माझी बातमी MB NEWS

  परळी येथील लोकअदालत मध्ये 81 प्रकरणे निकाली तर 2 कोटी वसूल ! परळी वैजनाथ:- तालुका विधी सेवा प्राधिकरण व परळी वकील संघाच्यावतीने राष्ट्रीय लोकअदालत आयोजन करण्यात आले होते.त्यामध्ये तडजोडीने 81 प्रकरणे निकाली काढण्यात आली तर   2 कोटी रुपये वसूल झाले.  दिनांक 09.09.2023 रोजी राष्ट्रीय लोकअदालतचे आयोजन करण्यात आले होते.त्यामध्ये  73 फौजदारी प्रकरणे व 8 दिवाणी प्रकरणे निकाली काढण्यात आली.यामध्ये धनादेश अनादराची प्रकरणे मोठ्या प्रमाणात निकाली काढण्यात आली. यावेळी विविध बँक व पतसंस्थेच्या केसेस ठेवण्यात आल्या होत्या.तसेच 74दाखलपुर्व प्रकरणे निकाली काढण्यात आली.एकुन 20270254/-(दोन कोटी दोन लाख सत्तर हजार दोनशे चौपन रुपये ) वसूल करण्यात आले. यामध्ये वैद्यनाथ बँकेच्या वतीने सर्वाधिक केसेस तडजोडीने निकाली काढण्यात आल्या.लोकन्यायालयास प्रकरणे तडजोडीने निकाली काढण्यासाठी बँकेच्या अधिकारी वर्गाचा प्राधिकरणाच्या वतीने सत्कार करण्यात आला.यावेळी न्या.एस.बी.गणाप्पा न्या.डि.आर.बोर्डे न्या.डि.व्ही.गायकवाड परळी वकील संघाचे अध्यक्ष प्रदीप गिराम अँड.आर.व्हि.गित्ते अँड एच व्हि गुट्...

  शिव-शक्ती बरोबरच तुमच्या शक्तीचं दर्शन घेण्यासाठी आलेयं मी समर्पण भावनेनं काम करतेयं ;  आरोप करणाऱ्यांनाही प्रेमानं स्विकारलं पंकजा मुंडे तुळजाभवानीच्या चरणी लीन ; कार्यकर्त्यांसमोर व्यक्त केल्या भावना तुळजापूर ।दिनांक ०९। जेव्हा आपल्याला क्रांती करायची असते, संघर्ष असतो तेव्हा समर्पण पण लागतं. मी नुसत बोलत नाही, तर समर्पण करून बोलते मी पण अज्ञातवास भोगला,  कष्ट केले, ज्यांनी माझ्यावर आरोप केले त्यांना परत प्रेमानं स्विकारल देखील असं सांगत शिव आणि शक्ती बरोबरच तुमच्या शक्तीचं दर्शन करण्यासाठी मी आलेयं अशा शब्दांत भाजपच्या राष्ट्रीय सचिव पंकजाताई मुंडे यांनी कार्यकर्त्यांशी संवाद साधला.    पंकजाताई मुंडे यांनी काल रात्री देवी तुळजाभवानीचे दर्शन घेतले, त्यानंतर कार्यकर्त्यांनी त्यांचं जंगी स्वागत केलं, त्यावेळी त्या बोलत होत्या. आ. राणा जगजितसिंह यांच्या पत्नी अर्चनाताई पाटील, दत्ता कुलकर्णी, नितीन काळे आदी यावेळी उपस्थित होते.   भवानी मातेच्या दर्शनाने आज शक्तीपीठाचे दर्शन पूर्ण झाले. आपण लहानपणापासून असं ऐकलयं की छत्रपती शिवरायांना भवानी मातेने तलवार दिली...

  मराठा क्रांती मोर्चाच्या आमरण उपोषण व ठिय्या आंदोलन सातव्य दिवशीही सुरु   परळी,( प्रतिनिधी):- मराठा समाजाला ओबीसी प्रवर्गातून आरक्षण मिळावे यासाठी जालना जिल्ह्यातील अंतरावली सराटी येथे मनोज जरांगे पाटील यांच्या नेतृत्वाखाली आंदोलन गेल्या काही दिवसापासून सुरू आहे. राज्यात ठिकठिकाणी या आंदोलनाला पाठिंबा म्हणून धरणे, आंदोलने, रास्ता रोको आदी प्रकारची आंदोलने मोठ्या प्रमाणात होत आहेत. याचाच एक भाग म्हणून परळी तहसील कार्यालयासमोर मराठा क्रांती मोर्चाच्या वतीने सकल मराठा समाज 2 सप्टेंबर 2023 पासून ठिय्या आंदोलनास बसला आहे. तर काल 6 सप्टेंबर आमरण उपोषणास व्यंकटेश बाबुराव शिंदे व शरद आबासाहेब चव्हाण हे बसले आहेत या आंदोलनास सर्व स्तरातून मोठ्या प्रमाणात पाठिंबा मिळत आहे. दि 8 सप्टेंबर 2023 रोजी सातव्या दिवशी विविध पक्ष संघटना सामाजिक कार्यकर्त्यांनी आंदोलनकर्त्यांशी भेट घेऊन ठिय्या आंदोलनास पाठिंबा दर्शवला आहे. दिवसेंदिवस परळी येथील आंदोलनाची धार मोठ्या प्रमाणात वाढत असून विविध क्षेत्रातून पाठिंबा मिळत आहे. आंदोलनाच्या सातव्या दिवशी परभणी जिल्ह्याचे शेतकरी नेते शिवाजीराव कदम, स...

