माझी बातमी MB NEWS

  पृथ्वीराज महादेवआप्पा कनके यांचे निधन  परळी वैजनाथ (प्रतिनिधी) :- शहरातील येथील पृथ्वीराज महादेवआप्पा कनके यांचे शुक्रवारी (दि.29) जुलै रोजी निधन झाले. मृत्यूसमयी त्यांचे वय 50 वर्षे होते. हिंदनगर येथील पृथ्वीराज महादेवआप्पा कनके यांचे राहत्या घरी दुः खद निधन. साप्ताहिक त्रिशुलचे संपादक सिद्धलिग कनके यांचे बंधू होत. त्यांच्या पश्चात आई, भाऊ,दोन मुले  असा परीवार आहे. कनके परिवारावर कोसळलेल्या दुःखात एमबी न्युज परिवार सहभागी आहे

  भिलेगावचे माजी सरपंच मारोतीराव कडभाने यांचे दु:खद निधन   परळी वैजनाथ (प्रतिनिधी) :- तालुक्यातील भिलेगावचे माजी सरपंच मारोतीराव कोंडीबा कडभाने यांचे शुक्रवारी (दि.29) जुलै रोजी मध्यरात्री र्‍हदयविकाराच्या झटक्याने निधन झाले. मृत्यूसमयी त्यांचे वय 62 वर्षे होते. भिलेगाव  येथील मारोतीराव कडभाने यांचे राहत्या घरी दुः खद निधन झाले. धार्मिक व सर्वांशी आपुलकीने राहणीमान असलेल्या मारोतीराव कडभाने यांच्या पश्चात पत्नी, एक भाऊ, एक मुलगा सुन, नातवंडे  असा परीवार आहे. 

  शेतकऱ्यांच्या प्रश्नावर किसान सभा आक्रमक विविध प्रश्नावर सिरसाळ्यात उद्या चक्का जाम आंदोलन- कॉ मुरलीधर नागरगोजे परळी वै /  प्रतिनिधी मागील वर्षी ३ काळे कृषी कायदे वापस घेल्यानंतर संयुक्त किसान मोर्चाला शेतकरी आंदोलन मागे घेण्यासाठी केंद्र सरकारने आंदोलकांवर दाखल केलेले गुन्हे मागे घेतले जातील व शेतकऱ्यांना हमीभाव देण्यासाठी केंद्रीय समिती स्थापन करून तोडगा काढण्याचे आश्वासन दिले होते परंतु ते पाळले गेले नाही म्हणून रविवारी (ता३१) देशव्यापी "विश्वास घात" दिवस पाळुण सिरसाळा येथे चक्का जाम आंदोलन करण्यात येणार आहे.     एमएसपी ची केवळ घोषणा नको. उत्पादन खर्चावर आधारित दीडपट जास्त हमीभावाचा कायदा करा. केवळ सत्ता मिळवण्यासाठीच स्वामीनाथन आयोगाचा पुळका कशाला? आता त्याची शेतकरी हितासाठी अंमलबजावणी करा. शेतकऱ्यांना आत्महत्येच्या गर्त्यात लोटणारे आयात-निर्यात धोरण बदलून ते खऱ्या अर्थाने शेतकरी हिताचे करा. संयुक्तकिसान मोर्चाच्या किसान आंदोलनात सरकारने शेतकऱ्यांवर दडपशाहीने दाखल केलेले सर्व गुन्हे वापस घ्या. रासायनिक खतांच्या किंमती कमी करुन खतांचा काळाबाजार थांबवा. शेती उप...

  परळी शहर कोरडे आणि परळीच्या पंचक्रोशीत तब्बल पाऊणतास जोरदार श्रावणधारा बरसल्या ! परळी वैजनाथ, प्रतिनिधी...         गेल्या काही दिवसापासून उघड दिलेल्या पावसाने पुन्हा परळीच्या पंचक्रोशीत जोरदार पुनरागमन केल्याच्या दिसून आले. परळीच्या अवतीभवती व तालुक्यात सर्व दूर ग्रामीण भागात जोरदार मोठा पाऊस झाला मात्र धर्मापुरी फाटा ते परळी शहर यादरम्यान पाऊस पडलाच नाही.   आज दिवसभर कडक ऊन पडले होते. पावसाची सुतरामही शक्यता वाटत नव्हती. अशावेळी परळीच्या पंचक्रोशीत मात्र जोरदार पाऊस झाल्याचे दिसून आले. गेल्या काही दिवसात पावसाने उघड दिल्यामुळे शेतीतील कामे आवरून घेण्याकडे शेतकऱ्यांचा कल होता मात्र आज दिनांक 30 रोजी सायंकाळी पाचच्या सुमारास अचानक वातावरण बदलले व जोरदार पाऊस सुरू झाला. हा पाऊस तब्बल पाऊण तास होता धर्मपुरी फाटा ते परळी शहर वगळून परळीच्या पंचक्रोशीत सर्व दूर हा पाऊस झाल्याची माहिती पुढे आली आहे. पहा व्हिडिओ न्युज: ■ *बरसल्या श्रावणधारा: दिवसभर कडक ऊन अन् सायंकाळी दहा मिनिटांत पाणीच पाणी.* MB NEWS |Subscribe |Like |Share |Comments |

  जन्नामन्ना व अंदर बाहर खेळणारांवर छापा; पावणेचार लाखांचा मुद्देमाल व २८ जणांना घेतले ताब्यात पंंकज कुमावत यांच्या पथकाची  कारवाई परळी (प्रतिनिधी)- सहाय्यक पोलीस अधीक्षक  पंकज कुमावत यांना गुप्त बातमीदारामार्फत बेकायदेशीररित्या अंबाजोगाई परळी रोडच्या उत्तर बाजूस भोपळा शिवारात एका हॉटेलच्या शेजारील शेतात पत्र्याच्या बंद रूममध्ये काही व्यक्ती एकत्र बसून, लाईटच्या उजेडामध्ये लोकांकडून पैसे घेऊन जन्नामन्ना जुगाराचा खेळ खेळत होते. कार्यालयातील पोलीस स्टेशन केज येथील अंमलदार यांना सोबत घेऊन या ठिकाणी जाऊन कायदेशीर कारवाई केली. •Click &watch: ■ अजितदादांचा अतिवृष्टी पाहणी दौरा: अन् "साथी" बनला "सारथी" ! MB NEWS|Subscribe|like|share| comments या पथकातील कारवाई पोह बांगर, दराडे, गीते भंडाणे मंदी, पोशि बहिरवाळ तुले असे कर्मचारी खाजगी वाहनाने सहायक पोलीस अधीक्षक पंकज कुमावत यांच्यासोबत पोना वंजारी, अंगरक्षक पोशि जावले व दोन पंच घेऊन, रात्री हॉटेल सातबाराच्या पाठीमागे पत्र्याच्या रुममध्ये जाऊन रात्री बाराच्या दरम्यान छापा मारला. या ठिकाणी पत्र्याच्या बंद शेडमध्ये काह...

