माझी बातमी MB NEWS

 पञकार धनंजय आढाव यांना पितृशोक  दशरथ आढाव यांचे वृद्धापकाळाने निधन  परळी l प्रतिनिधी दैनिक दिव्य मराठी परळी तालुका प्रतिनिधी धनंजय आढाव यांचे वडिल दशरथ आढाव यांचे आज शनिवार दि.22 मे रोजी दुपारी 12 वाजण्याच्या सुमारास वृद्धापकाळाने दुःखद निधन झाले आहे. मृत्यूसमयी ते 72 वर्षांचे होते.  मौजे निळा येथील दशरथ दादा आढाव यांचे अल्पशा आजाराने शनिवार, दि.22 मे रोजी दुपारच्या सुमारास निधन झाले. अचानक त्यांना प्रकृती अस्वास्थ्य जाणवू लागल्याने रुग्णालयात दाखल करण्यात आले होते. डक्टरांनी तपासणी केल्यानंतर प्राणज्योत मालवल्याचे कळवले. दशरथ दादा आढाव हे निळा व पंचक्रोशीतील सर्वपरिचित व्यक्तिमत्त्व होते. धार्मिक आणि आध्यात्मिक कार्यक्रमांत त्यांचा हिरीरीने सहभाग असायचा. अतिशय शांत, संयमी आणि लोकपरिचित व्यक्तिमत्त्व काळाच्या पडद्याआड गेल्याने सर्वत्र हळहळ व्यक्त होत आहे. त्यांच्या पश्चात पत्नी, दोन मुलं, एक मुलगी, सुना व नातवंडे असा मोठा परिवार आहे. आढाव कुटुंबावर कोसळलेल्या दुःखात परळीचा संपूर्ण पत्रकार परिवार सहभागी आहे.

 *सेवानिवृत्त शिक्षक उत्तम बांगर यांचे निधन* परळी वैजनाथ - शहरातील गणेशपार भागातील रहिवासी असलेले उत्तम भगवानराव बांगर यांचे काल गुरुवार दि.20 रोजी रात्री 8 च्या सुमारास निधन झाले.मृत्यसमयी ते 72 वर्षांचे होते.जिल्हा परिषद माध्यमिक शाळेत त्यांनी अनेक वर्षे शिक्षक म्हणून आपले कर्तव्य पार पाडले. गणेशपार येथील मूळ रहिवासी असलेले उत्तम बांगर यांचा सर्वदूर परिचय होता.गेले काही वर्षांपासून ते पुणे येथे वास्तव्यास होते. गुरुवारी रात्री हृदय विकाराचा झटका आल्याने त्यांची प्राणज्योत मालवली.बांगर यांच्या पार्थिवावर पुणे येथे अंत्यसंस्कार करण्यात आले. त्यांच्या पश्चात पत्नी,मुलगी, 2 मुले असा परिवार आहे.

  पाच दिवसाच्या अंतराने काळे पितापुत्राचे निधन  वैदिक क्षेत्रातील चाणक्य हरवले  समाजावर शोककळा-समाधान कुलकर्णी  प्रतिनिधी-परळी कासारवाडी.ता.बार्शी येथील वेद विज्ञान आश्रमाचे रघुनाथ उर्फ केतन नानासाहेब काळे वय 53 यांचे अल्पशा आजाराने निधन झाले आहे त्याच्या पश्चात आई पत्नी मुलगा मुलगी दोन भाऊ असा परिवार आहे काल रात्री त्याच्यां पार्थिवावर अंत्यसंस्कार करण्यात आले पाच दिवसापूर्वीच 15 मे रोजी केतन काळे यांचे सुपुत्र भार्गव वय.26 यांचेही अल्पशा आजाराने निधन झाले होते पाच दिवसांच्या अंतरावर एकाच कुटुंबातील वडिल आणि मुलाचे निधन झाल्याने शेकडो युवकांना संस्काराने घडविणाऱ्या कुटुंबावर शोककळा पसरली आहे बार्शीतील पहिले संघचालक कै.बाबासाहेब काळे यांचे ते नातु.होत कै नानासाहेब यांच्या नेतृत्वाखाली देश विदेशापर्यंत अनेक ठिकाणी वैदिक कार्यक्रम पिता पुत्राने केले त्यांची वैदिक.करण्याची पद्धत खुप छान होती विद्यार्थ्यांवर आई वडिलासारखा प्रेम करणे हे गुण अंगिकारण करणे हे गुरूजीच्या स्वभावच होता कोणालाही परका समजला नाही विद्यार्थ्यांवर अन्याय होऊ दिला नाही हेच आमचे माय बाप आहेत अस म्हणत...

 *गोपीनाथ मुंडे प्रतिष्ठानच्या आयसोलेशन सेंटरमधील रूग्णांना मिळतोय गोपीनाथ गडावरील आंब्यांचा गोडवा !* *पंकजाताई मुंडे घेत असलेल्या काळजीबद्दल रूग्णांच्या चेहर्‍यांवर कृतज्ञतेचे भाव*  परळी । दिनांक २०।  गोपीनाथ मुंडे प्रतिष्ठान मार्फत सुरू असलेल्या आयसोलेशन (विलगीकरण) सेंटरमधील रूग्णांना दररोजच्या जेवणात गोपीनाथ गडावरील मधुर आणि रसाळ आंब्यांची चव चाखायला मिळत आहे. पंकजाताई मुंडे यांच्या आग्रही सूचनेनुसार प्रतिष्ठानच्या टीमने अक्षय्य तृतीयेपासून रूग्णांच्या दैनंदिन आहारात याचा समावेश केल्याने जेवणाची लज्जत आणखी वाढल्याचे समाधान रूग्णांच्या चेहर्‍यावर दिसून येत आहे.   लोकनेते गोपीनाथराव मुंडे साहेबांना आंबा, चिंच, बोरं, जांब अशी विविध प्रकारची फळं खूप आवडायची. या सर्व फळांची झाडे पंकजाताई मुंडे यांनी गोपीनाथ गडावर लावलेली आहेत. सध्या मोसम असल्याने मोठया प्रमाणावर आंबे आले आहेत. सदर आंबे लोकनेत्याचा 'प्रसाद' म्हणून आयसोलेशन सेंटर मधील रूग्णांना द्यावीत अशी सूचना पंकजाताई मुंडे यांनी कार्यकर्त्यांना केली होती, त्यानुसार त्यांनी गडावरील आंबे सेंटरमध्ये पोहोचवली. डाॅक्टरां...

