म&#2366;झ&#2368; ब&#2366;तम&#2368; MB NEWS

कामाचे श्रेय गुरू कधीच स्वत:कडे घेत नाही तर शिष्याला देतो - पूर्णाचार्य गुणेशदादा पारनेरकर यांचे लिंबागणेश येथे प्रतिपादन पत्रकार दिनेश लिंबेकर यांच्या मोरया गणेश ग्रंथाचे शानदार प्रकाशन प्रतिनिधी | बीड गुरूचे वैशिष्ट्य असे असते की तो काम शिष्यालाच करायला लावतो व त्याचे फळही शिष्याला देतो. झालेल्या कामाचे श्रेय गुरू कधीच स्वत:कडे घेत नाही तर ते श्रेय देव आणि शिष्याला देत असतात. जो श्रेष्ठ पदाला पोहोचतो, त्याचेच सहस्त्रचंद्रदर्शन केवळ ज्येष्ठ झाल्याने होत नाही तर श्रेष्ठ झाल्याने होते. म्हणून सूर्य जर आयुष्य देणारा असेल तर चंद्र हा आयुष्य वर्धमान करणारा आहे, असे प्रतिपादन पूर्णाचार्य गुणेश दादा पारनेरकर यांनी केले. बीड तालुक्यातील लिंबागणेश येथे भालचंद्र गणपती मंदिर सभागृहात रविवारी (ता.१७ जुलै) संध्याकाळी येथील गणपती देवस्थानचे ट्रस्टचे अध्यक्ष विनायकराव जोशी यांचा सहस्त्रचंद्रदर्शन सोहळा, दैनिक दिव्य मराठीचे ब्युरो चीफ दिनेश लिंबेकर लिखित ‘मोरया’ व पुजारी वरद जोशी लिखित ‘अखिल विश्वाचे दैवत श्री भालचंद्र’ या दाेन्ही गणेश ग्रंथाच्या प्रकाशन प्रसंगी पूर्णाचार्य गुणेशदादा पार

MB NEWS -अक्षय ओमप्रकाश सारडा सीए परीक्षेत उत्तीर्ण; सर्व स्तरातून अभिनंदन

अक्षय ओमप्रकाश सारडा सीए परीक्षेत उत्तीर्ण सर्व स्तरातून अभिनंदन परळी वै. दि. १८ येथील प्रतिष्ठित व्यापारी, सामाजिक, धार्मिक व राजकीय कार्यकर्ते, परळी न.प. चे माजी बांधकाम सभापती महेश अर्बन को-ऑप. बँकेचे संचालक ओमप्रकाश सारडा यांचे सुपुत्र श्री. अक्षय सारडा हे औरंगाबाद येथून सी. ए. ची परीक्षा उतीर्ण झाले. या यशाबद्दल त्यांचा परळी वै. येथील महेश अर्बन को-ऑप बँक लि. तर्फे बँकेचे मुख्य कार्यकारी अधिकारी श्री. उपाध्याय यांच्या हस्ते सत्कार करण्यात आला. या वेळी बँकेचे संचालक श्ओमप्रकाश सारडा, उपमुख्य कार्यकारी अधिकारी श्री. पाध्ये व शाखाधिकारी श्री. कुलकर्णी तसेच सर्व अधिकारी व कर्मचारी उपस्थित होते.

MB NEWS -शाळेतून न सांगताच निघालेला शाळकरी मुलगा परळी पोलीसांनी केला नातेवाईकांना सुपूर्द

शाळेतून न सांगताच निघालेला शाळकरी मुलगा परळी पोलीसांनी केला नातेवाईकांना सुपूर्द परळी वैजनाथ, प्रतिनिधी.... पुर्णा जि.परभणी येथील सुरज शिवाजीराव कदम हा मुलगा वडवणी येथे निवासी शाळेत शिकायला आहे. हा मुलगा शाळेतून न सांगताच निघाला.वडवणीहून बसमध्ये बसला.परंतु पैसे नसल्याने कंडक्टरच्या लक्षात आले.परळीपर्यंत त्याला बसमध्ये आणून बसस्थानक ड्युटीवर असलेल्या पोलीसच्या हवाली केले. बसस्थानक ड्युटीवर असलेल्या पोलीस काॅन्स्टेबल मारोती मुजमुले यांनी या मुलाला संभाजीनगर पोलीस ठाण्यात आणले.एपीआय गित्ते, पीएसआय मेंडके,पोना दहिवाळ, शत्रुघ्न शिंदे यांनी त्याच्या नातेवाईकांचा शोध घेतला. सुरज शिवाजीराव कदम या मुलाचे काका रामराव विठ्ठलराव पौळ रा.पौळ पिंपरी यांच्याकडे सुपूर्द केला.नातेवाईकांनी पोलीसांचे आभार मानले आहेत.

