माझी बातमी MB NEWS

  शिवराज राक्षे महाराष्ट्र केसरी, महेंद्र गायकवाड ठरला उपविजेता    मूळचा राजगुरूनगर, पुणे येथील रहिवासी आणि नांदेड संघातून उतरलेला शिवराज राक्षे याने मंगळवेढा, सोलापूरचा महेंद्र गायकवाड याला चितपट करीत ६५व्या महाराष्ट्र केसरिचा ‘किताब पटकावला. महेंद्र गायकवाड ला उपमहाराष्ट्र केसरीवर समाधान मानावे लागले. ६५ व्या महाराष्ट्र केसरी कुस्ती स्पर्धेच्या अंतिम लढतीत उत्कंठा निर्माण करणाऱ्या – लढतीत शिवराज राक्षे ‘महाराष्ट्र केसरी’ किताबाचा मानकरी ठरला. रणहलगी आणि तुतारीचा निनाद, प्रेक्षकांच्या टाळ्यांच्या प्रतिसादात झालेल्या लढतीत नांदेडकडून खेळणाऱ्या राक्षेने सोलापुरच्या महेंद्र गायकवाडला चितपट केले. चांदीची गदा, पाच लाख रुपये रोख आणि महिंद्रा कंपनीची थार गाडी भेट म्हणून देण्यात आली. उपविजेत्या महेंद्र गायकवाड याला चांदीची गदा, अडीच लाख रुपये रोख आणि धवलसिंह मोहिते पाटील यांच्याकडून चांदीची गदा देण्यात आली. गादी विभागात राक्षे तर माती विभागात गायकवाड विजेता तत्पुर्वी झालेल्या माती विभागातील अंतिम फेरीत महेंद्र गायकवाडने सोलापुरच्या सिकंदर शेखचा अटीतटीच्या लढतीत ६ विरुद्ध ४ ...

  मुख्यमंत्री एकनाथ शिंदे, उपमुख्यमंत्री देवेंद्र फडणवीस व पंकजा मुंडे येणार गहिनीनाथ गडावर ? बीड:   उद्या म्हणजे 15 जानेवारीला  देवेंद्र फडणवीस बीड दौऱ्यावर आहेत. गहिनीनाथ गडावर संत वामनभाऊ यांच्या पुण्यतिथीनिमित्त आयोजित सोहळ्यासाठी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस उपस्थित राहणार आहेत.            दोन आठवड्यामध्ये दोनदा फडणवीस हे बीडला येत आहेत. एक जानेवारीला देवेंद्र फडणवीस यांनी विनायक मेटे यांनी सुरू केलेल्या व्यसनमुक्ती अभियानाच्या कार्यक्रमाला हजेरी लावली आणि उद्या गहिनीनाथ गडावर होणाऱ्या संत वामनभाऊ यांच्या पुण्यतिथी सोहळ्यास ते हजेरी लावणार आहेत. विशेष म्हणजे या कार्यक्रमाला मुख्यमंत्री सुद्धा उपस्थित राहणार आहेत. उद्याच्या गहिनीनाथ गडाच्या कार्यक्रमाला पंकजा मुंडे ही उपस्थित राहणार  आहेत. 

  ३४ व्या राज्य रस्ता सुरक्षा सप्ताहाचे उदघाटन अंबाजोगाई ता.१४ प्रतिनिधी केंद्र शासनाने राज्य रस्ता सुरक्षा सप्ताह दिनांक ११ जानेवारी ते १७ जानेवारी २०२३ या कलावधीकरिता आयोजीत केले आहे. रस्ते अपघात नियंत्रित ठेवण्याच्या दृष्टीने सन २०२३ या वर्षातील रस्ता सुरक्षा अभियान आयोजनाच्या निमित्याने विविध विभागाने विविध कार्यक्रम राबविणे अभिप्रेत आहे. त्यानुसार उप प्रादेशिक परिवहन कार्यालय, अंबाजोगाई व यशवंतराव चव्हाण महाविदयालय अंबाजोगाई यांच्या संयुक्त विदयमानाने दिनांक ११ जानेवारी रोजी यशवंतराव चव्हाण महाविदयालयातील सभागृहात सकाळी ९:३० वा. उदघाटनपर समारंभ मान्यवरांच्या हस्ते संपन्न झाला. या कार्यक्रमाच्या अध्यक्षस्थानी मा. अप्पर पोलीस अधिक्षक श्रीमती कविता नेरकर पवार मॅडम यांच्या हस्ते आणि उप प्राचार्य डॉ. श्री. आर. एन. शिंदे यांच्या प्रमुख उपस्थितीत पार पडले. यावेळी मंच्यावर उप प्रादेशिक परिवहन अधिकारी श्री. दिलीप निळेकर, श्री विनोद घोळवे पोलीस निरिक्षक, अंबाजोगाई (ग्रामीण) हे उपस्थित होते. सदरील कार्यक्रमास राष्ट्रीय छात्र सेना चे विदयार्थी व महाविदयालयीन विदयार्थी, उप प्रादेशिक परिवहन...

  लक्ष्मीबाई देशमुख महिला महाविद्यालयात विद्यापीठ नामविस्तार दिन साजरा परळी वैजनाथ दि.१४ (प्रतिनिधी)            येथील लक्ष्मीबाई देशमुख महिला महाविद्यालयात डॉ बाबासाहेब आंबेडकर मराठवाडा विद्यापीठ नामविस्तार दिन उत्साहात साजरा करण्यात आला.           शहरातील लक्ष्मीबाई देशमुख महिला महाविद्यालयात डॉ बाबासाहेब आंबेडकर मराठवाडा विद्यापीठ नामविस्तार दिनानिमित्त आयोजित कार्यक्रमास संस्थेचे अध्यक्ष संजय देशमुख, सचिव रविंद्र देशमुख, प्राचार्य डॉ लक्ष्मण मुंडे, डॉ विनोद जगतकर उपस्थित होते. कार्यक्रमाच्या सुरुवातीला भारतरत्न डॉ बाबासाहेब आंबेडकर यांच्या प्रतिमेस पुष्पहार अर्पण करून अभिवादन करण्यात आले. यानंतर नामविस्तार दिनानिमित्त विद्यार्थ्यांना मार्गदर्शन करताना डॉ विनोद जगतकर यांनी नामविस्तार करण्यासाठी पहिल्यांदा तत्कालीन मुख्यमंत्री शरद पवार यांनी विधानसभेत ठराव मंजूर केला होता. पण नामविस्तारास विरोध झाल्याने तो ठराव रद्द झाल्याने आंबेडकरी जनतेने मोठे आंदोलन उभारले यासाठी तब्बल१७ वर्षे लढा लढल्यानंतर विद्यापीठाचा नामविस्तार करण्या...

