परळीच्या महिला महाविद्यालयाला शासनाचा पुरस्कार

 राष्ट्रीय सेवा योजना राज्यस्तरीय पुरस्कार :
परळीचे महिला महाविद्यालय सर्वोत्कृष्ट तर डॉ. प्रा.एल. एस. मुंडे उत्कृष्ट कार्यक्रमाधिकारी

परळी वैजनाथ/ प्रतिनिधी ....
         महाराष्ट्र राज्य शासनाच्या वतीने राष्ट्रीय सेवा योजनेसाठी दरवर्षी दिल्या जाणाऱ्या राज्यस्तरीय पुरस्कारासाठी यावर्षी परळीच्या कै. लक्ष्मीबाई देशमुख महिला महाविद्यालयाची निवड झाली आहे तर याच महाविद्यालयाचे उपप्राचार्य डॉ. प्रा.एल.एस. मुंडे यांना सर्वोत्कृष्ट कार्यक्रमाधिकारी पुरस्कार जाहीर झाला आहे.
    राष्ट्रीय सेवा योजनेअंतर्गत सन 2017-2018 मध्ये निस्वार्थ भावनेने व निष्ठेने समाजाची सेवा करणाऱ्यांना प्रोत्साहन मिळावे यासाठी महाराष्ट्र राज्य शासनाच्या वतीने राष्ट्रीय सेवा योजना पुरस्कार देण्यात येतात. या पुरस्कारांचे स्वरूप राज्यस्तरीय आहे. यावर्षीच्या राज्यस्तरीय पुरस्कारासाठी राज्यातून सर्वोत्कृष्ट महाविद्यालय, सर्वोत्कृष्ट विद्यापीठ, सर्वोत्कृष्ट कार्यक्रम समन्वयक व सर्वोत्कृष्ट कार्यक्रमाधिकारी पुरस्कारांसाठी निवड झालेल्या व्यक्ती व संस्थांची यादी नुकतीच राज्य शासनाच्या वतीने जाहीर करण्यात आली आहे.
          यामध्ये या अतिशय प्रतिष्ठेच्या व राज्यस्तरीय पुरस्कारासाठी परळी येथील कै. लक्ष्मीबाई देशमुख महिला महाविद्यालय सर्वोत्कृष्ट महाविद्यालय ठरले आहे.  तर उत्कृष्ट कार्यक्रमाधिकारी पुरस्कारासाठी सुद्धा याच महाविद्यालयाचे उपप्राचार्य तथा राष्ट्रीय सेवा योजनेचे जिल्हा समन्वयक डॉ.प्रा.एल.एस. मुंडे यांची निवड झाली आहे. या निवडीबद्दल त्यांचे सर्व स्तरातून अभिनंदन होत आहे. दरम्यान परळी साठी ही गौरवाची बाब असून राष्ट्रीय सेवा योजनेत उत्कृष्ट काम केल्याबद्दल महाविद्यालय व कार्यक्रमाधिकारी यांची राज्यस्तरीय पुरस्कारासाठी निवड होणे हे परळीचा सन्मान करणारी बाब आहे.
      या पुरस्कारांसाठी संस्थेचे अध्यक्ष संजय देशमुख, सचिव रविंद्र देशमुख,  प्राचार्या डाॅ. आर. जे. परळीकर, कोषाध्यक्ष प्रा.प्रसाद देशमुख संचालक सौ.छायाताई देशमुख, प्रा.डॉ. विद्याताई देशमुख, संचालकासह शिक्षक व शिक्षकेतर कर्मचारी आदींनी अभिनंदन केले आहे.