माझी बातमी MB NEWS

 *भंडा-यातील घटनेने मन सुन्न झाले* *; सरकारने प्रकरणाची सखोल चौकशी करून दोषींवर कडक कारवाई करावी - पंकजाताई मुंडे* बीड दि. ०९ ----- भंडारा येथे जिल्हा सामान्य रुग्णालयात झालेल्या अग्नितांडवात नवजात शिशूंच्या मृत्यूने मन सुन्न झाले, सरकारने या घटनेची सखोल चौकशी करून दोषींवर कडक कारवाई करावी अशी मागणी भाजपच्या राष्ट्रीय सचिव पंकजाताई मुंडे यांनी केली आहे.    यासंदर्भात एक ट्विट करून पंकजाताई मुंडे यांनी नवजात बालकांच्या कुटुंबियांविषयी आपल्या सहवेदना व्यक्त केल्या आहेत. "भंडा-यातील अग्नितांडवात नवजात बालकांचा दुर्दैवी मृत्यू झाल्याच्या घटनेने मन सुन्न झाले. या घटनेने चिमुकल्यांच्या माता पित्यावर दुःखाचा डोंगर कोसळला आहे, त्यांच्या कुटंबियांप्रति मी शोक व्यक्त करते. सरकारने या घटनेची चौकशी करून दोषींवर कठोर कारवाई करावी" असे ट्विट त्यांनी केले आहे. ••••

 *दत्तात्रय काळे रिपोर्टर ऑफ द इअर पुरस्काराने सन्मानित*  *कराड हॉस्पिटलच्या वतीने पुरस्काराची अखंडित परंपरा कायम*  परळी,( प्रतिनिधी):- परळीच्या वृत्तपत्र क्षेत्रात मागील वर्षभरात उल्लेखनीय कार्य करणाऱ्या पत्रकारांचा कराड हॉस्पिटलच्या वतीने गौरव करण्यात येतो. 2021 वर्षीचा "रिपोर्टर ऑफ द इअर" हा पुरस्कार दै.मराठवाडा साथीचे वृत्तसंपादक दत्तात्रय काळे यांना प्रदान करण्यात आला आहे. दर्पण दिनाच्या कार्यक्रमात हा पुरस्कार प्रदान करण्यात येतो मात्र यंदा कोरोनाच्या पार्श्वभूमीवर कराड हॉस्पिटल येथे या विशेष पुरस्कार सोहळ्याचे आयोजन करण्यात आले होते. कराड हॉस्पिटलचे संचालक डॉ. बालासाहेब कराड व डॉ.शालिनीताई कराड यांच्यासह मान्यवर पत्रकारांची उपस्थिती होती. 2020 हे वर्ष सर्वांसाठीच खडतर असे वर्ष होते. सर्वच क्षेत्रांसह पत्रकारिता क्षेत्रालाही कोरोना महामारीने निर्माण झालेल्या परिस्थितीने फटका बसला होता. या संपूर्ण काळात सकारात्मक लेखनाने वाचकांच्या मनात आत्मविश्वस निर्माण करणे, समाजाच्या गरजेच्या बातम्यांना प्रसिद्धीच्या झोतात आणणे याबरोबरच वैचारिक आणि बौद्धिक लेखनाला चालना देऊन सामाजिक

 *पत्रकारीतेत येणार्‍या नव्या पिढीने व्यासंग वाढवावा-प्रशांत जोशी* *अखिल भारतीय पत्रकार परिषद मुंबई शाखा परळीच्या वतीने दर्पनदिन साजरा* परळी,(प्रतिनिधी):-पत्रकारितेत येणार्‍या नव्या पिढीने व्यासंग वाढवावा सर्व सामान्यांच्या समस्या अग्रक्रमाने मांडून बदलत्या परिस्थितीची आव्हाने स्विकारावीत असे प्रतिपादन जेष्ठ पत्रकार प्रशांत जोशी यांनी केले.   अखिल भारतीय पत्रकार परिषद मुंबई शाखा परळीच्या वतीने दि.6 जानेवारी 2021 रोजी दै.न्याय टाईम्स कार्यालयात दर्पनदिन उत्साहात साजरा करण्यात आला. यावेळी श्री.जोशी बोलत होते. यावेळी जेष्ठ पत्रकार ओमप्रकाश बुरांडे, ता.समन्वय धनंजय आरबुने, जेष्ट पत्रकार ह.भ.प.विश्वास महाराज पांडे, संपादक बालकिशन सोनी, दत्तात्रय काळे, स्वानंद पाटील, महादेव शिंदे, प्रा.प्रविण फुटके, जगदीश शिंदे, प्रा.राजु कोकलगावे, अनंत कुलकर्णी, दिगांबर देशमुख,आत्मलिंग शेटे, श्रीराम लांडगे, नरसिंग बापु अन्नलदास यांच्यासह इतर पत्रकार बांधव उपस्थित होते.  यावेळी प्रशांत जोशी यांनी पत्रकारीतेपुढील आव्हाने याविषयी विचार मांडले. इतर मध्ययमंचा प्रभाव वाढला तरी प्रिंट मिडीयाचे महत्व आजही कायम असल्

