माझी बातमी MB NEWS

  26 डिसेंबरला दिव्यांग, विधवा,परित्यक्ता, ज्येष्ठ नागरिक यांच्या विविध मागण्यांसाठी आंदोलन- डॉ. संतोष मुंडे परळी वैजनाथ, प्रतिनिधी      दिव्यांग, विधवा, परित्यक्ता  ज्येष्ठ नागरिक यांना लाभ मिळवून देणाऱ्या योजनांची अंमलबजावणी होत नसल्याने या घटकांचे प्रश्न प्रलंबित आहेत. त्यांच्या विविध मागण्यांसाठी परळी तहसील कार्यालयावर 26 डिसेंबर रोजी तीव्र आंदोलन करण्यात येणार असल्याचा इशारा दिव्यांगाचे कैवारी तथा राष्ट्रवादी युवक काँग्रेसचे  प्रदेश उपाध्यक्ष डॉ. संतोष मुंडे यांनी दिला आहे.        डॉ. संतोष मुंडे हे नेहमीच दिव्यांगासाठी सक्रियपणे काम करतात. दिव्यांगासाठी सातत्याने लढा देऊन विविध योजनांचा लाभ त्यांनी दिव्यांगांना मिळवून दिला आहे. सामाजिक भावनेतून प्रामाणिकपणे विविध लोक उपयोगी व उपेक्षित घटकांना न्याय मिळेल अशा प्रकारचे उपक्रम, आंदोलन ते नेहमीच करतात. फाटलेले, खराब झालेले, जुने, रेशन कार्ड नूतनीकरण असो की दिव्यांगांसाठी विविध शिबिरांचे आयोजन करणे असो या सर्व स्तरावर ते सातत्याने पुढाकार घेऊन कार्यरत आहेत.        ...

  स्वा.वि.दा.सावरकर नागरी सहकारी पतसंस्थेची वार्षिक  सर्वसाधारण सभा ● सभासदांना १०  टक्के लाभांश जाहीर● ग्राहक व ठेवीदारांच्या विश्‍वासावर  वाटचाल -बाजीराव धर्माधिकारी परळी वैजनाथ /प्रतिनिधी-दि. शहरातील अग्रगण्य पतसंस्था स्वा.वि.दा. सावरकर नागरी सहकारी पतंसस्थेने अल्पावधीतच ग्राहकांचा विश्‍वास संपादन केला आहे.शहरातील बँकींग क्षेत्रात ग्राहक सेवेत तत्पर व बँकीग व्यवहारात विश्‍वासार्ह पतसंस्था म्हणुन असलेली ओळख कायम ठेवत पतसंस्थेने गेल्या आर्थिक वर्षात ठरवलेले ठेवींचे उद्दीष्ट पुर्ण केले आहे.पतसंस्थेने सरत्या आर्थिक वर्षात 38 कोटी 11लाख रूपयांच्या ठेवीचे उद्दीष्ट गाठले असुन ग्राहक व ठेवीदारांच्या विश्‍वासावरच ही वाटचाल आहे.असा विश्‍वास पतसंस्थेचे चेअरमन बाजीराव भैय्या धर्माधिकारी यांनी व्यक्त केला आहे. संस्थेची वार्षिक सर्वसाधारण सभा खेळीमेळीच्या वातावरणात संपन्न झाली यावेळी ते बोलत होते.           संस्थेच्या कार्यालयात आज अध्यक्ष बाजीराव धर्माधिकारी यांच्या अध्यक्षतेखाली वार्षिक सर्वसाधारण सभ...

  भाजप नेते जयकुमार गोरे यांच्या गाडीला अपघात, 50 फूटावरून कार नदीत कोसळली         भाजपचे जिल्हाध्यक्ष आणि विद्यमान आमदार जयकुमार गोरे यांच्या गाडीला फलटण येथे अपघात झाला. या अपघातात जयकुमार गोरे हे जखमी झालेले आहेत. अधिक उपचारासाठी त्यांना पुणे येथील खाजगी रुग्णालयात दाखल करण्यात आले आहे. भारतीय जनता पार्टीचे जिल्हाध्यक्ष आणि आमदार जयकुमार गोरे यांच्या गाडीचा फलटण लोणंद रस्त्यावर अपघात झाला. फलटण शहरानजीक स्मशानभूमीजवळ बाणगंगा नदीवरील पुलावरून गाडी ५० फूट खाली कोसळून हा अपघात झाला. पहाटे तीन वाजण्याच्या सुमारास आमदार जयकुमार गोरे हे लोणंद कडून फलटणच्या दिशेने येत होते. यावेळी चालकाला पुलाचा अंदाज न आल्याने गाडी पुलावरून खाली कोसळली. यामध्ये आमदार जयकुमार गोरेंसह त्यांचे स्वीय सहाय्यक, बॉडीगार्ड आणि चालक असे चौघेजण या अपघातात जखमी झाले आहेत. खासदार रणजितसिंह नाईक निंबाळकर यांना याबाबत आमदार जयकुमार गोरे यांनी जखमी अवस्थेत मोबाईल वरुन कळवताच पुढील चक्रे फिरुन जखमींना फलटण, बारामती आणि पुणे येथे दाखल करण्यात आले आहे.

  सानिया मिर्झाची आकाशाला गवसणी, बनणार भारताची 'पहिली मुस्लिम महिला फायटर पायलट' भारतातील एका छोट्याशा खेड्यातील एका टीव्ही मेकॅनिकची मुलगी सानिया मिर्झा भारताची पहिली मुस्लिम फायटर पायलट होण्यास सज्ज झाली आहे. तिने नॅशनल डिफेन्स अॅकॅडमी परीक्षेत 149 वी रँक मिळवत आकाशाला गवसणी घातली आहे. तर एनडीएमधील महिलांसाठी राखीव असलेल्या 19 जागांमध्ये सानियाने दुसरे स्थान पटकावले आहे. सानिया ही उत्तर प्रदेशच्या देहात कोतवाली पोलीस ठाण्याच्या हद्दीत येणा-या जसोवर नावाच्या छोट्या गावातील एक टीव्ही मेकॅनिक शाहीद अली यांची ती मुलगी आहे. तीने तिच्या गावातील पंडित चिंतामणी दुबे इंटर कॉलेजमधून हायस्कूल पूर्ण केले. दहावीनंतर बारावी पूर्ण करण्यासाठी मिर्झापूर शहरातील गुरु नानक गर्लस् इंटर कॉलेजमध्ये प्रवेश घेतला. एनडीएची परीक्षा क्रॅक करणारी सानिया ही जिल्ह्यातील यूपी बोर्डात बारावीतही टॉपर होती. एप्रिल 2022 मध्ये ती या प्रतिष्ठित एडीए परीक्षेला बसली आणि 149 व्या क्रमांकाने ती उत्तीर्ण झाली. महाराष्ट्रातील पुणे जिल्ह्यातील खडकवासला एनडीएमध्ये तिला ती 27 डिसेंबर 2022 ला सामील होणार आहे. जर इथून...