  धनंजय मुंडे यांचा यशस्वी समन्वय; उर्वरित 13 सह बीड जिल्ह्यातील सर्व 86 मंडळांना सोयाबीन अग्रीम पीकविमा लागू कृषी विद्यापीठातील शास्त्रज्ञ, उपग्रह आदी यांनी केलेला अभ्यास व अहवाल याआधारे सोयाबीन उत्पादकांना दिलासा एकही मंडळ सोयाबीन विम्यापासून वंचित राहणार नाही बीड (दि. 08) - पावसाने ओढ दिल्यानंतर बीड जिल्ह्यातील सोयाबीन या पिकाच्या अग्रीम पीक विम्याचा निर्माण झालेला प्रश्न अखेर पूर्णपणे कृषिमंत्री धनंजय मुंडे यांच्या समन्वयामुळे मार्गी लागला असून आता उर्वरित राहिलेल्या 13 मंडळांसह जिल्ह्यातील संपूर्ण 86 मंडळांमध्ये सोयाबीन पिकास अग्रीम 25% पीक विमा लागू करण्यात आला आहे.  ज्याठिकाणी पावसाच्या खंडामध्ये सदोष किंवा नियमात न बसणारे खंड दाखवण्यात आले होते, त्या मंडळांचाही समावेश आता करण्यात आला आहे. पूर्वी मंजूर 73 व नव्याने करण्यात येत असलेले 13 अशा सर्वच मंडळांमध्ये आता सोयाबीन उत्पादक शेतकऱ्यांना अग्रीम 25% पिकविम्याचा आधार मिळणार आहे.  कृषी विद्यापीठातील शास्त्रज्ञ, विद्या वेत्ता तसेच वेगवेगळ्या उपग्रहांच्या पावसाची नोंदणी केलेल्या अहवालांच्या आधारे केवळ खंड यावर अवलंब...

  पंकजा मुंडे यांची अशीही संवेदनशीलता ! धाराशीव ।दिनांक ०८। भाजपच्या राष्ट्रीय सचिव पंकजाताई मुंडे यांच्या संवेदनशीलतेचा प्रत्यय पुन्हा एकदा अनुभवास आला. धाराशीव जिल्हयातील मराठा समाजाच्या तरूणाने आरक्षणावरून आत्महत्या केल्याची दुर्दैवी घटना घडल्यामुळे त्यांनी आज शिव-शक्ती परिक्रमे दरम्यान कार्यकर्त्यांकडून पुष्पगुच्छ, हार-तुरे न घेता फक्त हात जोडून स्वागत स्विकारले.    पंकजाताई मुंडे यांची शिव-शक्ती परिक्रमा आज श्रीक्षेत्र गाणगापूर येथे दर्शन घेऊन धाराशीव जिल्हयात आली. जिल्हयाच्या सीमेवर बोळेगाव, आलूर, मुरूम, नळदुर्ग, जळकोट येथे पंकजाताई मुंडे यांचे भव्य स्वागत करण्यासाठी कार्यकर्ते पुष्पगुच्छ, हार-तुरे घेऊन रस्त्यावर जमले होते पण पंकजाताईंनी असे स्वागत स्विकारण्यास साफ नकार दिला. मराठा समाजातील तरूणाने आरक्षणाच्या प्रश्नावरून आत्महत्या केल्याची दुर्दैवी घटना घडली आहे, अशा परिस्थितीत असं स्वागत घेणं माझ्या मनाला प्रशस्त वाटत नाही असे सांगून केवळ हात जोडून जनता जनार्नदाला अभिवादन केले. पंकजाताईंच्या या संवेदनशील मनाचा कार्यकर्त्यांना असा पुन्हा एकदा प्रत्यय आला. *अणदू...

