माझी बातमी MB NEWS

  अतिवृष्टीची मदत देताना पक्षपातीपणा का..??-पूजा मोरे गेवराई, प्रतिनिधी... बीड जिल्ह्यात पावसाने शेतकऱ्यांचे प्रचंड मोठ्या प्रमाणात नुकसान झाले.त्यात गेवराई तालुक्यात सर्वाधिक नुकसान झाल्याने मंत्र्यांचे पाहणी दौरे याच भागात झाले.परंतु मंत्र्यांनी पाहणी केलेले मादळमोही व तलवाडा हे महसूल मंडळ अतिवृष्टीतुन वगळण्यात आले आहे.त्यामुळे मंत्र्यांचे दौरे फक्त फोटो पुरते होते का ?असा सवाल स्वाभिमानी शेतकरी संघटनेच्या युवती आघाडीचे प्रदेशाध्यक्ष पूजा मोरे यांनी केला आहे. बीड जिल्ह्यातील 118 गावातील एक लाख 16 हजार 865 शेतकऱ्यांच्या पिकांचे नुकसान झाले तर एकूण 90 हजार 730 हेक्‍टर जिरायती क्षेत्रातील पिकांचे तर बागायती क्षेत्रातील 556 हेक्‍टरवर नुकसान झाले तसेच 87 हेक्‍टरवरील पिकांचे नुकसान झाले जिल्ह्यात एकूण 90 हजार 3376 हेक्‍टरवरील पिकांचे नुकसान झाले आहे.तर सोयाबीन,बाजरी, तूर, कापूस, ऊस, मूग या पिकांचे मोठ्या प्रमाणात नुकसान झाले. त्यानुसार शासनाने अतिवृष्टीचे 10,000 कोटींचे पॅकेज जाहीर केले परंतु ज्या बीड जिल्ह्यातील गेवराई तालुक्यातील मादळमोही व तलवाडा या भागात डझनभर मंत्र्यांनी पाहणी दौरे के

  परळी तालुक्यात अल्पवयीन मुलीवर अत्याचार   परळी : तालुक्यातील एका अल्पवयीन मुलीवर बळजबरीने अत्याचार केल्याची घटना गुरुवारी (दि.१२) उघडकीस आली. या प्रकरणी ग्रामीण ठाण्यात बलात्कार व बाललैंगिक अत्याचार प्रतिबंधक कायद्याप्रमाणे गुन्हा नोंद झाला. पोलीस सूत्रांनी दिलेल्या माहितीनुसार, पीडित १६ वर्षीय मुलगी ४ नोव्हेंबर रोजी पहाटे तीन वाजता शौचासाठी घराबाहेर आली होती. यावेळी किरण रावसाहेब राठोड याने तिला इकडे ये म्हणत बोलावून घेतले व त्यानंतर तिचे तोंड दाबून जीवे मारण्याची धमकी देत तिच्यावर अत्याचार केला. या प्रकरणी पीडितेने गुरुवारी परळी ग्रामीण ठाणे गाठून फिर्याद दिली.अधिक तपास ग्रामीण पोलीस करीत आहेत.

 * कोरोनाचे संकट दिव्यांच्या तेजोमय प्रकाशात हरवून एक नवीन आशादायी सोनेरी पहाट प्रकाशमान व्हावी -धनंजय मुंडे*   *दिपावली निमित्त जिल्हा वासीयांना दिल्या शुभेच्छा* परळी वै. (दि. १३) ---- : दिपावलीचा सण आनंद व दीपोत्सवाचे पर्व असून या निमित्त सर्वांच्या आयुष्यात सुख, समृध्दी आणि आरोग्याचा प्रकाश तेजोमय व्हावा; जगावरील कोरोनारुपी संकट दिव्यांच्या तेजोमय प्रकाशात हरवून जावे आणि एक नवीन आशादायी सोनेरी पहाट सर्वांच्या आयुष्यात प्रकाशमान व्हावी, अशा शब्दात राज्याचे सामाजिक न्याय व विशेष सहाय्य मंत्री तथा बीड जिल्ह्याचे पालकमंत्री ना.धनंजय मुंडे यांनी बीड जिल्हा वासीयांना व राज्यातील जनतेला दीपावलीच्या शुभेच्छा दिल्या आहेत.  धनत्रयोदशी निमित्त धन्वंतरी देवता प्रत्येकाच्या आयुष्यात आरोग्यसंपन्नता प्रदान करो, लक्ष्मी पुजनानिमित्त समृध्दी आणि भरभराटीने प्रत्येकाचे कौटूंबीक आयुष्य आनंदमयी व्हावे, दिवाळी पाडवा आणि भाऊबीजेच्या गोडव्याच्या माध्यमातून कौटूंबीक व सामाजिक स्नेहसंबंध वृध्दिंगत व्हावेत तसेच दीपावलीचा आनंद स्नेह व सामाजिक ऐक्य रुजवणारा ठरावा अशी आशा ना.मुंडे यांनी आपल्या शुभेच्छा संदेशाद

  रेल्वेतून ज्वालाग्रही साहित्य वाहतूक होऊ नये यासाठी परळी रेल्वे स्थानकावर विशेष तपासणी मोहीम   परळी वैजनाथ, प्रतिनिधी...        रेल्वे गाड्यांमधुन ज्वालाग्रही साहित्य घेऊन जाण्यास निर्बंध आहेत.रेल्वेतून ज्वालाग्रही साहित्य वाहतूक होऊ नये यासाठी परळी रेल्वे स्थानकावर विशेष तपासणी मोहीम राबविण्यात आली.      अग्नि क्रॅकर्स  ट्रेनमध्ये नेण्याविरूद्ध विशेष तपासणी करण्यात आली. आयपीएफ / पीआरएलआय कर्मचार्‍यांनी प्लॅटफॉर्म क्रमांक १ आणि ट्रेनची तपासणी केली. तसेच प्रवाशांना ट्रेनमध्ये फटाके / ज्वालाग्राही वस्तू न ठेवण्याचे प्रशिक्षण दिले. परळी आरपीएफचे अधिकारी मीना यांच्या मार्गदर्शनाखाली ही विशेष मोहीम राबविण्यात आली.प्रवाशांनी रेल्वेतून प्रवास करताना ज्वालाग्रही साहित्य बाळगू नये असे आवाहन रेल्वे प्रशासनाने केले आहे.

