माझी बातमी MB NEWS

  सिरसाळा येथील श्रीपंडितगुरू  पार्डीकर महाविद्यालयात नाट्यशास्त्र विभागाचे ११ वे नाट्य प्रशिक्षण शिबिराला उत्स्फूर्त प्रतिसाद  सिरसाळा (प्रतिनिधी) डॉ. बाबासाहेब आंबेडकर मराठवाडा विद्यापीठ छत्रपती संभाजीनगर व श्री पंडितगुरू पार्डिकर महाविद्यालय  नाट्यशास्त्र विभाग, सिरसाळा यांच्या संयुक्त विद्यमाने आयोजित ११ वे नाट्य प्रशिक्षण शिबीर दि. २९/१२/२०२३ शुक्रवार रोजी महाविद्यालयाच्या सांस्कृतिक सभागृहामध्ये नुकतेच संपन्न झाले.          सदरील कार्यक्रमाचे उध्दघाटन बीड येथील के. एस. के. महाविद्यालयातील नाट्यशास्त्र विभागातील प्रा . डॉ. दुष्यंता रामटेके यांच्या हस्ते करण्यात आले. तर या कार्यक्रमाचे अध्यक्ष म्हणून श्री पंडितगुरू पार्डिकर महाविद्यालयाचे संस्थापक अध्यक्ष मा. आ. व्यंकटराव कदम हे होते. या कार्यक्रमास प्रमुख पाहुणे म्हणून मंचावर शिवछत्रपती महाविद्यालय, छत्रपती संभाजीनगर येथील नाट्यशास्त्र विभागप्रमुख डॉ. जी. एन. वळेकर, बलभीम महाविद्यालय, बीड येथील नाट्यशास्त्र विभागप्रमुख प्रा. केशव भागवत, महाविद्यालयाचे प्राचार्य डॉ. के. के. पाटील, ...

  अंबाजोगाईच्या आर्यन  वाकडे ची महाराष्ट्र संघात निवड अंबाजोगाई (प्रतिनिधी) अंबाजोगाई क्रिकेट अकॅडमी च्या आर्यन वाकडे ची महाराष्ट्र संघात निवड झाली असून तो आता राष्ट्रीय पातळीवर खेळणार आहे. शिरपूर या ठिकाणी राज्यस्तरीय क्रिकेट स्पर्धा 26 ते 29 डिसेंबर या कालावधीत संपन्न झाल्या. या स्पर्धेत महाराष्ट्र राज्यातून खेळाडूं आले होते. या खेळाडूं मधून महाराष्ट्र चा क्रिकेट संघ निवडण्यात आला पुढील राष्ट्रीय स्पर्धा पटना या ठिकाणी होणार आहेत शालेय नॅशनल स्पर्धा 13 जानेवारी 2024 पासुन होत आहेत.या स्पर्धेत आर्यन संजय वाकडे यांची स्कूल नॅशनल गेम्स साठी निवड झाली.तर वेंकटेश राजेन्द्र जगताप यांची राज्यस्तरीय निवड चाचणी स्पर्धेसाठी निवड करण्यात आली होती.  आर्यन हा उजव्या हाताने गोलंदाजी करतो तर उजव्या हाताने फलंदाजी करतो आर्यन  आणि वेंकटेश ला प्रशिक्षक मोहित परमार, स्वप्नील कोकाटे,माही परमार यांचे मोलाचे मार्गदर्शन लाभले आर्यन व वेंकटेश अंबाजोगाई क्रिकेट अकॅडमी मध्ये नियमित सराव करत असतात.आर्यन, व वेंकटश हे श्री खोलेश्वर माध्यमिक विद्यालयाचे   विध्यार्थी आहेत ,आर्यन ला...

  दुखःद वार्ता : सेवानिवृत न.प.कर्मचारी रामचंद्र धर्माधिकारी यांचे निधन परळी वैजनाथ, प्रतिनिधी          येथील जुन्या गावभागातील सर्वपरिचित व्यक्तिमत्व व नगरपरिषदेचे सेवानिवृत्त कर्मचारी रामचंद्र पंडितराव धर्माधिकारी यांचे आज दि. 29 रोजी वृद्धपकाळाने निधन झाले .मृत्यू समयी ते 86 वर्षे वयाचे होते. त्यांच्या पश्चात दोन मुले, तीन मुली,सुना,नातवंडे असा मोठा परिवार आहे.     रामचंद्र पंडितराव धर्माधिकारी हे सरकारवाडा अंबेवेस भागातील सर्व परिचित व्यक्तिमत्व होते.नगर परिषद परळी वैजनाथ चे ते सेवानिवृत्त कर्मचारी होते. दीनदयाळ बँकेचे शाखाव्यवस्थापक मुरलीधर धर्माधिकारी, बँक कर्मचारी अनिल धर्माधिकारी यांचे ते वडील होत. वृद्धापकाळाने आज दि. 29 रोजी त्यांची प्राणज्योत मालवली. त्यांच्या निधनाने धर्माधिकारी कुंटुंबावर कोसळलेल्या या दुःखात........... दै.परिवार सहभागी आहे. उद्या अंत्यविधी      दरम्यान, रामचंद्र पंडितराव धर्माधिकारी  यांच्या पार्थिवावर उद्या शनिवार, दि.30.12. 2023 रोजी अंत्यसंस्कार करण्यात येणार आहेत. सकाळी 10:00 वा राहते घर गोप...

