ज्युस सेंटरमध्ये ग्राहक युवतींचा व्हिडीओ व फोटो शुट करण्याच्या कारणावरून नागरिक संतप्त

 ज्युस सेंटरमध्ये ग्राहक युवतींचा व्हिडीओ व फोटो शुट करण्याच्या कारणावरून नागरिक संतप्त

परळी वैजनाथ, प्रतिनिधी.....
       शहरातील एका ज्युस सेंटरमध्ये आलेल्या  ग्राहक युवतींचा व्हिडीओ व फोटो शुट करण्याच्या कारणावरून नागरिक संतप्त झाले.या ज्युस सेंटरमध्ये काम करणाऱ्या एका युवकाने या मुलींचा व्हिडिओ फोटो घेण्याचे हे ग्रहणास्पद हे कृत्य केल्याने मोठा गोंधळ झाल्याचे बघायला मिळाले.दरम्यान मध्यवर्ती ठिकाणीच हा प्रकार घडल्याने मोठ्या प्रमाणावर नागरिकांची व बघ्यांची गर्दी झाली होती.
       प्राप्त माहितीनुसार, परळीतील उपजिल्हा रुग्णालयाजवळ मुख्य रस्त्यावरच असलेल्या लोकमान्य ज्युस सेंटरमध्ये दोन युवती बसलेल्या असताना याच ज्युस सेंटरमध्ये काम करणारा एक युवक वारंवार त्यांच्या टेबलजवळून मोबाईल हातात धरुन ये-जा करत होता. ही बाब एका मुलीच्या लक्षात आल्याने तिने आपल्या पालकांना ही बाब कळवली.पालकांनी  येउन शहानिशा केली असता  या ज्यूस सेंटर मध्ये काम करणाऱ्य  मुलाने या  युवतींचा व्हिडीओ व फोटो शुट केल्याचा प्रकार समोर आल्याने संतप्त प्रतिक्रिया उमटली.काही वेळातच या घटनेने नागरिक संतप्त झाल्याने ज्युस सेंटरमध्ये मोठा जमाव जमा झाला. काहीकाळ या ठिकाणी गोंधळ सुरु होता.दरम्यान मध्यवर्ती ठिकाणीच हा प्रकार घडल्याने मोठ्या प्रमाणावर नागरिकांची व बघ्यांची गर्दी झाली होती. पोलीसांनी घटनास्थळी धाव घेऊन परिस्थिती नियंत्रणात आणली. घटनेचा अधिक तपास पोलीस करत आहेत.