  शालेय क्रमिक पुस्तकांचा नियोजनबध्द विनियोग करून शासनाच्या शेकडो कोटी रुपयांची बचत करा  चंदुलाल बियाणी यांचे मुख्यमंत्री, उपमुख्यमंत्री, शालेय शिक्षण मंत्री व विविध खात्याच्या मंत्र्यांना निवेदन   परळी l प्रतिनिधी      इयत्ता १ ली ते ८ वी पर्यंतची सर्व विषयांची व सर्व माध्यमांची पुस्तके विद्यार्थ्यांना मोफत वाटप करण्यात येतात. मागील शैक्षणीक वर्षापासून कोरोना महामारीमुळे सर्व शाळा बंद आहेत. इयत्ता १ ते ४ थी च्या शाळा उघडल्याच नाहीत तर इतर इयत्तांचे वर्ग काही दिवसच भरले त्यातच अभ्यासक्रमही कपात केला गेला. आँनलाईन शिक्षणामुळे पाठ्यपुस्तके फारशी वापरली गेली नाहीत. बंद मुळे शाळांना सर्व विद्यार्थ्यांना पुस्तके देणे शक्य झाले नाहीं त्यामुळे गतवर्षी छापण्यात आलेली पुस्तके तशीच पडून आहेत. या पुस्तकांचा विनियोग करण्यात यावा जेणेकरून दरवर्षी मराठी, इंग्रजी, उर्दूसह अनेक भाषांची पुस्तके छापण्यास येणारा शेकडो कोटी रुपयांची बचत होऊ शकते अशा आशयाचे निवेदन बीड जिल्हा नियोजन समितीचे सदस्य तथा राष्ट्रवादी काँग्रेसचे जिल्हा उपाध्यक्ष चंदुलाल बियाणी यांनी मुख्यमंत्री उद्धव ...

  महिला सक्षमीकरण व समाजोपयोगी उपक्रमावर भर देणारी प्रशासक डॉ. रेखा परळीकर कै .लक्ष्मीबाई देशमुख महिला महाविद्यालयाच्या प्राचार्या , डॉ .रेखा परळीकर हे नाव विद्यापीठ परिक्षेत्रात सर्वपरिचित असं नाव होतं. त्यामुळे या परिक्षेत्रात आमच्या महाविद्यालयाची एक वेगळी ओळख निर्माण झाली होती.विद्यापीठाच्या सिनेट मेंबर व विद्या परिषद सदस्य म्हणूनही काही काळ त्यांनी उत्कृष्ट कार्ये केलं. त्यांच्या उल्लेखनीय कामगिरीमुळे विद्यापीठात त्यांचा दबदबा होता .एक वेगळे वजन होते.         आमच्या महाविद्यालयात त्या २००३पासून कार्यरत होत्या . या दीड तपाच्या कालावधीत महाविद्यालयात काही धाडसी निर्णय त्यांनी घेतले . त्यामुळे कर्मचाऱ्यांचे प्रश्न , विद्यार्थ्यांचे प्रश्न सुव्यवस्थित मार्गी लागण्यास त्यांच्या भूमिकांची चांगलीच मदत आम्हाला झाली. त्यांच्या उत्तम कार्यशैलीमुळे ' नॅक ' मूल्यांकनात महाविद्यालयाने दोनदा ' बी ' दर्जा प्राप्त केला . ही आमच्यासाठी भूषणावह बाब आहे . संस्थेचे संस्थापक अध्यक्ष आमचे वडील आदरणीय स्व . श्यामरावजी देशमुख यांच्या स्मृतिप्रीत्यर्थ घेतलेली 'आंतरविद्यापीठीय...

  प्रेमी युगुलाची गळफास घेऊन आत्महत्या राजेवाडीतील घटना : झाडाच्या फांदीला एकाच ओढणीने घेतला गळफास अंबाजोगाई : तालुक्यातील राजेवाडी येथील २४ वर्षीय तरुण आणि १८ वर्षीय तरुणीने झाडाच्या फांदीला एकत्रित गळफास घेऊन आत्महत्या केल्याची घटना बुधवारी (दि.१९) दुपारी उघडकीस आल्याने खळबळ उडाली आहे. प्रेमप्रकरणातून त्या दोघांनी आत्महत्या केल्याचा संशय व्यक्त होत आहे.  अनिता शेषेराव राठोड (वय १८) आणि प्रवीण सुधाकर काचगुंडे (वय २४) दोघेही रा. राजेवाडी, ता. अंबाजोगाई अशी त्या दोघा मयतांची नावे आहेत. सूत्रांनी दिलेल्या माहितीनुसार अनिता आणि प्रवीण हे दोघेही बुधवारी पहाटे तीन वाजताच्या सुमारास आपापल्या घरातून बाहेर पडले होते. त्यानंतर त्यांनी सकाळी अंदाजे ११ वाजताच्या आसपास राजेवाडी शिवारातील गायरानाच्या उतारावरील लिंबाच्या झाडाच्या एकाच फांदीला एकाच ओढणीच्या साह्याने गळफास घेऊन आत्महत्या केली. दुपारी ४ वाजताच्या सुमारास काही ग्रामस्थांच्या ही घटना लक्षात आल्यानंतर त्यांनी अंबाजोगाई ग्रामीण पोलिसांना त्याबाबत माहिती दिली. ग्रामीण ठाण्याचे पोलीस निरिक्षक महादेव राऊत, उपनिरिक्षक केंद्रे, बीट अंम...