  कृषी मंत्री तथा जिल्ह्याचे पालकमंत्री श्री. धनंजय मुंडे यांचा दौरा             बीड, 29 (जिमाका) : राज्याचे कृषी मंत्री तथा जिल्ह्याचे पालकमंत्री श्री. धनंजय मुंडे हे बीड जिल्ह्याच्या दौऱ्यावर असून शुक्रवार, दि. २९ डिसेंबर, २०२३ रोजी रात्री ०९.०० वाजता मुंबई निवासस्थान येथुन मोटारीने पुणे कडे प्रयाण करतील             शनिवार, दि. ३० डिसेंबर, २०२३ मध्यरात्री १२.३० वाजता शिवाजी नगर पुणे, येथे आगमन असणार आहे. मध्यरात्री ०१.०० वा. शिवाजी नगर पुणे, येथुन मोटारीने परळी, जि. बीड कडे प्रयाण, सकाळी ०५.३० वा. परळी, जि.बीड येथे आगमन व मुक्काम असणार आहे.

  रासेयोच्या शिबिरातील शिदोरीचा जीवनात वापर करावा - नाईकनवरे उत्कृष्ट स्वयंसेवक म्हणून रोहित कांबळे याला स्मृतिचिन्ह देताना मान्यवर परळी वै. (प्रतिनिधी) : मराठवाडा शिक्षण प्रसारक मंडळ छत्रपती संभाजीनगर संचलित न्यू हायस्कूल कनिष्ठ महाविद्यालयातील राष्ट्रीय सेवा योजना विभागाच्या विशेष शिबीराचे आयोजन मौ. मिरवट येथे करण्यात आले.                          राष्ट्रीय सेवा योजनेच्या विशेष शिबिरादरम्यान विद्यार्थ्यांनी श्रमदान करत विविध समाज उपयोगी कार्य पार पाडले. या शिबिरांतर्गत मिरवट येथील ग्रामस्थांना जल संरक्षण व पर्यावरण संवर्धनाच्या संदर्भात जनजागृती केली. समारोपाच्या प्रसंगी न्यू हायस्कूल कनिष्ठ महाविद्यालयाचे प्राचार्य बी.ए. नाईकनवरे यांनी स्वयंसेवकांना विशेष शिबिरादरम्यान आलेल्या अनुभवाच्या शिदोरीचा प्रत्यक्ष जीवनात वापर करून समाजाला त्यांचे कर्तव्य पार पाडण्यासाठी प्रोत्साहित करण्याचे आवाहन केले. यावेळी मंचावर मराठवाडा शिक्षण प्रसारक मंडळाचे सदस्य अजय भैय्या सोळंके, उपप्राचार्य सुनील लोमटे, प्रा. डॉ.बी.आर. चव्हाण प...

  ज्ञानबोधिनी प्रा. विद्यालय हे माझे आई वडील - नरेंद्र जोशी एम पी एस सी परीक्षेत राज्यात प्रथम आलेल्या नरेंद्र जोशीचा कौतुक सोहळा               एम पी एस सी परीक्षेत राज्यात प्रथम आलेला नरेंद्र जोशीचा ज्ञानबोधिनी प्राथमिक विद्यालयाकडून शानदार व आत्मिय भारावलेल्या वातावरणातील सोहळ्यात ह्रदय सत्कार करण्यात आला ज्ञानबोधिनी प्रा विद्यालयाच्या परिसरात लहानाचा मोठा झालेला व बालवाडी ते 7 वी पर्यंतचे प्राथमिक शिक्षण याच शाळेत घेतलेला,संघर्षातून यशोषिखर सर केलेल्या या भूमिपुत्राने ज्ञानबोधिनी शाळेची व परळीकरांची प्रशासकीय क्षेत्रात मान उंचावली आहे असे गौरवोदगार शाळेचे मुख्याध्यापक तथा संस्थेचे सचिव श्री मुंडे सर यांनी काढले तसेच भविष्यात त्याने केंद्रीय लोकसेवा आयोगाच्या परीक्षेतही नरेंद्रने यश संपादन करावे असे सांगितले.                ज्ञानबोधिनी प्रा विद्यालय हे माझे एक प्रकारे आई वडीलच आहेत कारण माझ्या आई वडिलानंतर माझ्यावर याच शाळेने चांगले संस्कार केले व या यशात शाळेचा मोठा वाटा आहे व या सत्काराने आपल्याला...

