माझी बातमी MB NEWS

  शिवसेनाप्रमुख बाळासाहेब ठाकरे यांचा श्रद्धावान सैनिक अभयकुमार ठक्कर-परळीतील भगवे वादळ *शिवसेनेत काम करतांना तो कार्यकर्ता नसतो, तर तो असतो सच्चा शिवसैनिक... जो गरजवंतांच्या मदतीला धावतो, आणि शक्य होईल तेवढा मदतीचा हात देत असतो. ही खर्‍या शिवसैनिकाची व्याख्या म्हणता येईल. परळी शहर आणि तालुक्यात मागील 30 वर्षांपेक्षा अधिक कालावधीत शिवसेनेचे विद्यमान बीड जिल्हा उपप्रमुख आणि सध्या जिल्हा नियोजन समितीचे सदस्य म्हणून कार्यरत असलेले अभयकुमार उर्फ पप्पू ठक्कर हे सर्वांच्याच ओळखीचे तर आहेतच परंतू एक सच्चा शिवसैनिक अशी सुद्धा त्यांची ओळख राहिलेली आहे. आपल्या राजकिय कारकीर्दीत नगरसेवक, उपनगराध्यक्ष, नगराध्यक्ष अशा पदावर ठक्कर यांनी काम केले असून पक्ष सांगेल ती जबाबदारी अत्यंत निष्ठेने पाळलेली आहे. शिवसेनाप्रमुख स्व.बाळासाहेब ठाकरे यांचा कडवा शिवसैनिक तर आज पक्षप्रमुख तथा मुख्यमंत्री उद्धव ठाकरे यांचा सैनिक म्हणून ते काम पाहत आहेत. त्यांच्या एकुण राजकिय व सामाजिक कार्याचा आढावा घेण्याचा प्रयत्न सदरच्या लेखातून करीत आहे. आज 2 ऑक्टोबर अभयकुमार उर्फ पप्पू ठक्कर यांचा वाढदिवस असून त्या निमित्तानेच

  माजी मंत्री धनंजय मुंडेंच्या हस्ते फुले चौक येथील जय महाराष्ट्र दुर्गोत्सव मंडळाची आरती संपन्न परळी वैजनाथ (प्रतिनिधी)...       परळी शहरातील फुले चौक भागातील प्रसिद्ध जय महाराष्ट्र दुर्गोत्सव मंडळाची आरती दिनांक 30 सप्टेंबर रोजी राज्याचे माजी सामाजिक न्याय मंत्री तथा परळी मतदारसंघाचे विद्यमान आमदार धनंजय मुंडे यांच्या हस्ते संपन्न झाली.        गेल्या 34 वर्षापासून शहरातील फुले चौक या ठिकाणी नवरात्रोत्सवा दरम्यान जय महाराष्ट्र दुर्गोत्सव मंडळाच्या वतीने आदिशक्ती, आदीमायेचा उत्सव मोठ्या उत्साहात साजरा केला जातो. या नवरात्र उत्सव दरम्यान विविध सांस्कृतिक तथा बालकलाकार व विद्यार्थ्यांच्या कलागुणांना वाव देणाऱ्या स्पर्धा तसेच उपक्रमांचे आयोजन केले जाते. दिनांक 30 रोजी महाराष्ट्र राज्याचे माजी सामाजिक न्याय मंत्री तथा परळी मतदारसंघाचे आमदार धनंजय मुंडे यांच्या हस्ते जय महाराष्ट्र दुर्गा उत्सव मंडळाच्या दुर्गा मातेची महाआरती मोठ्या उत्साहात संपन्न झाली. प्रथमतः उपस्थित माता-भगिनींनी औक्षण करत त्यांचे स्वागत केले. यानंतर जय महाराष्ट्र दुर्गोत्सव मंडळाच्या वतीने आ. धनंजय मुंडे यांचे आदिशक्त

  दाऊतपूर येथे कै.कोंडीबा देवराव बिडगर यांचे दि.५ रोजी पुण्यस्मरण:ह. भ. प. व्याकरणाचार्य अर्जुन महाराज लाड गुरुजी यांचे कीर्तन   परळी वैजनाथ (प्रतिनिधी) :- तालुक्यातील दाऊतपूर येथील माजी सरपंच, ज्येष्ठ नागरिक कै.कोंडीबा देवराव बिडगर  यांच्या पुण्यस्मरण कार्यक्रमाचे आयोजन करण्यात आले आहे. त्यानिमित्त  ह. भ. प. व्याकरणाचार्य अर्जुन महाराज लाड गुरुजी यांचे कीर्तन होणार आहे. तरी  किर्तनाचा व भोजनाचा लाभ घ्यावा असे आवाहन बिडगर कुटुंबियांच्या वतीने करण्यात आले आहे.          परळी तालुक्यातील मौजे दाऊतपूर येथील माजी सरपंच, जेष्ठ नागरिक, सामाजिक, शैक्षणिक धार्मिक क्षेत्रातील व्यक्तीमत्व  कै.कोंडीबा देवराव बिडगर यांच्या पुण्यस्मरण कार्यक्रमाचे आयोजन करण्यात आले आहे. या निमित्ताने  अश्विन शु.10 (विजयादशमी) बुधवार दि.5 ऑक्टोंबर रोजी सकाळी 11 ते 1 ह.भ.प. व्याकरणाचार्य अर्जुन महाराज लाड गुरुजी यांचे कीर्तन होणार आहे. परळी तालुक्यातील व शहरातील तसेच पंचक्रोशीतील सर्व गुणीजण महाराज, गायक, वादक, भजनी मंडळी   तसेच ग्रामस्थ, नातेवाईक, परिसरातील भाविकांनी सुश्राव्य किर्तन ऐकण्यासाठी व भोजनासाठी श्री ह

  _नवरात्रोत्सव :परळी माहेश्वरी युवा संघटनेचे आयोजन_  *परळीत 'माता की चौकी' भजनांसह रंगणार 'दांडिया जलसा' !* ● *_सुप्रसिद्ध अँकर रोमाची उपस्थिती, सुप्रसिद्ध आरके थिमची नेपथ्य सजावट, राजस्थान हुंन आलेली भजनी मंडळी मुख्य आकर्षण_* परळी वैजनाथ. (प्रतिनिधी) दि.1 - नवरात्र उत्सवानिमित्त परळी माहेश्वरी युवा संघटन तर्फे दांडिया जलसा,माता की चौकी कार्यक्रमाचे आयोजन करण्यात आले आहे. शनिवार दि.1 ते 4 ऑक्टोबर दरम्यान चार दिवस या कार्यक्रमाची पर्वणी लाभणार आहे.कार्यक्रमाची सांगता माता की चौकी संगीतमय भजनांचा कार्यक्रमाने होणार असून पं. उत्तम महाराज जोशी यांसह राजस्थान येथील सहकलाकारांची साथ लाभणार आहे.          या संपूर्ण कार्यक्रमात सुप्रसिद्ध अँकर रोमा सूत्रसंचालन करणार असून सुप्रसिद्ध आर के थीम चे नेपथ्य व खास राजस्थानून येणारे भजनी मंडळ या कार्यक्रमाचे मुख्य आकर्षण असणार आहे.अक्षता मंगल कार्यालयात या कार्यक्रमाचे आयोजन केले गेले आहे.मंगळवार दि.4 रोजी सायंकाळी 7 वा. माता की चौकी या भजनसंध्येचे आयोजन करण्यात आले  आहे.         या दोन्ही कार्यक्रमाला जास्तीत जास्त समाज बांधवांनी उ