  परळी क्रीडा शिक्षक संघटनेची कार्यकारणी जाहीर  परळी / प्रतिनिधी          परळी येथील पोद्दार लर्न स्कूल येथे शहर व ग्रामीण भागातील सर्व क्रीडा शिक्षक यांची शुक्रवारी (ता.८) बैठक आयोजित करण्यात आली होती. ज्येष्ठ शिक्षण विस्तार अधिकारी अन्सारी मॅडम यांच्या प्रमुख उपस्थितीत क्रीडा शिक्षक संघटनेचे अध्यक्ष अजय जोशी यांनी नूतन कार्यकारणी करण्यात यावी हा प्रस्ताव मांडला. त्यानुसार क्रीडा शिक्षकांमधुन इच्छुकांची नावे मागितली. त्यात सर्वानुमते ग्रामीण भागासाठी म्हणून भगवान बाबा विद्यालय नंदागौळ शाळेचे क्रीडा शिक्षक एस पी मुंडे यांचे तर शहराध्यक्ष म्हणून महर्षी कणाद विद्यालय परळी येथील क्रीडा शिक्षक  विलास अरगडे यांचे नाव घेण्यात येऊन अनुक्रमे यांची निवड करण्यात आली.       ज्येष्ठ शिक्षण विस्तार अधिकारी अन्सारी मॅडम तसेच पोद्दार स्कूल चे संचालक धीरज बाहेती जेष्ठ विस्तार अधिकारी कराड, परळी तालुका क्रीडा स्पर्धा समन्वयक देशमुख पापा, मावळते अध्यक्ष अजय जोशी, प्रा अतुल दुबे, यांनी नवनिर्वाचित तालुका अध्यक्ष एस पी मुंडे व शहराध्यक्ष विलास अरगडे या...

धनंजय मुंडेंच्या मागणीला यश; बीड जिल्ह्यातील देवस्थान विकासाच्या कामांवरील स्थगिती मागे खंडोजीबाबा देवस्थान लोणी सह विविध देवस्थानांच्या विकासकामांसाठी सुमारे साडे आठ कोटींचा निधी आ.बाळा काका आजबे यांचाही विशेष पाठपुरावा परळी मतदारसंघातील रेणुकादेवी मंदिर पौळ पिंप्री व दर्गा देवस्थान सिरसाळा येथील विकासाचा शब्द धनंजय मुंडेंनी केला पूर्ण मुंबई (दि. 8) - बीड जिल्ह्यातील विविध देवस्थानांचा पर्यटन स्थळांच्या दृष्टीने विकास करण्यासाठी तत्कालीन पालकमंत्री धनंजय मुंडे यांनी प्रस्तावित केलेल्या विविध देवस्थानांच्या सुमारे साडेआठ कोटी रुपयांच्या कामांना सन 2021-22 मध्ये मंजुरी देण्यात आली होती, मात्र नंतर त्या कामांवर स्थगिती आली होती. आज कृषिमंत्री धनंजय मुंडे यांच्या प्रयत्नातून या सर्व कामांवरील स्थगिती उठवण्यात आली असून याबाबतचा शासन आदेश पर्यटन विभागाकडून जारी करण्यात आला आहे.  शिरूर कासार तालुक्यातील संत खंडोजी बाबा यांचे देवस्थान असलेल्या श्रीक्षेत्र खंडोजी बाबा देवस्थान लोणी वारणी येथील विकास कामासाठी चार कोटी 19 लाख रुपये एवढा निधी खर्चास यांतर्गत मान्यता देण्यात आली आहे. यासाठी आष...

  पंकजा मुंडे पंढरपुरात विठूरायाच्या चरणी नतमस्तक विठ्ठल-रूक्मिणी देवस्थान समितीनं केला सत्कार  सांगलीत पालकमंत्री खाडे यांनी केलं स्वागत ; सांगोल्यात स्व. गणपतराव देशमुखांच्या परिवाराची घेतली भेट अक्कलकोट येथे श्री स्वामी समर्थांचं घेतलं दर्शन सांगली / सोलापूर । दिनांक ०७। भाजपच्या राष्ट्रीय सचिव पंकजाताई मुंडे आज दुपारी पंढरीत श्री विठूरायाच्या चरणी नतमस्तक झाल्या. मंदिर समितीच्या वतीने त्यांचं यावेळी उत्स्फूर्त स्वागत करण्यात आलं.     सकाळी कोल्हापूरच्या महालक्ष्मीचं दर्शन घेऊन पंकजाताई मुंडे पंढरपूर कडे रवाना झाल्या. सांगली येथे श्री गणेशाचे त्यांनी दर्शन घेतले, आ. सुधीर गाडगीळ, निता केळकर याप्रसंगी उपस्थित होते. त्यानंतर पालकमंत्री सुरेश खाडे यांच्या निवासस्थानी त्यांचं मोठया जल्लोषात कार्यकर्त्यांनी स्वागत केलं. कवठे मंहाकाळ येथे खा. संजयकाका पाटील यांचे चिरंजीव प्रभाकर पाटील यांनी त्यांचं स्वागत केलं. सांगोला येथे स्व. गणपतराव देशमुख यांच्या घरी भेट देऊन पंकजाताईंनी त्यांच्या परिवाराची विचारपूस केली. रस्त्यात मोहोळ येथे संजय क्षीरसागर यांनी जेसीबीतून फु...