  शेतकऱ्यांसाठी राज्याबाहेर अभ्यास दौऱ्याचे आयोजन 31 डिसेंबरपर्यंत अर्ज सादर करा बीड  (जिमाका) बीड जिल्ह्यातील शेतकऱ्यांसाठी एकात्मिक फलोत्पादनविकास अभियान सन २०२३-२४ अंतर्गत मनुष्यबळ विकास कार्यक्रमांतर्गत, शेतकऱ्यांचे प्रक्षेत्र भेट राज्याबाहेर हा कार्यक्रम राबविण्यात येत आहे. राज्याबाहेर अभ्यास दौरा राबविताना शेतकऱ्यांमध्ये फलोत्पादन विषयक जिज्ञासा व आवड निर्माण करण्याच्या हेतूने तसेच फलोत्पादनाची प्रतवारी, हाताळणी, शेतस्तरावर करावयाची प्रक्रिया उद्योग स्थापन करणे, फलोत्पादनाच्या विपणन व्यवस्थेबाबतचा अभ्यास करणे आधुनिक लागवड तंत्रज्ञानाबाबत व काढणी पश्चात तंत्रज्ञानाबाबत सखोल शास्त्रोक्त ज्ञान उपलब्ध करून देणे व या माध्यमातून शेतकऱ्यांनी स्वतःची व त्याच बरोबर समूहाची फलोत्पादन विषयक शेती उन्नत करणे या बाबीसाठी शेतकऱ्यांचे राज्याबाहेर अभ्यास दौरा आयोजित करण्यात आला आहे. अभ्यास दौरा राबविताना भेटीच्या ठिकाणांमध्ये परराज्यातील कृषि विद्यापीठ, राष्ट्रीय कृषि संशोधन केंद्रे, फलोत्पादन क्षेत्रात विशेष काम करणाऱ्या खाजगी कंपन्या / सस्था, कृषि विज्ञान केंद्र, फळबाग, भाजीपाला, फुल...

  राज्यांतर्गत अन्नधान्य, कडधान्य व गळीतधान्य पिकांच्या पिकस्पर्धा रब्बी हंगाम २०२३ बीड (जिमाका) राज्यामध्ये पिकाची उत्पादकता वाढविण्यासाठी विविध भागांमध्ये शेतक-यांकडून विविध प्रयोग करण्यात येतात व उत्पादकतेत वाढ करण्यात येते. अश्या प्रयोगशील शेतक-यांना, मिळालेल्या उत्पादकतेबाबत प्रोत्साहन देऊन गौरव केल्यास त्यांची इच्छाशक्ती, मनोबल यामध्ये वाढ होऊन आणखी उमेदीने नवनवीन अद्यावत तंत्रज्ञानाचा वापर केला जाईल. यामुळे कृषि उत्पादनामध्ये भर घालण्यासाठी शेतक-यांचे योगदान मिळेल. तसेच त्यांचे मार्गदर्शन परीसरातील इतर शेतक-यांना होऊन राज्याच्या एकूण उत्पादनात मोलाची भर पडेल, हा उद्देश ठेऊन राज्यांतर्गत पीकस्पर्धा योजना राबविण्यात येत आहे. वंचित/दुर्लक्षित तसेच पौष्टिक तृणधान्य पिकांच्या क्षेत्रात आणि उत्पादन तंत्रज्ञानात वाढ होण्याची आवश्यकता विचारात घेऊन तसेच जास्तीत जास्त शेतकरी पिक स्पर्धामध्ये सहभागी होतील या दृष्टीकोनातून शासन निर्णय क्र.पीकस्पर्धा -२०२०/प्र.क्र.११३/४अे, दि.२० जुलै २०२३ अन्वये रब्बी हंगाम २०२३ पासून पिकस्पर्धा तालुका, जिल्हा व राज्य पातळीवर राबविण्यात येणार आहे. त्या...

  संभाव्य कोरोना साथीमध्ये जनतेने काळजी घ्यावी  बीड,दि.28 (जिमाका) : जगामध्ये JN.1 या कोरोना विषाणु मुळे जगामध्ये फ्रान्स, अमेरिका, सिंगापुर, कॅनडा, युनायटेड किंगडम, स्विडन, या देशांमध्ये या विषाणुची लागण मोठया प्रमाणात होत असल्याची दिसुन येत आहे. तसेच भारतामध्ये केरळ या राज्यामध्ये कोरोना रुग्ण मोठ्या प्रमाणात वाढत असल्याचे दिसुन येत आहे. तरी बीड जिल्हयामध्ये कोरोना तसेच कोरोनाचा JN.1 प्रकारच्या विषाणुचा प्रसार होऊ नये म्हणुन जनतेने खालील प्रमाणे काळजी घ्यावी. जेणे करून बीड जिल्ह्यात या आजाराचा प्रसार आपणास रोखता येईल.             गर्दीच्या ठिकाणी जात असताना सर्वांनी मास्कचा वापर करावा. प्रवाशांनी प्रवासामध्ये मास्कचा वापर करावा. घरी आल्यानंतर सर्वांनी सावणाने स्वच्छ हात धुवावेत. सार्वजनिक ठिकाणी गेल्यावर हात कोणत्याही पृष्ठभागास लावु नयेत. त्याचबरोबर शक्यतोवर हस्तांदोलन करणे टाळावे.  शक्यतो, गर्दीच्या ठिकाणी जाणे टाळावे परंतु जाणे आवश्यक असल्यांस सार्वजनिक ठिकाणी मास्क घालून जावे आणि खोकताना किंवा शिंकताना नाका-तोंडावर रुमाल किंवा मास्क अ...