 ★शेतकरी विरोधी ध्येयधोरणा विरोधात कुणब्याच्या पोरा लढाईला शिक- कविवर्य प्रा.इंद्रजित भालेराव ◆शिक्षण क्षेत्रावर येत असलेल्या संकटावर सर्वांनी एकत्र येणे गरजेचे-एड.अजय बुरांडे परळी / प्रतिनिधी शेतकरी विरोधी ध्येयधोरणे, वास्तविक परिस्थितीत होत असलेली शेतकरी आत्महत्या, अस्मानी व सुलतानी संकट, सरकारचा नाकर्तेपणा या सर्वाविरोधात कुणब्याच्या पोरा आता लढाईला शिक असा उपदेश करीत ग्रामीण भागात दिन-दलित,उपेक्षित, कष्टकरी, शेतकरी, शेतमजूर,ऊसतोड कामगारांच्या पाल्यांना शिक्षणाची दारे खुली केली.हे कार्य अलोवकीक व  अतुलनिय असल्याचे मत ग्रामीण साहित्यिक, शेतकरी कवी प्रा.इंद्रजित भालेराव यांनी व्यक्त केले. झुंजार स्वातंत्र्य सेनानी, बीड जिल्ह्याचे माजी खासदार ,महाराष्ट्र शिक्षण संस्था मोहा संस्थापक कॉ.गंगाधरअप्पा बुरांडे यांच्या 14 व्या स्मृतीदिना निमित्ताने कॉ.गंगाधरअप्पा बुरांडे स्मृती प्रतिष्ठान अंबाजोगाई व महाराष्ट्र शिक्षण संस्था मोहा याच्यावतीने महाराष्ट्र माध्य व उच्च माध्य विद्यालय मोहा या ठिकाणी स्मृती व्याख्यान मालेचे आयोजन शनिवार दि 1 ऑक्टोबर रोजी करण्यात आले होते.या प्रसंगी ते प्रमुख व्या

  सिरसाळा येथील 1 कोटी रुपयांच्या शादीखान्याचे व पौळ पिंप्री येथील 25 लाखांच्या अण्णा भाऊ साठे सभागृहाचे धनंजय मुंडे यांच्या हस्ते भूमिपूजन संपन्न सत्ता असो वा नसो, निवडणुकीत दिलेला प्रत्येक शब्द पूर्ण करून दाखवणार - धनंजय मुंडे *पौळ पिंप्री गणातील गणप्रमुख व पदाधिकाऱ्यांची धनंजय मुंडे यांच्या उपस्थितीत बैठक संपन्न* परळी (दि. 01) - परळी तालुक्यातील सिरसाळा येथील मुस्लिम समाज बांधवांना दिलेला शब्द पूर्ण करत माजी मंत्री धनंजय मुंडे यांनी शादीखाना बांधकामासाठी 1 कोटी रुपये निधी उपलब्ध करून दिला असून, या कामाचा आज धनंजय मुंडे यांच्यासह मान्यवरांच्या उपस्थितीत शुभारंभ करण्यात आला. यावेळी गावकऱ्यांच्या मागणीनुसार शादीखाना सोबत भोजनगृह, मशिदीला संरक्षक भिंत आदी कामे देखील लवकरच हाती घेण्यात येणार असल्याचे धनंजय मुंडे म्हणाले. या कार्यक्रमास बाळासाहेब किरवले, पंचायत समितीचे उपसभापती जानिमिया कुरेशी, राजाभाऊ पौळ, चंद्रकांत कराड, सरपंच राम किरवले, उपसरपंच इम्रान पठाण, चेअरमन संतोष पांडे, व्हाईस चेअरमन नदीम पठाण, सुरेश कराड, देवराव काळे, रघुनाथ देशमुख, अक्रम पठाण, सोमनाथ तांडे, रुस्तुम सलगर बप्

  परळी शहरातील विविध दुर्गोत्सव मंडळांना धनंजय मुंडेंनी भेट देत केली आरती परळी (दि. 30) - माजी मंत्री तथा परळीचे आमदार धनंजय मुंडे यांनी आज परळी शहरातील विविध 7 दुर्गा उत्सव मंडळांना भेट देत आरती केली. आपले नेतृत्व आपल्यात नवरात्री उत्सवानिमित्त सहभागी झाल्याचे पाहून स्थानिकांनी मोठ्या उत्साहात ठिकठिकाणी त्यांचे स्वागत केले.  वटसावित्री नगर, मराठा महासंघ, वडार कॉलनी येथील जिजाऊ माँसाहेब दुर्गोत्सव मंडळ, वेताळ मंदिर येथील भोईराज लक्ष्मी देवी मंदिर, नेहरू चौक येथील वैद्यनाथ दुर्गोत्सव मंडळ, देशमुख गल्ली येथील स्वराज्य जननी मंडळ तसेच फुले चौक येथील जय महाराष्ट्र दुर्गोत्सव मंडळ या सर्व ठिकाणी धनंजय मुंडे यांच्या हस्ते आज देवीची आरती करण्यात आली, यावेळी त्या त्या मंडळांच्या वतीने श्री. मुंडे यांचे मोठ्या उत्साहात स्वागत करण्यात आले. महिलांनी औक्षण करून तसेच देवीच्या विविध रुपांच्या प्रतिमा भेट देऊनही धनंजय मुंडे यांचे ठिकठिकाणी स्वागत करण्यात आले. 

  शिवसेना संपर्कप्रमुख धोंडु पाटील यांच्या हस्ते झाली भवानीनगर दुर्गादेवीची पूजा  परळी/प्रतिनिधी शिवसेनेचे संपर्क प्रमुख धोंडु पाटील यांनी आज शुक्रवार दि.30 सप्टेंबर रोजी शिवसेनेचे माजी शहरप्रमुख भोजराज पालीवाल यांच्या संपर्क कार्यालयास सदिच्छा भेट दिली. यावेळी श्री.पाटील यांचा श्री.पालीवाल यांनी सत्कार केला. शुक्रवार दि.30 सप्टेंबर रोजी शिवसेनेचे संपर्क प्रमुख धोंडू पाटील हे परळी शहरात आले असता त्यांनी शिवसेनेचे माजी शहरप्रमुख भोजराज पालीवाल यांच्या भवानीनगर येथील संपर्क कार्यालयास सदिच्छा भेट दिली. यावेळी भवानीनगर दुर्गोत्सव मंडळाच्या दुर्गादेवीची श्री.धोंडु पाटील यांच्या हस्ते पूजा करण्यात आली. दुर्गोत्सव मंडळाच्या वतीने श्री.पाटील यांचा भवानीनगर दुर्गोत्सव मंडळाचे प्रमुख मार्गदर्शक तथा शिवसेना मा.शहरप्रमुख भोजराज पालीवाल यांच्या हस्ते शाल,श्रीफळ व भगवा फेटा घालून सत्कार करण्यात आला. या कार्यक्रमास शिवसेनेचे मा.शहरप्रमुख भोजराज पालीवाल यांच्यासह शिवसेना बीड जिल्हा उपप्रमुख अभयकुमार ठक्कर, तालुकाप्रमुख व्यंकटेश शिंदे युवा सेनेचे बीड जिल्हा समन्वयक प्रा अतुल दुबे महेश केंद्रे गजराज

