माझी बातमी MB NEWS

  पट्टिवडगाव घटनेतील आरोपीच्या केज तालुक्यातुन  पोलीसांनी बांधल्या मुसक्या   अंबाजोगाई, प्रतिनिधी....        गावातीलच  रोडरोमिओच्या त्रासाला कंटाळून एका १७ वर्षिय मुलीने आत्महत्या केल्याची खळबळजनक घटना अंबाजोगाई तालुक्यातील पट्टीवडगाव येथे घडली.याप्रकरणी 'त्या' रोडरोमिओ विरुद्ध गुन्हा दाखल करण्यात आलेला आहे. गुन्हा दाखल होताच आरोपी फरार झाला होता.या घटनेच्या पार्श्वभूमीवर पालकमंत्री धनंजय मुंडे यांनी तात्काळ दखल घेत पोलीस प्रशासनाला आरोपीच्या अटकेबाबत निर्देश दिले होते. या प्रकरणातील आरोपी शोधून पोलीसांनी त्याच्या मुसक्या आवळल्या आहेत.             बारावीच्या वर्गात शिकणाऱ्या अल्पवयीन विद्यार्थिनीने राहत्या घरी गळफास घेऊन आत्महत्या केल्याची घटना मंगळवारी (दि. १०) अंबाजोगाई तालुक्यातील पट्टीवडगाव येथे घडली होती. गावातीलच एका रोडरोमिओच्या त्रासाला कंटाळून मुलीने आत्महत्या केल्याची तक्रार तिच्या आईने दिल्यानंतर  गुन्हा नोंदवण्यात आला. घराशेजारी राहणारा अकबर बबन शेख याच्यावर बर्दापूर पोलीस ठाण्यात कलम ३०५ अन्व...

  स्वतःच्या घरात चार्जिंगला लावलेला पन्नास हजाराचा मोबाईल नेला चोरुन  परळी वैजनाथ, प्रतिनिधी....         स्वतःच्याच घरात किमती वस्तू सांभाळणे आता अवघड होऊन बसले आहे. परळीत एका जणाने आपल्या स्वतःच्या घरात चार्जिंगला लावलेला 50 हजार रुपये किमतीचा मोबाईल कोणीतरी अज्ञात चोरट्याने चोरुन नेला. या प्रकरणी फिर्याद पोलिसात दाखल झाली आहे. Click & watch - 🔸 *लक्षवेधी:परळीचे अभिजीत देशमुख राजकारणात "कम बॅक" करतायत का?* • *पहा: लाईव्ह संवादातून काय मांडली भूमिका.* युट्युब वर MB NEWS ला नक्की Subscribe करा._           याबाबत पोलिस सूत्रांकडून प्राप्त अधिक माहिती अशी की, फिर्यादी अभिजीत  भीमाशंकर वारद रा. गणेशपार  यांनी आपल्या राहत्या घरी आपला 50 हजार रुपये किमतीचा सॅमसंग मोबाईल चार्जिंगला लावला होता. कोणीतरी अज्ञात चोरट्याने मोबाईल चोरून नेला. याप्रकरणी परळी शहर पोलीस ठाण्यात अज्ञात आरोपीविरुद्ध गुन्हा दाखल करण्यात आला आहे अधिक तपास मुरकुटे हे करीत आहेत. 🌑 *समाजातील विखारी विचार संपविण्यासाठी संतांचे विचार जनमानसात रुजविणे गरजेचे ...

  समाजातील विखारी विचार संपविण्यासाठी संतांचे विचार जनमानसात रुजविणे गरजेचे —ह.भ प.शामसुंदर सोन्नर महाराज  महाराष्ट्र अंनिसच्या जनप्रबोधन यात्रेची सुरुवात         अकोला (प्रतिनिधी) :   समाजातील अनिष्ट रूढी परंपरा व अंधश्रद्धांची घाण स्वच्छ करण्याचे  व विवेकी विचार रुजविण्याचे कार्य  संतांनी केले. तसेच समाजात समता आणि बंधुत्वाची मूल्य संत साहित्यात जागोजागी आढळतात. म्हणूनच समाजातील वाढता विखारी विचार कमी करायचा असेल तर संतांचा समतावादी विचार समाजात रुजविणे गरजेचे आहे. हाच विचार वारसा महाराष्ट्र अंधश्रद्धा निर्मूलन समिती पुढे चालवत आहे, असे प्रतिपादन वारकरी संप्रदायाचे राष्ट्रीय कीर्तनकार ह.भ.प. शामसुंदर महाराज  सोन्नर मुंबई  यांनी गाडगे बाबा जन्मभूमी स्थळी शेंडगाव येथे केले. Click & watch - 🔸 *लक्षवेधी:परळीचे अभिजीत देशमुख राजकारणात "कम बॅक" करतायत का?* • *पहा: लाईव्ह संवादातून काय मांडली भूमिका.* युट्युब वर MB NEWS ला नक्की Subscribe करा._      महाराष्ट्र अंनिसच्या वतीने १४ ते २३ मे २०२२ या कालावधीत आयो...

