माझी बातमी MB NEWS

 *अर्जुनराव जाहेर पाटील यांच्या निधनाने सहकार क्षेत्राची मोठी हानी - धनंजय मुंडे* बीड (दि.२६) ---- : बीड येथील छत्रपती शाहू नागरी सहकारी बँकेचे संस्थापक, उद्योजक अर्जुनराव जाहेर पाटील यांच्या निधनाने सहकार क्षेत्राची मोठी हानी झाली आहे, अशा शब्दात राज्याचे सामाजिक न्याय व विशेष सहाय्य मंत्री तथा बीड जिल्ह्याचे पालकमंत्री धनंजय मुंडे यांनी आपल्या शोक भावना व्यक्त केल्या आहेत.  स्व. अर्जुनराव जाहेर पाटील यांच्या निधनाबद्दल शोक व्यक्त करत धनंजय मुंडे यांनी त्यांना श्रध्दांजली अर्पण केली आहे, तसेच आपण पाटील कुटुंबियांच्या दुःखात सहभागी असल्याचेही आपल्या शोकसंदेशात म्हटले आहे.  बीड जिल्ह्यासह मराठवड्यातच नव्हे तर राज्यभर छत्रपती शाहू बँकेच्या शाखांचे जाळे अर्जुनराव जाहेर पाटील यांनी विणले. शाळा, आयटीआय आदी उभे करून एका सामान्य गरीब कुटुंबातील व्यक्तीने सहकारसह शिक्षण, उद्योग अशा विविध क्षेत्रात आपली वेगळी ओळख निर्माण करून अनेकांसमोर एक आदर्श उदाहरण प्रस्थापित केले आहे, अशा व्यासंगी व्यक्तिमत्वाच्या निधनाने जिल्ह्याच्या सहकार क्षेत्राची मोठी हानी झाल्याचे धनंजय मुंडे म्हणाले.

 *🚩उपमुख्यमंत्री अजित पवार यांच्याहस्ते सपत्नीक श्री विठ्ठलाची महापूजा संपन्न*  -----------------------------------   सोलापूर/पंढरपूर : कार्तिकी एकादशीनिमित्त पंढरपूरच्या श्री विठ्ठल मंदिरात उपमुख्यमंत्री अजित पवार यांच्याहस्ते सपत्नीक महापूजा संपन्न झाली. पहाटे अडीच वाजता पूजेला सुरुवात झाल्यानंतर 3.30 वाजण्याच्या सुमारास विठ्ठलाच्या लाईव्ह दर्शनासह महापूजेचा हा सोहळा पार पडला. यावेळी, श्री विठ्ठलाच्या शासकीय महापूजेच्या मानाच्या वारकरी दाम्पत्याचा मान कवडुजी नारायण भोयर ( वय ६४) व कुसुमबाई कवडूजी भोयर ( वय ५५ रा.मु.डौलापूर, पो. मोझरी शेकापूर, ता.हिंगणघाट, जि. वर्धा) यांना मिळाला. उपमुख्यमंत्र्यांसमेवत या दाम्पत्यानेही श्री विठ्ठलाची महापूजा केली.   श्री विठ्ठलाच्या महापूजेसाठी जिल्ह्याचे पालकमंत्री दत्तात्रय भरणे, मंदिर समितीचे सहअध्यक्ष ह. भ. प. गहिनीनाथ महाराज औसेकर यांच्यासह अन्य मान्यवर उपस्थित होते. कोरोनाचे सावट असल्याने अतिशय कमी मान्यवरांच्या उपस्थितीत यंदाची कार्तिकी एकादशीची महापूजा संपन्न झाली. दरम्यान, यापूर्वी आषाढी एकादशीलाही मुख्यमंत्र्यांच्याहस्ते सपत्नीक महापूजा

  कार-कँन्टरच्या अपघातात पाच ठार;गेवराई बायपासवरील घटना  गेवराई : प्रतिनिधी...     कार-कँन्टरच्या भिषण अपघातात पाच जण ठार झाल्याची घटना गेवराई बायपासवर गुरुवारी सकाळी १० वाजण्याच्या सुमारास धुळे-सोलापूर महामार्गावर घडली. मयतामध्ये लातुरचे वंचित बहुजन आघाडीच्या पदाधिकाऱ्यांचा समावेश आहे. दरम्यान अपघातानंतर महामार्गावर मोठी वाहतूक कोंडी झाली होती. अपघाताची माहिती मिळताच गेवराई पोलिसांनी घटनास्थळी धाव घेऊन वाहतूक सुरळीत करत घटनेचा पंचनामा केला.    याबाबत माहिती अशी की, लातूरहून औरंगाबाद कडे निघालेली कार (एम.एच.४६ बी.९७००) हिचे टायर फुटल्याने चालकाचा ताबा सुटल्याने सदरील कार विरुद्ध साईटला जाऊन उलटली. याच सुमारास औरंगाबादहून बीडकडे निघालेले कँन्टर (जी.जे.१६ ए.यू. २४७५) च्या खाली हि कार आल्याने कार काही अंतर कँन्टरने कारला फरफटत नेले. यामध्ये दोन जणांचा जागीच मृत्यू झाला. तर अन्य तीन गंभीर जखमी झाल्याने त्यांच्यावर येथील उपजिल्हा रुग्णालयात प्रथोमोपचार करुन बीड जिल्हा रुग्णालयात रेफर करण्यात आले होते. मात्र उपचारादरम्यान या तिघांचाही मृत्यू झाला. मयतामध्ये लातुरचे वंचित बहुजन आघाडीच्या पदाध

  कामगार कल्याण मंडळ  कर्मचारी संघटनेचे प्रदेश सरचिटणीस अनंत जगताप यांच्या सेवानिवृत्तीनिमित्त कृतज्ञता सोहळ्याचे आयोजन प्रतिनिधी : (औरंगाबाद)   महाराष्ट्र कामगार कल्याण मंडळ कर्मचारी संघटना संलग्न भारतीय कामगार कर्मचारी महासंघ या संघटनेचे प्रदेश सरचिटणीस अनंत जगताप यांच्या सेवानिवृत्तीनिमित्त कृतज्ञता सोहळ्याचे आयोजन  करण्यात आले आहे. महाराष्ट्र कामगार कल्याण मंडळ कर्मचारी संघटनेचे प्रदेश सरचिटणीस  अनंत जगताप हे नियत वयोमानानुसार सेवानिवृत्त होत आहे. या निमित्ताने शुक्रवार २७ नोव्हेंबर २०२०  रोजी दुपारी २ वाजता  मुंबई येथील कामगार कल्याण मंडळाच्या हुतात्मा बाबू गेनू गिरणी कामगार क्रीडा भवन सेनापती बापट मार्ग येथे कृतज्ञता सोहळा  संपन्न होणार आहे.   या कृतज्ञता सोहळ्याला भारतीय कामगार कर्मचारी महासंघाचे अध्यक्ष आमदार भाई जगताप, कामगार कल्याण मंडळ कर्मचारी संघटनेचे मानद सदस्य दिलीप दादा जगताप, कामगार कल्याण मंडळाचे कल्याण आयुक्त रविराज ईळवे यांची उपस्थिती राहणार आहे.   अनंत जगताप यांनी पूर्णवेळ व अर्धवेळ कर्मचाऱ्यांच्या हिताचे अनेक कामे केली. २००५ मधील कर्मचारी भरती संबंधी शासन व प्रशास