  महाराष्ट्र विद्यालय हे उपेक्षितांच्या आधार : प्रा.डॉ.माधव रोडे  राष्ट्रीय गणित दिनानिमित्त गणित व विज्ञान प्रदर्शन संपन्न परळी / प्रतिनिधी  सहा दशकापासून महाराष्ट्र विद्यालय शेतकरी, शेतमजूर व उपेक्षितांचा म्हणून कार्य करीत असून या विद्यालयात विद्यार्थ्यांना पुस्तकी ज्ञानासोबत माणूस म्हणून कसे जीवन जगावे याचे ज्ञान दिले जाते असे मत परळी येथील वैद्यनाथ महाविद्यालयाचे भौतिक शास्त्र विभाग प्रमुख प्रा.डॉ.माधव रोडे यांनी व्यक्त केले.राष्ट्रीय गणित दिनानिमित्त आयोजित एक दिवसीय गणित व विज्ञान प्रदर्शन कार्यक्रम प्रसंगी ते प्रमुख मार्गदर्शक म्हणून ते उपस्थित होते. ग्रामीण भागातील सर्वात मोठी व गुणवत्तापूर्ण शिक्षण देणारी शाळा म्हणून ओळख असलेल्या महाराष्ट्र शिक्षण संस्था मोहा संचलित महाराष्ट्र प्राथ,माध्य व उच्च माध्य विद्यालयात गणित व विज्ञान विभागाच्या वतीने 'राष्ट्रीय गणित दिन 'मोठ्या हर्षोल्लासात साजरा करण्यात आला. या उदघाटन प्रसंगी परळी पंचायत समितीचे गट शिक्षणाधिकारी नवनाथ सोनवणे हे उदघाटन म्हणून, संस्थेचे सचिव एड.अजय बुरांडे,जेष्ठ संचालक सुदामदादा देशमुख, सुदाम शिंदे,पार...

  इंजेगाव जि.प.शाळेत एक महिन्याच्या आत पिण्याच्या पाण्याची फिल्टर बसवून सोय करणार- सरपंच सौ.विद्या अमोल कराड परळी वैजनाथ (प्रतिनिधी) :-       तालुक्यातील इंजेगाव ग्रामपंचायत निवडणुकीत नुकतेच सरपंचपदी विराजमान झालेले सौ. विद्या अमोल कराड यांनी गावातील जिल्हा परिषद प्राथमिक शाळेस भेट दिली.यावेळी त्यांचा शाळेच्या वतीने सत्कार करण्यात आला.      शाळेत भेट देऊन सौ. विद्या अमोल कराड यांनी शाळेतील अडीअडचणी समजून घेतल्या.समस्या‌ जाणून घेतल्या.यावेळी शाळेतील विद्यार्थ्यांनी तसेच शिक्षकांनी त्यांचा सत्कार केला.शाळेतील समस्या कोणतीही असो ती तर सोडवणारच गावातील मुलांना चांगले शिक्षण मिळावे यासाठी प्रयत्न करणार असे सांगून पिण्याच्या पाण्यासाठी एक महिन्याच्या आत बोअर घेऊन फिल्टर बसविण्यात येणार असल्याचेही सरपंच सौ. विद्या अमोल कराड यांनी सांगितले.   बचत गटांचे प्रश्न प्रधान्याने सोडवू - सरपंच सौ.विद्या अमोल कराड तालुक्यातील इंजेगाव ग्रामपंचायत निवडणुकीत नुकतेच सरपंचपदी विराजमान झालेले सौ. विद्या अमोल कराड यांनी आज गुरुवार दि.22 डिसेंबर पासून कामाला सुरुवा...

  सोमनवाडी गावाच्या विकासाला चालना देण्यासाठी भरपूर निधी देऊ-पंकजाताई मुंडे गोविंद सोनवणे यांच्या नेतृत्वाखाली सोमनवाडी ग्रामपंचायत भाजपच्या ताब्यात    सोमनवाडी गावच्या सर्वांगीण विकासासाठी आम्ही कटिबद्ध- सौ. युमना शिवाजी सोनवणे  अंबाजोगाई (प्रतिनिधी) :-             अंबाजोगाई तालुक्यातील सोमनवाडी ग्रामपंचायत महाराष्ट्र राज्याच्या माजी मंत्री व भाजपच्या राष्ट्रीय सचिव पंकजाताई मुंडे यांच्या नेतृत्वाखाली ग्रामपंचायतीवर भारतीय जनता पक्षाचे वर्चस्व निर्माण केले आहे. गोविंद सोनवणे यांनी उभा केलेल्या सोमनवाडी जनसेवा विकास    पॅनेलला 7 पैकी 7 जागेवर  व सरपंचपदी सौ. युमना शिवाजी सोनवणे यांच्या दणदणीत विजय झाला आहे. ग्रामपंचायतीवर पंकजाताई मुंडे यांच्या नेतृत्वाखालील पॅनलची सरशी झाली असून. सोमनवाडी ग्रामपंचायतही पंकजाताईंच्या ताब्यात आली आहे.सोमनवाडी गावाच्या विकासाला चालना देण्यासाठी भरपूर निधी देऊ  असे आश्वासन पंकजाताई मुंडे यांनी दिले.             सोमनवाडी ग्रामपंचायतीसाठी 18 डिसे...