  अभिजीत देशमुखांचा लाईव्ह संवाद :परळीत चर्चा अन् राजकीय अन्वयार्थ परळी वैजनाथ, प्रतिनिधी.....      परळीतील मातब्बर राजकीय वारसा लाभलेले व मनातुन लोकांच्या  पसंतीस उतरेल असे युवकांमधील एक नाव म्हणजे अभिजीत देशमुख. सार्वजनिक क्षेत्रात गेल्या काही काळात काहिसे अलिप्त राहिलेले अभिजीत देशमुख यांनी  आपण युवक, शेतकरी यांच्याशी फेसबुक लाईव्ह च्या माध्यमातून संवाद साधणार असल्याचे सामाजिक माध्यमांमधून एक पोस्ट प्रसारित केली. आज फेसबुक लाईव्ह संवाद साधला. हे लाईव्ह व त्यामागचे तर्क वितर्क परळीत लक्षवेधी ठरले. या पार्श्वभूमीवर वेगवेगळ्या चर्चा आणि अन्वयार्थ लावल्या जावू लागले. बहुतांश राजकीय अन्वयार्थाने याचा विचार अनेकांच्या मनात सुरू झाला.      अभिजीत देशमुख यांनी आज दि.१४ रोजी दुपारी  लाईव्ह येउन संवाद साधला. याबाबतची माहिती त्यांनी अगोदरच सामाजिक माध्यमांमधून एक पोस्ट करुन दिली होती. युवकांचे मोठे संघटन त्यांनी बांधलेले आहे. हजारो युवकात त्यांचे फाॅलोवर्स आहेत.परळीत त्यांच्या नावाला मोठं वलय आहे. मधल्या काळात ते सामाजिक, राजकीय क्षेत्रात मोठ्या...

  पंकज कुमावत यांनी उस्मानाबाद शहरात टाकल्या अकरा ठिकाणी धाडी ६ लाख ७०  हजार नगदी रकमेसह साडे पंधरा लाखाचा मुद्देमाल जप्त  २९ आरोपी ताब्यात ३६ जणांवर कारवाई बीड:- सहाय्यक पोलीस अधीक्षक पंकज कुमावत यांनी विशेष पोलीस महानिरीक्षक एम मलिकार्जुन प्रसन्ना यांच्या आदेशा वरून उस्मानाबाद येथे अवैद्य जुगार मटका आणि गुटक्यावर ११ अड्ड्यावर कार्यवाही ३६ जणांच्या विरुद्ध कार्यवाही करीत १५ लाख ४९ हजार रु. चा मुद्देमाल ताब्यात घेत मोठी कार्यवाही केली असल्याने आता पंकज कुमावत यांचा आता औरंगाबाद विभागात दरारा निर्माण झाला आहे. या बाबतची माहिती अशी की, औरंगाबाद परिक्षेत्राचे विशेष पोलीस महानिरीक्षक एम. मल्लिकार्जुन प्रसन्ना यांच्या आदेशावरून उपविभाग केज उपविभागचे सहाय्यक पोलीस अधीक्षक पंकज कुमावत आणि त्यांचे सोबत पोलीस उपनिरीक्षक राजेश पाटील, पोलीस उपनिरीक्षक घोडे, पोलीस उपनिरीक्षक वैभव सारंग, पोलीस हेडकॉन्स्टेबल बाबासाहेब बांगर, बालाजी दराडे, दिलीप गित्ते, राजू वंजारे, महादेव सातपुते, सचिन अहंकारे, दिगंबर गिरी, शामराव खणपटे, रशीद शेख, मंगेश भोले, रामहरी भंडाणे, संजय टुले, सत्यप्रेम मिसाळ, ...

