माझी बातमी MB NEWS

  दगडवाडी येथे राजमाता अहिल्याबाई होळकर जयंती उत्साहात साजरी परळी प्रतिनिधी.  तालुक्यातील दगडवाडी येथे राजमाता अहिल्याबाई होळकर यांची 298 वी जयंती मोठ्या उत्साहात साजरी करण्यात आली. या कार्यक्रमात दगडवाडी जिल्हा परिषद प्राथमिक शाळेचे शिक्षक सौदागर कांदे यांना जिल्हा परिषदेचा आदर्श शिक्षक पुरस्कार तसेच राज्य आणि राष्ट्रीय पुरस्कार मिळाल्याबद्दल गावकऱ्यांच्या वतीने सत्कार करण्यात आला.     दगडवाडी येथे संपन्न झालेल्या या कार्यक्रमाच्या अध्यक्षस्थानी कृषी उत्पन्न बाजार समितीचे संचालक माऊली तात्या गडदे हे होते. तर प्रमुख पाहुणे म्हणून जि. प. सदस्य प्रा. डॉ. मधुकर आघाव, सामाजिक कार्यकर्ते भीमराव सातपुते, सामाजिक कार्यकर्ते तथा राष्ट्रवादी काँग्रेसचे नेते विकास बिडगर, अहिल्याबाई होळकर विद्यापीठ सोलापूर सदस्य शिवदास बिडगर, ज्येष्ठ पत्रकार व साहित्यिक रानबा गायकवाड, प्रमुख वक्ते नवनाथ दाने, दादाहरी वडगावचे सरपंच शिवाजी कुकर, श्रीकांत मुलगीर आदी प्रमुख पाहुणे म्हणून उपस्थित होते.      कार्यक्रमाच्या सुरुवातीला राजमाता अहिल्याबाई होळकर यांच्या प्रतिमेचे मान्यवरांच्या हस्ते पूजन करण्यात आले. याप्

  परळीतील पठाण शारीया अखिलखान दहावीत  बीड़ जिल्हातुन उर्दू माध्यमातुन प्रथम परळी वैजनाथ, प्रतिनिधी...    दि. 02 जून 2023 रोजी जाहीर झालेल्या महाराष्ट्र राज्य व माध्यमिक शिक्षण मंडळातर्फे घेण्यात आलेल्या दहावीच्या परीक्षेचा निकाल लागला आहे. सध्या राज्यभरात दहावीचा निकाल जाहीर झाला आहे यात पुन्हा एकदा राज्यात मुलींनी बाजी मारल्याचे पाहिलाय मिळत आहे त्यातच परळी येथील हजरत बिलाल शाळेतील विद्यार्थिनी पठाण शारिया अखिलखान याने इयत्ता दहावीच्या परीक्षेत ९७.४० टक्के गुण घेऊन जिल्ह्यात प्रथम येण्याचा मान मिळविला आहे.   पठाण शारिया अखिलखान याचे या  यशाबद्दल सर्व स्तरातून कौतुक होत आहे.सुरुवातीपासून ती शाळेत एक हुषार विद्यार्थिनी म्हणून परिचित आहे. पठाण शारिया अखिलखान यांनी गणित विषयात १०० पैकी  १०० गुण घेऊन यश संपादन केली आहे पठाण याला उर्दू विषयात ९५ , विज्ञान ९८ असे एकुण ५०० पैकी ४८७ गुण मिळाले आहे. शहरातील अमीरपुरा येथील रहिवाशी पठाण अखिल खान सर यांची मुलगी व सय्यद खालेद राज यांची नातू आहे. पठाण शारिया अखिलखान याचे यशाबद्दल शिक्षक , नातेवाईक, मित्रपरिवार कौतुक करून अभिनंदन करत आहे.

  वेदांत होळंबेचे दहावी परीक्षेत घवघवीत यश  परळी वैजनाथ, प्रतिनिधी       शालांत प्रमाणपत्र परीक्षेत वेदांत विजयकुमार होळंबे यांनी घवघवीत या संपादन केले असून त्याच्या या यशाबद्दल सर्व स्तरातून अभिनंदन केले जात आहे.        शालांत प्रमाणपत्र परीक्षा अर्थात दहावीच्या परीक्षेत सी वेदांत विजयकुमार होळंबे यांनी 90 टक्के गुण घेऊन यश संपादन केले आहे त्याच्या या यशाबद्दल आप्तेष्ट आणि मित्रपरिवार शाळेचे शिक्षक वृंद आदींनी अभिनंदन केले आहे

  राहुल कामले याचे घवघवीत यश  परळी वैजनाथ, प्रतिनिधी         एमबीए पूर्व परीक्षेत राहुल कामले याने घवघवीत यश संपादन केले असून या यशामुळे त्याचा एमबीएचा मार्ग मोकळा झाला आहे. या यशाबद्दल त्याचे सर्व स्तरातून अभिनंदन होत आहे.        एमबीएच्या शिक्षणासाठी सिईटी सेल द्वारे घेण्यात आलेल्या सामायिक पूर्व परीक्षेत एम बी न्यूज चे विशेष प्रतिनिधी परळी येथील संजय क्षीरसागर यांचे भाचे चि. राहुल सुनील कामले यांनी 86.43% गुण घेऊन यश संपादन केले आहे. त्याच्या या यशाबद्दल सर्व स्तरातून अभिनंदन होत आहे. एमबी न्यूज परिवाराकडूनही त्याचे मनःपूर्वक अभिनंदन.

  मार्ग दाखविला सुपंथ: लोकनेते गोपीनाथराव मुंडे यांचे जीवन हे संतांनी वर्णिल्या प्रमाणे कृपावंताचे - रामायणाचार्य हभप रामराव महाराज ढोक परळी वैजनाथ, प्रतिनिधी....      कृपावंत कोणाला म्हणावे याचे वर्णन अनेक संतांनी केले आहे. संत सेना महाराज यांचा "उदार तुम्ही संत।मायबाप कृपावंत" हा अभंग लोकनेते गोपीनाथराव मुंडे यांच्या जीवनाला तंतोतंत लागू पडतो. "मार्ग दाखविला सुपंथ" या न्यायाप्रमाणे त्यांनी लक्षावधींना मार्ग दाखवला.लोकनेते गोपीनाथराव मुंडे यांचे जीवन हे संतांनी वर्णिल्या प्रमाणे कृपावंताचे असल्याचे प्रतिपादन रामायणाचार्य हभप रामराव महाराज ढोक यांनी केले.        लोकनेते गोपीनाथराव मुंडे यांच्या नवव्या पुण्यस्मरणानिमीत्त गोपीनाथ गडावर रामायणाचार्य हभप रामराव महाराज ढोक यांची किर्तनसेवा झाली.प्रारंभी भाजप राष्ट्रीय सचिव पंकजाताई मुंडे यांनी महाराजांचा सत्कार केला.या किर्तन सेवेत लोकनेते गोपीनाथराव मुंडे यांच्या आठवणींना उजाळा देत  रामायणाचार्य हभप रामराव महाराज ढोक यांनी विविध दृष्टांत व उदाहरणे देत विवेचन केले.उदार तुम्ही संत मायबाप कृपावंत ॥१॥केवढा केला उपकार ।काय व