  नंदनज ग्रामपंचायत भाजपच्या ताब्यात, सरपंचपदी शिवकन्या योगीराज गुट्टे यांच्यासह पाच सदस्यांचा विजय सरपंच व सदस्य यांचा पंकजाताई मुंडेंनी केला सर्वांचा सत्कार परळी वैजनाथ (प्रतिनिधी) :-  भाजपच्या राष्ट्रीय सचिव पंकजाताई मुंडे व खा. डॉ.प्रितमताई मुंडे यांच्या नेतृत्वाखाली परळी तालुक्यातील नंदनज ग्रामपंचायत भाजपच्या ताब्यात आली आहे. ग्रामपंचायत निवडणुकीत सरपंच पदाचे उमेदवार शिवकन्या योगीराज गुट्टे यांच्यासह पाच उमेदवार बहुमताने विजयी झाले आहेत.  यशःश्री निवासस्थान सरपंच व सदस्यांचा पंकजाताईं मुंडे यांनी अभिनंदन करून सत्कार करण्यात आला.      मंगळवार दि.20 रोजी जाहिर झालेल्या निकालात श्री संत केदारेश्वर जनसेवा विकास पॅनलचे  कै. योगीराज गुट्टे यांच्या पत्नी सरपंच शिवकन्या योगीराज गुट्टे यांच्यासह सदस्य म्हणुन सुनंदा  शिवाजी गुट्टे,सतीश बाबुराव गायकवाड, नाथराव हरिभाऊ गुट्टे, देवशाला सोमनाथ गुट्टे, अरविंद बापूराव गुट्टे हे सर्व बहुमताने विजय झाले आहेत.निकालानंतर विजयी उमेदवार व गावकर्यांनी नंदनज येथे विजयोत्सव साजरा केला.   भाजपच्या राष्ट्रीय सचिव...

  राजकीय अध्यात्मिक आघाड्यांचा सामाजिक एकात्मतेला धोका-ह.भ.प. शामसुंदर महाराज सोन्नर यांचा इशारा आजरा (प्रतिनिधी) : जो वारकरी संप्रदाय जात, धर्म, पंथ आणि पक्षाच्या बंधनापासून दूर होता त्याला आता राजकीय  अध्यात्मिक आघाड्यांचे ग्रहण लागत आहे. या राजकीय आघाड्यापासून सामाजिक एकात्मतेला धोका निर्माण होईल, असा इशारा ज्येष्ठ पत्रकार आणि प्रसिद्ध कीर्तनकार ह.भ.प. शामसुंदर महाराज सोन्नर यांनी दिला. अजरा येथील पहिल्या कीर्तनकार संमेलनाच्या अध्यक्ष पदावरून ते बोलत होते. आजरा येथील बाजार मैदानात सारथी फाऊंडेशनच्या वतीने कीर्तनकार संमेलनाचे आयोजन केले होते. प्रमुख पाहुणे म्हणून श्री संत ज्ञानेश्वर महाराज पालखी सोहळ्याचे चोपदार राजाभाऊ महाराज उपस्थित होते. तर उद्घाटक म्हणून देवदत्त परुळेकर यांनी हजेरी लावली. यावेळी बोलताना शामसुंदर महाराज पुढे म्हणाले की, आज वारकरी संप्रदायाला राजकीय ग्रहन लागू पहात आहे. त्यासाठी राजकीय आघाड्या तयार होत आहेत. एका राष्ट्रीय पक्षाची अध्यात्मिक आघाडी चार-दोन वर्षापूर्वीच निर्माण झाली आहे. या आघाडीकडून धार्मिक अस्मितांच्या आडून इतर धर्मियांविषयी द्वेष पसरवू...

  सरपंचाला आता  दोन मतांचा अधिकार थेट निवडणुकीतून निवडून आलेल्या सरपंचाला आता उपसरपंच निवडीत दोन मतांचा अधिकार प्राप्त झाला असल्याने एकाच गटातील दोन इच्छुकां पैकी आता ते अधिकचे मत कुणाला मिळेल ! तोच उपसरपंचपदी विराजमान होणार आहे. सरपंच पदाच्या खालोखाल उपसरपंच पद प्रतिष्ठेचे समजले जाते त्यामुळे आता उपसरपंच पदाच्या तडजोडी आणि घोडेबाजार होण्याची शक्यता नाकारता येत नाही. मात्र आता होणाऱ्या उपसरपंचाच्या निवडी संदर्भात ग्राम विकास विभाग दि. ३० सप्टेंबर२०२२ महाराष्ट्र ग्रामपंचायत अधिनियम, १९५९ मधील कलम ३३ नुसार उपसरपंच यांच्या निवडणूकीची प्रक्रीया याची माहिती देण्यात आली आहे. उपसरपंच पदाच्या निवडणूकीमध्ये पहिल्या फेरीत सरपंच यांना मतदानाचा अधिकार प्राप्त झाला आहे. उपसरपंच पदाच्या निवडणूकीमध्ये समसमान मते पडल्यास सरपंचाला निर्णायक मत देण्याचा हक्क प्राप्त झाला आहे. उपसरपंचाची निवडणूक ही सरपंच यांच्या अध्यक्षतेखाली घेणे व उपसरपंच यांची निवड करणे कायद्याने बंधनकारक आहे. उपसरपंच पदाची निवडणूकीची सभा तहकुब झाल्यास मुंबई ग्रामपंचायत निवडणूक नियम १९६४ च्या नियम १२ मधील तरतुदीनुसार सदरची...

  ज्येष्ठ नेते बबनराव पाचपुतेंची तब्येत बिघडली, विधिमंडळातून थेट हॉस्पिटलमध्ये भरती नागपूर : माजी मंत्री व भाजपचे ज्येष्ठ नेते आमदार यांची प्रकृती खालावल्याने त्यांना विधान भवनातून रुग्णवाहिकेत टाकून खासगी रुग्णालयात दाखल करण्यात आले.  बबनराव पाचपुते यांना आज दुपारी विधान भवनात श्वसनाचा त्रास सुरू झाला. बबनराव पाचपुते मागील अनेक दिवसांपासून आजारी आहेत. सार्वजनिक जीवनातला त्यांचा वावरही कमी झाला आहे. मात्र अधिवेशनाच्या निमित्ताने ते नागपुरात आले आहेत. बबनराव पाचपुतेंना आज त्रास सुरु झाल्यावर त्यांच्या सहकाऱ्यांनी परिसरातील प्राथमिक आरोग्य केंद्रात त्यांना नेलं. तिथे डॉक्टरांनी त्यांची तपासणी केली. त्यात त्यांना श्वास घेण्यास त्रास होत असल्याने डॉक्टरांनी शासकीय रुग्णालयात दाखल करण्याचा सल्ला दिला. परंतु पाचपुतेंच्या विनंतीवरून त्यांना खासगी रुग्णालयात भरती करण्यात आले. तुर्तास त्यांची प्रकृती स्थिर असल्याचे डॉक्टरांकडून सांगण्यात आले.  रुग्णवाहिका फसली  बबनराव पाचपुते यांना रुग्णालयात दाखल करून रुग्णवाहिका परत विधान भवन परिसरात आली. विधान भवनाच्या मागच्या द्वारातून ...

