेळेत तक्रार दाखल केली नाही म्हणून विमा कंपनीने विमा देण्यास नाकारला होता त्यासाठी किसान सभेने मागील २ वर्षापासून शेतकऱ्यांची बाजू राज्य व केंद्र पातळीवर लावून धरली आहे.त्याचाच भाग म्हणून ३ ऑगस्ट रोजी महाराष्ट्र राज्य किसान सभेचे शिष्टमंडळ या प्रश्नांचा पाठपुरावा करण्यासाठी दिल्लीत पोहोचले आहे. ४ ऑगस्ट रोजी कृषी सचिव श्री. मनोज कुमार यांना भेटून शिष्टमंडळाने सविस्तर चर्चा केली. तद्नंतर जे प्रधानमंत्री पीक विमा योजनेचे देशाचं काम पाहतात असे कृषी सहसचिव श्री. रितेश चौहान यांची देखील भेट घेऊन जोरकसपणे शेतकऱ्यांची बाजू पुराव्यानिशी मांडली. यावेळी देशाचे कृषी सहसचिव श्री.चौहान यांनीआपण यावर सहानुभूतीने निर्णय घेण्याचा प्रयत्न करू असे सांगितले. सोबतच संबंधित प्रकरणात विमा कंपन्यांचे असोसिएशन सुप्रीम कोर्टात गेल्याने, सदर प्रकरण न्यायप्रविष्ट असल्याने त्यावर तात्काळ निर्णय घेणे उचित ठरणार नाही असे कळवले. पुढील प्रयत्नांचा भाग म्हणून किसान सभा आज श

  परळीत चोरट्यांचा धुमाकूळ सुरुच: काल विद्यानगरला तर आज माधवबाग भागात घरफोडीची नोंद   परळी वैजनाथ/प्रतिनिधी......        दररोज नोंद होत असलेल्या चोरीच्या घटनांनी खळबळ उडवून दिली आहे.परळी व  परिसरात चोरीच्या घटना सुरूच आहेत.परळी तालुक्यात चोरांना रान मोकळे झाले असल्याचे दिसून येत आहे. चोरट्यांनी धुमाकूळ घातला असुन काल चोरीची मोठी घटना विद्यानगर भागात घडली.तर आज जवळच्याच माधवबाग भागात चोरी झाली.या घटनांनी नागरिकांमध्ये दहशत पसरली आहे.            सध्याच्या काळात सर्वत्र चोरीच्या घटननांची साखळी खंडीत होत नसल्याने लोकांमध्ये एकप्रकारे मोठा धसका बसलेला आहे.अन्य कोणत्याही बाबींचा विचार न करता चोरीच्या घटनांपासून बचाव करण्यासाठी प्रत्येकाचे प्राधान्य आहे.अशाही परिस्थितीत चोरट्यांची मनस्थिती मात्र बदललेली दिसत नाही.सर्वत्र चोरटे धुमाकूळ घालत आहेत. दररोज चोरीच्या घटनांची नोंद  होत आहे. दि.3 रोजी माधवबाग भागात फिर्यादी मुक्ता श्रीहरि सानप यांच्या घरी चोरी झाली आहे. घरात अज्ञात चोरट्यांनी आत प्रवेश करून घरातील  कपाटाचे लॉक उघडुन कपाटातील 90 हजार रुपये  लंपास केले.याप्रकरणी परळीत संभाजीनगर पोलीसा

 *मुख्यमंत्री ​एकनाथ शिंदेंची तब्येत बिघडली, डॉक्टरांकडून सक्तीच्या विश्रांतीचा सल्ला* मुंबई : मुख्यमंत्री एकनाथ शिंदे यांनी आज दिवसभरातील सर्व प्रशासकीय बैठका रद्द केल्या आहेत. सततचे दौरे आणि पहाटेपर्यंत चालणाऱ्या सभा यांमुळे मुख्यमंत्र्यांना थकवा आल्याची माहिती आहे. या पार्श्वभूमीवर डॉक्टरांकडून शिंदेंना सक्त विश्रांतीचा सल्ला देण्यात आला आहे. दुसरीकडे, उपमुख्यमंत्री देवेंद्र फडणवीस दिल्लीला रवाना झाले आहेत. त्यांनीही आजचे सर्व कार्यक्रम तातडीने रद्द केले आहेत. फडणवीस पक्षश्रेष्ठींसोबत चर्चा करणार असल्याची माहिती आहे. सुप्रीम कोर्टात निवडणूक चिन्हाबाबत कुठलाही निर्णय न घेण्याच्या सूचना निवडणूक आयोगाला दिल्याने भाजप सावध पावलं टाकण्याच्या पवित्र्यात असल्याचं चित्र आहे. एकनाथ शिंदे यांनी २० जूनला बंड पुकारल्यानंतर सुरत-गुवाहाटी-गोवा असे त्यांचे मार्गक्रमण सुरु होते. त्यानंतर जूनच्या शेवटच्या आठवड्यात त्यांनी भाजपसोबत सत्तास्थापन केली आणि शिंदेंना मुख्यमंत्रिपदाच्या खुर्चीवर बसवण्यात आले. ३० जूनला मुंबईत येऊन त्यांनी मुख्यमंत्रिपदाची शपथ घेतली. तेव्हापासून त्यांचे सतत दौरे, सभा, भाषणं

