माझी बातमी MB NEWS

 * जिवलग मित्र आणि सहकारी गमावला - धनंजय मुंडे* परळी दि. 29 --- परळी शहर काँग्रेसचे अध्यक्ष बाबू नंबरदार हे महा विकास आघाडीतील काँग्रेस या घटक पक्षाचे परळी शहराध्यक्ष म्हणून सहकारी तर होतेच पण त्याहीपेक्षा त्यांचे आणि माझे जिवलग मित्राचे नाते होते आज मी माझा जिवलग मित्र गमावला आहे अशा शब्दात बीड जिल्ह्याचे पालकमंत्री धनंजय मुंडे यांनी आपल्या शोकभावना व्यक्त केल्या आहेत. बाबु नंबरदार यांच्यासोबत आपण विद्यार्थी दशेपासून सोबत होतो. अनेक वर्षे सोबत क्रिकेट खेळले आहे. क्रिकेटचे वेड असलेले बाबू नंबरदार हे संपूर्ण बीड जिल्ह्यात आपल्या शैलीमुळे परळीचे अझरुद्दीन  म्हणून प्रसिद्ध होते.  क्रिकेट सोबतच परळीच्या राजकीय सामाजिक जीवनातही आपली स्वतंत्र ओळख निर्माण केली होती त्यांच्या निधनाने परळीच्या क्रीडा आणि राजकीय क्षेत्रात एक पोकळी निर्माण झाली आहे त्यांच्या कुटुंबियांच्या दुःखात मी सहभागी आहे.

    परळीत पोलीसांची संख्या कमी- शहरातील सीसीटीव्ही यंत्रणा बंद ; चोरट्यांना मोकळं रान-चोरीच्या घटना वाढल्या परळी वैजनाथ, प्रतिनिधी....        परळी शहराच्या सुरक्षेच्या दृष्टीने शहरावर नजर रहावी यासाठी सार्वजनिक ठिकाणी मुख्य रस्त्यावर सीसीटीव्ही यंत्रणा कार्यान्वित करण्यात आली होती.मात्र गेल्या अनेक दिवसांपासून ही यंत्रणा केवळ शोभेची वस्तू बनली आहे.शहरातील बहुतांश सीसीटीव्ही कॅमेरे बंद असल्याचे समोर आले आहे.सध्या कोरोना काळात शहराची सुरक्षाच एकप्रकारे रामभरोसे झाली आहे.        परळी शहरात प्रमुख चौक, रस्ते तसेच सार्वजनिक ठिकाणी सीसीटीव्ही कॅमेरे बसविण्यात आले असून या सर्व कॅमेर्‍यांचा नियंत्रण कक्ष शहर ठाण्यात आहे. परंतु मागील काही महिन्यांपासून सीसीटीव्ही कॅमेरे पुर्णपणे बंद असून ही यंत्रणा धुळखात पडली आहे. गुन्हेगारी रोखण्यासोबत गुन्हेगारांचा शोध घेण्यासाठी असलेली अत्याधुनिक व तेवढीच उपयुक्त यंत्रणा तातडीने पुन्हा कार्यरत होणे गरजेचे आहे. परळी शहरात सुरक्षेच्या दृष्टीने मुख्य रस्त्यावर सीसीटीव्ही यंत्रणा कार्यान्वित केलेली असुन जवळपास ५२ कॅमेरे बसविण्यात आलेले आहेत.यापैकी बहुतांश सीसीट

 * गाढे पिंपळगाव येथे माता रमाईस अभिवादन करुन बोधिवृक्षाचे रोपण                 परळी वैजनाथ ------ परळी तालुक्यातील  गाढे पिंपळगाव ता परळी येथे बोधिसत्व डॉ बाबासाहेब आंबेडकर यांची सावली माता रमाई यांच्या स्मृतिदिनी अभिवादन करुन बोधिवृक्षाचे रोपण करण्यात आले.माता रमाई आंबेडकर यांच्या स्मृतिदिनी गाढे पिंपळगाव येथे सर्व प्रथम तथागत गौतम बुद्ध, डॉ बाबासाहेब आंबेडकर आणि माता रमाई आंबेडकर यांच्या प्रतिमेला बोधिसत्व प्रतिष्ठानचे अध्यक्ष सचिन रणखांबे आणि योगेश जगताप यांनी पुष्पहार अर्पण करून अभिवादन केले.सामुदायिक त्रिसरण पंचशील ग्रहण केल्यानंतर सचिन रणखांबे यांनी माता रमाई आंबेडकर यांच्याविषयी मार्गदर्शन केले.कार्यक्रमाचे सुत्रसंचलन विनोद घुंबरे यांनी केले. माता रमाई आंबेडकर यांच्या स्मृतिदिनानिमित्त गाढे पिंपळगाव येथील स्मशानभूमीत बोधिवृक्षाचे रोपण करण्यात आले.याप्रसंगी बोधिसत्व प्रतिष्ठानचे अध्यक्ष सचिन रणखांबे, ऑफ इंडिया पॅंथर सेनेचे परळी ता महासचिव विनोद घुंबरे, सुरज घागरमाळे, सिध्दार्थ घुंबरे, नितीन रोडे, हर्षद घुंबरे, प्रदिप घुंबरे, योगेश जगताप आणि रंजित घुंबरे आदिंनी परिश्रम घेतले....

