माझी बातमी MB NEWS

  कर्जाला कंटाळून शेतकऱ्याने केली आत्महत्या  गेवराई....  गेवराई शहरातील शेतकरी गणेश जनार्धन मोटे ( वय  46 ) यांचा मृतदेह शनिवार ता. ८ रोजी शहरातील एका विहिरीत आढळून आला. त्यांनी बॅन्केच्या कर्जाला कंटाळून आत्महत्या केली असून, ते शुक्रवारी ता.7 रोजी पहाटे घरातून निघून गेले होते.    शनिवार ता. ८ रोजी दुपारी एक वाजता गणेश मोटे यांचा मृतदेह गेवराई शहरा लगत असलेल्या उमेश येलदाळे यांच्या विहिरीत आढळून आला. घटनास्थळाचा पोलीसांनी पंचनामा करून, त्यांचा मृतदेह उत्तरीय तपासणीनंतर नातेवाईकांच्या ताब्यात देण्यात आला. शनिवारी सायंकाळी सहा वाजता चिंतेश्वर स्मशानभूमीत त्यांच्यावर शोकाकुल वातावरणात अंत्यसंस्कार करण्यात आले. यावेळी समाजबांधव उपस्थित होते. त्यांच्या निधनाने हळहळ व्यक्त केली जात आहे.

  परळीच्या गुरुजींचा होणार सन्मान:सौदागर कांदे यांना मानव विकास राज्यस्तरीय पुरस्कार परळी (प्रतिनिधी) परळी तालुक्यातील उपक्रमशील शिक्षक म्हणून ओळख असलेले सौदागर कांदे यांना महाराष्ट्र राज्य मानव विकास प्रतिष्ठानचा मानव विकास राज्यस्तरीय पुरस्कार देऊन गौरव करण्यात येणार आहे. महाराष्ट्राचे माजी मंत्री दिलीपराव देशमुख, विठ्ठल रुक्मिणी देवस्थान समितीचे अध्यक्ष ह.भ. प.गहिनीनाथ महाराज औसेकर, ज्येष्ठ पत्रकार मधुकर भावे वैशालीताई देशमुख व अनेक मान्यवर उपस्थित राहणार आहेत. रविवार, दि.०९ जुलै रोजी दयानंद सभागृहात पुरस्काराचे वितरण करण्यात येणार आहे. सौदागर कांदे हे जिल्हा परिषद दगडवाडी येथे कार्यरत आहेत. एक उपक्रमशिल व अभ्यासू अशी त्यांची ओळख आहे. स्पर्धा परीक्षा मार्गदर्शक, सातत्याने विद्यार्थी विकासासाठी धडपड करणारे उपक्रमशील शिक्षक म्हणूनही त्यांची ओळख आहे. सामाजिक क्षेत्रातही त्यांचे मोठे योगदान आहे. ज्ञानरचनावादातून विद्यार्थ्यांना ते सतत मार्गदर्शन करतात. स्वखर्चातून त्यांनी विद्यार्थ्यांसाठी वाचनालय निर्माण केले आहे. Think sharp फाऊंडेशन कडून E- learning साठी टिव्ही व अभ्यासक्रम उपलब्ध कर

  गावठी अग्निशस्त्रासह एकाला पोलिसांनी पकडले परळी वैजनाथ, प्रतिनिधी........         पोलीस स्टेशन संभाजीनगर हद्दीत अवैधरित्या गावठी अग्निशस्त्रासह (पिस्तूल) एकाला पोलिसांनी पकडले आहे.         दि.07/07/2023 रोजी 2.15 वाजता आरोपी चरनसिंग मंगलसिंग बावरी वय 42 वर्षे रा. आंबेडकरनगर परळी वै. हा विनापरवाना बेकायदेशिरीत्या गावठी कट्टा (अग्निशस्त्र ) काडतुससह त्याचे राहते घरासमोर त्याचे ताब्यात बाळगताना मिळुण आला. अंदाजे किंमत 15000 व एक जीवंत काडतुस अंदाजे किंमत 1000 असा एकूण 16000 रु.ऐवज जप्त करण्यात आला आहे. अधिक तपास स.फौ. भताने  यांच्याकडे देण्यात आला आहे.

  माझं राजकीय करिअर संपवण्याचा डाव कुणाचा ? पंकजाताई मुंडे यांनी षडयंत्र रचणाऱ्यांना फटकारले लाखो लोकांच्या माझ्याकडून अपेक्षा ; खोटया बातम्यांमुळे लोकं संभ्रमात मला कांही करायचं असेल तर "डंके की चोट पे" करेन मुंबई ।दिनांक ०७। मी सांगलीतील मोठ्या नेत्याच्या माध्यमातून सोनिया गांधी आणि राहुल गांधी यांची भेट घेतली अशा बातम्या येत आहेत. मी काँग्रेस नेत्यांची भेट घेतलेली नाही. मी त्यांना वैयक्तिक ओळखतही नाही. माझं करिअर संपवण्याचा हा डाव नेमका कुणाचा?” असा सवाल करत भाजपच्या राष्ट्रीय सचिव पंकजाताई मुंडे यांनी आपल्या विरोधात षडयंत्र रचणारांना चांगलेच फटकारले. लाखो लोकांच्या माझ्याकडून अपेक्षा आहेत, खोटया बातम्यांमुळे लोक संभ्रमात आहेत,  खोटया बातम्या देणाऱ्या वाहिनीच्या विरोधात मानहानीचा दावा ठोकणार असल्याचे आज त्यांनी पत्रकार परिषदेत ठणकावून सांगितले.   मागील दोन-तीन दिवसांपासून  सुरू असलेल्या चर्चांवर  पंकजाताई मुंडे यांनी आपली भुमिका स्पष्टपणे  मांडली. त्या म्हणाल्या, “मी आज पत्रकार परिषद बोलवली आहे, कारण मला शेकडो कॉल येत आहेत. २०१९ मध्ये मी भाजपची उमेदवार होते. माझा पराभव झाल