  परळी शहरच्या तत्पर डिबी पथकाची दमदार कामगिरी: १२ तासाच्या आत २५ लाखांची बॅग लंपास करणाऱ्या आरोपीला शोधून ठोकल्या बेड्या परळी वैजनाथ, प्रतिनिधी ...       परळी शहर पोलिस ठाण्याच्या तत्पर डिबी पथकाने दमदार कामगिरी बजावली असून काल परळीच्या मोंढा परिसरात घडलेल्या खळबळजनक घटनेचा उलगडा करण्यात यश मिळवले आहे. डिबी पथकाने१२ तासाच्या आत २५ लाखांची बॅग लंपास करणाऱ्या आरोपीला शोधून बेड्या ठोकल्या आहेत. परळी पोलिसांनी केलेली ही कामगिरी कौतुकास्पद आहे.    औरंगाबादच्या व्यापार्‍याने वसुली करून आणलेले २५ लाख रुपये चारचाकी गाडीमध्ये ठेवले होते. अन्य वसुली करण्यासाठी ते गेले होते. गाडीत चालक होता मात्र चालकाने पैसे सोबत न नेता पैसे गाडीत ठेवून तो समोसे आणण्यासाठी गेला. तितक्यात चोरट्यांनी गाडीतील २५ लाख रुपये लांबविले. संजय गंगावले हे औरंगाबादचे व्यापारी अंबाजोगाईहून परळीला वसुलीसाठी आले होते. आतापर्यंतचे वसुलीचे पैसे जवळपास २५ लाख रुपये त्यांनी गाडीमध्ये ठेवले आणि इतर ठिकाणची वसुली करण्यासाठी ते परळी शहरामध्ये गेले होते. गाडीत चालक होता. चालक पैसे गाडीत ठेवून समोसे आण्यासाठी गेला. तितक्यात चोरट्यांन

  बीड जिल्ह्यात स्थानिक सुट्टी जाहीर 1३ नोव्हेंबर 2020 धनत्रयोदशी निमित्त सुट्टी बीड.... बीड जिल्ह्याचे जिल्हाधिकारी राहुल रेखावार यांनी स्थानिक सुट्या जाहीर केल्या आहेत यामध्ये दीपावली मधील धनत्रयोदशी ची सुट्टी आता मिळणार आहे यावर्षी धनत्रयोदशी 13 तारखेला असून णि कुटी'मध्‍ये याचा समावेश करण्यात आला आहे त्याचप्रमाणे रक्षाबंधन व ज्येष्ठा गौरी पूजन या सुट्ट्यांचा ह समावेश आहे सण 20 20 या वर्षासाठी या स्थानिक सुट्या जाहीर करण्यात आले आहेत.

  स्व.पंडितअण्णा मुंडे यांच्या जयंतीनिमित्त ना.धनंजय मुंडे यांनी केले अभिवादन बीड जिल्हा परिषदेचे माजी अध्यक्ष स्व. पंडित अण्णा मुंडे यांच्या जयंतीनिमित्त (वसुबारस) बीड जिल्ह्याचे पालकमंत्री ना. धनंजय मुंडे यांनी त्यांच्या प्रतिमेचे पूजन करून अभिवादन केले.. यावेळी ना.मुंडे यांनी स्व. पंडित अण्णांच्या आठवणींना उजाळा दिला.

  बोअरवेल ऑपरेटरला पळवुन नेत 25 हजार लुटले ;एक आरोपी पोलीसांनी पकडला परळी (प्रतिनिधी )  शहरातील बसस्थानक व रेल्वे स्थानकादरम्यान उभ्या असलेल्या बोअरवेल गाडीच्या ऑपरेटरला अंधारात पळवुन नेत रोख 15 हजार रु.व 10 हजार रु.चा मोबाईल असा 25 हजार रु.चा ऐवज लुटल्याची घटना दि.11 रोजी मध्यरात्री घडली.या प्रकरणी संभाजीनगर पोलिसांनी एकास अटक केली आहे.  सध्या अनेक ठिकाणी कुपनलिका घेण्यात येत आहेत.यासाठी बाहेर राज्यातील मशिन व मजुर परळी परिसरात असुन दि.11 नोव्हेंबर रोजी तामिळनाडू राज्यातील नामागल जिल्ह्यातील रहिवासी पी.शेगर हे बसस्थानक ते रेल्वे स्थानकादरम्यान रस्त्यावर थांबले असता दुचाकीवरुन आलेल्या दोघांनी त्यांना अंधारात पळवुन नेत त्यांच्याजवळील नगदी 15 हजार रु.व 10 हजार रु.चा मोबाईल लुटुन नेला याप्रकरणी सुनिल सोळंके रा.देवठाणा,ता.धारुर यांच्या फिर्यादीवरुन दोन अज्ञात आरोपींविरुध्द संभाजीनगर पोलिस ठाण्यात गुन्हा दाखल करण्यात आला असुन तपासी अधिकारी व पोलिस कर्मचारी भताने,राठोड, सानप,दुरगे यांनी आजुबाजुच्या दुकानातील सीसीटीव्ही फुटेज तपासणी करुन आरोपींचा छडा लावत आरोपींची नावे निष्पन्न करुन राजु प्रभ

 *मराठवाडा पदवीधर मतदारसंघावर पुन्हा एकदा भाजपचा झेंडा फडकवा - पंकजाताई मुंडे*  *कार्यकर्त्यांनी जोमाने कामाला लागण्याचे केले आवाहन ; शिरीष बोराळकर यांच्या प्रचार कार्यालयाचे थाटात उदघाटन*  औरंगाबाद दि. १२ ------ मराठवाडा पदवीधर मतदारसंघ हा पूर्वीपासून भाजपचाच आहे, आता तो पुन्हा एकदा भाजपच्या ताब्यात देण्यासाठी कार्यकर्त्यांनी जोमाने कामाला लागावे असे आवाहन भाजपच्या राष्ट्रीय सचिव पंकजाताई मुंडे यांनी आज येथे केले.    मराठवाडा पदवीधर मतदारसंघाचे भाजप महायुतीचे उमेदवार शिरीष बोराळकर यांच्या सेव्हन हिल परिसरात सुरू करण्यात आलेल्या प्रचार कार्यालयाचे उदघाटन केल्यानंतर आयोजित कार्यक्रमात त्या बोलत होत्या. केंद्रीय मंत्री रावसाहेब दानवे, विधानसभेचे माजी अध्यक्ष हरिभाऊ बागडे, भाजपच्या राष्ट्रीय सचिव विजया रहाटकर, निवडणूक प्रमुख संभाजी पाटील निलंगेकर, खासदार डाॅ. भागवत कराड, आ. अतुल सावे, भाऊराव देशमुख, आ. मेघना बोर्डीकर, आ. रमेश कराड, आ. तानाजी मुटकळे, आ. राजेश पवार आदी यावेळी उपस्थित होते.    पुढे बोलतांना पंकजाताई म्हणाल्या की, या कार्यक्रमाला मी येणारच होते, विमानाचे तिकीट उपलब्ध नव्हत