  परळीतील बरकतनगरचे बाप-लेक विहीरीत बुडाले ! पाणी आणायला गेलेले वडील विहिरीत बुडाले त्यांना वाचवताना मुलगाही बुडाला;दुसर्‍या मुलाला आईने वाचवले परळी वैजनाथ, प्रतिनिधी...      परळीतील बरकतनगरचे बाप-लेक विहीरीत बुडाल्याची घटना आज दि.१३ रोजी सायंकाळी ६ वा.सुमारास घडली आहे.पाणी आणण्यासाठी ते विहिरीवर गेले होते.पाणी आणायला गेलेले वडील विहिरीत पडले व बुडाले त्यांना वाचवताना त्यांचाज्ञएक मुलगाही बुडाला.दुसर्‍या मुलाने या दोघांना वाचवण्यासाठी उडी घेतली असताना तोही बुडत होता यादरम्यान त्याच्या आईने दोरी फेकून त्यास वाचवले आहे.अतिशय ह्रदयद्रावक ही घटना घडली आहे.           आज दि.१३ रोजी सायंकाळी ६ वाजता पोलीस स्टेशन परळी ग्रामीण हद्दीतील दादाहरी वडगाव शिवारातील  शेतकरी नावे 1. शेख सादिक शेख हमीद वय 58 वर्षे राहणार बरकत नगर परळी हे शेजारी नातेवाईक नामे शहादत पठाण राहणार वडगाव यांचे विहिरीवर पाणी घेणे कामी गेले असता पाय घसरुन विहीरीत पडले . त्यांना काढण्यासाठी त्यांचा मुलगा शेख रफिक शेख सादीक वय 25 वर्षे याने विहिरीत उडी मारली व एकमेकाला वाचवण्याच्या...

  पट्टीवडगाव प्रकरणातील आरोपीला तात्काळ अटक करा - धनंजय मुंडेंचे एसपीना निर्देश संबंधित घटनेतील दोषीवर कडक कार्यवाही होणार - धनंजय मुंडे मुंबई (दि. 13) - अंबाजोगाई तालुक्यातील पट्टीवडगाव येथील घटनेत एका युवतीने आत्महत्या केली असून, या प्रकरणातील फरार आरोपीला तात्काळ अटक करून कडक कार्यवाही करण्याचे निर्देश जिल्ह्याचे पालकमंत्री धनंजय मुंडे यांनी बीड जिल्हा पोलीस अधीक्षकांना दिले आहेत.  पट्टीवडगाव येथील एका महाविद्यालयीन तरुणीने एका शेजारील मुलाच्या त्रासाला कंटाळून आत्महत्या केल्याचे वृत्त समजले असून, या घटनेची गांभीर्याने दखल घेत पालकमंत्री धनंजय मुंडे यांनी दूरध्वनीवरून पोलीस अधीक्षक पंकज देशमुख यांना याबाबत तातडीने चौकशी करून संबंधित आरोपीला अटक करण्याचे निर्देश दिले आहेत.  या पद्धतीची प्रकरणे बीड जिल्ह्यात खपवून घेतली जाणार नाहीत, संबंधित घटनेची सखोल चौकशी करून पीडितेला न्याय मिळवून देण्यात कोणतीही कसर केली जाणार नाही. सदर प्रकरणातील आरोपीवर कठोर शासन केले जाणार असल्याचेही धनंजय मुंडे यांनी म्हटले आहे.

 ह.भ.प.वै. उत्तम महाराज उखळीकर यांच्या प्रथम पुण्यस्मरणानिमित्त तीन दिवशिय किर्तन महोत्सव  परळी वैजनाथ प्रतिनिधी....         परळी पंचक्रोशी तसेच परभणी,बीड जिल्हा व आळंदी-पंढरपुरसह संपूर्ण वारकरी विश्वात आदरणीय व सर्व परिचित असलेल्या संत सोपानकाका महाराज उखळीकर भजनी फडाचे प्रमुख हभप वैै.गुरुवर्य पुरुषोत्तम महाराज उखळीकर यांच्या प्रथम पुण्यस्मरणानिमित्त तीन दिवशिय किर्तन महोत्सव  आयोजित करण्यात आला आहे.     हभप वैै.गुरुवर्य पुरुषोत्तम महाराज उखळीकर यांच्या प्रथम पुण्यस्मरणानिमित्त परळी येथील संत सोपानकाका महाराज मंदिर (उखळीकर भजनी फड) येथे दि.१५,१६ व १७ मे या तीन दिवशिय सोहळ्याचे आयोजन करण्यात आले आहे. त्याचप्रमाणे विविध धार्मिक कार्यक्रमांचे आयोजन करण्यात आले आहे. तीन दिवस सकाळसत्र  व संध्याकाळ अशा दोन सत्रात महाराष्ट्रातील ख्यातनाम किर्तनकार किर्तनसेवा करणार आहेत.दि.१५ मे रोजी  दुपारी १२ ते २  संत तुकाराम महाराज यांचे वंशज हभप बापुसाहेब महाराज मोरे देहूकर, रात्री ८ ते १० ह.भ.प.व्याकरणाचार्यअर्जुन महाराज लाड गुरुजी, दि.१...