 विरोधीपक्ष नेते अजितदादा पवार, माजी मंत्री धनंजय मुंडे यांच्या रविवारच्या बीड जिल्हा दौऱ्यात अंशतः बदल - ऍड. राजेश्वर चव्हाण परळी व अंबाजोगाई तालुक्यात झालेल्या पीक नुकसानीची करणार पाहणी, अन्य तालुक्यातील नुकसानीचा घेणार आढावा परळी वै. (दि. 30) - राज्याच्या विधानसभेचे विरोधीपक्ष नेते अजितदादा पवार हे बीड जिल्ह्याचे माजी पालकमंत्री धनंजय मुंडे यांच्या समवेत रविवारी (दि. 31 जुलै) सकाळी 8 वाजल्यापासून बीड जिल्ह्यातील परळी, अंबाजोगाई आदी तालुक्यांचा दौरा करणार असून, ते जिल्ह्यात पावसाने व किडीच्या प्रादूर्भावाने नुकसान झालेल्या पिकांची थेट बांधावर जाऊन पाहणी करणार आहेत अशी माहिती राष्ट्रवादी काँग्रेसचे जिल्हा अध्यक्ष राजेश्वर आबा चव्हान यांनी दिली आहे. रविवारी अजितदादा पवार व माजी मंत्री धनंजय मुंडे हे सकाळी 9 वाजता प्रभू वैद्यनाथांचे दर्शन घेऊन या दौऱ्याची सुरुवात करणार आहेत. मागील काही दिवसात गोगलगाय व अन्य किडीच्या प्रादुर्भावाने सोयाबीन सह विविध पिकांचे मोठे नुकसान झाले होते त्याचबरोबर काही ठिकाणी कमी व अधिक पावसाने पेरणी केलेले बियाणे उगवलेच नाही तर काही ठिकाणी अधिकच्या पावसाने...

 नागापुर सब स्टेशनचे ट्रान्सफार्मर दुरूस्त करा  - किसान सभा परळी वै.ता.२९ प्रतिनिधी       नागापुर ३३ के व्ही सब स्टेशन अंतर्गत नादुरूस्तत ट्रान्सफार्मर तात्काळ दुरूस्त करूण तात्काळ बसविण्याची मागणी महाराष्ट्र राज्य किसान सभेच्या वतीने शुक्रवारी (ता.२९) वीज वितरणच्या कार्यकारी अभियंत्यास देण्यात आले.      नागापुर सब स्टेशनवर परिसरातील १५ गावांचा विज पुरवठयाचा भार आहे. पंधरा गावांना विज पुरवठा करण्यासाठी तीन ट्रान्सफार्मर आहेत. पाच एम ए चे दोन व ३.१५ एम ए चा एक असे तीन ट्रान्सफार्मर आहेत. त्यातील ३.१५ एम ए ट्रान्सफार्मर जळुन दोन वर्ष झाली आहेत. दोन ट्रान्सफार्मर वर तीन चा भार अयल्याने एक कायम नादुरूस्त होत असतो. त्यामुळे सर्व भार एकाच ट्रान्सफार्मरवर येत असल्याने त्यात सतत बीघाड होतो. त्यामुळे पावसाळा असुनही वीज पुरवठा सुरळीत होत नाही. पाण्याच्या मोटारी सुरू झाल्यास वीज पुरवठा रहात नाही. त्यामुळे विज वितरण कंपनीने तात्काळ ट्रान्सफार्मर बसवावे अन्यथा महाराष्ट्र राज्य किसान सभा तीव्र आंदोलन करील असे निवेदन विज वितरणच्या अंबाजोगाई येथील कार्यकारी अभिय...

तीन दिवसात दुसरी दुर्दैवी घटना: जाळीला चिटकून एका  तरुण शेतकऱ्याचा मृत्यू बीड - जिल्ह्यात तीन दिवसात दुसरी दुर्दैवी घटना घडली आहे. रानडुकराच्या बचावासाठी बागेला लावलेल्या संरक्षण जाळीला चिटकून एका 30 वर्षीय तरुण शेतकऱ्याचा मृत्यू आज दि.29 पहाटे झाला.ही घटना आष्टी तालुक्यातील बीडसांगवी येथील घडली.            आष्टी तालुक्यातील बीडसांगवी येथे घराच्या काही अंतराला लागुनच डाळिंब बाग आहे. या ठिकाणी रानडुकरांचा मोठा उपद्रव असतो. बागेचे नुकसान होत असल्याने शेतकऱ्याला मनस्ताप सहन करावा लागत असल्याने त्या बागेला रानडुक्करांपासुन बचाव व्हावा म्हणून संरक्षण जाळीला विद्युत प्रवाह सोडला होता. शुक्रवारी पहाटे साडेपाच वाजता माणिक नरवडे यांचा मुलगा अमोल माणिक नरवडे (वय 30 वर्ष) हा बागेची पाहणी करण्यासाठी गेला होता. पण विद्युत प्रवाह बंद करण्याचे विसरल्याने त्याला जीव गमवावा लागला. विद्युत प्रवाह असलेल्या संरक्षण जाळीला चिटकून त्याचा दुर्देवी मुत्यु झाला. त्याच्या मुत्युने परिसरात हळहळ व्यक्त केली जात आहे. तीन दिवसांत ही दुसरी घटना जिल्ह्यात घडली आहे.

  दुःखद वार्ता: वैद्यनाथ विद्यालयाचे माजी मुख्याध्यापक प्रकाश कुसुमकर यांचे निधन परळी वैजनाथ श्री वैद्यनाथ विद्यालय प्राथमिक विभागाचे माजी मुख्याध्यापक प्रकाश विठ्ठलराव कुसुमकर गुरुजी यांचे ह्रदयविकाराच्या तीव्र झटक्याने निधन झाले. जुन्या गावभागतील श्री वैद्यनाथ विद्यालय प्राथमिक विभागाचे सेवानिवृत्त मुख्याध्यापक प्रकाश विठ्ठलराव कुसुमकर गुरुजी ( वय 70 वर्ष)यांचे आज शुक्रवार दि 29 जुलै 2022 रोजी छातीत तीव्र कळ आल्याने परळी येथील एका खाजगी दवाखान्यात दाखल करण्यात आले. परंतु तीव्र ह्रदयविकाराचा झटका आल्याने त्यांची दुपारी 3 वाजता प्राणज्योत मालवली.   दिनदयाळ बँक, शाखा लातूर चे शाखाधिकारी आशिष कुसुमकर यांचे वडील व पत्रकार अनुप कुसुमकर यांचे काका होत. प्रकाशराव कुसुमकर गुरुजी यांच्या पश्चात पत्नी, 2 मुले, 2 मुली, सुना, नातवंडे असा परिवार असून त्यांच्या मृत्यूनंतर परिसरात हळहळ व्यक्त केली जात आहे.