  पिस्तूलचा धाक दाखवून जबरी दरोडा बीड: तालुक्यातील लिंबागणेश जवळ असलेल्या वडवाडी येथे काल मध्यरात्री अज्ञात 8 ते 10 दरोडेखोरांनी बळीराजा कृषि विज्ञान मंडळाचे प्रमुख अभिमान अवचर यांच्या कार्यालय आणि घरी धाडसी दरोडा टाकून पती-पत्नीला मारहाण करत 9 लाख रुपये रोख आणि 5 तोळे सोने चोरून नेले.         कृषि विज्ञान मंडळाचे प्रमुख अभिमान अवचर यांच्या कार्यालय आणि घरी धाडसी दरोडा टाकून पती-पत्नीला मारहाण करत 9 लाख रुपये रोख आणि 5 तोळे सोने चोरून नेले. या घटनेने बालाघाटावर खळबळ उडाली असून घटनेची माहिती देताच नेकनूर व एलसीबी च्या अधिकारी, पोलीस कर्मचाऱ्यांनी घटनास्थळी भेट देवून पहाणी केली. या धाडसी दरोड्यानंतर जिल्हा पोलीस दलाने तपासाची चक्रे वेगाने फिरवत घटनास्थळी भेट देऊन चोरीच्या ठिकाणावरून श्वानाने माग काढला आहे. दरम्यान, या संस्था परिसरात लावलेल्या सीसीटीव्ही कॅमेऱ्यात चोरटे कैद झाले असून प्रकारणाचा तपास लावण्याचे आव्हान जिल्हा पोलीस दलासमोर आहे. असा झाला दरोडा... अभिमान आवचार यांना काही कळण्याच्या आतच चोरट्यांनी त्यांना मारहाण करत पिस्तोल लावले व अंगावरील सोने काढून घेत पैसे कुठे ठेवले आहेत

  श्रावणानिमित्त  परळीत आठवडाभर वेदज्ञान कथा  ---पं. रामनिवासजी गुणग्राहक व पं. उदयवीर आर्य यांच्या भजन व व्याख्यानांची पर्वणी---              परळी वैजनाथ--(दि.४)-       मानवी जीवनाच्या शारीरिक, मानसिक, बौद्धिक, आत्मिक, सामाजिक व एकूणच सर्वांगीण कल्याणासाठी वेदज्ञानाचा प्रचार व प्रसार व्हावा, या उद्देशाने येथील आर्य समाजाच्या वतीने आज (दि.५) पासून श्रावणी वेदज्ञान कथेला प्रारंभ होत असून याकरिता भरतपुर (राजस्थान) येथील वैदिक विद्वान पं. रामनिवासजी गुणग्राहक व मथुरा येथील भजन गायक पं. उदयवीर आर्य यांना आमंत्रित करण्यात आले आहे. परळी शहर आणि परिसरातील धार्मिक व अध्यात्मप्रेमी नागरिकांसाठी ही प्रवचने व भजन संगीताचे कार्यक्रम म्हणजे एक प्रकारे आत्मिक आनंदाची पर्वणी ठरणार आहेत.      यानिमित्त शहरातील आर्य समाज मंदिरात दररोज स.७.३० वाजता वैदिक यज्ञ संपन्न होईल. यात विविध मान्यवर यजमान म्हणून सपत्नीक सहभागी होणार आहेत. नंतर ८.३० वाजता भक्तिमय भजन संगीताचा कार्यक्रम, तर ९.१५ वाजता आध्यात्मिक प्रवचने संपन्न होतील. तसेच रात्री ८ ते १० वाजता सामाजिक व राष्ट्रीय विषयावर भजन कीर्तन व व्याख्यान