 * नागापुर धरणाच्या दोनपैकी एकाच कालव्यातुन सोडले पाणी; डाव्या कालव्यातून पाणी सोडण्याची मागणी *परळी वै.ता.१९ प्रतिनिधी* नागापुर वाण धरणाला असलेल्या दोन्ही कालव्यातुन पाणी सोडण्यात यावे. डाव्या कालव्यावर असलेली चार गावे मात्र पाण्या पासुन वंचित आहेत. मागील काही वर्षात हीच प्रथा पडत असल्याने शेतकऱ्यांमध्ये प्रशासना विषयी संताप व्यक्त करण्यात येत आहे.        तालुक्यातील वाण धरणात यावर्षी मे महिन्याच्या मध्या पर्यंत ४१ टक्के पाणी साठा शिल्लक आहे. धरणाखालील शेतकरी व नागरिकांना पाण्याची टंचाई भासु नये यासाठी जिल्हाधिकारी यांनी दोन दिवसापुर्वी उजव्या कालव्यातुन वाण नदित पाणी सोडले आहे. धरणाला दोन कालवे असताना एकाच कालव्यातुन पाणी सोडताना भेदभाव केलेला दिसुन येतो. डावा कालव्या खाली असलेल्या नागापुर, माळहिवरा, तडोळी वडखेल च्या शेतकऱ्यांना पाण्या पासुन वंचित ठेवण्यात येत आहे. विशेष म्हणजे डाव्या कालव्यातुन उजव्या कालव्याच्या निम्मे पाणी सोडले तरी चारही गावांना चांगला फायदा होतो. मागील दहा वर्षात डावा कालवा लाभ क्षेत्रातील शेतकरी नागापुर धरणाच्या पाण्या पासुन वंचित रहात आ...

 *राष्ट्रवादी काँग्रेस डॉक्टर सेलने राज्यभरात हॅलो डॉक्टर टेलीमेडिसिन हेल्पलाईन सेवा सुरू करावी-ना.धनंजय मुंडे* _परळीतील सेवाधर्म उपक्रम सर्वांसाठी आदर्श-डाॅ.नरेंद्र काळे_ * सेवाधर्म उपक्रमांतर्गत आता हॅलो डॉक्टर टेलीमेडिसिन हेल्पलाईन सेवचे ना.धनंजय मुंडे यांच्या हस्ते उद्घाटन*    *परळी वैजनाथ, प्रतिनिधी...            सध्याच्या कठीण काळात शक्य तेवढ्या वैद्यकीय सेवा उपलब्ध करुन देणे गरजेचे आहे.परळीत सेवाधर्म उपक्रमांतर्गत आता हॅलो डॉक्टर टेलीमेडिसिन हेल्पलाईन सेवा सुरू केली ही आनंदाची बाब आहे.राष्ट्रवादी काँग्रेस डॉक्टर सेलने राज्यभरात हॅलो डॉक्टर टेलीमेडिसिन हेल्पलाईन सेवा सुरू करावी अशी अपेक्षा राज्याचे सामाजिक न्याय व विशेष सहाय्य मंत्री तथा बीडचे पालकमंत्री ना.धनंजय मुंडे यांनी व्यक्त केली.तर परळीतील सेवाधर्म उपक्रम सर्वांसाठी आदर्श असल्याचे राष्ट्रवादी काँग्रेस डॉक्टर सेलचे प्रदेशाध्यक्ष डाॅ.नरेंद्र काळे यांनी सांगितले.                  ना.धनंजय मुंडे यांच्या मार्गदर्शनाखाली राबविण्यात येत असले...

 • *सेवाधर्म :महिला व लहान मुलांमुलींंच्या  विलगीकरण केंद्रातुन कोरोनामुक्त  रुग्ण निश्चिंत होऊन जातात घरी* ⬛  *_धनुभाऊ व त्यांचे सहकारी तसेच डाॅक्टर, आरोग्य सेवा देणारांचे रुग्णांकडून आभार_* ⬛ परळी । प्रतिनिधी      ना.धनंजय मुंडे यांच्या मार्गदर्शनाखाली राबविण्यात येत असलेल्या सेवाधर्म उपक्रमांतर्गत सुरू करण्यात आलेल्या महिला व लहान मुलांमुलींंच्या  आयसोलेशन (विलगीकरण) सेंटर मधील रुग्ण योग्य उपचार व मुदतीनंतर  कोरोनामुक्त रुग्ण निश्चिंत होऊन घरी जात आहेत. याठिकाणी मिळालेल्या सेवा-सुविधा, सकारात्मक वातावरण व नियमित तपासणी यामुळे रुग्णांना समाधान मिळत आहे.बरे होउन जाणारे रुग्ण धनुभाऊ व त्यांचे सहकारी तसेच डाॅक्टर, आरोग्य सेवा देणारांचे  आभार मानत आहेत.           राज्याचे सामाजिक न्याय व विशेष सहाय्य मंत्री तथा बीडचे पालकमंत्री ना धनंजय मुंडे यांच्या संकल्पनेतून  कोरोना बाधित महिला व लहान मुले यांच्या साठी  १०० बेडचे मोफत विलगीकरण केंद्र सुरू करण्यात आलेले आहे. या केंद्रात भरती झालेल्या रूग्णांची अगदी कुट...