  मराठमोळ्या लावणीने जिंकली मने परळी,(प्रतिनिधी):-श्री संत भगवान बाबा प्रतिष्ठान आयोजित दुर्गोत्सवात गुरुवारी लावण्य तारका हा कार्यक्रम पार पडला.चंद्रमुखी सुंदरा, जरा खाजवा की,जरा सरकून बसा की नीट अशा एका पेक्षा एक सरस आणि ढोलकीच्या थापांचा कडकडाट व सोबतच शिट्टी आणि टाळ्यांचा झालेला निनाद हा लावण्या तारका कार्यक्रमाचा केंद्रबिंदू होता. दरम्यान लावणी महाराष्ट्राची सेवेची कला असून ती आता राज्याच्या बाहेरही पोहोचत आहे असे मत भगवान सेनेचे सरसेनापती तथा भाजपाचे ज्येष्ठ नेते फुलचंदराव कराड यांनी व्यक्त केले. लावणीला राजश्रय मिळाला आहे.लावणी महाराष्ट्र सह राज्याबाहेर गेली आहे. असे अनेक कार्यक्रम आयोजित करावेत असे आवाहन परळी ग्रामीण पोलीस ठाण्याचे सपोनी मारोती मुंडे यांनी केले. परळी शहरात श्री संत भगवान बाबा दुर्गोत्सवात आयोजित कार्यक्रमांना मोठ्या प्रमाणात प्रतिसाद मिळत आहे. मागील तीन दिवसापासून कार्यक्रमाला स्थानिक व ग्रामीण भागातील नागरिकांची मोठी उपस्थिती पाहायला मिळत आहे. फुलचंद कराड हे नेहमीच दर्जेदार कार्यक्रम घेत असल्याने त्यांना व त्यांच्या मंडळाला नागरिकाकडून शुभेच्छा दिल्या जात आह

 *पंकजाताई मुंडे श्रीक्षेत्र माहूरगडावर ; रेणुकामातेचे घेतले दर्शन* *देवस्थान संस्थानच्या वतीनं जोरदार स्वागत*  परळी वैजनाथ। दि. ३०। भाजपच्या राष्ट्रीय सचिव पंकजाताई मुंडे यांनी आज देवीच्या साडे तीन शक्तीपीठांपैकी एक असलेल्या श्रीक्षेत्र माहूरगडावर जाऊन रेणुकामातेचे दर्शन घेतले. संस्थानच्या वतीनं यावेळी त्यांचं स्वागत करण्यात आलं.    पंकजाताई मुंडे यांनी सकाळी नवरात्रोत्सवाचे औचित्य साधून गोपीनाथ गडावरील देवीच्या मंदिरात जाऊन दर्शन घेतले. त्यानंतर त्या श्रीक्षेत्र माहूरकडे रवाना झाल्या. सायंकाळी त्यांनी माहूरगडावरील श्री  रेणुकामातेचे दर्शन घेतले. यावेळी संस्थानच्या वतीने त्यांचं हर्षोल्हासात स्वागत करण्यात आलं. तत्पूर्वी माहूर शहरात आगमन होताच भाजपचे पदाधिकारी व कार्यकर्त्यांनी त्यांचं जंगी स्वागत केलं. माहूरहून नागपूरकडे जाताना पांढरकवडा येथील देवीचेही त्यांनी दर्शन घेतले.    दरम्यान माहूरकडे जाताना रस्त्यात ठिक ठिकाणी त्यांच्या वाहनांचा ताफा थांबवून भाजपच्या कार्यकर्त्यांनी त्यांचं जोरदार स्वागत केलं. ••••

  परळी नगर परिषद डॉ.भालचंद्र वाचनालयाचे ग्रंथपाल रावसाहेब जाधव सेवानिवृत्त परळी वैजनाथ (प्रतिनीधी) :-    परळी नगरपालिकेच्या डॉ.भालचंद्र वाचनालयाचे ग्रंथपाल रावसाहेब जाधव हे दि.30 सप्टेंबर रोजी सेवानिवृत्त झाले.सेवानिवृत्तीबद्दल त्यांना वाचनालयाचे कर्मचारी व मित्रपरिवाराने निरोप दिला.    नगर परिषद डॉ.भालचंद्र वाचनालयाचे ग्रंथपाल रावसाहेब जाधव यांनी परळी नगरपालिकेची 39 वर्षे सेवा केली.दि.4 एप्रिल 1984 रोजी रुजु झाल्यानंतर 1989 पर्यंत जकात विभागात,1989 ते 1995 या कालावधीत आवक- जावक विभागात 1996 ते 2003 या कालावधीत नविन नळ जोडणी, 2004 ते 2015 या कालावधीत सहाय्यक भांडारपाल,विद्युत विभागात विभागप्रमुख व 2015 पासुन पासुन डॉ.भालचंद्र वाचनालयात ग्रंथपाल म्हणुन आजपर्यंत सेवा केली.शुक्रवार दि.30 रोजी 58 वर्षाच्या प्रदिर्घ सेवेनंतर सेवानिवृत्त झाले.यानिमीत्त डॉ.भालचंद्र वाचनालयात झालेल्या सेवानिवृत्ती कार्यक्रमास विक्रम देशमुख, राजाराम देशमूख, रमाकांत  कौलवार, भास्करराव पाटील, सिद्धेश्वर मोगरकर, पत्रकार धनंजय आढाव, गोविंद चाडकं, यशवंत चव्हाण, संतोष घुमरे, लालासाहेब जाधव, गिरीश जाधव, नानासाहेब जा

  ॲड.संजय फुन्ने यांना पितृशोक ; रत्नाकर फुन्ने यांचे निधन परळी (प्रतिनिधी) परळी येथील प्रसिद्ध विधीज्ञ अँड.संजय फुन्ने यांचे वडील रत्नाकर बाबुराव फुन्ने यांचे आज दि.३० रोजी निधन झाले. मृत्यू समयी त्यांचे वय ७३ वर्षांचे होते.         परळी शहरातील शंकर पार्वती नगर येथील रहिवासी तसेच प्रसिद्ध विधीज्ञ अँड.संजय फुन्ने यांचे वडील रत्नाकर फुन्ने आजारी होते.या दरम्यान आज दुपारी 3 वा. त्यांची प्राणज्योत  मालवली. त्यांच्या पश्चात पत्नी, दोन मुले, सुना, नातवंडे असा परिवार आहे. कै.रत्नाकर फुन्ने यांच्यावर आज सायंकाळी 6 वा.परळी येथे अंत्यसंस्कार करण्यात येणार आहेत.       अतिशय मनमिळाऊ, कुटुंबवत्सल म्हणून ते परिचित होते.त्यांच्या निधनाने फुन्ने कुटुंबाचा आधारवड कोसळला आहे.त्यांचा निधनाने फुन्ने कुटुंबावर कोसळलेल्या या दु:खात एमबी न्युज परिवार सहभागी आहे.