  बुध्द जयंतीनिमित्त१६ मे रोजी परळीत भव्य मिरवणूक परळी(प्रतिनिधी)÷ तथागत भगवान गौतम यांची2566वी जयंती परळी शहरात मोठ्या उत्साहाने दि.16/5/2022साजरी करण्यात येणार असून,त्यानिमित्त विविध कार्यक्रमाचे आयोजन करण्यात आले आहे.दि16मे 2022रोजी,सांय.5:00वाजता भिमनगर,येथून बुध्द प्रतिमेची भव्य मिरवणुक निघणार असल्याची माहिती बुध्द वंदना संघाने दिली आहे.      बुध्द वंदना संघाच्या वतीने यावर्षी बुध्द जयंतीनिमित्त विविध कार्यक्रमाचे नियोजन करण्यात आले आहे.सकाळी9:00वाजता धम्मध्वजारोहन होणार असून,9:30वाजता "खिरदान" तर सांय.5:00वाजता भिमनगर येथुन भव्य अशी मिरवणूक निघणार असून सदरील मिरवणुक भिमनगर,गणेशपार,मिलिंद काॅलेज,टाॅवर चौक,मोंढा,मार्गे रेल्वे स्टेशन येथील डाॅ बाबासाहेब आंबेडकर पूतळा येथे रार्त्रो 8:00वाजता विसर्जन होणार आहे,तरी परळी शहर व परिसरातील बौध्द उपासक व उपासिकांनी या मिरवणूकीत शुभ्र वस्त्र परिधान करून सहभागी व्हावे असे आवाहन,बुध्द वंदना संघाने केले आहे

  धर्मवीर मुक्काम पोस्ट ठाणे... चित्रपटाचे परळीत जोरदार स्वागत  फटाके फोडून शोचा परळीत शुभारंभ   धर्मवीर मुक्काम पोस्ट ठाणे या सुपरहिट चित्रपटाचे परळी वैजनाथ येथे शिवसेनेचे बीड जिल्हा उपप्रमुख तथा जिल्हा नियोजन समिती सदस्य  अभयकुमार उर्फ पप्पू अण्णा ठक्कर,युवा सेनेचे जिल्हा समन्वयक प्रा.अतुल दुबे सर यांच्या नेतृत्वाखाली शिवसेनेच्या वतीने फटाके फोडून भव्यदिव्य असे स्वागत करण्यात आले. धर्मवीर स्व.आनंद दिघे साहेब यांचा जीवनावरती आधारीत वंदनीय शिवसेनाप्रमुख बाळासाहेब ठाकरे आणि  शिवसेने वरती असलेल्या निष्ठेचे दर्शन घडवणारा  चित्रपट धर्मवीर मुक्काम पोस्ट ठाणे या सुपरहिट मराठी चित्रपटाची महाराष्ट्रातील शिवसैनिक आतुरतेने वाट पाहत होते.  तो चित्रपट  दिनांक 13 मे रोजी संपूर्ण महाराष्ट्रामध्ये प्रदर्शित झाला असून परळी वैजनाथ येथे शिवसेनेचे बीड जिल्हा उपप्रमुख तथा जिल्हा नियोजन समिती सदस्य  अभयकुमार उर्फ पप्पू  ठक्कर,युवा सेनेचे जिल्हा समन्वयक प्रा.अतुल दुबे सर यांच्या नेतृत्वाखाली शिवसेनेच्या वतीने फटाके फोडून  पहिल्या शोची सुरुवात करत...