 मी लोकांसाठी राजकारणात; मला कोणाकडून काहीही मिळवायचं नाही - पंकजा मुंडे परळी वैजनाथ, प्रतिनिधी...          सत्य, स्वाभिमान अन् वंचितांच्या सेवेचा वसा शेवटपर्यंत सोडणार नाही.माझ्या खांद्यावर अनेक बंदूका विसावण्याचा प्रयत्न करत आहेत.माझे शब्द ठाम असतात. सर्वच पक्षांमध्ये बदल असतात, माझ्या पक्षातही बदल झाले. मी मनात काही साठवून ठेवत नाही. लोकांच्या हितासाठी भूमिका घेते. भाषणातील बोलण्याचे काहीही अर्थ लावून चर्चा घडवल्या जातायत. याने कोणीही बिथरुन जाण्याची गरज नाही. सत्य सूर्यप्रकाश एवढं स्वच्छ आहे.मला भुमिका घ्यायची असेल तर ती छातीठोक व जगजाहीर घेऊ असे बेधडक व स्पष्ट प्रतिपादन पंकजा मुंडे यांनी केले.      भाजपचे दिवंगत ज्येष्ठ नेते गोपीनाथ मुंडे यांच्या  पुण्यतिथीच्या निमित्ताने गोपीनाथ गडावर कार्यक्रमाचं आयोजन करण्यात आलं होतं. यावेळी पंकजा मुंडेंनी आक्रमक भाषण केलं      यावेळी पुढे बोलतांना पंकजा मुंडे यांनी सांगितले की,आजचा दिवस माझ्यासाठी भावनिक दिवस आहे. हा दिवशी माझ्यासाठी राजकारण शून्य आहे. याठिकाणी जे लोक आले आहेत, त्यांना मी काही दिले नाही. मी यावेळी कोणत्याही राजकारण्यांना नि

  लोकसेवेचा वसा निभावण्यासाठी वचनबद्ध'; गोपीनाथ गडावर धनंजय मुंडे भावूक परळी वैजनाथ :  लोकनेते गोपीनाथराव मुंडे यांच्या नववा स्मृतिदिनानिमित्त तालुक्यातील पांगरी येथील गोपीनाथ गडावर आज सकाळी राष्ट्रवादीचे नेते एकनाथ खडसे, माजी मंत्री धनंजय मुंडे यांनी गोपीनाथराव मुंडे यांच्या समाधी स्थळाचे दर्शन घेऊन अभिवादन केले. सकाळपासून गोपीनाथ गडावर गर्दी झाली आहे.  लोकनेते गोपीनाथराव मुंडे यांना अभिवादन केल्यानंतर आमदार धनंजय मुंडे माध्यमांशी बोलताना म्हणाले की, लोकनेते गोपीनाथराव मुंडे यांच्या जीवनातील संघर्ष व विविध निवडणुकीतील आठवणींचा आज कल्लोळ निर्माण झाला आहे. बॅनरवरील त्यांचे फोटो पाहून वेगवेगळ्या सभा व त्यांचे भाषण आठवत होते. कोणत्या सभागृहात कोणते भाषण केले व कुठल्या कार्यक्रमात तलवार घेतली होती हे फोटो पाहून तीव्र आठवणी दाटून आल्या. गोपीनाथराव मुंडे यांचा खूप सहवास लाभला आहे. त्यामुळे शेवटच्या श्वासापर्यंत त्यांच्या आठवणी आपल्यात राहतील असे धनंजय मुंडे म्हणाले. यासोबतच मुंडे यांनी सोशल मीडियातून 'अप्पा... लोकसेवेचे व्रत आणि वसा तुमच्याकडूनच मिळाला आणि तो निभावण्यासाठी सदैव

  आसुबाई माध्यमिक विद्यालयाचा 99.19 टक्के निकाल परळी / प्रतिनिधी परळी तालुक्यातील महाराष्ट्र शिक्षण संस्था मोहा संचलित  मांडेखेल येथील आसुबाई माध्यमिक व उच्च माध्यमिक विद्यालय येथील दहावी परीक्षेतील विद्यार्थ्यांनी भरघोस यश मिळवले असून यामध्ये बारावी विज्ञान शाखेचा 99.19 % निकाल लागला आहे. शाळेची माध्यमिक विभागातील चि.नवघरे माऊली हा 94 .20 % गुण घेत प्रथम, चि.सातभाई कृष्णा जिवराज हा ९१. १० % गुण घेत द्वितीय तर कु. ऋतुजा नवगरे ही 90.80 % गुण घेत तृतीय आली आहे.विशेष प्राविण्य श्रेणीत शाळेतील 74 विद्यार्थी, प्रथम श्रेणी 42 तर द्वितीय श्रेणी 07 विद्यार्थी उत्तीर्ण झाले आहेत. विद्यार्थ्यांच्या या यशाबद्दल महाराष्ट्र शिक्षण संस्थेचे अध्यक्ष, सचिव , संचालक मंडळ,प्राचार्य, प्राध्यापक, शिक्षक, शिक्षकेत्तर कर्मचारी यांनी सर्व उत्तीर्ण विद्यार्थ्यांचे अभिनंदन केले.

विद्यावर्धिनी विद्यालयाचे इयत्ता दहावी बोर्ड परीक्षेत नेत्रदीपक यश मार्च २०२३चा माध्यमिक शालान्त परीक्षा म्हणजे इयत्ता दहावी बोर्ड परीक्षेचा निकाल आज जाहीर करण्यात आला. त्यात विद्यावर्धिनी विद्यालयाच्या विद्यार्थ्यांनी नेत्रदीपक यश मिळवले आहे.विद्यालयाचा निकाल ९९.११℅ लागला आहे.     २२६ विद्यार्थ्यांपैकी १९३ विद्यार्थी विशेष योग्यता श्रेणीत उत्तीर्ण झाले तसेच २४ विद्यार्थी प्रथम श्रेणीत उत्तीर्ण झाले.यात ९५%  वर गुण घेणारे ४४ विद्यार्थी असून ९०% ते ९५% दरम्यान  गुण घेणारे ६५ विद्यार्थी आहेत.संस्कृत विषयात १०० पैकी १०० गुण घेणारे ५२  विद्यार्थी असून गणित विषयात १०० पैकी १०० गुण घेणारे०६ विद्यार्थी आहेत. शाळेतील गुणानुक्रमे  पाहिले तीन विद्यार्थी खालीलप्रमाण १ कु भाग्यश्री बालाजी होळंबे ९९.६० २ कु राधिका मदन कराड      ९९.२० ३चि ओंकार रामेश्वर मंत्री       ९८.८० ४कु आरती पांडुरंग कराड      ९८.८०  वरील सर्व यशस्वी विद्यार्थ्यांचे अभिनंदन श्री समर्थ शिक्षण प्रसारक मंडळाचे अध्यक्ष तसेच औष्णिक विद्युत केंद्राचे मुख्य अभियंता  भदाणे , उपाध्यक्ष मा  अवचार , सचिव  पी जी ईटके,संस्थेचे सदस्य  कोळगे

  वैद्यनाथ व अंबासाखर निवडणुकीत बिनविरोध निवड झालेल्या संचालकांचा धनंजय मुंडेंनी केला सत्कार परळी वैद्यनाथ (दि. 02) - परळी तालुक्यातील वैद्यनाथ सहकारी साखर कारखाना व अंबाजोगाई तालुक्यातील अंबासाखर सहकारी साखर कारखाना या दोन्हीही कारखान्यांच्या निवडीमध्ये बिनविरोध संचालक पदी निवडून आलेल्या नवीन संचालकांचा आमदार धनंजय मुंडे यांनी त्यांच्या जगमित्र संपर्क कार्यालयात सत्कार करून शुभेच्छा दिल्या.  वैद्यनाथ कारखान्याच्या निवडणुकीत अजय मुंडे, वाल्मिक अण्णा कराड, ज्ञानोबा मुंडे, हरिभाऊ गुट्टे, वसंत राठोड, चंद्रकांत कराड, सुधाकर शिनगारे, सत्यभामाताई आघाव, मंचक घोबाळे तसेच सचिन दरक हे धनंजय मुंडे गटाचे 10 संचालक बिनविरोध निवडून आले आहेत.  त्याचबरोबर अंबासाखर साखर कारखाना निवडणुकीत दत्ता आबा पाटील, राजाभाऊ औताडे, लालासाहेब जगताप, जिवन कदम, बालासाहेब किर्दत, मधुकर शेरेकर असे धनंजय मुंडे यांच्या नेतृत्वात दत्ता पाटील गटाचे एकूण 7 संचालक बिनविरोध निवडून आले आहेत.  या सर्व नवनिर्वाचित संचालकांचा धनंजय मुंडे यांनी सत्कार करून पुढील कार्यासाठी शुभेच्छा दिल्या आहेत.