    परळी औष्णिक विद्युत केंद्राला पाणी पुरवठा करणारा खडका बंधारा तुडूंब! _नऊ दरवाजे उघडले; नदीकाठच्या गावांना सतर्कतेचा इशारा_ परळी वैजनाथ, एमबी न्युज वृतसेवा......     परळी औष्णिक विद्युत केंद्राला पाणी पुरवठा करणारा  खडका बंधारा १०० टक्के भरला असुन तुडुंबभरून ओसंडून वाहत आहे. जायकवाडीचे पाणीसोडण्यात आल्याने. या बंधाऱ्याचे नऊ दरवाजे उघडण्यात आले आहेत. तसेच नदीकाठच्या गावांना सतर्कतेचा इशारा देण्यात आला आहे. हा बंधारा पुर्ण ओसंडून वाहत असल्याने परळीच्या औष्णिक विद्युत केंद्राला लागणार्या पाण्याचा प्रश्न सुटला आहे.अखंडीत वीजनिर्मिती करण्याच्या दृष्टीने ही अतिशय समाधानाची बाब आहे.        गेल्या काही दिवसांपासून पावसाने चांगलीच हजेरी लावली. या पावसाने तसेच जायकवाडीचे पाणी सोडण्यात आल्याने परळी औष्णिक विद्युत केंद्राला पाणी पुरवठा करीत असलेला सोनपेठ तालुक्यातील खडका बंधारा ओसंडूनवाहतआहे. बुुधवारी(दि.28) 13 पैकी 9 दरवाजे रात्री  उघडून पाणी सोडण्यात आले.  नदी काठावरील गावांना प्रशासनाकडून सतर्कतेचा इशारा देण्यात आला आहे. हा बंधारा भरल्यान...

 राज्य सरकारने व्यक्त व्हावे, मार्ग काढावा मात्र ओबीसी आरक्षण वाचवावे सुप्रीम कोर्टाच्या निकालावर  पंकजाताई मुंडे यांचं ट्विट मुंबई ।दिनांक २८। ओबीसी आरक्षणासंदर्भात आज सुप्रीम कोर्टाने दिलेल्या निकालावर राज्य सरकारने व्यक्त व्हावे, मार्ग काढावा मात्र आरक्षण वाचवावे असं ट्विट भाजपच्या राष्ट्रीय सचिव पंकजाताई मुंडे यांनी केलं आहे.      आज सुप्रीम कोर्टाने 367 ठिकाणच्या निवडणुका ओबीसी आरक्षणाशिवाय घेण्याच्या सूचना केल्या आहेत, त्यामुळे या निवडणुकांमध्ये ओबीसींना आरक्षण मिळणार नाही. यावर पंकजाताई मुंडे यांनी ट्विट करत आपली प्रतिक्रिया व्यक्त केली आहे. त्या म्हणाल्या, "काय महत्त्वाचे आहे ? एका वंचित समाजाचा न्याय का निवडणूक जी आधीच उशीराने होत आहे. पण आता झालीच पाहिजे अशी ही निवडणूक,काय महत्त्वाचे??.सरकार व्यक्त होईल मार्ग काढेल अशी अपेक्षा आहे..जे न्यायिक विषय हाताळत आहेत त्यांनी पुढील दिशा वा मार्ग विषयांवर प्रकाश टाकावा..आरक्षण मात्र वाचवावे !" असं त्यांनी म्हटलं आहे. ••••

  बीड जिल्ह्यात पोळा व चंपाषष्ठीला शासकीय सुट्टी  परळी वैजनाथ, प्रतिनिधी....       जिल्हाधिकाऱ्यांच्या अधिकार कक्षेत येणाऱ्या स्थानिक सुट्ट्यांबाबत जिल्हाधिकारी बीड यांनी परिपत्रक काढले असून यानुसार बीड जिल्ह्यामध्ये पोळ्याला व चंपाषष्ठीला स्थानिक शासकीय सुट्टी जाहीर करण्यात आली आहे.      बीडचे जिल्हाधिकारी राधावबिनोद शर्मा यांच्या स्वाक्षरीने नुकतेच स्थानिक शासकीय सुट्ट्या बाबत चे परिपत्रक काढण्यात आले आहे. यानुसार जिल्हाधिकारी यांना प्राप्त अधिकार कक्षेत सन 2022 या वर्षातील दोन स्थानिक सुट्ट्या जाहीर करण्यात आल्या आहेत .यामध्ये दिनांक 26 ऑगस्ट2022 रोजी पोळा हा सण असून या दिवशी शासकीय सुट्टी आहे. तर चंपाषष्ठी दिनांक 29 नोव्हेंबर 2022 रोजी असून या दिवशीही स्थानिक शासकीय  सुट्टी जाहीर करण्यात आली आहे.

  परळी तालुक्यातील जिल्हा परिषद गट व पंचायत समिती गण असे असणार आरक्षण  परळी वैजनाथ, प्रतिनिधी...         जिल्हा परिषद व पंचायत समितीच्या विविध प्रवर्गासाठी आरक्षित करण्यात येणाऱ्या जागांच्या बाबत आज सोडत काढण्यात आली यामध्ये परळी तालुक्यातील जिल्हा परिषद गट व पंचायत समिती गणनिहाय आरक्षण सोडत पुढील प्रमाणे झाली आहे.         १.जिल्हा परिषद गट सिरसाळा ओबीसी पुरुष, पंचायत समिती गण सिरसाळा सर्वसाधारण पुरुष, पंचायत समिती गण गाडे पिंपळगाव सर्वसाधारण पुरुष,          २.जिल्हा परिषद गट धर्मपुरी ओबीसी पुरुष, पंचायत समिती गण मांडवा सर्वसाधारण महिला, पंचायत समिती गण धर्मापुरी सर्वसाधारण महिला         ३. जिल्हा परिषद गट पिंपरी ओबीसी महिला, पंचायत समिती गण पोहनेर सर्वसाधारण, पंचायत समिती गण पिंपरी सर्वसाधारण महिला         ४. जिल्हा परिषद गट टोकवाडी सर्वसाधारण महिला, पंचायत समिती गण पांगरी सर्वसाधारण, पंचायत समिती गण टोकवाडी ओबीसी महिला,         ५. जिल्हा परिषद ग...