 * अर्जूनराव जाहेर पाटील यांच्या   निधनाने सहकार, शैक्षणिक क्षेत्रातील उमदे व्यक्तिमत्त्व हरपले -* *पंकजाताई मुंडे यांनी व्यक्त केल्या शोकभावना* परळी दि. २६ ------  छत्रपती राजर्षि शाहू अर्बन बँकेचे अध्यक्ष अर्जूनराव जाहेर पाटील यांच्या निधनाने बीड जिल्हयाच्या सहकार व शैक्षणिक क्षेत्रातील उमदे व्यक्तिमत्त्व हरपले आहे अशा शब्दात भाजपच्या राष्ट्रीय सचिव पंकजाताई मुंडे यांनी शोकभावना व्यक्त करत त्यांना भावपूर्ण श्रद्धांजली अर्पण केली.   जाहेर पाटील यांच्या निधनाची वार्ता समजली, अतीव दुःख झाले. बीड जिल्हयाच्या सहकार, शैक्षणिक व औद्योगिक क्षेत्रात जाहेर पाटील यांचे कार्य उल्लेखनीय होते. शेतकरी, शेतमजूर व सर्व सामान्य जनतेच्या प्रश्नांविषयी त्यांना जिव्हाळा होता. त्यांच्या निधनाने बीड जिल्हा एका उमद्या व्यक्तीमत्वाला मुकला आहे, त्यांच्या निधनाने कोसळलेल्या दुःखात मी व माझा परिवार सहभागी आहे, अशा शोकभावना व्यक्त करून भावपूर्ण श्रध्दांजली अर्पण केली. ••••

 *उद्योजक अर्जुनराव जाहेर पाटील यांचे निधन* बीड : येथील प्रसिध्द उद्योजक अर्जुनराव जाहेर पाटील यांचे दुःखद निधन झाले. अतिशय सामान्य परिस्थितून पुढे येऊन पाटील यांनी उद्योग- व्यवसाय आणि बँकिंग क्षेत्रात मोठा नावलौकिक मिळवला होता. मराठवाड्यातील अग्रगण्य बँक छत्रपती राजर्षी शाहू महाराज बँकेचे ते ससंस्थापक अध्यक्ष होते. मराठवाडा चेंबर्स चे ते अध्यक्ष होते. मराठवाडा शिक्षण प्रासारक मंडळासह अनेक संस्थांमध्ये त्यांनी काम केले. मृत्यू समयी त्यांचे वय 75 वर्षे होते.

 *काँग्रेसचे ज्येष्ठ नेते अहमद पटेल यांना परळीत श्रद्धांजली अर्पण !* _*देशाचा धुरंधर नेता हरवला -बाजीराव भैय्या धर्माधिकारी*_ परळी वैजनाथ,प्रतिनिधी...       काँग्रेसचे ज्येष्ठ नेते आणि सोनिया गांधी यांचे राजकीय सल्लागार अहमद पटेल यांचे आज (ता.२५) पहाटे तीन वाजता निधन झाले. त्यांना परळीत महाविकास आघाडीच्या वतीने भावपूर्ण श्रद्धांजली अर्पण करण्यात आली.देशाचा धुरंधर नेता हरवला असल्याची शोकभावना यावेळी राष्ट्रवादी काँग्रेसचे शहराध्यक्ष बाजीराव भैय्या धर्माधिकारी यांनी व्यक्त केली.         परळी वैजनाथ येथे काँग्रेसचे ज्येष्ठ नेते आणि सोनिया गांधी यांचे राजकीय सल्लागार अहमद पटेल यांच्या निधनाबद्दल शोकसभा घेउन त्यांना भावपूर्ण श्रद्धांजली अर्पण करण्यात आली. यावेळी राष्ट्रवादी कॉंग्रेसचे शहराध्यक्ष बाजीराव धर्माधिकारी,कॉंग्रेसचे शहराध्यक्ष बाबुभाई नंबरदार, नगरसेवक शंकर आडेपवार, विजय भोयटे, अन्वर मिस्किन, जयराज देशमुख, राष्ट्रवादी कॉंग्रेसचे वैजनाथ सोळंके, रमेश भोयटे, दीपक तांदळे, जमील अध्यक्ष, बशीतभाई, राष्ट्रवादी युवक अध्यक्ष सय्यद सिराज, शिवसेनेचे शहरप्रमुख राजेश विभूते, शिवसेनेचे जिल्हा स

 * परळी - अंबाजोगाई रस्त्यावर आता आझाद चौक ते कन्हेरवाडी येथील पेट्रोल पंपापर्यंत होणार चौपदरीकरण* * चौपदरी रस्त्याची लांबी दोन किमी वाढविण्याचे धनंजय मुंडेंचे निर्देश* *परळी शहरातील रेल्वे उड्डाणपुलाचेही होणार चौपदरी रुंदीकरण* मुंबई (दि. २५) ---- : बहुप्रतिक्षित परळी ते अंबाजोगाई रस्त्याचे काम सध्या वेगाने प्रगतीपथावर असून, परळी शहरातील मौलाना आझाद चौक ते सपना हॉटेल इथपर्यंत मूळ आराखड्यानुसार चौपदरी रस्ता प्रस्तावित आहे, या परिसरातील रहदारीचा विचार करत चौपदरी रस्त्याची लांबी आणखी दोन किलोमीटर वाढवून कन्हेरवाडी येथील पेट्रोल पंपापर्यंत करण्याचे निर्देश आज बीड जिल्ह्याचे पालकमंत्री धनंजय मुंडे यांनी दिले.  परळी - अंबाजोगाई रस्त्याच्या कामाची गती वाढविणे व अन्य रस्त्यांच्या कामांसंदर्भात धनंजय मुंडे यांनी राष्ट्रीय महामार्गाच्या संबंधित अधिकाऱ्यांसमवेत महत्वपूर्ण बैठक घेऊन सूचना दिल्या. या बैठकीस राष्ट्रीय महामार्गचे सचिव विनयकुमार देशपांडे, कार्यकारी अभियंता स्वामी, सहसचिव रहाने, संबंधित एजन्सीचे कंत्राटदार आदी अधिकारी उपस्थित होते. परळी शहरातील श्यामाप्रसाद मुखर्जी रेल्वे उड्डाण पूल वा