  परळीत मोफत दिव्यांग तपासणी शिबीराला उत्स्फूर्त प्रतिसाद ; खा. डाॅ. प्रितमताई मुंडेंचा पुढाकार दिव्यांगांचे कष्ट कमी व्हावेत यासाठीच हा सेवायज्ञ - पंकजाताई मुंडे गोपीनाथ मुंडे प्रतिष्ठान व भारत सरकारच्या समाजकल्याण विभागाने केले आयोजन परळी वैजनाथ ।दिनांक ०२। दिव्यांगांना केवळ कुबडया देऊन चालणार नाही तर सरकारने त्यांना स्वाभिमानानं जगण्याची संधी दिली पाहिजे, त्यांना आधार आणि ताकद देण्याची आज खरी गरज आहे, त्यांचे कष्ट कमी व्हावेत यासाठीच आमचा हा सेवायज्ञ असल्याचं भाजपच्या राष्ट्रीय सचिव पंकजाताई मुंडे यांनी म्हटलं आहे.    गोपीनाथ मुंडे प्रतिष्ठान व सामाजिक न्याय विभाग भारत सरकार आणि समाजकल्याण अधिकारी जिल्हा परिषद बीड यांच्या संयुक्त सहकार्याने उप जिल्हा रूग्णालयात  दिव्यांगासाठी आयोजित केलेल्या मोफत पूर्व तपासणी शिबीराचे उदघाटन पंकजाताई मुंडे यांच्या हस्ते झाले, त्यावेळी त्या बोलत होत्या. खा. डाॅ. प्रितमताई मुंडे तसेच वैद्यकीय अधिकारी व भाजपचे पदाधिकारी यावेळी उपस्थित होते.    पुढे बोलतांना पंकजाताई म्हणाल्या, वंचित, उपेक्षित घटकांची सेवा करण्याचा हा आमचा उपक्रम गेल्या दहा वर्षांपासून

  151 मुलांना दहावीत 100 टक्के; पैकी 108 लातूरचे राज्यात 10 वी बोर्डाचा निकाल जाहीर झाला असून निकालाचा टक्का 3.11 ने घसरला आहे. असे असले तरी 10 वीत 100 टक्के मार्क मिळवणाऱ्या विद्यार्थ्यांची संख्या 151 वर पोहोचली आहे. विशेष म्हणजे 151 पैकी 108 मुले ही लातूर विभागातील आहेत.  पुण्यातून 5, औरंगाबाद - २२, मुंबई - ६, अमरावती - ७, लातूर - १०८, कोकण - ३ इतक्या विद्यार्थ्यांना 100 टक्के गुण मिळाले आहे.  राज्याचा निकाल 93.83 टक्के लागला आहे. मागील वर्षाच्या तुलनेत यंदा दहावीच्या निकालात 3.11 टक्क्यांनी घसरण झाली आहे. तर राज्यात 100 टक्के मार्क मिळवणाऱ्या विद्यार्थ्यांची संख्या 151 आहे. राज्य माध्यमिक आणि उच्च माध्यमिक शिक्षण मंडळाच्या दहावीच्या परीक्षेचा निकाल ( SSC Result ) जाहीर झाला आहे. राज्याचा निकाल 93.83 टक्के लागला आहे. यंदा दहावीच्या निकालाची टक्केवारी घसरली आहे. 2020 मध्ये दहावीचा निकाल 95.30 टक्के, 2021 मध्ये 99.95 टक्के तर 2022 मध्ये 96.94 टक्के निकाल लागला होता. यंदा 93.83 टक्के निकाल लागला आहे. याचाच अर्थ यंदा निकालात 3.11 टक्क्यांची घसरण झाली आहे. तर दिव्यांगाच्या उत्तीर्णतेचे

  राधिका कराडचे दहावी परीक्षेत घवघवीत यश :99. 20% गुण परळी वैजनाथ, प्रतिनिधी       शालांत प्रमाणपत्र परीक्षा अर्थात दहावीच्या परीक्षेचा निकाल जाहीर झाला असून या परीक्षेत अनेक विद्यार्थ्यांनी घवघवीत यश संपादन केले आहे. परळीतील विद्यावर्धिनी विद्यालयाची विद्यार्थिनी  इंजेगाव येथील राधिका मदन कराड हिने या परीक्षेत घवघवीत यश संपादन केले. तिने 99.20% इतके गुण मिळवले आहेत.   इंजेगाव येथील सर्वपरिचित मदन कराड यांची सुकन्या कु. राधिका हिने दहावी परीक्षेत उत्तुंग यश प्राप्त केले आहे. विद्यावर्धिनी विद्यालयात तिने दहावीचे शिक्षण पूर्ण केले. दहावी परीक्षेत 99.20% गुण मिळवत यशाला गवसणी घातली आहे. राधिकाच्या या यशाबद्दल तिचे सर्व स्तरातून अभिनंदन होत आहे.

  भेल सेकंडरी स्कूलची सर्वोच्च निकालाची उज्वल परंपरा कायम  शाळेचा या ही वर्षी १००% निकाल परळी वै ( प्रतिनिधी):  भेल सेकंडरी स्कूल ही परळी वै.  तालुक्यातील शिक्षण क्षेत्रातील नामांकित शाळा आहे. विध्यार्थ्यांच्या सर्वांगिण विकासासाठी शाळा सतत कार्यशील असते. विध्यार्थ्यांची प्रगती हीच देशाची प्रगती असते. विध्यार्थी हा देशाचा कणा असतो. तो कणा बळकट करण्यासाठी विद्यार्थ्यांचा बैधिक विकास महत्वाचा असतो. हा विकास अधिक प्रभावी व व्यापक स्वरूपात करण्याचे कार्य शाळा करत असते.          भेल स्कूलने उज्वल येशाची परंपरा कायम राखत या ही वर्षी 100%  निकाल  दिला आहे.        दहावीच्या परीक्षेत एकूण 27 विध्यार्थी प्रविष्ट झाले होते. ते सर्व विद्यार्थी घवघवीत यश मिळवून पास झाले. या वर्षी कु. सोनल सुनिल सानप हिने 96.00% मिळवून प्रथम क्रमांक पटकावला, 95.80% मिळवून कु. श्रेया बालासाहेब मुंडे हिने द्वितीय क्रमांक मिळवला तर 95.20% मिळवत कु. वैष्णवी तुकाराम दौड हीने तृतीय क्रमांक पटकावला. एकूण निकाल खालील प्रमाणे आहे. 90% पेक्षा जास्त 06 विध्यार्थी 80% पेक्षा जास्त 17 विध्यार्थी 70% पेक्षा जास्त 04 विध्यार्थी

  लिंगायत समाज स्मशानभूमीच्या नोंदीसाठी मागितले दोन हजार रुपये:तहसीलचा लिपिक लाच लुचपत पथकाच्या जाळ्यात  धारूर,   येथील तहसील कार्यालयात लिपिक पदावर कार्यरत असणारे महेश कोकरे यांनी तालुक्यातील आसरडोह येथील स्मशानभूमीच्या नोंदीसाठी २ हजार रुपयांची लाचेची मागणी केली होती. सदरील तक्रार केल्यानंतर महेश कोकरे यास लाच घेताना लाचलुचपत प्रतिबंधक विभागाच्या पथकाने रंगेहाथ पकडले आहे. तालुक्यातील आसरडोह येथील एका स्मशानभूमीची नोंद करण्यासाठी तेथील अरुण तोडकर वय वर्ष 57 यांना तहसील कार्यालयात लिपिक पदावर कार्यरत असणाऱ्या महेश कोकरे या कर्मचाऱ्यांनी दोन हजार रुपयाची लाच मागितली होती तसेच खूप दिवसापासून अरेरावी भाषा वापरून अपमानित करत होता शेवटी यासंदर्भात लाचलुचपत प्रतिबंधात्मक विभागाकडे सदरील व्यक्तीने तक्रार दाखल केली होती. लाच लुचपत विभागाच्या अधिकाऱ्यांनी दुपारी साडेचार वाजता सापळा रचून महेश कोकरे यास रंगेहात पकडले. तरी पुढील गुन्हा नोंद करण्याची कारवाई पोलीस करत आहेत .