 ■किसान सभेच्या धरणे आंदोलनाची दखल ●17 रोजी जिल्हाधिकारी यांच्या उपस्थितीत होणार बैठक परळी / प्रतिनिधी अतिवृष्टी नुकसान मदत, पिकविमा वितरण निर्दोष व पारदर्शक करावे यासह शेतक-यांच्या इतर मागण्या घेत अखिल भारतीय किसान सभेने 9 जानेवारी रोजी जिल्हाधिकारी कार्यालयावर केलेल्या धरणे आंदोलनाची जिल्हा प्रशासनाने दखल घेतली असून किसान सभेच्या विविध मागण्या निकाली काढण्यासंदर्भात 17 जानेवारी रोजी जिल्हाधिकारी यांच्या अध्यक्षतेखाली जिल्हाधिकारी कार्यालयात बैठक आयोजित केली आहे. सोमवार दि 9 जानेवारी रोजी बीडच्या अखिल भारतीय किसान सभेने खरीप २०२२ मधील अतिवृष्टी अनुदान, २०२२ मधील खरीप विमा वाटपात देखील ताफवती व पारदर्शकता नाही.शेतकऱ्यांची बँक खाती होल्ड करणे.पीक विमा, अतिवृष्टी अनुदान, कृषी वीज पुरवठा व शेत मालास हमीभाव या प्रश्नावर किसान सभा बीड जिल्हा कमिटीच्या वतीने सोमवार दि ९ रोजी जिल्हा कचेरीवर बीड जिल्हा किसान सभेच्यावतीने धरणे आंदोलन केले होते.या निदर्शनाची दखल घेतली असून आंदोलनकर्त्यांच्या मागण्याच्या अनुषंगाने बीडचे जिल्हाधिकारी यांच्या अध्यक्षतेखाली किसान सभेने केलेल्या विविध मागण्या व...

  क्रिप्टोकरन्सी हा केवळ जुगार, पूर्णपणे बंदी घालावीच लागेल : आरबीआय गर्व्हनर शक्तिकांत दास मुंबई: क्रिप्टोकरन्सीबाबत आरबीआयचे गर्व्हनर शक्तिकांत दास  यांनी महत्वाचे वक्तव्य केले आहे. क्रिप्टोकरन्सी हा केवळ जुगार असून त्यावर देशात पूर्णपणे बंदी घातली पाहिजे, असे दास यांनी म्हटले आहे. मुंबईतील बिझनेस टुडे बँकिंग आणि इकॉनॉमी समिटमध्ये  त्यांनी क्रिप्टोकरन्सीबाबत आऱबीआयची भूमिका स्पष्ट केली आहे. “क्रिप्टोकरन्सीला केवळ जुगार म्हणून शकतो. आरबीआयची भूमिका अगदी स्पष्ट आहे की सर्व क्रिप्टोवर बंदी घातली पाहिजे. ब्लॉकचेनच्या तंत्रज्ञानास समर्थन देणे आवश्यक आहे कारण त्यात इतर अनेक ॲप्लिकेशन्स आहेत.” असे दास यांनी नमूद केले आहे. क्रिप्टोवर बंदी का हवी? याबद्दल बोलताना ते पुढे म्हणाले की, क्रिप्टोकरन्सीची व्याख्या खूप अस्पष्ट आहे. “काही लोक याला मालमत्ता म्हणून संबोधतात, तर इतर काहीजण त्याचा फायनान्सियल प्रोडक्ट म्हणून उल्लेख करतात आणि तसे असल्यास त्यात काही अधोरेखित करणे आवश्यक आहे. क्रिप्टोच्या बाबतीत काहीही अधोरेखित नाही. दास (RBI Governor Shaktikanta Das) यांनी क्रिप्टोकरन्सीच्य...

  केंद्रीय मंत्री नितीन गडकरी यांना जीवे मारण्याची धमकी, दाऊदचा उल्लेख केंद्रीय मंत्री नितीन गडकरी (Nitin Gadkari) यांना जीवे मारण्याची धमकी  देण्यात आली आहे. नितीन गडकरी यांच्या कार्यालयात  तब्बल तीन वेळा धमकीचा फोन आला. नागपुरात केंद्रीय मंत्री नितीन गडकरी यांच्या ऑरेंज सिटी रुग्णालय जवळच्या जनसंपर्क कार्यालयात हे धमकीचे फोन आले. नितीन गडकरी यांना जीवे मारू अशा आशयाचे हे धमकीचे कॉल होते. मिळालेल्या माहितीनुसार धमकी देणाऱ्याने दाऊद  असा शब्द उच्चारत आम्हाला खंडणी  दिली नाही तर गडकरींना जीवे मारू अशी धमकी दिली.  सकाळी 11:29 वाजता, 11:35 वाजता आणि 12:32 वाजता असे तीन वेळेला हे धमकीचे कॉल आले. सध्या पोलीस आणि वरिष्ठ पोलीस अधिकारी गडकरी यांच्या जनसंपर्क कार्यालयात पोहोचले आहेत, आणि चौकशी केली जात आहे. मिळालेल्या माहितीप्रमाणे केंद्रीय मंत्री नितीन गडकरी नागपुरातच आहेत. केंद्रीय मंत्री नितीन गडकरी यांच्या जनसंपर्क कार्यालयात धमकीचे तीन फोन आल्यानंतर वर्धा मार्गावरील त्यांचं निवासस्थान असलेल्या enrico hights बाहेरही पोलीस सुरक्षा व्यवस्था वाढवण्यात आली आहे. तप...

  प्रकल्पग्रस्तांना न्याय देण्यासाठी नेते फुलचंद कराड यांच्या उपस्थितीत ठरली पुढील रणनीती  प्रकल्पग्रस्तांना न्याय मिळवून दिल्याशिवाय स्वस्थ बसणार नाही - फुलचंद कराड  परळी वैजनाथ दि १३ :- परळी औष्णिक विद्युत केंद्राच्या निर्मितीसाठी जमिनी गेलेल्या प्रकल्पग्रस्त शेतकऱ्यांच्या मुलांच्या नोकरी संदर्भात नुकतीच मुंबईत झालेली बैठक अत्यंत सकारात्मक झाली. बैठकीनंतर प्रकल्पग्रस्तांना न्याय देण्यासाठी नुकतीच एक बैठक होऊन तीत पुढील रणनीती ठरवण्यात आली. प्रकल्पग्रस्तांना न्याय मिळवून दिल्याशिवाय आपण स्वस्थ बसणार नाही अशी स्पष्ट भूमिका प्रकल्पग्रस्तांचे नेते तथा भगवान सेनेचे सरसेनापती फुलचंद कराड यांनी व्यक्त केली.  प्रकल्पग्रस्तांची मुंबई येथे १० जानेवारी २०२३ रोजी बैठक झाली होती.  सकारात्मक व सफल संपन्न झालेल्या बैठकीत प्रकल्पग्रस्तांचे सर्व प्रश्न मार्गी लावण्यासाठी आज दिनांक १३/०१/२०२३ रोजी प्रकल्पग्रस्तांचे नेते तथा भगवान सेनेचे सरसेनापती फुलचंद कराड यांच्या परळी येथील संपर्क कार्यालयात कराड यांच्या उपस्थितीत प्रकल्पग्रस्तांची एक आढावा बैठक संपन्न झाली. सदर बैठकीत प्रकल...