  सोशल मीडियाला पत्रकारांनी मित्र बनवावे –महेश कुलकर्णी   समाजहिताच्या विषयांना पत्रकारांनी प्राधान्य द्यावे –शंकरअप्पा मोगरकर   परळी पत्रकार संघाच्या वतीने दर्पण दिन साजरा   परळी । प्रतिनिधी समाजाच्या जडण-घडणीमध्ये पत्रकारीतेचा वाटा खूप मोठा आणि मोलाचा आहे. मागील काळात पत्रकारीतेवर अनेक संकटं आली परंतू त्यावरही मात करीत करीत पत्रकारांनी आपली समृध्द वाटचाल सुरूच ठेवली आहे. अलिकडच्या काळात वृत्तपत्र माध्यमांना सोशल मीडियाशी खूप मोठा संघर्ष करावा लागत आहे. परंतू बदलच्या काळाबरोबर पत्रकारांनी बदलून घेवून सोशल मीडियाला आपला मित्र बनवले पाहीजे असे मत लोकमतच्या सोलापूर आवृत्तीचे वरिष्ठ उपसंपादक महेश कुलकर्णी यांनी व्यक्त केले. मराठवाडा साथी पीसीएन न्युजच्या कार्यालयात परळी पत्रकार संघाच्या वतीने दर्पन दिन कार्यक्रमाचे आयोजन करण्यात आले होते. परळी शहर आणि तालुका पत्रकार संघाच्या वतीने आयोजित दर्पन दिन कार्यक्रमाला मुख्य अतिथी म्हणून लोकमतच्या सोलापूर आवृत्तीचे वरिष्ठ उपसंपादक महेश कुलकर्णी, दै.मराठवाडा साथीचे मुख्य संपादक चंदुलाल बियाणी, जेष्ठ पत्रकार शंकरअप्पा मोगरकर, नगरसेवक गोपाळ आंधळे यां

सौ.सुमन माधवराव देशमुख ( चिखलबीडकर ) यांच निधन. ----------------------------------    परळी वैजनाथ येथील सरस्वती विद्यालयाच्या सेवानिवृत्त शिक्षिका सौ.सुमन माधवराव देशमुख यांच आज दिनांक 05 जानेवारी 2021 रोजी संध्याकाळी साडेसातच्या सुमारास अल्पशा आजारानं दु;खद निधन झालं.त्या पंच्याहत्तर वर्षांच्या होत्या.     त्यांच्या माघारी पती माधवराव देशमुख,कन्या सुनीता मंठेकर,मुलगा तुकाराम देशमुख,जावाई,सून,आणि नातवंडे असा मोठा परिवार आहे.जालना येथील जे.ई.एस.महाविद्यालयाचे दिवंगत प्रा.कै.भगवान काळे आणि आकाशवाणी औरंगाबाद केंद्राचे सेवानिवृत्त निवेदक तसंच लेखक,साहित्यिक अनंत काळे यांच्या त्या भगिनी होत.     अत्यंत मनमिळावू आणि विद्यार्थिप्रिय व्यक्तीमत्व असलेल्या सुमन देशमुख यांना आदर्श शिक्षिका म्हणूनही गौरवण्यात आलं होतं.            *****