-----------------------------------------  *✍️दहावीच्या विद्यार्थ्यांसाठी मोठा निर्णय, ‘असा’ लागणार दहावीचा निकाल* ------------------------------------------ मुंबई : कोरोनाच्या प्रादुर्भावामुळे राज्यातील दहावीची परीक्षा रद्द करण्याचा निर्णय घेण्यात आला होता. आता शालेय शिक्षण मंत्री वर्षागायकवाड यांनी दहावीचा निकाल कसा लावणार याविषयी निकष जाहीर केले आहेत. दहावीच्या निकालाचे निकष जाहीर करताना वर्षा गायकवाड यांनी दहावीचा निकाल जूनअखेर लावू असं म्हटलं आहे. ज्या विद्यार्थ्यांना निकालाबाबत समाधान नसेल त्यांच्यासाठी श्रेणी सुधार योजनेअंतर्गत दोन संधी उपलब्ध राहतील, असं म्हटलं आहे, गेले अनेक दिवस १०वी आणि १२वीच्या परीक्षेवरुन त्यानंतर त्याच्या निकालावरुन सावाळा गोंधळ उडाला होता. पालक, विद्यार्थी यांच्यातही संभ्रम निर्माण झाला होता. या सगळ्याची माहिती शालेय शिक्षणमंत्री वर्षा गायकवाड यांनी दिली आहे. राज्यातील विद्यार्थी, पालक आणि शिक्षकांचं आरोग्य हेच सरकारचं प्राधान्य आहे. त्यामुळे विद्यार्थ्यांना परीक्षा केंद्रांवर बोलवणं योग्य होणार नाही. त्यामुळे विद्यार्थ्यांना सरसकट उत्तीर्ण करण्याचा निर्

  परळी ब्लड डायरी तर्फे परळीत भव्य रक्तदान शिबिराचे आयोजन परळी (प्रतिनिधी) :- दि २८ मे २०२१ कोरोना च्या पार्श्वभूमीवर रक्ततुटवड्याचे संकट लक्षात घेऊन परळी ब्लड डायरी तर्फे आज रक्तदान शिबिर आयोजित करण्यात आला आहे जमाते इस्लामी हिंद परळीचा कार्यालयात रक्तदान शिबिरचा आयोजन करण्यात आलेला आहे सकाळी 10 ते दुपारी 04 पर्यंत हा रक्तदान शिबिर परळी ब्लड डायरी व इतर संघटना च्या संयुक्त विद्यमानाने घेण्यात येत आहे जमात ए इस्लामी हिंद परळी, नय्यर ग्रुप ,खिदमत फाऊंडेशन , हजरत उमर फारुख ग्रुप, AK बॉईज, स्टुडन्ट इस्लामिक ऑर्गनायझेशन ऑफ इंडिया परळी, टिपू सुलतान युवा मंच परळी, एम पी जे परळी. या सर्व संघटनांचा समावेश आहे. रक्तदान शिबीर घेण्याचा उद्देश परळीत जेव्हा रक्ताची गरज असते तेव्हा स्वामी रामानंद तीर्थ शासकीय रुग्णालय ब्लड बँक अंबाजोगाई तिथून रक्त पुरवठा केला जातो सध्या कोरोना महामारी मुळे रक्ततुटवड्याचे संकट लक्षात घेऊन परळी ब्लड डायरी च्या वतीने रक्तदान शिबिराचा आयोजन केलेला आहे तरी सर्व परळीकरांना खास करून युवकांना विनंती आहे जास्तीत जास्त रक्तदान करून या परिस्थितीत सामान्य जन माणूस व शासनाला मद

  उद्या मिळणार नागरिकांना कोविशिल्ड लस  परळी वैजनाथ, प्रतिनिधी....     शहरातील नागरिकांना कोरोना प्रतिबंधक लस मिळणार असुन उद्या दि.२८ रोजी कोविशिल्ड लस उपलब्ध असणार आहे. लसिकरणासाठी चे नियोजन तालुका आरोग्य अधिकारी डॉ. लक्ष्मण मोरे यांनी जाहीर केले आहे.

  महर्षी नारदाच्या गादीचा निष्काम सेवक परळी पंचक्रोशीने गमावला; नारद जयंतीलाच इहलोकीचा प्रवास सोडला   ह .भ.प. पुरुषोत्तम महाराज उखळीकर यांना भावपूर्ण श्रद्धांजली! संत श्रेष्ठ वैकुंठवासी गुरूवर्य सोपान काकांच्या गादीचा खराखुरा वारस, सोपान काकांचे आमच्या समूळ समाजावर खूप मोठे उपकार आहेत. त्यांच्यामुळेच समाजाच्या गळ्यात तुळशीची माळ पडली. आणि समाज आध्यात्मिक बनला. त्यांचे वारसदार वैराग्यमुर्ती, वै.ह.भ.प.पुरुषोत्तम महाराज उखळीकर हे आयुष्यभर नारदाच्या गादीचे निष्काम सेवक होते. कधीच मान-पान न पहाता केवळ भक्ती करत परळी तालुक्यातील हजारो लोकांना भक्ती मार्ग दाखवला. आणि आज महर्षी नारद जयंती दिनीच त्यांनी आपले अवतार कार्य संपविले.  वैकुंठवासी गुरूवर्य पुरुषोत्तम महाराज यांच्या आत्म्यास प्रभू श्री वैद्यनाथ चिरशांती देवो हीच प्रार्थना! माझ्या वतीने आणि आंधळे कुटुंबीयांच्या वतीने त्यांना भावपूर्ण श्रद्धांजली! उखळीकर कुटुंबीयांना हे दुःख सहन करण्याची शक्ती देवो हीच पांडूरंग चरणी प्रार्थना! 👏👏👏 ✍️✍️✍️✍️✍️✍️✍️✍️ गोपाळ आंधळे,  शिक्षण सभापती,नगर परिषद परळी वैजनाथ.