  भाजपच्या 'फायटर आमदार' गेल्या, मु्क्ता टिळक यांचं पुण्यात निधन पुण्यातील कसबा मतदारसंघाच्या भाजपच्या आमदार तथा पुण्याच्या माजी महापौर मुक्ता टिळक यांचं निधन झालं आहे. त्या ५७ वर्षांच्या होत्या. गेल्या अनेक महिन्यांपासून त्या कर्करोगाशी झुंजत होत्या. पुणे :  पुण्यातील कसबा मतदारसंघाच्या भाजपच्या आमदार तथा पुण्याच्या माजी महापौर मुक्ता टिळक यांचं निधन झालं आहे. त्या ५७ वर्षांच्या होत्या. गेल्या अनेक महिन्यांपासून त्या कर्करोगाशी झुंजत होत्या. पुण्यातील गॅलेक्सी केअर रुग्णालयात त्यांच्यावर उपचार सुरु होते. तिथेच त्यांनी अखेरचा श्वास घेतला. भाजपच्या प्रामाणिक कार्यकर्त्या, पक्षादेशाला त्यांनी नेहमी प्रमाण मानून राजकीय जीवनात काम केलं. अगदी कर्करोगाशी झुंजत असताना त्यांनी व्हिलचेअर बसून मुंबईत येऊन मतदान केलं. कर्तव्यनिष्ठेला महत्त्व देणाऱ्या कार्यकर्त्या आज आमच्यातून गेल्या, अशा भावना पुणे भाजपचे पदाधिकारी करत आहेत. मुक्ता शैलेश टिळक २०१९ च्या राज्य निवडणुकीत भारतीय जनता पक्षाच्या सदस्या म्हणून कसबा पेठेतून विधानसभेवर निवडून आल्या होत्या. २०१७ ते २०१९ या काळात त्या पुण्याच्...

  जयंत पाटील यांना एक वर्षासाठी निलंबित करणार? राष्ट्रवादीचे प्रदेशाध्यक्ष आमदार जयंत पाटील यांना एक वर्षासाठी निलंबित करण्याची मागणी सत्ताधारी गटातील सदस्यांनी केली आहे. या संदर्भात विधानसभा अध्यक्षांच्या दालनात बैठक सुरू आहे. जयंत पाटील यांनी विधानसभा अध्यक्षांसदर्भात अपशब्द वापरल्याचा आरोप सत्ताधारी गटातील सदस्यांनी केला आहे.  दिशा सालियन प्रकरणी एसआयटीची मागणी सत्ताधाऱ्यांनी केली, यावेळी दालनात विरोधकांना बोलू देत नसल्याचा आरोप करण्यात आला. यावेळी विरोधी पक्षातील सदस्य दालनात उतरले. यावेळी राष्ट्रवादीचे प्रदेशाध्यक्ष आमदार जयंत पाटील यांनी विधानसभा अध्यक्षांना अपशब्द वापरल्याचा आरोप सत्ताधारी गटातील सदस्यांनी केला आहे. विधानसभेत गाजला AU मुद्दा! दिशा सालियान मृत्यू प्रकरणी गोंधळ; सभागृहात काय घडलं? या संदर्भात आता मुख्यमंत्री एकनाथ शिंदे यांच्यासह उपमुख्यमंत्री देवेंद्र फडणवीस आक्रमक झाले आहेत. विधानसभा अध्यक्षांच्या दालनात सध्या बैठक सुरू आहे.  विधानसभेत गाजला AU मुद्दा!  एकीकडे संसदेच्या हिवाळी अधिवेशनात खासदार राहुल शेवाळे यांनी सुशांत सिंह राजपूत मृत्...

  "आधी राजीनामा द्या, मग काय करायचे ते करा" राज ठाकरेंची मनसे सैनिकांना ताकीद           “माझ्या पक्षातील कोणालाही पक्षांतर्गत बाबींवर काही म्हणणं मांडायचं असेल तर संबंधित नेत्यांशी बोला, माझ्याशी बोला. पण हे सोडून जर थेट माध्यमांशी बोलायचं असेल किंवा सोशल मीडियावर जाऊन गरळ ओकायची असेल, तर आधी राजीनामा द्या, मग काय घाण करायची आहे ती करा.” असं ट्विट करत मनसे अध्यक्ष राज ठाकरे आक्रमक झाले आहेत. पक्षांतर्गत असलेल्या गटबाजीला उद्देशून त्यांनी पत्र लिहित संताप व्यक्त केला आहे. गेले काही दिवस मनसेमध्ये गटबाजीच्या अनेक घटना समोर येत आहेत. सोशल मीडियाच्या माध्यमातूनही पक्षातील अंतर्गत गटबाजीचे दर्शन वेळोवेळी झाले आहे. या अनुषंगाने राज ठाकरे यांनी आपल्या पक्षातील पदाधिकारी आणि कार्यकर्ते यांना पत्र लिहित धारेवर धरले आहे. महाराष्ट्र नवनिर्माण सेनेतील प्रत्येकाने पक्षशिस्त पाळायलाच हवी! असं लिहित हे ट्विट त्यांनी आपल्या अधिकृत सोशल मीडिया अकाउंटवर  शेअर केले आहे. वाचा राज ठाकरे यांनी आपल्या पत्रात नेमके काय म्हंटले आहे, ”ही समज नाही तर अंतिम ता...