  संस्कृत भाषेत विश्वात्मक नवनिर्मितीचे सामर्थ्य!-- प्रा. सोनेराव आचार्य   परळी वैजनाथ, दि.६-                         मानवी मनाच्या विकृतींतून  निर्माण झालेल्या भेदभावनांच्या भिंती तोडून एकसंध समाज उभारण्यासाठी दिव्य अमृतवाणी असलेल्या संस्कृत भाषेचा प्रचार प्रसार होणे ही काळाची गरज आहे. कारण याच भाषेत विश्वात्मक नवनिर्मितीचे सामर्थ दडले आहे ,असे प्रतिपादन संस्कृत साहित्याचे गाढे अभ्यासक प्रा. सोनेराव आचार्य यांनी केले.         येथील आर्य समाज सभागृहात  संस्कृत भाषा प्रसार केंद्राच्या वतीने नुकत्याच पार पडलेल्या  सामूहिक 'संस्कृत दिन' समारंभात ते प्रमुख पाहुणे म्हणून बोलत होते. अध्यक्षस्थानी सामाजिक कार्यकर्ते श्री उग्रसेन राठौर होते. यावेळी वैदिक विचारवंत आचार्य सानंदजी, गुरुकुलाचे प्रमुख आचार्य सत्येंद्रजी,संयोजक पं. प्रशांतकुमार शास्त्री, संस्थेचे अध्यक्ष जुगल किशोरजी लोहिया, पुरस्कारप्रदाते संज्योत जयपाल लाहोटी आदी उपस्थित होते.             ...

  वैद्यनाथ  महाविद्यालयात झाली सॉफ्टवेअर टेस्टिंग कार्यशाळा परळी प्रतिनिधी....वैद्यनाथ  महाविद्यालयात बीसीए व  बीएस्सी च्या विद्यांर्थ्याना सॉफ्टवेअर टेस्टिंग  व त्यातील नोकरीच्या संधी या विषयावरती एक दिवशीय कार्यशाळेचे आयोजन  संगणक शास्त्र विभाग मार्फत करण्यात आले . प्रमुख मार्गदर्शक म्हणून  कोड राईज टेक सर्व्हिसेस पुणेचे  संचालक, श्री  विकास महाजन व  त्यांच्यासोबत असणारे अभिजित कुलकर्णी यांनी सॉफ्टवेअर टेस्टिंग  व त्यातील नोकरीच्या संधी याची सखोल मार्गदर्शन प्रात्यक्षिकाद्वारे विद्यार्थ्यांना दिले.  आजच्या काळात  संगणकाचे ज्ञान घेऊन सहज नोकरी कशी मिळवता येईल याची सविस्तर माहिती यांनी दिली . या कार्यशाळेचे उद्गाटन महाविद्यालयाचे प्राचार्य डॉ . आर . डी . राठोड यांच्या हस्ते करण्यात आले . या  प्रसंगी संगणकाचे आजच्या काळातील योगदान व  नोकरीच्या संधी यावर त्यांनी मार्गदर्शन केले . त्याचबरोबर आजचे युग हे स्पर्धेचे युग असल्याकारणास्तव संगणकचा वापर प्रत्येक क्षेत्रात आज विद्यार्थी मोठ्या प्रमाणात करत आहेत त्यामुळे ती ए...

 ' भाशिप्र' संचलित परळीच्या भेल सेकंडरी माध्यमिक शाळेच्या नूतन कार्यकरिणीचा मान्यवरांच्या हस्ते सत्कार ........................... परळी  ( एम बी न्यूज वृत्तसेवा) परळी शहरातील पहिली सीबीएसई शाळा म्हणून ओळखल्या जाणाऱ्या व दर्जेदार गुणवत्तापूर्ण शिक्षणासाठी सर्वदूर ओळख असलेल्या भारतीय शिक्षण प्रसारक संस्था द्वारा संचालित भेल सेकंडरी माध्यमिक विद्यालयाच्या स्थानिक व्यवस्था मंडळ, शालेय समिती तसेच अर्थ समितीच्या पदाधिकाऱ्यांची नुकतीच घोषणा करण्यात आली. यावेळी भारतीय शिक्षण प्रसारक संस्थेचे केंद्रीय कार्यकारिणीचे सदस्य श्री विष्णुपंत कुलकर्णी व रामभाऊ कुलकर्णी उपस्थित होते. मान्यवरांच्या हस्ते नूतन कार्यकारणीतील अध्यक्ष, कार्यवाह व इतर सदस्यांचा यथोचित सत्कार करण्यात आला. यावेळी शाळेच्या जडणघडणीमध्ये महत्त्वाचा वाटा असणारे संस्थेचे जेष्ठ पदाधिकारी संस्थेचे माजी कार्यवाह वसंतराव देशमुख गुरुजी, माजी अध्यक्ष विकासराव डुबे व डॉ सतीश रायते यांचीही प्रमुख उपस्थिती होती. श्री विकासराव डुबे , श्री वसंतराव देशमुख गुरुजी, डॉ. सतिश रायते यांनी वयाची ७५ वर्षे पुर्ण केली असल्याने या सर्वांनी मा...