  *पंतप्रधान नरेंद्र मोदींच्या विश्वासावर जनतेची पुन्हा एकदा मोहोर* *बिहारसह पोटनिवडणुकीतील विजयावर पंकजाताई मुंडे यांनी ट्विट करून केले अभिनंदन*  मुंबई दि. ११ ----- बिहार विधानसभा निवडणुकीसह विविध राज्यातील पोटनिवडणूकीत भाजपला मिळालेले घवघवीत यश म्हणजे पंतप्रधान नरेंद्र मोदी यांच्या नेतृत्वावर जनतेने पुन्हा एकदा विश्वास व्यक्त केला असल्याचे स्पष्ट झाले आहे, अशी प्रतिक्रिया भाजपच्या राष्ट्रीय सचिव पंकजाताई मुंडे यांनी व्यक्त केली आहे. पंतप्रधान नरेंद्र मोदी, गृहमंत्री अमित शहा, राष्ट्रीय अध्यक्ष जे पी नड्डा यांच्यासह विजयासाठी मेहनत घेणा-या कार्यकर्त्यांचे त्यांनी अभिनंदन केले आहे.      पंतप्रधान नरेंद्र मोदी यांच्या नेतृत्वात एनडीए ला बिहारमध्ये स्पष्ट बहुमत मिळाले आहे, याचा मला मनापासून आनंद झाला आहे. अपेक्षित विजयाची परंपरा भाजपच्या कार्यकर्त्यांनी कायम ठेवली आहे. मोदीजींच्या सभांना मिळालेला प्रचंड प्रतिसाद, त्यांच्या 'सबका साथ,सबका विकास आणि सबका विश्वास', हया धोरणाचे आणि कार्यकर्त्यांनी केलेल्या अपार मेहनतीचे हे फळ आहे अशा शब्दांत पंकजाताई मुंडे यांनी या निकालावर ट्विट

 * पंकजाताई मुंडे यांनी घेतली राज्यपाल भगतसिंग कोश्यारी यांची भेट* *शेतक-यांना दिलासा, नोकरभरती बाबत केली चर्चा; दिवाळीच्याही दिल्या शुभेच्छा* मुंबई दि. ११ ----- राज्यपाल भगतसिंग कोश्यारी यांची आज भाजपच्या राष्ट्रीय सचिव पंकजाताई मुंडे यांनी राजभवनात जाऊन सदिच्छा भेट घेतली व विविध विषयांवर चर्चा केली तसेच त्यांना दिवाळीच्या शुभेच्छाही दिल्या.    पंकजाताई मुंडे यांनी यासंदर्भात ट्विट करून राज्यपाल कोश्यारी यांच्या भेटीची माहिती दिली. राज्यात नुकत्याच झालेल्या अतिवृष्टीमुळे शेतक-यांच्या पिकांचे फार मोठे नुकसान झाले होते. पंकजाताई मुंडे यांनी स्वतः शेतक-यांच्या बांधावर जाऊन अतिवृष्टीची पाहणी केली होती, याबाबत त्यांनी राज्यपालांना माहिती दिली. राज्यातील कोरोनाची परिस्थिती, अतिवृष्टीतील शेतक-यांना दिलासा तसेच नोकरभरती या विषयावर त्यांनी राज्यपाल महोदयांनी चर्चा केली तसेच त्यांना दिवाळीच्या शुभेच्छाही दिल्या.  ••••

 * पदवीधर बेरोजगार यांचे प्रश्न मार्गी लावण्यासाठी गेल्या बारा वर्षांपासून सतत क्रियाशील - आ.सतिष चव्हाण* ⬛ *_परळीत सहविचार सभेला पदवीधरांचा प्रचंड प्रतिसाद_* ⬛   परळी वैजनाथ, प्रतिनिधी....      ना.धनंजय मुंडे यांच्या खांद्याला खांदा लावून आपण राजकीय क्षेत्रात काम करत आहोत. परळी व बीड जिल्ह्यातील मतदार यांचे माझ्यावर आणि माझे तुमच्यावर नितांत प्रेम आहे याची मला पुर्णतः जाणीव आहे. पदवीधर बेरोजगार यांचे प्रश्न मार्गी लावण्यासाठी गेल्या बारा वर्षांपासून आपण निष्ठेने सतत क्रियाशील आहोत. वेळ प्रसंगी आंदोलन व संघर्ष करण्याची आपली तयारी आहे. पदवीधर मतदार यांनी संपुर्ण शक्ती आजपर्यंत माझ्या पाठीशी उभी केली त्या शक्तीवर पुढेही अविरतपणे कार्यरत राहू अशी ग्वाही पदवीधर आ.सतिष चव्हाण यांनी दिली.          औरंगाबाद पदवीधर मतदारसंघ निवडणुकीच्या निमित्ताने परळी राष्ट्रवादी काँग्रेसच्या वतीने आ. संजय दौंड यांच्या प्रमुख उपस्थितीत आ. सतीश चव्हाण यांच्या प्रचारार्थ सहविचार सभा व पदवीधर मेळाव्याचे आज बुधवारी (दि. ११) आयोजन करण्यात आले होते. सतीश चव्हाण यांनी आज पदवीधर मतदार, शिक्षक, अभियंते यांच्याशी पर