  परळी तालुका क्रीडा संयोजक बालाजी अनकाडे यांचे निधन;परळीच्या क्रीडा क्षेत्रातील शांत व संयमी चेहरा हरवला  परळी वैजनाथ, प्रतिनिधी.....     परळी शहरात विविध क्रीडा उपक्रमांतर्गत हिरीरीने भाग घेत क्रीडा चळवळ सक्रिय करण्यात मोलाचे योगदान असणारे सर्व परिचित क्रीडा शिक्षक तथा परळी तालुका क्रीडा संयोजक बालाजी अनकाडे यांचे निधन झाले आहे. मृत्यू समयी ते ५५ वर्षे वयाचे होते.त्यांच्या निधनाने परळीच्या क्रीडा क्षेत्रातील शांत व संयमी चेहरा हरवला आहे.       श्री. बालाजी अनकाडे हे गेल्या अनेक वर्षांपासून परळीत शिक्षक म्हणून सेवेत आहेत.मुळचे कंधार जि.नांदेड येथील अनकाडे सर यांनी परळी तालुका क्रीडा संयोजक म्हणून चांगली जबाबदारी पार पाडली जिल्हा परिषद कन्या प्रशाला परळी वै येथे ते सेवेत होते.परळी तालुक्यात क्रीडा स्पर्धा संयोजक म्हणून त्यांनी मोठे योगदान दिले.परळीतील क्रीडासंबंधी सर्व उपक्रमात ते नेहमी सक्रीय सहभागी असायचे.विविध शिबीरे, क्रीडा स्पर्धा, विविध संस्था, संघटना आयोजित क्रिडाविषयक उपक्रमांत त्यांनी हिरिरीने सहभाग घेतला आहे. त्यांना जिल्हा स्तरीय आदर्श क्रीड...

 *जाजुवाडी डीपीला भिषण आग;भीमवाडीसह अन्य परिसर अंधारात* परळी वैजनाथ, प्रतिनिधी....     भीमवाडी परिसरात असलेल्या जाजुवाडी डीपीला भिषण आग लागली.अग्नीशामक विभागाने वेळीच ही आग आटोक्यात आणली त्यामुळे मोठा अनर्थ टळला आहे.दरम्यान या आगीमुळे भीमवाडीसह अन्य परिसर अंधारात गेला आहे.       मध्यरात्री सव्वा बारा ते साडेबाराच्या सुमारास महावितरणच्या जाजुवाडी डीपीने पेट घेतला असल्याचे दिसून आले.आगीचा डोंब प्रचंड उसळला होता.डीपीच्या अवतीभवती भंगार साहित्याचे ढीग आहेत त्यामुळे आगीने रौद्ररूप धारण केले.वेळीच अग्निशमन दलाच्या प्रयत्नाने ही आग आटोक्यात आणण्यात यश आले व मोठा अनर्थ टळला आहे.                         ⬛⬛ VIDEO ⬛⬛

 * सेवाधर्म उपक्रमांतर्गत आता हॅलो डॉक्टर टेलीमेडिसिन हेल्पलाईन सेवा ;ना.धनंजय मुंडे यांच्या हस्ते होणार आज आॅनलाईन उद्घाटन* परळी वैजनाथ, प्रतिनिधी...        ना.धनंजय मुंडे यांच्या मार्गदर्शनाखाली राबविण्यात येत असलेल्या सेवाधर्म :सारे काही समष्टीसाठी उपक्रमांतर्गत आता सर्वांना अतिशय उपयुक्त ठरणारी हॅलो डॉक्टर टेलीमेडिसिन हेल्पलाईन सेवा सुरू करण्यात येत असुन ना.धनंजय मुंडे व राष्ट्रवादी काँग्रेस डॉक्टर सेलचे प्रदेशाध्यक्ष डॉ.नरेंद्र काळे यांच्या हस्ते आज( दि.१९) आॅनलाईन उद्घाटन होणार आहे.        राज्याचे सामाजिक न्याय व विशेष सहाय्य मंत्री तथा बीड जिल्ह्याचे पालकमंत्री ना.धनंजय मुंडे यांच्या माध्यमातून व गटनेते वाल्मिकअण्णा कराड यांच्या मार्गदर्शनाखाली राष्ट्रवादी काँग्रेस पार्टीच्या वतीने सेवाधर्म या उपक्रमात विविध सेवाकार्य सुरू आहेत.यामध्ये नागरीक व रुग्णांची गरज लक्षात घेऊन सर्वांना अतिशय उपयुक्त ठरणारी हॅलो डॉक्टर टेलीमेडिसिन हेल्पलाईन सेवा सुरू करण्यात येत आहे. आज-काल दैनंदिन जीवनामध्ये वातावरणातील बदल व अन्य कारणांमुळे शारिरीक व्य...

  प्राचार्या डॉ आर.जे. परळीकर यांनी महाविद्यालयाचा यशाचा आलेख उंचावत नेला-संजय देशमुख *प्राचार्या डॉ आर.जे. परळीकर यांना संस्थेच्या वतीने श्रध्दांजली* परळी वैजनाथ दि.१८ (प्रतिनिधी)            येथील लक्ष्मीबाई देशमुख महिला महाविद्यालयाच्या प्राचार्या डॉ. आर.जे. परळीकर यांचे सोमवारी (दि.१७) सायंकाळी अल्प आजाराने निधन झाले. याबद्दल मंगळवारी (ता.१८) संस्थेच्या वतीने शोकसभा व श्रध्दांजली कार्यक्रमाचे आयोजन आँनलाईन पध्दतीने करण्यात आले होते. प्राचार्यांना श्रध्दांजली वाहताना अनेकांना अश्रू अनावर झाले.              राणी लक्ष्मीबाई टाँवर चौक परिसरातील लक्ष्मीबाई देशमुख महिला महाविद्यालयाच्या प्राचार्या डॉ. आर.जे. परळीकर यांचे निधन झाल्याने संस्थेच्या वतीने श्रध्दांजली कार्यक्रमाचे आँनलाईन आयोजन करण्यात आले. कार्यक्रमाच्या सुरुवातीला संस्थेचे अध्यक्ष संजय देशमुख व सचिव रवींद्र देशमुख, कोषाध्यक्ष प्रा.प्रसाद देशमुख यांनी प्राचार्या डॉ. परळीकर यांच्या प्रतिमेस पुष्पहार अर्पण केला. यावेळी श्रध्दांजली अर्पण करताना अध्यक्ष संजय देश...