  रायगड जिल्ह्यातील वंचित शेतकऱ्यांच्या फळ पिक विम्याचे पैसे 3 जानेवारी पूर्वी आदा करा कृषिमंत्री धनंजय मुंडे यांचे निर्देश  मुंबई दि 28- पुनर्रचित हवामान आधारित फळ पिक विमा योजनेत सहभागी झालेल्या रायगड जिल्ह्यातील शेतकऱ्यांच्या नुकसान भरपाईचे पैसे व्याजासह 3 जानेवारीपूर्वी आदा करावेत असे निर्देश कृषिमंत्री धनंजय मुंडे यांनी दिले. रायगड जिल्ह्यातील तळा महसूल मंडळातील 7500 हजार शेतकऱ्यांनी पुनर्रचित हवामान आधारित फळ पिक विमा योजनेत सहभाग घेतला होता. त्यापैकी 3500 शेतकऱ्यांच्या नुकसान भरपाईची रक्कम आदा करण्यात आली आहे. मात्र महसुली मंडळाच्या विभाजनाच्या तांत्रिक मुद्द्यावरून भारतीय कृषी विमा कंपनीने 2940 शेतकऱ्यांची 9 कोटी रुपये नुकसान भरपाईची रक्कम अदा केलेली नाही.  याविरोधात तळा येथील शेतकऱ्यांनी उपोषण आंदोलन सुरू केले आहे. त्यासंदर्भात खा. सुनील तटकरे यांच्या पुढाकाराने व उपस्थितीत आज मंत्रालयात कृषी मंत्री धनंजय मुंडे यांच्या दालनात बैठक पार पडली. बैठकीत महिला व बालविकास मंत्री आदिती तटकरे, आमदार अनिकेत तटकरे, कृषी आयुक्त प्रवीण गेडाम दूरदृष्य प्रणालीद्वारे सहभागी झाल...

  आत्महत्याग्रस्त जिल्ह्यात कृषी विभागाच्या योजनांची प्रभावीपणे अंमलबजावणी करा कृषी मंत्री धनंजय मुंडे यांचे आदेश मुंबई दि.२८ : राज्यातील शेतकरी आत्महत्याग्रस्त जिल्ह्यात कृषी विभागाच्या योजनांची प्रभावीपणे अंमलबजावणी करून तरतूद करण्यात आलेला निधी 100 टक्के खर्च करण्याचे निर्देश कृषी मंत्री धनंजय मुंडे यांनी दिले. सह्याद्री अतिथीगृह येथे कृषी विभागाच्या विविध योजनांचा आढावा घेण्यात आला. त्यावेळी मंत्री मुंडे बोलत होते.यावेळी कृषी विभागाचे अपर मुख्य सचिव अनुप कुमार यांच्यासह कृषी विभाग व कृषी आयुक्तालय येथील अधिकारी कर्मचारी उपस्थित होते. कृषी आयुक्त प्रवीण गेडाम, यांच्यासह विविध संचालक व कृषी विद्यापीठांच्या पदाधिकाऱ्यांनी दूरदृष्य प्रणालीद्वारे सहभाग घेतला. यावेळी श्री मुंडे म्हणाले,‌राज्यातील शेती उत्पादन वाढविण्यासाठी प्रयत्न केला जात आहे.यामध्ये कृषी विभागाची जबाबदारी मोठी आहे.सन २०२३-२४ या आर्थिक वर्षात कृषी विभागासाठी जेवढ्या निधीची तरतूद केली आहे तेवढा सगळा निधी वेळेत खर्च करावा.तसेच केंद्र आणि राज्य सरकारच्या शेतकऱ्यांना असणाऱ्या सर्व योजनांची अंमलबजावणी प्रभावीपणे करावी त्...

  बालनाट्य स्पर्धेत 'एलियन्स द ग्रेट' नाटकाला पहिले पारितोषिक   राज्यस्तरीय बालनाट्य स्पर्धेत प्रथम क्रमांकाचे पारितोषिक स्विकारतांना परळी येथील एलियन्स द ग्रेट नाटकातील कलावंत.   दोन वैयक्तिक बक्षिसे, उत्कृष्ट दिग्दर्शक म्हणून महेश होनमाने यांचा सन्मान  परळी (प्रतिनिधी) :  महाराष्ट्र कामगार कल्याण मंडळाच्या वतीने गटस्तरीय बालनाट्य स्पर्धेत परळी येथील 'एलियन्स द ग्रेट' नाटकाला प्रथम क्रमांकाचे पारितोषिक मिळाले.  कामगार कल्याण मंडळाच्या वतीने लातूर येथे कामगार कल्याण भावनात बुधवारी (दि. २७ डिसेंबर-२३) बालनाट्य स्पर्धा संपन्न झाली. या स्पर्धेत ८ नाट्यप्रयोग सादर झाले. त्यात महेश होनमाने दिग्दर्शित 'एलियन्स द ग्रेट' नाटकाला प्रथम पारितोषिक मिळाले. तर द्वितीय बे एक बे, तृतीय स्वच्छता या नाटकाला बक्षीसे मिळाली.  एलियन्स द ग्रेट नाटकाच्या दिग्दर्शनासाठी महेश होनमाने यांचा प्रथम पारितोषिक देऊन सन्मान करण्यात आले. तर विठ्ठल या भूमिकेसाठी राजवीर शिंदे यांना द्वितीय बक्षीस मिळाले.  या स्पर्धेचे पारितोषिक वितरण अखिल भारतीय नाट्य परिषदेचे लातूर शाखा अध्यक्ष...