MB NEWS-परळीत दि 23 रोजी अड्डपालखी व धर्मसभेचे आयोजन

गुरू शांतेश्वर स्वामीजी यांचे आषाढमास तपोअनुष्ठान कार्यक्रम सुरू रंभापुरी महापिठाचे वीरसिंहानाधिश्वर श्री श्री श्री 1008 जगदगुरू प्रसन्नरेणुक डॉ.वीरसोमेश्वर राजदेशिकेंद्र शिवाचार्य भगवतपाद महास्वामीजी यांची परळीत दि 23 रोजी अड्डपालखी व धर्मसभेचे आयोजन परळी वैजनाथ, प्रतिनिधी... वीरशैव लिंगायत समाज परळीच्या वतीने येथील श्री संत गुरुलिंग स्वामी मठ बेलवाडी मध्ये श्री ष ब्र 108 श्री गुरूशांतेश्वर स्वामीजी(, हिरेमठ संस्थान, नेगळूरू, जिल्हा हावेरी,कर्नाटक) यांच्या आषाढमास तपोअनुष्ठान कार्यक्रम सुरू असून यामध्ये दैनंदिन कार्यक्रम यशस्वी पणे पार पडत आहे.दिनांक 25 जून पासून तपोअनुष्ठान कार्यक्रम सुरू असून ते दिनांक 25 जुलै 2022 आषाढमास तपोअनुष्ठान ची सांगता होणार आहे. या निमित्त श्रीमद रंभापुरी महापिठ बाळेहोन्नुरू कर्नाटक येथील वीरसिंहानाधिश्वर श्री श्री श्री 1008 जगदगुरू प्रसन्नरेणुक डॉ.वीरसोमेश्वर राजदेशिकेंद्र शिवाचार्य भगवतपाद महास्वामीजी यांची दि 23 रोजी अड्डपालखी निघणार आहे व धर्मसभा होणार आहे.यावेळी अनेक शिवाचार्यांची उपस्थिती लाभणार आहे. श्रीक्षेत्र मन्मथध

MB NEWS-सातव्या वेतनाच्या फरकाची रकमेसाठी सेवानिवृत्त कर्मचाऱ्यांचे उपोषण सुरू

सातव्या वेतनाच्या फरकाची रकमेसाठी सेवानिवृत्त कर्मचाऱ्यांचे उपोषण सुरू परळी वै.ता.१८ प्रतिनिधी नगर परिषद कर्मचाऱ्यांच्या सातव्या वेतनाचा फरक देण्यासाठी शासनानी चार कोटी दिलेले आहेत. त्यातुन दोन्ही हप्त्याच्या रकमेसाठी बावन्न सेवा निवृत्त कर्मचारी सोमवार (ता.१८) पासुन परळी नगर परिषदे समोर उपोषणास बसले आहेत. राज्य सरकारनी नगर परिषदेच्या कर्मचाऱ्याचे सातव्या वेतनाचा फरकाचे दोन हप्ते देण्यासाठी सर्व नगर परिषदेस सुमारे चारशे कोटी रूपये वर्ग केले आहेत. परळी नगर परिषदेस ३ कोटी ८९ लाख रूपये दिले आहेत. परळी नगर परिषदेनी केवळ एका हप्त्यावर बोळवण केली आहे. हक्काची असलेली सातव्या वेतनाच्या फरकाचा दुसऱ्या हप्त्याची रक्कम मिळावी यासह २०१६ नंतर सेवानिवृत्त कर्मचाऱ्यांना सेवा उपदान (ग्रॅच्युइटी) रजारोखीकरणाचे पैसे मिळाले नाहीत. सेवानिवृत्तीच्या वेळी कर्मचाऱ्यांना प्रोव्हिडंट फंड, ग्रॅच्युइटी, रजारोखीकरणचे पैसे दिले जातात. महाराष्ट्रातील सर्व नगर परिषदांमधून सेवानिवृत कर्मचारी यांचे देणे सेवानिवृत्ती दिवशीच दिल्या जातात. परंतू परळी नगरपरिषदेच्या सेवानिवृत कर्मचाऱ्यांवर मात्र आंदोलन, उ

