माझी बातमी MB NEWS

  परळीत गावठी पिस्तूल जप्त ;आरोपी अटक परळी वैजनाथ, प्रतिनिधी.....     परळीत एक गावठी पिस्तूल व जिवंत काडतुस पोलीसांनी जप्त केले आहे. हे गावठी पिस्तूल बाळगणार्या आरोपींविरुद्ध कारवाई करत अटक करण्यात आली आहे.संभाजीनगर पोलीसांनी ही कामगिरी केली.      याबाबत पोलिसांनी दिलेली अधिक माहिती अशी की, आरोपी राहुल सुदाम चाळक वय ३० वर्षे रा.दर्गा रोड परभणी हा गावठी पिस्तूल व जिवंत काडतुस बाळगलेल्या स्थितीत परळी बस स्थानक परिसरात आढळून आला. या आरोपीने अनाधिकृतरित्या याची खरेदी हिरासिंग प्रेमसिंग जुन्नी या.फुलेनगर याच्याकडून केली होती. सुमारे १५हजार५०० रुपयांचा ऐवज पोलीसांनी ताब्यात घेऊन आरोपीना अटक करण्यात आली आहे. या प्रकरणी  पोलीस नाईक विष्णु बाजीराव सानप यांच्या फिर्यादीवरून गुन्हा दाखल करण्यात आला आहे.पो.नि. बी.एन.पवार यांच्या मार्गदर्शनाखाली ही कामगिरी करण्यात आली असून अधिक तपास पो.ह.आर.एम.राठोड हे करीत आहेत .

 *पत्नीच्या आत्महत्येनंतर पतीनेही गळफास घेऊन केली आत्महत्या* • _परळी तालुक्यातील पांगरी कॅम्प येथील घटना_ •     परळी - तालुक्यातील पांगरी कॅम्प येथे नवविवाहितेचा विषारी द्रव्य प्राशन केल्याने मृत्यू झाला. तर यानंतर काही तासात तिच्या पतीने गळफास घेऊन आत्महत्या केल्याची धक्कादायक घटना मंगळवारी रात्री उघडकीस आली आहे. प्रियंका सायस पंडित (वय 19.) आणि सायस पंडित (25 ) अशी मृत पती -पत्नीचे नाव आहेत.           पोलिसांनी दिलेल्या माहितीनुसार, पत्नीने विष घेऊन तर पतीने गळफास घेऊन जीवन संपवलं आहे.  या घटनेची माहिती मिळताच तात्काळ  पोलिसांनी घटनास्थळी धाव घेत दोघांचेही मृतदेह ताब्यात घेतले असून ते शवविच्छेदनासाठी परळीच्या उपजिल्हा रुग्णालयात पाठवण्यात आले आहेत. तर दोघांनीही आत्महत्येसारखं टोकाचं पाऊल का उचललं याचं कारण अद्याप समोर आलं नाही.          दरम्यान, या घटनेचा अधिक तपास परळी ग्रामीण पोलीस ठाण्याचे पोलीस निरीक्षक शिवलाल पुरभे हे करीत आहेत. या जोडप्याच्या अशा अकाली जाण्यामुळे संपूर्ण कुटुंबावर दु:खाचा डोंगर कोसळल...