  डॉक्टर, तंत्रज्ञांच्या 4 हजार जागांची लवकरच भरती : गिरीश महाजन नागपूर; वृत्तसेवा :   राज्यात लवकरच डॉक्टर, तंत्रज्ञांच्या 4 हजार जागांची भरती करण्यात येणार आहे. ही भरती प्रक्रिया टीसीएस कंपनीच्या माध्यमातून पार पाडली जाणार असल्याची घोषणा वैद्यकीय शिक्षणमंत्री गिरीश महाजन यांनी बुधवारी विधानसभेत केली. तातडीच्या औषधे खरेदीसाठी वैद्यकीय संस्थांना आपल्या एकूण निधीतील 30 टक्के रक्कम वापरण्यास परवानगी देण्यात आल्याचे त्यांनी सांगितले. याशिवाय औषधे खरेदीसाठी खरेदी महामंडळ स्थापन करण्यात येत असल्याची घोषणाही त्यांनी केली. अमीन पटेल यांच्या लक्षवेधी सूचनेवर त्यांनी ही घोषणा केली. महाजन म्हणाले, आम्ही लोकसेवा आयोगाच्या माध्यमातून 300 डॉक्टरांची नियुक्ती केली आहे. सध्या 28 टक्के पदे रिक्त आहेत. यासंदर्भात आम्ही मेडिकल बोर्ड तयार करणार आहोत आणि त्या माध्यमातून लवकरच पदभरती करण्यात येईल. वैद्यकीय शिक्षण व संशोधन संचालनालयाच्या अधिपत्याखालील संस्थांना आवश्यक असणारी औषधे, सर्जिकल्स साहित्य व अन्य बाबींचा पुरवठा हाफकिन महामंडळाकडून करण्यात येतो. मात्र, औषधपुरवठा करण्यास विलंब होत अस...

  दहावी बोर्ड नाही; आता होणार बारावी बोर्ड नवीन शैक्षणिक धोरण आता २०२२-२३ या शैक्षणिक वर्षापासून लागू होत असून, पदवी चार वर्षांची केल्यामुळे माध्यमिकचा शेवटचा वर्ग अकरावी ठरणार आहे. त्यामुळे या स्तरावर क्षमता परीक्षा होणार आहे; तर बारावीस्तरावर बोर्ड परीक्षा होणार आहे. दहावी बोर्ड रद्द करून अकरावी बोर्डाची परीक्षा करण्याची घोषणा सुरुवातीच्या अध्यादेशात होती; मात्र आता ती बदलून बारावी बोर्ड परीक्षा करण्यात येणार आहे. परंतु, पदवीच्या वर्षामध्ये पहिल्या वर्षी प्रमाणपत्र परीक्षा होणार असल्याचेही एका बाजूला जाहीर करण्यात आले आहे.  तर दुसऱ्या बाजूला बोर्ड परीक्षा होणार असल्याचे म्हटले आहे. त्यामुळे नेमके काय होणार? हा संभ्रम आहे. २०२२-२३ या शैक्षणिक वर्षात लागू होणाऱ्या नवीन शैक्षणिक धोरणामध्ये पहिला टप्पा पहिली ते पाचवीचा पूर्व प्राथमिकचा टप्पा असणार आहे. पूर्वी तो पहिली ते चौथीचा होता. त्याच्यात एक वर्ष वाढवण्यात आले आहे. त्यानंतरचा टप्पा हा प्राथमिक विभागाचा असणार आहे. यामध्ये ६ वी ते ८ वी या ३ वर्गांचा समावेश आहे. पूर्वी तो ५ वी ते ७ वी असा टप्पा होता. त्यामध्ये माध्यमिककडू...

  देशात पुन्हा मास्क सक्ती-केंद्रीय आरोग्य राज्यमंत्री डॉ. भारती पवार यांचे संकेत नवी दिल्ली : कोरोनाने पुन्हा एकदा डोके वर काढले आहे. चीनमध्ये कोरोनाचा स्फोट पाहायला मिळत आहे. त्यामुळे भारतातही विशेष काळजी घेतली जात आहे. केंद्रीय राज्यमंत्री डॉ. भारती पवार यांनी भारतात पुन्हा मास्क बंधनकारक करण्याची शक्यता निर्माण झाली असल्याचे म्हटले आहे. पत्रकार परिषदेत त्यांनी ही माहिती दिली. चीनच्या परिस्थितीवरून भारतात आधीच खबरदारी म्हणून उपाययोजना करण्यात येत आहे. केंद्रीय आरोग्य मंत्रालयाकडून कालच मार्गदर्शक तत्वे जारी करण्यात आली आहेत. केंद्रीय आरोग्यमंत्री मनसुख मांडवीय यांनी आज कोरोना संदर्भात निर्णय घेण्यासाठी उच्चस्तरीय बैठक बोलावली. या बैठकीत वरिष्ठ पातळीवर चर्चा झाली. चीनमधील कोरोनाचा उद्रेक पाहता भारताची पुढची पावले काय असतील, त्याची रूपरेषा काय असेल यासंदर्भात आज बैठकीत निर्णय घेण्यात आला असून, सर्वप्रथम विमानतळावर आलेल्या प्रवाशांची चाचणी घेण्याचे ठरले.

  ऊसाच्या ट्रॉलीवर कार धडकली ! तिघांचा दुर्दैवी मृत्यू   अंबाजोगाई- रस्त्याच्या कडेला उभ्या असलेल्या उसाच्या ट्रॉलीला कारची धडक लागून झालेल्या अपघातात रेनापुर येथील तिघांचा दुर्दैवी मृत्यू झाला. अपघात एवढा भीषण होता की यामध्ये कारचा पूर्ण चेंदामेंदा झाला.घटनास्थळी पोलीस दाखल झाले आहेत.मृतांमध्ये बबन राठोड,नंदू राठोड,राहुल मुंडे यांचा समावेश आहे. अंबाजोगाई-लातूर महामार्गावर बीड जिल्ह्याच्या हद्दीत असलेल्या दोन पदरी रस्ता लागताच कार चालकाला समोरील ऊसाचा ट्रॅलीला रेडिएम नसल्याने ती न दिसल्यामुळे ट्रॅलीच्या खाली कार घुसल्याचा अंदाज आहे. या घडलेल्या भीषण अपघातात तीन जण ठार झाल्याची प्राथमिक माहिती आहे. अपघात इतका भीषण होता की, कारची समोरील बाजू चेंदामेंदा झाली आहे. घटनास्थळी पोलीस दाखल झाले असून मृतदेह अंबाजोगाई येथील स्वाराती रुग्णालयात हलविण्यात आले आहे. अंबाजोगाई लातूर महामार्ग म्हणजे मृत्यूचा सापळा झाला आहे.विशेषतः सध्या साखर कारखाने सुरू असल्याने दिवसरात्र उसाची वाहतूक सुरू असते,त्यामुळे रहदारीस अडथळा तर होतोच पण रस्त्याच्या कडेला उभ्या असलेल्या रिफ्लेक्टर नसलेल्या ट्रक,ट...