  मंत्री झालेल्या आपल्या भावाचे बहिणीने केले औक्षण:धनंजय मुंडे यांचे बहीण पंकजा मुंडे कडून कौटुंबिक स्वागत परळी वैजनाथ, प्रतिनिधी         गेल्या अनेक वर्षात राजकारणात एकमेकांचे विरोधक म्हणून काम केलेल्या मुंडे बहीण भावात गेल्या काही महिन्यांपासून दुरावा कमी झाला व हळूहळू त्यांच्यातील राजकीय दुरावा कमी होत गेला आहे. बहीण भावाचे हे नाते आबाधित असल्याचे वेळोवेळी दोघांनीही स्पष्ट केलेलेच आहे. मात्र आता या नात्यात दुग्ध शर्करा योगच म्हणावा लागेल अशी स्थिती आली आहे. अजित दादा यांच्यासोबत धनंजय मुंडे यांनीही मंत्रीपदाची शपथ घेतली. यानंतर त्यांचे सर्व स्तरातून अभिनंदन होत आहे. या अनुषंगानेच भाजपा राष्ट्रीय सचिव असलेल्या धनंजय मुंडे यांच्या भगिनी पंकजा मुंडे यांनी मंत्री झालेल्या आपल्या या भावाचे अतिशय आत्मेतेने कौटुंबिक स्वागत केले असून आज पंकजा मुंडे यांनी धनंजय मुंडे यांचे  औक्षण करत व पेढा भरवत अभिनंदन केले. त्याचप्रमाणे पंकजाताई भाजपाच्या राष्ट्रीय सचिव म्हणून काम करतात या अनुषंगाने धनंजय मुंडे यांनी हे पुष्पगुच्छ देऊन त्यांचे स्वागत केले. याबाबतचे फोटो धनंजय मुंडे यांनी ट्विट केले अस

  फौजदार बनलेल्या युवकाची गाढे पिंपळगावात बैलगाडीतून जंगी मिरवणूक  परळी वैजनाथ दि.०६ (प्रतिनिधी)          तालुक्यातील गाढे पिंपळगाव येथील अल्पभूधारक शेतकऱ्याचा मुलगा नुकत्याच लागलेल्या निकालात पोलीस उपनिरीक्षक (फौजदार) झाला असून आज गावकऱ्यांनी ढोलताशांच्या गजरात बैलगाडीतून मिरवणूक काढत नागरी सत्कार केला.           गाढे पिंपळगाव हे चार हजार लोकसवस्तीचे परळी पासून १८ किलोमीटरवर असणारे व मुख्य व्यवसाय शेती असणारे गाव आहे. या गावातील अल्पभूधारक शेतकरी अच्युत राडकर यांची तीन एकर जमीन आहे. त्यांचे संपूर्ण घर शेती व्यवसायावर अवलंबून आहे. अच्युत राडकर हे अल्पशिक्षित असून त्यांच्या पत्नी शारदा ही अल्पशिक्षित आहेत. असे असताना शिक्षणाचे महत्त्व समजून घेऊन अच्युत राडकर यांनी स्वतः घरच्या परिस्थितीत मुळे शिक्षण घेता आले नाही म्हणून आपल्या मुलांना शिक्षण द्यायचे हा ध्यास मनाशी बाळगून त्यांना असलेल्या दोन्ही मुलांना पोटाला चिमटा देत तर कधी उसणवारी करत दोन्ही मुलांना शिकवले. त्यांना दोन मुले असून मोठा मुलगा सचिन हा साँप्टवेअर इंजिनिअर झाला आहे. याचाच पावलावर पाऊल ठेवत तीन वर्षांनी लहान असलेला दत्तात

  EVM व VVPAT मशीनची प्रथमस्तरीय तपासणी जिल्हा मुख्यालयात सुरु बीड जिल्ह्यासाठी 13272 मशीन प्राप्त बीड दि. 6 :- आगामी लोकसभा सार्वत्रिक निवडणूक 2024 साठी मा. भारत निवडणूक आयोगा कडून बंगलूरू (कर्नाटक) व पंचकूला (हरियाणा) येथून EVM मशिन्स प्राप्त झाल्या आहेत. सदर मशिन्सची प्रथम स्तरीय तपासणी करण्याचे काम मा. भारत निवडणूक आयोगाचे निर्देशानुसार दि. 04.07.2023 पासुन सुरू करण्यात आले आहे. जिल्हयात प्राप्त एकुण 13272 EVM-VVPAT मशिन्सची प्रथम स्तरीय तपासणी बीड मुख्यालयात वखार महामंडळ (एमआयडीसी) बीड येथिल गोदामात करण्यात येत आहे. 2024 मध्ये होणाऱ्या लोकसभा सार्वत्रिक निवडणूकीसाठी मा. आयोगाच्या निर्देशानुसार जिल्हा निवडणूक विभागाने तयारी सुरू केली आहे. एकुण 13272 EVM मशिन्सची तपासणी निर्माता कंपनी BEL चे एकुण 10 अभियंता, 10 मास्टर ट्रेनर व महसूल प्रशासनातील अधिकारी / कर्मचारी यांच्या निर्दशनाखाली करण्यात येत आहे. सदरील तपासणीमध्ये सुरूवातीला प्रत्येक मशीनवर 96 मतदान करण्यात येवून त्यांची मोजणी व तपासणी करण्यात येणार आहे. EVM मशिनवरील नमूना मतपत्रिकेवरील 16 उमेदवारांना प्रत्येकी सहा मते दिली जा

  लर्निंग माईंड सेवाभावी संस्था करणार किशोरवयीन मुलींचे समुपदेशन - सेवकराम जाधव परळी वैजनाथ (प्रतिनिधी)दि.6 - महाराष्ट्रासह देशाच्या वेगवेगळ्या भागात किशोरवयीन मुलींसह तरुण मुली फसव्या प्रेमाच्या आहारी जाऊन आपले आयुष्याचे वाटोळे करून घेत आहेत.मुलींच्या बाबतीत घडत असलेल्या अनुचित प्रकारांना आळा घालण्या करिता लर्निंग माईंड सेवाभावी संस्थेच्या वतीने किशोरवयीन मुलींचे समूपदेशन करण्यात येणार आहे.मुलींच्या बाबतीत झोप उडवणाऱ्या घटना दिवसेंदिवस उघडकीस येत आहेत.राज्याच्या विविध भागात घडत असलेल्या या अनुचित गोष्टींना आळा घालण्याकरीता किशोरवयीन मुला-मुलींचे समुपदेशन होणे काळाची गरज असल्याचे प्रतिपादन लर्निंग माईंड सेवाभावी संस्थेचे अध्यक्ष सेवकराम जाधव यांनी केले. किशोरवयातच मुलामुलींना संभाव्य धोक्याचे परिणाम समाजावले जाणे गरजेचे झाले आहे असेही ते म्हणाले आहेत. आधुनिक युगात आपल्या ग्रामीण भागात शिक्षण व रोजगाराचा पर्याय उपलब्ध नसल्याने बहुसंख्य मुलींना घर सोडून बाहेर राहावे लागते.या काळातच किशोरवयीन मुली भावनेच्या किंवा समोरील व्यक्तीच्या स्वभावाच्या आहरी जाऊन कधीही भरून न निघणाऱ्या चुकीच्या ग