 * संत सोपानकाका महाराज  उखळीकर भजनी फडाचे प्रमुख हभप गुरुवर्य पुरुषोत्तम महाराज उखळीकर यांचे देहावसान* ⬛  *_अस्सल वारकरी भजनानंदी व वारकरी आचरणातील  'मर्यादा पुरुषोत्तम' काळाच्या पडद्याआड_*  ⬛ परळी वैजनाथ, प्रतिनिधी.....      परळी पंचक्रोशी तसेच परभणी,बीड जिल्ह्यासह आळंदी-पंढरपुरसह संपूर्ण वारकरी विश्वात आदरणीय व सर्व परिचित असलेल्या संत सोपानकाका महाराज  उखळीकर भजनी फडाचे प्रमुख हभप गुरुवर्य पुरुषोत्तम महाराज उखळीकर यांचे आज दि.२७   पहाटे ५ वा.सुमारास देहावसान झाले. वारकरी संप्रदायाचा खराखुरा पाईक व वारकरी आचरणातील सर्व मर्यादा आयुष्यभर तंतोतंत पालन करणारा अस्सल वारकरी भजनानंदी व आचरणातील वारकरी 'मर्यादा पुरुषोत्तम' काळाच्या पडद्याआड गेला असल्याची शोकभावना व्यक्त होत आहे.        हभप गुरुवर्य पुरुषोत्तम महाराज सोपानकाका महाराज उखळीकर यांचे गेल्या काही दिवसांपासून प्रकृतीस्वास्थ्य ठिक नव्हते. यातच वयाच्या ९१ व्या वर्षी त्यांची प्राणज्योत मालवली.त्यांच्या पश्चात पत्नी, तीन मुले,सुना, नातवंडे,पतवंडे असा मोठा परिवार आहे. महाराष्ट्रातील प्रसिद्ध किर्तनकार हभप केशव महाराज उख

 ------------- वाढदिवस साजरा करत कोवीड सेंटरवर रूग्णांना वाचनिय ग्रंथांचे वितरण सामाजिक कार्यकर्ते श्रीनिवास देशमुख यांचा उपक्रम ------------- परळी वैजनाथ, दि.26, ()ः- कोवीड सेंटरवर कोरोनावर उपचार घेत असलेल्या रूग्णांमध्ये सकारात्मकता निर्माण व्हावी, त्यांचे मन आनंदित व प्रसन्न रहावे यासाठी वाढदिवस साधेपणाने साजरा करत येथील सामाजिक कार्यकर्ते श्रीनिवास देशमुख यांनी कोरोना बाधित रूग्णांना कोवीड सेंटरवर जावून विविध ग्रंथाचे वितरण केले. श्री शरद पवार विचार मंचचे बीड जिल्हाध्यक्ष या पदावर असलेले येथील श्री देशमुख यांचा बुधवारी (दि.26) वाढदिवस होता. त्यांनी वाढदिवसानिमित्त कोणतेही कार्यक्रम न घेता शहरातील विविध कोवीड सेंटरवर कोरोनावर उपचार घेत असलेल्या रूग्णांना सेंटरवर जावून पुस्तकाचे वाटप केले. यामुळे रूग्णांमध्ये आनंदाची भावना होती. आता आमचा वेळ सत्कारणी लागून वाचनात जाईल अशी प्रतिक्रिया रूग्णांनी यावेळी दिली. अखिल भारतीय वारकरी मंडळाचे विभागीय अध्यक्ष रामेश्वर महाराज कोकाटे यांच्या हस्ते विविध केंद्रावर श्री देशमुख यांनी या पुस्तकाचे वाटप केले. दरम्यान, शहरातील पत्रकार बांधवाना मास्क,

 *वृद्धाश्रमात अन्नदान करुन प्राचार्या डॉ.रेखाताई परळीकर यांचा दशक्रियाविधी*  परळी वैजनाथ,प्रतिनिधी...       मराठवाड्याच्या शैक्षणिक क्षेत्रातील सर्व परिचित व परळीच्या कै.लक्ष्मीबाई देशमुख महिला महाविद्यालयाच्या प्राचार्या डॉ. आर.जे.परळीकर  यांच्या दुःखद निधनानंतर आज दहाव्या दिवशी वृद्धाश्रमात अन्नदान करुन दशक्रियाविधी करण्यात आला      कै.प्राचार्या डॉ. आर.जे. परळीकर यांचा सामाजिक कार्यात नेहमीच पुढाकार असायचा. वंचित, उपेक्षित घटकांना प्रसिद्धीपासून दुर राहत त्या आधार देण्याचे काम नेहमीच करत असत. शिक्षणापासुन कोणी वंचित राहत असेल तर त्याला आवश्यक ती मदत परळीकर मॅडम आवश्य करत असायच्या. विशेष म्हणजे आणि आजपर्यंत कोणालाही न सांगता त्यांनी केलेले उदात्त काम म्हणजे दरवर्षी एक गरजु विद्यार्थी त्या शैक्षणिक दत्तक घेत.त्या विद्यार्थ्यांना रोजगार लागेपर्यंत त्याची संपूर्ण जबाबदारी परळीकर मॅडम पार पाडत होत्या. असा सामाजिक दृष्टीकोन आयुष्यभर जपलेल्या प्राचार्या डॉ. आर.जे. परळीकर यांचा कोविडविषयक नियमांचे पालन करत  पैठण येथे गोदावरी तिर्थस्थानी दशक्रिया विधी करण्यात आला.तसेच मातोश्री वृद्धाश्रम ये