  डॉ .प्रा. सिद्धेश्वर बिराजदार यांचा परळीत सत्कार  परळीवैजनाथ, प्रतिनिधी      अंबाजोगाईच्या स्वामी रामानंद तीर्थ वैद्यकीय रुग्णालय व महाविद्यालयाचे  औषधवैद्यक शास्र विभाग प्रमुख  डॉ .प्रा  सिद्धेश्वर बिराजदार  व   शरिरक्रीया शास्र विभाग प्रमुख डॉ .प्रा सौ  सुनीता  बिराजदार यांनी प्रभू श्री वैद्यनाथाचे दर्शन करून गुरुवारी येथील संत गुरुलिंग स्वामी मठ संस्थान येथे भेट दिली असता कोरोना काळामध्ये रुग्णांची सेवा केल्याबद्दल त्यांचा  सत्कार  शाल श्रीफळ देऊन स्वागत करण्यात आले .यावेळी महाराष्ट्र सभेचे तालुकाध्यक्ष महादेव ईटके ,संजय खाकरे,वीरशैव  विकास प्रतिष्ठानचे सचिव विकास हलगे ,नरेश पिंपळे ,महादेव चौंडे योगेश स्वामी कृष्णा बेदरकर आदी उपस्थित होते

शिक्षक पात्रता परीक्षेतील घोटाळा यादी: बीड जिल्ह्यातील दोषी आढळलेले 120 प्राथमिक शिक्षक बीड- शिक्षक पात्रता परीक्षेतील घोटाळ्यातील तब्बल 7880 उमेदवारांना नोकरी आणि पुन्हा परीक्षा देण्यास परीक्षा परिषदेने बंदी घातल्यानंतर यामध्ये बीड जिल्ह्यातील प्राथमिक विभागाचे तब्बल 120 शिक्षक दोषी असल्याचे उघड झाले आहे.तसेच माध्यमिक विभागाचे देखील शंभर पेक्षा अधिक शिक्षक दोषी आहेत.या सर्वांच्या प्रमाणपत्रांची सायबर पोलिसांनी तपासणी केली आहे. बीड जिल्ह्यातील ज्या प्राथमिक शिक्षकांच्या प्रमाणपत्रांची तपासणी करण्यात आली आहे अन जे दोषी आहेत त्यामध्ये पुढील लोकांचा समावेश आहे.यातील काही जणांनी 2014- 15 मध्ये परीक्षा दिली आहे.मात्र तरीदेखील सायबर विभागाने त्यांच्या प्रमाणपत्रांची तपासणी केली असल्याची माहिती सूत्रांनी दिली आहे. राज्यातील टीईटी परीक्षेत घोटाळा झाल्याचे मागील वर्षी उघड झाले.त्यानंतर 16 हजार पेक्षा जास्त शिक्षकांच्या प्रमाणपत्रांची सायबर विभागाने तपासणी केली.ज्यात 7880 उमेदवार दोषी आढळले.यातील शंभर पेक्षा अधिक उमेदवारांनी थेट गुन्हा करण्यासाठी मदत केल्याचे उघड झाले आहे. यामध्ये बीड जिल्ह

  तारीख पे तारीख.....आता सोमवारी निर्णय        शिवसेना कोणाची ? बंडखोर आमदार अपात्र ठरणार का ? विधानसभा अध्यक्षांना नेमके काय अधिकार आहेत? या प्रश्नावर आता सर्वोच्च न्यायालयाने पुढील सोमवार 8 ऑगस्ट ही तारीख हे प्रकरण घटना पिठाकडे वर्ग करण्याबाबत लवकरच निर्णय घेण्यात येईल असे आदेश दिले.          त्यामुळे शिंदे गटाला मोठा दिलासा मिळाला असून उद्धव ठाकरे यांना मोठा धक्का मानला जात आहे.आता शिवसेना कोणाची अन धनुष्यबाण चिन्ह कोणाचे यावर निवडणूक आयोग निर्णय घेईल असेही न्यायालयाने म्हटले आहे.मात्र सध्या कोणत्याही प्रकारे ठोस कारवाई करू नये असेही न्यायालयाने म्हटले आहे.आता या सगळ्या याचिकांवर सोमवारी सुनावणी होईल.          सर्वोच्च न्यायालयाच्या दारात पोहचलेला राज्यातील सत्ता संघर्ष गुरुवारी कोणाकडे झुकणार याकडे सर्वांचे लक्ष लागले होते.बंड केल्यानंतर मुख्यमंत्री पदावर आरूढ झालेल्या एकनाथ शिंदे यांनी 16 आमदारांना अपात्र करण्याच्या कारवाई बाबत न्यायालयात धाव घेतली होती.