  वंचित बहुजन आघाडीच्या वतीने नामविस्तार दिन उत्साहात साजरा परळी दि.१४( प्रतिनिधी)     14 जानेवारी महामानव डॉ. बाबासाहेब आंबेडकर मराठवाडा विद्यापीठ हा नामविस्तार दिवस पण या नामविस्तार दिवसाची वाट पाहण्यासाठी आंबेडकरवादी जनतेला सोळा वर्ष सतत रक्त, अश्रू सांडून अविरत संघर्ष करावा लागला. 14 जानेवारी 1994 पासून डॉ. बाबासाहेब आंबेडकर मराठवाडा विद्यापीठाचे प्रवेशद्वार हे आंबेडकरी समाजाचे प्रेरणास्थान बनले आहे. दरवर्षी 14 जानेवारी या दिवशी आंबेडकरी जनता डॉ. बाबासाहेब आंबेडकर मराठवाडा विद्यापीठाच्या प्रवेशद्वारा जवळ कृतज्ञता व्यक्त करण्यासाठी जमा होतो. श्रद्धेने गेट पुढे नतमस्तक होतात, नामांतर लढ्यात शहीद झालेला हुतात्म्यांना आदरांजली वाहतो व नवीन लढ्यांना सज्ज होतो.      हा इतिहास साक्ष ठेवून भारतभर डॉ. बाबासाहेब आंबेडकर मराठवाडा विद्यापीठ  नामविस्तार वर्धापन दिन विविध कार्यक्रमाने साजरा केला जातो.      परळीतही वंचित बहुजन आघाडीच्या वतीने येथील महामानव डॉ.बाबासाहेब आंबेडकर पुतळा(रेल्वे स्टेशन) येथे डॉक्टर बाबासाहेब आंबेडकर मराठवाडा विद्यापीठ ...

  विद्यापीठ नामांतराचा लढा हा सामाजिक अस्मितेचा होता- प्राचार्य डॉ संजय वाघमारे       परळी वैजनाथ...... जवाहर शिक्षण संस्थेच्या वैद्यनाथ कॉलेजमध्ये डॉ. बाबासाहेब आंबेडकर मराठवाडा विद्यापीठ, 29 वा नामविस्तार दिन साजरा करण्यात आला त्याप्रसंगी शिवजागृती महाविद्यालय नळेगाव ता.जि.लातूर येथील प्राचार्य , डॉ संजय वाघमारे यांनी विद्यापीठ नामांतराचा लढा हा सामाजिक अस्मितेचा लढा होता असे उद्गार काढले.या कार्यक्रमाच्या व्यासपीठावर कार्यक्रमाचे अध्यक्ष महाविद्यालयाचे प्राचार्य, डॉ.डी व्ही मेश्राम, प्रमुख व्याख्याते प्राचार्य डॉ. संजय वाघमारे, विद्यापरिषद सदस्य व लोकनेते गोपीनाथराव मुंडे संशोधन केंद्राचे सदस्य,डॉ.पी एल कराड, उपप्राचार्य प्रा.हरीश मुंडे, आय क्यू ए सीचे समन्वयक डॉ. बी व्ही केंद्रे, पर्यवेक्षिका प्रा. मंगला पेकमवार, समन्वयक प्रा. उत्तम कांदे यांची उपस्थिती होती.कार्यक्रमाचे प्रास्ताविक इतिहास विभाग प्रमुख डॉ.बी.के शेप यांनी नामांतर चळवळीची पार्श्वभूमी सांगून प्रमुख वक्त्याचा परिचय करून दिला. प्रमुख व्याख्याते डॉ.संजय वाघमारे यांनी नामांतर आंदोलन हे 1978 ते इ.स....

  धनंजय मुंडेंच्या दीर्घायूसाठी बजरंगबलीला महाभिषेक वायभटवाडीच्या दक्षिणमुखी मारुतीकडे घातले मुंडेंच्या सुरक्षेसाठी साकडे प्रतिनिधी लोकनेता सुरक्षित आणि सिद्ध व्हावा यासाठी समान्य जनता व समर्थक आपली सद्भावना आपल्या श्रद्धेचा ठायी व्यक्त करत असते. दक्षिणमुखी हनुमान तीर्थक्षेत्र वायभटवाडी हे बीड शहर नजीक असलेले जागृत देवस्थान; येथे माजी मंत्री आ धनंजय मुंडे यांच्या दीर्घायू साठी महाभिषेक घालण्यात आला. काही दिवसा पूर्वी झालेल्या अपघातातून सुखरूप असलेले लोकनेते धनंजय मुंडे यांना सुरक्षित ठेवावे यासाठी गावकरी जनतेने व मुंडे समर्थकांनी मिळून मारुती कडे साकडे घातले.      आपल नेतृत्व निरामयी व सुरक्षित असावे हे त्या नेत्याच्या माती व माणसाला नेहमीच वाटते; यासाठी ते आपल्या श्रद्धा अर्पित करत असतात. लोकनेते धनंजय मुंडे यांच्या आरोग्यासाठी बीड तालुक्यातील युवकांनी वायभटवाडी येथे बजरंगबलीला महाअभिषेक घातला. यात समाधान तावरे, संतोष सिंघन, कृष्णा सिंघन, पिनु साळुंके, नारायण निर्धार, हनुमान  साळुंके, बबन तावरे, पोलीस पाटील दत्ता शिंघन, कृष्णा निर्धार, सुरेश वायबट, सुरज वायभट, ...

 ■  आपघात: बसची धडक ; दुचाकीस्वार ठार केज .. भरधाव शिवशाही बसने दुचाकीला पाठीमागून जोराची धडक दिल्याने दुचाकीस्वार तरुणाचा जागीच मृत्यू झाल्याची घटना केज – अंबाजोगाई रस्त्यावरील कृषी विज्ञान केंद्राजवळ शुक्रवारी सकाळी ११ वाजेच्या सुमारास घडली. पोलिसांनी बस चालकासह बस ताब्यात घेतली असून तरुणाच्या मृतदेहाचे शनिवारी शवविच्छेदन करण्यात येणार आहे.              लातूर एसटी बस आगारातील चालक दत्तात्रय केरबा सांगळे हे शिवशाही बस ( एम. एच. ०६ बी. डब्ल्यू. ०८८७ ) औरंगाबादहून लातूरकडे घेऊन निघाले होते. केजहून ही बस लातूरकडे जात असताना शुक्रवारी सकाळी ११ वाजेच्या सुमारास केज – अंबाजोगाई रस्त्यावरील कृषी विज्ञान केंद्राजवळील उमराई फाट्यावर धम्मपाल बबन साखरे ( वय २९, रा. लोखंडी सावरगाव ता. अंबाजोगाई ) हा दुचाकीवरून ( एम. एच. ४४ ए. ९५२७ ) बसला ओव्हरटेक करून पुढे गेला. याचवेळी भरधाव शिवशाही बसने दुचाकीला पाठीमागून जोराची धडक दिली. या अपघातात गंभीर जखमी झालेल्या धम्मपाल बबन साखरे या तरुणाचा जागीच मृत्यू झाला.     दरम्यान, या घटनेची माहिती म...