  परळी पत्रकार संघाच्या वतीने साजरा होणार दर्पण दिन   महत्वपूर्ण विषयांवर होणार चर्चा; आवर्जून उपस्थित राहण्याचे पदाधिकाऱ्यांचे आवाहन   परळी । प्रतिनिधी परळी शहर व तालुका पत्रकार संघाच्या वतीने दर्पण दिन कर्यक्रमाचे आयोजन करण्यात आले आहे. मराठवाडा साथी पीसीएन न्युज कार्यालयात सकाळी ११ वाजता दर्पणकार बाळशास्त्री जांभेकर यांच्या प्रतिमेला अभिवादन कार्यक्रम होणार असून, कार्यक्रमास उपस्थित रहावे असे आवाहन शहराध्यक्ष संभाजी मुंडे, तालुकाध्यक्ष अनंत गित्ते, कार्याध्यक्ष धिरज जंगले यांनी केले आहे. दरवर्षी परळी शहर व तालुका पत्रकार संघाच्या वतीने दर्पण दिन 06 जानेवारी रोजी उत्साहात साजरा करण्यात येतो. याही वर्षी कार्यक्रमाचे आयोजन करण्यात आले आहे. मात्र कोरोनाच्या पार्श्वभूमीवर अत्यंत साधेपणाने कार्यक्रम होणार आहे. मराठवाडा साथी पीसीएन न्युज कार्यालयात सकाळी ११ वाजता कार्यक्रमाचे आयोजन करण्यात आले आहे. याच कार्यक्रमात पत्रकार संघाच्या आगामी धोरण व कार्याबद्दल तसेच अनेक महत्वपूर्ण विषयांवर चर्चा करण्यात येणार असून, शहर व तालुक्यातील पत्रकार बांधवांनी आवर्जून उपस्थित रहावे असे आवाहन शहराध्यक्ष स

  परळी पत्रकार संघाची नूतन कार्यकारिणी जाहीर  शहराध्यक्ष प्रल्हाद कंडुकटले, तालुका अध्यक्ष बाबा शेख तर कार्याध्यक्षपदी रानबा गायकवाड  परळी (प्रतिनिधी) : परळी शहर व तालुका पत्रकार संघाची नूतन कार्यकारिणी नुकतीच निवडण्यात आली. शहराध्यक्ष पदी दैनिक दिव्य लोकप्रभाचे, दै.हिंद जागृती प्रतिनिधी प्रल्हाद कंडुकटले, तालुका अध्यक्षपदी दैनिक जंगचे तालुका प्रतिनिधी बाबा शेख तर कार्याध्यक्षपदी दैनिक सम्राटचे प्रतिनिधी व परळी बुलेटिनचे संपादक रानबा गायकवाड यांची निवड करण्यात आली. जेष्ठ पत्रकार दिलीप भद्दर(दै.लोकाशा) यांच्या अध्यक्षतेखाली व दै.दिव्य अग्नी चे संपादक प्रकाश सूर्यकर यांच्या प्रमुख उपस्थितीत कार्यकारिणी निवडण्यात आली.        उर्वरित कार्यकारिणीत शहर उपाध्यक्ष माणिक कोकाटे (दै.आनंद नागरी), सचिव प्रकाश वर्मा, तालुका उपाध्यक्ष बालाजी ढगे (दै.बीड नेता), तालुका सचिव शेख मुकर्रम (दै.सिटीझन) तर सल्लागार प्रा.प्रवीण फुटके (दै.सकाळ), स्वानंद पाटील (दै.सामना), प्रेमनाथ कदम (दै.सूर्योदय), बालकिशन सोनी (दै.न्याय टाइम्स), ओमप्रकाश बुरांडे (दै.एकमत), जगदीश शिंदे (दै.गावकरी), भगवान साकसमुद्रे (जागृती न्

  जास्तीत जास्त ग्राहकांनी बिल दुरूस्ती मेळाव्याचा लाभ घ्यावा –चंदुलाल बियाणी परळी (प्रतिनिधी) गेल्या अनेक दिवसांपासून परळी शहर व तालुक्यातील विजग्राहकांच्या बिलाबाबतच्या तक्रारी निकाली काढण्याचा विचार विजवितरण कंपनीने पुढे आणला असून, राज्याचे सामाजिक न्याय व विशेष सहाय्य मंत्री तथा बिड जिल्ह्याचे पालकमंत्री ना.धनंजय मुंडे यांच्या मार्गदर्शनाखाली येत्या ०६ जानेवारी ते ०८ जानेवारी या कालावधीत बिल दुरूस्ती मेळावा आयोजित करण्यात आला आहे. या मेळाव्यात जास्तीत जास्त नागरीकांनी सहभागी होऊन या योजनेचा लाभ घ्यावा असे आवाहन जिल्हा नियोजन समितीचे सदस्य तथा नगरसेवक चंदुलाल बियाणी यांनी केले आहे. दि.०६ जानेवारी ते ०८ जानेवारी दरम्यान परळी उपविभागातील विजग्राहकांच्या समस्या सोडविण्यासाठी बिल दुरूस्ती मेळाव्याचे आयोजन करण्यात आले आहे. याबाबतचे कार्यालयीन आदेश वरिष्ठ पातळीवरून काढण्यात आले असून, या तीन दिवसांत जास्तीत जास्त तक्रारींचा निवाडा करण्याचे आदेश पालकमंत्री ना.धनंजय मुंडे यांनी अधिकाऱ्यांना दिले आहेत. या मेळाव्यात विजबिलांबाबतच्या तक्रारी समजून घेवून त्यांचे निराकरण करण्यात येणार असल्याची मा