 *राष्ट्रीय स्वयंसेवक संघ,यांच्या तर्फे चेकपोस्ट येथे कर्तव्य बजावत असलेल्या कोरोना योध्दयांच्या अल्पोपहार व चहापाण्याची सोय* परळी वैजनाथ - सध्या देशात कोरोना या महामारीने थैमान घातले असून, सर्वञ ताळेबंदी करण्यात आलेली आहे. या काळात सर्वच हाॅटेल, रेस्टॉरंट बंद आहेत म्हणून शहरात राष्ट्रीय स्वयंसेवक संघ यांच्या तर्फे चेकपोस्ट येथे कर्तव्य बजावत असलेल्या पोलिस, शिक्षक, स्वच्छता कर्मचारी, न.प. कर्मचारी यांच्या चहापाण्याची सोय मागील कडक ताळेबंदी पासुन करण्यात आली आहे.  यावेळी राकेशजी मोरे, प्रल्हाद बिडगर, प्रा.अतुल दुबे,गोपालजी व्यास, दिनेश लोंढे,गणेश जोशी, पुणेश नाईक, राजू जाधव,प्रमोद औटी, विश्वंभर देशमुख,बालाजी शहाणे, मनोज कुलकर्णी,सुनिल कौलवार, नवल वर्मा, शुभम आघाव,आकाश कंदले, आदित्य ईत्यादी परिश्रम घेत आहेत.जो पर्यंत हा लाँकडाऊन चा कार्यकाळ आहे तो पर्यंत कर्तव्य बजावत असलेल्या कोरोना योध्दयांना रोज अल्पोपहार व चहापाणी चालू राहिल असे या वेळी सांगण्यात आले.

  केंद्र सरकारच्या ध्येयधोरणा विरोधात काळे झेंडे दाखवून निषेध  *परळी वै : दि.२६ अनुप कुसूमकर*  मार्क्सवादी कम्युनिस्ट पक्ष, किसान सभा, शेतमजूर युनियन,(लाल बावटा,) डीवायएफआय युवक संघटना, एसएफआय विद्यार्थी संघटना या विविध संघटनेच्या वतीने मोहा येथे बुधवार दि 26 रोजी निषेध दिन म्हणून शेतकरी आंदोलनाला पाठिंबा देण्यात आला. कोविड 19 च्या पार्श्वभूमीवर शारीरिक अंतर ठेवून मोजक्या लोकांच्या उपस्थितीत हे आंदोलन करण्यात आले. दिल्ली येथील शेतकरी आंदोलनाच्या समर्थनार्थ तसेच केंद्र सरकारने राबवत असलेले जनता विरोधी प्रतिगामी धोरणांच्या विरोधात देशव्यापी काळा दिवस पाळण्याची हाक देण्यात आली असून त्या अनुषंगाने केंद्रातील सत्तेचा निषेध दिवस पाळण्यात आला. भारतीय नागरिकांनी मोठ्या आशेने देशाचा विकास होईल या भ्रमात भाजप सरकारला एकहाती सत्ता दिली.या घटनेला आजमितीस ७ वर्षे पूर्ण झालेली आहेत. या ७ वर्षाच्या कालावधीत देश कॉर्पोरेटस कंपन्या आणि बड्या भांडवलदारांच्या घशात घालण्याचा कट कारस्थान केंद्रातील सत्ताधाऱ्यांनी केलेला आहे. रेल्वे, विमान, जल वाहतूक, पोस्ट, एलआयसी, राष्ट्रीयकृत बँका, खनिज संपत्ती या सा

  जिल्हाधिकारी यांच्या आदेशानुसार मोहा येथे संस्थात्मक विलगीकरण केंद्राची सुरुवात‌ ; मोहा गावातील रुग्ण संख्या शून्य होण्यासाठी या कक्षाची मदत होणार - बाबुराव रुपनर  परळी‌ वैजनाथ दि २६ (प्रतिनिधी) :- संपूर्ण जगभरात कोरोना विषाणूने थैमान घातले आहे. अदृश्य अशा शत्रु विरोधात संपूर्ण जग लढताना दिसून येत आहे. दिवसेंदिवस ग्रामीण भागामध्ये वाढणारी रुग्णसंख्या आणि वाढणारा मृत्युदर हे गंभीर विषय आहेत. सोबतच, मोहा शिवारामध्ये सुद्धा दिवसेंदिवस रुग्ण संख्या वाढत असल्यामुळे बीडचे जिल्हाधिकारी रवींद्र जगताप यांच्या आदेशान्वये ग्रामपंचायत कार्यालय मोहा व प्राथमिक आरोग्य केंद्र मोहा यांच्या संयुक्त विद्यमाने जि.प.कें.प्रा.शाळा मोहा येथे संस्थात्मक विलगीकरण केंद्राची सुरुवात करण्यात आली. अशा प्रकारचे स्वतंत्र विलगीकरण कक्ष स्थापन करणारी जिल्ह्यातील मोहा ग्रामपंचायत हे एकमेव असल्या कारणाने या ठिकाणच्या सरपंच सौ रुक्मिणीबाई पांडुरंग शेफ व पदाधिकाऱ्यांचे प्रशासनाने अभिनंदन केले आहे.  या विलगीकरण केंद्राचे उद्घाटन परळी तहसीलचे नायब तहसीलदार बाबुराव रुपनर यांच्या हस्ते करण्यात आले. याप्रसंगी प्रमुख पाहुणे

 * हरिहर जोशी यांचे निधन* परळी वैजनाथ, प्रतिनिधी...    मुळ परळी येथील असलेले बीड येथील अंबिका नगर पोस्टमन कॉलनी येथे राहणारे व बीडच्या दूरसंचार / टपाल कार्यालयातील सेवानिवृत्त कर्मचारी श्री हरिहर ( दिलीप ) जगमित्र जोशी यांचे आज पुणे येथे रुग्णालयात उपचार घेत असताना दुःखद निधन झाले. मृत्यूसमयी त्यांचे वय 62 वर्षे होते. परळी येथील प्रसिद्ध वेदशास्त्र संपन्न स्व. जगमित्र गुरू जोशी यांचे ते चिरंजीव होत.         हरिहर ( दिलीप ) जोशी हे मूळ परळी वैजनाथ येथील रहिवाशी होते. मात्र नोकरीमुळे गेल्या अनेक वर्षांपासून बीड येथेच स्थायिक झाले होते. त्यांच्या पश्चात 2 मुले, पत्नी, सूना असा परिवार आहे. अत्यंत शांत, सरळ मनमिळावू स्वभावाचे म्हणून ते सर्व परिचित होते. परळी येथील प्रशांत जोशी ( स्वीय सहाय्यक धनंजय मुंडे ) यांचे ते चुलते होते. त्यांच्या निधनाने जोशी कुटुंबावर कोसळलेल्या या दु:खात दै....... परिवार सहभागी आहे.