MB NEWS-रेल्वेखाली एकाचा मृत्यू; मुंडके व धड झाले वेगळे

रेल्वेखाली एकाचा मृत्यू; मुंडके व धड झाले वेगळे घाटनांदुर, प्रतिनिधी.... घाटनांदुर रेल्वे स्थानकाजवळ आज सकाळी एकाचा रेल्वे पटरीवर मृत्यू झाल्याची घटना समोर आली आहे. या घटनेमध्ये मुंडके व धड वेगळे झाले आहे. मयत इसमाने आत्महत्या केली असण्याची शक्यता वर्तविण्यात येत आहे. सकाळी 11 वाजण्याच्या सुमारास जाणारी पूर्ण हैदराबाद रेल्वे घाटनांदुर वरून गेल्यानंतर रेल्वे स्थानकाच्या काही अंतरावर एका इसमाचे मुंडके व धड पटरीवर कटून पडल्याचे दिसून आले. ही घटना पाहता मयत इसमाने आत्महत्या केली असण्याची शक्यता वर्तविण्यात येत आहे. दरम्यान हा मयत दिग्रस जि.उदगिर येथील असून गणेश माने असे त्याचे नाव असल्याची प्राथमिक माहिती पुढे आली आहे.

MB NEWS-अमरनाथ यात्रेहून परळीत आगमन: निळकंठ चाटे यांचा सत्कार

अमरनाथ यात्रेहून परळीत आगमन: निळकंठ चाटे यांचा सत्कार परळी वैजनाथ, प्रतिनिधी... अमरनाथ यात्रेहून परळीत आगमन झाल्यानंतर निळकंठ चाटे यांचा सत्कार करण्यात आला. भारतीय जनता युवा मोर्चाचे जिल्हाध्यक्ष निळकंठ चाटे हे अमरनाथ बाबांचे दर्शन करून सुखरूप यात्रा करुन आले. अमरनाथ यात्रेहून परळीत आगमन झाल्यानंतर निळकंठ चाटे यांचा शाल, श्रीफळ पुष्पगुच्छ देऊन व पेढा भरवुन सत्कार करण्यात आला.यावेळी युवा कार्यकर्ते दिपक नागरगोजे, विशाल कराड, आकाश मुंडे तुकाराम गुट्टे आदी उपस्थित होते.

MB NEWS-न.प.कर्मचारी संजय जाधव यांना बंधुशोक;अशोक जाधव यांचे निधन

न.प.कर्मचारी संजय जाधव यांना बंधुशोक;अशोक जाधव यांचे निधन परळी वैजनाथ प्रतिनिधी) :- परळी शहरातील इंदिरानगर, कन्या शाळा रोड भागातील रहिवाशी अशोक हनुमंतराव जाधव यांचे हृदयविकाराच्या झटक्याने दुःखद निधन झाले. मृत्यू समय 70 वर्ष वयाचे होते. नगरपरिषद कर्मचारी संजय हनुमंतराव जाधव यांचे ते मोठे बंधू होत. अशोक हनुमंतराव जाधव हे अतिशय धार्मिक व मनमिळाऊ स्वभावाचे होते. अंबाजोगाई सहकारी साखर कारखाना व वैद्यनाथ सहकारी साखर कारखानेचे सेवानिवृत्त कर्मचारी होते. सर्वपरिचित असे ते व्यक्तिमत्व होते. अशोक जाधव यांच्या पाश्चात दोन मुले एक मुलगी व भाऊ, बहिणी, नातवंडे असा परिवार आहे.

MB NEWS- कै. मिराताई गोविंद शिनगारे यांच्या स्मरणार्थ वृक्षारोपण

कै. मिराताई गोविंद शिनगारे यांच्या स्मरणार्थ वृक्षारोपण केज,प्रतिनिधी... दि. १६ जुलै रोजी ग्रामशक्ती वेल्फेअर फौंडेशन क्रांतीनगर अंबाजोगाई येथील संस्थेच्या नियोजित वृद्धाश्रमाच्या प्रांगणामध्ये नुकतेच वृक्षारोपण कार्यक्रम संपन्न झाला. याप्रसंगी बीड जिल्हा परिषदेचे माजी जिल्हा परिषद सदस्य अशोकराव गायकवाड, ग्रामशक्ती वेल्फेअर फाउंडेशन अंबाजोगाई चे अध्यक्ष ज्योतीराम सोनके, दैनिक प्रतिवीरचे पत्रकार गोविंद शिनगारे, जिजामाता ज्ञान मंदिर चंदन सावरगाव च्या संचालिका श्रीमती. आर.एस शिनगारे, संतोष शिनगारे, जय खाडप, कुमारी शौर्या शिनगारे, सयी शिनगारे,सानू शिनगारे यांच्या हस्ते दहा वृक्षांचे वृक्षारोपण कार्यक्रम संपन्न झाला. ग्राम शक्ती वेलफेअर फाउंडेशन अंबाजोगाई च्या वतीने एक एकर परिसरामध्ये विविध प्रकारच्या वृक्षांचे वृक्षारोपण करण्यात आले. यावेळी मोठ्या प्रमाणात ऑक्सीजन देणाऱ्या विविध वनस्पतींचे वृक्षारोपण करण्यात आले. अंबाजोगाई परिसरामध्ये सामाजिक कार्याचा वसा हाती घेऊन अविरतपणे कार्य करत असलेली संस्था ग्राम शक्ती फाउंडेशन अंबाजोगाई संस्थापक अध्यक्ष ज्योतीराम सोनके यांच्या नेतृ