 * काकाणी हॉस्पीटल सोमवार पासून रूग्णांच्या सेवेत* *अस्थिरोग तज्ञ डॉ.रोहित काकाणींचा रूग्णांना लाभ* परळी (प्रतिनिधी)* सर्वपरिचित अस्थिरोग तज्ञ डॉ.रोहित काकाणी यांचा परळी व परिसरातील रूग्णांना लाभ मिळणार असून जुने ढाकणे हॉस्पीटल, गणेशपार रोड, परळी वैजनाथ येथे आता काकाणी हॉस्पीटल रूग्णांच्या सेवेत आज दि.30 नोव्हेंबर पासून रूग्णांच्या सेवेत सुरू होत आहे. गणेशपार रोडवरील जुन्या ढाकणे हॉस्पीटलच्या जागेत स्वतंत्रपणे काकाणी हॉस्पीटल सुरू करण्यात आले आहे. या ठिकाणी होमिओपॅथी व जनरल प्रॅक्टीशियन डॉ.प्रिया आर.काकाणी या सकाळी 10 ते दुपारी 1 तर अस्थीरोग तज्ञ डॉ.रोहित काकाणी हे दुपारी 4 ते 8 या वेळेत रूग्णांना सेवा बजावणार आहेत. काकाणी हॉस्पीटलचा आजपासून रूग्णांच्या सेवेत शुभारंभ होणार आहे. या हॉस्पीटलचा परळी व परिसरातील रूग्णांना वैद्यकिय सेवेचा लाभ होणार आहे. कोरोना महामारीच्या पार्श्वभूमीवर हॉस्पीटलचा शुभारंभ अत्यंत साधेपणाने करण्यात येत आहे.

  भाजप सर्वसामान्यांच्या प्रश्नांसाठी धरपडणारा पक्ष ; बोराळकरांना विजयी करून भाजपला साथ द्या उदगीर आणि अहमदपूरच्या पदवीधर मतदार मेळाव्यात खा.प्रितमताई मुंडे यांचे मतदारांना आवाहन उदगीर/अहमदपूर.दि.२८-----भाजप हा सर्वसामान्यांच्या प्रश्नांसाठी धरपडणारा पक्ष आहे.राज्यातील जनतेचे प्रश्न आणि पदवीधरांच्या समस्या सोडवण्यासाठी भाजपला साथ देऊन शिरीष बोराळकर यांना विजयी करण्याचे आवाहन भाजपच्या प्रदेश उपाध्यक्ष आणि बीडच्या खासदार डॉ.प्रितमताई मुंडे यांनी केले आहे.पदवीधर मतदारसंघाच्या निवडणूक निमित्त भाजप उमेदवार शिरीष बोराळकर यांच्या प्रचारार्थ आयोजित मतदार मेळाव्यात त्या बोलत होत्या. भाजप उमेदवार शिरीष बोराळकर यांच्या प्रचारानिमित्त उदगीर आणि अहमदपूर येथे पदवीधर मतदारांचा मेळावा पार पडला.यावेळी मंचावर खा.सुधाकर शृंगारे, आ.रमेश अप्पा कराड,मा.आ.गोविंद अण्णा केंद्रे,मा.आ.सुधाकर भालेराव,नागनाथ निडवदे,जी.प.अध्यक्ष राहुल केंद्रे,बापूसाहेब राठोड,बसवराज बागबेदे,सुधीर भोसले,बसवराज रोडगे यांच्यासह भाजप पदाधिकारी आणि कार्यकर्ते उपस्थित होते. यावेळी उपस्थित मतदारांना संबोधित करताना खा.मुंडे म्हणाल्या की...

  परळीत शासन निर्णयाची मराठा क्रांती रोख-ठोक मोर्चाकडून होळी शासकीय नोकर भरती व ११ वी शैक्षणीक प्रवेश भरती तात्काळ रद्द करा –अमित घाडगे परळी । प्रतिनिधी मराठा समाजाला जोपर्यंत आरक्षण देण्यात येत नाही तोपर्यंत शासकीयं नोकर भरती आणि ११ वी शैक्षणीक प्रवेश तात्काळ रद्द करण्यात यावी अशी मागणी मराठा क्रांती मोर्चाच्या वतीने करण्यात आली आहे. यासंदर्भात परळीत शासनाने मागील काळात काढलेल्या शासन आदेशाची प्रतिकात्म होळीही करण्यात आली. मराठा क्रांती ठोक मोर्चाच्या वतीने बोलतांना अमित घाडगे म्हणाले की, राज्य शासन विद्यार्थी आणि मराठा समाजातील सुशिक्षीत बेरोजगारांवर सातत्याने अन्याय करत आहे. दि.२४ नोव्हेंबर रोजी काढलेला सामान्य प्रशासनाचा शासन आदेश तात्काळ रद्द करावा अन्यथा येणाऱ्या काळात मराठा क्रांती ठोक मोर्चाच्या वतीने तीव्र भूमिका घेण्यात येईल असा ईशारा दिला. दि.२८ नोव्हेंबर रोजी परळीत मराठा क्रांती ठोक मोर्चाच्या वतीने तीव्र निदर्शने करून शासन निर्णयाची होळी केली. यावेळी देण्यात आलेल्या निवेदनात पुढील प्रमाणे अनेक मुद्दे मांडण्यात आले आहेत. आरक्षण मिळत नाही तोपर्यंत...

