MB NEWS:शिक्षक मतदार संघ पुन्हा संघटनेच्या अधिपत्याखाली आणणार - सुर्यकांत विश्वासराव
- लिंक मिळवा
- ईमेल
- अन्य अॅप्स
औरंगाबाद विभाग शिक्षक मतदार संघाचा खरा दावेदार मराठवाडा शिक्षक संघच - पी.एस.घाडगे
शिक्षक मतदार संघ पुन्हा संघटनेच्या अधिपत्याखाली आणणार - सुर्यकांत विश्वासराव
परळी वैजनाथ (प्रतिनिधी):- औरंगाबाद विभाग शिक्षक मतदार संघाचा खरा दावेदार मराठवाडा शिक्षक संघच आसून 30 जानेवारी रोजी होणाऱ्या निवडणुकीत संघटनेने उमेदवारी दिलेल्या सुर्यकांत विश्वासराव यांना निवडून आणून दावेदारीवर शिक्कामोर्तब करावे असे प्रतिपादन संघटनेचे मार्गदर्शक तथा माजी अध्यक्ष पी.एस. घाडगे यांनी केले तर हा मतदार संघ पुन्हा संघटनेच्या अधिपत्याखाली आणण्यासाठी पुर्ण ताकदीने निवडणूक लढवणार आसल्याचे प्रतिपादन संघटनेचे अध्यक्ष तथा उमेदवार सुर्यकांत विश्वासराव यांनी केले.
परळी येथील कॉ.वैजेनाथराव भोसले सांस्कृतिक सभागृहात मराठवाडा शिक्षक संघाच्या केंद्रीय कार्यकाणीची विस्तारित बैठक रविवार (दि.1) जानेवारी रोजी संपन्न झाली यावेळी संघटनेचे पदाधिकारी व कार्यकर्त्यांना संबोधित करताना घाडगे व विश्वासराव यांनी वरीलप्रमाणे प्रतिपादन केले. 30 जानेवारी 2023 रोजी औरंगाबाद विभाग शिक्षक मतदार संघाच्या निवडनुकीच्या पार्श्वभूमीवर विचारविनिमय व नियोजनासाठी सदरील बैठकीचे आयोजन करण्यात आले होते. सदरील बैठक संघटनेचे अध्यक्ष तथा उमेदवार सुर्यकांत विश्वासराव यांच्या अध्यक्षतेखाली संपन्न झाली. बैठकीस संघटनेचे माजी अध्यक्ष तथा मार्गदर्शक आदरणीय पी.एस.घाडगे,संघटनेचे विद्यमान सरचिटणीस राजकुमार कदम,उपाध्यक्ष ज्ञानोबा वरवट्टे,गुट्टे एस.जी.,सहसचिव पवार टी.जी.,माळी एन.जी.,कोषाध्यक्ष औताडे ए.बी.यांच्यासह संघटनेचे जी.एस. बुरांडे,यु.आर. थोंबाळ, प्राचार्य शंकर राठोड, डी.जी.तांदळे, विश्वाभंर भोसले, बी.टी.सांगळे, प्रा.उमाकांत राठोड, प्रा.चंद्रकांत चव्हाण, सुभाष पाटील आदि मान्यवर व्यासपीठावर होते.
तर बैठकीला मराठवाड्यातील सर्व जिल्ह्यातील संघटनेचे पदाधिकारी, जिल्हाध्यक्ष, जिल्हा सचिव व सदस्य यांची उपस्थिती होती.बैठकीचे प्रास्ताविक व सुत्रसंचालन राजकुमार कदम यांनी केले तर आभार बंडू अघाव यांनी मानले.
बैठक यशस्वी करण्यासाठी मराठवाडा शिक्षक संघटनेचे केंद्रीय कार्यकारणी सदस्य अशोक मस्कले,बंडू अघाव, जिल्हा सहसचिव विजय गणगे, परळी तालुका व शहर कार्यकारणीचे पदाधिकारी सर्वश्री अनुप कुसूमकर, श्रीधर गुट्टे, श्रीहरी दहिफळे, बालासाहेब जाधव, अलीशान काजी, राजाभाऊ राठोड, राजाभाऊ नागरगोजे, डी.एल. कांदे, अनंत मुंडे, बापुराव खोतपाटील, लक्ष्मण राऊत, रामलिंग गडदे, विनायक राजमाने, बालाजी कडबाने, खयुम शेख आदिनी प्रयत्न केले.
- लिंक मिळवा
- ईमेल
- अन्य अॅप्स
टिप्पण्या
टिप्पणी पोस्ट करा