 *धोकादायक: परळीच्या रस्त्यावर वापरलेले पीपीई कीट आणि मास्क घालून फिरतोय वेडा*   _पीपीई कीट आणि मास्क फेकले जातायत उघड्यावर, नागरिकांचे आरोग्य प्रचंड धोक्यात_ परळी वैजनाथ, प्रतिनिधी : वापरलेले पीपीई किट सर्रासपणे रस्त्यावर फेकले जात आहेत. यामुळे नागरिकांचे आरोग्य धोक्यात आले आहे. पीपीई किट उघड्यावर फेकल्याने हे धोकादायक होऊ शकते. कोरोनामुळे पीपीई कीट, हातमोजे, मास्कच्या कचऱ्यामुळे डोकेदुखी वाढली आहे. यातच आज दि.२५ रोजी सायंकाळी ६ वा.सुमारास एका वेडसर व्यक्तीने शहरात धुमाकूळ घातला. वापरलेले पीपीई कीट आणि मास्क घालून परळीच्या रस्त्यावर हा वेडा फिरत असल्याने नागरिकांना धडकी भरली आहे.          परळीच्या कचरा संकलनात रस्त्यावर रस्त्याच्या कडेला रूग्णालयांत वापरण्यात येणारे सुरक्षा उपकरणे फेकल्या जात आहेत.वापरलेले पीपीई कीट, हातमोजे, मास्क यांचा खच रस्त्यावर पडत असल्याने नागरिकांमध्ये भिती पसरली आहे. पीपीई किटचा कचरा निचरा जिथल्या तिथे झाला पाहिजे परंतु हा कचरा रस्त्यावर येत असल्याने कोरोना काळात ही धोकादायक बाब आहे.याकडे संबंधितांनी लक्ष देण्याची आवश्यकता आहे.जैविक कच-याची विल्हेवाट प्रशास

 * मुख्याध्यापक संतोष कराड यांचे निधन ; परळीच्या शिक्षण क्षेत्रात शोकभावना*  परळी वैजनाथ, प्रतिनिधी.....      परळी शहरात विविध उपक्रमांतर्गत हिरीरीने भाग घेत शिक्षण क्षेत्रात मोलाचे योगदान असणारे सर्व परिचित मुख्याध्यापक संतोष कराड यांचे निधन झाले आहे. मृत्यू समयी ते ४८ वर्षे वयाचे होते.त्यांच्या निधनाने परळीच्या शिक्षण क्षेत्रात शोकभावना व्यक्त होत आहेत.          संतोष कराड हे गेल्या अनेक वर्षांपासून परळीत शिक्षक म्हणून सेवेत आहेत.मुळचे चोपनवाडी येथील संतोष कराड हे परळी तालुक्यातील दाऊतपुर येथील पांडुरंग विद्यालय येथे मुख्याध्यापक म्हणून कार्यरत होते. परळी तालुक्यात शिक्षण क्षेत्रात त्यांनी मोठे योगदान दिले.परळीतील शैक्षणिक सर्व उपक्रमात ते नेहमी सक्रीय सहभागी असायचे.विविध शिबीरे, क्रीडा स्पर्धा, विविध संस्था, संघटना आयोजित शिक्षणविषयक उपक्रमांत त्यांनी हिरिरीने सहभाग घेतला आहे. त्यांच्या पश्चात पत्नी, दोन मुले असा परिवार आहे.जेष् नेते बाबुराव मुंडे यांचे ते जावई होत. मुख्याध्यापक संतोष कराड यांच्या निधनाबद्दल परळीच्या शैक्षणिक क्षेत्रात शोकभावना व्यक्त होत आहे.

  *"सेवा हाच ध्यास मनी.... तैसेची कर्म जीवनी" : डॉ. राजाराम मुंडेंचे कोरोना काळात जेष्ठ रुग्णांसाठी निरपेक्ष सेवाकार्य* परळी वैजनाथ, प्रतिनिधी.....       ज्येष्ठ नागरिकांना अनेक कारणांमुळे उपचार घेण्यासाठी रुग्णालयात जाता येत नाही.  अशा ज्येष्ठ नागरिकांसाठी सर्वांनाच घरपोच आरोग्य सेवा मिळेल हे शक्य नाही. परंतु परळीतील असा एक डाॅक्टर आहे जो जेवढे शक्य होईल तेवढे सेवाकार्य तेही निरपेक्षपणे करत आहे.कोरोनाच्या या भयावह परिस्थितीत "सेवा हाच ध्यास मनी....तैसेची कर्म जीवनी" याचा प्रत्यय डॉ.राजाराम मुंडे करत असलेल्या सेवाकार्यातुन दिसुन येतो.         सामाजिक सेवेच्या भावनेतून डॉ.राजाराम मुंडे सदोदित काम करतात हे सर्वपरिचित आहे. पेशापेक्षा आणि पैशापेक्षा सेवेला प्राधान्य देत आजपर्यंत त्यांचे वैद्यकीय क्षेत्रात काम आहे.सामाजिक पिंडच असल्याने डॉ.राजाराम मुंडे म्हणजे सर्व स्तरातील सर्व घटकांचे "आपले डाॅक्टर"आहेत. सामाजिक, सांस्कृतिक, अध्यात्मिक अशा विविध क्षेत्रातील लोकांशी असलेला स्नेहभाव जपताना प्रसंगी व्यावसायिक दृष्टिकोन बाजुला सारुन ते स्नेहभाव दृढ करतात ही त्यां