  बीड जिल्हा परिषदेतील ६९ पैकी ९ जागा एससी तर १८ जागा ओबीसींना राखीव बीड : बीड जिल्हापरिषदेतील ६९ पैकी ९ जागा अनुसूचित जाती प्रवर्गासाठी (एससी) राखीव आहेत. लोकसंख्येच्या क्रमानुसार त्या आरक्षीत करण्यात आल्या. त्यानुसार उमापुर, मोगरा, किट्टी आडगाव, पिंपळनेर, चौसाळा, मुर्शदपुर, होळ, भोगरवाडी, बर्दापुर हे गट एससीसाठी आरक्षीत करण्यात आले आहेत.       बीड जिल्ह्यातील ६९ जिल्हापरिषद गटांपैकी १८ गट ओबीसींना राखीव ठेवण्यात आले आहेत. यात रेवकी, तलवाडा, पाडळसिंगी, जोगाईवाडी, पात्रुड, दिंद्रुड, नाळवंडी, रायमोह, डोंगरकिन्ही, बीड सांगवी, आष्टा, तेलगाव, पिंप्री, सिरसाळा, धर्मापुरी, पट्टीवडगाव, मादळमोही, मातोरीया गटांचा समावेश आहे. --------- *बीड जिल्हा परिषद गटांचे संपूर्ण आरक्षण* बीड : बीड जिल्हा परिषदेच्या ६९ जागांसाठिची आरक्षण सोडत शुक्रवारी जाहीर करण्यात आली. एससी ८, एसटी १, ओबीसी १८ तर खुल्या प्रवर्गातील महिलांसाठीच्या २१ जागा आरक्षीत करण्यात आल्या आहेत.  *गटांसाठीचे आरक्षण खालीलप्रमाणे  ● *एससी -*  उमापुर, मोगरा, किट्टीआडगाव, पिंपळनेर, चौसाळा, मुर्...

  विद्यापीठस्तरीय एन.एस . एस. चे पुरस्कार प्रदान सर्वोकृष्ट वैद्यनाथ कॉलेज तर प्रा.डॉ. माधव रोडे उत्कृष्ट कार्यक्रमधिकारी परळी -वै: - डॉ.बाबासाहेब आंबेडकर मराठवाडा विद्यापीठाच्या एन . एस . एस . विभागाच्या वतीने मागिल चार वर्षाचे दरवर्षी दिल्या जाणाऱ्या नुकतेच वितरण करण्यात आले . त्यात सन - २०१९-२० चा विद्यापीठस्तरीय सर्वोकृष्ट कॉलेज एकक वैद्यनाथ कॉलेज  व उत्कृष्ट कार्यक्रमधिकारी प्रा.डॉ.माधव रोडे यांना पुरस्कार प्रदान करण्यात आले .         या पुरस्कारचे वितरण डॉ.बाबासाहेब आंबेडकर मराठवाडा विद्यापीठ नाटयगृहत दि . २६ जुलै २०२२ रोजी विद्यापीठाचे कुलगुरू प्रोफेसर डॉ . प्रमोदजी येवले यांच्या हस्ते व महाराष्ट्र राज्य एन.एस.एस.समन्वयक प्रा. डॉ . प्रशांत वंजे, एन . एस . एस . ईं . टी. सी . प्रशिक्षण केंद्र अहमदपुर चे संचालक प्रा . डॉ . विजय बोराडे, विद्यापीठचे  एन.एस. एस . विभागाचे संचालक प्रा . डॉ . आनंद देशमखु , प्रा . डॉ . टी. आर . पाटील यांच्या उपस्थिती कुलगुरू प्रो . डॉ . प्रमोदजी येवले यांच्या हस्ते सर्वोत्कृष्ट वैद्यनाथ कॉलेज पुरस्का...

  रंभापुरी महापिठाकडून डॉक्टर सुरेश चौधरी यांना "शिवाद्वैत भास्कर" उपाधी; स्वातंत्र्य सैनिक कुटुंबांचाही सन्मान परळी ,. श्रीमद रंभापुरी महापिठ बाळेहोन्नुरू, कर्नाटक येथील वीरसिंहानाधिश्वर श्री श्री श्री 1008 जगदगुरू प्रसन्नरेणुक डॉ.वीरसोमेश्वर राजदेशिकेंद्र शिवाचार्य भगवतपाद महास्वामीजी  यांच्या हस्ते  25 जुलै 2022 रोजी आषाढमास तपोअनुष्ठान सांगता कार्यक्रमात स्वातंत्र्य संग्रामामध्ये योगदान दिलेल्या स्वातंत्र्यसैनिकांच्या परिवाराचे जगद्गुरू महास्वामीजींच्या हस्ते "अमृत रत्न "  प्रशस्तीपत्र देऊन सन्मान करण्यात आला. तसेच  अनुष्ठान समितीचे प्रमुख डॉ सुरेश चौधरी, "शिवाद्वैत भास्कर " ही पदवी देऊन गौरविण्यात आले,                            डॉ सुरेश चौधरी यांचा वेद,वेदांत,भगवद्गीता, उपनिषद, योगशास्त्र, सिद्धांत शिखामणी, आध्यात्म यांचा सखोल अभ्यास व प्रकांड पांडित्य असल्याचा उल्लेख करून  रंभापुरी पिठाकडून जगद्गुरुंनी  शिवाद्वैत भास्कर ही पदवी देऊन सन्मानित केले.    ...

 *99.6 टक्के गुण संपादन:  सीबीएसई बोर्ड परीक्षेत परळीची अनुष्का देवकते बीड जिल्ह्यात सर्वप्रथम* परळी वैजनाथ, प्रतिनिधी....      सर्वसामान्य कुटुंबातील विद्यार्थिनी अनुष्का अनिल देवकते हिने सीबीएसई बोर्ड परीक्षेत उत्तुंग यश मिळवले आहे.99.6 टक्के गुण संपादन करून सीबीएसई बोर्ड परीक्षेत परळीची अनुष्का देवकतेने बीड जिल्ह्यात सर्वप्रथम क्रमांक पटकावला आहे.      अनुष्का अनिल देवकते  ही परळीच्या भेल सेकंडरी स्कुलची विद्यार्थिनी आहे.बसस्थानक पार्किंग येथे काम करणारे अनिल देवकते यांची मुलगी अनुष्का  हिने आतापर्यंत विविध परिक्षेत घवघवीत यश संपादन केलेले आहे. यापुर्वी शालेय स्तरावरील विविध स्पर्धा परिक्षेत तिने यश मिळवलेले आहे.नुकत्याच जाहीर झालेल्या सीबीएसई बोर्ड परीक्षेच्या निकालात तिने यशोशिखर गाठले आहे.अनुष्का अनिल देवकते हिने सीबीएसई बोर्ड परीक्षेत उत्तुंग यश मिळवले आहे.99.6 टक्के गुण संपादन करून सीबीएसई बोर्ड परीक्षेत परळीची अनुष्का देवकतेने बीड जिल्ह्यात सर्वप्रथम क्रमांक पटकावला आहे.या यशाबद्दल तिचे सर्व स्तरातून अभिनंदन होत आहे.