  आधारवड....!!!!!!!      एक कणखर व्यक्ती म्हणून सर्वत्र परिचित असलेल्या प्राचार्या डॉ. रेखाताई जनार्दन परळीकर या मुळच्या परळीच्या यांनी आपले शिक्षण पूर्ण केल्यानंतर धर्माबाद येथील वरिष्ट महाविद्यालयात प्राध्यापक म्हणून नौकरीस सुरुवात केली. या महाविद्यालयात जवळपास १६ वर्षे नौकरी केल्यानंतर आपल्या जन्मगावी प्राचार्य होण्याची संधी त्यांना मिळाली. ते पण तालुक्यातील एकमेव महिला महाविद्यालयात मग काय प्राचार्य म्हणून त्यांचे कार्य या महाविद्यालयात बहरत गेले. आपल्या तालुक्यातील जास्तीत जास्त मुलींनी महाविद्यालयात येवून शिक्षण घेतले पाहिजे. फक्त प्रवेश घेऊन घरी बसता कामा नये असा कायम त्यांचा हट्ट असायचा. महाविद्यालयात विद्यार्थिनी आल्या नंतर विद्यार्थिनींने अभ्यासाबरोबरच इतर सर्व कार्यक्रमात भाग घेतला पाहिजे. असा प्रयत्न त्या करत असत. विद्यार्थिंनीनी कोणालाही घाबरता कामा नये. मुलांसारखे राहिले पाहिजे. यासाठी त्या मुलींना प्रोत्साहन देत असत. विद्यार्थ्यांच्या सुप्त गुणांना वाव मिळावा यासाठी सतत प्रयत्नशील असत. महाविद्यालयात जास्तीत जास्त इतरही कार्यक्रम सातत्याने आयोजित करण्या...

 सेवा हाच धर्म आणि कार्यतत्परता हेच अविरत कर्म:ना.धनंजय मुंडेंची जिल्ह्यात 'जबाबदार कुटुंबप्रमुखाची'  भुमिका       कोरोना महामारीने जग विळख्यात सापडले.रक्ताचे नाते असो की सख्खे कोणीच कोणाला आधार देऊ शकत नाही अशी परिस्थिती निर्माण झाली.उपचार, जीवनावश्यक बाबी ,आधार ,सेवा असे कितीतरी विषय समस्या म्हणून पुढे येऊन उभे राहिले. अशा भयावह आणि विदारक परिस्थितीत खंबीर,विश्वासनिय एक अश्वासक नाव परळी मतदार संघ आणि बीड जिल्ह्यातील तमाम लोकांना खुणावत राहिले ते म्हणजे आपलं नेतृत्व ना.धनंजय मुंडे.सेवा हाच धर्म आणि कार्यतत्परता हेच अविरत कर्म हेच अखंड व्रत घेऊन काम करणारे ना.धनंजय मुंडे म्हणजे बीड जिल्ह्यातील घराघरातील हक्काचा व जबाबदार 'कुटुंबप्रमुख ' कसा असावा याचे मुर्तीमंत उदाहरण बनले आहेत.           बीड जिल्ह्याचे पालकमंत्री तथा राज्याचे सामाजिक न्याय मंत्री ना.धनंजय मुंडे हे या कोरोनाच्या संकटात गेल्या दोन वर्षांपासून 'आधार ' म्हणून उभे आहेत. गेल्या वर्षी कोरोनाच्या संकटाला ओळखुन त्यांनी तात्काळ लोखंडी सावरगाव ता.अंबाजोगाई येथे कोवीड सेंटर सर्व सु...

  तुज विन वैद्यनाथा आम्हा कोण तारी! बुडताहे जण न देखवे डोळा  म्हणून प्रभू वैद्यनाथा विनवितो तुम्हा.  गेली दोन वर्षे झाली कोरोनाच्या महामारीने अख्ख जग संकटात आहे. विज्ञान, वैद्यकीयशास्त्रातील तज्ञ, आयुर्वेदाचे तपस्वी, शासन, प्रशासन, नेते, अभिनेते या सर्वांचे प्रयत्न पाहिले, अनेकांनी स्वतः चा जीव धोक्यात घालून जनतेची सेवा केली. तर दुसरीकडे या संकटाला संधी म्हणून आपल्या आत्ताच्या व पुढच्या दहा पिढ्यांचं कल्याण साधलं. या संकटात माणसातील देवमाणसं ही दिसली आणि माणसातील सैतानंही बघायला मिळाली.  परंतु हे प्रभू वैद्यनाथा तुम्ही तर समुळ वैद्यांचे "नाथ"आहात. म्हणून आपल्याला वैद्यनाथ म्हटले जाते. आपण साक्षात धन्वंतरी! परंतु आमची अवस्था त्या हरणा सारखी झाली आहे. कस्तुरी स्वतः च्या शरिरात असताना आम्ही माञ सैरा-वैरा भटकत आहोत. कारण आम्ही कर्मांध आहोत. विज्ञान युगात वावरत असल्याने आणि सत्ता, संपत्ती च्या नशेत तुझ्याच अस्तित्वावर प्रश्नचिन्ह उपस्थित करत राहिलो. त्यात आमचा पण दोष तो काय?हे कलियुग तुच निर्माण केले आहेस. ते युग तर आपला खरा चेहरा तर दाखवणारच!परंतु घरात बापाचच अस्तित्व ना...