  महाराष्ट्रातील सत्ता संघर्ष बाबत सुनावणी सुरू: शिंदे सरकारचे भवितव्य आज ठरणार ! नवी दिल्ली- शिवसेना कोणाची,16 आमदारांवर अपात्रतेची कारवाई होणार का? राज्यातील शिंदे,फडणवीस सरकार राहणार की जाणार या सगळ्या प्रश्नांची उत्तरं आता आज ( गुरुवारी 4 ऑगस्ट) रोजी मिळतील.काा सर्वोच्च न्यायालयाने दोन्ही बाजूने युक्तिवाद ऐकून घेतल्यानंतर यावर उद्या निर्णय होईल असे म्हटले होते.काही वेळापूर्वीच महाराष्ट्रातील सत्ता संघर्ष बाबत सुनावणी सुरू झाली.शिंदे सरकारचे भवितव्य आज ठरणार आहे. शिवसेना आणि शिंदेंसेना यांच्यावतीने अभिषेक मनु शिंघवी, कपिल सिब्बल,महेश जेठमलानी, हरीश साळवे हे युक्तिवाद करतआहेत.सरन्यायाधीशांनी काल सर्व युक्तिवाद ऐकून घेतल्यानंतर उद्या गुरुवारी सकाळी 10.30 वाजता सुनावणी घेणार असल्याचे स्पष्ट केले होते. त्यानुसार आता सुनावणी सुरू झाली. सुप्रीम कोर्टात सरन्यायाधीश एन.व्ही. रामन्ना यांच्या अध्यक्षतेखालील तीन सदस्यीय पीठापुढे ही सुनावणी सुरु आहे.

  परळीत श्री गुरूलिंग स्वामी पुण्यतिथी महोत्सव उत्साहात होणार;30 ऑगस्टला प्रारंभ  *शिवनाम सप्ताह, पालखी सोहळयाचे आयोजन; श्री सदगुरू सिद्धलिंग शिवाचार्य महाराजांची लाभणार उपस्थिती* *परळी/प्रतिनिधी* श्री गुरूलिंग स्वामी संस्थान (बेलवाडी) च्या विश्वस्त मंडळाची बैठक आज बुधवार दि.3 ऑगस्ट रोजी पार पडली. या बैठकीत कोरोना संसर्ग लॉकडाऊनमध्ये बंद असलेला श्री गुरूलिंगस्वामी पुण्यतिथी महोत्सव उत्साहपूर्ण वातावरणात साजरा करण्याचा निर्णय घेण्यात आला असून 30 ऑगस्टपासून उत्सवाला सुरूवात होणार आहे. प्रतिवर्षाप्रमाणे शिवनाम सप्ताह, पालखी सोहळा, भंडारा असे सर्व पारंपारिक कार्यक्रम घेण्याचा निर्णय घेण्यात आला. श्री सदगुरू सिद्धलिंग शिवाचार्य महाराज साखरखेर्डेकर यांच्या उपस्थितीत सर्व कार्यक्रम होणार आहेत. मागील दोन वर्षापासून कोरोना लॉकडाऊनमुळे होवू न शकलेला श्री गुरूलिंग स्वामी पुण्यतिथी महोत्सव यावर्षी विविध सामाजिक, धार्मीक उपक्रम व पारंपारिक भंडारा कार्यक्रमाच्या माध्यमातून साजरा करण्याचा निर्णय आज घेण्यात आला. बेलवाडी येथे विश्वस्त मंडळाचे अध्यक्ष दत्ताप्पा ईटके गुरूजी यांच्या अध्यक्षतेखाली आज महत