  खा.डॉ.प्रितमताई मुंडेंच्या प्रयत्नाने बीड जिल्ह्य़ातील ९४ कोटी ०७ लक्ष रुपयांच्या प्रस्तावित रस्त्यांना मंजूरी बीड । दि. 13 राज्यातील ग्रामीण रस्त्यांचे प्रश्न मार्गी लावण्यासाठी केंद्रीय ग्रामविकास राज्यमंत्री साध्वी निरंजन ज्योती यांच्या अध्यक्षेतखाली दिल्ली येथे नुकतीच महाराष्ट्रातील लोकसभा सदस्यांची बैठक पार पडली होती. या बैठकीत खासदार डॉ. प्रितमताई मुंडे यांनी बीड जिल्ह्यातील प्रस्तावित रस्ते पुनश्च सादर करून निधी उपलब्ध करून देण्याची मागणी केली होती, त्यांच्या या मागणीला मोठे यश आले असून जिल्ह्यातील ग्रामीण रस्त्यांसाठी प्रधानमंत्री ग्रामसडक योजनेतून चौऱ्याण्णव कोटी सात लक्ष रुपयांच्या निधीला केंद्रीय ग्रामविकास मंत्रालयाने मंजुरी दिली आहे. ग्रामीण भागातील रस्त्यांची दैना फिटावी आणि नागरीकांना दर्जेदार रस्ते उपलब्ध करून देण्याकरिता खा. प्रितमताई मुंडे या नेहमीच प्रयत्नशील असतात, त्यांच्या याच प्रयत्नांच्या फलश्रुतीची जिल्हावासीयांना पुन्हा एकदा अनुभूती आली आहे. बीड जिल्ह्यातील प्रस्तावित रस्त्यांचे प्रश्न मार्गी लावण्याची मागणी खा. प्रितमताई मुंडे यांनी केल्यानंतर केंद्री...

पोलीस ठाण्याअंतर्गत सरकारी वाहन वापर: चौकशीची मागणी परळी वैजनाथ, प्रतिनिधी...         परळीतील तीन पोलीस ठाण्यात सरकारी मोटारसायकल व वाहनांचा वापर कोणत्या कारणांसाठी केला? याबाबत पेट्रोलिंग वाहनांचे आवक जावक नोंद, रजिस्टर नोंद, आदींची तपासणी करून  चौकशी करण्याची मागणी होत आहे.          पोलीस स्टेशन च्या सर्व मोटरसायकल  सकाळी वा संध्याकाळी पोलीस स्टेशन मध्ये  हजेरीवर लावाव्यात, मोटरसायकल कर्तव्यावर जाताना  ठाणे अमलादर यांचे कडील रजिस्टरवर सह्या करून चावी पोलीस स्टेशन मधून घेऊन जाणे,काम संपल्यावर पोलीस स्टेशनला आणून लावणे, चावी पोलीस ठाणे आमलदार यांचे कडे जमा करणे. तसेच लोग बुक लिहणे,  मोटरसायकल चे रजिस्टर दैनंदिन नोंद करणे ही जबाबदारी हे वाहन वापरणाऱ्याची आहे. यात कसुरी करणाऱ्यांची चौकशी करावी अशी मागणी होत आहे.        परळीतील शहर पोलीस ठाणे,संभाजीनगर पोलिस ठाणे व ग्रामीण पोलीस ठाणे या तीन पोलीस ठाण्या अंतर्गत वापरात असलेल्या सरकारी वाहनांच्या वापराचा गोषवारा व...

  संत वामनभाऊंच्या पुण्यतिथीनिमित्त यंदा हेलीकॉप्टरने गहिनीनाथगडावर होणार पुष्पवृष्टी जागतिक आरोग्य सल्लागार डॉ. तुकाराम नेहरकर यांच्या सौजन्याने होणार पुष्पवृष्टीचे आयोजन पाटोदा (दि. 14) - वैराग्यमूर्ती ह भ प संत श्री वामन भाऊ यांच्या पुण्यतिथी सोहळ्याच्या निमित्ताने पाटोदा तालुक्यातील श्री क्षेत्र गहिनीनाथ गड येथे प्रथमच हेलिकॉप्टर मधून पुष्पवृष्टी होणार आहे.  रविवार दि. 15 जानेवारी रोजी श्री क्षेत्र गहिनीनाथगडावर ह.भ.प. संत श्री वामन भाऊ यांच्या पुण्यतिथी सोहळ्याचे आयोजन करण्यात आले असून, घाटशीळ पारगाव येथील मूळ रहिवासी असलेले सामाजिक कार्यकर्ते तथा जागतिक आरोग्य सल्लागार डॉ. तुकाराम नेहरकर व सौ. रेखाताई तुकाराम नेहरकर यांच्या सौजन्याने समाधी मंदिरावर हेलिकॉप्टर मधून पुष्पवृष्टी करण्यात येणार आहे.  वैराग्यमूर्ती संत वामनभाऊ यांच्या पुण्यतिथी सोहळ्याच्या निमित्ताने दरवर्षी लाखो भाविक गडावर दर्शनासाठी येतात. यादिवशी संत वामन भाऊ यांच्या समाधी स्थळाचे विधिवत पूजन करण्यात येते, याच वेळेत नेहरकर दाम्पत्याच्या वतीने ही पुष्पवृष्टी करण्यात येणार आहे.