  उत्स्फूर्त प्रतिसाद : पंकजा मुंडेंचा मध्यप्रदेशात झंझावात ; भाजपच्या संघटनात्मक  उपक्रमांत हिरिरिने सहभाग            भाजपा राष्ट्रीय सचिव पंकजा मुंडे सध्या मध्य प्रदेशात दौऱ्यावर असून मध्य प्रदेशात भाजपाच्या संघटनात्मक कामात त्यांनी झंझावात निर्माण केला आहे. ठिकठिकाणी पंकजा मुंडे यांचे उत्स्फूर्त स्वागत होत असून पंतप्रधान नरेंद्र मोदी यांच्या नऊ वर्षाच्या कार्यकाळात भाजपने देशाच्या विविध क्षेत्रात केलेला अमलाग्र बदल व विकासात्मक वाटचालीचा प्रचार पंकजा मुंडे करताना दिसून येत आहेत.         उज्जैन भागात आज पंकजा मुंडे यांनी ठिकठिकाणी भेटी देत संघटना कार्यक्रम उपक्रमांना हजेरी लावली आपल्या खास संघटनात्मक शैलीच्या माध्यमातून पंकजा मुंडे यांची मध्य प्रदेशातही प्रचंड लोकप्रियता वाढीस लागल्याचे दिसून येत असून ठिकठिकाणी कार्यकर्त्यांचा गराडा व उत्स्फूर्त स्वागत हेच दाखवून देत आहे. संघटनात्मक कार्यक्रम व उपक्रम आदींच्या माध्यमातून व आपल्या वक्तृत्वाने पंकजा मुंडे मध्यप्रदेशातील कार्यकर्त्यांमध्ये उत्साह व उर्जा निर्माण करतानाचे चित्र दिसून येत आहे. -----------------------------------------

  प्रख्यात लोककला अभ्यासक प्रा. डॉ.गणेश चंदनशिवे यांना  "भारतरत्न डॉ. बाबासाहेब आंबेडकर पुरस्कार" जाहीर भारतरत्न डॉ.बाबासाहेब आंबेडकर यांनी सन १९४५ मध्ये स्थापन केलेल्या पीपल्स एज्युकेशन सोसायटी,मुंबई तर्फे दरवर्षी विविध क्षेत्रात उल्लेखनीय कार्य करणाऱ्या व्यक्तींचा सन्मान केला जातो. या वर्षी २०२३-२०२४ चा भारतरत्न डॉ. बाबासाहेब आंबेडकर हा प्रतिष्ठेचा मानला जाणारा पुरस्कार प्रा. डॉ. गणेश चंदनशिवे, विभाग प्रमुख लोककला अकादमी मुंबई विद्यापीठ यांना लोककलेच्या क्षेत्रात उल्लेखनीय कार्य केल्याबद्दल जाहीर झाला आहे.    हा  पुरस्कार प्रदान सोहळा दिनांक ०८/०७/२०२३ रोजी सायंकाळी ३ ते ६ या वेळेत यशवंतराव चव्हाण प्रतिष्ठान सभागृह, नरीमन पॉइंट, मुंबई इथे माननीय महामहीम राज्यपाल श्री. रमेश बैसजी, महाराष्ट्र राज्य मुंबई यांच्या हस्ते प्रदान करण्यात येणार आहे. हा पुरस्कार प्रदान सोहळा केंद्रीय राज्यमंत्री सामाजिक व न्याय विभाग, भारत सरकार  मा.रामदासजी आठवले यांच्या  अध्यक्षतेखाली संपन्न होणार आहे.    या कार्यक्रमास डॉ बाबासाहेब आंबेडकरांच्या विचारांचे जगभरातील अनुयायी उपस्थित राहणार आहेत. प्र

  गुरूंनी करून दाखवलेला कार्यक्रम मी पण करून दाखवला, मीही कच्च्या गुरूचा चेला नाही - धनंजय मुंडे ह्या सगळ्या परिस्थितीमधून मी गेलोय - धनंजय मुंडेंनी केल्या भावना व्यक्त *अजितदादांनी वेळोवेळी अपमान आणि बदनामी सहन केली* पवार साहेबच आमचे विठ्ठल - मुंडेंची स्पष्टोक्ती *सरकारसोबत राष्ट्रवादी म्हणून आलोत, महाराष्ट्राच्या जनतेची कामे करून दाखवू* मुंबई (दि. 05) - आदरणीय पवार साहेब हे माझे गुरू आणि दैवत आहेत, याआधी त्यांनी सत्तापटाचा जो कार्यक्रम करून दाखवला, तसाच कार्यक्रम आम्हीही केला, शेवटी मीही कच्च्या गुरूचा चेला नाही, असे वक्तव्य राष्ट्रवादी काँग्रेसचे नेते, मंत्री धनंजय मुंडे यांनी केले आहे. मुंबई येथे आयोजित राष्ट्रवादी काँग्रेसच्या मेळाव्यात ते बोलत होते.  मी माझ्या कौटुंबिक वारशाचे राजकारण बाजूला ठेऊन पवार साहेबांच्या सान्निध्यात अजित दादांच्या माध्यमातून राष्ट्रवादी काँग्रेस पक्षात आलो. घरात फूट पडणे, पक्षात फूट पडणे, त्यातून होणाऱ्या मानसिक वेदना यातून मी स्वतः याआधी गेलो आहे. मला त्याची पूर्ण जाणीव आहे. मात्र आमच्यावर ही वेळ का आली, याचाही विचार केला गेला पाहिजे. मला आयुष्यात मोठ

  परळी उपजिल्हा रुग्णालयातील रिक्त पदे त्वरित भरा - आश्विन मोगरकर परळी वैजनाथ परळी उपजिल्हा रुग्णालयात मागील आठ दिवसापासून सोनोग्राफी तज्ञ व एक्सरे टेक्निशियन नसल्यामुळे सर्वसामान्य रुग्णांना खाजगी दवाखान्यात जावे लागत आहे. ही रिक्त पदे त्वरित भरावेत यासाठी वैद्यकीय अधिक्षकांना  भाजपाचे अश्विन मोगरकर यांनी निवेदन दिले आहे.  परळी वैजनाथ शहर व तालुक्याच्या सर्वसामान्य रुग्णांच्या दृष्टीने महत्वपूर्ण असलेले 100 खाटाचे उपजिल्हा रुग्णालय आहे. या रुग्णालयात शहरासह ग्रामीण भागातील अनेक रुग्ण उपचारासाठी येत असतात. मागील आठ दिवसापासून सोनोग्राफी तज्ञ व एक्सरे टेक्निशियन नसल्यामुळे सर्वसामान्य रुग्णांना खाजगी दवाखान्यात जावे लागत आहे. यामुळे रुग्णांना नाहक भुर्दंड बसत आहे. सर्व सुविधा असतानाही फक्त टेक्निशियन नसल्यामुळे मशीन बंद आहेत. उपजिल्हा रुग्णालयात प्रसूतीसाठी मोठ्या प्रमाणात गरोदर माता येत असतात. त्यांना वेळोवेळी सोनोग्राफी करावी लागत असते. मात्र सोनोग्राफी तज्ञ नसल्याने खाजगी दवाखान्यात जाऊन सोनोग्राफी करावी लागते आहे. परळी शहरात थर्मल पॉवर स्टेशन, सिमेंट फॅक्टरी, हायवे असल्याने अपघाता