  वैद्यनाथ सहकारी साखर कारखाना वेळेत सुरू करून क्षेत्रातील 100% ऊसाचे गाळप करावे - धनंजय मुंडे धनंजय मुंडे यांनी कारखान्यावर जाऊन एम डी व उपाध्यक्षांना दिले निवेदन परळी (दि.30) - वैद्यनाथ सहकारी साखर कारखाना हा परळी तालुक्यातील ऊस उत्पादक शेतकऱ्यांचा एकेकाळचा आत्मा, मात्र मागील काही वर्षात या कारखान्याची अवस्था वाईट झाली, यावर्षी ऊसाचे उत्पादन मोठ्या प्रमाणात असून कारखान्याकडे सुमारे साडेपाच लाख मेट्रिक टन उसाची नोंद आहे, त्यामुळे यावर्षी वैद्यनाथ सहकारी साखर कारखाना पूर्ण क्षमतेने व वेळेत सुरू व्हावा तसेच कारखान्याने क्षेत्रातील 100% ऊसाचे गाळप करावे, अशी मागणी माजी मंत्री आ. धनंजय मुंडे यांनी एका निवेदनाद्वारे केली आहे.  धनंजय मुंडे हे देखील वैद्यनाथ कारखान्याचे सभासद असून, त्यांनी आज कारखान्याच्या सर्वसाधारण सभेच्या निमित्ताने करखान्याच्या कार्यालयात भेट दिली. यावेळी ऊस उत्पादक शेतकरी, सभासद, कारखान्याचे कर्मचारी, ऊसतोड कामगार व वाहतूकदार यांच्या विविध मागण्यांचे निवेदन धनंजय मुंडे यांनी कारखान्याचे एम डी श्री. जी. दीक्षितुलू, तसेच व्हाईस चेअरमन नामदेवराव आघाव यांना दिले, तसेच क

 श्री.क्षेत्र माहुरगडी संगीतसेवा: सौ.संगीता चौधरी -कुलकर्णी यांच्या भक्ती संगीत कार्यक्रमाने रसिक मंत्रमुग्ध  श्री.क्षेत्र माहूरगड: श्री.रेणुका देवी संस्थान श्री.क्षेत्र माहूरगड येथे शारदीय नवरात्रामधे द्वितीयेला मंगळवारी दिनांक २७ सप्टेंबर २०२२ रोजी.सौ.संगीता चौधरी- कुलकर्णी यांच्या भक्तीसंगीत कार्यक्रमाचे आयोजन करण्यात आले होते.यावेळी त्यांनी विष्णुदासांची पदे सादर करुन रसिकांना मंत्र मुग्ध केले.यावेळी त्यांनी गजर,गोंधळ तसेच कानडी भाषेतील भाग्यादा लक्ष्मी बारम्मा, पाहुणी आली घरा,माहूरगडची अंबा,माय भवानी तुझे लेकरु  अशा अनेक भक्तीगीतांनी वातावरण मंगलमय झाले. गाण्याच्या पूर्वी विष्णुदासांचे श्लोक सादर करुन विष्णुदासांप्रति असलेली आपली श्रध्दा प्रकट केली.        कोरोना महामारीमध्ये देखील त्यांनी विष्णुदासांच्या रचना ध्वनिमुद्रित करुन संस्थानाला पाठवत आपली सेवा  निष्काम अर्पण केली होती. या वर्षीच्या भक्तीसंगीत कार्यक्रमात सहगायनाची उत्तम साथ त्यांच्या मातोश्री अनुराधा चौधरी व डॉ.सौ.सुनिता देशपांडे यांनी दिली.त्यांना तबलाःश्री.प्रशांत गाजरे,संवादिनीःश्री.मंगेश जवळेकर ,पखवाज ःश्री.विश्वे

  काळाचा घाला: अंबाजोगाईच्या व्यवसायिकाच्या गाडीला अपघात; एक ठार दोन जखमी अंबाजोगाई - येथील व्यापारी जितेंद्र झंवर (वय ४८) हे पत्नी आणि मुलीसह औरंगाबादहून अंबाजोगाईकडे येत असताना बीड जवळ कोळवाडी येथे त्यांच्या कारने ट्रकला पाठीमागून जोरदार धडक दिली. या भीषण अपघातात जितेंद्र झंवर यांची पत्नी ज्योती (वय ४६) यांचा जागीच मृत्यू झाला. तर, मुलगी रजत (वय १९) आणि स्वतः जितेंद्र हे गंभीर जखमी झाले आहेत. हा अपघात शुक्रवारी पहाटे दिड वाजताच्या सुमारास झाला.        पत्नी आणि मुलगी रजत यांच्यासह स्वतःच्या कारने (एमएच ४४ एस २९९०) गुरुवारी सकाळी औरंगाबादला गेले होते. तिथे सर्व काम आटोपून ते साडेअकराच्या सुमारास अंबाजोगाईला परत निघाले. प्रवास आणि दिवसभराच्या कामामुळे झोप येऊ लागल्याने जितेंद्र यांनी बीडच्या पुढे घाट ओलांडल्यावर एका हॉटेलसमोर थांबून थोडावेळ आराम करण्याचा निर्णय घेतला. मात्र, घाट सुरु होण्यापूर्वीच कोळवाडी येथे दिड वाजताच्या सुमारास त्यांचे कारवरील नियंत्रण सुटले आणि समोरील एका ट्रकला कार मागच्या बाजूने धडकली. या भीषण अपघातात एअर बॅग उघडल्याने जितेंद्र हे सखरूप भीषण अपघातात एअर बॅ

मुख्यमंत्री साहेब जिवंत आहे तोपर्यंतच माझ्या बापाला वाचवाएका लेकीचं मुख्यमंत्र्यांना पत्र बीड : मुलीच्या लग्नासाठी बापाने सावकाराकडून साडे 8 लाख रुपये 4 टक्क्याने घेतले. त्याला 32 लाखाच्या जमिनिचे तात्पुरते खरेदीखत करुन दिले. मात्र सावकाराचे पैसे परत करुनही त्यांने परस्पर फेर ओढत जमिन हडप केली. इकडे लग्नानंतर 10 दिवसातच लेकीलाही परत पाठवले. त्यामुळे जमिनही हडप केली. अन् लग्न होवूनही लेक घरीच असल्याने माझा बाप चिंतेच आहे. तो आत्महत्याचा प्रयत्न करत आहे. त्यांना वाचवा आणि आम्हाला आमची जमिन परत मिळून द्या, असं पत्र शेतकऱ्याच्या मुलीने मुख्यमंत्री एकनाथ शिंदे यांना मुलीने लिहिलं आहे.               हे धक्कादायक वास्तव मांडणारं पत्र लेकिनं थेट मुख्यमंत्र्यांना लिहिलं आहे. आपल्या कष्टकरी बापाची व्यथा आणि त्याच्यासोबत झालेली पिळवणूकीची हकीकत सांगणारं पत्र सोशल मीडियावर व्हायरल झालं आहे. मुलीच्या भावना नेमक्या काय आहेत, हे पत्र वाचल्यानंतर स्पष्ट होतं. पुजा शेखर सावंत (वय 24 वर्षे, रा.कुप्पा, ता.वडवणी. ह.मु. पुनंदगाव ता.माजलगाव जि.बीड) या विवाहित तरुणीने मुख्यमंत्री शिंदे यांना पत्र लिहि