 ⭕⭕⭕ *डिजिटल बातम्या, ओटीटी कंपन्यांवर आता थेट केंद्राचा अंकुश* नवी दिल्ली : देशात ऑनलाईन न्यूज माध्यमं आणि इतर ओटीटी प्लॅटफॉर्मवर अंकुश ठेवण्याचं काम यापुढे माहिती आणि प्रसारण मंत्रालयाकडून केलं जाईल, असं केंद्र सरकारकडून स्पष्ट करण्यात आलंय. डिजिटल न्यूज तसंच 'नेटफ्लिक्स'सारख्या ओटीटी प्लॅटफॉर्मवर (OTT Platform) लक्ष ठेवण्यासाठी शासनाकडून एक अधिसूचना जारी करण्यात आलीय. राष्ट्रपती रामनाथ कोविंद यांच्याकडून या अधिसूचनेवर स्वाक्षरी करण्यात आलीय. डिजिटल न्यूज, हॉटस्टार, नेटफ्लिक्स, अमेझॉन प्राइम व्हिडिओ यांसारख्या 'स्ट्रीमिंग सर्व्हिसेस'चा समावेश ओटीटी प्लॅटफॉर्ममध्ये होतो. उल्लेखनीय म्हणजे, सध्या डिजिटल कंटेन्टवर नियंत्रण ठेवणारा कोणताही कायदा किंवा संस्था देशात अस्तित्वात नाही. त्यामुळे, आता या कंटेन्टवर थेट माहिती आणि प्रसारण मंत्रालयाचं लक्ष राहणार आहे. देशात सध्या प्रिंट मीडियावर 'प्रेस काउन्सिल ऑफ इंडिया'चं तर 'न्यूज ब्रॉडकास्टर्स असोसिएशन'चं (NBA) न्यूज चॅनेलवर नियंत्रण ठेवण्याचं काम करतात. तसंच 'अॅव्हर्टायझिंग स्टँडर्ड काउन्सिल ऑफ इंडिया' ज

 ⭕⭕⭕ *राज्यभरात थंडीची लाट; नागरिकांना हुडहुडी* मुंबई – राज्यात आता गुलाबी थंडीची लाट यायला सुरुवात झाली आहे. हवामान खात्याने  तापमानात घट होईल, अशी शक्यता वर्तविली होती. त्यानुसार  मुंबईत हंगामातील सर्वात कमी तापमानाची नोंद झाली. सांताक्रूझ वेधशाळेने दिलेल्या माहितीनुसार, मुंबई आणि उपनगरांमध्ये 19.2 अंश सेल्सिअस किमान तापमानाची नोंद करण्यात आली. तर आज बुधवारी मुंबईत 19.4 अंश सेल्सिअस तापमानाची नोंद करण्यात आली आहे. भारतीय हवामान खात्याच्या पश्चिम विभागाचे उपमहासंचालक के एस होसाळीकर यांनी दिलेल्या माहितीनुसार, सकाळपासूनच ईशान्य दिशेने वेगाने थंड वारे वाहतील. यामुळे रात्रीच्या तापमानात घट होईल तर गुरुवारपासून वाऱ्याची दिशा पुन्हा बदलण्याची शक्यता असल्याची माहिती देण्यात आली होती. दरम्यान, आज राज्यात सर्वात कमी नोंद परभणीमध्ये झाली आहे. परभणी विद्यापीठ इथे किमान तापमान 8.0 अंश डिग्री सेल्सिअस इतके नोंदविले गेले आहे. तर यवतमाळमध्ये 10.0 अंश डिग्री सेल्सिअस तापमानाची नोंद झाली आहे. तसेच नाशिकचे तापमान 11.8 पर्यंत घसरल्याने नाशिककरांना हुडहुडी भरली आहे. त्याचबरोबर देशाच्या उत्तरेकडून येणाऱ्

  *धनंजय मुंडेंची परळी मतदारसंघास आणखी एक भेट; ४३५ घरकुले मंजूर* परळी (दि. ११) ---- : बीड जिल्ह्याचे पालकमंत्री धनंजय मुंडे यांच्या प्रयत्नातून मतदारसंघात परळी तालुक्यातील ४३५ कुटुंबांना गोड बातमी मिळाली असून, प्रधानमंत्री आवास योजनेच्या ब गटातील ४३५ घरकुल प्रस्ताव मंजूर करण्यात आले आहेत.  बीड जिल्हा प्रशासनास आजच राज्य शासनाकडून परतीच्या पावसाने झालेल्या नुकसानीच्या भरपाई पोटी १५३ कोटी रुपये प्राप्त झाले असून, प्रत्यक्ष शेतकऱ्यांच्या खात्यावर ही रक्कम जमा करण्याची प्रक्रिया सुरू आहे. ना. मुंडे यांच्या प्रयत्नातून नुकतेच परळी शहरातील घरकुल प्रस्ताव मंजूर करण्यात आले असून, त्यांना प्रत्यक्ष धनादेशही वाटप करण्यात आले आहेत. प्रधानमंत्री आवास योजनेच्या ब गटातील परळी तालुक्यातील विविध गावातील प्राप्त प्रस्तावांपैकी पात्र असलेले घरकुलाचे ४३५ प्रस्ताव मंजूर करण्यात आले असून, मंजूर लाभार्थींची यादी परळी तालुका प्रशासनातर्फे प्रसिद्ध करण्यात आली आहे.

  श्री पंडित गुरु पार्डीकर महाविद्यालयात राष्ट्रीय शिक्षण दिन साजरा सिरसाळा () :- येथील श्री पंडित गुरु पार्डीकर महाविद्यालयाचे राष्ट्रीय सेवा योजना विभागाच्या वतीने दि. 11 नोव्हेंबर रोजी मौलाना अब्दुल कलाम आझाद यांची जयंती साजरी करण्यात आली. प्रसंगी महाविद्यालयाचे प्राचार्य यांच्या हस्ते पुष्पहार घालून अभिवादन करण्यात आले. या प्रसंगी बोलताना प्राचार्य कदम यांनी उपस्थितांना मार्गदर्शन केले. त्यांनी कलाम साहेब हे भारताचे पहिले शिक्षणमंत्री होते. त्यांनी हिंदू मुस्लीम ऐक्याची महत्त्वपूर्ण भूमिका बजावली, भारतात शिक्षणाचा प्रसार करण्यासाठी महत्त्वपूर्ण योगदान दिले, असे विचार व्यक्त केले. या कार्यक्रमाचे प्रास्ताविक डॉक्टर सोळंके यांनी केले. याप्रसंगी महाविद्यालयातील सर्व शिक्षक शिक्षकेतर कर्मचारी मोठ्या संख्येने उपस्थित होते.