  29 डिसेंबर रोजी श्री पंडितगुरु पार्डीकर महाविद्यालयात नाट्य प्रशिक्षण शिबिराचे आयोजन परळी प्रतिनिधी.    डॉ. बाबासाहेब आंबेडकर मराठवाडा विद्यापीठ संभाजीनगर व श्री पंडितगुरु पार्डीकर महाविद्यालय सिरसाळा यांच्या संयुक्त विद्यमाने दिनांक 29 डिसेंबर रोजी एक दिवशीय नाट्य प्रशिक्षण शिबिराचे आयोजन करण्यात आले आहे. या शिबिराचा परळी तालुक्यातील महाविद्यालयीन विद्यार्थी, विद्यार्थिनींनी लाभ घेण्याचे आवाहन विभाग प्रमुख डॉ. चंद्रशेखर कणसे यांनी केले आहे.     29 डिसेंबर रोजी सकाळी 10 वाजता प्रशिक्षण शिबिराचे उद्घाटन डॉ. दुष्यंता रामटेके बीड यांच्या हस्ते होणार आहे. या उद्घाटन सत्राच्या अध्यक्षस्थानी रा शि.प्र. मंडळ सोनपेठचे अध्यक्ष माजी आमदार वेंकटराव कदम हे आहेत. तर प्रमुख उपस्थिती प्राचार्य डॉक्टर के. के. पाटील यांची राहणार आहे. सकाळी 11 ते 12 या दुसऱ्या सत्रामध्ये रंगभूषा आणि वेशभूषा तंत्र या विषयावर प्रशिक्षक म्हणून डॉ. दुष्यंता रामटेके या विद्यार्थ्यांना मार्गदर्शन करणार आहेत. तर या सत्राच्या अध्यक्षस्थानी डॉ. एच. पी. कदम अध्यक्षस्थानी असतील.      दुपा...

  राज्यस्तरीय इतिहास परिषदेचे ३०, ३१ रोजी आयोजन  राज्यभरातून २ हजार प्राध्यापक होणार सहभागी सोलापूर : महाराष्ट्र राज्य कनिष्ठ महाविद्यालय इतिहास परिषद, पुणे विभाग व सोलापूर जिल्हा कनिष्ठ महाविद्यालय इतिहास परिषद यांच्या संयुक्त विद्यमाने इतिहास प्राध्यापक परिषदेचे पहिले राज्यस्तरीय अधिवेशन शनिवार दिनांक ३० आणि रविवार दिनांक ३१ डिसेंबर रोजी वीरतपस्वी प्रशालेच्या मैदानावर होणार असल्याची माहिती संयोजक प्रा. स्वामीनाथ कलशेट्टी, प्रा. संजय जाधव, प्रा. सुनील शिंदे यांनी बुधवारी पत्रकार परिषदेत दिली.  प्रचलित व्यवस्थेत इतिहासातील घटना, विद्यार्थ्यांची जडणघडण, नवीन राष्ट्रीय शैक्षणिक धोरण, विद्यार्थी व शिक्षकांच्या समस्या आदी बहुमोल विषयांवर चर्चा करण्यासाठी या अधिवेशनाचे आयोजन करण्यात आले असले तरी यानिमित्ताने सोलापूर जिल्ह्याचा इतिहास राज्यस्तरावर नेण्यासाठी ही उत्तम संधी आहे असे प्रा. कलशेट्टी म्हणाले. आमदार विजयकुमार देशमुख यांच्या हस्ते अधिवेशनाचे उद्घाटन होणार असून आमदार सचिन कल्याणशेट्टी, आमदार सिद्धाराम म्हेत्रे, आमदार प्रणिती शिंदे, नाशिकचे आमदार सत्यजित तांबे, जिल्हाध...

शरद पवार - पंकजा मुंडे यांचा लवाद घेणार  ऊसतोड कामगारांच्या दरवाढीचा अंतिम निर्णय साखर संघ आणि ऊसतोड कामगार संघटनांच्या मांजरीतील बैठकीत झाला सर्वानुमते निर्णय पुणे ।दिनांक २७।  राज्यातील ऊसतोड कामगारांच्या मजुरीत दरवाढ करण्याचा अंतिम निर्णय ज्येष्ठ नेते शरद पवार आणि ऊसतोड कामगारांच्या नेत्या पंकजाताई मुंडे यांचा लवाद घेणार  आहे. साखर संघ व ऊसतोड कामगार संघटनांच्या आज झालेल्या बैठकीत हा सर्वानुमते निर्णय घेण्यात आला.     ऊसतोड कामगारांच्या प्रश्नांवर विचार विनिमय करण्यासाठी साखर संघ आणि ऊसतोड कामगार संघटनांची एक बैठक आज मांजरी येथील वसंतदादा शुगर इन्स्टिटय़ूट येथे झाली, ऊसतोड मजुरांच्या दरवाढीत आणि त्यांनी दिलेल्या संपाच्या इशाऱ्यावर बैठकीत चर्चा झाली. कामगारांच्या मजूरीत २९ टक्के दरवाढ करण्याची तयारी साखर संघाने दाखवली आहे तर ही दरवाढ ४० टक्के असावी यावर ऊसतोड कामगार संघटना ठाम राहिल्या, त्यामुळे आज यावर कोणताही तोडगा निघू शकला नाही. *पवार- मुंडे घेणार दरवाढीचा निर्णय*  -----------  ऊसतोड मजूरांच्या दरवाढीबाबत बैठकीत चर्चा झाली असली तरी अंतिम निर्णय ज्...