 *राज्य उत्पादन शुल्क विभागाच्या परळी येथे धाडी ; 57 हजार रूपयांचा मुद्देमाल जप्त* ==================== परळी वैजनाथ (प्रतिनिधी) राज्य उत्पादन शुल्क,अंबाजोगाई विभाग निरीक्षकांच्या पथकाने परळी तालुक्यात वसंतनगर तांडा आणि धारावती तांडा या दोन ठिकाणी अवैधरित्या गावठी मद्य निर्मिती होत असल्याची माहिती प्राप्त होताच असताना बुधवार,दि.25 नोव्हेंबर रोजी धाडी टाकून 57 हजार 500/- रूपये किंमतीचा मुद्देमाल जप्त करून एकूण 3 गुन्हे दाखल केले असल्याची माहीती प्रभारी निरीक्षक ए.आर.गायकवाड यांनी दिली.  बीड जिल्ह्यात विविध ठिकाणी अवैध हातभट्टी केंद्रांवर राज्य उत्पादन शुल्क विभागाच्या वतीने सातत्याने धाडी टाकण्यात येतात.आता पर्यंत लाखो रूपयांचा मुद्देमाल जप्त करण्यात आला.त्यापैकी काही जागेवरच नष्ट केला.तसेच अनेकांवर गुन्हे ही दाखल करण्यात आलेले आहेत.राज्य उत्पादन शुल्क अंबाजोगाई विभागाअंतर्गत वडवणी,केज, माजलगाव,धारूर,परळी,अंबाजोगाई हे सहा तालुके येतात.त्यामुळे जिल्हाधिकारी राहूल रेखावार यांचे सुचनेनुसार व राज्य उत्पादन शुल्क बीडचे अधिक्षक नितीन धार्मिक यांच्या मार्गदर्शनाखाली सातत्याने अवैध दारू विक्री,ह

  औरंगाबाद पदवीधर मतदारसंघ निवडणूक 2020 3 लाख 74 हजार 45 मतदार तर 813 मतदान केंद्र  औरंगाबाद ,दि.25 (विमाका) :- येत्या 01 डिसेंबर 2020 रोजी होणाऱ्या 05-औरंगाबाद विभाग पदवीधर मतदार संघ निवडणूकीसाठी विभागातील आठ जिल्ह्यात एकूण 3 लाख 74 हजार 45 मतदार असून मतदानासाठी एकूण 813 मतदान केंद्र असणार आहेत. जिल्हानिहाय मतदार व मतदान केंद्रांची संख्या पुढील प्रमाणे आहे. मतदान केंद्रांची संख्या कंसात दर्शविली आहे. 1) औरंगाबाद-106379 (206) 2) जालना- 29765 (74) 3) परभणी - 32681 (78) 4) हिंगोली - 16764 (39) 5) नांदेड - 49285 (123) 6) बीड- 64349 (131) 7) लातूर - 41190 (88) 8) उस्मानाबाद - 33632 (74). अशी माहिती निवडणूक शाखा, विभागीय आयुक्त कार्यालय, औरंगाबाद यांनी दिली आहे. ****

  *💥कोरोनावर लस येत नाही, तोपर्यंत शाळा सुरू होणार नाहीत; दिल्ली सरकारनं थेट घोषणाच केली!*                       -----------------------------------    दिल्लीत कोरोनाच्या वाढत्या प्रादुर्भावाच्या पार्श्वभूमीवर उपमुख्यमंत्री मनिष सिसोदिया यांनी मोठी घोषणा केलीय. कोरोनावर लस येत नाही, तोपर्यंत दिल्लीतील शाळा सुरू होणार नाहीत, असं सिसोदिया यांनी जाहीर केलंय.       कोरोनाच्या उद्रेकामुळे संपूर्ण देशभरात मार्च महिन्यापासून शाळा बंद आहेत. तर काही ठिकाणी शाळा पुन्हा सुरू करण्यासाठीचे प्रयत्न देखील केले गेले. मात्र कोरोनाचा प्रसार पुन्हा वाढत असल्याची परिस्थितीपाहून शाळा सुरू करण्याचा निर्णय मागे देखील घेण्यात आला आहे. दिल्लीतील बहुतेक पालक शाळा सुरू करण्याच्या विरोधात असल्याचं सिसोदिया यांनी ३० ऑक्टोबर रोजी म्हटलं होतं. त्यामुळे पुढील आदेशापर्यंत दिल्लीतील शाळा बंदच राहतील अशी घोषणा सिसोदिया यांनी केली होती. आता सिसोदिया यांनी थेट जोवर लस येत नाही तोपर्यंत शाळा सुरू होणार नाहीत अशी भूमिका घेतली आहे. ''आम्ही सतत पालकांच्या संपर्कात आहोत आणि त्यांचं मत जाणून घेत आहोत. शाळा सुरू करण्यास

  *ना.धनंजय मुंडे यांच्या माध्यमातून परळीत पदवीधर भवन उभारण्यासाठी पुढाकार घेणार-बाजीराव भैय्या धर्माधिकारी*   _सतिश चव्हाण यांच्या प्रचारार्थ किरण गित्ते अकॅडमी येथे पदविधारांशी साधला संवाद_   परळी वैजनाथ, प्रतिनिधी ...       ना.धनंजय मुंडे यांच्या माध्यमातून परळीत पदवीधर भवन उभारण्यासाठी पुढाकार घेणार असल्याचे प्रतिपादन राष्ट्रवादी काँग्रेसचे शहराध्यक्ष बाजीराव भैय्या धर्माधिकारी यांनी केले. मराठवाडा पदवीधर मतदार संघाचे महाविकास आघाडीचे उमेदवार आ.सतिश चव्हाण यांच्या प्रचारार्थ किरण गित्ते अकॅडमी येथे पदविधारांशी  संवाद साधला यावेळी ते बोलत होते.          राज्याचे सामाजिक न्याय मंत्री ना.धनंजय मुंडे  यांचे जिव्हाळ्याचे सहकारी महाविकास आघाडीचे उमेदवार आ.सतीश चव्हाण  यांच्या प्रचारार्थ पदवीधर युवकांशी संवाद साधताना बाजीराव धर्माधिकारी यांनी  ना.मुंडे  व आ.चव्हाण यांच्या कार्याचा आढावा विशद केला.नॅशनल लॉ स्कुल, वैद्यकीय प्रवेश प्रक्रियेतील 70% व 30% प्रवेशाचे जाचक सूत्र रद्द करुन मराठवाड्यातील विद्यार्थ्यांना न्याय देणे, कायम विनाअनुदानीत मधील "कायम" शब्द वगळून टाकणे,नौकरी महोत