  डॉ बाबासाहेब आंबेडकर मराठवाडा विद्यापीठाचा राष्ट्रीय सेवा योजनेचा पुरस्कार प्रदान  महिला महाविद्यालय सर्वोत्कृष्ट तर डॉ. प्रा.एल. एस. मुंडे उत्कृष्ट कार्यक्रमाधिकारी परळी वैजनाथ ता.२७ (प्रतिनिधी)        डॉ बाबासाहेब आंबेडकर मराठवाडा विद्यापीठाच्या वतीने राष्ट्रीय सेवा योजनेसाठी दरवर्षी दिल्या जाणाऱ्या २०१७-१८ यावर्षीचा विद्यापीठ स्तरावरील पुरस्कारासाठी येथील लक्ष्मीबाई देशमुख महिला महाविद्यालयाची निवड झाली आहे तर याच महाविद्यालयाचे प्राचार्य डॉ. प्रा.एल.एस. मुंडे यांना सर्वोत्कृष्ट कार्यक्रमाधिकारी पुरस्कार जाहीर करण्यात आला होता. त्याचे मंगळवारी (ता.२६) विद्यापीठातील एका समारंभात कुलगुरूंच्या हस्ते वितरण करण्यात आले.           राष्ट्रीय सेवा योजनेअंतर्गत २०१७-१८  मध्ये निस्वार्थ भावनेने व निष्ठेने समाजाची सेवा करणाऱ्यांना प्रोत्साहन मिळावे यासाठी डॉ बाबासाहेब आंबेडकर मराठवाडा विद्यापीठाच्या वतीने राष्ट्रीय सेवा योजना पुरस्कार देण्यात येतात. डॉ बाबासाहेब आंबेडकर मराठवाडा विद्यापिठांतर्गत येणाऱ्या महाविद्यालयातून उत्कृष्ट का...

क्रुुरपणे बेकायदेशीर  गर्भपात करणार्‍या तथाकथित डॉक्टरला अटक परळी वैजनाथ, प्रतिनिधी...      अतिशय घृणास्पद व क्रुुरपणे गर्भपात करून देणाऱ्या तथाकथित डॉक्टरला परळीच्या संभाजीनगर पोलिसांनी अटक केली आहे. अटक करण्यात आलेल्या आरोपीला सात दिवसाची पोलीस कोठडी सुनावण्यात आली आहे.         परळी येथील शिवाजीनगरमधील एका विवाहितेचे बेकायदेशीरपणे गर्भलिंग निदान करून  गर्भपात केल्याप्रकरणी संभाजीनगर पोलिसांनी बार्शी येथील तथाकथित डॉक्टरला मंगळवारी रात्री दहाच्या सुमारास अटक केली आहे. या प्रकरणात आतापर्यंत दोन आरोपींना अटक करण्यात आली आहे.आरोपींच्या शोधासाठी परळीच्या संभाजीनगर पोलिसांनी तीन पथके नियुक्त केलेली आहेत. मुलगी नको, असे म्हणून तथाकथित डॉक्टरला हाताशी धरून बेकायदेशीरपणे गर्भलिंगनिदान केले. त्यानंतर तथाकथित डॉक्टरने  गर्भ अक्षरश:ओढून बाहेर काढला व गर्भपात करुन दिला. या प्रकरणी संभाजीनगर  पोलिसांनी तथाकथित डॉक्टर नंदकुमार स्वामी यास बार्शी येथून अटक केली.पोलीस उपनिरीक्षक चांद मेंडके, पोलीस सचिन ...

  शिवसेना सदस्य नोंदणी अभियानाचा शुभारंभ  शिवसेना पक्षप्रमुख यांचा वाढदिवस विविध उपक्रमाने उत्साहात साजरा परळी (प्रतिनिधी)  शिवसेना पक्षप्रमुख उद्धवजी ठाकरे यांच्या वाढदिवसानिमित्त परळी शहरात शिवसेनेच्या वतीने बीड उप जिल्हाप्रमुख अभयकुमार ठक्कर, युवासेना बीड जिल्हा समन्वयक प्रा.अतुल दुबे यांच्या मार्गदर्शनाखाली विविध सामाजिक उपक्रम राबवत शिवसेना सदस्य नोंदणी अभियानाची सुरूवात करून वाढदिवस मोठ्या उत्साहात साजरा करण्यात आला. शिवसेनेचे पक्षप्रमुख उद्धवजी ठाकरे साहेब यांचा वाढदिवस निमित्त परळी वैजनाथ शहरात विविध सामाजिक उपक्रमातून साजरा करण्यात आला. उपक्रमाची सुरुवात शहरातील मोंढा मार्केट येथील संकटमोचन हनुमान मंदिर येथे उद्धव ठाकरे यांना दिर्घायुष्य लाभावे यासाठी विधीवत पुजा करून श्रीफळ अर्पण करत छत्रपती शिवाजी महाराज चौक येथे शिवरायांच्या पुतळ्यास पुष्पहार अर्पण करून अभिवादन करण्यात आले व त्यांनतर शिवसेनाप्रमुख स्व.बाळासाहेब ठाकरे चौक येथे स्व.बाळासाहेबांच्या प्रतिमेचे पुजन आणि याच परिसरात सोन चाफा व बेल या वृक्षाचे वृक्षारोपण शिवसेना बीड उप जिल्हाप्रमुख अभयकुमार ठक्कर...