  रामराज्य स्थापन करण्यासाठी श्री राम यांना जाणून घेतले पाहिजे-सुश्री श्रेया भारतीजी दिव्य ज्योती जागृती संस्थान आयोजित श्रीराम कथेची हजारो भाविकांच्या उपस्थितीत भक्तीपूर्ण वातावरणात सांगता लातूर,परळी वैजनाथ/ प्रतिनिधी          गुरुदेव श्री आशुतोष महाराजजी यांच्या दिव्य मार्गदर्शनाखाली दिव्य ज्योति जाग्रति संस्थानच्या  वतीने ५ ते ११ जानेवारी २०२३ दरम्यान श्री मारवाडी राजस्थान शाळेच्या पाठीमागील ग्राउंड मध्ये सात दिवसीय भव्य श्री राम कथेचे आयोजन करण्यात आले आहे. कथेच्या सातव्या दिवशी, सुश्री श्रेया भारतीजी यांनी रामराज्य संदर्भातील रहस्यांचे उद्घाटन केले.मर्यादा पुरुषोत्तम श्री राम यांच्या मार्गदर्शनाखाली अयोध्येचे राज्य सर्व बाबतीत प्रगत झाल्याचे त्यांनी सांगितले. ही रामराज्याची खरी व्याख्या आहे का तर उत्तर नाही. रामराज्याची ही योग्य व्याख्या असेल, तर लंका ही भौतिक समृद्धी, संपन्नता, ऐश्वर्य, सुसंघटित सैन्यातही अग्रेसर होती. पण तरीही याला रामराज्याच्या बरोबरीचे म्हटले जात नाही कारण लंकेतील लोक मानसिक पातळीवर पूर्णपणे अविकसित होते.त्याच्यात आसुरी प्रव...

  सगळेच सारखे नसतात!!! का ल सोशल मीडियावर एक व्हिडिओ खूप व्हायरल होत होता, एका मंत्र्यांच्या पीए ने नोकरी लावण्यासाठी म्हणून पैसे घेतले आणि पैसे परत दिले नाहीत; म्हणून संबंधित व्यक्तीने त्याची धुलाई केली असा त्या व्हिडिओचा असा आशय होता.... पाहता पाहता व्हिडिओ व्हायरल झालाच! मात्र अनेक युट्युब चॅनेल,  वर्तमानपत्राच्या वेब पोर्टल आणि टीव्ही चॅनेल्सनी आणि आजच्या वर्तमानपत्रांनीही त्याबद्दलच्या बातम्या केल्या आहेत. मात्र याबद्दल कुणी खात्री केली का ? की घटना खरी आहे का खोटी, त्या मागचे सत्य काय ?  इतकी मोठी जबाबदार माध्यमे कोणत्याही गोष्टीची खात्री न करता एखाद्या व्हायरल झालेल्या व्हिडिओ वरून बातम्या कशा काय करू शकतात? याबद्दल आश्चर्य आणि खेदही वाटला...  सहज कुणाची बदनामी होईल किंवा शिळ्या कढीला उत येईल अन एखाद्याचे आयुष्य पणाला लागेल असा विचार कुणी मीडिया मधील मित्रांनी केला का ? इतरांप्रमाणे मीही किंवा आमच्या अनेक PA मित्रांनी जेव्हा तो व्हिडिओ पाहिला तेव्हा सर्वांनाच आश्चर्याचा धक्का बसला, कारण या व्हिडिओमध्ये दिसणारा आमचा सहकारी मित्र होता; मार्गदर्शन करणारा मार्गद...

  बंडातात्या कराडकर यांना पक्षाघाताचा झटका; पुढील उपचार पुण्यात, प्रकृती स्थिर  वारकरी संप्रदायातील धडाडीचे संत म्हणून ओळख असणारे आणि राज्यभर व्यसनमुक्तीची चळवळ चालवणारे हभप बंडातात्या कराडकर  यांना पक्षाघाताचा सौम्य झटका  आला आहे. त्यांच्यावर सातारा जिल्ह्यातील फलटण इथल्या निकोप हॉस्पिटलमध्ये उपचार केल्यानंतर पुण्यातील रुग्णालयात हलवण्यात आलं आहे. बंडातात्या यांची प्रकृती आता स्थिर असल्याची माहिती निकोप रुग्णालयातील डॉक्टर जे टी पोळ यांनी दिली.  बंडातात्या यांची प्रकृती स्थिर बंडातात्या कराडकर हे पुण्याहून कीर्तन करुन फलटण तालुक्यातील पिंप्रद इथल्या मठात आले होते. बंडातात्या यांना काल (12 जानेवारी) सकाळी त्रास जाणवू लागल्यावर निकोप हॉस्पिटलमध्ये त्यांच्या साधकांनी दाखल केले होते. यावेळी तात्यांचा रक्तदाब आणि शुगर खूपच वाढल्याने त्यांचा त्रास वाढला होता. यामुळे त्यांना पक्षाघाताचा सौम्य झटका येऊन गेल्याचे लक्षात येताच हॉस्पिटलमधील तज्ज्ञ वैद्यकीय पथकाने त्यांच्यावर उपचार सुरु केले. कालच्या उपचारानंतर तात्यांची प्रकृती स्थिर झाली. यानंतर त्यांचा MRI आणि अँजिओ...

  एसटी कर्मचाऱ्यांची संक्रांत गोड, पगारासाठी शासनाकडून ३०० कोटी निधी वितरीत मुंबई  : राज्यातील एसटी कर्मचाऱ्यांच्या पगारासाठी राज्य शासनाने ३०० कोटी रुपये वितरीत केले आहेत. यामुळे एसटी कर्मचाऱ्यांना मोठा दिलासा मिळाला आहे. एसटी कर्मचाऱ्यांना अद्याप नोव्हेंबर महिन्याचा पगार मिळालेला नव्हता. या पार्श्वभूमीवर राज्य शासनाने निधी वितरीत करण्याचा निर्णय घेतला आहे. महाराष्ट्र राज्य मार्ग परिवहन महामंडळातील कर्मचाऱ्यांचे नोव्हेंबर २०२२ चे वेतन अदा करण्यासाठी निधी उपलब्ध करावा, अशी विनंती उपाध्यक्ष व व्यवस्थापकीय संचालक, महाराष्ट्र राज्य मार्ग परिवहन महामंडळ, मुंबई यांनी पत्रान्वये शासनास विनंती केली होती. त्यानुषंगाने एसटी कर्मचाऱ्यांच्या नोव्हेंबर २०२२ च्या वेतनासाठी सन २०२२-२३ मधील गृह अर्थसहाय्य तरतूदीमधून ३०० कोटी एवढी रक्कम रोखीने प्रदान करण्यास मान्यता देण्यात येत असल्याचे शासन निर्णयात म्हटले आहे. एसटी कर्मचाऱ्यांचा पगार दर महिन्याच्या ७ तारखेला होतो. पण १२ तारीख उलटली तरी अद्याप कर्मचाऱ्यांना पगार मिळालेला नाही. यामुळे कर्मचाऱ्यांनी तीव्र नाराजी व्यक्त केली होती. याआधी २०२...