 *बिबटयांचे हल्ले रोखण्यासाठी तातडीने उपाययोजना करा -  पंकजाताई मुंडे यांचे राज्य सरकारला पत्र* * हल्ल्यात बळी पडलेल्यांच्या वारसांना आर्थिक सहाय्य करण्याची केली मागणी ; आष्टीच्या गर्जे यांच्या मूत्यूबद्दल व्यक्त केला शोक* बीड दि. २५ ------ राज्यात विविध ठिकाणी बिबटयांचे हल्ले वाढले असून अनेकांचा बळी गेला आहे. बिबटयांना रोखण्यासाठी सरकारने तातडीने उपाययोजना कराव्यात तसेच हल्ल्यात मृत्यूमुखी पडलेल्या व जखमी झालेल्या व्यक्तींच्या वारसांना आर्थिक सहाय्य करावे अशी मागणी भाजपच्या राष्ट्रीय सचिव पंकजाताई मुंडे यांनी राज्य सरकारकडे एका पत्राद्वारे केली आहे. दरम्यान, आष्टी येथे बिबटयाच्या हल्ल्यात बळी पडलेल्या नागनाथ गर्जे यांच्या मृत्यूबद्दल  त्यांनी शोक व्यक्त केला आहे.  पाथर्डी (अहमदनगर), पैठण (औरंगाबाद), आष्टी (बीड) तसेच सिन्नर (नाशिक) परिसरात नरभक्षक बिबटयांचा मोठया प्रमाणात वावर असून नरभक्षक बिबटयाच्या हल्ल्यात अनेक बालके व व्यक्ती मृत्युमुखी पडल्याने मोठया प्रमाणावर मनुष्य हानी झालेली आहे. बिबटयाच्या हल्ल्यात महिला व बालके गंभीर जखमी झालेले आहेत.  काही ठिकाणी शेतकऱ्यांच्या गायी, शेळया य

 *यूपीएससी मुख्य परीक्षेसाठी अनुसूचित जातीच्या विद्यार्थ्यांना एकरकमी अर्थसहाय्य देण्याच्या योजनेतील 'त्या' अटी रद्द करून मूळ नियमाप्रमाणेच कार्यवाहीचे धनंजय मुंडे यांचे बार्टीला निर्देश* *बार्टी ने घातलेल्या जाचक अटींमुळे विद्यार्थ्यांनी व्यक्त केली होती नाराजी* मुंबई (दि. २५) ----- : डॉ. बाबासाहेब आंबेडकर संशोधन व प्रशिक्षण संस्था (बार्टी) पुणे यांच्या मार्फत महाराष्ट्र राज्यातील अनुसूचित जातीच्या संघ लोकसेवा आयोग नागरी सेवा पूर्व परीक्षा (यूपीएससी प्रिलीम) उत्तीर्ण झालेल्या मुख्यपरीक्षा 2020 साठी पात्र असलेल्या विद्यार्थ्यांना देण्यात येणाऱ्या एक रकमी अर्थसहाय्य योजने साठी बार्टीने घातलेल्या जाचक अटी रद्द करून मागील वर्षीच्या मूळ नियमावलीप्रमाणेच लाभ देण्याचे निर्देश सामाजिक न्याय मंत्री धनंजय मुंडे यांनी दिले आहेत.  यूपीएससी मुख्य परीक्षेस पात्र ठरणाऱ्या विद्यार्थ्यांना या योजनेंतर्गत एकरकमी ५० हजार रुपयांचे अर्थसहाय्य देण्यात येते. यासाठी बार्टी मार्फत अर्ज मागविण्यात आले होते, परंतु अर्ज करताना बार्टी मार्फत त्यांचे स्तरावर विविध नियमावली तयार करून ती जाहिराती मध्ये प्रसि

  महावितरणमध्ये अप्रेंटिस करणाऱ्या युवकाने घेतला गळफास                किल्ले धारूर, प्रतिनिधी  धारूर शहरांमध्ये महावितरण मध्ये काम करणाऱ्या मंगेश हनुमान कोसम या 21 वर्षीय तरुणाने गळा फास घेऊन आत्महत्या केली. महावितरण मध्ये काम करणारा युवक हा नांदेड शहरातला रहिवासी असून तो धारूर येथील महावितरण कंपनीमध्ये अप्रेंटिस करण्यासाठी आलेला होता तो केज रोड येथील कोमटवार कॉम्प्लेक्समध्ये किरायाने राहत होता त्याचे दोन मित्र दिवाळीसाठी गावी गेले होते व काल रात्री त्याला गावाकडून फोन आला आजी वारली आहे तू गावाकडे ये पण त्याने गळफास घेऊन आपली जीवनयात्रा संपवली मृत्यूचे कारण समजले नाही घटनास्थळी धारूर पोलीस स्टेशनचे पीएसआय प्रदीप डोलारे यांनी घटनेचा पंचनामा करून पुढील तपास करत आहेत अद्यावत आत्महत्येचे कारण समजले नाही

  काँग्रेसचा राजकीय धुरंदर हरपला! सोनिया गांधींचे राजकीय सल्लागार अहमद पटेल यांचे निधन नवी दिल्ली :  काँग्रेसचे ज्येष्ठ नेते आणि सोनिया गांधी यांचे राजकीय सल्लागार अहमद पटेल यांचे आज (ता.२५) पहाटे तीन वाजता निधन झाले. त्यांना प्रकृतीमध्ये झालेल्या गुंतागुतीमुळे गुडगावच्या मेदांता रुग्णालयाच्या इंटेंसिव्ह केअर युनिटमध्ये (आयसीयू) दाखल करण्यात आले होते. त्यांचा मुलगा फैसल पटेल यांनी त्यांच्या मृत्यूची माहिती दिली. अहमद पटेल यांना काही आठवड्यांपूर्वी कोरोना व्हायरसची लागण झाली होती. ७१ वर्षीय अहमद पटेल यांनी १ ऑक्टोबरला ट्विट केले होते की, त्याला कोरोना विषाणूची लागण झाली आहे. फैसल पटेल यांनी ट्विट करून माहिती दिली की २५ नोव्हेंबर रोजी पहाटे साडे तीन वाजता माझे वडील अहमद पटेल यांचे निधन झाले. सुमारे एक महिन्यांपूर्वी ते कोरोना पॉझिटिव्ह आढळल्याने त्यांची तब्येत खालावली होती. त्यांच्या शरीराच्या अनेक अंगांनी काम करणे थांबवले होते. फैसल यांनी आपल्या सर्व हितचिंतकांना कोविड १९ नुसार सर्व नियमांचे पालन करण्याचा सल्ला दिला आहे. गर्दी करू नका आणि सामाजिक अंतराचे अनुसरण करा असे त्यांनी म्हटले