  प्रफुल पटेलांनी केला मोठा गौप्यस्फोट, राष्ट्रवादीचे 51 आमदार तेव्हाच... मुंबई:  राष्ट्रवादी काँग्रेसमध्ये (NCP)आता मोठी फूट पडली असून त्यानंतर वेगवेगळे दावे, खुलासे आणि गौप्यस्फोट केले जात आहेत. अजित पवार ( यांनी राज्यातील शिंदे-फडणवीस सरकारमध्ये सहभागी होत पक्षात बंडाचं निशाण फडकावलं. असं असतानाच आता राष्ट्रवादी काँग्रेसचे (अजित पवार गट) नेते प्रफुल पटेल यांनी मोठा गौप्यस्फोट केला आहे.        एएनआय वृत्तसंस्थेशी बोलताना प्रफुल पटेल यांनी एक मोठा दावा केला. 'जेव्हा एकनाथ शिंदे हे 2022 साली आमदारांना घेऊन गुवाहटीला गेले होते. तेव्हाच राष्ट्रवादीच्या 51 आमदारांनी सांगितलं की, आपण सत्तेत जायला हवं.' असा गौप्यस्फोट प्रफुल पटेल यांनी केला आहे. 2022 मध्ये, एकनाथ शिंदे 40 आमदारांना घेऊन सुरत आणि गुवाहाटी येथे गेले होते, तेव्हा MVA सरकार कोसळेल याची खात्री होती, परिणामी, राष्ट्रवादीचे 51 आमदार होते, ज्यांना त्यावेळी स्पष्टपणे वाटले की आपण सरकारचा भाग व्हावे... यामध्ये तेव्हा कोणताही वैचारिक मतभेद नव्हता. जर आम्ही शिवसेनेसोबत गेलो तर नक्कीच भाजपसोबत जाऊ शकतो.' दरम्यान, प्रफुल

  पीएसआय परिक्षेचा रखडलेला निकाल जाहीर; सुनील महाराष्ट्रातून पहिला "पुणे : गेल्या दीड वर्षांपासून रखडलेला पोलीस उपनिरीक्षक पदाच्या (पीएसआय) ६५० जागांचा निकाल अखेर शुक्रवारी दुपारी जाहीर करण्यात आला आहे. या परीक्षेत  सुमित कल्लप्पा खोत हा राज्यात प्रथम आला आहे. महिलांमधून अश्विनी हिरे या प्रथम आल्या आहेत.  महाराष्ट्र लोकसेवा आयोगातर्फे पोलीस उपनिरीक्षक (पीएसआय) पदाच्या ६५० जागांसाठी ५ नोव्हेंबर २०१७ रोजी मुख्य परीक्षा घेण्यात आली होती. मात्र त्यानंतर निकाल जाहीर होण्यास मोठा विलंब झाला. परीक्षार्थी उमेदवारांकडून या परीक्षेचा निकाल लवकर लागावा अशी मागणी सातत्याने करण्यात येत होती. आयोगाकडून २०१७ नंतर २०१८ मध्ये आणखी एक परीक्षा झाली. त्याचबरोबर आता २४ मार्च रोजी पुढची पूर्व परीक्षा जाहीर करण्यात आली होती. पूर्वीच्या दोन परीक्षांचे निकाल प्रलंबित असतानाच पीएसआय पदाची पुढची जाहिरात आली, त्यामुळे ती परीक्षा द्यायची की जुन्या परीक्षांच्या निकालाची वाट पहायची अशी व्दिधा मनस्थिती उमेदवारांची झाली होती. यापार्श्वभुमीवर अखेर नोव्हेंबर २०१७ मध्ये झालेल्या पीएसआय परीक्षेचा निकाल जाहीर करण्

  भेल संस्कार केंद्रात पारंपारिक पद्धतीने गुरुपौर्णिमा साजरी  परळी वै (प्रतिनिधी) :                        येथील भारतीय शिक्षण प्रसारक संस्था अंबाजोगाई, संचलित भेल संस्कार केंद्रात पारंपारिक पद्धतीने गुरुपौर्णिमा साजरी केली. सोप्या, साध्या व पारंपारिक पद्धतीने म्हणजेच आपली परंपरा जपत गुरुपौर्णिमा साजरी केली आणि गुरूंना गुरुदक्षिणा दिली. परंपरागत असलेला हा कार्यक्रम दरवर्षीप्रमाणे याही वर्षी आयोजित केला होता.         याप्रसंगी सर्वप्रथम संकुलाचे मुख्याध्यापक श्री.एन.एस. राव सर यांनी महर्षी व्यास यांच्या प्रतिमेचे विधिवत पूजन करून गुरुपौर्णिमेचे महत्त्व विद्यार्थ्यांना पटवून सांगितले. त्याबरोबरच आजच्या या कार्यक्रमाचे विशेष आकर्षण म्हणजे संकुलातील माजी विद्यार्थी यांनी सदिच्छा भेट देण्याचा  आजचाच मंगलमय दिवस नियुक्त करून संकुलामध्ये आपली उपस्थिती दर्शवली. त्यांनी शिक्षकांबद्दल आणि त्यांच्या आयुष्यातील गुरु विषयी मत मांडून त्यांचे आभार मानले. गुरु म्हणून मिळालेले शिक्षक कसे आहेत हे अगदी हुबेहूब शब्दात मांडले. एखादी चांगली कामगिरी केल्यावर लाडाने पाठ थोपटणारे तर चुकल्यावर कान पकडणारे गुर