  वीजवितरणकडून सातत्याने गणेशपार विभागावर अन्याय; एकतर दोन दिवसाआड पाणी सुटते त्याचवेळी लाईट नसते - अश्विन मोगरकर  परळी वैजनाथ परळी शहरातील फक्त गणेशपार भागातच रोज सकाळी लाईट जात आहे, आधीच शहरात दोन दिवसाआड पाणी येत आहे त्यात सकाळी लाईट नसल्यामुळे महिला वर्गाची तारांबळ उडते आहे. हा आमच्या गणेशपार भागावरचा अन्याय आहे. ही अन्यायकारक लोडशेडिंग त्वरित बंद करण्यात यावी अन्यथा महावितरण समोर आंदोलन करण्याचा इशारा भाजपाचे अश्विन मोगरकर यांनी दिला आहे. परळी शहरातील फक्त गणेशपार भागातच महावितरण तर्फे लोडशेडिंग केली जात आहे. विजबिलांची पठाणी वसुली करत असलेले महावितरण थोडेसे बिल बाकी असेल तर वीज पुरवठा खंडित करते आहे. परंतु प्रामाणिकपणे वीज बिल भरणाऱ्या बहुसंख्य ग्राहकांना काही विजचोरांमुळे महावितरण अन्यायकारक लोडशेडिंगची शिक्षा देत आहे. शहरात गणेशपार भागातच वीज चोरी होते काय? इतर भागातही वीजचोरी आहेच परंतु लोडशेडिंग फक्त गणेशपार भागातच होत आहे. वीजचोरी थांबवणे हे महावितरण अधिकाऱ्यांचे कामच आहे, त्याची पगार त्यांना मिळते परंतु चोर सोडून संन्याशाला फाशी असा प्रकार परळीचे महावितरणचे अधिका...

  वैद्यनाथ कॉलेजमध्ये अल्पसंख्याक हक्क दिन वक्तृत्व स्पर्धा घेऊन साजरा परळी प्रतिनिधी -वैद्यनाथ कॉलेजमधील विशाखा समितीच्या वतीने अल्पसंख्यांक हक्क दिनाचे औचित्य साधून विविध स्पर्धाचे आयोजन करण्यात आले होते.  त्यात वकृत्व स्पर्धा घेऊन ॲड.शुभांगी गीते श्री प्रकाश सिंग तुसाम यांच्या उपस्थितीत पोस्टर प्रेसेंटेशन करण्यात आले. कार्यक्रमाचे अध्यक्ष स्थान महाविद्यालयाचे प्राचार्य डॉ. डी व्हि मेश्राम यांनी भूषवले .याप्रसंगी ॲड. शुभांगी गीते, प्रा तुसाम ,प्राध्यापक पेकंमवार, विशाखा समिती प्रमुख डॉ. अर्चना चव्हाण व प्रा.समीर रेणुकादास यांची उपस्थिती होती, मान्यवरांच्या शुभहस्ते दीपप्रज्वलन करून कार्यक्रमाची सुरुवात करण्यात आली ,कु. बोडवाले  सोमय्या ,इमानदार फरदीन, सय्यद मोहनीश फातेमा, सय्यद नेहा फातेमा, आदनान शेख ,समीर शेख, रयत रोडे अभिजीत रोडे या विद्यार्थ्यांनी सहभाग घेतला. पोस्टर प्रकाशनामधून अल्पसंख्यांकाची भाषा व संस्कृती विचार यांची मांडणी करण्यात आली. विद्यार्थ्यांच्या वकृत्व अल्पसंख्यांकाचे प्रश्न व परिवर्तनाचा प्रभाव असे मुद्दे विषय नमूद करण्यात आले निबंध स्पर्धेसाठी विद्...

  GNM नर्सिंग झालेल्या (तीन वर्षीय डिप्लोमा धारक ) नर्सिंग ऑफिसर यांना राज्य शासनाने CHO म्हणून तात्काळ नियुक्ती द्यावी   युनायटेड नर्सेस असोसिएशन तर्फे राज्यभर तीव्र आंदोलन करणार-अनिल जायभाये बीडकर  (पुणे )       दि.11.01.2023 बुधवार रोजी           उपसंचालक कार्यालय,आरोग्य सेवा पुणे येथे असे निवेदन देण्यात आले की केंद्र सरकार च्या नियमानुसार इतर राज्यांप्रमाणेच महाराष्ट्रातील ग्रामीण तसेच शहरी भागातील सामान्य माणसाला योग्य त्या आरोग्य सोयी सुविधा पुरवण्यासाठी व शेवटच्या घटकांपर्यंत आरोग्य यंञना तत्परतेने पोहचण्यासाठी ,सक्षम मनुष्य बळ उपलब्ध असावे व केन्द्र सरकार ने ईतर राज्यांना दिलेल्या निकषानुसार महाराष्ट्रात सुध्दा जनरल नर्सिंग मिडवाईफरी (GNM) या नर्सिंगच्या तीन वर्षीय डिप्लोमा धारक उमेदवार यांना कम्युनिटी हेल्थ ऑफिसर / समुदाय आरोग्य अधिकारी CHO म्हणून तात्काळ पदभरती मध्ये सहभागी करावे,नियुक्ती मिळावी व महाराष्ट्र राज्य शासनाने त्वरित अंमलबजावणी करावी अशी मागणी केली व भविष्यात मागणी मंजुर न झाल्यास राज्यभर आंदोलन ...

  विद्यार्थ्यांमधील कलागुणांना वाव मिळावा यासाठी विज्ञान प्रदर्शन अत्यंत महत्त्वाचे-प्रफुल्ल भदाणे दिल्ली वर्ल्ड पब्लिक स्कूल व गटशिक्षण अधिकारी कार्यालय यांच्या संयुक्त विद्यमाने आयोजित विज्ञान व गणित प्रदर्शनाचे मान्यवरांच्या उपस्थितीत उद्घाटन  परळी, (प्रतिनिधी):- तालुकास्तरीय विज्ञान प्रदर्शन दिल्ली वर्ल्ड पब्लिक स्कूल व गटशिक्षण अधिकारी कार्यालय यांच्या संयुक्त विद्यमाने भरवण्यात आले. ही बाब अत्यंत अभिनंदनीय आहे. या विज्ञान प्रदर्शनामुळे विद्यार्थ्यांमधील कलागुणांना नक्कीच वाव मिळणार असून अशा प्रकारचे विज्ञान प्रदर्शन तालुकास्तरावर भरवणे यासाठी प्रचंड कष्ठ मेहनत घ्यावी लागते.योग्य नियोजन करावे लागते. परळी येथे तालुकास्तरीय विज्ञान व गणित प्रदर्शन भरवल्यामुळे आयोजकांचे करावे तेवढे कौतुक थोडेच आहे. असे प्रतिपादन परळी औष्णिक विद्युत केंद्राचे मुख्य अभियंता प्रफुल्ल भदाणे यांनी 50 व्या विज्ञान गणित प्रदर्शन उद्घाटन प्रसंगी केले.   दिल्ली वर्ल्ड पब्लिक स्कूल येथे 50 सावे विज्ञान व गणित प्रदर्शनाचे आयोजन करण्यात आले असून या प्रदर्शनाचे उद्घाटन परळी औष्णिक विद्युत केंद्राचे ...