  नाथ व रामभाऊ अण्णा खाडे शिक्षण संस्था हे माझे कुटुंब - प्रदिप खाडे  नाथ शिक्षण संस्थेचे सहसचिव प्रदीप खाडे यांचा नाथ शिक्षण संस्था परिवाराच्या वतीने सहृदय सत्कार                                                परळी वै. (प्रतिनिधि):                  दि.५ सप्टेंबर २०२३                      नाथ शिक्षण संस्थेचे सहसचिव श्री.प्रदीप शिवाजीराव खाडे यांच्या वाढदिवसा निमित्त 'नाथ मित्र परिवारातर्फे' सहृदय सत्कार करण्यात आला. कार्यक्रमाची सुरुवात डॉ. सर्वपल्ली राधाकृष्णन यांच्या जयंतीनिमित्त प्रतिमेस पुष्पहार अर्पण करून अभिवादनाने झाली. कै.रामभाऊ (अण्णा) खाडे सेवाभावी संस्थेचे अध्यक्ष तथा नाथ शिक्षण संस्थेचे सहसचिव प्रदिप खाडे यांच्या वाढदिवसा निमित्त त्यांना आरोग्यासह दीर्घायुष्य लाभावे यासाठी मंगळवार दि.५ सप्टेंबर २०२३ रोजी मित्र परिवाराच्या वतिने विविध सामाजिक, शैक्षण...

  मानवी हदयात धैर्य पेरणार गुरूजी असतो - प्रा. डॉ . माधव रोडे सिरसाळा ( ता. परळी ) : - येथे श्री पंडितगुरू पार्टीकर महाविद्यालयात राष्ट्रीय सेवा योजना विभागाच्या वतीने शिक्षक दिन निमित्ताने प्रा . डॉ . माधव रोडे यांच्या व्याख्यांच्या कार्यक्रमाचे आयोजन करण्यात आले . त्यावेळी कार्यक्रमाच्या विशेष उपस्थिती संस्थेचे अध्यक्ष मा . श्री . व्यंकटराव कदम तर कार्यक्रमाच्या अध्यक्षस्थानी प्राचार्य डॉ के . के . पाटील होते , प्रा . डॉ . के . एम . नागरगोजे, प्रा . दयानंद झुंजुर्डे, प्रा . वाळके मॅडम उपस्थितीत होते . या कार्यक्रमाची सुरुवात राष्ट्रपती सर्वपल्ली राधाकृष्णन  यांच्या प्रतिमेचे पुजन करून झाली . यावेळी शिक्षक व विद्यार्थीना मार्गदर्शन करताना प्रा . डॉ . माधव रोडे म्हणाले,  विद्यार्थी चांगल्या ज्ञानाशिवाय आपली शक्ती वापरू शकत नाहीत , म्हणुन युवकांनी ज्ञान मिळवण्यासाठी सतत प्रयत्न करावे . त्यासाठी गुरूजी लागतात, मानवी हदयात धैर्य पेरणारी व्यक्ती खरी चिकित्सक असते . सकारात्मक प्रेरणे धैर्य भरलेला युवकाच जगबदलण्याची क्षमता असते . एकच ध्येय घेत तमाम मनुष्यजात जगत असते , ते ध्य...

  जेजूरी, शिखर शिंगणापूरात  पंकजा मुंडे यांचं प्रचंड जल्लोषात स्वागत ! खा. उदयनराजेंनी शिंगणापूरात दिली मानाची तलवार ; जेजूरीत 'यळकोट, यळकोट जय मल्हार' चा गजर शिव-शक्ती परिक्रमेच्या स्वागताला सातारा जिल्हयात कार्यकर्त्यांची तोबा गर्दी सातारा । दिनांक ०६। शिव-शक्ती परिक्रमेच्या आजच्या तिसऱ्या दिवशी भाजपच्या राष्ट्रीय सचिव पंकजाताई मुंडे यांच्या स्वागताला सातारा जिल्हयात कार्यकर्त्यांची तोबा गर्दी रस्त्यावर उसळली होती. शिखर शिंगणापूर येथे श्री शंभू महादेव मंदिरात खासदार उदयनराजे भोसले यांनी मानाची तलवार देत त्यांचं जंगी स्वागत केलं. जेजूरीत 'यळकोट, यळकोट जय मल्हार' चा गजर करत त्यांनी मल्हारी मार्तंडचं दर्शन घेतलं.    पंकजाताई मुंडे सकाळी पुण्याहून साताऱ्याकडे रवाना झाल्या. सुरवातीचं मोठं स्वागत सासवड येथे झालं. जेजूरीत प्रवेश करताच ग्रामस्थांनी त्यांचं जोरदार स्वागत केलं, त्यानंतर जेजूरी गडावर जाऊन त्यांनी मल्हारी मार्तंड खंडोबारायाचं मनोभावे दर्शन घेतलं. मंदिर परिसरात जिर्णोद्धार कामाची देखील त्यांनी पाहणी केली.  'यळकोट, यळकोट जय मल्हार' चा गजर तळी उचलली.  ख...