  शहरात हरघर तिरंगा अभियान यशस्वी करा-मुख्याधिकारी सुंदर बोंदर परळी वैजनाथ ता.०३ (प्रतिनिधी)              केंद्र सरकारच्या वतीने संपूर्ण देशात स्वातंत्र्याच्या अमृत महोत्सवा निमित्ताने १३ आँगस्ट ते १५ आँगस्ट दरम्यान हर घर झेंडा अभियानासह अमृत महोत्सव साजरा करण्यात येत आहे. या अभियानांतर्गत बुधवारी (ता.०३) नियोजनासंदर्भात नगरपालिकेच्या वतीने सभागृहात शहरातील विविध संस्था, पक्ष, संघटना यांच्या बैठकीचे आयोजन करण्यात आले आहे.                   केंद्र सरकारच्या वतीने देशाच्या स्वातंत्र्याला ७५ वर्षे पूर्ण होत असल्याने संपूर्ण देशात अमृत महोत्सव साजरा करण्यात येत आहे. या अंतर्गत विविध कार्यक्रम व हर घर झेंडा अभियानाचे आयोजन करण्यात येत आहे. हर घर झेंडा अभियान १३ आँगस्ट ते १५ आँगस्ट दरम्यान राबविण्यात येणार आहे. यासंदर्भात जनजागृती व शहरात विविध कार्यक्रमांचे आयोजन करण्यासाठी येथील नगरपालिकेचे मुख्याधिकारी यांच्या अध्यक्षतेखाली नगरपालिकेच्या सभागृहात शहरातील विविध संस्था, राजकीय पक्षांचे पदाधिकारी,सामाजिक संस्था, शाळा,महाविद्यालय, व्यापारी मंडळ यांच्या बैठकीचे आयोजन बुधवारी करण्यात आले होते

  मुलीच्या छेडछाडीचा जाब विचारला म्हणून आईचा खून; पाच पैकी दोघांना आठ दिवसांची पोलिस कोठडी अंबाजोगाई - परळी तालुक्यातील वानटाकळी तांडा येथील अल्पवयीन मुलीची छेडछाड करून जाब विचारण्यासाठी गेलेल्या मुलीच्या आईचा खून केल्याची घटना  सोमवारी घडली होती. या प्रकरणातील दोघा आरोपींना जिल्हा व सत्र न्यायालय क्रंमाक 1 चे न्या.डी.डी.कोचे यांच्या समोर हजर केले असता दोघांना 11 तारखेपर्यंत (आठ दिवसाची) पोलिस कोठडी सुनावली आहे. या प्रकरणातील अन्य आरोपीचा तपास ग्रामिण पोलिस करीत आहेत. अंबाजोगाई ग्रामिण पोलिस ठाण्याच्या हद्दीतील व परळी तालुक्यातील मौजे वानटाकळी तांडा येथील अनिता राठोड व वैजनाथ राठोड हे कुटूंब आठ दिवसापुर्वी तिरूपतीच्या बालाजी दर्शनासाठी गेले होते. आई-वडील देव-दर्शनासाठी गेल्यामुळे त्यांच्या तीन मुली आपल्या घरीच राहत होत्या. याच तांड्यावरील बबन चव्हाण याने त्यांच्या अल्पवयीन मुलीस विनाकारण भेटून छेडछाड करत होता. व काही दिवस त्रास देखील दिला. आई-वडील देवदर्शनाहून आल्यानंतर हा सर्व प्रकार सांगितल्यानंतर आई अनिला राठोड व वडील वैजनाथ राठोड यांनी बबन चव्हाण यास जाब विचारला त्यांच्यात शाब्दी

  15 ऑगस्ट पूर्वी 150 फूट उंचीचा राष्ट्रध्वज फडकवा - योगेश पांडकर परळी प्रतिनिधी... येत्या 15 ऑगस्ट रोजी आपल्या भारताला स्वातंत्र्य मिळून (75 वर्ष) अमृत महोत्सव पूर्ण होत आहेत. संपूर्ण भारत देश हा अमृत महोत्सव साजरा करणार आहे. देशाचे पंतप्रधान  नरेंद्र मोदीजी देशात हर घर तिरंगा ही संकल्पना राबवण्यासाठी आव्हान करत आहेत आणि प्रत्येक देशभक्त नागरिक अमृत महोत्सवात सहभाग नोंदवणार आहे. परळी शहरातील आजाद चौक समोरील बालाघाट रांगेतील डोंगरावर 150 फूट उंचीच्या राष्ट्रध्वजासाठी नगर परिषद ने जागा आरक्षित करून भूमिपूजन गेल्या सहा महिन्यांपूर्वी केले आणि खांबही लावला आहे तरीही आजपर्यंत हा राष्ट्रध्वज फडकवला नाही तरी मुख्याधिकारी साहेब यांनी 15 ऑगस्ट पूर्वी फडकावा अन्यथा आंदोलनाचा भारतीय जनता युवा मोर्चाचे शहर संघटक योगेश पांडकर यांनी दिला यावेळी भाजयुमोचे राज्य सचिव ॲड.अरुण पाठक,योगेश पांडकर, मनसेचे शहराध्यक्ष वैजनाथ कळसकर,वैजनाथ रेकने,गोविंद चौरे,पवन तोडकरी,सचिन भांडे उपस्थित होते.