  नाथ शिक्षण संस्था संचलित सौ.शारदाबाई गुरूलिंगअप्पा मेनकुदळे माध्यमिक विद्यालय संगम. चा 10 वी च्या निकालात घवघवीत यश ---------------------------------------------- परळी(प्रतिनिधी): महाराष्ट्र राज्य माध्य व उच्च माध्यमिक शिक्षण मंडळ पुणे यांनी दि 02 जुन रोजी 10 वी बोर्ड परिक्षेचा निकाल जाहिर केला, त्यात सौ.शारदाबाई गुरूलिंगअप्पा मेनकुदळे माध्यमिक विद्यालय,  संगम , परळी ने  याही वर्षी निकालात घवघवीत यश संपादन केले आहे     सौ.शारदाबाई गु.मेनकुदळे माध्यमिक विद्यालयाचा सरासरी निकाल 94.11% असा लागला असून शाळेतून  प्रथम कु. प्रणाली मस्के 88.80 % व्दितीय दत्ता शिंपले 85% तृतीय अजित गायकवाड 84% गुण संपादन केले.      तसेच अनुक्रमे विशेष प्राविण्यासह 07 विद्यार्थी तर प्रथम श्रेणीत 03  विद्यार्थी तर द्वितीय श्रेणीत 06 विद्यार्थी उत्तीर्ण झाले आहेत       सर्व यशस्वी विद्यार्थ्यांचे नाथ शिक्षण संस्थेचे अध्यक्ष माजी सामाजिक न्याय मंत्री.धनजंय मुंडे  तसेच सचिव सौ राजश्रीताई मुंडे, सहसचिव  प्रदीप खाडे , समन्वयक प्राचार्य  अतुल दुबे सर,मुख्याध्यापक उत्तम साखरे सर यांच्यासह सर्व शिक्षक व शिक्षकेत्तर कर्

  चि.जय वैजनाथ माने याचे दहावी परीक्षेत उत्तुंग यश *परळी वैजनाथ/ प्रतिनिधी* येथील अभिनव विद्यालयाचा विद्यार्थी चि.जय वैजनाथ माने याने महाराष्ट्र राज्य शालांत परीक्षा इयत्ता दहावी मध्ये उत्तुंग यश संपादन केले आहे. त्याने ९७.६० टक्के गुण घेतले आहेत. परळी शिवसेनेचे शहर प्रमुख श्री वैजनाथ माने यांचा मुलगा जय हा अभिनव विद्यालयाचा विद्यार्थी असून त्याने दहावी बोर्ड परीक्षेत 500 पैकी 478 गुण घेऊन घवघवीत यश संपादन केले आहे. संस्कृत या विषयात त्याने पैकीच्या पैकी 100 गुण घेतले असून इंग्रजी विषयात 94 गणित मध्ये 96 सायन्स अँड टेक्नॉलॉजी या विषयात 94 तर सोशल सायन्स मध्ये 94 व मराठी मध्ये 82 गुण घेतले आहेत. चि. जय हा लहानपणापासूनच अत्यंत गुणी व हुशार असून त्याने आतापर्यंत विविध स्पर्धा परीक्षांमध्ये यश संपादन केलेले आहे. त्याच्या या यशाबद्दल सर्व स्तरातून अभिनंदन केले जात आहे.

  प्रतीक्षा लहू शिंपलेला शालांत प्रमाणपत्र परीक्षेत 93 टक्के गुण परळी प्रतिनिधी.   नुकत्याच जाहीर झालेल्या शालांत प्रमाणपत्र परीक्षेत  होळकर चौकातील रहिवासी कु. प्रतीक्षा लहू शिंपले हिला 93 टक्के गुण मिळाले असून तिला मिळालेल्या या यशाबद्दल सर्वत्र तिचे अभिनंदन होत आहे.     कु. प्रतीक्षा ही अभिनव विद्यालयाची विद्यार्थिनी आहे. मार्च 2023  मध्ये झालेल्या  शालांत प्रमाणपत्र परीक्षेचा नुकताच निकाल जाहीर झाला आहे. या निकालामध्ये कु. प्रतीक्षा हिला 500 पैकी 465 गुण मिळाले आहेत. तिने संस्कृत मध्ये 100 पैकी 100 गुण घेतले आहेत.       तिला मिळालेल्या या यशाबद्दल शाळेचे मुख्याध्यापक, शिक्षक, आई,मामा सामाजिक कार्यकर्ते नवनाथ दाने, नातेवाईक  व सर्व समाज बांधवांनी अभिनंदन केले आहे. कौतुक केले आहे.

  महाराष्ट्र विद्यालयाचा एस.एस. सी परीक्षेत यशाची परंपरा कायम माध्यमिक विभागाचा 97.30 % निकाल परळी / प्रतिनिधी ग्रामीण भागात गुणवत्तापूर्ण शिक्षण देणारी संस्था म्हणून ओळख असलेल्या परळी तालुक्यातील महाराष्ट्र शिक्षण संस्था मोहा संचलित महाराष्ट्र माध्य व उच्च माध्यमिक विद्यालयाने आपली गुणवत्ता पुन्हा एकवेळ सिद्ध करून दाखवली आहे.नुकत्याच जाहीर झालेल्या एस.एस.सी 2023 बोर्ड परीक्षेत माध्यमिक विभागाचा 97.30 टक्के निकाल लागला आहे. गुणवत्तापूर्ण शिक्षण देणारी शाळा म्हणून ओळख असलेल्या मोहा येथील महाराष्ट्र माध्य व उच्च माध्यमिक विद्यालय सातत्याने आपली गुणवत्ता सिद्ध करत असून विविध स्पर्धा परीक्षा असो की बोर्ड परीक्षा शाळेचा उत्कृष्ट निकालाची परंपरा कायम ठेवली आहे.नुकताच जाहीर झालेला एस.एस.सी मार्च 23 बोर्ड परीक्षेत माध्यमिक विभागाचा 97.30  टक्के निकाल लागला असून चि.सोळंके चैतन्य गोपीनाथ हा 93.60 % गुण घेऊन सर्वप्रथम,कु.उमंग प्रतिभा अजय बुरांडे 93.40 % गुण घेऊन सर्व द्वितीय तर चि. देशमुख करण रावसाहेब 93.20 % गुण घेत तृतीय आला आहे.शाळेतील तब्बल 61 विद्यार्थी विशेष प्राविण्य श्रेणी, 102 विद्यार्