 नाथ शिक्षण संस्थेचे अध्यक्ष ना. धनंजय मुंडे यांचा वाढदिवस: शैक्षणिक, सांस्कृतिक व सामाजिक उपक्रम -  सहसचिव प्रदीप खाडे परळी वैजनाथ (प्रतिनिधी) :-  परळी शहरातील नावाजलेल्या नाथ शिक्षण संस्थेचे अध्यक्ष ना. धनंजय मुंडे यांच्या वाढदिवसाच्या निमित्त  नाथ शिक्षण संस्थेच्या वतीने  दि. 8 ते 15 जुलै शैक्षणिक,  सांस्कृतिक तसेच विविध सामाजिक व लोकोपयोगी उपक्रमांचे आयोजन करण्यात आले असल्याची अशी माहिती नाथ शिक्षण संस्थेचे सहसचिव प्रदीप खाडे यांनी दिली.             महाराष्ट्र राज्याचे कॅबिनेट मंत्री ना. धनंजय मुंडे म्हणजे परखड नेतृत्व. मंत्रिमंडळात काम करताना नेहमी शैक्षणिक शेतकऱ्यांच्या व विविध विषयाची बाजूने ठामपणे उभे राहून शेतकऱ्याला जास्तीत जास्त फायदा कसा होईल या साठी नेहमी त्यांचे प्रयत्न असतात. म्हणूनच ना. धनंजय मुंडे यांच्या वाढदिवसानिमित्त दि. 8 ते 15  जुलै विविध शैक्षणिक सांस्कृतिक तसेच लोकोपयोगी व सामाजिक उपक्रमांचे  आयोजन करण्यात आले आहे.  यामध्ये आतंरशालेय स्पर्धा, रंगभरण स्पर्धा, निबंध स्पर्धा, वृक्षरोपण व संवर्धन, आरोग्य तपासणी, वादविवाद स्पर्धा, रक्तगट तपासणी, संगित स्पर्धा अशा

  स्वेच्छानिवृत्तीनंतरही साधेपण जपलं : शासकीय वाहन न वापरता केंद्रेकर पायी-पायीच गेले घरी धडाकेबाज आयएएस अधिकारी सेवेतून निवृत्त : ना निरोप समारंभ, ना गाडीघोडीचा वापर : कर्मचारी भावूक              *संभाजीनगर ,दि.03(प्रतिनिधी)* : *भारतीय प्रशासन सेवेतील धडाकेबाज आएएस अधिकारी अशी ओळख असणारे छत्रपती संभाजीनगरचे विभागीय आयुक्त सुनील केंद्रेकर यांनी* *सोमवारी स्वेच्छा निवृत्ती घेतली. ती सुध्दा अगदी साधेपणाने. ना निरोप समारंभ, ना हार-तुरे, ना फोटो...* *जिल्हाधिकारी अस्तिक कुमार पांडेय यांच्याकडे विभागीय आयुक्त पदाचा कारभार सोपवून केंद्रेकर यांनी कोणत्याही* *शासकीय वाहनाचा वापर न करता सपत्नीक पायी-पायीच निवासस्थान गाठले.*तेव्हा छत्रपती संभाजीनगर वासीयांनी केंद्रेकर यांना सलाम ठोकला.*            *आयुक्त केंद्रेकर हे सोमवारी सकाळी नेहमीप्रमाणे विभागीय आयुक्त कार्यालयात दाखल झाले. काही फाईल्सचा निपटारा केला. अभ्यागतांची निवेदने स्विकारली, अर्जसुध्दा स्विकारले. त्यानंतर दुपारी पावणे बाराच्या सुमारास जिल्हाधिकारी पांडेय यांच्याकडे विभागीय* *आयुक्त पदाचा पदभार सुपूर्त केला. त्यावेळी केंद्रेकर यां

  राष्ट्रवादी काँग्रेस पक्षाच्या बुधवारी मुंबईत होणाऱ्या बैठकीस उपस्थित राहा - मंत्री धनंजय मुंडे यांचे आवाहन *नवनिर्वाचित प्रदेशाध्यक्ष सुनील तटकरे यांच्या अध्यक्षतेखाली होणार बैठक, उपमुख्यमंत्री अजितदादा पवार, खा.प्रफुल पटेल यांसह प्रमुख नेते राहणार उपस्थित* मुंबई (दि. 04) - उद्या बुधवार दि. 05 जुलै, 2023 रोजी, सकाळी 11.00 वा. मुंबई येथे राष्ट्रवादी काँग्रेस पक्षाच्या महत्वपूर्ण बैठकीचे आयोजन नवनिर्वाचित प्रदेशाध्यक्ष खा.सुनील तटकरे यांच्या अध्यक्षतेखाली करण्यात आले असून, या बैठकीस उपमुख्यमंत्री अजितदादा पवार, कार्याध्यक्ष खा. प्रफुल पटेल, मंत्री दिलीप वळसे पाटील, छगन भुजबळ यांसह यांसह मान्यवरांची उपस्थिती राहणार आहे. या बैठकीस बीड जिल्ह्यासह मराठवाड्यातील सर्व आजी-माजी खासदार/आमदार, पदाधिकारी व कार्यकर्त्यांनी उपस्थित राहावे असे आवाहन राष्ट्रवादी काँग्रेसचे नेते, मंत्री धनंजय मुंडे यांनी केले आहे. या बैठकीत राज्याच्या सध्याच्या स्थितीसह आगामी काळात अंगीकृत करावयाची ध्येय धोरणे, कार्यकारिणी यांसह विविध महत्वपूर्ण बाबींविषयी चर्चा होणार असून, या बैठकीस बीड जिल्ह्यासह मराठवाड्यातील स

  शेतकर्‍यांनी सर्वसमावेशक पीक विमा योजनेचा लाभ घ्यावा- सरपंच महेश सिरसाट    अंबाजोगाई (प्रतिनिधी) :- प्रधानमंत्री पीकविमा योजनेत राज्य सरकारने सुरू असलेल्या खरीप हंगामात केवळ 1 रुपया भरून पीकविम्याचा लाभ देण्याकरिता ’सर्वसमावेशक पीकविमा योजना’ राबविण्यास मान्यता दिली. त्यानुसार शेतकर्यांनी सोमवार दि.31 जुलैपर्यंत नोंदणी करून योजनेत शेतकऱ्यांनी मोठ्या संख्येने सहभाग घ्यावा असे आवाहन तेलघणा सरपंच महेश सिरसाट यांनी केले आहे.      खरीप हंगाम प्रधानमंत्री पीक विमा योजना राबविण्याचा निर्णय घेण्यात आला आहे. खरीप ज्वारी, तीळ, मुग, उडीद, तुर, सोयाबीन व कापुस या पिकांसाठी ही योजना लागु आहे. कर्जदार व बिगर कर्जदार शेतकर्‍यांना पीक विमा उतरवण्याची अंतिम मुदत दि.३१ जुलै पर्यत आहे. पीक पेरणीपासुन काढणी पर्यंतचा कालावधी नैसर्गीक आग, वीज कोसळणे, गारपीट, चक्रीवादळ, पुर, दुष्काळ, पावसातील खंड, किड व रोग आदी बाबीमुळे पिकांच्या उत्पादनात येणारी घट काढणी पश्चात नुकसान इत्यादी जोखीम यामध्ये समाविष्ट करण्यात आली आहे. शेतकऱ्यांनी प्रधानमंत्री पीक विमा योजनेच्या माहितीसाठी कृषी सहायक, कृषी पर्यवेक्षक, मंडळ कृ