  कलाश्री आयोजित फॅशन शो स्पर्धेत  कु.हार्मीका जगतकर नंबर वन बीड(प्रतिनिधी)  कलाश्री आयोजित गरबा दांडिया महोत्सव व फॅशन शो स्पर्धेचे आयोजन कैलास शिंदे,अपेक्षा शिंदे यांनी दिनांक २८ सप्टेंबर रोजी सायंकाळी ४ वाजता बीड शहरातील रामकृष्ण लॉन्स येथे केले होते.या स्पर्धेचे मुख्य आकर्षण म्हणून झी मराठी या वाहिनीवरील देवमाणूस या मालिकेतील नाईका अस्मिता देशमुख उर्फ डिंपल या होत्या तर स्टार प्रवाह या वाहिनीवरील एक टप्पा हाऊस कॉमेडी फेम अँकर बालाजी सुळ यांची प्रमुख उपस्थिती होती. कलाश्री आयोजित गरबा दांडिया महोत्सव व फॅशन शो स्पर्धे मध्ये मोठ्या गटातून तुलसी इंग्लिश स्कूल मधील विद्यार्थिनी कु.हार्मीका बालाजी जगतकर हिने प्रथम क्रमांक पटकाविला आहे.यावेळी मान्यवरांच्या हस्ते हार्मीकाला सात हजार रुपयांचा चेक, स्मृतिचिन्ह, प्रमाणपत्र डिझाईन गिफ्ट देऊन सन्मानित करण्यात आले. तुलसी कॉलेज ऑफ फॅशन डिझाईन बीडची विद्यार्थिनी अन्विता राक्षे हिला मोठ्या गटातून तृतीय पारितोषिक मिळाले आहे. तर प्रीती शिंदेला चौथे आणि ऋतुजा आजबेला पाचवे पारितोषिक मिळाले आहे. तुलसी शैक्षणिक समूहातील विद्यार्थिनींनी या फॅशन शो स्पर

  *पंकजाताई मुंडे यांच्या हस्ते परळीत पोषण माह रॅलीचा शुभारंभ* *कुपोषणमुक्त महाराष्ट्रासाठी एकजुटीनं काम करण्याचं आवाहन*  परळी वैजनाथ ।दिनांक २९। संपूर्ण देशात एकही बालक कुपोषित राहू नये यासाठी पंतप्रधान नरेंद्र मोदी यांनी व्यापक मोहीम हाती घेतली आहे. याच मोहिमेचा एक भाग म्हणून कुपोषणमुक्त महाराष्ट्रासाठी सर्वांनी एकजुटीनं काम करावं असं आवाहन भाजपच्या राष्ट्रीय सचिव पंकजाताई मुंडे यांनी आज येथे केलं. महाराष्ट्र शासनाच्या परळी व अंबाजोगाई येथील बाल विकास प्रकल्पाच्या वतीने पोषण माह महोत्सवातंर्गत आयोजित करण्यात आलेल्या रॅलीचा शुभारंभ पंकजाताई मुंडे यांच्या हस्ते  आज  राणी लक्ष्मीबाई टॉवर येथे करण्यात आला, त्यावेळी त्या बोलत होत्या.     मागील सत्तेच्या काळात बालविकास खात्याची मंत्री म्हणून मला चांगले काम करता आले. कुपोषणमुक्तीसाठी आपण पुढाकार घेतला होता.आपला देश कुपोषण मुक्त व्हावा यासाठी  पंतप्रधान नरेंद्रजी मोदी काम करत आहेत .एकही बालक कुपोषित राहू नये हा यामागे उद्देश आहे. कुपोषण मुक्तीच्या या लढयात अंगणवाडी मदतनीस, सेविकांसह सर्वांनी योगदान देऊन काम करावं असं  आवाहन यावेळी पंकजात

कॉ.गंगाधरअप्पा बुरांडे स्मृती निमित्त शनिवारी प्रा. इंद्रजित भालेराव यांचे व्याख्यान परळी / प्रतिनिधी झुंजार स्वातंत्र्य सेनानी,बीड जिल्ह्याचे माजी खासदार,डाव्या चळवळीचे शिलेदार, महाराष्ट्र शिक्षण संस्था मोहा संस्थापक कॉ. गंगाधरअप्पा बुरांडे यांच्या 14 व्या स्मृतीदिनानिमित्त शनिवारी (दि.१) रोजी परळी तालुक्यातील मोहा येथे ग्रामीण साहित्यीक व शेतकरी कवी प्रा. इंद्रजीत भालेराव यांचे ग्रामीण भागातील शिक्षणाची सद्यःस्थिती व समाजाची भुमीका या विषयावर व्याख्यान होणार आहे.  बीड जिल्हयाचे माजी खा.कॉ गंगाधर बुरांडे यांच्या स्मृती निमित्त मागील १४ वर्षा पासुन शेती, पर्यावरण, पाणी, माती, शैक्षणीक, शेतकऱ्यांच्या संबंधी सरकारचे धोरण यासह वंचित, पिडीत व रोजगाराच्या प्रश्नाचा उहापोह करण्यासाठी मोहा येथे व्याख्यानमाला आयोजीत करण्यात येत आहे. कॉ गंगाधरअप्पा बुरांडे स्मृती प्रतिष्ठाण अंबाजोगाई व महाराष्ट्र शिक्षण संस्था मोहा च्या वतीने व्याख्यानमालेचे १४ वे पुष्प वाहण्यात येणार आहे.यापूर्वी या व्याख्यानमालेस आपल्या कर्तृत्वाने राज्य नव्हे तर देशभरात ओळख निर्माण करणारे व्यक्तिमत्त्व या व्यासपीठावर उपस्थ

 * पंतप्रधान मोदी यांच्या जीवन कार्यावरील चित्रप्रदर्शनीचे पंकजाताई मुंडेंच्या हस्ते उदघाटन * * सर्व स्तरातील नागरिक, विद्यार्थ्यांची प्रदर्शन पाहण्यासाठी गर्दी !* परळी वैजनाथ ।दिनांक २९। पंतप्रधान नरेंद्रजी मोदी यांच्या वाढदिवसानिमित्त "सेवा पंधरवाडा" उपक्रमातंर्गत त्यांच्या जीवन कार्यावर आधारित चित्रप्रदर्शनीचे उदघाटन भाजपच्या राष्ट्रीय सचिव पंकजाताई मुंडे यांच्या हस्ते आज झाले.    छत्रपती शिवाजी महाराज चौकातील अक्षता मंगल कार्यालयात भाजपच्या वतीने हे चित्र प्रदर्शन भरविण्यात आले होते. पंतप्रधान मोदी यांचे बालपण, राजकीय प्रवास, पंतप्रधानपदी विराजमान झाल्यानंतर सर्व सामान्य जनतेच्या हितासाठी त्यांनी घेतलेले निर्णय आणि त्यांच्या नेतृत्वाखाली होत असलेली देशाची प्रगती याचा लेखाजोखा या प्रदर्शनात चित्र स्वरूपात मांडण्यात आला होता. सुरवातीला फित कापून या प्रदर्शनाचे उदघाटन करण्यात आले. भारतीय जनता पार्टी, युवा मोर्चा व सर्व आघाडयांचे पदाधिकारी, ज्येष्ठ नेते, कार्यकर्ते यावेळी उपस्थित होते. *पंकजाताई रमल्या विद्यार्थ्यांमध्ये* ------------- चित्र प्रदर्शन पाहण्यासाठी सर्व स्तरात