  धनंजय मुंडे यांच्या सूचनेनंतर सोयाबीन अग्रीम साठी आधीच्या 52 नंतर आता आणखी 21 मंडळांचा समावेश एकूण 86 पैकी 73 मंडळांमध्ये सोयाबीन अग्रीम पिक विम्यास मान्यता तर उर्वरित 13 मंडळाच्या बाबतीत अहवाल पूर्ण झाल्यानंतर सोमवारी निर्णय होण्याची शक्यता बीड (दि. 05) - राज्याचे कृषिमंत्री धनंजय मुंडे यांनी बीड जिल्हा प्रशासनास दिलेल्या सूचनांप्रमाणे अग्रीम पिक विमा देण्याबाबतची कार्यवाही सुरू आहे. या कार्यवाहीस आता वेग आला असून सोयाबीन पिकाच्या आधी मंजूर केलेल्या 52 मंडळांसह अग्रीम पीक विमा देण्यासाठी आणखी 21 मंडळांचा समावेश करण्यात आला आहे. एकूण 86 मंडळांपैकी 52 मंडळांमध्ये सर्वेक्षणाचे अहवाल प्राप्त झाल्यानंतर अग्रीम पिक विमा मंजूर करण्याची अधिसूचना मागील आठवड्यात काढण्यात आली होती, त्यानंतर चार तारखेपर्यंत पूर्ण झालेल्या सर्वेक्षणाचे अहवाल तपासून जिल्हा प्रशासनाने आज जिल्हाधिकारी दीपा मुधोळ-मुंडे यांच्या अध्यक्षतेखाली झालेल्या बैठकीत आणखी 21 मंडळांमध्ये सोयाबीन या पिकाच्या अग्रीम पीक विम्यास मंजुरी दिली आहे.  आता 86 पैकी 73 मंडळांमध्ये सोयाबीन या पिकास अग्रीम पिक विमा मिळण्याचे निश्...

  सद्यस्थितीत शिक्षकांना आत्मपरीक्षणाची गरज ---"वैद्यनाथ" मध्ये आदर्श शिक्षक  हुलगुंडे यांचे विचार                     परळी वैजनाथ दि.५ -                         गुरु- शिष्यांच्या आदर्श परंपरेमुळे अगदी प्राचीन काळापासून भारताचा नावलौकिक सर्वोच्च स्थानी राहिला आहे. पण अलीकडे काळात शैक्षणिक पावित्र्य लोप पावत चालल्याने आदर्शांची ती महान परंपरा खंडित होत आहे . त्यासाठी सद्यस्थितीत शिक्षकांना आत्मपरीक्षण करण्याची गरज आहे, असे मत 'आदर्श शिक्षक' पुरस्कार प्राप्त सामाजिक कार्यकर्ते श्री लक्ष्मणराव हुलगुंडे-गुरुजी यांनी व्यक्त केले.                   येथील वैद्यनाथ महाविद्यालयात विविध कार्यक्रमांनी "शिक्षक दिन" साजरा करण्यात आला. यावेळी प्रमुख पाहुणे म्हणून श्री हुलगुंडे बोलत होते. अध्यक्षस्थानी महाविद्यालयाच्या नॅक समितीचे समन्वयक  प्रा.डॉ. बी.के. केंद्रे होते. तर व्यासपीठावर उपप्राचार्य एच.डी. मुंडे, पर्यवेक्षिका प्रा. ...

  शिव-शक्ती परिक्रमा ; पंकजा मुंडे यांनी घेतले श्रीक्षेत्र भीमाशंकरचे दर्शन पुणे ।दिनांक ०५ । भाजपच्या राष्ट्रीय सचिव पंकजाताई मुंडे यांनी आज बारा ज्योतिर्लिंगापैकी एक असलेल्या श्रीक्षेत्र भीमाशंकराचे संध्याकाळी दर्शन घेतले.   शिव आणि शक्तीचे दर्शन घेण्यासाठी पंकजाताई मुंडे यांची शिव-शक्ती परिक्रमा कालपासून सुरू झाली आहे. सकाळी त्र्यंबकेश्वराचे दर्शन घेतल्यानंतर संध्याकाळी त्यांनी श्रीक्षेत्र भीमाशंकर मंदिरात विधिवत पूजा करून दर्शन घेतले. मंदिर समितीच्या वतीने यावेळी त्यांचा सत्कार करण्यात आला. ••••

  शिव-शक्ती परिक्रमा देव दर्शना बरोबरच जनतेच्या सात्विक दर्शनासाठी - पंकजा मुंडे लोकनेते मुंडे स्मारकास अभिवादन ; बौध्दविहारात केली बुध्दवंदना नांदुर शिंगोटयात शिव-शक्ती परिक्रमेचं जल्लोषात स्वागत नांदुर शिंगोटे (नाशिक) ।दि. ०५। शिव-शक्ती परिक्रमा प्रवासादरम्यान ठिकठिकाणी जनतेचं एवढं प्रेम मिळत आहे की, कांही जण याला  शक्तिप्रदर्शन म्हणत आहेत. परंतु आमची ही शक्ती आहे ती आहेच,त्याचं प्रदर्शन मांडायची गरज नाही. हे शक्ती प्रदर्शन नाही तर  जनतेच्या प्रेमाचं सात्विक दर्शन आहे अशा शब्दांत भाजपाच्या राष्ट्रीय सचिव पंकजाताई मुंडे यांनी ग्रामस्थांशी संवाद साधला.    नांदूर शिंगोटे येथे शिव-शक्ती परिक्रमेचं वाजत-गाजत, मिरवणूक काढून मोठया जल्लोषात ग्रामस्थ व कार्यकर्त्यांनी स्वागत केलं. त्यानंतर  ग्यामस्थांशी संवाद साधताना पंकजाताई बोलत होत्या. त्या म्हणाल्या, शिवशक्ती परिक्रमा घृष्णेश्वराच्या दर्शनाने सुरू झाली. यापूर्वी कोणत्याही कार्यक्रमाची सुरुवात मुंडे साहेब असताना त्यांचे दर्शन घेऊन व त्यांच्या पश्चात परळीत गोपीनाथ गडाचे दर्शन घेऊन आपण करतो. शिवशक्ती परिक्रमेची...