  अंबाजोगाई ऐतिहासिक व सांस्कृतिक समृद्ध वारसा : परळीच्या लावण्याई  पब्लिक स्कुलच्या विद्यार्थ्यांनी विविध स्थळांना दिल्या भेटी ........ ऐतिहासिक व सांस्कृतिक संचिताचा अभ्यास करण्यासाठी शालेय अभ्यास सहलींचे आयोजन ........................... परळी वैजनाथ दिनांक 27 डिसेंबर परळी शहरातील लावण्याई पब्लिक स्कूलच्या विद्यार्थ्यांनी सांस्कृतिक व ऐतिहासिक स्थळांना अभ्यासण्यासाठी अंबाजोगाईतील विविध स्थळांना भेटी देऊन आनंद लुटला.अंबाजोगाई येथील कोकणस्थांची कुलस्वामिनी असणाऱ्या श्री योगेश्वरी मातेच्या दर्शनाने या सहलीचा प्रारंभ झाला. अंबाजोगाई येथील योगेश्वरी मंदिरातील प्राचीन व वास्तुकलेची, हेमाडपंथी मंदिरांची रचना, स्त्री वेशभूषा परिधान केलेला गणेश, मंदिरावरील कळसांमध्ये असणाऱ्या विविध ऐतिहासिक कथा यांचा अभ्यास केला. मराठी भाषेचे आद्यकवी विवेकसिंधूकार मुकूंदराज स्वामी यांची बालाघाट डोंगरातील कपारी मध्ये असणारी समाधीवर चिमुकल्यांनी नतमस्तक होऊन तेथील निसर्गसौंदर्याचा आस्वाद घेतला. शंभरच्या वर पायऱ्या उतरल्यानंतर झालेले डोंगरकपारीतील समाधीचे दर्शन यामुळे चिमुकल्यांचा थकवा पार पळून गेला होत...

 'एम.फिल' पदवी बंद, विद्यार्थ्यांनी प्रवेश घेऊ नये :'यूजीसी'चा इशारा एम. फिल (मास्टर ऑफ फिलॉसॉफी) ही  पदवी बंद करण्यात आली आहे. काही विद्यापीठे अद्याप प्रोग्रामसाठी नवीन अर्ज मागवत आहेत, परंतु ही पदवी बंद करण्यात आली आहे.आता ही मान्यताप्राप्त पदवी नसल्याने या अभ्यासक्रमाला विद्यार्थ्यांनी प्रवेश घेऊ नये, असा इशारा विद्यापीठ अनुदान आयोगाने (यूजीसी)विद्यार्थ्यांना दिला आहे. यूजीसीने स्पष्ट केले आहे की, पीएचडी पदवी पुरस्कारासाठी किमान मानके आणि प्रक्रिया नियमावली, 2022 तयार केली आहे. ही नियमावली 7 नोव्हेंबर 2022 रोजी भारताच्या राजपत्रात प्रकाशित झाली आहे. 2023-24 या शैक्षणिक वर्षासाठी एम.फिल अभ्यासक्रमाचे प्रवेश बंद करण्यासाठी तातडीने पावले उचलण्याचे निर्देशही विद्यापीठ अधिकाऱ्यांना देण्यात आले आहेत. 'यूजीसी'चे सचिव मनीष जोशी यांनी म्हटलं आहे की, "काही विद्यापीठे एम.फिल.साठी नव्याने अर्ज मागवत असल्याचे निदर्शनास आले आहे. या संदर्भात, एम.फिल. ही पदवी ही मान्यताप्राप्त पदवी नाही हे निदर्शनास आणून दिले पाहिजे. यूजीसीचे नियमन (पीएचडी पदवी पुरस्कारासाठी किमान म...

  भगवान दत्तात्रेय हेच फक्त अखिल विश्वाचे एकमेव विश्वगुरू-ॲड.दत्ता महाराज आंधळे अक्कलकोट (प्रतिनिधी) अनसूया नंदन भगवान दत्तात्रय हेच अखिल विश्वाचे एकमेव विश्वगुरू आहेत. ज्ञाननिधी, योगी जनप्रिय असलेले श्री गुरु दत्तात्रेय आहेत संत वाङ्म़याचे संशोधक ह.भ.प.ॲड.दत्तात्रय महाराज आंधळे यांनी केले.        अक्कलकोट तालुक्यातील काझी कणबस या गावांमध्ये अखंड हरिनाम सप्ताहातील कीर्तन सेवा श्री दत्त जयंतीच्या दिवशी करताना श्री संत जगद्गुरु तुकोबारायांचा " तीनशिरे सहा हात/ तया माझा दंडवत // "या अभंगावर अतिशय पौराणिक व विविध ग्रंथाचे दाखले देत अनसूया नंदन श्री दत्तात्रेय यांचे जन्माख्यान व चरित्र सांगितले. संपूर्ण चराचर सृष्टीचे  एकमेव विश्वगुरू भगवान दत्तात्रेय आहेत हे निक्षून सांगितले. श्री रामचंद्र धर्मसाले सर, श्रीपरमेश्वर पांचाळ, श्री काशिनाथ कोळी, श्री दत्तात्रय धर्मसाले ज्ञानेश्वरी पारायण समितीचे अध्यक्ष श्री नारायण बंदीछोडे, भजन प्रमुख किशोर जाधव ,श्रीमंत जाधव,गायनाचार्य विश्वनाथ जाधव, मृदंगाचार्य सागर पांचाळ महाराज,मोहन चव्हाण,नागनाथ हांडगे आदींची उपस्थिती होती....