 ⭕⭕⭕ दिवाळीनंतर चार तासाचीच शाळा; नव्या गाईडलाईन जारी *चाळीस मिनिटाचे चार तास शाळेत होणार : वर्षा गायकवाड * मुंबई : महाराष्ट्र राज्य भौगोलिक दृष्ट्या पुर्णपणे वेगळा आहे. कोरोनाचा प्रार्दुभाव ही जिल्हा - जिल्ह्यात वेगवेगळ्या ठिकाणी कमी अधिक प्रमाणात आहे. अशा वेळी शिक्षण चालू करणे आव्हानात्मक असले तरी विद्यार्थ्यांचे आरोग्य व शिक्षण याला विचारात घेऊनच शिक्षण विभागाने नववी ते बारावीचे वर्ग सुरू करण्याचा निर्णय घेतला आहे अशी माहिती शालेय शिक्षण मंत्री प्रा.वर्षा गायकवाड यांनी दिली 23 नोव्हेंबर पासून शाळा सुरू करत असताना केंद्र व राज्य सरकारने घालून दिलेल्या निर्बंधाचे पालन करूनच अध्ययन - अध्यापन प्रक्रिया सुरू होणार आहे . 40 मिनिटांचे चार तासच शाळा होणार आहे. ही शाळा भरवताना स्थानिक प्रशासनाने योग्य ती खबरदारी घेण्याची सुचनाही शिक्षण विभागाने या पुर्वीच जाहीर केल्या आहेत व या सूचनांचे पालन होते आहे की नाही याची तपासणी संबंधित अधिकारी करणार आहेत. शाळा सुरू करण्यापुर्वी जिल्हा प्रशासन व महापालिके द्वारा शिक्षकांची आरोग्य तपासणी होणार आहे. माझे कुटुंब माझी जबाबदारी या योजने अंतर्गत आरोग्य चाच

 *ब्राह्मण समाज आर्थिक विकास महामंडळाची प्रक्रिया झालेली आहे- चंद्रकांत पाटील* *प्रलंबित मागण्यांसाठी समाजाच्या सोबत-खा.डॉ.प्रितमताई मुंडे* बीड- ब्राह्मण समाजासाठी स्वतंत्र आर्थिक विकास महामंडळासह इतर मागण्यासाठी सकारात्मक विचार करून महामंडळ करण्याची प्रक्रिया सुरू करण्यात आली होती परंतु काही अडचणी निर्माण झाल्या या बाबत मी पाठपुरावा करणार असल्याचे माजी मंत्री तथा भाजपा चे प्रदेशाध्यक्ष चंद्रकांत दादा पाटील यांनी व भाजपच्या प्रदेश उपाध्यक्ष खा.डॉ.प्रितमताई मुंडे यांनी ब्राह्मण समाज संघर्ष समितीच्या शिष्टमंडला शुक्रवारी प्रलंबित मागण्यांचे स्मरणपत्र स्वीकारताना सांगितले. ब्राह्मण समाजाच्या प्रलंबित मागण्यांसाठी समस्त ब्राह्मण समाज संघर्ष समितीच्या वतीने जागो सरकार जागो आंदोलन सुरू आहे. राज्यातील सर्व पक्षीय आजी माजी मंत्री, खासदार, आमदार या सर्व लोकप्रतिनिधींना प्रलंबित मागण्यांचे सोमवार रोजी माजी मंत्री तथा भाजपचे प्रदेशाध्यक्ष चंद्रकांत दादा पाटील भाजपाच्या प्रदेश उपाध्यक्ष खा.डॉ. प्रितमताई मुंडे यांना बीड येथे समितीचे मुख्य समन्वयक प्रमोद पुसरेकर, भाजपाचे जिल्हाध्यक्ष राजेंद्र मस्के,

  श्री पंडित गुरु पार्डीकर महाविद्यालयात विद्यार्थी दिवस साजरा सिरसाळा :- येथील श्री पंडित गुरु पार्डीकर महाविद्यालयात राष्ट्रीय सेवा योजना विभागाचे वतीने दि. 07 नोव्हेंबर रोजी "विद्यार्थी दिवस साजरा" करण्यात आला. यावेळी महाविद्यालयाचे प्राचार्य, सर्व शिक्षक व शिक्षकेतर कर्मचारी यांनी डॉक्टर बाबासाहेब आंबेडकरांच्या प्रतिमेचे पूजन करून अभिवादन केले. या प्रसंगी प्राचार्य डॉ एच पी कदम यांनी उपस्थितांना मार्गदर्शन केले. डॉ. बाबासाहेब आंबेडकरांचा शिक्षणासाठी प्रथम प्रवेश प्रतापसिंह हायस्कूल सातारा येथे 7 नोव्हेंबर 1930 घेण्यात आला. त्यांनी आयुष्यभर एक विद्यार्थी म्हणून ज्ञान आत्मसात केले. म्हणून प्रत्येकाने आपल्या आयुष्यात बाबासाहेबांचा आदर्श घेऊन ज्ञानसंपन्न व्हावे असे विचार मांडले. या कार्यक्रमाचे प्रास्ताविक डॉक्टर जयदीप सोळंके यांनी केले.  या वेळी महाविद्यालयातील सर्व शिक्षक व शिक्षकेतर कर्मचारी मोठ्या संख्येने उपस्थित होते.

  दिवाळीचा बाजार हाऊसफुल्ल अन् ट्रॅफिक जाम... परळी शहरात दिवाळीच्या पार्श्वभूमीवर बाजारपेठेत विविध प्रकारच्या खरेदीसाठी नागरिकांनी एकच गर्दी केली आहे. यावेळी जिथे जाल तिथे वाहनांमुळे ट्रॅफिक जाम झाल्याचे चित्र सर्वत्र दिसून येते. मोंढा मार्केट, स्टेशन रोड, किराणा लाईन, अरूणोदय मार्केट अशा सर्वच ठिकाणी गर्दी वाढल्याने वाहनांची कोंडी होत आहे. पोलिसांनी आज रस्त्यावर पार्क करण्यात आलेल्या गाड्यांची हवा सोडली खरी परंतू ट्रॅफिक जामवर त्यांना मात्र काही इलाज करता आला नाही. (छाया ः संतोष जुजगर)