  परळी वैजनाथमधील वाहतूक व्यवस्था भंगारात निघाली का? : संभाजी ब्रिगेड व मनसेचा संतप्त सवाल सात दिवसांत वाहतूक समस्या न सुटल्यास १२ सप्टेंबर रोजी करणार रास्ता रोको आंदोलन परळी वैजनाथ (प्रतिनिधी) शहर व तालुक्यातील वाहतूक व्यवस्था पूर्णतः कोलमडली असून "परळी वैजनाथमधील वाहतूक व्यवस्था भंगारात निघाली का?" असा संतप्त सवाल संभाजी ब्रिगेड व मनसेने जिल्हाधिकारी दीपा मुधोळ व जिल्हा पोलीस अधीक्षक नंदकुमार ठाकूर यांना उपविभागीय कार्यालयामार्फत दिलेल्या निवेदनात म्हंटले आहे. केंद्रीय नितीन गडकरी यांनी मागे एकदा 'आरटीओ विभागात भंगारमध्ये काढायला हवा' असे प्रतिपादन केले होते. आता त्याचीच प्रचिती परळी वैजनाथ येथे नागरिकांना दररोज पावलोपावली येत आहे. यावेळी संभाजी ब्रिगेडचे जिल्हा कार्याध्यक्ष सेवकराम जाधव, मनसेचे तालुकाध्यक्ष श्रीकांत पाथरकर, मनसे शहराध्यक्ष वैजनाथ कळसकर,संभाजी ब्रिगेडचे तालुकाध्यक्ष पांडुरंग मोरे,मनसेचे शहरउपाध्यक्ष ऋषिकेश बारगजे आदी उपस्थित होते. तसेच सात दिवसांत वाहतूक व्यवस्था सुरळीत झाली नाही तर १२ सप्टेंबर रोजी छत्रपती संभाजी महाराज चौक (ईटके कॉर्नर) येथे रास...

  शिक्षणाच्या माध्यमातुन समाजोन्नती साधणारे युवानेतृत्व: प्रदिप खाडे मराठवाड्यातील शिक्षणाची पंढरी असलेल्या लातुर येथील शिक्षणाचा पॅटर्न घेवुन ते शिक्षण बीड जिल्ह्यातील ग्रामीण भागातील विद्यार्थ्यांना त्यांच्याच गावी मिळावे हेच जीवनाचे ध्येय घेवुन शैक्षणीक क्षेत्रात पंधरा वर्षापुर्वी सेवाभावी संस्था स्थापन करत त्या माध्यमातुन अध्यापक विद्यालयाची सुरुवात केल्यानंतर या शिक्षण संस्थेच्या माध्यमातून शिक्षणाचे जाळे निर्माण करण्याबरोबरच विकास व शैक्षणीक क्षेत्रात प्रगती करण्याची भुमिका असलेले राज्याचे कृषीमंत्री ना.धनंजय मुंडे यांचे कौटुंबिक नातलग.नाथ शैक्षणीक संस्थेच्या सहसचिव पदाचा कार्यभार सांभाळत शिक्षणातुन समाजप्रगती साधणारे,सामाजीक,धार्मिक कार्याच्या माध्यमातुन आपल्या नेतृत्वगुणांचा समाजाला परिसस्पर्श लाभलेले व्यक्तीमत्व म्हणुन कै.रामभाऊ (आण्णा) खाडे सेवाभावी संस्थेचे अध्यक्ष,नाथ शिक्षण संस्थेचे सहसचिव प्रदिपराव शिवाजीराव खाडे यांचे नाव आवर्जून घेतले जाते.     धारुर सारख्या शिक्षणापासुन कोसो दुर असलेल्या तालुक्यातील कांदेवाडी गावातील प्रतिष्ठीत  रामभाऊ खाडे घराण्याती...