 *अन् 'त्या' जखमी ऊसतोड कामगारास  पंकजाताई मुंडेंनी दिला मायेचा आधार !* *आस्थेने विचारपूस करत मुलांच्या संगोपनाची घेतली जबाबदारी !  कामगाराच्या घरची चटणी - भाकरीही केली गोड* बीड.दि.२४-----अहोरात्र राबून उदरनिर्वाह करणाऱ्या ऊसतोड कामगारांवर कुणापुढे हात पसरवण्याची वेळ येऊ देणार नाही.ऊसतोड मजुरांनी स्वाभिमानाने जीवन जगावे,तुमची नैतिक जवाबदारी माझी आहे अशा शब्दात भाजपच्या राष्ट्रीय सचिव पंकजाताई मुंडे यांनी पाडळी ता.शिरूर येथील जखमी ऊसतोड मजूर आणि त्यांच्या कुटुंबियांना मायेचा आधार दिला. या प्रसंगाने त्या कामगारालाही गहिवरून आले. शिरूर तालुक्यातील पाडळी येथील ऊसतोड मजूर गणेश मिसाळ हे काही दिवसांपूर्वी प. महाराष्ट्रातील एका कारखान्यात अंगावर गेट कोसळून गंभीर जखमी झाले होते. भाजपच्या राष्ट्रीय सचिव आणि ऊसतोड मजुरांच्या नेत्या पंकजाताई मुंडे यांनी मिसाळ आणि त्यांच्या कुटुंबियांची भेट घेऊन त्यांच्याशी संवाद साधला व तब्येतीची आस्थेने विचारपूस केली.यावेळी पंकजाताई मुंडे यांनी त्यांना धीर दिला. ऊसतोड मजूर हा माझ्या जिव्हाळ्याचा विषय आहे, तुम्ही खचून न जाऊ नका, मी कायम तुमच्या पाठीशी आहे

 *प्रा. टी.पी. मुंडे धावले एसटी कर्मचाऱ्यांच्या मदतीला;आरोग्य प्रशासन झाले खडबडून जागे* *परळी आगारातील 62 एसटी कर्मचाऱ्यांची कोरोना चाचणी ;एसटी कर्मचाऱ्यांनी मानले आभार!* परळी प्रतिनिधी बीड जिल्ह्यातील एसटी कर्मचाऱ्यांना बेस्ट वाहतूक सेवेसाठी मुंबई येथे बेस्ट वाहतूक करण्यासाठी टप्प्याटप्प्याने बोलावले जात आहे त्यात आपले कर्तव्य बजावून परळी आगारातील सुमारे 62 एसटी कर्मचारी रविवारी परत आले असता त्यांची कोरोना चाचणी करण्यास परळी येथील शासकीय रुग्णालयातील आरोग्य प्रशासन टाळाटाळ करत होते मात्र या कर्मचाऱ्यांनी  प्रा.टी.पी. मुंडे (सर) यांच्याकडे धाव घेतली व त्याच तत्परतेने एसटी कर्मचाऱ्यांच्या मदतीला ते धावून आले आणि आरोग्य प्रशासनाला फोन केल्यानंतर आरोग्य प्रशासन खडबडून जागे झाले आणि या कर्मचाऱ्यांची कोरोना चाचणी संपन्न झाल्यामुळे एसटी कर्मचाऱ्यांनी त्यांचे आभार मानले.     राज्य परिवहन महामंडळ कार्यालय बीड येथील विभाग नियंत्रक यांना एका निवेदनाद्वारे या कर्मचार्यां विषयी काय उपाय योजना करणार आहात असा सवाल केला दरम्यान परळी येथील उपविभागीय अधिकारी, जिल्हा चिकित्सक आधिकारी व परळी शासकीय रुग्ण

  पदवीधरांनो वेळीच जागे व्हा ; राजकीय पक्षांच्या उमेदवारांना काञज चा घाट दाखवा :-सिध्देश्वर मुंडे कळब,वाशी,भुम,परंडा,उस्मानाबाद,तूळजापुर,लोहारा,उमरगा येथील पदवीधरांसी साधला संवाद उस्मानाबाद दि.24 पदवीधरांनो वेळीच जागे व्हा वेळ आजून गेलेली नाही दोन्ही पक्षाचे उमेदवार यांचा या पदवीधर निवडणुकीत प्रचंड मतांनी पराभूत करा व त्यांना काञजचा घाट दाखवल्या शिवाय शांत बसू नका अशा कडक शब्दात अपक्ष उमेदवार सिध्देश्वर मुंडे यांनी दोन्ही पक्षाच्या उमेदवार यांचा खरपुस समाचार घेत टिका केली. सध्या सिध्देश्वर मुंडे सध्या मराठवाडा दौऱ्यावर आहेत ते दि.23 व 24 रोजी उस्मानाबाद दौऱ्यावर होते. माता तुळजाभवानीचे दर्शन घेऊन आशिर्वाद घेतले व कळब,वाशी,भुम, परंडा, उस्मानाबाद, तूळजापुर, लोहारा व उमरगा येथील पदवीधरांसोबत बैठका घेत संवाद साधला. पुढे बोलताना म्हणाले भारतीय जनता पार्टी व राष्ट्रवादी काँग्रेस पार्टीचे उमेदवार म्हणजे फक्त निवडणूकीतच पदवीधरांना दिसतात ऐरवी कुठे असतात. मराठवाड्यातील पदवीधर ऐरणीवर सोडून देतात मंग यांना या निवडणुकीत मराठवाड्यातील पदवीधरांनी मतदान काय म्हणून द्यावे. या निवडणूकीत मराठवाड्यातील प