  परळी नगर परिषदेतील घोटाळेबाज अधिकाऱ्यांची प्रकरण बाहेर काढणार : व्यंकटेश शिंदे परळी (प्रतिनिधी): महाराष्ट्रात नावाजलेली परळी नगर परिषद भ्रष्टाचाराचे माहेर घर बनली असून शेकडो कोटी च्या योजनेतून परळी शहराचा चेहरा मोहरा बदलण्याच्या संकल्पनेला भ्रष्टाचाराचे ग्रहण लागले आहे. विविध योजनांतून करण्यात आलेल्या बोगस कामाची बिले टक्केवारी घेऊन काढली जात आहेत. विविध योजनेच्या माध्यमातून खर्च करण्यात आलेल्या निधी चे लेखा परिक्षका मार्फत परीक्षण करून जनतेसमोर श्वेत पत्रिका जाहीर करा.  त्याचं बरोबर वर्षांनुवर्षे परळीत ठान मांडून बसलेल्या भ्रष्ट अधिकाऱ्यांच्या संपत्ती ची चौकशी करण्याची मागणी करणार असल्याचे व्यंकटेश शिंदे यांनी सांगितले आहे. प्रधानमंत्री आवास योजनेला परळी नगर परिषदेतील अधिकाऱ्यांनी भ्रष्टाचाराचे ग्रहण लावले आहे. प्रधानमंत्री आवास योजना गरिबांसाठी आहे की अधिकाऱ्यांचे खिसे भरण्यासाठी आहे असा सवाल शिवसेना तालुका प्रमुख व्यंकटेश शिंदे यांनी उपस्थीत केला आहे.       महाविकास आघाडी सरकार च्या माध्यमातुन परळी शहरांतील हजारो लाभार्थ्यांना प्रधान मंत्री आवास योजनेचा लाभ मिळाला परंतु भ्रष्ट अ

 ●शेतकऱ्यांच्या सिंचन विहिरीचे मस्टर 24 तासात जनरेट होणार ●लेखी आश्वासनानंतर किसान सभेचे बेमुदत धरणे आंदोलन स्थगित  परळी / प्रतिनिधी मोहा व तालुक्यातील गावच्या सिंचन विहीरींचे मस्टर व जिओस्टैगिंगसाठी जाणिवपूर्वक होत असणाऱ्या दफ्तरदिरंगाई विरोधात बीड जिल्हा किसान सभेने सोमवार दि 3 रोजी पंचायत समिती कार्यालय समोर बेमुदत धरणे आंदोलन सुरू केले.या आंदोलनाची धास्ती घेत पंचायत समिती प्रशासनाने सायंकाळच्या सुमारास आंदोलन कर्त्याशी चर्चा करून 24 तासात सिंचन विहिरीचे मस्टर जनरेट करण्यात येईल असे लेखी आश्वासन गट विकास अधिकारी संजय केंद्रे यांनी दिल्याने हे धरणे आंदोलन स्थगित करण्यात आले आहे. मोहा व परळी तालुक्यातील इतर गावातील रोजगार हमी योजनेतून जल सिंचन विहिरीच्या झालेल्या कामाचे चार नंबर फॉर्म भरून देऊनही मस्टर निघत नाहीत. बाकीच्या शेतकऱ्यांच्या विहिरीस प्रशासकीय मान्यता व स्थळ पाहणी होऊनही जिओ टॅगिंग करण्यास पंचायत समिती कार्यालयाकडून टाळाटाळ होत असल्याने याबाबत एप्रिल महिन्यात निवेदन देऊन ही आश्वासनाची अंमलबजावणी न झाल्याने अखिल भारतीय किसान सभेकडून सोमवार दि 3 रोजी पंचायत समिती कार्यालयास

  महसुल व पोलिस प्रशासनाची गोदापात्रात मोठी कार्यवाही: एक कोटीच्या मुद्देमालासह सहाजण ताब्यात  गेवराई....  तालुक्यातील राक्षसभुवन परिसरात मोठ्या प्रमाणात विना परवाना वाळू उपसा करून त्यांची तस्करी केली जात असल्याची माहिती महसुल व साहय्यक पोलिस अधीक्षक पंकज कुमावत यांच्या पथकाला मिळाली होती त्यावरून आज ( दि 3 रोजी ) राक्षसभुवन याठिकाणी छापा टाकला व जवळपास एक कोटी चा मुद्देमाल जप्त करण्यात आला असून सहा जणांना ताब्यात घेण्यात आले  असल्याचे पोलीस प्रशासनाने सांगितले . याबाबत सविस्तर माहिती अशी की , राक्षसभुवन परिसरात आज सकाळी आठ वाजण्याच्या सुमारास  छापा टाकला यावेळी दोन हायवा , एक ट्रॅक्टर , एक सिपट डिजायर , एक स्कॉर्पियो , तिन मोटार सायकल सह लोकेशन करणारे सहाजण ताब्यात घेतले असल्याची माहिती आहे सर्व मुद्देमाल व आरोपी गेवराई पोलिसांच्या ताब्यात दिले आहेत सदरची कार्यवाही बीड तहसिलदार आदित्य जिवणे , साहय्यक पोलिस अधीक्षक पंकज कुमावत , नायब तहसीलदार सुहास हजारे , मंडळ अधिकारी काशीद , बालाजी दराडे , यांच्यासह अनेकजण या कार्यवाहीत सहभागी होते .