  जनतेने विकासाला मत दिलं; आ.धनंजय मुंडे यांच्या नेतृत्वाखाली गावचा कायापालट करू - लक्ष्मण  पौळ ग्रामविकास पॅनलच्या वतीने पौळ पिंपरीत घेण्यात आली जाहीर आभार सभा परळी (प्रतिनिधी) ग्रामपंचायत निवडणूक २०२२ मध्ये ग्रामविकास पॅनलच्या सरपंच पदासहित सात उमेदवारांना प्रचंड बहुमताने निवडून दिले. याबद्दल पौळ पिंपरी येथे बुधवार दि.२१ डिसेंबर रोजी जाहीर आभार सभेचे आयोजन करण्यात आले होते. या सभेत बोलतांना राष्ट्रवादी काँग्रेस पक्षाचे तालुकाध्यक्ष लक्ष्मण तात्या पौळ म्हणाले की, राज्याचे माजी मंत्री ना.धनंजय मुंडे यांच्या मार्गदर्शनाखाली गेल्या पाच वर्षांत गावात अनेक विकास कामे झाली. हाच विकास लक्षात घेऊन जनतेने आम्हाला कौल दिला आहे. जनतेने आमच्यावर दाखवलेल्या विश्वासाला तडा जाऊ देणार नाही. आगामी काळात आ.धनंजय मुंडे  व वाल्मीक अण्णा कराड यांच्या नेतृत्वाखाली गावाचा विकासाच्या दृष्टीने कायापालट करू असे आश्वासन उपस्थित सर्वांना लक्ष्मण तात्या पौळ यांनी दिले. पौळ पिंपरी ग्रामपंचायत निवडणुकीत जनतेने ग्रामविकास पॅनलचे सरपंच पदाचे उमेदवार माणिक रामभाऊ पौळ यांच्यासह सात सदस्यांना बहुमताने नि...

  श्री वैद्यनाथ तीर्थक्षेत्राच्या विकासासाठी पंढरपूर, काशीच्या धर्तीवर परळी वैद्यनाथ कॉरिडॉला मान्यता द्या - धनंजय मुंडेंची विधानसभेत मागणी* *बारा ज्योतिर्लिंगांच्या यादीत ज्योतिर्लिंग म्हणून परळीचे वैद्यनाथांचे नावच कायम रेकॉर्डला असावे मुंडेंनी विधानसभेत निक्षून सांगितले* नागपूर (दि. 21) - परळी शहरातील श्री वैद्यनाथ तीर्थक्षेत्र हे महादेवाच्या 12 ज्योतिर्लिंगांपैकी एक असून, दरवर्षी येथे लाखो भाविक दर्शनासाठी येतात, त्यांना आवश्यक पूरक सुविधा उपलब्ध व्हाव्यात तसेच या अध्यात्मिक स्थळाचे जतन व्हावे व शहरासह मंदिर व परिसराचा कायापालट व्हावा यादृष्टीने पंढरपूर, काशी विश्वेश्वर, उज्जैन महाकाल या धर्तीवर परळी वैद्यनाथ कॉरिडॉर विकसित करण्यास राज्य सरकारने मान्यता द्यावी, अशी मागणी आज माजी मंत्री आ. धनंजय मुंडे यांनी विधानसभेत केली.  नागपूर येथील विधिमंडळाच्या हिवाळी अधिवेशनात नगरविकास विभागाच्या पुरवणी मागण्या वरील चर्चे दरम्यान धनंजय मुंडे यांनी ही मागणी केली आहे. परळी येथील प्रभू वैद्यनाथ ज्योतिर्लिंग हे महादेवाच्या 12 ज्योतिर्लिंगांपैकी 5 वे ज्योतिर्लिंग असून याचे धार्मिक महत्व...

  यशःश्रीवर विजयाचा आनंदोत्सव..! पंकजाताई मुंडेंनी केला नवनिर्वाचित सरपंचांचा सत्कार परळी वैजनाथ ।दिनांक २२। भाजपा राष्ट्रीय सचिव पंकजाताई मुंडे यांच्या खंबीर नेतृत्वाखाली परळी मतदारसंघासह बीड जिल्ह्यातील 75 टक्के पेक्षा अधिक ग्रामपंचायतीवर भारतीय जनता पक्षाचा झेंडा फडकला आहे. या यशानंतर परळी मतदारसंघासह जिल्हयातील विविध गावचे नवनिर्वाचित सरपंच व सदस्यांची आज दिवसभर यशःश्री निवासस्थानावर अक्षरशः रीघ  लागली होती. या सर्वांचे स्वागत व अभिनंदन पंकजाताई मुंडे यांनी केले.           ग्रामपंचायतीच्या सार्वत्रिक निवडणुकीमध्ये बीड जिल्ह्यातील 75 टक्के पेक्षा अधिक ग्रामपंचायतवर भाजपाचे वर्चस्व प्रस्थापित झाले आहे. त्याचबरोबर परळी मतदारसंघातील 60% हून अधिक जागा पंकजाताई मुंडे यांच्या नेतृत्वाखाली भाजपच्या ताब्यात आलेल्या आहेत. विशेष म्हणजे परळी मतदारसंघातील सिरसाळा, नागापूर, घाटनांदुर, बर्दापूर, जवळगाव यासारख्या मोठ्या ग्रामपंचायती भाजपच्या ताब्यात आलेल्या आहेत. या भरघोस यशानंतर प्रत्येक गावातील विजेते सरपंच व उमेदवार विजयाचा आनंद उत्सव साजरा करण्यासाठी आपल्या ...