  कामगार कल्याण मंडळ कर्मचाऱ्यांची दिवाळी झाली गोड कर्मचारी पतसंस्थेने सभासदांना वाटप केले लाभांश  परळी (प्रतिनिधी) : महाराष्ट्र कामगार कल्याण मंडळ कर्मचारी सहकारी पतसंस्था औरंगाबादच्या वतीने मराठवाड्यातील १९२ सभासदांना लाभांश वाटप करण्यात आले. विशेष म्हणजे लाभांशाची रक्कम सभासदांच्या वैयक्तिक बँक खात्यावर जमा करण्यात आली आहे.   या निर्णयाने मराठवाड्यातील कामगार कल्याण मंडळाच्या कर्मचाऱ्यांची दिवाळी गोड झाली आहे. कोवीड संसर्गामुळे लाभांश वाटपास अनेक अडचणी येत होत्या. परंतु शासनाने लाभांश वाटपास नुकतीच परवानगी दिली.   ही परवानगी मिळताच महाराष्ट्र कामगार कल्याण मंडळ कर्मचारी पतसंस्थेचे अध्यक्ष नितीन निंभोरकर व सचिव भगवान जरारे यांनी उत्कृष्ट नियोजन करून ९ नोव्हेंबर २०२० रोजी मराठवाड्यातील १९२ सभासदांना ८.५ टक्के या व्याज दराने १० लाख ६१ हजार ८२९ रुपयांचे लाभांश वाटप केले.  विशेष म्हणजे लाभांशाची रक्कम सभासदांच्या वैयक्तिक बँक खात्यावर तात्काळ जमा करण्यात आली. या निर्णयामुळे सभासदांना दिवाळी सणात मोठा दिलासा मिळाला आहे. यामुळे पतसंस्थेच्या सर्व पदाधिकाऱ्यांचे कौतुक होत आहे.

 * कोविड-19 संसर्गाच्या पार्श्वभूमीवर दिवाळी सण साध्या पध्दतीने साजरा करण्याचे जिल्हाधिकारी राहूल रेखावार यांचे आवाहन* बीड,दि. 09 :- (जि.मा.का) कोविड-19 मुळे उद्भवलेल्या संसर्गजन्य परिस्थितचा विचार करता या वर्षीचा दिपावली उत्सव साध्या पध्दतीने साजरा करण्याच्या निर्णय घेण्यात आला आहे. त्याअनुषंगाने या वर्षीचा दिपावली उत्सव साध्या पध्दतीने साजरा करणे बाबत आवाहन जिल्हाधिकारी राहूल रेखावार यांनी केले आहे. यासाठी खालील प्रमाणे मार्गदर्शक सूचना जनतेस देण्यात येत आहेत. जिल्हयातील मोठ्या शहरांमध्ये व गांवामध्ये अद्यापही कोरोनाचे रुग्ण मोठ्या प्रमाणावर आढळून येत आहेत. चालू वर्षी कोविड या संसर्गजन्य रोगाचा झालेला प्रादुर्भाव विचारात घेवून गेल्या सात आठ महिण्यात आलेले सर्व धर्मीय सण, उत्सव अंत्यत साध्या पध्दतीने व लोकांनी एकत्रित न येता साजरे केले आहेत. या वर्षीचा दिपावली उत्सव कोविड कालावधीत साजरा केलेल्या अन्य उत्सवांप्रमाणेच पूर्ण खबरदारी घेऊन अत्यंत साध्या पध्दतीने साजरा करावा. कोविड संसर्गामुळे बंद करण्यात आलेली राज्यातील धार्मिक स्थळे अद्याप खुली करण्यात आलेली नाहीत. त्यामुळे साजरा केला जाण

 *औरंगाबाद विभाग पदवीधर निवडणुकीसाठी पाच नामनिर्देशनपत्र दाखल* औरंगाबाद, दिनांक 9 (विमाका) :- 05-औरंगाबाद विभाग पदवीधर मतदार संघ निवडणूक- 2020 करिता आज दि. 9 नोव्हेंबर 2020 रोजी दुपारी 03.00 वाजेपर्यंत पाच उमेदवारांनी अर्ज दाखल केले.  नामनिर्देशनपत्र दाखल करणाऱ्यांचे नाव : घाडगे राणी रवींद्र (अपक्ष), बीड. घाडगे यांनी चार अर्ज दाखल केले. तर ॲड. शरद बहिणाजी कांबळे (अपक्ष), बीड., ॲड. शहादेव जानु भंडारे (अपक्ष) मु.पो.दासखेड, ता.पाटोदा, जि.बीड. ॲड.गणेश नवनाथ करांडे (अपक्ष), बीड आणि अंकुशराव शिवाजीराव पाटील (पक्ष- राष्ट्रीय मराठा पार्टी), मु.पो.होणाळी, ता.देवनी, जि.लातूर यांनी प्रत्येकी एक उमेदवारी अर्ज दाखल केले असल्याची माहिती उपआयुक्त तथा सहायक निवडणूक निर्णय अधिकारी यांनी कळविली आहे.   ****

 *किसान सभेच्या आंदोलनास यश;ट्रान्सफार्मर बसविण्याचे लेखी आश्वासन* परळी वै. प्रतिनिधी दररोज चार याप्रमाणे वाण धरणावरील सर्व ट्रान्सफार्मर येत्या आठ दिवसात बसविण्याच्या लेखी आश्वासनाने किसान सभेच्सा बेमुत ठिय्या आंदोलनाला यश मिळाले आहे. वाण धरणातील पाणी शेतकर्यांना मिळावे, प्रशासनाने उतरुण नेलेले विजेचे ट्रान्सफार्मर तात्काळ बसउन द्यावे, 2015 पासुन बंद असलेल्या मोटारीचे वीज बिल माफ करावे व जायकवाडीचे पाणी लिफ्टद्वारे वाण धरणात सोडावे या मागणीसाठी महाराष्ट्र राज्य किसान सभेच्या वतीने सोमवारी दि.९ रोजी नागापुर येथील वाण धरणावर सकाळी दहा वाजल्या पासुन ठिय्या आंदोलनास सुरुवात करण्यात आले होते. दुपारी एक वाजता विज वितरण चे परळी येथील अतिरीक्त कार्यकारी अभियंत्यानी धरणावर जाउन आंदोलकांशी चर्चा केली. यावेळी विज वितरण च्या अधिकार्यांनी येत्या आठ दिवसात धरण परिसरातील उतरूण नेलेले ट्रान्सफार्मर बसउन देण्याचे लेखी आश्वासन दिले. आंदोलनाचे नेतृत्व किसान सभेचे जिल्हा सचिव कॉ. मुरलीधर नागरगोजे यांनी केले. यामुळे धरण परिसरातील शेतकर्यांना शेतीसाठी वाण धरणातील पाण्याचा उपयोग करता येणार आहे. या आंदोलनात