  परळीत चोरट्यांचा धुमाकूळ: विद्यानगर भागात घरफोडी     परळी वैजनाथ/प्रतिनिधी......        दररोज नोंद होत असलेल्या चोरीच्या घटनांनी खळबळ उडवून दिली आहे.परळी व  परिसरात चोरीच्या घटना सुरूच आहेत.परळी तालुक्यात चोरांना रान मोकळे झाले असल्याचे दिसून येत आहे. चोरट्यांनी धुमाकूळ घातला असुन चोरीची मोठी घटना विद्यानगर भागात घडली आहे.या घटनेने नागरिकांमध्ये दहशत पसरली आहे.            सध्याच्या काळात सर्वत्र चोरीच्या घटननांची साखळी खंडीत होत नसल्याने लोकांमध्ये एकप्रकारे मोठा धसका बसलेला आहे.अन्य कोणत्याही बाबींचा विचार न करता चोरीच्या घटनांपासून बचाव करण्यासाठी प्रत्येकाचे प्राधान्य आहे.अशाही परिस्थितीत चोरट्यांची मनस्थिती मात्र बदललेली दिसत नाही.सर्वत्र चोरटे धुमाकूळ घालत आहेत. दररोज चोरीच्या घटनांची नोंद  होत आहे. दि.२ रोजी विद्यानगर येथे अमोल बुरांडे  यांच्या घरी चोरी झाली आहे. घरात अज्ञात चोरट्यांनी आत प्रवेश करून घरातील  कपाटाचे लॉक उघडुन कपाटातील सोने चांदी चे दागिने, ज्वारीचे पोते,जुने पितळी भांडे असा मोठा ऐवज लंपास केला.याप्रकरणी परळी पोलीसात गुन्हा दाखल करण्याची प्रक्रिया सुरू आहे.   

 *मुख्याधिकाऱ्यांनी लेखी आश्वासन पाळले नाही; नगर परिषदेतील सेवानिवृत्त कर्मचारी करणार पुन्हा आमरण उपोषण* परळी : परळी नगर परिषदेतील 52 सेवानिवृत कर्मचाऱ्यांनी रजा रोखीकरण व उपदानाची रक्कम मिळावी म्हणून नगर परिषदेसमोर भर पावसात आमरण उपोषणास बसले होते. मुख्याधिकारी बोंदर यांनी रजा रोखीकरणाच्या 30 टक्के रक्कम दोन दिवसात अदा करण्याचे लेखी आश्वासन दिले तसेच 7 व्या वेतनाच्या फरकाचा दुसरा हप्ता दोन महिन्यात व सर्व उर्वरित रजा रोखीकरण व उपदान मार्च 2023 पर्यंत देण्याचे लेखी दिले होते.परंतु या अश्वाानाची पूर्तता केली नाही त्यामुळे नगर परिषदेतील सेवानिवृत्त कर्मचारी पुन्हा आमरण उपोषण करणार आहेत.             लेखी आश्वासना नुसार सर्व सेवानिवृत्त कर्मचाऱ्यांच्या रजा रोखीकरणाच्या 30 टक्के रक्कम देण्यात आली नाही. 38 कर्मचाऱ्यांना रक्कम दिली पण तीही कमी देण्यात आली. मुख्याधिकाऱ्यांनी लेखी आश्वासन पाळले नाही. मुख्याधिकाऱ्यांच्या आश्वासनानुसार रक्कम कर्मचाऱ्यांना द्यावी म्हणून 38 कर्मचाऱ्यांनी दिनांक 10 ऑगस्ट पासून पुन्हा नगरपरिषदेसमोर आमरण उपोषण करण्याचा इशारा दिला आहे.       सेवानिवृत्त कर्मचाऱ्यांनी म