  जवाहर एज्युकेशन सोसायटी संचलित वैद्यनाथ कॉलेज मधील १ कोटी ६ लाख रुपयांच्या अपहार प्रकरणी अध्यक्ष व इतरांना अटकपूर्व जामीन मंजूर अंबाजोगाई:- येथील तिसरे जिल्हा व सत्र न्यायालय कि. जा.अर्ज क्र.४९६/२०२० जुगलकिशोर व इतर वि. सरकार या प्रकरणाची सुनावणी होऊन जवाहर एज्युकेशन सोसायटी संचलित वैद्यनाथ कॉलेज मधील १ कोटी ६ लाख रुपयांच्या अपहार प्रकरणी अध्यक्ष जुगलकिशोर लोहिया व इतरांचा  अटकपूर्व जामीन अर्ज  मा.न्या.एम.बी.पटवारी मॅडम यांनी दि.२४/११/२०२० रोजी मंजूर केला. सदरील प्रकरणाची   थोडक्यात हकीकत अशी की ,सन २०१८ पासून सदरील संस्थेच्या कनिष्ठ महाविद्यालय परळी वै. येथे विज्ञान विषयाच्या विद्यार्थ्यां व पालका कडून कॅपिटेशन फीस (देणगी) म्हणून ५००००/-₹ घेतली. सदर शिकवणी वर्ग २०१८ ऑगस्ट साली सुरू केले तत्पूर्वी सदर सोसायटीच्या लोकनेते गोपीनाथ मुंडे अकॅडमी संस्थेला १०,००,०००/- दिले.    तसेच शिकवणी साठी हॉल तयार करण्यासाठी ३,००,०००/- ₹ खर्च केले. तसेच ३०० विद्यार्थ्याना प्रवेश देऊन संस्थेच्या खात्यात २२,३५,८४१/- रुपये जमा करण्यात आले. विद्यार्थ्याकडून जमा केलेली लोकनेते गोपीनाथ मुंडे व जवाहर एज्युके

उद्यापासून आंबेजोगाईत यशवंतराव चव्हाण स्मृती समारोहाला प्रारंभ अंबेजोगाई - महाराष्ट्रात कला, साहित्य व सांस्कृतिक क्षेत्रात आपल्या वेगळेपणाचा ठसा उमटविणाऱ्या यशवंतराव चव्हाण स्मृती समारोहाचे हे ३६ वे वर्ष असून या वर्षी कोरोनाच्या पार्श्वभूमीवर ३ दिवस ऐवजी दोन दिवस समारोह होणार असून या कार्यक्रमाचे उद्घाटन बुधवार आज दिनांक २५ नोव्हेंबर रोजी सायंकाळी ५ वाजता मुंबईतील तरुण पत्रकार व वार्षिक रिंगण व कोलाज डॉट इन चे संपादक सचिन परब यांच्या हस्ते या दोन दिवसीय समारोहाचे उद्घाटन होणार आहे.  उद्घाटन समारंभानंतर रात्री ७…३० वाजता कवी संमेलनाचे आयोजन केले असून अध्यक्षस्थानी उद्धव कानडे असतील तर बुलढाणा साखरखेर्डा येथील अजीम नवाज राही हे सूत्रसंचलन करणार आहेत. त्याचबरोबर पुण्याचे पुरुषोत्तम सदाफुले, तुळजापूरचे नारायण पुरी, डोंबिवलीचे आनंद पेंढारकर, पेणचे विनायक पवार, नांदेडच्या डॉ. सुजाता जोशी- पाटोदेकर आणि नायगाव बिलोलीचे शंकर राठोड यांचा सहभाग राहणार आहे रसिकांनी या कार्यक्रमास आवर्जून उपस्थित रहावे असे आवाहन यशवंतराव चव्हाण स्मृती समितीचे सचिव दगडू लोमटे यांनी केले आहे.   कोविड १९ च्या अनुश

  २६/११ शहिदांच्या स्मृतिप्रीत्यर्थ गुरूवारी परळीत रक्तदान शिबिर कृष्णतेज सामाजिक प्रतिष्ठानचा उपक्रम परळी | प्रतिनिधी २६/११ मुंबईवर झालेल्या दहशतवादी हल्ल्यात शहीद झालेल्या जवानांना श्रध्दांजली म्हणून येथील कृष्णतेज सामाजिक प्रतिष्ठानने रक्तदान शिबीर आयोजित केले असून या शिबिरात अधिकाधिक युवकांनी रक्तदान करावे असे आवाहन करण्यात आले आहे. गुरूवार  दि.२६ नोव्हेंबर रोजी सकाळी १० वा.उपजिल्हा रुग्णालय, परळी वैजनाथ येथे सदरील शिबीर होत असून या शिबिरातील रक्तसंकलनासाठी शासकीय रक्तपेढी अंबाजोगाई येथील पथक येणार आहे तरी शहर व परिसरातील रक्तदात्यांनी या शिबिरात रक्तदान करून या राष्ट्रीय कार्यात सहभागी व्हावे असे आवाहन कृष्णतेज सामाजिक प्रतिष्ठानच्या वतीने करण्यात आले आहे. * *उपजिल्हा रुग्णालयात होणार रक्तदान *शासकीय रक्तपेढी अंबाजोगाईचे रक्तसंकलन

  पंकजाताई मुंडे यांच्या हस्ते वैद्यनाथ साखर कारखान्याचा बुधवारी गाळप शुभारंभ  परळी वैजनाथ दि. २३.        पांगरी येथील वैद्यनाथ सहकारी साखर कारखान्याच्या सन 2020-21 या गाळप हंगामाचा शुभारंभ उद्या बुधवार दि. २५ नोव्हेंबर रोजी कारखान्याच्या अध्यक्षा तथा माजी मंत्री पंकजाताई मुंडे यांच्या शुभ हस्ते होणार आहे. या कार्यक्रमाला ऊस उत्पादक शेतकऱ्यांनी मोठ्या संख्येने उपस्थित राहावे असे आवाहन कारखान्याचे वतीने करण्यात आले आहे.          वैद्यनाथ सहकारी साखर कारखाना यावर्षी पुर्ण क्षमतेने चालण्यासाठी सज्ज झाला आहे. कारखान्याचे बाॅयलर अग्नी प्रदीपन नुकतेच संपन्न झाले आहे. कारखान्याच्या गाळप हंगामाची ऊस उत्पादक शेतकरी, ऊसतोड मजूर, मुकादम आणि इतर व्यवसायीकांना प्रतिक्षा आहे. उद्या बुधवार दि. २५ नोव्हेंबर रोजी सकाळी 9 वाजता कारखान्याच्या अध्यक्षा तथा माजी मंत्री पंकजाताई मुंडे यांच्या हस्ते कारखान्याच्या गाळपाचा शुभारंभ होणार आहे.     या गळीत हंगाम शुभारंभ कार्यक्रमास ऊस उत्पादक शेतकरी, ऊसतोड मजूर, मुकादम व सभासदांनी मोठ्या संख्येने उपस्थित राहावे असे आवाहन कारखान्याचे संचालक मंडळाने केले आहे.