  श्री माधवाश्रम विद्यामंदिर, खडका कॅम्पचे घवघवीत यश:शाळेचा निकाल 92% सोनपेठ (प्रतिनिधी) दिनांक: 02 जुन 2023, संगमेश्वर शिक्षण संस्था, परळी संचलित श्री माधवाश्रम विद्यामंदिर, खडका कॅम्प, ता. सोनपेठ जि. परभणी या विद्यालयाने आपली यशाची उज्जवल परंपरा यंदाही कायम राखली शाळेचा निकाल पुन्हा 92.6% लागलेला आहे. विद्यार्थींनी कु. कराळे शुभ्रता विजयकुमार हिने 88.60% गुण मिळवून विद्यालयातून सर्वप्रथम येण्याचा मान मिळविला आहे. कु. यादव वैष्णवी माधव  हिने 87.80% गुणासह शाळेतून द्वितीय क्रमांक पटकाविला आहे तर कु. कोरडे मैथिली माणिकराव हिने 86.60% गुण घेवून तिसरा क्रमांक मिळवला आहे. फेब्रवारी मार्च 2023 मध्ये संपन्न झालेल्या माध्यमिक शालांत प्रमाणपत्र परीक्षेत विद्यालयातून 63 विद्यार्थी प्रविष्ठ झाले होते. त्यापैकी 58 विद्यार्थी उत्तीर्ण झाले असून 06 विद्यार्थी विशेष प्राविण्या घेऊन उत्तीर्ण झाले असून प्रथम श्रेणती 22, द्वितीय श्रेणीत 21 तृतीय श्रेणीत 9 विद्यार्थीं उत्तीर्ण झ्ज्ञाले आहे सर्व यशस्वी विद्यार्थ्यांचे , संगमेश्वर शिक्षण संस्थेचे अध्यक्ष श्री. विष्णुदास रामदासराव मुंडे,  सचिव – सौ. रुमा

  अंबाजोगाई बसस्थानक वाढविस्तार व आधुनिकीकरण कामाचे उद्या मुख्यमंत्री एकनाथ शिंदे यांच्या हस्ते लोकार्पण अंबाजोगाई, प्रतिनिधी....               अंबाजोगाई बसस्थानक वाढविस्तार व आधुनिकीकरण कामाचे उद्या ३ जुन रोजी मुख्यमंत्री एकनाथ शिंदे यांच्या हस्ते लोकार्पण  होणार आहे. महाराष्ट्र राज्य मार्ग परिवहन महामंडळाच्या अंबाजोगाई बसस्थानकाचे वाढविस्तार व आधुनिकीकरण कामाचा दृकश्राव्य प्रणाली (व्हि.सी.) व्दारे लोकार्पण होणार आहे.       लोकार्पण सोहळा शनिवार दि. ०३ जुन २०२३ रोजी सकाळी ११.०० वाजता महाराष्ट्र राज्य मार्ग परिवहन महामंडळ बसस्थानक, अंबाजोगाई, ता. अंबाजोगाई, जि. बीड येथे आयोजित करण्यात आला आहे. लोकार्पण मुख्यमंत्री तथा परिवहन मंत्री, महाराष्ट्र राज्य एकनाथ संभाजी शिंदे यांच्याहस्ते तर मंत्री, सहकार, इतर मागास बहुजन कल्याण, महाराष्ट्र राज्य तथा पालकमंत्री, बीड जिल्हा अतुल सावे यांच्या अध्यक्षतेखाली होणार आहे. यावेळी राज्यसभा सदस्य रजनीताई पाटील, डॉ.प्रितमताई मुंडे लोकसभा सदस्य, बीड,विधान परिषद सदस्य सुरेश धस, विधानसभा सदस्य, केज नमिताताई मुंदडा , विधानसभा सदस्य, गेवराई अॅड. लक्ष्

  बारावीप्रमाणेच  दहावीतही मुलीच हुशार महाराष्ट्र बोर्डाकडून दहावी परीक्षेचा निकाल जाहीर करण्यात आला आहे. दहावीच्या विद्यार्थ्यांना बोर्डाच्या अधिकृत वेबसाइटवर जाऊन निकाल पाहता येणार आहे. विद्यार्थी बातमीत पुढे दिलेल्या लिंकवरुन आणि खालील स्टेप्स फॉलो निकाल पाहू शकतात.         राज्यातून एकूण १५,७७ लाख विद्यार्थ्यांनी दहावीची परीक्षा दिली असून ५३३ परीक्षा केंद्रांवर ही परीक्षा घेण्यात आली. माध्यमिक बोर्डाने दिलेल्या माहितीनुसार दहावीच्या परीक्षेसाठी एकूण १५ लाख ७७ हजार २५६ विद्यार्थ्यांनी नोंदणी केली. त्यामध्ये ८४ हजार ४१६ मुले असून ७३ हजार ६२ मुली आहेत. निकालाची वैशिष्ट्ये महाराष्ट्र राज्य माध्यमिक व उच्च माध्यमिक शिक्षण मंडळातर्फे मार्च २०२३ मध्ये घेण्यात आलेल्या दहावीच्या परीक्षेत ९३.८४ टक्के विद्यार्थी उत्तीर्ण झाले आहेत. या निकालात कोकण विभागाचा निकाल ९८.११ सर्वाधिक टक्के, तर सर्वात कमी निकाल नागपूर विभागाचा ९२.०५ टक्के जाहीर झाला आहे. या परीक्षेस राज्यातील पुणे, नागपूर, औरंगाबाद, मुंबई, कोल्हापूर, अमरावती, नाशिक, लातूर व कोकण या नऊ विभागीय मंडळांमधून एकूण १५,४९,६६६ निमित नोंद

कारखान्याच्या हितासाठी बिनविरोध निवडीचा पायंडा ; सर्वांचं सहकार्य अपेक्षित - पंकजाताई मुंडेंनी व्यक्त केला विश्वास परळी वैजनाथ ।दिनांक ०१। भाजपच्या राष्ट्रीय सचिव पंकजाताई मुंडे अध्यक्ष असलेल्या वैद्यनाथ सहकारी साखर कारखान्याची निवडणुक अखेर बिनविरोध झाली आहे. निवडणूक निर्णय अधिकाऱ्यांनी पंकजाताई मुंडेंसह बिनविरोध निवडून आलेल्या २१ संचालकांची नांवे आज जाहीर केली. दरम्यान, राजकारण न आणता कारखान्याचं हित डोळ्यासमोर ठेवून आम्ही व  आ. धनंजय मुंडे यांनी घेतलेल्या भूमिकेमुळे चांगला व सकारात्मक पायंडा यातून पडेल असा विश्वास पंकजाताई मुंडे यांनी व्यक्त केला.     वैद्यनाथ साखर कारखान्याच्या संचालक मंडळाच्या २१ जागेसाठी निवडणूक प्रक्रिया सध्या सुरू होती. आज उमेदवारी अर्ज मागे घेण्याच्या अखेरच्या दिवशी तीन उमेदवारांनी आपले अर्ज मागे घेतल्याने उर्वरित २१ संचालक बिनविरोध विजयी झाल्याची घोषणा करण्यात आली. कारखान्याचं हित महत्वाचं म्हणूनच  बिनविरोध निवडीचा निर्णय ---------------- लोकनेते गोपीनाथराव मुंडे साहेबांनी मोठया कष्टातून आणि मेहनतीनं वैद्यनाथ साखर कारखाना उभा केला, पण गेल्या काही वर्षांपासून द