  ऊसतोड कामगारांच्या प्रश्नांवर 5 जानेवारीपर्यंत सकारात्मक तोडगा निघेल ऊसतोड कामगार संघटनांनी व्यक्त केला विश्वास पंकजाताई मुंडे यांची शरद पवार, साखर संघाच्या अध्यक्षांशी झाली चर्चा आताच कोयता बंद करण्याची गरज नाही ; निर्णय होईपर्यंत सर्व सुरळीत चालू द्यावे बीड ।दिनांक २६।  राज्यातील ऊसतोड कामगारांच्या प्रश्नांवर येत्या ५ ते ६ जानेवारीपर्यंत सकारात्मक तोडगा निघेल असा विश्वास ऊसतोड कामगार संघटनांनी व्यक्त केला आहे. ऊसतोड कामगारांच्या नेत्या पंकजाताई मुंडे  यांची ज्येष्ठ नेते शरद पवार आणि साखर संघाच्या अध्यक्षांशी सविस्तर चर्चा झालेली आहे, त्यामुळे आताच कोयता बंद करण्याची गरज नाही, निर्णय होईपर्यंत सर्व काही सुरळीत चालू देणार असल्याचे संघटनांनी ठरवले आहे.    ज्येष्ठ नेते शरद पवार साहेब आणि पंकजाताई मुंडे यांच्यात असलेल्या ऊसतोड कामगारांच्या लवादाचे निर्णय दरवर्षी होतात, त्यानुसार साखर संघाबरोबर आमच्या दोन चार बैठका देखील झालेल्या आहेत, या बैठकीचा पंकजाताई मुंडे यांनी पूर्ण आढावा घेतलेला असून ऊसतोड कामगार संघटनांची भेटही घेतली आहे. त्याचबरोबर त्यांची शरद पवार आणि...

  परळी तालुक्यातील इंदपवाडी सेवा सोसायटी धनंजय मुंडेंच्या ताब्यात; सर्वच्या सर्व उमेदवार विजयी विजयी उमेदवारांचा जगमित्र कार्यालयात वाल्मिक अण्णा कराड यांनी केला सत्कार परळी वैद्यनाथ (26) - परळी तालुक्यातील इंदपवाडी सेवा सहकारी सोसायटी निर्विवादपणे राष्ट्रवादीचे नेते, कृषिमंत्री धनंजय मुंडे यांच्या ताब्यात आली असून या सोसायटीच्या निवडणुकीतील ज्योतीनाथ मुंडे यांच्या पॅनलचे सर्वच्या सर्व उमेदवार विजयी झाले आहेत.  ● वाचा : ■ *क्वारंटाईन असतानाही धनंजय मुंडे ऍक्शन मोडवर!* सर्व विजयी उमेदवारांचा ना. धनंजय मुंडे यांच्या जगमित्र या संपर्क कार्यालयात ज्येष्ठ नेते वाल्मिक अण्णा कराड यांनी सत्कार करून शुभेच्छा दिल्या.  यावेळी नवनिर्वाचीत चेअरमन ज्योतिनाथ मुंडे, व्हाईस चेअरमन फुलचंद मुंडे, सदस्य बालाजी मुंडे, अंगद मुंडे, कुशावती मुंडे, सुनंदा मुंडे, वसंत मुंडे, गणपती रोडे, पंडित जाधव, सुभाष राठोड, मुकुंद मुंडे भगीरथ मुंडे यांचा सत्कार करण्यात आला, याप्रसंगी अभिमान मुंडे, गोरख मुंडे, संपत मुंडे, सरपंच गोविंद मुंडे, भीमराव राठोड, माणिक मुंडे, नवनाथ जोगदंड, गंगाधर पारध्ये, गणेश मुंडे,...

  क्वारंटाईन असतानाही धनंजय मुंडे ऍक्शन मोडवर! महाराष्ट्र कृषी शिक्षण व संशोधन परिषदेच्या 113व्या बैठकीस लावली ऑनलाइन उपस्थिती पुणे (दि.26) - कोविडची बाधा झाल्याने पुणे येथील निवासस्थानी क्वारंटाईन राहून उपचार घेत असलेले कृषिमंत्री धनंजय मुंडे आज ऍक्शन मोडवर आलेले पाहायला मिळाले. धनंजय मुंडे यांनी घरूनच महाराष्ट्र कृषी शिक्षण व संशोधन परिषदेच्या 113व्या बैठकीस ऑनलाइन पध्दतीने उपस्थिती लावली.  या बैठकीत कृषी परिषदेच्या 112व्या बैठकीचा कार्यपूर्ती अहवाल व इतिवृत्त मंजुरीसाठी सादर करण्यात आले. कृषिमंत्री धनंजय मुंडे हे या परिषदेचे अध्यक्ष आहेत. या बैठकीच्या माध्यमातून धनंजय मुंडे यांनी संबंधित अधिकाऱ्यांना योग्य त्या सूचना दिल्या.  ● वाचा : ■ परळी तालुक्यातील इंदपवाडी सेवा सोसायटी धनंजय मुंडेंच्या ताब्यात; सर्वच्या सर्व उमेदवार विजयी धनंजय मुंडे हे मागील 5 ते 7 दिवसांपासून कोविड बाधित असून ते पुणे येथील निवासस्थानी उपचार घेत आहेत. आजपासून त्यांनी ऑनलाइन पद्धतीने कामकाजास सुरुवात केली आहे.

