MB NEWS-मराठवाड्यातील एक बहुआयामी प्रतिभावंत साहित्यिक,विचारवंत, संग्राहक, निवेदक, अभ्यासु, 'अनंत छंदी' व्यक्तिमत्त्व हरवले
परळीकरांचे स्नेही व औरंगाबाद आकाशवाणीचे निवेदक 'अनंत छंदी' व्यक्तिमत्त्व अनंत काळे कालवश ! मराठवाड्यातील एक बहुआयामी प्रतिभावंत साहित्यिक,विचारवंत, संग्राहक, निवेदक, अभ्यासु, 'अनंत छंदी' व्यक्तिमत्त्व हरवले प रळी वैजनाथ, प्रतिनिधी..... परळीत बालपण व शिक्षण झालेले सर्व परिचित परळीकरांचे स्नेही व औरंगाबाद आकाशवाणीचे निवेदक 'अनंत छंदी' व्यक्तिमत्त्व असलेले अनंत काळे कालवश झाले आहेत. आज दि.३० मे रोजी त्यांची पुणे येथे प्राणज्योत मालवली. मराठवाड्यातील एक बहुआयामी साहित्यिक,विचारवंत, संग्राहक,निवेदक, अभ्यासु व्यक्तिमत्त्व हरवले आहे. त्यांच्या निधनाच्या वृत्ताने परळीत सर्वस्तरातून शोकसंवेदना व्यक्त होत आहेत. अनंत काळे हे असं अनेकांच्या मनातलं आदराचं नाव. अनंत काळे हे १९८० पासून आकाशवाणी औरंगाबाद केंद्रावर निवेदक म्हणून कार्यरत होते. कधीही कुणावर रागावताना किंवा कुणाचा अपमान करताना त्यांना कुणी पाहिलेलं नाही. इतका उच्चकोटीचा संयम कदाचित कोणात असेल असे व्यक्तिमत्व म्हणून ते परिचित आहेत.त्यामुळेच प्रत्येकाला त्यांच्याबद्दल एक वेगळा आदर वाटतो.