  लोकनेते गोपीनाथराव मुंडे यांचा नववा स्मृतिदिन ; ३ जूनला  अभिवादनासाठी राज्यभरातून येणार मुंडे प्रेमी रामायणाचार्य ढोक महाराजांचे सुश्राव्य कीर्तन व महाप्रसाद गोपीनाथ मुंडे प्रतिष्ठानच्या वतीनं उद्या दिव्यांग तपासणी शिबीर परळी वैजनाथ  । दिनांक ०१।  लोकनेते गोपीनाथराव मुंडे यांच्या नवव्या स्मृतिदिनी म्हणजे येत्या ३ जून रोजी  लोकनेत्याच्या अभिवादनासाठी  आमदार, खासदारांसह राज्यभरातून कार्यकर्त्यांचा जनसागर याठिकाणी उसळणार आहे. भाजपच्या राष्ट्रीय सचिव पंकजाताई मुंडे यांच्या मार्गदर्शनाखाली प्रतिष्ठानच्या वतीने कार्यक्रमाची सध्या जय्यत तयारी सुरू असून मंडप उभारणीचे काम अंतिम टप्प्यात आले आहे.    लोकनेते गोपीनाथराव मुंडे यांच्या स्मृतिदिनी दरवर्षी प्रमाणे यंदाही राज्याच्या काना कोप-यातून लाखोंच्या संख्येने कार्यकर्ते आपल्या लाडक्या लोकनेत्याला अभिवादन करण्यासाठी येणार आहेत. गतवर्षी मध्यप्रदेशचे मुख्यमंत्री शिवराजसिंह चौहान गडावर आले होते, त्यांच्या उपस्थितीत भव्य कार्यक्रम पार पडला होता.    यावर्षी ३ जूनला गडावर दुपारी १ ते ३ वा. दरम्यान ह.भ.प. रामायणाचार्य रामराव महाराज ढोक यांचे सुश्राव्य

  मुंडे बहिण भाऊ एकत्र: वैद्यनाथ कारखाना निवडणूक बिनविरोध परळी वैजनाथ....          लोकनेते गोपीनाथराव मुंडे यांनी स्थापन केलेल्या परळी तालुक्यातील पांगरी येथील वैद्यनाथ सहकारी साखर कारखान्याच्या संचालक पदाची निवडणूक बिनविरोध झाली. या निवडणुकीसाठी वैद्यनाथ  कारखान्याच्या माजी चेअरमन भाजपा राष्ट्रीय सचिव पंकजा गोपीनाथराव  मुंडे आणि राष्ट्रवादीचे माजीमंत्री धनंजय मुंडे हे दोघे बहिण-भाऊ एकत्र आले. यामुळे २१ सदस्यांचे संचालक मंडळ बिनविरोध निवडून आले.           कारखान्याच्या संचालक पदाच्या 21 जागेसाठी नऊ मे रोजी निवडणूक कार्यक्रम जाहीर झाला होता. संचालक पदाच्या 21 जागेसाठी एकूण 50 जणांनी उमेदवारी अर्ज दाखल केले. उमेदवारी अर्ज छाननी प्रक्रियेत 50 पैकी 13 अर्ज नामंजूर झाले होते तर 37 अर्ज मंजूर झाले. आज उमेदवारी अर्ज मागे घेण्याच्या शेवटच्या दिवशी खा. प्रीतम मुंडे यांच्यासह 16 जणांनी  आपले उमेदवारी अर्ज मागे घेतले. त्यामुळे 21 जणांचे अर्ज शिल्लक राहीले. यामुळे 21 उमेदवारांची बिनविरोध निवड झाली.  बिनविरोध निवडून आलेले 21 उमेदवार:   पंकजा मुंडे, यशश्री मुंडे, केशवराव माळी, वाल्मीक कराड, श्रीहर

  संघर्षाच्या काळात पिंपरी गाव माझ्या पाठीशी होते, गावच्या विकासाचा अनुशेष भरून काढणार - धनंजय मुंडे जलजीवन मिशनमधून अंबाजोगाई तालुक्यातील पिंपरी गावच्या पाणी पुरवठा योजनेचे भूमिपूजन  परळी वैद्यनाथ (दि.1) - 2002 साली मी पहिली निवडणूक पट्टीवडगाव गटातून लढवली, तेव्हापासून माझ्या प्रत्येक संघर्षाच्या काळात पिंपरी हे गाव कायम पाठीशी राहिले. आज या गावच्या पाणी पुरवठा योजनेचे भूमिपूजन करताना मला आनंद होत आहे. घराघरात पाणी आणण्याचे पुण्य मला लाभत आहे. गावाच्या संपूर्ण विकासाचा अनुशेष भरून काढण्याची जबाबदारी माझी आहे, असे मत माजी मंत्री आ. धनंजय मुंडे यांनी व्यक्त केले आहे.  आ.धनंजय मुंडे यांच्या हस्ते जलजीवन मिशनमधून पिंपरी गावच्या पाणी पुरवठा योजनेचा शुभारंभ करण्यात आला, त्याप्रसंगी धनंजय मुंडे यांनी ग्रामस्थांशी संवाद साधला.  सत्ता असो वा नसो, परळी वैद्यनाथ मतदारसंघात विकासाची प्रक्रिया थांबणार नाही. पिंपरी गावाने मला कायम प्रेम दिले आहे. त्या प्रेम व विश्वासाला कधीही तडा जाऊ देणार नाही, असेही धनंजय मुंडे पुढे बोलताना म्हणाले.  याप्रसंगी परळी विधानसभा अध्यक्ष गोविंदराव देशमुख, पिंपरीचे सरपं

  दहावीचा निकाल उद्या  दहावीच्या निकालाची धाकधूक असणाऱ्या सर्व विद्यार्थी पालकांसाठी उद्याचा दिवस महत्वाचा असणार आहे. महाराष्ट्र माध्यमिक आणि उच्च माध्यमिक मंडळाच्या दहवीच्या परीक्षेचा निकाल उद्या, म्हणजेच  2 जून 2023 रोजी जाहीर करण्यात येणार आहे. उद्या दुपारी एक वाजता हा निकाल बोर्डाच्या संकेतस्थळावर ऑनलाईन पाहता येणार आहे.         निकालाची वाट विद्यार्थी उत्सुकतेने पाहत आहेत. निकालाची पत्रकार परिषद सकाळी अकरा वाजता आयोजित करण्यात आलीय उद्या दुपारी 1 वाजता निकाल जाहीर होणार आहे.महाराष्ट्र राज्य माध्यमिक व उच्च माध्यमिक शिक्षण मंडळामार्फत मार्च 2023 मध्ये घेण्यात येणारी दहावीची लेखी परीक्षा 2 ते 25 मार्च या कालावधीत होत आहे. यंदा 23 हजार 10 शाळांमधील 15 लाख 77 हजार 256 विद्यार्थ्यांनी परीक्षेसाठी नोंदणी केली आहे. परंतु मागील पाच वर्षाच्या तुलनेत यंदा परीक्षेसाठी नोंदणी करणाऱ्या विद्यार्थ्यांची संख्या कमी असल्याचे निदर्शनास आले आहे. गेल्या वर्षाच्या तुलनेत यंदा विद्यार्थ्यांची नोंदणी तब्बल 61 हजार 708 ने कमी झाली आहे. 