 *माणसाला ऊर्जा देणाऱ्या निसर्गाला जपा.- गणेश आघाव* *पोरी शाळेत निघाल्या या गीताचे शानदार कार्यक्रमात लॉन्चिंग* परळी प्रतिनिधी -: आपल्या अवतीभोवती असणाऱ्या निसर्गातून माणसाला ऊर्जा मिळते, त्या ऊर्जेला आपण जपले पाहिजे अन्यथा असमतोल निर्माण होतो ,असे साहित्य अकादमी पुरस्कार नामांकन प्राप्त कवी गणेश आघाव यांनी प्रतिपादन केले आहे. तर अरुण पवार यांनी कविता आणि गीतांमधून लाखो लोकांपर्यंत पोहोचता येते असे उद्घाटन पर भाषणात बोलताना सांगितले.   परळी येथील शिवछत्रपती विद्यालयात पोरी शाळेत निघाल्या या गीताचे लॉन्चिंग करण्यात आले. क्रांतीज्योती सावित्रीबाई फुले यांच्या जयंतीनिमित्त शिवछत्रपती विद्यालयात संपन्न झालेल्या या कार्यक्रमाच्या अध्यक्षस्थानी केंद्रप्रमुख चेनलवाडसाहेब हे होते. तर प्रमुख पाहुणे म्हणून प्रा. डॉ. राजकुमार यल्लावाड ,कवी अनंत मुंडे ज्येष्ठ पत्रकार व साहित्यिक रानबा गायकवाड कवी केशव कुकडे, रघुनाथ आंधळे, शिवछत्रपती विद्यालयाचे पर्यवेक्षक प्रकाश पाटील आदी उपस्थित होते .   गीतकार गणेश आघाव यांनी लिहिलेले पोरी शाळेत निघाल्या हे गीत आजवर बत्तीस भाषेत भाषांतरीत झालेलं आहे.हे गीत आता व

 न्यू हायस्कूल कॉलेज येथे सावित्रीबाई फुले यांना अभिवादन  प्रतिनिधी, परळी (वै.) :   शहरातील मराठवाडा शिक्षण प्रसारक मंडळ संचलित न्यू हायस्कूल कनिष्ठ महाविद्यालय येथे ता.३ जानेवारी रोजी राष्ट्रीय सेवा योजनेच्या वतीने सावित्रीबाई फुले यांची जयंती 'महिला शिक्षण दिन' म्हणून अतिशय उत्साहात साजरी करण्यात आली.     यावेळी राष्ट्रीय सेवा योजनेच्या स्वयंसेवकांनी सावित्रीबाई फुले यांच्या जीवनावर प्रकाश टाकला. यावेळी न्यू हायस्कूल कॉलेजचे प्राचार्य एन.एच.शेंडगे, पर्यवेक्षक एस.पी. देशमुख, उपप्राचार्य सुनील लोमटे, श्री अजय सोळंके, राष्ट्रीय सेवा योजना कार्यक्रम अधिकारी प्रा. डॉ.अंकुश वाघमारे, प्रा. डॉ. सुनील चव्हाण, देशमुख मॅडम, सय्यद मॅडमसह प्राध्यापक व कर्मचारी वृंद व राष्ट्रीय सेवा योजनेचे स्वयंसेवक उपस्थित होते.