 *खतांचे भाव तात्काळ कमी करा अन्यथा आंदोलन-पूजा मोरे * बीड.... कोरोणाचे संकट,सततचे लॉकडाऊन,पडलेले बाजार भाव,नैसर्गिक आपत्ती, बेमोसमी पाऊस यामुळे शेती अगोदरच तोटा झालेली असताना रासायनिक खतांच्या वाढलेल्या किमतीने बळीराजा अडचणीत सापडला आहे त्यामुळे खतांच्या किमती तात्काळ कमी करा नसता आंदोलन करू असा इशारा स्वाभिमानीच्या प्रदेशाध्यक्ष पूजा मोरे यांनी केले आहे. रासायनिक खतांचा वापर केला नाही तर पीक जोमात येणार नसल्याची भीती आहे.तर शासनाने रासायनिक खत आणि त्यासंदर्भातील कंपनी यांच्यावरील शासन अनुदान काढून घेतल्यामुळे किमती वाढल्याचे चित्र आहे. लवकरच खरीप हंगामाला सुरुवात होणार आहे. शेतीच्या मशागतीची कामे सुरू झाली आहेत. काही दिवसात मृगनक्षत्र येणार आहेत.मृगनक्षत्र सुरू झाले की खरीप हंगामातील नगदी पिकांची लागवड सुरू होते.पीक जोमाने वाढावे यासाठी लागवडीनंतर अवघ्या चार दिवसात रासायनिक खतांची मात्रा द्यावी लागते. सुरुवातीपासूनच रासायनिक खत दिल्यावर पीक जोमात येते परंतु खत नसेल तर पीक जमीन सोडत नाही. त्यामुळे खत महत्त्वाचे असते. खतांच्या वाढलेल्या किमती आणि डिझेलचे वाढलेले दर यामुळे शेतीची मश...

 *सेवा परमो धर्म:*धनंजय मुंडे: कार्यतत्पर पालकमंत्री* कोरोना आजाराच्या भितीमध्ये गेल्या लाटेमध्ये आपण सर्वजन जगत आहोत. दुसर्‍या लाटेमध्ये तर ही भिती तिव्र झाली आहे.मागच्या वर्षी कोरोना चीनच्या वूहान शहराची समस्या वाटली.बघता-बघता या व्हायरसचा कहर जगभर पसरला. अमेरीका सारखे बलाढ्य राष्ट्रही आपल्या हजारो नागरिकांचा जिव वाचवू शकले नाहीत.मागच्या वर्षी आपल्या देशाच्या पंतप्रधानांनी टी.व्ही.च्या माध्यमातून जनतेशी संवाद साधला आणि कोरोना नामक न दिसणार्‍या या शत्रूशी आपले युध्द सुरु झाले.लॉकडाऊन ही नवी संकल्पना आपण एकजुटीने स्विकारली.टाळ्या-थाळ्या वाजवून अथवा दिवे लाऊन कोरोना जात नसतो.हे ही आपल्याला लवकरच कळाले. यावर्षी पी.एम. ऐवजी सी.एम.ने टी.व्ही.माध्यमातुन जनतेशी संवाद साधायला सुरुवात केली. आम्हा परळीकरांना संकट काळात ना पी.एम. आठवतो ना सी.एम.आठवतो. कारण संकट काळात आम्हाला आधार देण्यासाठी आमचा डी.एम. च उभा असतो. पुर्वी शहरी भागात कोरोना बाधीतांची संख्या जास्त असायची,अलिकडे कोरोनाचा शिरकाव ग्रामिण भागातही वेगाने झाल्याचे चित्र समोर येत आहे. दुसर्‍या लाटेत कोरोनाने गल्लीतुन घरात प्रवेश केला....

  परळी न.पचे सहाय्यक अधिक्षक दिलिप रोडे यांचे दुःखद निधन परळी  परळी नगर परिषदचे सहाय्यक कार्यालयीन अधीक्षक दिलीप रोडे यांचे राञी 1-15 वाजण्याच्या सुमारास लातूर येथील एका खाजगी रुग्णालयात उपचारादरम्यान दुःखद निधन झाले आहे. दिलीप रोडे हे काही दिवसापुर्वी कोरोना पाॕझिटिव झाले होते.काही दिवस त्यांनी कोरोनावर उपचार घेऊन त्यातुन यशस्वी बाहेर पडले होते.परंतु परत त्यांची प्रकृती खालावत जात असल्याने त्यांना लातुर येथील एका खाजगी रुग्णालयात उपचारासाठी भरती करण्यात आले होते.त्यातच उपचारा दरम्यान मंगळवार दि.18 मे रोजी पहाटे 1-15 वाजण्याच्या सुमारास त्यांनी अखेरचा श्वास घेतला. परळी नगर परिषदेत त्यांनी 30 वर्ष सेवा दिली असुन ते आत्ता सहाय्यक कार्यालयीन अधिक्षक पदावर कार्यरत होते.न.प.मधील एक आदर्श अधिकारी म्हणुन त्यांच्याकड पाहीले जात होते.प्रत्येकासी जिवाळ्याचे नाते होते अश्या सुस्वभावी व्यक्तीला आपण गमावल्याची भावना व्यक्त होत आहे. दिलिप रोडे यांच्या पश्चात पत्नी,तीन मुली एक मुलगा,भाऊ असा परिवार आहे.रोडे परिवारावर कोसळलेल्या दुःखात एम बी न्युज परिवार सहभागी आहे.