 *क्रीडा क्षेत्रातील पदवीधरांशी पंकजाताई मुंडे यांचा औरंगाबादेत संवाद* *क्रीडा विद्यापीठ पुन्हा स्थापण्यासाठी प्रयत्न करण्याचा दिला शब्द*  _शिरीष बोराळकर यांना मताधिक्याने विजयी करण्याचा क्रीडापटूंनी केला संकल्प_ औरंगाबाद दि. २३ ------ मराठवाडयातील क्रीडा आणि शिक्षण क्षेत्राचा दर्जा उंचावण्यासाठी प्रयत्न झाले पाहिजेत. याठिकाणी आमच्या सरकारच्या काळात मंजूर झालेले क्रीडा विद्यापीठ पुण्याला स्थलांतरित करण्याचा घाट सत्ताधाऱ्यांनी घातला आहे, आता ते विद्यापीठ पुन्हा मराठवाडयात परत आणून इथल्या क्रीडा क्षेत्राला नावलौकिक मिळवून देण्यासाठी प्रयत्न करू असा शब्द भाजपच्या राष्ट्रीय सचिव पंकजाताई मुंडे यांनी शहरातील पदवीधर क्रीडापटूंना दिला.    मराठवाडा पदवीधर मतदारसंघाचे उमेदवार शिरीष बोराळकर यांच्या प्रचारार्थ हाॅटेल अतिथीच्या सभागृहात शिक्षक, प्राध्यापक, शिवछत्रपती पुरस्कार विजेते, रणजीपटू, विविध क्रीडा क्षेत्रातील खेळाडू यांच्याशी संवाद साधतांना त्या बोलत होत्या. खासदार डाॅ. भागवत कराड, प्रवीण घुगे, संजय केनेकर, विवेक देशपांडे, किशोर शितोळे, ऑलिम्पिक संघटनेचे पंकज भारसाकळे, बापू घडामोडे, प्र

 💥💥💥 * कोरोना निगेटिव्ह असाल तरच महाराष्ट्रात प्रवेश* दिल्ली, राजस्थान, गुजरात, गोव्यातील प्रवाशांसाठी ठाकरे सरकारची नियमावली* मुंबई: नवी दिल्ली, राजस्थान, गुजरात आणि गोव्यात कोरोना रुग्णांची संख्या झपाट्याने वाढत असल्याने राज्य सरकारने या राज्यातून येणाऱ्या प्रवाशांसाठी नवी नियमावली जारी केली आहे. महाराष्ट्रात यायचं असेल तर सोबत कोरोना निगेटिव्ह असल्याचा रिपोर्ट आणावा. अन्यथा तुम्हाला आल्या पावली परत पाठवलं जाईल, असं राज्य सरकारने नव्या नियमावलीत नमूद केलं आहे. त्यामुळे या तिन्ही राज्यातील नागरिकांना महाराष्ट्रात येताना कोरोना निगेटिव्ह असल्याचं प्रमाणपत्रं सोबत आणावं लागणार आहे. दिवाळीनंतर दिल्ली, राजस्थान, गुजरात आणि गोव्यात कोरोनाचे रुग्ण वाढले आहेत. महाराष्ट्रातही हा आकडा वाढत असल्याने त्यावर नियंत्रण आणण्यासाठी राज्य सरकारने कंबर कसली आहे. त्याचाच एक भाग म्हणून मिशन बिगीन अगेन अंतर्गत गोवा, दिल्ली, गुजरात आणि राजस्थानमधून महाराष्ट्रात येणाऱ्या प्रवाशांसाठी महाराष्ट्र सरकारने नवीन नियमावली लागू केली आहे. विमान, रस्ते मार्ग आणि रेल्वे मार्गाने महाराष्ट्रात येणाऱ्या सर्व प्रवाशां

  आठ डिसेंबर रोजी परळी तालुक्यातील ग्रामपंचायतीच्या सरपंच पदाच्या आरक्षणाची सोडत   परळी वैजनाथ, प्रतिनिधी      परळी तालुक्यातील ग्रामपंचायतनिहाय सरपंच पदाचे आरक्षण करण्यासाठी येत्या आठ डिसेंबर रोजी सोडत होणार आहे. याबाबतची अधिसूचना बीडचे जिल्हाधिकारी राहुल रेखावार यांनी काढली आहे.      परळी तालुक्यातील ग्रामपंचायतीची संख्या नव्वद असून ग्रामपंचायत सरपंच पदाचे तालुकास्तरीय आरक्षण क्षण 2020 ते 20255 या कालावधीसाठी जिल्हास्तरावरून निर्धारित करण्यात आलेले आहे. परळी तालुक्यातील निर्धारित आरक्षण: अनुसूचित जातींसाठी एकूण 15 ग्रामपंचायत, अनुसूचित जमातींसाठी एकूण 12 ग्रामपंचायत, नागरिकांच्या मागास प्रवर्गासाठी एकूण 24 ग्रामपंचायत, खुल्या प्रवर्गासाठी एकूण 50 ग्रामपंचायत सरपंचपदे विविध प्रवर्गांसाठी आरक्षित होणार आहेत. यामध्ये ग्रामपंचायत निहाय आरक्षणाची सोडत काढून ग्रामपंचायतीचे सरपंच पद आरक्षित केले जाणार आहे. दिनांक आठ डिसेंबर 2020 रोजी दुपारी तीन वाजता तहसील कार्यालय येथे ही सोडत होणार आहे.