  आजचा कोविड अहवाल: बीड जिल्ह्यात हजारात एक पाॅझिटिव्ह  परळी वैजनाथ, प्रतिनिधी....        गेल्या अनेक दिवसापासून आरोग्य प्रशासनाच्या वतीने कोविड -१९ रुग्णांच्या बाबतीत दैनंदिन अहवाल जाहीर करण्यात येतो. आजच्या कोविड- 19 दैनंदिन अहवालात जिल्ह्यात पाॅझिटिव्ह रुग्णसंख्या ओसरत असतानाच जिल्ह्याची संख्या हळूहळू झिरो पाॅझिटिव्हकडे जाताना दिसत आहे.बीड जिल्ह्यात हजारात एक पाॅझिटिव्ह  आहे.       आज बीड जिल्ह्यात एक पाॅझिटिव्ह रुग्णसंख्या आढळून आलेली आहे. आष्टी तालुक्यातील हा रिपोर्ट आहे. आजच्या आहवालात  १०२५ पैकी ०१ अहवाल पाॅझिटिव्ह आहे. जिल्ह्याची आकडेवारी झिरो होताना दिसत आहे. असं असलं तरी कोरोना संसर्गाची साखळी मात्र संपुर्णतः तुटलेली दिसून येत नाही. झिरो कोरोणा करण्याच्या दृष्टीने नागरिकांनी सतर्कता बाळगण्याची नितांत आवश्यकता असून कोविड विषयक नियमांचे पालन करावे, मूलभूत काळजी घेण्याचे आवाहन करण्यात येत आहे.

  पुणे रेल्वे स्थानकात तीन जिलेटीन कांड्या आढळल्याने खळबळ...! पुणे  : पुणे रेल्वे स्थानकावर तीन जिलेटीनच्या कांड्या आढळल्याने एकच खळबळ माजली आहे. यामुळे पुणे रेल्वे स्थानकामधील प्लॅटफॉर्म 1 आणि 2 पूर्णपणे रिकामे करण्यात आले आहेत. खबरदारीचा उपाय म्हणून पुणे रेल्वे स्थानकावरील वाहतूक देखील काहीकाळासाठी थांबवण्यात आली आहे. तसेच रेल्वेस्थानकाच्या प्रवेशद्वारा जवळ मोठ्या प्रमाणात बॅरिकेट्स लावण्यात आले आहेत. फ्लॉटफोर्म क्र्मांक १ वर पोलिअसांना या जिलेटीन कांड्या आढळल्या. यानंतर बॉंम्बशोधक पथकाला पाचारण करण्यात आले असुन आता या कांड्या तेथुन जवळच्या मोकळ्या मैदानात नेण्यात आल्या आहे. दरम्यान पुणे रेल्वे स्थानकावर वरिष्ठ पोलीअस अधिकारी तसेच श्वान पथक आले असुन ते रेल्वेस्थानकच्या झाडाझडतीघेत आहे.तसेच पोलीस या प्रकरणाचा तपास करत आहेत.

नौकरी:इंडिया पोस्ट पेमेंट बँकेत नौकरभरती  इंडिया पोस्ट पेमेंट बँक अंतर्गत कार्यकारी पदांच्या 650 रिक्त जागा भरण्यासाठी पात्र उमेदवारांकडून ऑनलाईन पद्धतीने अर्ज मागविण्यात येत आहेत. • पद संख्या : 650 • पदाचे नाव : कार्यकारी  • शैक्षणिक पात्रता : मुळ जाहिरात पाहावी. • अर्ज करण्याची पद्धत : ऑनलाईन • अधिकृत वेबसाईट : https://www.ippbonline.com/ • अर्ज करण्याची शेवटची तारीख : 20 मे 2022

  खळबळजनक:शेजारच्या मुलाकडून सतत छेड; त्रासाला कंटाळून १७ वर्षिय विद्यार्थिनीने घेतला गळफास अंबाजोगाई, प्रतिनिधी....        गावातीलच एका रोडरोमिओच्या त्रासाला कंटाळून एका १७ वर्षिय मुलीने आत्महत्या केल्याची खळबळजनक घटनाअंबाजोगाई तालुक्यातील पट्टीवडगाव येथे घडली.याप्रकरणी 'त्या' रोडरोमिओ विरुद्ध गुन्हा दाखल करण्यात आला आहे.या घटनेने खळबळ उडाली आहे.आरोपी अटक करण्यात अद्याप पोलीसांना यश आले नसुन गुन्हा दाखल होताच आरोपी फरार झाला असल्याची माहिती समोर आली आहे.           बारावीच्या वर्गात शिकणाऱ्या अल्पवयीन विद्यार्थिनीने राहत्या घरी गळफास घेऊन आत्महत्या केल्याची घटना मंगळवारी (दि. १०) अंबाजोगाई तालुक्यातील पट्टीवडगाव येथे घडली होती. गावातीलच एका रोडरोमिओच्या त्रासाला कंटाळून मुलीने आत्महत्या केल्याची तक्रार तिच्या आईने दिल्यानंतर  गुन्हा नोंदवण्यात आला आहे. दिपाली रमेश लव्हारे (वय १७, रा. पट्टीवडगाव) असे आत्महत्या केलेल्या विद्यार्थिनीचे नाव आहे. तिने नुकतीच बारावीची परिक्षा दिली होती. दिपालीचे वडील राज्य परिवहन मंडळात चालक असून सध्...

