MB NEWS:बेकायदेशीर पिस्तुल बाळगणारा पकडला
बेकायदेशीर पिस्तुल बाळगणारा पकडला
बीड : येथील स्थानिक गुन्हे शाखेने आज मंगळवारी ( दि. १० ) पहाटे मोठी कारवाई करत बेकायदेशीर गावठी कट्टा ( पिस्तुल ) बाळगणाऱ्या पर जिल्ह्यातील तरुणाला मोठ्या शिताफीने अटक केली. ही कारवाई बीड-गेवराई रस्त्यावर पाडळसिंगी जवळ केली.
मंगळवारी ( दि. १० ) पहाटे ४ वाजण्याच्या सुमारास गुप्त खबऱ्या मार्फत एलसीबी ला माहिती मिळाली की, बीड-गेवराई रस्त्यावर पाडळसिंगी जवळील उड्डाण पूलाखाली एक तरुण संशयास्पद पने थांबलेला असून त्याच्या कमरेला पिस्तुल आहे. माहिती मिळताच LCB अधिकारी व कर्मचाऱ्यांनी धाव घेतली. तेव्हा उड्डाण पूलाखाली एक तरुण उभा होता. त्याच्या हालचाली संशयास्पद दिसत होत्या. जवळ जाऊन त्यास नाव गाव विचारताचा त्याने पळून जाण्याचा प्रयत्न केला. पण त्यास मोठ्या शिताफीने पकडले. त्याच्याजवळ गावठी पिस्तूल किंमत ३७ हजार मिळून आले. त्यास नाव गाव विचारले असता त्याने जुबेर शफीक आतार ( वय २७ वर्ष ) रा. जयभवानी चौक पाथर्डी ( ता. पाथर्डी जि. अहमदनगर ) असे सांगितले. आरोपीस गेवराई पोलीसांच्या ताब्यात देऊन त्याच्यावर गुन्हा दाखल करण्यात आला. सदरील कारवाई वरिष्ठांच्या मार्गदर्शनाखाली स्थानिक गुन्हे शाखा ( LCB ) ने केली.
टिप्पण्या
टिप्पणी पोस्ट करा