  परळीतील चोऱ्या सुरुच: 1 लाख 43 हजार रुपयांची घरफोडी          घराचे कुलूप तोडून घरातील सोन्याचा ऐवज व नगदी लाखो रुपयांची चोरी झाल्याची घटना शहरातील शिवाजी नगर भागात घडली असून या प्रकरणी संभाजी नगर पोलीस ठाण्यात गुन्हा नोंद करण्यात आला आहे. शहरातील थर्मल रोड शिवाजी नगर भागातील रहिवासी असलेले अमरलाल पुरणलाल परदेशी यांनी संभाजी नगर पोलीस ठाण्यात दिलेल्या फिर्यादीनुसार त्यांच्या घरामध्ये कोणीतरी अज्ञात चोरटयाने दरवाजाचे कुलुप तोडुन आत प्रवेश करून 21 हजार रुपयांची सोन्याचे दागीने व 1 लाख 22 हजार नगदी रोख रक्कम असा एकूण 1 लाख 43 हजार रुपयांचा ऐवज चोरून घेवुन गेले आहे.       या प्रकरणी परदेशी यांच्या फिर्यादीवरून संभाजी नगर पोलीस ठाण्यात गुरन २४७ / २०२२ कलम  ४५४,४५७,३८० भादवी नुसार अज्ञात चोरट्यांविरोधात गुन्हा दाखल करण्यात आला असून पुढील तपास ठाण्याचे सपोनि गित्ते हे करीत आहेत.

  मुंबई बाजार समितीच्या सभापती पदावरुन अशोक डकांचा राजीनामा मुंबई: राष्ट्रवादी काँग्रेसचे वर्चस्व असलेल्या मुंबई बाजार समितीच्या सभापती पदावरुन अशोक डक यांनी बुधवारी राजीनामा दिला. राज्याच्या पणन संचालकांनी तो लगेच मंजुरही केला आहे. राष्ट्रवादी काँग्रेसच्या ताब्यात असलेल्या मुंबई कृषी उत्पन्न बाजार समिती मध्ये अडीच वर्षापासून अशोक डक सभापती होते. ठरल्याप्रमाणे अडीच वर्षाचा कालावधी त्यांचा पूर्ण झाल्यामुळे त्यांनी पनण संचालक पुणे यांच्याकडे आपला राजीनामा पाठवला असल्याचे सांगितले जाते. पणन संचालकांनी तो राजीनामा मंजूर केल्याचे मुंबई बाजार समितीला कळविले आहे.

  पंकजाताई मुंडे यांनी सातत्याने केलेल्या पाठपुराव्याला यश वैद्यनाथ तीर्थक्षेत्र विकास आराखडयाला राज्य सरकारने दिली चालना ; २० कोटी रूपये मंजूर *पंकजाताईंनी यापूर्वी दोन वेळा मुख्यमंत्र्यांना भेटून निधी देण्याचा केला होता आग्रह* परळी वैजनाथ ।दिनांक २१। भाजपच्या राष्ट्रीय सचिव पंकजाताई मुंडे यांनी पालकमंत्री असताना मंजूर करून आणलेल्या १३३ कोटीच्या वैद्यनाथ तीर्थक्षेत्र विकास आराखडयास राज्य सरकारने चालना दिली असून यासाठी २० कोटी रूपये पुरवणी मागणी अंतर्गत मंजूर केले आहेत. यासंदर्भात पंकजाताईंनी मुख्यमंत्र्यांना दोन वेळा प्रत्यक्ष भेटून निधी देण्याची आग्रही मागणी केली होती.   पंकजाताई मुंडे बीडच्या पालकमंत्री असताना  सुधीर मुनगंटीवार राज्याचे अर्थमंत्री होते.  पंकजाताई मुंडे यांनी वैद्यनाथ ज्योर्तिलिंगापैकी एक असलेल्या प्रभू वैद्यनाथाच्या तीर्थक्षेत्र विकासाचा ध्यास घेतला होता, त्यांनी यासाठी सरकार दरबारी प्रयत्न करून तीर्थक्षेत्र विकासासाठी १३३ कोटी ५८ लक्ष रुपयाचा विकास आराखडा मंजूर करून घेतला होता.  या आराखड्यातील कामांसाठी त्यावेळी ३५ कोटी रुपयांचा निधी देखील...

  परळी वैद्यनाथ तीर्थक्षेत्र विकास आराखड्यास पुरवणी मागण्यांमधून आणखी 20 कोटींची तरतूद परळी वैद्यनाथ कॉरिडॉरसाठी अधिवेशनात मागणी करणार -आ. धनंजय मुंडे  परळी (दि. 20) - राज्य विधिमंडळाच्या हिवाळी अधिवेशनातून परळीकरांसाठी एक आनंदाची बातमी असून 133.58 कोटी रुपयांच्या परळी वैद्यनाथ तीर्थक्षेत्र विकास आराखड्याच्या पुढील टप्प्यातील वीस कोटी रुपयांच्या खर्चास राज्य शासनाने पुरवणी मागण्यांमधून मान्यता दिली आहे.   यासाठी माजी मंत्री,  आमदार धनंजय मुंडे यांनी सातत्याने पाठपुरावा केला होता. महाविकास आघाडी सरकार सत्तेत असताना धनंजय मुंडे यांनी नगर विकास विभागाचा माध्यमातून सुमारे 133.58 कोटी रुपयांच्या परळी वैद्यनाथ तीर्थक्षेत्र विकास आराखड्यास मान्यता प्राप्त करून दिली होती. यातून याआधीही एका भव्य भक्त निवासासह विविध कामे करण्यात येत आहेत.  आता आणखी 20 कोटी रुपये सध्या सुरू असलेल्या अधिवेशनाच्या पुरवणी मागण्या मधून मंजूर झाले आहेत. परळी शहर हे प्रभु वैद्यनाथांच्या वास्तव्याने पावन झालेले बारा ज्योतिर्लिंगांपैकी एक महत्त्वाचे अतिशय क्षेत्र आहे या ठिकाणी महाशिवरात्री ...