 *'हर घर तिरंगा' अभियानांतर्गत प्रत्येकाने आपल्या घरावर तिरंगा ध्वज फडकवावा - पंकजाताई मुंडे यांचं आवाहन*  * भाजपच्या सर्व पदाधिकारी, कार्यकर्त्यांनी स्वतःसह नागरिकांना अभियानात सहभागी करून घ्यावं* *स्वातंत्र्याचा अमृत महोत्सव; १३ ते १५ ऑगस्ट दरम्यान देशभरात राबविण्यात येणार अभियान*  परळी । दिनांक ०३।  भारतीय स्वातंत्र्याच्या अमृत महोत्सवी वर्षांनिमित्त राबविण्यात येत असलेल्या 'हर घर तिरंगा' अभियानांतर्गत प्रत्येक नागरिकाने आपल्या घरावर तिरंगा ध्वज फडकावयाचा आहे. भाजपच्या सर्व पदाधिकारी, कार्यकर्त्यांनी स्वतःसह नागरिकांनाही या अभियानात सहभागी करून घ्यावं असं आवाहन भाजपच्या राष्ट्रीय सचिव पंकजाताई मुंडे यांनी केलं आहे.    'हर घर तिरंगा' अभियान हा कुठल्याही राजकीय पक्षाचा विषय नाही तर आपल्या अस्मितेचा, राष्ट्रप्रेमाचा आणि देश भक्तीचा विषय आहे. आपल्या देशाच्या स्वातंत्र्याला ७५ वर्षे पूर्ण झाले असून आज आपण सर्व स्वातंत्र्याचा अमृत महोत्सव साजरा करत आहोत. येत्या १३, १४ व १५ ऑगस्ट रोजी प्रत्येकाने आपल्या घरावर आपल्या अस्मितेचं प्रतिक असलेला तिरंगा ध्वज फडकावून राष

  शिंदे सरकारचे भवितव्य उद्या ठरणार ! नवी दिल्ली- शिवसेना कोणाची,16 आमदारांवर अपात्रतेची कारवाई होणार का? राज्यातील शिंदे,फडणवीस सरकार राहणार की जाणार या सगळ्या प्रश्नांची उत्तरं आता उद्या म्हणजेच गुरुवारी 4 ऑगस्ट रोजी मिळतील.सर्वोच्च न्यायालयाने दोन्ही बाजूने युक्तिवाद ऐकून घेतल्यानंतर यावर उद्या निर्णय होईल असे म्हटले आहे. शिवसेना आणि शिंदेंसेना यांच्यावतीने अभिषेक मनु शिंघवी, कपिल सिब्बल,महेश जेठमलानी, हरीश साळवे या सर्वांनी युक्तिवाद केला.सरन्यायाधीशांनी सर्व युक्तिवाद ऐकून घेतल्यानंतर उद्या गुरुवारी सकाळी 10.30 वाजता सुनावणी घेणार असल्याचे स्पष्ट केले. त्यामुळे आजचा निर्णय हा उद्यावर गेला आहे. शिंदे गटाने शिवसेनेत बंडखोरी केल्यामुळे शिवसेनेकडून याचिका दाखल करण्यात आली. आज सुप्रीम कोर्टात सरन्यायाधीश एन.व्ही. रामन्ना यांच्या अध्यक्षतेखालील तीन सदस्यीय पीठापुढे ही सुनावणी पार पडली. एकनाथ शिंदेंच्या वतीने वकिल हरिश साळवे, निरज कौल यांनी युक्तिवाद केला. तर शिवसेनेच्या वतीने वकील कपिल सिब्बल यांनी बाजू मांडली. तर राज्यपालांच्या वतीने वकील तुषार मेहता यांनी बाजू मांडली.  साळवे

  गणेशोत्सवात शेवटचे 5 दिवस स्पीकर 12 पर्यंत ! पुणे : मुख्यमंत्री एकनाथ शिंदे पुणे दौऱ्यावर आहेत. या दौऱ्यादरम्यान त्यांनी आज गणपती मंडळांसोबत बैठक घेतली. या बैठकीनंतर त्यांनी पत्रकार परिषद घेत मोठी घोषणा केली. यावर्षी गणेशोत्सव धुमधडाक्यात साजरा करण्यास मुख्यमंत्र्यांनी परवानगी दिली आहे. विशेष म्हणजे गणेशोत्सवातील शेवेटचे पाच दिवस रात्री 12 वाजेपर्यंत स्पीकरला परवानी असेल. धुमधडाक्यात गणेशोत्सव साजरा करु, असं मुख्यमंत्र्यांनीच जाहीर केलं आहे. त्यामुळे गणपती मंडळांच्या कार्यकर्त्यांमध्येदेखील उत्साह संचारला आहे. “पुण्याच्या गणपती मंडळाला ऐतिहासिक वारसा आहे. अनेकजण गणेशोत्सव पाहायला येत असतात. काही मागण्या होत्या. त्याबाबत चर्चा करण्यासाठी मंडळांसोबत बैठक पार पडली. गेल्या दोन वर्षांत कोरोना संकटामुळे सण-उत्सव साजरा करता आला नव्हता. पण आता सगळे नियम पाळून उत्सव साजरा करायचा आहे. मंडप शुल्क माफ केलाय. परवानगीसाठी चकरा माराव्या लागणार नाहीत. गणपती उत्सव मंडळांना अडचण येणार नाही. जिल्हाधिकारी सगळं पाहतील. मिरवणुका नियम पाळून करू, कुठल्याही अडचणी येणार नाही हे पाहू. कोर्टाचे नियम पाळू”

