धावत्या दुचाकीवरून सेल्फी काढणे पडले महागात, एकाचा जागीच मृत्यू तर एक गंभीर
![इमेज](https://blogger.googleusercontent.com/img/b/R29vZ2xl/AVvXsEh4s18puO1bem6yVzdDeyCWpSdkDfC0LKAxBFhFKE7t4yqrwsi3tYnul6aEXXK2Eo4agI9GAOdQPG0lRwnnfh4rdz1jQhH-Jy2oI365JTuF6XwtCHFT-4CdHhSnBmtodCH-Tq1ncvy13e3RTBFHAdTyMiNCLjV4c6TNvhLNqwSbBdWMtTHFfnHAHSMjUxA/s320/IMG-20240706-WA0017.jpg)
संपादक सतिश बियाणी यांना वार्ता भूषण पुरस्कार जाहीर
परळी / प्रतिनिधी- संपादक सतिश बियाणी, हे गेल्या अनेक वर्षापासून, दै.मराठवाडा साथीच्या माध्यमातून, अनेक सामाजिक प्रश्न उपस्थित करुन, त्यामाध्यमातून, समाज प्रबोधन करीत असतात,त्यांच्या उल्लेखनीय कार्याची दखल घेऊन श्रीनाथ मानव सेवा मंडळ आयोजित ६ वे मराठी साहित्य संमेलनाच्या निमित्ताने, 'वार्ता भूषण' पुरस्कार सतिश बियाणी यांना जाहीर करण्यात आला आहे. सदरील पुरस्कार ६ वे ग्रामीण साहित्य संमेलन नाथरा, येथे ४जानेवारी 2023 रोजी सकाळी दहा वाजता वितरित करण्यात येणार आहे. श्रीनाथ मानव सेवा मंडळ यांच्या वतीने सहावे मराठी साहित्य संमेलन दिनांक 4 जानेवारी 2023 रोजी पापनाथेश्वर माध्यमिक विद्यालय नाथ्रा येथे होणार आहे. या साहित्य संमेलनाचे उद्घाटन माजी मंत्री आमदार धनंजय मुंडे यांच्या हस्ते होणार आहे. यावेळी अध्यक्षस्थानी उपजिल्हाधिकारी नम्रता चाटे या राहणार आहेत. तर युवा साहित्यिक, कवी दंगलकार डॉ. स्वप्नील चौधरी हे प्रमुख पाहुणे म्हणून उपस्थित राहणार आहेत. त्याचप्रमाणे साहित्य क्षेत्रातील मान्यवर मसाप मराठवाड्याचे अध्यक्ष दगडू लोमटे, ज्येष्ठ साहित्यिक अमर हबीब आदी मान्यवर उपस्थित राहणार आहेत. या मान्यवरांच्या उपस्थितीत विविध क्षेत्रात उल्लेखनीय कार्य करणाऱ्या व्यक्ती विशेष व्यक्तिमत्त्वांचा विविध पुरस्काराने गौरव करण्यात येणार आहे.
या पुरस्कारात परळीतील दै. मराठवाडा साथीचे संपादक सतिश बियाणी यांची निवड वार्ता भूषण पुरस्कारासाठी करण्यात आली आहे. नुकतीच याबाबतची घोषणा श्रीनाथ मानव सेवा मंडळाचे अध्यक्ष व संमेलनाचे स्वागत अध्यक्ष डॉ. एकनाथ मुंडे यांनी केली आहे. या निमित्ताने जनमानसात सामाजिक विचारवंत ठरलेल्या सतिश बियाणी यांचा सन्मान होणार आहे. या पुरस्काराबद्दल संपादक पत्रकार सतिश बियाणी यांचे सर्व स्तरातून अभिनंदन होत आहे..
टिप्पण्या
टिप्पणी पोस्ट करा