  परळीतील शाळांनी कोविडविषयक नियमांची अंमलबजावणी करत विद्यार्थ्यांचे केले  स्वागत..... इमदादुल उलूम माध्यमिक व उच्च माध्यमिक शाळा आज दिनांक 23/11/2020 सोमवार रोजी सोशल डिस्टंसिंग च्या सर्व नियमांचे पालन करून इमदादुल उलूम माध्यमिक व उच्च माध्यमिक शाळा भरवली गेली. शाळेच्या पहिल्याच दिवशी इयत्ता नववी, दहावी, अकरावी व बारावी वर्गाच्या विद्यार्थी व विद्यार्थिनीं मोठ्या संख्येत उपस्थित होते.उपस्थित सर्व विद्यार्थ्यांचे टेंपरेचर मशीन ने स्कॅनिंग करण्यात आले. तसेच ऑक्सी मीटरने विद्यार्थ्यांची ऑक्सिजन पातळी ही तपासण्यात आली. विद्यार्थ्यांना मास्क वाटप करण्यात आले व त्यांचे हात सॅनीटाईज करून शाळेत प्रवेश दिला गेला. शाळेत उपस्थित सर्व विद्यार्थ्यांना पालकांच्या संमतीसाठी संमती पत्र व हमी पत्र देण्यात आले.दिनांक 20/11/2020 रोजी इमदादुल उलूम माध्यमिक व उच्च माध्यमिक शाळेतील सर्व शिक्षकांची RTPCR चाचणी करण्यात आली. यात सर्व शिक्षकांचा चाचणी अहवाल निगेटिव्ह आलेला आहे. अभिनव विद्यालय..... अभिनव विद्यालयात विद्यार्थ्यांच्या आरोग्याची काळजी घेवून ९वी व१०वी चे वर्ग सुरू परळी -प्रतिनिधी _ ज्ञान प्रबोधिन

 *'पवार साहब की लाठी ऐसी बैठती है, बहुत दिनो के बाद पता चलता है की कैसी बैठी!' - अंबाजोगाईच्या सभेत धनंजय मुंडेंची टोलेबाजी* *अंबाजोगाईत विक्रमी मतांची नोंद, ना. मुंडेंनी केले अभिनंदन* अंबाजोगाई (दि. २३) ---- : भाजप नेत्यांनी मधल्या काळात फोडाफोडी केली, त्यांच्यातील काहींना सांगितलं की होतं, की पवार साहेबांचा नाद करू नका, काहींनी केला; आता भोगत आहेत! "पवार साहब की लाठी ऐसी बैठती है, बहुत दिनो के बाद पता चलता है की कैसी बैठी।" अशा शब्दात सामाजिक न्याय मंत्री धनंजय मुंडे यांनी भाजप नेत्यांविरुद्ध तुफान टोलेबाजी केली आहे; महाविकास आघाडीचे औरंगाबाद पदवीधर मतदारसंघाचे उमेदवार सतीश चव्हाण यांच्या प्रचारार्थ अंबाजोगाई येथे आयोजित पदवीधर मेळाव्यात बोलत होते. अंबाजोगाई येथील वेणूताई चव्हाण महाविद्यालयाच्या प्रांगणात सतीश चव्हाण यांच्या प्रचारार्थ पदवीधर मेळाव्याचे आयोजन महाविकास आघाडीतील घटक पक्षांच्या वतीने करण्यात आले होते. या मेळाव्यास ना. मुंडे यांच्या सह आ. विक्रम काळे, आ. अमोल मिटकरी, आ. संजय दौंड, बीड जिल्हा परिषद अध्यक्षा सौ. शिवकन्या सिरसाट, माजी आ. पृथ्वीराज साठे, रा

* परळीत भारतीय जनता पार्टीच्या वतीने वाढीव विजबिल विरोधात महावितरण कार्यालयासमोर वीज बिलांची होळी* परळी वैजनाथ, दि. 23....              लॉकडाऊन च्या कार्यकाळात सामान्य नागरिक व व्यापारी यांनी विजेचा वापर न करता महावितरण कडून आलेल्या आवा च्या सव्वा विजबिला मुळे सामान्य नागरिक व व्यापारी वर्ग त्रस्त झाला आहे. आघाडी सरकार महावितरण कंपनी च्या माध्यमातून जनतेची लूट करत आहे म्हणून भारतीय जनता पार्टी च्या राष्ट्रीय सचिव  पंकजाताई मुंडे व महाराष्ट्र प्रदेश भारतीय जनता पार्टीच्या उपाध्यक्षा खा . डॉ. प्रीतमताई मुंडे यांच्या आदेशाने परळी भारतीय जनता पार्टीच्या वतीने उपकार्यकारी अभियंता महावितरण यांच्या कार्यालय समोर आज (दि.23) रोजी विजबिल होळी आंदोलन करण्यात आले. यावेळी महावितरण कंपनीच्या कार्यालयासमोर भारतीय जनता पार्टी व भारतीय जनता युवा मोर्चा परळीच्यावतीने महावितरण कंपनीचे शाखा अभियंता अंबाडकर यांना कंदील व पणती भेट देण्यात येऊन वाढीव वीज बिलांची होळी करण्यात आली. राज्य सरकारने वाढीव अव्वाच्या सव्वा विजे बिले नागरीकांना दिली आहेत. यामुळे सामान्य नागरीक प्रचंड त्रस्त झाला आहे. राज्य सरकारने

  * राज्यात पुन्हा सत्ता आणण्याची सुरवात बोराळकरांच्या विजयापासून करा*  *पंकजाताई मुंडे यांनी औरंगाबादच्या मेळाव्यात बुथ कार्यकर्त्यांत निर्माण केले नव चैतन्य!* *'बिघाडी' च्या उमेदवाराला मतदार घरी बसविल्याशिवाय राहणार नाहीत*  औरंगाबाद दि. २३ ---- पदवीधर मतदारसंघाची जागा आपल्या हक्काची आहे, ती पुन्हा जास्तीत जास्त मताधिक्य घेऊन आपल्या ताब्यात आणण्यासाठी कसोशीने मेहनत घ्यावी लागेल. 'तीन तिघाडी काम बिघाडी' सरकारच्या उमेदवाराला मतदार घरी बसविल्याशिवाय राहणार नाहीत असा विश्वास व्यक्त करून राज्यात भाजपची सत्ता आणण्याची सुरवात शिरीष बोराळकर यांच्या विजयापासून करावी असे आवाहन भाजपच्या राष्ट्रीय सचिव पंकजाताई मुंडे यांनी आज येथे केले.   मराठवाडा पदवीधर मतदारसंघाचे भाजपा महायुतीचे उमेदवार शिरीष बोराळकर यांच्या प्रचारार्थ तापडिया नाटयगृहात आयोजित बुथ कार्यकर्ता मेळाव्यात त्या बोलत होता. विधानसभेचे विरोधी पक्ष नेते देवेंद्र फडणवीस, भाजपचे ज्येष्ठ नेते हरिभाऊ बागडे, विजया रहाटकर, खासदार डाॅ. भागवत कराड, आ. अतुल सावे, युवा मोर्चाचे प्रदेशाध्यक्ष विक्रांत पाटील, भाऊराव देशमुख, प्रवीण