  इंदुरीकर महाराजांच्या सासुबाई बनल्या सरपंच संगमनेर : राज्यातील ग्रामपंचायत निवडणुकांचे निकाल हाती येत आहेत. यामध्ये राज्यातील सर्वाच प्रमुख राजकीय पक्षांमध्ये चढाओढ पहायला मिळते आहे. अनेक प्रसिद्ध व्यक्ती या निवडणुकीच्या निकालामुळं चर्चेत आल्या आहेत. यांपैकी प्रसिद्ध किर्तनकार इंदुरीकर महाराज यांच्या सासूबाई शशिकला शिवाजी पवार या सरपंच बनल्या आहेत. अहमदनगर जिल्ह्यातील संगमनेर तालुक्यातील निळवंडे ग्रामपंचायतीत शशिकला पवार या सरपंच म्हणून निवडून आल्या आहेत. विशेष म्हणजे त्यांनी कुठल्याही राजकीय पक्षांकडून ही सरपंचपदाची निवडणूक लढवलेली नाही, तर अपक्ष म्हणून त्यांनी सरपंचपदासाठी अर्ज भरला आणि ग्रामस्थांनी त्यांच्यावर पूर्णतः विश्वास दाखवला आहे. दरम्यान, किर्तनाच्या क्षेत्रात नावाजलेलं नाव असलेले प्रसिद्ध हभप निवृत्ती महाराज देशमुख-इंदुरीकर हे शशिकला पवार यांचे जावई असल्यानं त्याचाही प्रभाव या निवडणुकीवर निश्चित दिसून आला आहे. इंदुरीकर महाराज ग्रामीणभागात आपल्या खास विनोदी शैलीतील किर्तनासाठी ओळखले जातात.

  परळी तालुक्यातील 76 सरपंच पदाचे विजयी उमेदवारांचे नावे पुढील प्रमाणे 1)चांदपूर : संग्राम गित्ते  2)वाघबेट : मोहिनी अमरनाथ गित्ते  3)डिग्रस : मुठाळ कोमल अतुल  4)ब्रह्मवाडी : नवनाथ गित्ते विजयी 5)लेंडेवाडी : सुशीलाबाई भास्कर आवळे  6)कवडगाव साबळा : प्रयाग ज्ञानोबा साबळे 7)औरंगपुर : हनुमंत नागरगोजे 8)हसनाबाद, पाडोळी ग्रुप:-सोनू विनोद कराड 9) जळगव्हाण: वसंत ताराचंद चव्हाण 10)लोणारवाडी : संघमित्रा बाबासाहेब मुंडे 11)भिलेगाव : झुंबर गंगाधर कडभाने 12)सेलू सबदराबाद : स्वाती नवनाथ गर्जे 13)आचार्य टाकळी : सीमा रामभाऊ घोडके 14)दौंडवाडी : नंदाबाई महादेव फड 15)गुट्टेवाडी : गुट्टे भागीरथी देविदास Click &watch: ● *ग्रामपंचायत निवडणुक : जिल्ह्यात आमचीच सरशी | पुन्हा एकदा विधान | आपल्या दाव्यावर पंकजा मुंडे ठाम.* #mbnews #subscribe #like #share #comments 16)कासारवाडी : उर्मिला बंडू गुट्टे 17)डाबी : लक्ष्मी संदीपान मुंडे 18)मरळवाडी : बापू बाबुराव आंधळे 19)तेलघाणा : महेश महादेव सिरसाट 20)देशमुख टाकळी : देशमुख लक्ष्मीबाई 21)तेलसमुख:- बाबुराव जेमा राठोड...

 न्यू हायस्कूल कॉलेज येथे परिसर स्वच्छता अभियान  परळी (वै.) प्रतिनिधी :- शहरातील मराठवाडा शिक्षण प्रसारक मंडळ औरंगाबाद संचलित न्यू हायस्कूल कनिष्ठ महाविद्यालय येथे राष्ट्रीय सेवा योजना विभागाच्या वतीने संत गाडगे महाराज यांच्या पुण्यतिथी निमित्त (दि.२०) डिसेंबर मंगळवार रोजी महाविद्यालय परिसरात स्वच्छता अभियान राबविण्यात आले.                      राष्ट्रसंत संत गाडगे बाबा यांच्या पुण्यतिथीनिमित्त राष्ट्रीय सेवा योजना विभागाच्या वतीने न्यू हायस्कूल कनिष्ठ महाविद्यालय येथे अभिवादनाच्या कार्यक्रमाचे आयोजन करण्यात आले होते. यावेळी उपप्राचार्य सुनील लोमटे यांच्या हस्ते गाडगेबाबा यांच्या प्रतिमेचे पूजन करण्यात आले. त्यानंतर राष्ट्रीय सेवा योजनेच्या स्वयंसेवकांनी महाविद्यालयाचा परिसर स्वच्छ करून संत गाडगे महाराज यांना अभिवादन केले. कार्यक्रमाच्या यशस्वीतेसाठी राष्ट्रीय सेवा योजना कार्यक्रम अधिकारी प्रा. डॉ. अंकुश वाघमारे यांच्यासह सर्व प्राध्यापक, कर्मचारी वृंद व राष्ट्रीय सेवा योजनेच्या स्वयंसेवकांनी परिश्रम घेतले.

  परळी विधानसभा मतदार संघातील ग्रामपंचायत निवडणुकीत धनंजय मुंडे यांचे निर्विवाद वर्चस्व, 130 पैकी 81 ग्रामपंचायतीत एकहाती विजय! परळी तालुक्यातील 80 पैकी 50 तर अंबाजोगाई तालुक्यातील 49 पैकी 31 ग्रामपंचायती धनंजय मुंडेंच्या नेतृत्वात राष्ट्रवादीच्या ताब्यात परळी (दि. 20) - परळी विधानसभा मतदारसंघातील ग्रामपंचायत निवडणुकीच्या निकालात माजी मंत्री आमदार धनंजय मुंडे यांनी पुन्हा एकदा आपले निर्विवाद वर्चस्व सिद्ध केले आहे. मतदारसंघातील 130 पैकी निकाल जाहीर झालेल्या आतापर्यंत 81 ग्रामपंचायतीत धनंजय मुंडे यांच्या नेतृत्वात एकहाती विजय मिळाला आहे. परळी मतदारसंघात परळी तालुक्यातील 81 पैकी 50 ग्रामपंचायती तसेच अंबाजोगाई तालुक्यातील 49 पैकी 31 ग्रामपंचायती आतापर्यंत हाती आलेल्या निकालानुसार धनंजय मुंडे यांच्या नेतृत्वात राष्ट्रवादी काँग्रेसच्या ताब्यात आल्या आहेत. त्याचबरोबर उर्वरित निकालांमध्येही राष्ट्रवादी काँग्रेस पुरस्कृत पॅनलच्या उमेदवारांनी निर्णायक आघाड्या घेतलेल्या आहेत. आपल्या मतदारसंघात निर्णायक असा विजय ग्रामपंचायत निवडणुकीत मिळणार असल्याचा विश्वास असल्याने विधिमंडळाचे अधिवेशन सुरू...