 *माझ्यासाठी धक्कादायक बातमी; रेखाताई परळीकर यांच्या निधनाने शैक्षणिक क्षेत्राची हानी - पंकजाताई मुंडे यांनी व्यक्त केला शोक* परळी । दिनांक १७। प्राचार्य रेखाताई परळीकर यांच्या निधनाने शैक्षणिक क्षेत्राची हानी झाली आहे अशा शब्दांत भाजपच्या राष्ट्रीय सचिव पंकजाताई मुंडे यांनी आपल्या शोक भावना व्यक्त केल्या आहेत. रेखाताई परळीकर यांच्या निधनाची बातमी ऐकली आणि धक्काच बसला. एक मनमिळाऊ आणि विद्यार्थी प्रिय असा त्यांचा स्वभाव होता. परळीतील शैक्षणिक क्षेत्रात त्यांचे मोलाचे योगदान होते, त्यांचा आणि मुंडे कुटुंबाचा विशेष स्नेह होता, त्यांच्या निधनाने परळीच्या शैक्षणिक क्षेत्राची मोठी हानी झाली आहे अशा शब्दात शोक भावना व्यक्त करून पंकजाताई मुंडे यांनी त्यांना भावपूर्ण श्रध्दांजली अर्पण केली आहे. ••••

 * प्राचार्या डॉ.रेखाताई परळीकर यांचे निधन*  *_परळीच्या शैक्षणिक क्षेत्रातील 'रणरागिणी' हरवली ; शैक्षणिक क्षेत्राची मोठी हानी_* परळी वैजनाथ,प्रतिनिधी...          मराठवाड्याच्या शैक्षणिक क्षेत्रातील सर्व परिचित व परळीच्या कै.लक्ष्मीबाई देशमुख महिला महाविद्यालयाच्या प्राचार्या डॉ. आर.जे.परळीकर यांचे औरंगाबाद येथे उपचार सुरु असताना आज सोमवार (दि.१७) सायंकाळी साडेपाचच्या सुमारास निधन झाले. मृत्यू समयी त्या ५६ वर्षे वयाच्या होत्या. त्यांच्या निधनाने शैक्षणिक क्षेत्राची मोठी हानी झाली असुन परळीच्या शैक्षणिक क्षेत्रातील 'रणरागिणी' हरवली असल्याची शोकभावना व्यक्त होत आहे.            प्राचार्या डॉ. आर.जे. परळीकर यांना गेल्या पंधरा दिवसांपासून काहीसा त्रास जाणवू लागल्यामुळे त्यांना तातडीने औरंगाबाद येथे उपचारासाठी दाखल करण्यात आले होते. उपचार सुरू असताना आज सायंकाळी साडेपाचच्या सुमारास त्यांची प्राणज्योत मालवली. रेखाताई जनार्दन परळीकर तथा डॉ.आर.जे. परळीकर यांनी अनेक वर्षे प्राध्यापक म्हणून काम केले. २००३ पासून परळी येथील कै.लक्ष्मी...

 'ज्याचा आहे वशिला-त्याने जावे लसीला' असे म्हणायची गरज नाही...आता घरबसल्या नोंदणी करा व मेसेज आला की लस घेण्यासाठी जा ! कोविशील्ड घेतलेल्याना 82 ते 85 दिवसानंतर तर को वॅक्सिंन घेतलेल्याना 35 दिवसानंतर लस मिळणार बीड – ज्या 45 वर्षावरील नागरिकांनी कोविशील्ड किंवा को वॅक्सिंन लसीचा पहिला डोस घेतला आहे त्यांना दुसऱ्या डोस साठी प्रतीक्षा करावी लागणार आहे .कोविशील्ड घेतलेल्याना 82 ते 85 दिवसानंतर तर को वॅक्सिंन घेतलेल्याना 35 दिवसानंतर लस मिळेल .     तसेच को वॅक्सिंन या लसीचा दुसऱ्या डोस चा कालावधी किमान 35 दिवस करण्यात आला आहे,त्यासाठी देखील रजिस्ट्रेशन आवश्यक आहे,नागरिकांनी या ठिकाणी रजिस्ट्रेशन करूनच लस बुक करावी ,तसेच 18 ते 44 साठी नव्याने सूचना जारी केल्या जातील .         सुरवातीला दोन्ही लसीचा 28 दिवसानंतर दुसरा डोस घेण्याच्या सूचना होत्या,नंतर कोविशील्ड साठी 45 दिवसांची मुदत वाढवली गेली .आता पुन्हा त्यात बदल करून 82 ते 85 दिवसांची मुदत केली आहे .ज्यांनी कोविशील्ड चा पहिला डोस घेतला आहे .त्यांनी आता http://ezee.live/Beed_Covid19_Registration या लिंक वर...

 * परळीत गावठी पिस्टल सह एकास अटक*  परळी वैजनाथ, प्रतिनिधी...             परळी शहरातील स्वाभिमाननगर मधील एकाकडे गावठी पिस्टल असल्याचे गुप्त माहिती मिळताच परळी शहर डी बी पथकाचे भास्कर केंद्रे यांनी सापळा रचुन एकास अटक केली. त्यांच्याकडुन गावठी पिस्टल मँग्जीन सह जुने वापरते जप्त केले  आहे. परळी शहर डी बी पथकाने ही  कामगिरी केली आहे.       पोलिस सुत्रांकडुन मिळालेली माहिती  अशी की, दिनांक 16/05/2021 रोजी राञी 10 चे सुमारास  गुप्त बातमीदारामार्फत बातमी मिळाली की, परळी येथील स्वाभिमाननगर येथील एक ईमस थांबला आहे त्यांच्याकडे गावठी पिस्टल आहे असी खात्रीलाईक बातमी मिळाल्याने  गोपणीय माहीती दिलेल्या वर्णणावरुन  त्या इसमास ताब्यात घेवुन त्यांची  चौकशी केली असता  त्यांनी त्यांचे नाव  संदीप भास्कर फड वय- 30 वर्ष रा. स्वाभिमाननगर परळी वैजनाथ असे सांगीतले  त्यांची अंगझडती घेतली असता  त्यांचे कमरेला आतुन ठेवलेला एक गावठी पिस्टल मॅगझीन सह असलेले मिळुन आले  त्यांच्या कब्जात असलेल्या गा...