  शहरातील मोकाट जनावरांसह डुकरांचा तात्काळ बंदोबस्त करा अन्यथा महिला काँग्रेस करणार न.प.समोर आंदोलन - आशाताई कोरे परळी (प्रतिनिधी): परळी शहरातील मोकाट जनावरांसह, कुत्रे, डुकरांचा ताबडतोब बंदोबस्त करा अन्यथा परळी शहर महिला काँग्रेसच्या वतीने परळी नगर परिषदेसमोर तिव्र आंदोलन उभारले जाईल असा इशारा महिला काँग्रेस कमिटीच्या परळी शहराध्यक्ष आशाताई गणपतअप्पा कोरे यांनी एका निवेदनाद्वारे दिला आहे. सर्वत्र सध्या सणांची रेलचेल असुन परळी शहरात मोकाट जनावरांनी व डुकरांनी हैदोस माजवला आहे. जे रहदारीचे रस्ते आहेत त्या ठिकाणी मोकाट जनावरे बसतात तसेच डुकरे हे परळी शहरातील प्रत्येक भागात मोकाटपणे फिरस आहेत. याकडे नगर परिषद जाणून-बुजून दुर्लक्ष करत असल्यामुळे नागरीकांचे आरोग्य धोक्यात आले असुन मोठ्या प्रमाणात रहदारीस अडथळा निर्माण होत आहे.नागरीकांचे आरोग्य धोक्यात घालण्याचे काम नगर पालिका करत असेल तर महिला काँग्रेस याचा जाब विचारणार असुन या लवकरात लवकर नगर परिषदेने या मोकाट जनावरांच्या बंदोबस्त नाही केला तर परळी शहर महिला काँग्रेसच्या वतीने परळी नगर परिषदेसमोर तिव्र आंदोलन उभारले जाईल असा इशारा महिल

  जाणुन घ्या-  पीएफआय संघटना : का घातली बंदी?              पॉप्युलर फ्रंट ऑफ इंडियाविरुद्ध  (पीएफआय) राष्ट्रीय तपास यंत्रणा अर्थात एनआयएने पुन्हा धडक कारवाई केली.  एकाच दिवशी संघटनेशी संबंधित १५० हून अधिक लोकांना ताब्यात घेतले तर काहींना अटक करण्यात आली. आता केंद्र सरकारने यावर मोठी कारवाई करत बेकायदेशीर संघटना ठरवत  बंदी घालण्याचा निर्णय घेतला.        पाच कारणांसाठी या संघटनेवर केंद्राने बंदी घातली आहे. पीएफआयवर दहशतवादी संघटनांशी संबंध असल्याचा गंभीर आरोपहीआहे. पीएफआयविरोधात भक्कम पुरावे मिळाल्यानंतरच या संस्थेवर ५ वर्षांसाठी बंदी घालण्यात आल्याचे सांगण्यात येत आहे. पीएफआयसह अन्य संघटनाविरोधात गेल्या काही दिवसापासून देशात छापेमारी सुरू आहे.एनआयए, ईडी यासह राज्य पोलीस पथकेही पीएफआयच्या ठिकांणांवर छापेमारी करत आहेत. संबंधित बातमी: ● *पीएफआय चे बीडमधील कार्यालय सील !* *जिल्हा अध्यक्षासह अन्य एकजण न्यायालयीन कोठडीत*      या संघटनांच्या विरोधात पुरावे मिळाल्यानंतरच केंद्रीय गृहमंत्रालयाने ५ वर्षांसाठी बंदी घालण्याचा निर्णय घेतला आहे. यासंदर्भात केद्रांने अधिसूचनाही जारी केली आहे.

  पीएफआय चे बीडमधील कार्यालय सील ! जिल्हा अध्यक्षासह अन्य एकजण न्यायालयीन कोठडीत बीड , :पीएफआय या संघटनेवर केंद्र सरकारने बंदी घातल्यानंतर बुधवारी रात्री बीडमधील कार्यालय महसूल विभागाने सील केले. तर बीड शहर पोलिसांनी जिल्हाध्यक्षासह अन्य एकास न्यायालयात हजर केले असता न्यायालयाने त्यांना 3 ऑक्टोबर पर्यंत न्यायालयीन कोठडी सुनावली. पीएफआय या संघटनेच्या बीड येथी माजी जिल्हा अध्यक्षास एटीएसने अटक केली होती. त्यानंतर दुसऱ्या दिवशी बीडमध्ये संघटनेच्या वतीने निषेध आंदोलन करण्यात आले होते. दरम्यान केंद्र सरकारने या संघटनेवर बंदी घालताच बीड शहर पोलिस स्टेशनचे रवी सानप व सहकर्यांनी संघटनेचे जिल्हाध्यक्ष फिरोज मोमीन व कामरान खान यांना ताब्यात घेऊन न्यायालयासमोर हजर केले   असता न्यायालयाने त्यांना 3 ऑक्टोबर पर्यंत न्यायालयीन कोठडी सुनावली. तर दुसरीकडे बीड शहरातील जुना बाजार भागातील संघटनेचे कार्यालय महसूल विभागाने सील केले. यावेळी तहसीलदार सुहास हजारे यांच्यासह महसूल व पोलीस अधिकारी उपस्थित होते.

एफ.एम.आकाशवाणी केंद्र अंबाजोगाईसाठी ड्राफ्ट प्लॅन मंजुर एफ.एम.निर्मितीकरिता 9 कोटी 62 लक्ष रूपयाचा निधी सामाजिक कार्यकर्ते नगरसेवक चेतन सौंदळे यांच्या पाठपुराव्यास यश *परळी वैजनाथ /प्रतिनिधी*     केंद्रीय माहिती व प्रसारण मंत्री ना.अनुराग ठाकुर तसेच प्रसारभारतीकडून  उच्चशक्ती दुरदर्शन प्रक्षेपण केंद्र पिंपळा(धा.) ता.अंबाजोगाई येथे एफएम केंद्र निर्मितीसाठी ड्राफ्ट प्लॅन मंजुर करण्यात आला असून त्याकरिता 9 कोटी 62 लक्ष रूपयाच्या प्रस्तावित निधीस मान्यता देण्यात आली आहे.सन 2022 मध्ये भारत देशातील ईतर राज्यांसह महाराष्ट्रातील एकमेव अंबाजोगाई एफ एम केंद्रास मंजुरी मिळाली आहे.    केंद्रीय माहिती व प्रसारण मंत्री ना.अनुराग ठाकुर तसेच माजी केंद्रीय माहिती व प्रसारणमंत्री प्रकाश जावडेकर यांच्याकडे माजी मंत्री आ.धनंजय मुंडे,खा.डॉ.प्रीतमताई मुंडे,खा.सुप्रियाताई सुळे,खा.पुनमताई महाजन,खा.रजनीताई पाटील व माजी आ.संजयभाऊ दौंड यांच्या माध्यमातून अंबाजोगाई एफ एम केंद्र मंजुरीसाठी प्रयत्न व संबंधित विभागास शिफारस पत्र देण्यात आले होते तसेच सामाजिक कार्यकर्ते चेतन सौंदळे यांच्या वतीने पाठपुरावा करण्यात आला