 * सेवाधर्म :परळी वकील संघास 60 जलनेतीपात्र भेट!* परळी वैजनाथ, प्रतिनिधी...         राज्याचे सामाजिक न्याय मंत्री तथा बीड जिल्ह्याचे पालकमंत्री ना.धनंजय मुंडे यांच्या संकल्पनेतून व गटनेते वाल्मिक कराड यांच्या मार्गदर्शनाखाली "सेवाधर्म" हा कोविड प्रादुर्भावातील लोकोपयोगी उपक्रम सुरु असून या अंतर्गत परळी वकील संघास 60 जलनेतीपात्र भेट देण्यात आले.        राष्ट्रवादी वकील संघ व सेवाधर्म टीमच्या वतीने परळी वकील संघास 60 जलनेतीपात्र भेट देण्यात आले. यावेळी परळी वकील संघाचे अध्यक्ष अॅड.पी एम सातभाई यांच्या हस्ते "जलनेती पात्र" वकील बांधवाना भेट देण्यात आले. या छोटेखानी कार्यक्रमास अॅड. डी पी कडभाने,अॅड.डी एल उजगरे,राष्ट्रवादी वकील संघाचे शहर अध्यक्ष adv मनजीत सुगरे,अॅड. गिराम ,अॅड.बाळासाहेब मुंडे, अॅड. दस्तगिर,अॅड. एजाज , अॅड. उरुज आदी वकील बांधव उपस्थित होते.                 "जल' म्हणजे "पाणी" आणि "नेती" म्हणजे 'स्वच्छता".प्राचीन काळापासून योगसाधना करण्यापूर्वी जलनेती करण्याची शास्त्रोक्त पद्धती आहे.आजच्या काळात या पद्धतीचा अवलंब

 *परळीत उघडकीस आला असा श्रीमंत भिकारी.......!* _पिशवी चोरीची भिक्षुकाची पोलीसात तक्रार;तीन तासात तपास_ परळी वैजनाथ, प्रतिनिधी         भिकारी श्रीमंत असतात, त्यांच्याकडे खूप पैसे असतात, एवढं बोलून आपण भिकारी ते भिकारीचं असं करून दुर्लक्ष करतो. पण या भिकारी माणसाकडे काय असणार असे म्हणुन दुर्लक्ष केले जाते मात्र परळीत पिशवी चोरीच्या घटनेत तपासातुन खरोखरच श्रीमंत भिकारी उघडकीस आला आहे.वैद्यनाथ मंदिर समोर बसणार्या एका भिक्षुकाकडे तब्बल पावणेदोन लाख रुपये जमापुंजी असल्याचे दिसून आले.पोलीसांनी तीन तासात या पिशवी चोरीच्या घटनेचा तपास लावला आहे.         रात्रंदिवस मेहनत केली तरी एवढी कमाई करू शकत नाहीत एवढी रक्कम एखाद्या भिक्षुकाकडे सापडली तर कोणालाही आश्चर्य वाटु शकते.भिकारी श्रीमंत असतात, त्यांच्याकडे खूप पैसे असतात, एवढं बोलून आपण भिकारी ते भिकारीचं असं करून दुर्लक्ष करतो, पण या भिकारीच्या संपत्ती पुढे आपण भिकारी असल्याचं आपल्याला दिसून येईल. मुंबईतले  भिकारी आपल्या संपत्तीबद्दल  चर्चेत असतात. पण परळीतील भिकारी ही काही कमी नाहीत हे एका घटनेने आज पुढे आले आहे.          बाबूराव नाईकवाडे नावाची

* मोहा येथे कोविड केअर सेंटर सुरू; ग्रामीण भागातील रुग्णांना मिळणार लाभ*  परळी वै : दि 24 अनुप कुसूमकर मोहा येथील कोविड सेंटर हे आदर्श असेल असे मत मानवलोकचे कार्यवाहक अनिकेत लोहिया यांनी व्यक्त केले तरमो हा येथील कोविड सेंटरमूळे रुग्ण संख्या कमी कोण्यास मदत होईल अशी आशा परळी तालुक्याचे तहसीलदार सुरेश शेजुळ यांनी व्यक्त केली. कॉ.गंगाधरअप्पा बुरांडे स्मृती प्रतिष्ठान अंबाजोगाई, मानवलोक,आरोग्य विभाग बीड व महाराष्ट्र शिक्षण संस्था,मोहा यांच्या संयुक्त विद्यमाने महाराष्ट्र विद्यालय,मोहा या ठिकाणी कोरोनाच्या सौम्य रुग्णासाठी व विलगिकरण कक्ष उपलब्ध असणारे सुसज्य असे 50 बेडचे कोविड केयर सेंटर चे उदघाटन सोमवार दि 24 रोजी करण्यात आले.सर्व कोरोना संदर्भातील नियमांचे पालन करीत मोजक्या व्यक्तीच्या उपस्थितीत हा कार्यक्रम सम्पन्न झाला.यावेळी मानवलोकचे कार्यवाहक अनिकेत लोहिया,परळी तालुक्याचे तहसीलदार सुरेश शेजुळ,नायब तहसीलदार बाबुराव रुपनर साहेब,तालुका आरोग्य अधिकारी डॉ. मोरे ,प्रतिष्ठानचे सचिव ऍड. अजय बुरांडे,सिरसाला पोलीस ठाण्याचे पोलीस उपनिरीक्षक एकसिंगे,मोहा गावचे सरपंच पांडुरंग शेप,यांच्यासह मान