  वैद्यनाथ कॉलेजमध्ये मुक्त विद्यापीठाच्या परीक्षा सुरू परळी, प्रतिनिधी....... जवहार शिक्षण संस्थेच्या वैद्यनाथ कॉलेजमधील यशवंतराव चव्हाण महाराष्ट्र मुक्त विद्यापीठाच्या अभ्यासकेंद्रात बीए, बी कॉम , एम ए,एमबीए या शिक्षणक्रमाच्या परीक्षेला  29 मे पासुन सुरुवात झालेली आहे. या परीक्षेसाठी जवळपास 500 विद्यार्थी परीक्षा देत आहेत. जे विद्यार्थी शिक्षणापासून वंचित झालेले आहेत अशा विद्यार्थ्यांना मुक्त विद्यापीठाच्या माध्यमातून अशा प्रकारचे शिक्षण दिल्या गेल्यामुळे विद्यार्थ्यांच्या शैक्षणिक गुणवत्तेत वाढ होत आहे , हे विद्यापीठ वंचित, उपेक्षित विद्यार्थ्यांना शिक्षण देऊन एक स्तुत्य उपक्रम राबवित आहे , आमच्या अभ्यासक्रम चांगल्या प्रकारे परीक्षा होत आहे अशी प्रतिक्रिया अभ्यासकेंद्राचे केंद्रप्रमुख तथा प्राचार्य , डॉ जे व्हि जगतकर यांनी मध्यामांशी बोलताना दिली. सदर परीक्षा करिता विद्यापीठाकडून शंकरराव पाटील महाविद्यालय भूम येथील हिंदी विभागाचे बहिस्थ पर्यवेक्षक डॉ संतोष रोडे, अभ्यास केंद्राचे केंद्र संयोजक व अंतर्गत पर्यवेक्षक डॉ.बी.के.शेप, साह्यक डॉ आर डी राठोड, तांत्रिक सहाय्यक श्री जे एम चेंडक

  गोपीनाथ मुंडे प्रतिष्ठानच्या वतीने शुक्रवारी परळीत दिव्यांग पूर्व तपासणी शिबीराचे आयोजन अधिकाधिक दिव्यांगांनी लाभ घेण्याचे प्रतिष्ठानचे आवाहन परळी । दि. ३१ । लोकनेते गोपीनाथराव मुंडे साहेब यांच्या पुण्यस्मरणानिमित्त केंद्र सरकारच्या सामाजिक न्याय आणि अधिकारीता मंत्रालय व गोपीनाथ मुंडे प्रतिष्ठानच्या संयुक्त विद्यमाने उपजिल्हा रुग्णालयात दिव्यांग पूर्व तपासणी आणि नोंदणी शिबिराचे आयोजन करण्यात आले आहे, या शिबिरात अधिकाधिक दिव्यांग बांधवांनी सहभाव नोंदवावा असे आवाहन गोपीनाथ मुंडे प्रतिष्ठानच्या वतीने करण्यात आले आहे. समाज कल्याण विभाग आणि गोपीनाथ मुंडे प्रतिष्ठानच्या माध्यमातून जिल्हाभरात सुरू असलेल्या पूर्व तपासणी आणि नोंदणी शिबिर शुक्रवारी परळी उपजिल्हा रुग्णालयात पार पडणार आहे. लोकनेते गोपीनाथराव मुंडे साहेब यांनी समाजातील वंचित उपेक्षितांच्या उत्थानासाठी तहहयात कार्य केले, त्यांच्या पुण्यस्मरणानिमित्त दरवर्षी गोपीनाथ मुंडे प्रतिष्ठान समाजोपयोगी उपक्रम राबवित असते. यंदाही प्रतिष्ठानच्या वतीने गरजू ,निराधार आणि दुर्लक्षित घटकांना आधार देणारा उपक्रम राबविला जाणार असून सकाळी दहा ते स

  वै.माऊली महाराज चाकरवाडीकर यांच्या 23 व्या पुण्यस्मरणार्थ ह.भ.प.कु.जनाई महाराज कोकाटे यांचे किर्तन  परळी वै...... सप्ताहातील पाचव्या दिवसाचे किर्तन ह.भ.प.कु.जनाई महाराज कोकाटे यांचे किर्तन एकविसाव्या शेतकातील महान संत प.पु.गुरुवर्य वै.ज्ञानेश्वर  माऊली दादा चाकरवाडीकर यांच्या पुण्यस्मरणार्थ सप्ताहा आयोजक श्री चंदुलालजी बीयाणी,सतीषसेठ बीयाणी,ह.भ.प.रामेश्वर महाराज कोकाटे,दै.मराठवाडा साथी, बीयाणी परिवार व अखिल भारतीय वारकरी मंडळाच्या संयुक्त विद्यमाने औधोगिक वसाहत परळी वैजनाथ येथे बाल किर्तनकार कु.जनाई महाराज कोकाटे यांचे दि.1जुन रोजी राञी 8 ते10 या वेळेत किर्तन होनार आसल्याचे ह.भ.प.रामेश्वर महाराज कोकाटे यांनी  माऊली भक्तगण व श्रोत्यगण मंडळींनी किर्तनास मोठ्या संख्येने उपस्थित राहावे व आसे अव्हान केले आहे तीन जुन रोजी काल्याचे किर्तन ह.भ.प.तुकाराम महाराज मुंडे शास्ञी यांच्या किर्तनाने सप्ताहाची सांगता होनार आहे व नंतर महा प्रसाद होनर आहे दै.मराठवाडा साथी बीयाणी परिवार व अखिल भारतीय वारकरी मंडळाच्या वतीने कळवले आहे

  पुण्यश्लोक अहिल्यादेवींच्या विचारांचा माझ्यावर प्रभाव ; जलयुक्त शिवारचे यश त्यांच्याच प्रेरणेतून - पंकजा मुंडे नवी दिल्लीतील जयंती कार्यक्रमात पंकजाताई मुंडेंनी केला अहिल्यादेवींच्या कार्याचा गौरव _नितीन गडकरी, महादेव जानकर यांचीही उपस्थिती_ नवी दिल्ली । दिनांक ३१। 'पुण्यश्लोक' हा सन्मान फक्त अहिल्यादेवी होळकर यांनाच मिळाला, त्या कुशल व साहसी  योध्दा होत्या. धर्माचे रक्षण आणि महिलांचा सन्मान वाढविण्यासाठी  त्यांनी आपले आयुष्य खर्ची घातले. त्यांच्या विचारांचा माझ्यावर खूप मोठा प्रभाव आहे. मी राबविलेल्या जलयुक्त शिवार योजनेचे यश हे त्यांच्याच प्रेरणेमुळे मिळाले अशा शब्दांत भाजपच्या राष्ट्रीय सचिव पंकजाताई मुंडे यांनी त्यांच्या कार्याचा गौरव केला. पुण्यश्लोक महाराणी राजमाता अहिल्याबाई होळकर यांची २९८ व्या जयंतीनिमित्त आज  लोधी मार्गावरील सत्यसाई ऑडिटोरियम येथे एका भव्य कार्यक्रमाचं आयोजन करण्यात आलं होतं, त्यावेळी अध्यक्षस्थानावरून  त्या बोलत होत्या.  कार्यक्रमाचं उदघाटन केंद्रीय मंत्री नितीन गडकरी यांच्या हस्ते झालं. रासपचे अध्यक्ष  महादेव जानकर, हिंगोलीचे खासदार हेमंत पाटील

खळबळजनक:  'स्नेहा' नाव हातावर गोंदवलेलं;  अनोळखी इसमाचा अर्धवट जळलेला मृतदेह आढळला परळी वैजनाथ.... परळी तालुक्यातील मांडेखेल शिवारात रामनगर तांड्याजवळ मंगळवारी रात्री तरुणाचा अर्धवट जळलेल्या अवस्थेत मृतदेह आढळून आला. या प्रकारामुळे परिसरात खळबळ उडाली आहे. मृताची अद्याप ओळख पटली नसून पोलीस तपास करत आहेत.मृतदेह परळीच्या उपजिल्हा रुग्णालयात ठेवण्यात आला आहे.         मृताच्या अंगात निळी जीन्स पॅन्ट, बदामी रंगाचे शर्ट व कमरेला बेल्ट, पायात बुट आहे. तसेच हातावर स्नेहा नाव गोंदविलेले आहे. आंबाजोगाईच्या  अपर पोलीस अधीक्षक कविता  नेरकर , उपविभागीय पोलीस अधिकारी चोरमले , परळी ग्रामीण चे पोलीस निरीक्षक  सुरेश चाटे  यांच्या मार्गदर्शनाखाली   सपोनी  नारायण गीते , पोउपनि  गणेश झांबरे, हवालदार केकान, पोलिस नाईक नवनाथ हरगावकर, सुनील अन्नमवार, येरडलावार, एकुलवार यांनी घटनास्थळी भेट देऊन मृतदेहाची ओळख पटवण्यासाठी प्रयत्न सुरू केले आहेत.