  मराठवाड्यासाठी रेल्वेचे स्वतंत्र झोन स्थापन करा-चंदुलाल बियाणी परळी/ प्रतिनिधी- मराठवाडा विभागात अनेक ठिकाणी रेल्वे कार्यरत असल्या तरी या सर्व रेल्वेवर मध्य रेल्वेच्या सिकंदराबाद विभागाचे वर्चस्व असून मराठवाड्यातील अनेक प्रश्नांना सोडविण्याऐवजी ते प्रश्न जशास तसे पडलेले आहेत. या पार्श्वभुमीवर मराठवाड्यासाठी स्वतंत्र रेल्वे झोन अथवा प्राधिकरण मंजुर करुन या प्रदेशाचा विकासाचा अनुशेष भरुन काढावा अशी मागणी परळी रेल्वे संघर्ष समितीचे अध्यक्ष तथा निमंत्रक चंदुलाल बियाणी व सचिव जी.एस. सौंदळे यांनी केली आहे.  रेल्वेमंत्री ना. अश्विनी वैष्णव यांना परळी रेल्वे संघर्ष समितीच्या वतीने एका निवेदनाद्वारे अतिशय मागासलेल्या मराठवाडा विभागातील रेल्वे विकासाचा अनुशेष भरुन काढण्यासाठी स्वतंत्र रेल्वे झोन मंजुर करण्याची मागणी समोर ठेवली आहे. मराठवाडा प्रदेश स्वातंत्र्यापुर्वी हैदराबादच्या निजामशाहीच्या अधिपत्याखाली होता. भाषावार प्रांत रचनेनंतर हा भाग महाराष्ट्रात बिनशर्त सामील झाला होता. परंतु स्वातंत्र्यानंतरची 75 वर्ष उलटूनही लातूररोड ते लातूर या 33 किमी लांबीच्या रेल्वे मार्गाशिवाय एक मिटर ...

  महिलांचा सन्मान करणे हीच जिजाऊंना खरी आदरांजली- डॉ.शालीनी कराड  पौळ पिंप्री येथे जिजाऊंचे भव्य स्मारक उभारणार !- लक्ष्मण  पौळ सिरसाळा (प्रतिनिधी) प्रत्येकानं आपल्या घरातील,तसेच समाजातील महिलांचा सन्मान करने हिच खरी राजमाता जिजाऊना आदरांजली ठरेल असे प्रतिपादन डॉ. शालिनीताई कराड यांनी पौळ पिंपरी येथे जिजाउ जयंती निमित्त बोलताना केले.     मागील तीन वर्षांपासून जिजाउ जयंती निमित्त ' सन्मान जिजाऊंच्या लेकींचा ' या उपक्रमांतर्गत कर्तुत्ववान महिलांचा व विद्यार्थिनींचा  सन्मान केला जातो. ही संकल्पना राबवणारे जिजाऊ प्रतिष्ठानचे मुख्य मार्गदर्शक  राष्ट्रवादी काँग्रेसचे परळी तालुकाध्यक्ष लक्ष्मण तात्या पौळ हे आपल्या मनोगतात बोलताना  म्हणाले की, सिंदखेड  राजा येथील मातृतिर्थापासून प्रेरणा घेऊन पौळ पिंपरी येथे जिजाऊंचे स्मारक उभारले आहे .येणाऱ्या काळात हे आणखी भव्य  केले जाईल व 'सन्मान जिजाऊंचा लेकिंचा' या उपक्रमाची व्याप्ती आणखी वाढवली जाईल.  तसेच येणाऱ्या काळात जिजाऊची जयंती हा पिंपरी ग्रामस्थांचा ग्रामोत्सव होईल असे म्हणाले.   कार...

प्रधानमंत्री आवास योजना: पहिला हप्ता उचलला पण बांधकाम केले नाही !  लाभार्थ्यांनी घरकुलांचे बांधकाम तात्काळ सुरु करावे - मुख्यधिकारी  परळी वैजनाथ  (प्रतिनिधी) :- प्रधानमंत्री आवास योजनेअंतर्गत घरकुल मंजुर झालेल्या पहिला हप्ता उचलुन घरकुलाचे पहिल्या टपायातील बांधकाम सुरु केलेले नाही अशा लाभार्थ्यांनी पंधरा दिवसात मंजुर घरकुलाचे पहिल्या टपायातील बांधकाम करावे अन्यथा घरकुलाची मंजुरी रद्द करुन उचललेल्या पहिल्या टप्याची रक्कम कायदेशीर परत घेतली जाईल अशा नोटीसा परळी नगरपालिकेने संबंधीत लाभार्थ्यांना काढल्या आहेत. प्रधानमंत्री आवास योजनेतील पहिला हप्ता उचलुनही बांधकाम न करणार्या लाभार्थ्यांनी घरकुलांचे बांधकाम तात्काळ सुरु करावे अन्यथा पहिला हप्ता उचलुनही बांधकाम न करणार्या लाभार्थ्यांचे घरकुल रद्द करण्यात येणार अशी माहिती नगर परिषदचे मुख्यधिकारी एस. ए. बोंदर यांनी दिली आहे.                   दिलेल्या पत्रकात म्हटले आहे की, नगर परिषद परळी वैजनाथ क्षेत्रातील प्रधानमंत्री आवास योजनेमध्ये बिएलसी या घटकाअंतर्गत घरकुल मंजुर झालेल्या पहिल्या...

  सोमवार दि.१६ जानेवारीला स्व.श्यामराव देशमुख स्मृतिसमारोहाचे मा. नंदकुमार ठाकूर यांच्या शुभहस्ते उद्‌घाटन  प्रभाकर साळेगावकर यांची प्रमुख उपस्थिती परळी, दि. 12/01/2023 (प्रतिनिधी)    येथील कै.लक्ष्मीबाई देशमुख महिला महाविद्यालयाच्या प्रांगणात दिनांक 16 जानेवारी 2023 ते 19 जानेवारी 2023 दरम्यान संस्थेचे संस्थापक अध्यक्ष स्व.श्यामरावजी देशमुख यांच्या स्मृतिप्रीत्यर्थ स्मृतिसमारोहाचे आयोजन करण्यात आले आहे. या समारोहाचे उद्‌घाटन बीड जिल्ह्याचे पोलीस अधीक्षक मा. नंदकुमार ठाकूर यांच्या शुभहस्ते सोमवार दि.16 / 01 / 2023 रोजी सकाळी 11:00 वाजता संपन्न होणार आहे.यावेळी महाराष्ट्रातील सुप्रसिद्ध कवी मा. प्रभाकर साळेगावकर यांची प्रमुख उपस्थिती राहील. तर कार्यक्रमाच्या अध्यक्षस्थानी संस्थेचे अध्यक्ष , मा.संजयजी देशमुख हे असतील.        सुप्रसिद्ध व्याख्याते मा.अविनाश भारती (औरंगाबाद )यांच्या 'आई - बाप दैवत माझे' या विषयावरील व्याख्यानाने स्मृतिसमारोहातील यावर्षीचे पहिले पुष्प गुंफले जाणार आहे. अगदी आई - वडिलांनी मुलांसोबत ऐकावे असे हे दर्जेदार व्याख्यान आहे. ...