  धोकादायक: वापरलेले पीपीई कीट आणि मास्क फेकले जातायत उघड्यावर, नागरिकांचे आरोग्य प्रचंड धोक्यात परळी वैजनाथ, प्रतिनिधी : वापरलेले पीपीई किट सर्रासपणे रस्त्यावर फेकले जात आहेत. यामुळे नागरिकांचे आरोग्य धोक्यात आले आहे. पीपीई किट उघड्यावर फेकल्याने हे धोकादायक होऊ शकते.कोरोनामुळे पीपीई कीट, हातमोजे, मास्कच्या कचऱ्यामुळे डोकेदुखी वाढली आहे.          परळीच्या कचरा संकलनात नंदागौळ रस्त्यावर रस्त्याच्या कडेला रूग्णालयांत वापरण्यात येणारे सुरक्षा उपकरणे फेकण्यात आली आहेत.वापरलेले पीपीई कीट, हातमोजे, मास्क यांचा खच पडल्याने नागरिकांमध्ये भिती पसरली आहे. पीपीई किटचा कचरा निचरा जिथल्या तिथे झाला पाहिजे परंतु हा कचरा रस्त्यावर येत असल्याने कोरोना काळात ही धोकादायक बाब आहे.याकडे संबंधितांनी लक्ष देण्याची आवश्यकता आहे.जैविक कच-याची विल्हेवाट प्रशासनाने नेमून दिलेल्या निर्देशांप्रमाणे लावणे बंधनकारक आहे. घातक कचरा उघड्यावर फेकणे गुन्हा आहे.                          ⬛ VIDEO⬛

 * सेवाधर्म :ना.धनंजय मुंडे यांच्या हस्ते परळीतील पाच गरजू कुटुंबांना प्रत्येकी दहा हजार विवाह सहाय्य निधी वितरित!* *परळी वैजनाथ, प्रतिनिधी...    सेवाधर्म: सारे काही समष्टीसाठी उपक्रमांतर्गत परळीतील पाच गरजु कुटुंबातील विवाह कार्यासाठी प्रत्येकी दहा हजार विवाह सहाय्य निधी ना.धनंजय मुंडे यांच्या हस्ते वितरित करण्यात आला. यामुळे कोरोनाच्या या कठिण काळात गरजू कुटुंबांना खुप मोठा मदतीचा हात मिळणार आहे.ना.धनंजय मुंडे यांच्या माध्यमातून होत असलेले सेवाकार्य खरोखरच लोकोपयोगी ठरत आहे.           राज्याचे सामाजिक न्याय मंत्री तथा बीड जिल्ह्याचे पालकमंत्री ना.धनंजयजी मुंडे यांच्या संकल्पनेतून साकार होत असलेल्या कोविड प्रादुर्भावतील लोकोपयोगी उपक्रम "सेवाधर्म" या मध्ये आज परळीतील उषा अर्जुन पुजारी, सुनंदा प्रदिप रोडे, खाजा बी गौस शेख, बालासाहेब चिंचाणे, बलवीर आगळे या पाच गरजू कुटुंबातील विवाहांना प्रत्येकी 10000 रुपये निधी ना.धनंजय मुंडे यांच्या हस्ते वितरित करण्यात आला. यावेळी गटनेते वाल्मिकअण्णा कराड,तालुकाध्यक्ष लक्ष्मण पौळ, शहराध्यक्ष बाजीराव भैय्या धर्माधिकारी,कृषि उत्पन्न बाजा

  अंबाजोगाई तालुका समन्वय व पुनर्विलोकन समितीच्या अध्यक्षपती राजेश्वर आबा चव्हाण यांची नियुक्ती ;परळी राष्ट्रवादी काँग्रेसच्या वतीने सत्कार परळी वैजनाथ, प्रतिनिधी ---- : बीड जिल्हा नियोजन समितीच्या अंबाजोगाई तालुका समन्वय व पुनर्विलोकन समितीच्या अध्यक्षपदी राजेश्वर (आबा) चव्हाण यांची जिल्ह्याचे पालकमंत्री धनंजय मुंडे यांच्या निर्देशानुसार नियुक्ती करण्यात आली आहे. या नियुक्तीबद्दल परळी राष्ट्रवादी काँग्रेसच्या वतीने सत्कार करण्यात आला.          ना.धनंजय मुंडे यांच्या निर्देशानुसार अंबाजोगाई तालुका समन्वय व पुनर्विलोकन समिती अध्यक्ष पदी राष्ट्रवादीचे नेते राजेश्वर आबा चव्हाण यांची निवड झाल्या बद्दल परळी राष्ट्रवादी काँग्रेसच्या वतीने सत्कार करण्यात आला. यावेळी गटनेते वाल्मीकअण्णा कराड, जि.प.अध्यक्ष शिवाजी शिरसाठ, तालुकाध्यक्ष लक्ष्मण तात्या पौळ, शहराध्यक्ष बाजीराव धर्माधिकारी, ज्येष्ठनेते भास्करमामा चाटे, सरचिटणीस अनंत इंगळे, युवकनेते विश्वंभर फड,सरपंच बंडू गुट्टे,माजी नगरसेवक रवी मुळे,बालाजी चाटे,प्रा.शाम दासूद सर,जयराम गोंडे,शकील कच्छी,शशी बिराजदार यांच्यासह पदाधिकारी उपस्थित होते.