  वीरशैव समाज परळीच्या वतीने भारतीय वायुदलातील फ्लाईंग ऑफिसर सर्वेश नावंदे याचा ह्रदय सत्कार  परळी वैजनाथ /प्रतिनिधी भारतीय वायुदलात फ्लाईंग ऑफिसर या पदावर रुजू झाल्याबद्दल परचुंडी तालुका परळी चा सर्वेश नावंदे याचा वीरशैव समाज परळी ,महाराष्ट्र वीरशैव सभा परळी,महाराष्ट्र विकास प्रतिष्ठान परळी ,शिवा संघटना परळी ,वसुंधरारत्न डॉ शिवलिंग शिवाचार्य महाराज अहमदपूरकर  तपोनुष्ठान समिती परळी यांच्याकडून सर्वेशचा सत्कार करण्यात आला कार्यक्रमाचे अध्यक्षस्थानी महाराष्ट्र वीरशैव सभा बीडचे अध्यक्ष दत्ताप्पा ईटके गुरुजी तर व्यासपीठावर डॉक्टर सुरेशचंद्र चौधरी ,सुभाष नावंदे माजी नगरसेवक अनिल अष्टेकर, चंद्रकांतआप्पा समशेटे, परळी समाचार चे संपादक आत्मलिंग शेटे, वीरशैव विकास प्रतिष्ठानचे सचिव सुधीर फुलारी सर माजी नगरसेवक चेतन सौंदळे सर, माजी नगरसेवक रमेश चौंडे,वैजनाथराव  बागवले उपस्थित होते . सर्वेश सुभाष नावंदे याचा उपस्थित मान्यवरांच्या हस्ते सत्कार शाल,श्रीफळ पुष्पहार महात्मा बसवेश्वर प्रतिमा देऊन करण्यात आला यावेळी डॉक्टर सुरेश चौधरी,मा नगरसेवक अनिल अष्टेकर ,मा नगरसेवक चेतन सौंदळे सर...

  डीवायएफआय ची  अंतरवली प्रकरणी तीव्र निषेध परळी / प्रतिनिधी जालना जिल्ह्यातील अंतरवली सराटे या गावात संविधानिक मार्गाने आंदोलन करणाऱ्या मराठा समाजाच्या आंदोलकांवर पोलिसांनी अमानुष लाठीचार्ज केला. हवेत गोळीबार केला. प्रश्न सोडवून घेण्यासाठी आंदोलने करणे हा लोकशाहीमध्ये अधिकार असतो. या ठिकाणी जे आंदोलन शांततेत चालू असताना कुठलाही कायदा हातात घेतलेला नसताना पोलीस बळाचा वापर करणं हे योग्य नाही. त्यामुळे लोकशाहीच्या मार्गाने शांततेने आपल्या मागण्यांसाठी शेतकरी, विद्यार्थी, युवक,कामगारांचे आंदोलने  देखील मोडून टाकण्याचा डाव ही शासन व्यवस्था करत आहे. या अशा प्रकारच्या घटनाविरोधी कृतीचा डीआयएफआय युवक संघटना परळी तालुका कमिटीच्या वतीने सिरसाळा पोलीस स्टेशनचे पोलीस उपनिरीक्षक संदीप दहिफळे  यांना निवेदन देऊन निषेध व्यक्त करण्यातआला. यावेळी प्रकाश उजगरे, विजय घुगे, मुंजा नवगरे,सिद्राम सोळंके, बाबा शेरकर,मदन वाघमारे,अशोक जाधव,प्रवीण देशमुख, विष्णुपंत देशमुख, देविदास कांबळे, पंडित शिंदे, राहुल काशीद, मदन राठोड,बिभिषण भिसे, प्रशांत कोकाटे,बबन देशमुख, विशाल देशमुख निवेदन देते वेळ...

  प्रचंड उत्साह अन् अभूतपूर्व...! नगर, नाशिक जिल्हयात पंकजाताई मुंडे यांच्या स्वागताला पहिल्याच दिवशी तुफान गर्दी 'कोण आली रे कोण आली'...'मुंडे साहेब अमर रहे' च्या घोषणांनी परिसर दणाणला येवल्यात राष्ट्रवादी काँग्रेस, शिवसेनेसह सर्व स्तरातून कार्यकर्ते स्वागताला पुढे नाशिक ।दिनांक ०४। भाजपच्या राष्ट्रीय सचिव पंकजाताई मुंडे यांची शिव-शक्ती परिक्रमा श्री घृष्णेश्वराचे दर्शन घेऊन अहमदनगर व नाशिक जिल्ह्य़ात दाखल झाल्यानंतर या दोन्ही जिल्हयात त्यांचं जोरदार स्वागत झालं.  कार्यकर्त्यांचा सळसळता उत्साह  अन् अभूतपूर्व अशा स्वागताने  पहिल्याच दिवशी तुफान गर्दीने जोरदार बॅटींग केली.     भक्ती आणि शक्तीच्या दर्शनासाठी पंकजाताई मुंडे यांची शिव-शक्ती परिक्रमा आजपासून सुरू झाली, ११ सप्टेंबरला परिक्रमेचा समारोप परळी येथे होणार आहे.सकाळी  घृष्णेश्वराचे दर्शन घेतल्यानंतर ही परिक्रमा सप्तश्रृंगी गडाकडे जाण्यासाठी अहमदनगर व नाशिक जिल्हयात मार्गस्थ झाली. रस्त्यात कोपरगाव, येवला, विंचूर, बोकडदरा, निफाड, शिवरे फाटा, पिंपळगाव बसवंत, जेऊळका आदींसह ठिकठिकाणी पंकजाताई मुंड...