  फेसबुकवर फोटो टाकण्याची धमकी देत  मित्राच्या बायकोवर अत्याचार बीड ः फेसबुकवर फोटो टाकण्याची धमकी देत मित्राकडून मित्राच्या बायकोवर बलात्कार केल्याचा प्रकार धारुर तालुक्यात उघडकीस आला. याबाबत धारुर पोलिसांत गुन्हा दाखल करण्यात आला आहे. धारुर तालुक्यातील एका गावात फेसबुकवर फोटो टाकण्याची धमकी देत मित्राच्या बायको बरोबर दुष्कृत्य केल्याची घटना घडली. याबाबत पिडितेने धारूर पोलीस स्टेशनमध्ये तक्रार दिल्यानंतर आरोपी मित्रावर गुन्हा दाखल करण्यात आला. फिर्यादीच्या तक्रारीनूसार धारूर तालुक्यातील असोला येथील विवाहित तरुणीला तू भेटायला ये म्हणत धमकी देत तिला रस्त्याने येत असताना पांढर्‍या गाडीमध्ये बळच बसवून बांगरवाडी रस्त्यावर नेऊन तिच्या गळ्यात हात टाकून अश्लील फोटो काढले. यानंतर तिला हे फोटो व्हायरल करतो म्हणून आरोपीने धमकी दिली व तिच्यावर अत्याचार केला. ही घटना दि.12 सप्टेंबर रोजी दुपारी 3 ते 4 च्या वाजण्याच्या दरम्यान घडला. यानंतर तिला  धारूर येथे सोडून दिले. याप्रकरणी आरोपी सचिन सिताराम वाव्हळ याच्या विरोधात गुन्हा दाखल करण्यात आला असून पुढील तपास पोलिस उपनिरिक्षक श्रीमती काळे करत आहेत.

  पंतप्रधान नरेंद्र मोदी यांच्या जीवन कार्यावर आज परळीत चित्रप्रदर्शनी पंकजाताई मुंडे यांच्या हस्ते उदघाटन ; प्रदर्शनाचा सर्व जनतेनी लाभ घेण्याचं भाजपचं आवाहन परळी वैजनाथ ।दिनांक २८। भारताचे पंतप्रधान नरेंद्रजी मोदी यांच्या वाढदिवसानिमित्त "सेवा पंधरवाडा" उपक्रमातंर्गत त्यांच्या जीवन कार्यावर आधारित चित्रप्रदर्शन भाजपच्या वतीनं आज भरविण्यात येणार आहे. भाजपच्या राष्ट्रीय सचिव पंकजाताई मुंडे यांच्या हस्ते या प्रदर्शनाचे उदघाटन होणार आहे.   गुरुवार २९ सप्टेंबर रोजी सकाळी १० वाजता छत्रपती शिवाजी महाराज चौकातील अक्षता मंगल कार्यालय येथे हे चित्र प्रदर्शन भरविण्यात येत आहे. पंतप्रधान मोदी यांचा एकूण जीवन प्रवास, त्यांनी सर्व सामान्य जनतेच्या हितासाठी घेतलेले निर्णय आणि त्यांच्या नेतृत्वाखाली होत असलेली देशाची प्रगती याचा लेखाजोखा यात मांडला जाणार आहे. सर्व जनतेसाठी हे प्रदर्शन खुले असणार आहे.परळी शहर व ग्रामीण भागातील भारतीय जनता पार्टीचे सर्व पदाधिकारी, कार्यकर्ते तसेच बुथ प्रमुख, पेज प्रमुख, शक्ती केंद्रप्रमुख, सर्व संस्थांचे लोकप्रतिनिधी, विविध आघाड्यांचे पदाधिकारी व कार्यकर्त

  मराठवाडा शिक्षक संघाचा रविवारी जिल्हाधिकारी कार्यालयावर मोर्चा  शिक्षकांनी मोठ्या संख्येने उपस्थित रहावे- अघाव व मस्कले   परळी वैजेनाथ  :- सर्वांनाच जुनी पेंन्शन योजना लागू करावी, शाळा, वर्ग व तुकड्यांना प्रचलित सुत्रानुसार १००% अनुदान द्यावे, शिक्षक व शिक्षकेत्तर कर्मचाऱ्यांना १०,२०,३० अशा तीन लाभांची आश्वासित प्रगती योजना लागू करावी,शैक्षणिक संस्थांना सातव्या वेतन आयोगाप्रमाणे वेतनेत्तोर अनुदान द्यावे यासह इतर मागण्यांच्या पूर्ततेसाठी  मराठवाडा शिक्षक संघाचा रविवार (दि.२) ऑक्टोबर रोजी सकाळी ठिक ११:३० बीड जिल्हाधिकारी कार्यालयावर मराठवाडा शिक्षक संघाचे अध्यक्ष तथा शिक्षक मतदार संघाचे उमेदवार सुर्यकांत विश्वासराव, माजी अध्यक्ष तथा मार्गदर्शक पी.एस.घाडगे सरचिटणीस राजकुमार कदम यांच्या नेतृत्वाखाली भव्य मोर्चा काढण्यात येणार आसून या मोर्चास  शैक्षणिक क्षेत्रातील सर्व घटकांचा उत्सफुर्तपणे पाठिंबा मिळत आहे. तरी मोर्चास मुख्याध्यापक, शिक्षक-प्राध्यापक व शिक्षकेत्तर कर्मचारी बांधवांनी मोठ्या संख्येने सहभागी व्हावे असे मराठवाडा शिक्षक संघाचे केंद्रीय कार्यकारणी सदस्य बंडू अघाव व अशोक मस्कल

  माता सुरक्षित तर घर सुरक्षित अभियान:  लक्ष्मीबाई देशमुख महिला महाविद्यालयात आरोग्य तपासणी शिबीर  परळी वैजनाथ दि.२८ (प्रतिनिधी)           महाराष्ट्र शासनाच्या आरोग्य विभागाच्या वतीने संपूर्ण महाराष्ट्रात नवरात्री निमित्त "माता सुरक्षित तर घर सुरक्षित" अभियान राबविण्यात येत आहे. या अभियानांतर्गत येथील लक्ष्मीबाई देशमुख महिला महाविद्यालयात आरोग्य तपासणी शिबीर घेण्यात आले. यास विद्यार्थिनींचा मोठा प्रतिसाद मिळाला.                येथील लक्ष्मीबाई देशमुख महिला महाविद्यालयात आरोग्य विभाग व राष्ट्रीय सेवा योजनेच्या वतीने आरोग्य तपासणी शिबीराचे आयोजन करण्यात आले होते. आरोग्य तपासणी शिबीराच्या सुरुवातीला क्रांती ज्योती सावित्रीबाई फुले यांच्या प्रतिमेचे पूजन मान्यवरांच्या उपस्थितीत करण्यात आले. तर शिबीराचे उद्घाटन संस्थेच्या संचालिका डॉ. मिनल लोहिया यांच्या हस्ते करण्यात आले. यावेळी तालुका आरोग्य अधिकारी डॉ लक्ष्मण मोरे, संस्थेच्या संचालिका छायाताई देशमुख, प्रा.डॉ. विद्याताई देशमुख, प्रा.स्नेहा देशमुख, प्राचार्य डॉ. लक्ष्मण मुंडे, डॉ संदिप घुगे, डॉ. राजमाने, डॉ सविता मुंडे, डॉ प्रि