पंतप्रधान नरेंद्र मोदी 19 जानेवारीला मुंबई दौऱ्यावर; विविध कार्यक्रमांना हजेरी लावणार ------ मुंबई : पंतप्रधान नरेंद्र मोदी येत्या 19 जानेवारीला मुंबई दौऱ्यावर येणार असल्याची माहिती समोर येत आहे. राज्यातील सत्ता संघर्षानंतर पहिल्यांदाच पंतप्रधान मुंबईत येत आहे. नरेंद्र मोदी मुंबईतील विविध कार्यक्रमांना हजेरी लावणार असून  मेट्रो 2 A आणि मेट्रो 7 चे लोकार्पण त्यांच्या हस्ते होण्याची शक्यता वर्तवण्यात येत आहे. राज्यातील सत्ता संघर्षानंतर पहिल्यांदाच पंतप्रधान नरेंद्र मोदी मुंबई दौऱ्यावर येणार आहेत. मोदींच्या स्वागतासाठी मुंबई आणि प्रदेश भाजपने जोरदार तयारी केली आहे. या संदर्भात आज मुख्यमंत्री आणि उपमुख्यमंत्र्यांच्या उपस्थितीत सह्याद्रीवर महत्त्वपुर्ण बैठक होणार आहे. भाजपने मिशन मुंबई महापालिका निवडणूक सुरू केलं आहे. मुंबई महापालिका निवडणूकीच्या पार्श्वभूमीवर मोदींच्या दौऱ्याला मोठे महत्त्व आहे. महाविकास आघाडी स्थापन होऊन आता जवळपास अडीच वर्ष होत आली आहेत असं असताना भाजपनं मिशन 2024 च्या नावाखाली मोर्चेबांधणी सुरू केली. आगामी काळात मुंबई महानगरपालिकेच्या निवडणुका आहेत. मुंबई महानगरपाल...

  जि प प्रा शा संगम शाळेत राजमाता जिजाऊ व युगपुरुष स्वामी विवेकानंद यांची जयंती उत्साहात साजरी परळी      आज दि 12 जानेवरी रोजी जि प प्रा शा संगम ता परळी शाळेत राजमाता जिजाऊ व युगपुरुष स्वामी विवेकानंद यांची जयंतीउत्साहात साजरी करण्यात आली.यावेळी मुलींनी राजमाता जिजाऊ यांच्या वेशभूषात येऊन सहभाग नोंदवला. यावेळी विध्यार्थ्यांनी राजमाता जिजाऊ व स्वामी विवेकानंद यांच्या विषयी माहिती सांगितली. विध्यर्थिनी राधिका वाघमारे हिने बहारदार सूत्रसंचालन केले  यावेळी मुख्याध्यापक अशोक नावंदे,सहशिक्षक सर्वश्री महादेव गित्ते,सचिन फड व श्रीमती बबिता शिंदे मॅडम यांनी मार्गदर्शन केले .

  जिजाऊ व विवेकानंद जयंतीनिमित्त वैद्यनाथ महाविद्यालयात वक्तृत्व स्पर्धा     परळी वैजनाथ,दि.१२-                  राष्ट्रमाता जिजाऊ व स्वामी विवेकानंद यांच्या जयंतीनिमित्त येथील वैद्यनाथ महाविद्यालयात विद्यार्थ्यांसाठी विविध विषयांवर वक्तृत्व स्पर्धा घेण्यात आली. या स्पर्धेचे उद्घाटन महाविद्यालयाचे प्राचार्य डॉ.डी.व्ही. मेश्राम यांच्या हस्ते पार पडले. यावेळी व्यासपीठावर उपप्राचार्य एच.डी. मुंडे, पर्यवेक्षिका एम. एन. पेकमवार, स्पर्धेचे परीक्षक प्रा.डा. अर्चना चव्हाण, प्रा. डॉ. आर. जे. चाटे, प्रा. दिलीप गायकवाड तसेच संयोजक प्रा.डा. एन. एम. आचार्य आदी मान्यवर उपस्थित होते.                प्रारंभी प्राचार्य डॉ.मेश्राम व मान्यवरांनी दोन्ही महापुरुषांच्या प्रतिमांना अभिवादन केले व नंतर दीप प्रज्वलनाने स्पर्धेचे उद्घाटन झाले. यावेळी प्राचार्य डॉ.डी.व्ही.मेश्राम यांनी दोन्ही महापुरुषांच्या जीवन व कार्यावर प्रकाश टाकला.  ते म्हणाले- राष्ट्रमाता जिजाऊंनी प्रतिकूल परिस्थितीत देखील  कठो...

  राजमाता जिजाऊंचे संस्कारच हिंदवी स्वराज्याचा पाया होता-प्रल्हाद सावंत राजमाता जिजाऊ यांची जयंती पवनराजे अर्बन निधीत उत्साहात साजरी परळी वैजनाथ/ प्रतिनिधी राजमाता जिजाऊ यांची जयंती आज गुरुवार दिनांक 12 जानेवारी रोजी पवनराजे अर्बन मल्टीपर्पज निधीत मोठ्या उत्साहात साजरी करण्यात आली. येथील छत्रपती शिवाजी महाराज चौक जवळील पवनराजे अर्बन मल्टीपर्पज निधीत राजमाता जिजाऊ यांची जयंती आज 12 जानेवारी रोजी उत्साहात साजरी करण्यात आली. प्रारंभी राजमाता जिजाऊ यांच्या प्रतिमेस अध्यक्ष श्री प्रल्हाद सावंत यांच्या हस्ते पुष्पहार अर्पण करून अभिवादन करण्यात आले.  याप्रसंगी बोलताना श्री प्रल्हाद सावंत म्हणाले की, छत्रपती शिवाजी महाराजांनी अठरा पगड जातीच्या मावळ्यांना एकत्र करून हिंदवी स्वराज्य निर्माण केलं. रयतेला भरडणाऱ्या आणि रयतेवर अनन्वित अन्याय करणाऱ्या जुलमी राजवटींविरोधात छत्रपती शिवरायांनी शड्डू ठोकला. सोबत होते फक्त मुठभर मावळे...स्वराज्यावर आलेली अनेक संकट या मावळ्यांनी अंगावर झेलली. प्रसंगी बलिदान दिलं पण स्वराज्याची ज्योत नेहमीच तेवत ठेवली. छत्रपती शिवरायांनी स्वराज्य घडवलं खरं, पण त्य...