 📣📣📣 *दहावी-बारावीच्या परीक्षा एप्रिल ते मे महिन्यात घेण्याचा विचार सुरु : वर्षा गायकवाड* कोरोना काळात शिक्षण क्षेत्रासमोर अनेक मोठी आव्हानं आली. कोरोना काळात एक गोष्ट प्रकर्षानं जाणवली की, शैक्षणिक क्षेत्रात तंत्रज्ञानाचा विकास होणं गरजेचं आहे. त्यामुळे भविष्यात महाराष्ट्रात तंत्रज्ञानाचं एक फोरम निर्माण केलं पाहिजे'; असं शिक्षणमंत्री वर्षा गायकवाड यांनी सांगितलं. तसेच दहावी-बारावीच्या परीक्षा साधारणतः एप्रिल किंवा मे महिन्या दरम्यान घेण्याचा विचार सुरु असल्याचंही त्यांनी सांगितलं. त्या एबीपी माझाच्या 'माझा महाराष्ट्र माझं व्हिजन' या कार्यक्रमात बोलत होत्या. 'कोरोनामुळे शिक्षण व्यवस्था कशी सुरु करायची हा प्रश्न केवळ राज्यचं नाहीतर, संपूर्ण जगासमोर होता. त्यानंतर विविध माध्यमांतून शिक्षण विद्यार्थ्यांपर्यंत पोहोचवण्याचा प्रयत्न सुरु झाला. ऑनलाई, ऑफलाईन, एवढंच नाहीतर प्रत्येक जिल्ह्यांत जाऊन शिक्षकांनी विद्यार्थ्यांपर्यंत शिक्षण पोहोचवण्याचा प्रयत्न केला. त्यानंतर काही लोकांकडे मोबाईल नाही ही बाब लक्षात आल्यानंतर टेलिव्हिजन आणि काही दिवसांतच गूगलचा पर्याय निवडण्यात आल...

 * आष्टीत पुन्हा एका महिलेवर बिबट्याचा हल्ला; नरडीला घेतला चावा*  आष्टी : प्रतिनिधी तालुक्यात धुमाकूळ घालणाऱ्या बिबट्याने रविवारी (दि. 29) सकाळी देखील एका महिलेवर हल्ला केला. यात महिलेच्या गळ्यावर गंभीर दुखापत झाली आहे.  आष्टी तालुक्यातील पारगाव बोराडे येथील वयोवृद्ध महिला शालनबाई शहाजी भोसले भाजी आणण्यासाठी रविवारी सकाळी शेतात गेली होती. या वेळी दबा धरून बसलेल्या बिबट्याने शालनबाई यांच्यावर अचानक हल्ला केला. त्यांच्या नरडीलाच बिबट्याने पकडले. मात्र महिलेने आरडा- ओरडा केल्यानंतर बिबट्याने तिथून धूम ठोकली. या हल्ल्यात महिला जखमी झाली असून गळ्यावर मोठी जखम झाली आहे. तिला उपचारासाठी आष्टी येथील शासकीय रुग्णालयात दाखल करण्यात आले असल्याचे समजते.