  आदर्श शिक्षिका स्व. मिराताई  शिनगारे यांच्या प्रथम पुण्यस्मरणा निमित्त रामायणाचार्य नाना महाराज कदम यांचे किर्तन  केज /प्रतिनिधी                                         केज तालुक्यातील मौजे आवसगाव  येथे  सम्राट अशोक मा. विद्यालयाच्या माजी आदर्श शिक्षिका , राष्ट्रमाता जिजाऊ बहुउद्देशीय सेवाभावी संस्था आवसगावच्या संस्थापक अध्यक्षा  स्व. मिराताई गोविंद शिनगारे यांच्या प्रथम पुण्यस्मरणानिमीत्त महाराष्ट्रातील सुप्रसिद्ध किर्तनकार तथा रामायणाचार्य नाना महाराज कदम  (श्रीगुरु  बंकटस्वामी  संस्थान नेकनुर)  यांच्या किर्तन सेवेचे आयोजन शुक्रवार दिनांक 30/9/2022 रोजी सकाळी 10 ते 12 या वेळेत  करण्यात आले असुन याप्रसंगी  पंचक्रोशीतील विविध क्षेत्रातील मान्यवरांनी तसेच  नागरिकांनी व  शिनगारे परिवाराच्या सानिध्यात असलेल्या सर्व मित्र मंडळी यांनी   स्व. मीराताई गोविंद  शिनगारे यांच्या प्रथम पुण्यस्मरणानिमित्त आयोजित कार्यक्रमास उपस्थित राहावे असे आव्हान गोविंद (नाना)  शिनगारे   , संतोष शिनगारे , लक्ष्मण शिनगारे , सुनिल शिनगारे , दत्तात्रय शिनगारे , व समस्त  शिनगारे परिवार आवसगाव ता.केज जिल्हा बीड य

  परळीची सांस्कृतिक चळवळ जोपासण्याचे काम फुलचंद कराड मनापासून करीत आहेत - तेजश्री प्रधान परळी/ प्रतिनिधी- महाराष्ट्राला मोठे सांस्कृतिक वैभव मिळालेले असून अशा कार्यक्रमाचे आयोजन केले जाते. नवरात्र उत्सवाच्या निमित्ताने अशा संस्कृतिक कार्यक्रमाचे आयोजन करीत आमच्या कले सोबत परळीची सांस्कृतिकता जोपासण्याचे काम त्यांनी केले आहे असे मत सुप्रसिद्ध मराठी अभिनेत्री तेजश्री प्रधान यांनी व्यक्त केले. दरम्यान नवरात्र उत्सवाच्या पार्श्वभूमीवर आपण हाती घेतलेले हे काम यापुढेही अखंडपणे चालूच राहील असा विश्वास संत भगवान बाबा दुर्गोत्सव समितीचे अध्यक्ष तथा भगवान सेनेचे सरसेनापती फुलचंद कराड यांनी व्यक्त केला.  श्री संत भगवान बाबा प्रतिष्ठान च्या वतीने आयोजित दुर्गोत्सव कार्यक्रमाच्या उद्घाटन प्रसंगी तेजश्री प्रधान व फुलचंद कराड कार्यक्रमाच्या प्रारंभी बोलत होते. प्रारंभी दोघांच्या हस्ते दुर्गा देवीची  पूजा करण्यात आली. अभिनेत्री तेजश्री प्रधान यांच्या हस्ते श्रीफळ वाढवून मनोरंजनाच्या कार्यक्रमाला सुरुवात करण्यात आली. यावेळी अभिनेत्री अर्चना सावंत तसेच भाजपा शहराध्यक्ष जुगल किशोर लोहिया नगरसेवक प्राध्

  दस-या निमित्त  परळीतील पारंपरिक पालखी सोहळा मार्ग त्वरित दुरुस्त करावा-शिवसेनेची मागणी परळी वै:-               परळी हे ऐतिहासिक शहर असल्याने, शहरात नवरात्र उत्सव अतिशय मोठ्या प्रमाणात साजरा केला जातो, आणि दसऱ्याच्या दिवशी ऐतिहासिक अशी श्री वैजनाथ पालखी व काळरात्री पालखी पारंपरिक पद्धतीने पारंपरिक मार्गाने मार्गक्रमन करीत असते,पण यावर्षी पालखी मार्ग नादुरुस्त झाल्याने ,भाविकभक्तां याचा त्रास होऊ शकतो, त्यामुळे नगर परिषद प्रशासने त्वरित याची दखल घेऊन पालखी मार्ग दुरुस्त करावा, असे निवेदन परळी नगर परिषद प्रशासनाला  शिवसेना तालुका प्रमुख शिवाजी शिंदे ,धनंजय गित्ते यांच्या मार्गदर्शनाखाली,  शिवसेनेचे सचिन स्वामी,बालासाहेब देशमुख, दीपक जोशी,युवासेना शहर प्रमुख गजानन कोकीळ,संजय कदम,नवनाथ सरवदे,रमेश लोखंडे नारायण सुरवसे,सागर बुंदले,वैजनाथ देशमुख, गणेश सरस्वत यांच्या सह असंख्य शिवसैनिक यांच्या उपस्थितीत देण्यात आले.

माध्यमांमधील बहुचर्चित 'त्या' विधानावर पंकजा मुंडेंची उद्विग्न प्रतिक्रिया सनसनिखेज बातम्यांतून आपल्यापर्यंत एकच ओळ आली:जमले तर संपूर्ण ऐका मग मतितार्थ कळेल ! परळी वैजनाथ,...        भाजपा राष्ट्रीय सचिव पंकजा मुंडे यांच्या अंबाजोगाई येथे झालेल्या एका भाषणातील वंशवादावरील मुद्दा व 'मोदी मला संपवू शकणार नाहीत' अशा प्रकारच्या एका विधानावरून प्रसार माध्यमात मोठ्या प्रमाणावर चर्चा सुरू आहेत. यावरून क्रिया -प्रतिक्रिया उमटत असताना याबाबत संपूर्ण भाषणाचा व्हिडिओ पोस्ट करत आपल्या भाषणातील केवळ अर्धवट एक ओळच वापरून विनाकारण नकारात्मक अर्थ पसरविला जात आहे. असे पंकजा मुंडे यांनी म्हटले आहे. हा सणसणीखेज बातम्या चालविण्याचा प्रकार असून संपूर्ण भाषण ऐका मगच मतीतार्थ कळेल अशी उद्विग्न प्रतिक्रिया व्यक्त केली आहे.          पंकजा मुंडे यांनी अंबाजोगाई येथे आयोजित करण्यात आलेल्या बुद्धिजीवी संमेलन कार्यक्रमात उपस्थितांशी संवाद साधताना केलेल्या भाषणात पंतप्रधान नरेंद्र मोदी यांच्याबाबत 'मोदी मला संपवू शकत नाहीत' असे वक्तव्य केल्याच्या मोठ्या प्रमाणावर बातम्या सध्या चर्चेत आहेत. मा