  भाविकांच्या पिकअपला बसची धडक , दोन महिला ठार 23 जण जखमी                             नेकनूर..                      परभणी येथून मांढरदेवीकडे चाललेल्या पिकअपला सोलापूर महामार्गावरील उदंडवडगाव येथील शिवाजीनगर भागात जालना- पंढरपूर या बसने पाठीमागून धडक दिली या अपघातात दोन महिलांचा मृत्यू झाला असून 23 जण जखमी आहेत जखमीमध्ये 11 लहान मुलांचा समावेश आहे. आरबीआय रस्ता कंपनीच्या चुकीमुळे या ठिकाणी  साइड रस्ता काढून फलक न बसविल्याने वाहने अचानक वळतात यामुळे याठिकाणी वारंवार अपघात घडत असून अनेकांना जीव गमवावा लागत आहे.                              परभणी येथील भाविक पिकअप एम एच 25 पी 5146 ने मांढरदेवीकडे चालले असताना रविवारी रात्री एक वाजता मांजरसुंबा येथून जवळ असलेल्या उदंड वडगावच्या शिवाजीनगर भागात पाठीमागून अंबड आगाराची बस क्रमांक एम एच06  एस 8545  ने जोराची धडक दिली यामध्ये पिकअप मधील मथुराबाई पांडुरंग गवाले वय 70 वर्ष रा. आंबेडकर नगर परभणी रंगुबाई साहेबराव जाधव वय 55 रा. पंचशील नगर ,परभणी यांचा मृत्यू झाला तर 23 जण यामध्ये जखमी असून यामध्ये 11 लहान मुलांचा समावेश आहे. या ठिकाणी बाजूला रस्त

  सर्वांगीण उन्नतीचा मार्ग दाखवितो तोच खरा गुरू :-प्रा. डॉ. सिद्धार्थ तायडे परळी वैजनाथ.... येथील सनराईज इंग्लिश स्कुल मध्ये गुरुपौर्णिमा उत्साहात संपन्न झाली.जो सर्वांगीण उन्नतीचा मार्ग दाखवितो तोच खरा गुरू असे प्रतिपादन प्रख्यात सिने-नाटय अभिनेता-दिग्दर्शक रंगकर्मी  प्रा. डॉ. सिद्धार्थ तायडे यांनी व्यक्त केले.पुढे बोलतांना ते म्हणाले की,विद्यार्थ्यांमध्ये शैक्षणिक, नैतिक, बौद्धिक, शारिरीक, सामाजिक कौशल्यांची सर्वसमावेशक पेरणी करून त्यांचा संतुलित व  सर्वांगीण विकास साधणे ही शिक्षकांची मुख्य जबाबदारी आहे.मुलांचे मातीशी असलेले नाते, सामाजिक बांधिलकी, कौटुंबिक जिव्हाळा, संस्कार यांकडे विशेष लक्ष दिले पाहिजे. शिक्षण पूर्ण करणाऱ्या मुलात तो राहत असलेल्या प्रदेशाची, पर्यावरणाची जाणीव निर्माण होईल. राष्ट्रनिष्ठा, राष्ट्रप्रेम, राष्ट्रीय जबाबदारीचे भान निर्माण होईल. मानवजातीला भेडसावणाऱ्या समस्या व आपल्या आव्हाने ओळखून त्याचा सामना करण्यासाठी तो समर्थ होईल.असा सक्षम विद्यार्थी व सुजाण नागरिक सनराईज इंग्लिश स्कुल मधून घडेल असा विश्वास प्रा. डॉ. सिद्धार्थ तायडे यांनी या प्रसंगी व्यक्त केला. गु

 श्री वेताळ मंदिरात गुरुपौर्णिमा साजरी परळी वैजनाथ/ प्रतिनिधी येथील बारा ज्योतिर्लिंगाच्या नजीक असलेले श्री वेताळ मंदिर येथे आज सोमवार दिनांक 3 जुलै रोजी गुरुपौर्णिमा उत्सव मोठ्या उत्साहात व भक्तीपूर्ण वातावरणात साजरा करण्यात आला.  आज सोमवारी श्री वेताळ मंदिर येथे गुरुपौर्णिमा निमित्त श्री विलासानंद महाराज यांच्या हस्ते गुरुप्रतिमा, पादुकांचे पूजन करण्यात आले. यावेळी महिला भजनी मंडळांनी भक्तिगीते, भजन  गायीले. गुरुपौर्णिमेनिमित्त श्री वेताळ मंदिर सुंदर व आकर्षक विद्युत रोषणाईने सजविण्यात आले होते.   मंदिरांत  भाविकांची दिवसभर वर्दळ होती. मंदिरात विविध कार्यक्रमांचे आयोजन करण्यात आले होते. आज सोमवारचा आठवडी बाजार असल्याने भाविकांनी   सकाळपासूनच दर्शनासाठी गर्दी केली. दुपारी महाप्रसादाने गुरुपौर्णिमा उत्साहाची सांगता झाली.

  दिव्य ज्योति जाग्रति संस्थानची गुरूपोर्णिमा परळीत उत्साहात साजरी गुरू-शिष्य परंपरेतूनच विश्वात्मक कल्याण साध्य होते-सुश्री स्मिता भारतीजी सद्गुरुच जीवनाचे कल्याण करतो-स्वामी निरुपानंदजी *परळी वैजनाथ/प्रतिनिधी* भारत हा गुरू परंपरेवर विश्वास ठेवणारा, त्यांना मानणारा असून गुरू-शिष्य परंपरेतूनच विश्वात्मक कल्याण साध्य होते. अर्थातच श्रद्धा, विश्वास, विनम्रता व शालीनता शिष्यात असणे आवश्यक असून अशा सदाचारी व्यक्तीला गुरूवर्य योग्य मार्ग दाखवून त्याचे कल्याण करतात असे विचार प.पू.सर्वश्री आशुतोषजी महाराज यांच्या कृपापात्र शिष्या सुश्री स्मिता भारतीजी यांनी व्यक्त केले. सद्गुरु जीवनाचे कल्याण करतो असे प्रतिपादन स्वामी निरुपानंदजी यांनी व्यक्त केले. परळी येथील हालगे गार्डन येथे आज सोमवार दिनांक 3 जुलै रोजी दिव्य ज्योति जाग्रति संस्थानच्या वतीने आयोजित गुरू पोर्णिमा उत्सव 2023 प्रसंगी प.पू.सर्वश्री आशुतोषजी महाराज यांच्या कृपापात्र शिष्या सुश्री स्मिता भारतीजी बोलत होत्या.कार्यक्रमस्थळ भक्तांनी आकर्षकरित्या सजविल्याने आनंदी व भक्तीमय वातावरण निर्माण झाले होते. परिसरात रांगोळी काढून आणि सुशोभि