  राज्यपाल भगतसिंह कोश्यारी यांनी दिल्या  पंकजाताई मुंडेंना वाढदिवसाच्या शुभेच्छा उत्तम आरोग्य, दीर्घायुष्य अन् सुयशासाठी दिले शुभाशीर्वाद ! मुंबई  ।दिनांक २७। राज्यपाल भगतसिंह कोश्यारी यांनी आज भाजपच्या राष्ट्रीय सचिव पंकजाताई मुंडे यांना वाढदिवसाच्या शुभेच्छा देत उत्तम आरोग्य, दीर्घायुष्य आणि सुयशासाठी शुभाशीर्वाद दिले. पंकजाताईंनी या शुभेच्छांचा स्विकार करत त्यांचे मनापासून आभार मानले.    पंकजाताई मुंडे यांचा काल वाढदिवस होता. राज्यात अतिवृष्टीमुळे निर्माण झालेली परिस्थिती आणि शेतकरी चिंतित असल्याने त्यांनी वाढदिवस साजरा केला नाही. सेलिब्रेशन करण्यापेक्षा समाजातील गरजूंना सेवेच्या माध्यमातून मदत करा असं आवाहन त्यांनी कार्यकर्त्यांना केलं होतं, त्यांच्या आवाहनाला प्रतिसाद देत राज्यभरातील कार्यकर्त्यांनी विविध सामाजिक उपक्रम हाती घेतले होते.     काल देशभरातील प्रमुख नेत्यांनी विविध माध्यमांतून पंकजाताईंना वाढदिवसाच्या शुभेच्छा दिल्या. आज राजभवनात राज्यपाल भगतसिंह कोश्यारी यांनी पुष्पगुच्छ देऊन आणि पेढा भरवून त्यांना वाढदिवसाच्या शुभेच्छा दिल्या. या ...

  विद्युत तारेचा कंरट लागला; एका शेतकऱ्याचा मृत्यू  गेवराई, प्रतिनिधी... रानडुकरापासून संरक्षण मिळावे यासाठी ऊसाला तार कुंपण लावून त्यात सोडलेल्या विद्युत प्रवाहाचा शॉक लागून एका शेतकऱ्याचा मृत्यू झाल्याची घटना मंगळवारी सायंकाळी ७ वाजेच्या सुमारास गेवराई तालुक्यातील अर्धमसला येथे घडली. यात एका शेळीचाही शोक लागुण मृत्यू झाला. नंदु उद्धव थोपटे (वय ४०, रा. अर्धमसला, ता.गेवराई) असे मृत्यू झालेल्या शेतकऱ्याचे नाव आहे. ते मंगळवारी आपल्या शेतात काम करून सायंकाळच्या सुमारास घरी निघाले असताना सोबत असलेली शेळी ऊसात गेली असता तीला पाहण्यासाठी सदरील शेतकरी ऊसात गेला. त्याचवेळी रानडुकरापासून संरक्षण मिळावे यासाठी लावलेल्या तारेत सोडलेल्या विद्युत प्रवाहामुळे शॉक लागुन त्यांचा मृत्यू झाला. यात शेळीचाही शॉक लागून मृत्यू झाला. मंगळवार रोजी रात्री शेतकऱ्याचा मृतदेह शवविच्छेदनासाठी गेवराई येथील उपजिल्हा रुग्णालयात आणला होता. त्यांच्या पश्चात पत्नी, दोन मुले असा परिवार आहे. या घटनेमुळे अर्धमसला परिसरात हळहळ व्यक्त होत

  मान्सून शो कला प्रदर्शनात चिञकार प्रा.श्रीकांत दहिवाळ यांच्या चित्रांना पसंती परळी वैजनाथ..... द फेडरेशन ऑफ आर्ट इन्स्टिट्यूशनच्या वतीने औरंगाबाद येथील यशवंत कला महाविद्यालयाच्या कलादालनात 'मान्सून शो 2022' हे प्रदर्शन भरवण्यात आले. या प्रदर्शनासाठी महाराष्ट्रातील 31 अनुदानित कला महाविद्यालयातील 45 प्राचार्य, प्राध्यापकाच्या 104 कलाकृती प्रदर्शनात मांडण्यात आल्या आहेत. 30 जुलै 2022 पर्यंत सर्वांसाठी खुल्या राहणाऱ्या या प्रदर्शनात बीडच्या कैलास कला निकेतनच्या, प्राचार्य प्रवीण मुखेकर, प्रा. श्रीकांत पुरी, प्रा. श्रीकांत दहिवाळ या तीन प्राध्यापकांचे पेंटिंग समाविष्ट करण्यात आले आहे. स्वातंत्र्य सेनानी,सुप्रसिद्ध चिञकार कै. दताञय दहिवाळ गुरुजीचे चिञकार प्रा.श्रीकांत दहिवाळ हे चिरंजीव आहेत.वडिलांकडुन घेतलेला चिञकलेचा वारसा पुढे घेऊन अनेक चिञ प्रदर्शनात त्यांनी आपली चिञकलेच प्रदर्शन करुन प्रा.श्रीकांत दहिवाळ हे दहिवाळ परिवाराचे व परळीच नावलौकिक करत आहेत.चिञकले बरोबर गायन कला ही त्यांनी जोपासली असुन अतिषय उत्तम बासरी,शिळवादनातुन आपली कला सादर करतात. परळीकर असलेल्या चिञकार श्रीकां...

चाईल्ड पोर्नोग्राफी प्रकरणात एकाला अटक  बीड- इंटरनेट कॅफे च्या माध्यमातून चाईल्ड पोर्नोग्राफी करणाऱ्या बीड येथील एका आरोपीला पोलिसांनी बेड्या ठोकल्या आहेत.गेल्या महिनाभरात जिल्ह्यात चाईल्ड पोर्नोग्राफी चे चार ते पाच गुन्हे दाखल झाल्याने खळबळ उडाली होती. शहरातील शिवाजीनगर पोलीस ठाण्याच्या हद्दीत मागील महिन्यात चाईल्ड पोर्नोग्राफी प्रकरणी गुन्हा दाखल झाला होता.या प्रकरणाचा तपास करताना सायबर शाखेने संत नामदेव नगर भागात इंटरनेट कॅफे चालवणाऱ्या गोविंद बापूराव क्षीरसागर या व्यक्तीस अटक केली आहे.या आरोपीस न्यायालयासमोर हजर केले असता तीन दिवसांची पोलीस कोठडी सुनावण्यात आली आहे. बीड जिल्ह्यात चाईल्ड पोर्नोग्राफी चे चार ते पाच गुन्हे दाखल झाले होते.लहान मुलांचे व्हिडीओ इंटरनेट वर टाकून त्यांच्या पालकांची अन बालकांची बदनामी करण्याच्या या प्रकाराने खळबळ उडाली होती. गेल्या महिनाभरापासून पोलीस या प्रकरणात आरोपीचा शोध घेत होते.