 * जागृती मल्टीस्टेट को-ऑप क्रेडिट सोसायटीच्या विशेष कर्जसहाय्य योजनेचा सर्व सभासदांनी लाभ घ्यावा : प्रा. गंगाधर शेळके* *परळी (प्रतिनिधी)*...   परळी शहराच्या आर्थिक पटलावरती नावलौकिक असणाऱ्या व आर्थिक क्षेत्रामध्ये यशाची विविध शिखरे गाठणाऱ्या जागृती ग्रुपच्या जागृती मल्टीस्टेट को-ऑप क्रेडिट सोसायटीने आज 9/11/20 रोजी 10 व्या वर्षात यशस्वीरित्या पदार्पण केले. सभासद संचालक मंडळ हितचिंतक कर्मचारी वर्ग आदींच्या उपस्थतीमध्ये मोठ्या उत्साहात वर्धापन दिन साजरा केला. वर्धापन दिनाचे औचित्य साधत सभासदांसाठी आगामी महिनाभरा करिता संस्थेच्या वतीने विशेष कर्जसहाय्य योजनेची घोषणा केली असुन या आकर्षक कर्जसहाय्य योजनेचा सर्व सभासदांनी लाभ घ्यावा असे प्रतिपादन यावेळी बोलताना जागृती ग्रुपचे प्रमुख मार्गदर्शक तथा जागृती मल्टीस्टेट को ऑप क्रेडिट सोसायटीचे संस्थापक अध्यक्ष सहकाररत्न प्रा. गंगाधर शेळके सर यांनी केले.        याबाबत अधिक माहिती अशी की आर्थिक क्षेत्रामध्ये प्रगतीपथावरती असणाऱ्या जागृती ग्रुपच्या जागृती मल्टीस्टेट को ऑप क्रेडिट सोसायटी या संस्थेची स्थापना दि 9/ 11/ 11 या साली करण्यात आली होती.

 ⭕⭕⭕ *एका तासात एसटी कर्मचाऱ्यांचे एका महिन्याचे वेतन देणार : अनिल परब* मुंबई : एसटी कर्मचाऱ्यांना लगेच एका महिन्याचं वेतन देणार, सणासाठी कर्मचाऱ्यांना अग्रिम रक्कम तात्काळ देणार आहोत, अशी परिवहन मंत्री अनिल परब यांनी घोषणा केली आहे. ते म्हणाले की, अजून एका पगाराची व्यवस्था दिवाळी आधी करण्याचा प्रयत्न आहे. एसटी कर्मचाऱ्यांनी कुठलंही टोकाचं पाऊल उचलू नये, आम्ही त्यांच्या वेतनासाठी बॅंकेकडे कर्ज देखील मागितले आहे, असं परब यांनी सांगितलं. आज एका तासात कर्मचाऱ्यांना एका महिन्याचं वेतन मिळेल, त्यामुळं त्यांनी आत्महत्येसारखं पाऊल उचलू नये, असं आवाहन परब यांनी केलं. यावेळी परब म्हणाले की, आत्महत्यासारखं कठोर पाऊल उचलू नका. तात्पुरत्या संकटातून आपण नक्की मार्ग काढू. दुःखी होऊन असं कोणत्याही टोकाचं पाऊल घेऊ नये. कुटुंबाला त्याचा त्रास होतो. कुटुंब रस्त्यावर येतं. दिवाळी आधी 1 पगार मिळेल आणि दिवाळीनंतर 1 पगार मिळेल, असं परब म्हणाले. परब म्हणाले की, पूर्णपणे सगळ्या गोष्टी बघाव्या लागतात. आम्ही वेतनासाठी बँकेकडे कर्ज पण मागितलं आहे. टप्प्याटप्प्याने सगळ्या गोष्टी होतील. आज 1 तासात 1 पगार आणि सण

 * परळीत बुधवारी ना.धनंजय मुंडे, संजय दौंड यांच्या उपस्थितीत सतीश चव्हाणांच्या प्रचारार्थ सहविचार सभेचे आयोजन* परळी (दि. ०९) ---- : औरंगाबाद पदवीधर मतदारसंघ निवडणुकीच्या रणधुमाळीस आता सुरुवात झाली असून, परळी राष्ट्रवादी काँग्रेसच्या वतीने सामाजिक न्याय मंत्री धनंजय मुंडे, आ. संजय दौंड यांच्या प्रमुख उपस्थितीत आ. सतीश चव्हाण यांच्या प्रचारार्थ सहविचार सभा व पदवीधर मेळाव्याचे बुधवारी (दि. ११) आयोजन केले आहे. आ. चव्हाण यांची ही तिसरी निवडणूक असून, त्यांच्या विजयी हॅट्ट्रिक मध्ये परळी विधानसभा मतदारसंघातून सर्वाधिक मताधिक्य देण्याचा निर्धार परळी राष्ट्रवादी काँग्रेसच्या पदाधिकाऱ्यांनी यापूर्वी व्यक्त केला आहे.    त्याअनुषंगाने दि. ११ नोव्हेम्बर बुधवार रोजी परळी येथील हालगे गार्डन मंगल कार्यालय येथे दुपारी ४.०० वा सहविचार सभा व पदवीधर मेळाव्याचे आयोजन करण्यात आले आहे. या मेळाव्यास राज्याचे सामाजिक न्याय मंत्री ना. धनंजय मुंडे, आ. संजय दौंड, आ. सतीश चव्हाण यांसह महाविकास आघाडी व मित्रपक्षातील नेतेगण संबोधित करणार असून, परळी विधानसभा मतदारसंघातील महाविकास आघाडी व मित्र पक्षाचे पदाधिकारी, कार्