 * मोहा येथे कॉ. गंगाधरअप्पा बुरांडे स्मृती प्रतिष्ठाण व मानवलोकच्या वतीने ५० खाटाच्या कोवीड विलगीकरण केंद्र सुरू.* *आरोग्य विभागाच्या वतीने डॉक्टर व कर्मचारीच्या निगराणीखाली २४ तास सेवा* परळी वै.ता.२३ प्रतिनिधी महाराष्ट्र शासन व मानवलोकच्या सहकार्यातुन मोहा येथे काॅ .गंगाधरअप्पा बुरांडे स्मतृी प्रतीष्ठाणच्या पढुाकाराने ५० खाटांच्या कोविड विलगीकरण केंद्राची सुरवात झाली आहे. जिल्हयातील डोंगरी व ग्रामीण भागातील मोहा पहिलेच केंद्र असणार आहे. परळी तालुक्यातील मोहा हे गाव डोंगरी भागातील गाव आहे. दहा किमी परिसरातील गावे ही डोंगरी भागातील आहेत. त्या सर्व गावांना मोहा सोयीचे व जवळचे गाव वाटते. मोहा परीसरातील गावांमध्ये कोरोना महामारीने कहर केला आहे. मागच्या काही दिवसात ग्रामीण भागात कोरोणा रूग्नाची संख्या मोठया प्रमाणात वाढत आहे. आजच्या घडीला परिसरात तब्बल ६६ रुग्ण सक्रीय (अक्टीव्ह) आहेत. ग्रामीण भागात या आजारा विषयी भिती निर्माण झालेली असल्याने अनेकजण आजार अंगावर काढीत आहेत. त्यामुळे संसर्ग मोठया प्रमाणात होत आहे. परिणामी ग्रामीण भागात रूग्न वेळेवर उपचार घेत नसल्याने मृत्युचे प्रमाण जास्त

 * परळी शहरातील लसीकरणाचा सावळा गोंधळ थांबवा-श्रीनिवास देशमुख* ---------------- परळी वैजनाथ, (प्रतिनिधी)ः- आरोग्य विभागाच्या गलथान कारभारामुळे परळीत कोरोना प्रतिबंधक लसीकरणाचा बोजवारा उडाला असून या प्रकरणी आरोग्य विभागाच्या वरिष्ठ अधिकार्‍यांनी लक्ष घालून लसीकरणाचे काम सुरळीत करावे अशी मागणी शरद पवार विचार मंचचे बीड जिल्हाध्यक्ष श्रीनिवास देशमुख यांनी केली आहे. पालकमंत्री ना.धनंजय मुंडे, जिल्हाधिकारी, आरोग्य विभागाचे अधिकारी व इतर संबंधितांना दिलेल्या निवेदनात श्री देशमुख यांनी ही मागणी केली आहे. परळी शहरात गेल्या कांही दिवसापासून लसीकरणाबाबत कोणतीही सुसूत्रता नाही. आरोग्य विभागाच्या अधिकार्‍यांच्या बेफिकीरी कारभारामुळे लसीकरणाचे नियोजन नाही. दीड लाख लोकसंख्येच्या परळी शहरात केवळ तीन लसीकरण केंद्र आहेत. तेही नियमित चालू नाहीत. लसीकरणाबाबत नागरिकांना कोणतीच माहिती दिली जात नाही. केंव्हा, कोणाचे आणि कुठे लसीकरण होणार हे कळविले जात नाही. यामुळे सर्वसामान्य नागरिकांची मोठी हेळसांड सध्या सुरू आहे. शहरात प्रभाग निहाय लसीकरण केंद्र सुरू करावेत ही मागणी नागरिकांकडून होवूनही याबाबत कोणतीच दखल घ

  रमेश रामदासी यांचे निधन    परळी ( प्रतिनिधी) लातुर येथील अहिल्या बाई होळकर महाविघालयाचे सचिव विजया रामदासी याचे पती रमेश रामदासी यांचे काल दि 23 रोजी रविवार अल्पशा आजाराने निधन झाले.   लातूर येथील महाराष्ट्र विद्युत मंडळ येथे सेवा निवृत्त झाले होते . रमेश रामदासी हे बरदापुर येथे राम मंदीर असुन या मंदीरात पुजा पाठ करत असत. काल दि 23 रोजी अचानक चक्कर आल्याने त्यांना खाजगी रूग्णालयात दाखल केले असता ऊपचार दरम्यान त्यांची प्राण ज्योत माळवली. मृत्यू समयी ते 81 वर्षाचे होते. त्यांचा पश्चात पत्नी विजया मुलगा ऊमेश मुलगी मनिषा सुन अनुजा नातु असा परीवार आहे. रमेश रामदासी यांच्यावर आज शोकाकुल वातावरणात अंत्यसंस्कार करण्यात आले .

कोरोनाच्या काळात समाज हितासाठी प्रत्येकांनी पुढाकार घ्यावा-प्रा.अतुल दुबे विविध प्रभागात प्रतिकार शक्तीवर्धक औषधींचे केले वाटप परळी (प्रतिनिधी-) कोरोनाचा विषाणू संसर्गातून वाढतो आणि इतरांच्या शरिरात तो परत पसरतो. ज्या व्यक्तीला दुर्दैवाने कोरोनाची लागण झाली त्या व्यक्तीला रोगप्रतिकार शक्ती असणे आवश्यक असून रोग होण्यापुर्वीच संसर्ग रोखणे, रोग प्रतिकार शक्ती वाढविणे अत्यंत महत्वाचे असून प्रत्येकाने प्रतिकार शक्तीत वाढ होण्यासाठी योगासन, प्राणायाम करण्यासोबत आर्सेनिक अल्बम-३० या आयुष्यमान भारत संस्थेने प्रमाणित केलेल्या औषधींचा उपयोग करावा, असे आवाहन विद्यार्थी सेनेेचे जिल्हा प्रमुख प्रा.अतुल दुबे यांनी केले आहे.  परळी शहरातील व तालुक्यातील नागरिकांची रोग प्रतिकारात्मक क्षमता वाढविणारे आर्सेनिक अल्बम ३० लिक्वीड स्वरूपात राजस्थानी मल्टीस्टेट यांच्या सौजन्याने आरोग्य मित्र संघटनेच्या माध्यमातून तयार करण्यात आले आहे. या  औषधाच्या वितरण भारतीय विद्यार्थी सेनेच्या वतीने परळी वैजनाथ शहरातील महात्मा बसवेश्वर कॉलनी,जिरगे नगर, प्रियानगर या भागात शासनाने घालून दिलेल्या कोरोनाच्या नियमांचे पालन करून