  *कोरोना होऊन गेलेल्या म्युकरमायकोसीसची लक्षणे असणाऱ्या रूग्णांची मोफत तपासणी डॉ. संतोष मुंडे* म्युकरमायकोसीसचे लक्षणे असणाऱ्या रूग्णांना श्रीनाथ हाँस्पीटल येथे 10 ते 1 वाजेपर्यंत मोफत तपासणीसाठी संपर्क साधावा  परळी वैजनाथ (प्रतिनिधी) :- राज्यासह जिल्ह्यात कोरोना रुग्णांना म्युकरमायकोसीस या बुरशीजन्य आजाराची लागण झाली आहे. म्युकरमायकोसीस आजाराच्या रुग्णांमध्ये वाढ होताना दिसून येत आहे. कोरोना पाठोपाठ हे नवीन आव्हान उभे टाकले आहे. हा आजार अंगावर न काढता वेळेत उपचार घेतल्यास रूग्ण बरा होतो. म्युकरमायकोसीस बाधित रुग्णांवर श्री नाथ हाँस्पीटल येथे मोफत तपासणी करण्यात येईल म्युकरमायकोसीसचे लक्षणे असणाऱ्या रूग्णांनी तपासणी करून घ्यावी असे आवाहन राष्ट्रवादी युवक काँग्रेसचे प्रदेश उपाध्यक्ष तथा धनंजय मुंडे आरोग्य मित्र योजनेचे प्रदेशाध्यक्ष, कान, नाक, घसा तज्ञ डॉ. संतोष मुंडे यांनी केले आहे.          एकीकडे देशातील कोरोनाबाधितांची संख्या वाढत असताना दुसरीकडे म्युकरमायकोसिसच्या रुपाने नवीन संकट देशासमोर उभे राहिले आहे. कोरोनासोबतच म्युकरमायकोसिसच्या रुग्णात ...

*राखेचे प्रदुषण करणाऱ्यांवर वेळीच आवर घाला- पंकजाताई मुंडे यांनी केली मागणी* परळी । दिनांक१६। एकीकडे कोरोनाचे गंभीर संकट आणि त्यातच राखेचे प्रचंड प्रमाणात होणारे प्रदूषण यामुळे तालुक्यातील दादाहरी वडगांवचे ग्रामस्थ हैराण झाले असून काल मध्यरात्री सर्वच गावकऱ्यांनी रस्त्यावर उतरून याविरोधात आक्रमक पवित्रा घेऊन रास्ता रोको केला. भाजपच्या राष्ट्रीय सचिव पंकजाताई मुंडे यांना ही बाब समजताच त्यांनी मध्यरात्रीच ग्रामस्थांच्या बाजूने उभे रहात महसूल व पोलिस प्रशासनाला धारेवर धरले. लोकांच्या जीवाशी खेळणाऱ्या राखेच्या ठेकेदारांना वेळीच आवरा अशी मागणी त्यांनी केली आहे.    औष्णिक वीज प्रकल्पातून बाहेर पडणारी राख मोठया प्रमाणात दादाहरी वडगांव परिसरात आणून टाकली जाते, याठिकाणी तळेच्या तळे साचलेले आहेत. तळ्यातील राखेची वाहतूक बंद असताना छोटे-मोठे ठेकेदार ती राख बेकायदेशीर पणे उचलतात, त्याची अवैध वाहतूक व साठवणूक करताना सर्व नियम धाब्यावर बसवले जात असल्याने मोठया प्रमाणावर प्रदुषण होऊन लोकांच्या घरा घरात राख पसरत आहे, परिणामी त्यांना कोरोना बरोबरच वेगवेगळया आजारांना सामोरे जावे लागत आहे. याबा...

 हैदराबाद बँकेचे सेवानिवृत्त मुख्य रोखपाल रखमाजी शिंदे यांचे दुःखद निधन परळी (प्रतिनिधी)...            येथील स्टेट बँक ऑफ हैदराबाद शाखा परळीचे सेवानिवृत्त मुख्य रोखपाल रखमाजी अंबादासराव शिंदे यांचे अल्पशा आजाराने औरंगाबाद येथे खाजगी रुग्णालयात उपचारादरम्यान दुःखद निधन झाले असून या दुःखद घटनेमुळे सर्वत्र हळहळ व्यक्त केली जात आहे.  येथील प्रियानगर येथील रहिवाशी तथा स्टेट बँक ऑफ हैदराबाद परळी शाखेचे सेवानिवृत्त मुख्य रोखपाल रखमाजी अंबादासराव शिंदे यांचे अल्पशा आजाराने औरंगाबाद या ठिकाणी खाजगी रुग्णालयात उपचार घेताना दुःखद निधन झाले. मृत्युसमयी त्यांचे वय 70 वर्ष होते.अत्यंत मनमिळाऊ स्वभावाचे रखमाजी शिंदे यांच्या निधनाने शिंदे परीवार व आप्तस्वकीयांमध्ये शोककळा पसरली असून या दुःखद घटनेबाबत सर्वत्र हळहळ व्यक्त केली जात आहे. त्यांच्या पश्चात पत्नी, दोन मुली, सुन, नातवंडे असा भरगच्च परिवार आहे. येथील जागृती नागरी सहकारी पतसंस्थेचे संस्थापक अध्यक्ष प्रा. गंगाधर शेळके यांचे ते भाऊजी होत. शिंदे परिवाराच्या दुःखामध्ये एमबी न्युज  परिवार सहभागी आहे.