  आजचे राशिभविष्य  मेष- वाद-विवादात यश मिळेल.सत्याचा विजय होईल. कामे मार्गी लागतील. इच्छा-आकांक्षा पूर्ण होतील. आर्थिक प्रगती होईल.   वृषभ- सतत कामामुळे आरोग्याच्या तक्रारी संभवतात. गुंतवणूक करण्यासाठी अयोग्य दिवस. जुन्या गुंतवणुकीत नुकसान होईल. संयमाने वागा. मिथुन-बुद्धिचातुर्याची आवश्यकता आहे. मनाविरुद्ध घटना घडतील. कौटुंबिक पेचप्रसंग, ताणतणाव निर्माण होईल. मनःस्ताप होण्याची शक्यता. कर्क- यशाकडे वाटचाल कराल. वाणीच्या प्रभावामुळे लोकानुकूलता प्राप्त होईल. मनासारख्या घटना घडतील. कला व खेळात यश मिळवाल. सिंह- अनावश्यक बोलण्यामुळे मनःस्ताप होईल. कौटुंबिक स्वास्थ्य बिघडेल. अनावश्यक खर्च होईल. प्रतिक्रिया सावधपणे द्या. वस्तू सांभाळा. कन्या- प्रयत्नांना यश मिळेल. जुन्या मित्रमंडळीची भेट झाल्यामुळे प्रसन्नता प्राप्त होईल. अतिथ्यात दिवस जाईल. खरेदीचा आनंद घ्याल. तुळ-वाणीवर नियंत्रण आवश्यक आहे. जामीन राहू नका. डोळे झाकून कशावरही सही करू नका. आर्थिक नुकसान व फसवणुकीची शक्यता आहे. वृश्चिक- दिवस आनंददायी जाईल. व्रत-वैकल्यांचा दिवस. मानसिक समाधान देईल. आपसातील मतभेद मिटतील. आर्थिक व...

  देशाच्या मुख्य निवडणूक आयुक्तपदी राजीव कुमार          देशाच्या मुख्य निवडणूक आयुक्त  पदी राजीव कुमार यांचे नाव घोषित झाले आहे. ते आपल्या पदाचा पदभार 15 मे रोजी स्वीकारतील. यासंदर्भातील अधिसूचना जारी करण्यात आली असून विद्यमान मुख्य निवडणूक आयुक्त सुनील चंद्रा हे 14 मे रोजी निवृत्त होत आहेत. राजीव कुमार हे 1984 च्या बॅचचे आयएएस (IAS)अधिकारी आहेत. 2 सप्टेंबर 2020 रोजी निवडणूक आयुक्त म्हणून त्यांनी पदभार स्वीकारला होता. तर ते 15 मे 2022 ते 18 फेब्रुवारी 2025 या कालावधीत देशाच्या मुख्य निवडणूक आयुक्त म्हणून पदभार सांभाळतील. घटनेनुसार निवडणूक आयुक्तांचा कार्यकाळ हा सहा वर्षे किंवा वयाच्या ६५ वर्षापर्यंत असतो. भारत सरकारच्या  36 वर्षांहून अधिक सेवा करताना, राजीव कुमार यांनी केंद्रातील विविध मंत्रालयांमध्ये आणि बिहार/झारखंडच्या त्यांच्या राज्य केडरमध्ये काम केले आहे. B.Sc, LLB, PGDM आणि MA पब्लिक पॉलिसीची शैक्षणिक पदवी असलेले राजीव कुमार यांना सामाजिक क्षेत्र, पर्यावरण आणि वन, मानव संसाधन, वित्त आणि बँकिंग क्षेत्रांमध्ये कामाचा मोठा अनुभव आहे.   ...