पंकजाताई मुंडे यांच्या वाढदिवसानिमित्त धार्मिक उपक्रम:उमाताई समशेट्टे यांच्या वतीने  51 महिलांची कपिलधार वारी   परळी वैजनाथ...      भाजपाच्या राष्ट्रीय सचिव पंकजाताई मुंडे यांच्या वाढदिवसाच्या निमित्ताने परळी शहरातील विविध भागांतील ५१ महिलांना श्री क्षेत्र कपिलधार येथे दर्शन व अभिषेकाची सोय नगर परिषद सदस्या सौ उमाताई समशेट्टे यांच्या तर्फे करण्यात आली. या उपक्रमाचे विविध स्तरातून कौतुक केले जात आहे. २६ जुलै, भाजपा राष्ट्रीय सचिव पंकजाताई मुंडे यांचा वाढदिवस राज्यभरासह परळीतील कार्यकर्त्यांनी विविध सामाजिक, धार्मिक, लोकोपयोगी उपक्रम राबवत उत्साहात साजरा केला. आपला वाढदिवस समाजातील वंचित, पिडित घटकांची सेवा करून साजरा करावा असं आवाहन पंकजाताई मुंडे यांनी कार्यकर्त्यांना केलं आहे. त्यानुसार गोरगरीब विद्यार्थ्यांना शालेय गणवेश, वह्या, गरजू महिलांना शिलाई मशीन, भारतीय डाक विभागाचा दहा लाखांचा अपघात विमा, दंतरोग चिकित्सा, रक्तदान शिबीर, रूग्णांना फळ आणि ब्लॅकेट वाटप, प्रभू वैद्यनाथ अभिषेक, दर्ग्यास चादर आदी उपक्रम राबविण्यात येत आहेत.  याचाच एक भाग म्हणून ...

संत नामदेव: विवेकी प्रबोधन परंपरेचे नायक                   - ह. भ. प. शामसुंदर सोन्नर महाराज ----------------------------------- *महाराष्ट्रामध्ये विवेकी प्रबोधनाचा अखंड जागर वारकरी संतांनी केला. या वारकरी विचार परंपरेचे नायक म्हणून संत नामदेव महाराज यांच्याकडे पाहिले जाते. विविध जातीतील त्यांचे समकालीन 24 मराठी संत कवी  होते आणि ते नामदेवांना आदर्श मानत होते. इतकेच नव्हे तर त्यांचे समकालीन कानडी संत पुरंदरदास आणि हिंदी कवी संत कबीर यांच्यावरही नामदेवांच्या विचारांचा प्रभाव दिसतो. वारकरी परंपरेचे कळस म्हणून गौरविलेले तुकाराम महाराज हे तर नामदेव महाराज हे आपल्या अभंग रचनेची प्रेरणा असल्याचे सांगतात. यावरून संत नामदेव हे संत प्रबोधन परंपरेचे नायक आहेत, असे ठामपणे म्हणता येईल.* संत नामदेव यांनी विवेकी वारकरी प्रबोधनाच्या प्रचारासाठी संपूर्ण भारत भ्रमण केले. तसे संपूर्ण भारताचे भ्रमण करणारे ते पहिले मराठी संत होते.  ते संत चरित्रकार आहेत, आत्मचरित्रकार आहेत, पहिले वारकरी कीर्तनकार आहेत अशा विविध भूमिकांमध्ये आपण नामदेव महाराज यांना पाहू...

  मुलगी नको, मुलगाच हवा हट्टापायी बेकायदेशीरपणे गर्भलिंगनिदान व कापून काढला गर्भ  • _सासू, पती,व डॉक्टरसह चौघांवर गुन्हा_ परळी वैजनाथ ,...       मुलगी नको, मुलगाच हवा या हट्टापायी कुटुंबीयांनी एका डॉक्टरला हाताशी धरून बेकायदेशीरपणे गर्भलिंगनिदान केले. गर्भात मुलगीच आहे हे लक्षात आल्यानंतर पती आणि सासूच्या सांगण्यावरून त्या डॉक्टरने गर्भ अक्षरश: कापून बाहेर काढला. या प्रकरणातील पिडीत मातेच्या फिर्यादीवरून सासू, पती,व डॉक्टरसह चौघांवर गुन्हा दाखल करण्यात आला आहे.या घटनेने खळबळ उडाली आहे.       पोलीस सूत्रांकडून प्राप्त अधिक माहितीनुसार, शिवाजीनगर, थर्मल भागातील रहिवासी पिडिता आहे. मागील वर्षी मुलीला जन्म दिलेली ही विवाहिता पुन्हा गर्भवती राहिली. परंतु, दुसऱ्या वेळेस मुलगी नको, मुलगाच हवा या हट्टापायी कुटुंबीयांनी एका डॉक्टरला हाताशी धरून बेकायदेशीरपणे गर्भलिंग निदान केले. गर्भात मुलगीच आहे हे लक्षात आल्यानंतर पती आणि सासूच्या सांगण्यावरून त्या डॉक्टरने गर्भ अक्षरश: कापून बाहेर काढला. मुलगी असो वा मुलगा, मला गर्भपात नको, माझ्या बाळाला मारू नका असा ...

  पंकजाताई मुंडे यांच्या वाढदिवसानिमित्त परळीत  रक्तदान,कोविड बूस्टर डोस व मोफत  दंतचिकित्सा शिबीर जास्तीत जास्त नागरिकांनी लाभ घ्यावा- प्रा पवन मुंडे परळी प्रतिनिधी : मा लोकनेत्या पंकजाताई मुंडे यांच्या वाढदिवसानिमित्त भारतीय जनता पार्टी च्या वतीने आज अक्षदा मंगल कार्यालय येथे सकाळी 10:30 वाजता भव्य रक्तदान शिबीर व नागरिकांना कोविड बूस्टर डोस देण्याबरोबरच  मोफत भव्य दंतचिकित्सा शिबिर होणार असून या मध्ये परळीतील प्रसिद्ध दंतरोग तज्ञ डॉ शुभम  ईश्वरप्रसाद लाहोटी व डॉ मीरा शुभम लाहोटी हे उपस्थितीत राहणार असून शहरातील व ग्रामीण भागातील जास्तीत जास्त नागरीकांनी या शिबिराचा लाभ घ्यावा असे आवाहन भाजपा तालुकाध्यक्ष सतीश मुंडे, शहराध्यक्ष जुगलकिशोर लोहिया व नगरसेवक प्रा पवन मुंडे यांनी केले आहे.       या शिबिरा मध्ये रुग्णांच्या दाता संबंधित अनेक समस्यांच्या मोफत x ray द्वारा तपासणी करण्यात येणार असून, रुग्णांच्या दातांमध्ये सीमेंट-चांदी भरणे, रूट कॅनल करणे, दातांवर कॅंप लावणे,दात स्वच्छ करणे,दातांच्या हिरड्या विषयक समस्यांवर विलाज, डेंटल इंप्लॅन्ट करणे ...