  परळीची सुकन्या अपेक्षा भालेरावची साहित्य क्षेत्रात भरारी;एमिली डिकिंसन पुरस्कारासाठी कवितासंग्रहाला नामांकन परळी वैजनाथ, प्रतिनिधी....      नामांकित प्रकाशन संस्था 'बुकलिफ पब्लिशिंग' ने परळीची सुकन्या अपेक्षा प्रमोद भालेराव हिचा 'होप' हा कवितासंग्रह प्रकाशित केला आहे.विशेष म्हणजे या कवितासंग्रहाला जागतिक स्तरावरील कवयत्री एमिली डिकिंसन पुरस्कारासाठी  नामांकन प्राप्त झाले आहे. याबद्दल अपेक्षा भालेरावचे सर्व स्तरातून कौतुक होत आहे.      परळीतील सर्व परिचित एलआयसीचे विकास अधिकारी प्रमोद भालेराव यांची सुकन्या कु.अपेक्षा हिचा 'होप' नावाचा पहिलाच कवितासंग्रह नामांकित प्रकाशन संस्था 'बुकलिफ पब्लिशिंग' ने  प्रकाशित केला आहे. सर्व प्रकारच्या ऑनलाईन प्लॅटफॉर्मवर हा कवितासंग्रह उपलब्ध झाला आहे. ॲमेझाॅन, फ्लिपकार्ट यावर 'होप'  कवितासंग्रह लोकप्रिय ठरत आहे. विशेष म्हणजे या कवितासंग्रहाला जागतिक स्तरावरील कवयत्री एमिली डिकिंसन पुरस्कारासाठी  नामांकन प्राप्त झाले आहे.       'होप' या कवितासंग्रहात हार्ट टू हार्ट संवाद कवितेच्या रूपात मांडला असुन

  किरकोळ भांडणातून सराफा व्यापाऱी तरुणाचा खून  धारूर..... किरकोळ कारणावरून झालेल्या भांडणात तरुणाचा खून झाल्याची घटना धारूर येथील तेलगाव रोड येथील एका बिअर बार येथे रविवारी सायंकाळी सात वाजण्याच्या सुमारास घडली . याप्रकरणी पोलिसांनी एकास ताब्यात घेतले आहे . धारूर येथील तेलगाव रोड लगत एक बियर बार आहे . या ठिकाणी  धारूर येथील नितीन मोहन धोत्रे वय ४० वर्षे व इतर काही जणांमध्ये रविवारी सायंकाळी साडे पाच वाजण्याच्या सुमारास भांडण झाले होते . या भांडणांमध्ये नितीन धोत्रे या तरुणाचा डोक्यात मार लागल्याने जागीच खून झाल्याची घटना घडली आहे . भर रस्त्यावर झालेल्या या खुनाच्या घटनेमुळे धारूर शहरात खळबळ उडाली असून घटनेची माहिती मिळतच पोलिसांनी घटना स्थळी जाऊन पहाणी केली . नितीन धोत्रे यांचे धारूर शहरात सराफा दुकान आहे . या प्रकरणांमध्ये नातेवाईकांनी पोलीसात धाव घेवून आरोपीस अटक करण्याची मागणी केली होती . पोलिसांनी एकास ताब्यात घेतले असून गुन्हा नोंद करण्याची प्रक्रिया उशिरापर्यंत सुरू होती . 

  धनंजय मुंडेंच्या शपथविधीनंतर परळीसह बीड जिल्ह्यात ठिकठिकाणी समर्थकांचा जल्लोष! फटाके फोडून, पेढे वाटून आनंदोत्सव साजरा परळी वैद्यनाथ (दि. 02) - आज मुंबई येथे राजभवनात पार पडलेल्या शपथविधी सोहळ्यात आ.धनंजय मुंडे यांनी कॅबिनेट मंत्री पदाची शपथ घेतल्यानंतर धनंजय मुंडे यांच्या समर्थकांनी परळीसह बीड जिल्ह्यात ठिकठिकाणी जोरदार जल्लोष केला आहे. परळी वैद्यनाथ शहरातील राणी लक्ष्मीबाई टॉवर, धनंजय मुंडे यांचे संपर्क कार्यालय या ठिकाणी पदाधिकारी, कार्यकर्ते यांनी एकत्र येत आनंद साजरा केला. यावेळी फटाके फोडून, एकमेकांना पेढे भरवून जोरदार जल्लोष करण्यात आला. त्याचबरोबर बीड शहरात छत्रपती शिवाजी महाराज चौकात देखील धनंजय मुंडे यांच्या समर्थकांनी एकच जल्लोष केल्याचे पाहायला मिळाले.  बीड शहरासह अंबाजोगाई, पाटोदा, वडवणी, धारूर, आदी ठिकठिकाणी धनंजय मुंडे यांच्या मंत्री पदी नियुक्तीनंतर कार्यकर्त्यांनी ढोल-ताशे व फटाके वाजवत, गुलाल उधळत आनंदोत्सव साजरा केल्याचे पाहायला मिळाले.  दरम्यान आज मुख्यमंत्री एकनाथ शिंदे यांच्या नेतृत्वातील सरकारमध्ये उपमुख्यमंत्री अजितदादा पवार यांच्या नेतृत्वात धनंजय मुंडे पुन

 सैन्य दलात भरती झालेल्या निकीताची परळीत काढली भव्य मिरवणूक परळी प्रतिनिधी.  शहरातील वडार कॉलनी येथील सामान्य कुटुंबातील निकिता अण्णासाहेब धोत्रे ही सैन्य दलात भरती झाल्याबद्दल परळी शहरात समाजाच्या वतीने भव्य मिरवणूक काढून तिचे जंगी स्वागत करण्यात आले. शिक्षणाच्या प्रवाहापासून दूर असलेल्या वडार समाजातील मुलींनी शिक्षण घेऊन पुढे येण्याचे आवाहन याप्रसंगी निकिताने केले.     याविषयी अधिक माहिती अशी की, वडार कॉलनी येथील अतिशय सामान्य कुटुंबात जन्मलेल्या निकिता अण्णासाहेब धोत्रे ही मुलगी भारतीय सैन्य दलात बीएसएफ मध्ये भरती झाली आहे.  वडार समाजामध्ये परळी तालुक्यात प्रथमच एका कन्येने सैन्य दलात भरती होण्याचा पराक्रम केला आहे.    तिच्या या सैन्य दलातील भरती झाल्याचा समाजाला तसेच आई-वडिलांना प्रचंड आनंद झाला. वडील मेकॅनिक चे काम करतात तर आई मिळेल ती मजुरी करून कुटुंबाचा उदरनिर्वाह  करतात. परंतु निकिताने शिक्षण घेऊन आई-वडिलांचे पांग फेडले आहे. या निमित्ताने निकिताचे ट्रॅक्टर मधून भव्य मिरवणूक काढण्यात आली. जागोजागी नागरिकांनी पुष्पहार घालून तिचे स्वागत केले व तिला शुभेच्छा दिल्या.    वडार समाज