  "तो" तरंगता मृतदेह हाळंब येथील युवकाचा परळी वैजनाथ, प्रतिनिधी...         परळी येथील हरिहर तीर्थामध्ये काल दि.2 रोजी सायंकाळी एक  मृतदेह आढळला घटनेची माहिती घेण्यासाठी घटनास्थळी पोलिसांनी धाव घेऊन  घटनेचा पंचनामा केला. या मृतदेहाची ओळख पटविण्याबाबत पोलीसांनी प्रक्रिया पूर्ण केली.हा मृतदेह हाळंब येथील युवकाचा असल्याचे निष्पन्न झाले आहे.        परळी तालुक्यातील हाळंब येथील 21 वर्षीय युवक संभाजी प्रभाकर गुट्टे वय 21 वर्ष राहणार हाळंब अशी माहिती समोर आली. वैद्यनाथ मंदिर पाठीमागील बाजूचा असलेले हरिहर तीर्थ सध्या पावसाळ्याने तुडुंब भरले असून यात भरपूर पाणी आहे.येथे अनेक जण श्रावण महिन्यामध्ये स्नानासाठी सुद्धा येत असतात त्यावेळी अचानकपणे पाय घसरून मध्ये पडण्याची ही घटना घडतात परंतु या घटनेत नेमके काय घडले असावे याच्या बाबतीत पोलीस  घटनेचे सीसीटीव्ही फुटेज द्वारा माहिती घेत आहे. ●संबंधित बातमी: ● *परळीत आढळला तरंगता मानवीदेह.* _|MB NEWS |Subscribe |Like |share |comments_

  प्रवाशांची अतिरिक्त गर्दी कमी करण्यासाठी दक्षिण मध्य रेल्वे  विजयवाडा – नगरसोल – नरसापूर साप्ताहिक विशेष गाड्या प्रवाशांची अतिरिक्त गर्दी कमी करण्यासाठी दक्षिण मध्य रेल्वे  विजयवाडा - नगरसोल आणि नगरसोल - नरसापूर दरम्यान सहा साप्ताहिक विशेष गाड्या चालवल्या जाणार आहेत.  1.गाडी क्र.07698विजयवाडा - नगरसोल16.15, (शुक्र)14.10 (शनि )दिनांक 5, 12, 19ऑगस्ट - 2022. 2. गाडी क्र.07699नगरसोल-नरसापूर22.00 (शनि), 21.30 (रवि)6, 13, 20ऑगस्ट - 2022.ट्रेन क्रमांक  07698  विजयवाडा - नगरसोल विशेष ट्रेन:ही विशेष गाडी गुंटूर, सत्तेनापल्ली, पिदुगुरल्ला, नाडीकुडे, मिर्यालागुडा, नलगोंडा, सिकंदराबाद, लिंगमपल्ली, विकाराबाद, झहीराबाद, बिदर, भालकी, उदगीर, लातूर रोड, परळी, गंगाखेड, परभणी, मानवत रोड, सेलू, परतूर, जालना आणि औरंगाबाद स्टेशन येथे थांबेल.   गाडी क्रमांक 07699 नगरसोल - नरसापूर विशेष ट्रेन:                     ही विशेष गाडी औरंगाबाद, जालना, परतूर, सेलू, मानवत रोड, गंगाखेड, परळी, लातूर रोड, उदगीर, भालकी, बिदर, जहीराबाद, विकाराबाद, लिंगमपल्ली, सिकंदराबाद, नलगोंडा, मिर्यालागुडा, नाडीकुडे, पिदुगुरल्ला, सात