  वैद्यनाथ विद्यालय प्राथमिक विभागाचे मुख्याध्यापक महादू सरवदे सेवानिवृत्त परळी / प्रतिनिधी  वैद्यनाथ विद्यालय प्राथमिक विभागाचे मुख्याध्यापक महादू सरवदे आज 31 मे रोजी सेवानिवृत झाले असुन प्रदिर्घ सेवा दिल्या बदल वैद्यनाथ विद्यालयात त्यांचा सेवागौरव करत इतोचित सत्कार कार्यक्रम घेण्यात आला. महादू सरवदे यांनी  37 वर्ष चार महिने  प्रदीर्घ सेवा देऊन आज रोजी सेवानिवृत्त झाले आहेत. मागील नऊ वर्षापासून मुख्याध्यापक म्हणून ते कार्यरत होते. त्यांचे सेवेमध्ये त्यांनी असंख्य विद्यार्थी डॉक्टर, इंजिनिअर,शिक्षक घडविले आहेत. या सेवानिवृत्तीच्या कार्यक्रमाला वैद्यनाथ शिक्षण संस्थेचे अध्यक्ष प्रा.शिवाजीराव देशमुख, संस्थेच्या सचिव सुवर्णाताई हरीश देशमुख, रामराजे देशमुख,गाडे सर, आर.एस.देशमुख यांच्यासह सर्व संचालक मंडळ वैद्यनाथ विद्यालय प्राथमिक व माध्यमिक शाळेतील सर्व आजी-माजी शिक्षक मोठ्या संख्येने उपस्थित होते. दरम्यान मुख्याद्यापक महादू सरवदे यांनी वैद्यनाथ विद्यालयाचे अध्यक्ष, सचिव, संचालक सहकारी शिक्षकवृंध्द व विद्यार्थी यांनी मला मोलाच सहकार्य केल्यानेच मी 37 वर्ष सेवा देऊ शकलो असे मत व्यक्त केल

"श्री शिवराज्याभिषेक-हिंदू साम्राज्य दिन" : मराठवाड्यातील रायगड प्रतिकृती असणारे पहिले शिवस्मारक इसाद येथे विविध कार्यक्रम  गंगाखेड....        रायगड प्रतिकृती असणारे मराठवाड्यातील पहिले शिवस्मारक शिवस्मारक छ्त्रपती शिवाजी महाराज चौक, इसाद ता.गंगाखेड जि.परभणी येथे मिती ज्येष्ठ शु.१३ शके १९४५, शुक्रवार. शिवशक ३५०. दि.२ जून २०२३ रोजी सकाळी ठीक ८:०० वा. पासून "श्री शिवराज्याभिषेक-हिंदू साम्राज्य दिन" सोहळ्या निमित्त विविध कार्यक्रमांचे आयोजन करण्यात आले असून या भव्य-दिव्य उत्सवास परिसरातील नागरिकांनी मोठ्या संख्येने उपस्थित राहण्याचे आवाहन मुख्य संयोजक आर.डी.भोसले इसादकर यांनी केले आहे.             या शिवराज्याभिषेक सोहळ्यासाठी पुण्यश्लोक अहिल्यादेवी होळकर यांचे वंशज भुषणसिंहराजे होळकर, नरवीर शिवरत्न शिवबा काशीद यांचे वंशज आनंदराव काशीद, नरवीर सुभेदार तानाजी मालुसरे यांच्या वंशाची डॉ.शितलताई मालुसरे, प.पू.महामंडलेश्वर सुरेंद्र गिरी महाराज, जैन मुनि निलेशचंद्रजी महाराज, अ.भा.छावा संघटनेचे केंद्रीय कार्याध्यक्ष नानासाहेब जावळे पाटील, भारतीय जनता पार्टीचे प्रदेश कार्यकारणी

  भगवंतचिंतन हाच मोक्षाचा मार्ग - ह.भ.प. प्रभाकर महाराज झोलकर परळी वैजनाथ (प्रतिनिधी) :-        मानवी जीवनाची कृतार्थता ही भगवतभक्तीत आहे.हरिनाम हेच भगवतप्राप्तीचे साधन आहे.भगवंतचिंतन हाच मोक्षाचा मार्ग असल्याचे प्रतिपादन ह.भ.प. प्रभाकर महाराज झोलकर  यांनी केले.   तालुक्यातील दौंडवाडी येथे कै.सौ.धोंडाबाई कारभारी दौंड त्यांच्या वर्षाश्राद्धाचा कार्यक्रमनिमित्त ह.भ.प. वैराग्यमूर्ती प्रभाकर महाराज झोलकर यांचे मंगळवार, दि.३० मे रोजी  किर्तन झाले.यावेळी किर्तनसेवा करतांना अभंगावर त्यांनी अतिशय रसाळ विवेचन केले. दौडवाडी येथील कारभारी अंबाजी दौंड व भारत कारभारी दौंड, जगन्नाथ कारभारी दौंड यांच्या मातोश्री कै.सौ.धोंडाबाई कारभारी दौंड यांच्या वर्षाश्राद्धाचा  कार्यक्रमनिमित्त हे किर्तन झाले.कार्यक्रमाला उपस्थित माजी राज्यमंत्री पंडितराव दौंड साहेब, परळी मार्केट कमिटी चे सभापती सूर्यभान नाना मुंडे व मार्केट कमिटी संचालक प्रभाकर दहिफळे व हाळम चे सरपंच विनायक गुट्टे व युवा नेते राजवर्धन दौंड व मा.सरपंच जगन्नाथ दौंड व गावातील सरपंच व उपसरपंच व गावातील सर्व गावकरी मंडळ मोठ्या संख्येने उपस्थित होते.

  कांदा चाळीने अधिकाऱ्यांच्या कानाखाली काढला जाळ शेतकऱ्याकडून लाच मागणी करणारा लाचखोर अधिकारी लाचलुचपतच्या जाळ्यात पाटोदा / प्रतिनिधी पूर्ण झालेल्या कांदा चाळीचे अनुदान मंजूर करण्यासाठी प्रभारी मंडळ कृषी अधिकारी यांनी चक्क शेतकऱ्यांला लाच मागितली, तडजोडी अंती ठरलेली लाच रक्कम स्वीकारताना लाचखोर अधिकारी लाच लुचपतचा जाळ्यात अडकला असून ही घटना बीड जिल्ह्यातील पाटोदा येथे घडली आहे. मिळालेल्या माहितीनुसार लोकसेवक असलेले पाटोदा कृषी अधिकारी कार्यालय येथे प्रभारी मंडळ कृषी अधिकारी म्हणून कार्यरत असलेले कृष्णा महादेव आगलावे (वय 40) यांनी तक्रारदार यांच्या शेतातील पूर्ण झालेली कांदा चाळ यांची पाहणी करून पाहणी अहवाल व देयके ऑनलाईन करण्यासाठी दोन हजार रुपयांची लाचेची मागणी केली.तडजोडी अंती एक हजार 500 रुपये देण्याचे तक्रारदार यांनी मान्य करून याबाबत जिल्ह्यातील लाच लुचपत विभागाशी संपर्क साधला. लाच लुचपत प्रतिबंध विभागाचे पोलीस निरीक्षक रवींद्र परदेशी यांच्या मार्गदर्शनाखाली सापळा रचून लाचखोर कृषी मंडळ अधिकारी याला दीड हजार रुपयांची रोख रक्कम लाच स्वीकारताना लाच लुचपत विभागाने रंगेहाथ पकडले.ही घ