  आज 'परळी बंद नाही' ! जिल्हा पोलिस अधीक्षक नंदकुमार ठाकूर यांच्या लेखी आश्वासनानंतर परळी बंद मागे  पो.नि.कदम यांच्यावर कारवाईसाठीचे गवळी यांचे उपोषणही स्थगित परळी /प्रतिनिधी   बीड जिल्हा पोलीस अधीक्षक नंदकुमार ठाकूर यांनी मुक्ताराम गवळी मारहाण प्रकरणाचा तपास व चौकशी अतिरिक्त जिल्हा पोलीस अधीक्षक कविता नेहरकर मॅडम यांच्याकडे देत असल्याचे लेखी पत्रानंतर  आजचा परळी बंद मागे घेण्यात आला आहे. तसेच  सामाजिक कार्यकर्ते तथा इंजेगावचे माजी उपसरपंच मुक्ताराम गवळी यांचे मारहाण करणाऱ्या  पो.नि. हेमंत कदम यांच्यावर गुन्हा दाखल करण्याच्या मागणीसाठी सुरू असलेले उपोषणही स्थगित करण्यात आले आहे. दरम्यान बंदला पाठिंबा देणाऱ्या सर्व पक्ष सामाजिक संघटना व संस्थेचे आणि कार्यकर्त्यांचे बौद्धजन संघर्ष समितीच्या वतीने आभार व्यक्त करण्यात आले आहेत.     मंगळवार दिनांक 26 डिसेंबर रोजी बौद्धजन संघर्ष समिती परळी तालुक्याच्या वतीने परळी बंद पुकारण्यात आला आहे. या बंदला विविध पक्ष व संघटनांनी पाठिंबा दिला आहे.       मुक्ताराम गवळी हे परळी तालुक्यातील मौजे इंजेग...

  कौडगाव हुडा फाटा येथील बेमुदत धरणे आंदोलनचा १०० वा दिवस आंदोलनाचा "शताब्दी दिन" विविध उपक्रम राबवून साजरा  परळी वैजनाथ (प्रतिनिधी) तालुक्यातील कौडगाव हुडा फाटा येथील  बेमुदत धरणे आंदोलनास १०० दिवस पूर्ण झाले. आंदोलनाचा शताब्दी दिन साजरा करत विविध उपक्रम राबवण्यात आले. त्यानिमित्ताने छत्रपती शिवाजी महाराजांना १०० तोफांची सलामी देण्यात आली. कुणबी  नोंदी मिळण्यास अडचणी येऊ नयेत म्हणून प्रत्येक गावातील समजबांधवांचे दहा ते पंधरा अर्जाचे नमुने भरून घेण्यात आले. तसेच  "२० जानेवारी.. मुंबई वारी".. नाव नोंदणी फार्म भरून घेण्याची मोहीम सुरू करण्यात आली. "२० जानेवारी.. मुंबई वारी"..फॉर्मवर संघर्ष योद्धा मनोज जरांगे पाटील यांची स्वाक्षरी घेऊन नोंदणी फार्मचे प्रकाशन करून हा फॉर्म प्रत्येक गावात पाठवण्यात येणार आहेत.           परळी तालुक्यातील कौडगाव हुडा फाटा येथे दिनांक १७ सप्टेंबर २०२३ पासून बेमुद्दत धरणे आंदोलन सुरु आहे. मराठा योद्धा मनोज जरांगे पाटील यांच्या आंदोलनाच्या समर्थनार्थ सुरु असलेल्या या आंदोलनाची महाराष्ट्र सरकारने दखल घेऊन तात्काळ म...

मराठा आरक्षण मिळत नसल्याचे नैराश्य:   अंबाजोगाई तालुक्यातील युवकाची  आत्महत्या अंबाजोगाई -: मराठा समाजाला आरक्षण मिळत नसल्याने आलेल्या नैराष्यातून आकाश काकासाहेब जाधव (वय -२५ ) रा. तडोळा,ता.अंबाजोगाई या तरुणाने स्वताच्या शेतातील लिंबाच्या झाडाला गळफास घेऊन सोमवार २५ डिसेंबर रोजी सकाळी ११ वाजता आत्महत्या केली. आकाश जाधव हा मराठा समाजाला आरक्षण मिळावे या साठी सुरू असलेल्या सकल मराठा समाजाच्या आंदोलनात सक्रिय होता. समाजाला आरक्षण मिळत नसल्याने आलेल्या नैराष्यातून आकाश जाधव याने मराठा समाजाला आरक्षण मिळावे.अशी चिठ्ठी लिहून आत्महत्या केली.शेतात जाणाऱ्या ग्रामस्थांना त्याचे प्रेत शेतातील लिंबाच्या झाडाला लटकलेले दिसले. यानंतर ही वार्ता गावभर पसरली. ग्रामस्थांनी या घटनेची माहिती बर्दापूर पोलीस ठाण्याला कळवली. पोलीस पथकाने घटनास्थळी भेट दिली.व प्रेत पंचनामा करून शव विच्छेदन व उत्तरीय तपासणीसाठी अंबाजोगाई येथील स्वामी रामानंद तीर्थ रुग्णालयात पाठवले. तिथे रात्री उशिरापर्यंत ही प्रक्रिया सुरू होती. आकाश जाधव यांच्या पश्चात वृध्द आई -वडील,भवजई व एक छोटा पुतण्या आहे. मोठ्या भावाने ही...