 * आशा व गटप्रवर्तक यांचे सप्टेंबर ऑक्टोबर चे मानधन व मानधनवाढीतील फरक दिवाळीपूर्वी देण्याची मागणी*   *_अन्यथा तालुका आरोग्य अधिकारी कार्यालयासमोर आंदोलन_* परळी वैजनाथ, प्रतिनिधी....    आशा व गटप्रवर्तक यांचे सप्टेंबर ऑक्टोबर चे मानधन व मानधन वाढीतील फरकाची रक्कम दिवाळीपूर्वी देण्यात यावी अशी मागणी बीड जिल्हा आशा वर्कर्स युनियन च्या वतीने करण्यात आली आहे.अन्यथा तालुका आरोग्य अधिकारी कार्यालयासमोर आंदोलन करण्याचा इशारा देण्यात आला आहे.     याबाबत देण्यात आलेल्या निवेदनात म्हटले आहे की, दिवाळी सण तोंडावर असून या सणाच्या पार्श्वभूमीवर सातत्याने मेहनत व सेवा बजावणाऱ्या आशा व गटप्रवर्तक यांच्या सप्टेंबर ऑक्टोबर महिन्यातील मानधनाचा मोबदला व शासनाने जाहीर केल्यानुसार वाढीव मानधनाच्या फरकाची रक्कम दिवाळीपूर्वी देण्यात यावी अशी मागणी करण्यात आली आहे.अन्यथा तालुका आरोग्य अधिकारी कार्यालयासमोर आंदोलन करण्याचा इशारा महाराष्ट्र बीड जिल्हा आशा वर्कर युनियन च्या वतीने देण्यात आला आहे.     या निवेदनावर सिटु चे जिल्हा अध्यक्ष प्रा.बी.जी.खाडे, बीड जिल्हा आशा वर्कर्स युनियन चे जिल्हा अध्यक्ष शिवाजी कुरे,

  ईनरव्हीलक्लब परळी च्या वतीने आयोजित सलाद डेकोरेशन स्पर्धा... ईनरव्हीलक्लब परळी च्या वतीने आॅन लाईन सलाद डेकोरेशन स्पर्धा आयोजित करण्यात आली होती.या स्पर्धेला शहरातून तसेच परळी शहराच्या परिसरातील लहान गावातूनही भरघोस प्रतिसाद मिळाला.नुकताच या स्पर्धेचा निकाल जाहीर करण्यात आला..या मधे प्रथम पारितोषिक सौ प्राजक्ता दंडे ,दुसरे पारितोषिक सौ रोहिणी मुंडे आणि तृतीय पारितोषिक सौ शुभांगी दहिवाळ यांना मिळाले. विजेत्यां स्पर्धकांना प्रमाणपत्र आणी सन्मानचिन्ह देऊन सत्कार करण्यात आला.आणि प्रत्येक स्पर्धकास प्रमानपत्र देण्यात आले.. स्पर्धेचे परिक्षक म्हणून सौ. किर्ती झंवर आणि सौ.कांचन चांडक यांनी क्लबसाठी सहकार्य केले.यावेळी क्लब   अध्यक्षा सौ.शोभना सौंदळे ,ट्रेझरर् सौ. शैला बाहेती एडिटर‌ सौ.ऊमा समशेटे उपस्थित होते.हा कार्यक्रम ऊमा समशेटे यांच्या निवासस्थानी पार पडला..या कोरोनाच्या काळातही ईनरव्हील क्लबचे कार्य चालूच आहे आणि या साठी क्लबच्या कार्याचे कौतुक सर्व ठिकाणी होत आहे.आणि हि माझ्या साठी अभिमानाची गोष्ट आहे असे ऊद्गगार‌ क्लबच्या अध्यक्षा‌ सौ. शोभना सौंदळे यांनी काढले...

  रस्त्यावर फटाके फोडल्यास कठोर कारवाई दिवाळीच्या फटाक्यांना यंदा फटका ! मुंबई :सणानंतर आता दिवाळी सणावरही कोरोनाचे सावट कायम राहिल्याने यंदाची दिवाळीही फटाक्याविना साजरी करावी लागणार आहे. दरम्यान, सार्वजनिक ठिकाणी रस्त्यावर फटाके फोडल्यास साथ नियंत्रण कायद्याखाली कठोर कारवाई करणार आहे. मुंबई मनपा लवकरच याबाबची नियमावली जारी करणार असल्याची माहिती सूत्रांनी दिली. दरवर्षी दिवाळी सण उत्साहात साजरा केला जातो. आठ दिवसाआधीच ठिकठिकाणी फटाके विक्रीची दुकाने थाटली जातात. त्यामुळे दिवाळी आधीच फटाके खरेदी करणा-यांची गर्दी होते. मात्र कोरोनाच्या संकटामुळे मागील सात महिन्यांपासून विविध सण साजरा करताना सरकारने निर्बंध घातले आहे. त्यामुळे नियमांची अंमलबजावणी करून सण साजरे करण्यात आले. कोरोना नियंत्रणात असला तरी संकट अजूनही कायम आहे. दिवाळी सणात वाढणारी गर्दी व याचवेळी थंडी असल्याने कोरोनाची दुसरी लाट येण्याची शक्यता व्यक्त केली जाते आहे. त्यामुळे काळजी घेणे आवश्यक असल्याने सार्वजनिक ठिकाणी गर्दी वाढू नये, सोशल डिस्टनसिंगच्या नियमाचे पालन व्हावे यासाठी निर्बंध घातले जाणार आहेत. फटाक्यांमुळे होणारे प्र

 * राज्यपाल कोट्यातून बारा जणांची विधान परिषदेवर नियुक्ती करताना राज्यपालांनी घटनेच्या अनुच्छेद 171 (5)मधील तरतुदींचे पालन करावे* *एस.एम.देशमुख यांची मागणी*  मुंबई : राज्यपाल नियुक्त बारा जागांसाठी कॅबिनेटने ज्या नावांची शिफारस केली आहे त्यातील बहुतेक नावं राजकीय व्यक्तींची आहेत, हा सरळ सरळ घटनेतील अनुच्छेद 171 (5)च्या तरतुदींचा भंग असल्याने राज्यपाल महोदयांनी ही नावं स्वीकारू नयेत अशी विनंती मराठी पत्रकार परिषदेचे मुख्य विश्‍वस्त एस.एम.देशमुख यांनी राज्यपालांना पाठविलेल्या पत्रात केली आहे.. यासंबंधी प्रसिद्धीस दिलेल्या पत्रकात आपली भूमिका विस्तारानं मांडताना देशमुख म्हणतात,  भारतीय घटनेच्या अनुच्छेद 171 (5) नुसार विधान परिषदेवर 12 सदस्यांची नियुक्ती करण्याचा राज्यपालांना अधिकार आहे .. मात्र राज्यपाल हे केवळ स्वाक्षरीचे धनी आहेत.. सत्ताधारी पक्षानं किंवा पक्षांनी बारा नावं सुचवायची, त्याला राज्य मंत्रिमंडळानं संमती द्यायची आणि मग ती यादी राज्यपालांकडे पाठवायची अशी ही प्रक्रिया आहे.. या यादीमध्ये राज्यपाल स्वतःच्या मर्जीने एकही नाव घालू शकत नाहीत.. मात्र घटनाकारांनी जी 12 जागांची व्यवस्