  वंचित, पिडित घटकांची सेवा हयाच माझ्यासाठी खऱ्या शुभेच्छा -पंकजाताई मुंडे मुंबई  ।दिनांक २४। माझ्या वाढदिवसाच्या दिवशी हार, बुके, मोठं सेलिब्रेशन करण्यापेक्षा समाजातील गरजूंना मदत करा, समाजाच्या सेवेचे उपक्रम राबवा, आपल्या हातून झालेली वंचित, पिडित घटकांची सेवा हयाच माझ्यासाठी खऱ्या शुभेच्छा आहेत असं भाजपच्या राष्ट्रीय सचिव पंकजाताई मुंडे यांनी म्हटलं आहे.  वाढदिवसाला भेटीसाठी येऊ नका, जिथं आहात तिथूनच शुभेच्छा द्या अशी विनंतीही त्यांनी कार्यकर्त्यांना केली आहे.   पंकजाताई मुंडे यांचा वाढदिवस येत्या २६ जूलै रोजी आहे, त्या अनुषंगाने त्यांनी राज्यभरातील तमाम कार्यकर्त्यांना यासंदर्भात फेसबुकवर व्हिडीओ संदेश द्वारे विनंतीवजा आवाहन केलं आहे.  "खूप लोकांना वाटतयं की ताईंची भेट घ्यावी, वाढदिवसाला काहीतरी करावं. ताईची नजर त्यावर पडावी, ताईनी ते पहावं. पण प्रत्येकापर्यंत मला पोचणं शक्य नाही, त्यातच राज्यात अतिवृष्टी होत आहे, शेतकरी चिंतित आहे, राजकीय उलथापालथ होत आहे, त्यामुळे माझी कार्यकर्त्यांना विनंती आहे, यावेळी मला क्षमा करावी. राजकीय नेत्यांनी, सेलिब्रेटींनी वा...

  नागापूर धरणात युवक बुडाला; शोध मोहीम सुरू परळी वैजनाथ, प्रतिनिधी...      परळी तालुक्यातील नागापूर येथील वाण धरणात पोहायला गेलेल्या एक युवक धरणात बुडाला आहे.        याबाबत माहिती अशी की परळी शहरातील जुना रेल्वे स्टेशन भागातील रहिवासी असलेला युवक शेख तालेब शेख जानी वय 24  हा तरुण  नागापुर वाण धरणात बुडाला असुन शोध मोहीम चालू आहे. काही दिवसापूर्वीच परळीचा मुख्य जलस्त्रोत असलेला नागापूरचा वाहन प्रकल्प तुडुंब भरला असून या ठिकाणी बघ्यांची मोठी गर्दी होत आहे त्याचप्रमाणे नागापूर वाहन प्रकल्प सेल्फी पॉईंट बनला आहे धरणात पोहायला जाणाऱ्या लोकांची संख्या ही मोठ्या प्रमाणात आहे असाच हा युवक धरणावर गेला होता धरणात पडून तो बुडाला असून त्याचा शोध घेण्यासाठी प्रशासन प्रयत्न करत आहे. घटनास्थळी परळीचे नायब तहसीलदार बाबुराव रुपनर ठाण मांडून असून नगरपालिकेचे आपत्कालीन पथक पोलीस प्रशासन व महसूल प्रशासन शोध मोहिमेत काम करत आहे.

  गर्दीतील लोकनेत्या.........!                     ✍️ • प्रदीप कुलकर्णी • ------------------------------------------------------- लोकनेत्याचा वारसा जपणं आणि तो यशस्वीपणे पुढे चालवणं हे म्हणावं तितकं सोप नाही. मुंडे साहेब आणि गर्दी हे जसं समीकरण होतं तसचं समीकरण पंकजाताई यांच्याबाबतीतही आहे पक्षाचं राष्ट्रीय सचिवपद सोडलं तर त्यांच्याकडे घटनात्मक असं कोणतही पद नसलं तरी त्या आजही जिथं जातील तिथं लोकांची गर्दी ही ठरलेलीच..! कुणी कामासाठी, कुणी गांवचे प्रश्न घेऊन, कुणी सार्वजनिक विषय घेऊन तर कुणी 'फक्त पहायला' म्हणून गर्दी करतात..अर्थात ही सर्व 'मुंडे' नावांच्या भारदस्त नेतृत्वाची किमया म्हणावी लागेल, जी केवळ पंकजाताई यांनाच लाभली. सत्ता असताना लोकांची गर्दी होणं तसं स्वाभाविक आहे पण कोणतंही पद, अधिकार नसताना जेव्हा लोकं गर्दी करतात आणि हक्कानं आपलं गाऱ्हाणं मांडतात  तेव्हा त्या नेतृत्वाची काम करण्याची पध्दत,  त्याचा स्वभाव, लोकांना आपलसं करण्याची शैली त्यांना मनापासून आवडलेली असते आणि हेच लोकनेता असल्याचं वैशिष्ट्य आहे. हे स...

  पंकजाताई मुंडे यांच्या वाढदिवसानिमित्त  परळीत विविध सामाजिक उपक्रम दंतरोग चिकित्सा, रक्तदान शिबीर, गरजू महिलांना दहा लाखाचे विमा संरक्षण  परळी दि. २४ ----- भाजपच्या राष्ट्रीय सचिव पंकजाताई मुंडे यांचा २६ जूलै हा  वाढदिवस विविध सामाजिक उपक्रमांनी साजरा करण्याचा निर्णय भाजपच्या कार्यकर्त्यांनी घेतला असून त्यानिमित्त दंतरोग चिकित्सा, रक्तदान शिबीर, गरजू महिलांचा दहा लाखाचा विमा, शिलाई मशीन वाटप यासह विविध भरगच्च कार्यक्रमांचं आयोजन यावेळी करण्यात आलं आहे.    पंकजाताई मुंडे यांच्या वाढदिवसाच्या अनुषंगाने भाजपच्या पदाधिकारी व कार्यकर्त्यांची बैठक आज पार पडली. शहर व तालुक्यातील कार्यकर्ते यावेळी उपस्थित होते. आपला वाढदिवस समाजातील वंचित, पिडित घटकांची सेवा करून साजरा करावा असं आवाहन पंकजाताई मुंडे यांनी कार्यकर्त्यांना केलं आहे, त्यानुसार शहर व ग्रामीण भागात गोरगरीब विद्यार्थ्यांना शालेय गणवेश, वह्या, गरजू महिलांना शिलाई मशीन, भारतीय डाक विभागाचा दहा लाखांचा अपघात विमा, दंतरोग चिकित्सा, रक्तदान शिबीर, रूग्णांना फळ आणि ब्लॅकेट वाटप, प्रभू वैद्यनाथ आणि कपीलधार ...