 *लक्ष्मीबाई देशमुख महिला महाविद्यालयात सावित्रीबाई फुले यांची जयंती साजरी*   परळी वैजनाथ दि.०४ (प्रतिनिधी)             येथील लक्ष्मीबाई देशमुख महिला महाविद्यालयात राष्ट्रीय सेवा योजना विभागाच्या वतीने सावित्रीबाई फुले यांच्या जयंती निमित्त "महिला शिक्षीका दिन" उत्साहात साजरा करण्यात आला.                राणी लक्ष्मीबाई टाँवर चौक परिसरात असलेल्या लक्ष्मीबाई देशमुख महिला महाविद्यालयात सावित्रीबाई फुले यांच्या जयंती निमित्त कार्यक्रमाचे आयोजन करण्यात आले होते. कार्यक्रमाच्या अध्यक्षस्थानी प्रा. डॉ. विनोद जगतकर, तर प्रा.डॉ. प्रविण दिग्रसकर, प्रा.नव्हाडे, प्रा.पि.एम.फुटके उपस्थित होते. सुरुवातीला क्रांती ज्योती सावित्रीबाई फुले यांच्या प्रतिमेचे पूजन मान्यवरांच्या हस्ते करण्यात आले. यावेळी बोलताना प्रा. डॉ. जगतकर यांनी सावित्रीबाई फुले यांच्या जिवन कार्यावर प्रकाश टाकला. तसेच सावित्रीबाई फुले व महात्मा फुले यांचा त्याग इतर सर्व समाजकार्य करणाऱ्या समाजसुधारकां पेक्षा जास्त आहे. फुले दामपत्य जर समाजसुधारनेत आले नसते तर ते उद्योजक झाले असते.असे ही श्री.जगतकर यांनी सांगितले. गायत्री

 *डॉ.बाबासाहेब आंबेडकर मराठवाडा विद्यापीठाचे उपकुलसचिव दिलिपराव भरड यांची महाराष्ट्र शासनाच्या अध्यादेश व परीनियम तपासणी समितीवर निवड; परळीत ह्रद्य सत्कार* परळी वैजनाथ,प्रतिनिधी....        डॉ.बाबासाहेब आंबेडकर मराठवाडा विद्यापीठाचे उपकुलसचिव दिलिपराव भरड यांची महाराष्ट्र शासनाच्या अध्यादेश व परीनियमांची तपासणी समितीवर नुकतीच निवड झाली आहे.या निवडीबद्दल त्यांचा परळीत सत्कार करण्यात आला.          डॉ.बाबासाहेब आंबेडकर मराठवाडा विद्यापीठाचे उपकुलसचिव श्री.दिलिपराव भरड यांची महाराष्ट्र शासनाच्या अध्यादेश व परीनियमांची तपासणी समितीवर सदस्य म्हणून निवड झाली. श्री.भरड हे परळी मध्ये एका लग्न समारंभास आलेड असताना त्यांचा सत्कार करण्यात आला. यावेळी परळीचे माजी नगराध्यक्ष, नगरसेवक तथा राष्ट्रवादी काँग्रेसचे शहराध्यक्ष बाजीराव भैय्या धर्माधिकारी, कै. ल.दे.देशमुख महिला महाविद्यालयाचे अध्यक्ष संजय देशमुख,ज्येष्ठ नेते प्रकाश जोशी,श्रीकांत मांडे,अजय जोशी, जितेंद्र नव्हाडे,चारुदत्त करमाळकर,शैलेन्द्र आर्विकर आदि उपस्थित होते.

  अमृतमहोत्सवी अभिष्टचिंतन: "परळीचे मांझी" केशवराव कुरुडे पोहचले पंच्याहत्तरीत ! केशवराव कुरुडे यांच्या अमृतमहोत्सवी वर्षानिमित्त अभिष्टचिंतन  गौरव परळी वैजनाथ ता.०२ (प्रतिनिधी).....         लोकांच्या सुखासाठी दगडधोंडा वेचून सुखमय रस्ता निर्माण करणारे परळीतील केशवराव कुरुडे हे जेष्ठ नागरिक  "परळीचे दशरथ मांझी"  म्हणून ओळखले जात आहेत. सकाळी व संध्याकाळी फिरायला जाणार्या आबालवृद्धांना खाचखळग्याची डोंगरी पाऊलवाट स्वत: श्रमदानातून  रस्त्यात रुपांतरीत करण्याचे काम त्यांनी उभे केले आहे. सर्व परिचित"परळीचे मांझी" केशवराव कुरुडे वयाच्या पंच्याहत्तरीत पोहचले आहेत.केशवराव कुरुडे यांच्या अमृतमहोत्सवी वर्षानिमित्त  त्यांचा नुकताचअभिष्टचिंतन  गौरव करण्यात आला.            येथील कृषी विभागातील सेवानिवृत्त ट्रेसर केशवराव कुरुडे यांच्या अमृतमहोत्सवी वर्षानिमित्त (वय ७५) मित्र मंडळाच्या वतीने अभिष्टचिंतन सोहळा साजरा करण्यात आला. केशवराव कुरुडे हे सामाजिक कार्यकर्ते म्हणून सर्वदुर परिचित आहेत.शहरातील सुर्वेश्वर नगर परिसरातील रहिवासी कृषी विभागातील सेवानिवृत्त ट्रेसर, सामाजिक