MB NEWS-फसवणूक >>> मालक राहिला बाजूलाच: बनावट मालक उभा करत बनावट कागदपत्रे देवून 3 हेक्टर 55 आर जमीनीचे केले खरेदीखत !

फसवणूक >>> मालक राहिला बाजूलाच: बनावट मालक उभा करत बनावट कागदपत्रे देवून 3 हेक्टर 55 आर जमीनीचे केले खरेदीखत ! परळी वैजनाथ प्रतिनिधी... शेतजमीन नावावर करून घेताना व त्याचे खरेदीखत करताना सर्व पडताळण्या केल्या जातात. तसेच लिहून देणार, लिहून घेणार, साक्षीदार, शपथपत्रे, बायोमेट्रिक ओळख पटवणे, आधार कार्ड, वकील अशा सविस्तर प्रक्रियेतून खरेदी खताची नोंदणी दुय्यम निबंधक कार्यालयात होते. मात्र यातूनही फसवणुकीचा एक खळबळजनक प्रकार समोर आला आहे. मूळ जमीन मालक बाजूलाच राहिला व त्याच्या जागी बनावट मालक उभा करत बनावट कागदपत्रे तयार करून निबंध कार्यालयात सादर करत सर्व पडताळण्या पूर्ण करून तीन हेक्टर 55 आर जमिनीचे खरेदीखत झाल्याचा प्रकार उघडकीस आला आहे.याप्रकरणी दुय्यम उपनिबंधक परळी यांनीच आता पोलिसात बेकायदेशीर व अनाधिकृतरित्या खरेदीखत दस्तनोंदणी प्रकरणी गुन्हा दाखल केला आहे. याबाबत पोलीस सूत्रांकडून प्राप्त अधिक माहितीनुसार , परळी येथील दुय्यम निबंधक श्रेणी एक कार्यालयातील प्रभारी दुय्यम निबंधक नईम अहमद शेख यांनी परळी शहर पोलीस ठाण्यात फिर्याद दाखल केली आहे. या सविस्तर फ

MB NEWS-भगवानगडाचे महंत न्यायाचार्य नामदेव शास्त्री महाराज यांची धनंजय मुंडे यांच्या निवासस्थानी आशीर्वादपर सदिच्छा भेट

भगवानगडाचे महंत न्यायाचार्य नामदेव शास्त्री महाराज यांची धनंजय मुंडे यांच्या निवासस्थानी आशीर्वादपर सदिच्छा भेट जन्मदिनाच्या निमित्ताने शास्त्रींनी धनंजय मुंडेंना संत भगवानबाबांची प्रतिमा भेट देत दिले आशीर्वाद परळी (दि. 17) - भगवानगडाचे महंत ह.भ.प. न्यायाचार्य डॉ. नामदेव शास्त्री महाराज यांनी आज धनंजय मुंडे यांच्या जन्मदिनाच्या निमित्ताने मुंडेंच्या परळी येथील पंढरी या निवासस्थानी आशीर्वादपर सदिच्छा भेट दिली. यावेळी महंत नामदेव शास्त्री यांनी नुकताच पार पडलेल्या धनंजय मुंडे यांच्या जन्मदिनानिमित्त श्री. मुंडे यांना संत भगवानबाबा यांची भव्य प्रतिमा भेट देऊन आशीर्वाद दिला. याप्रसंगी धनंजय मुंडे यांच्या मातोश्री श्रीमती रुक्मिणीबाई मुंडे, राष्ट्रवादी काँग्रेसचे तालुकाध्यक्ष लक्ष्मणराव पौळ, प्रा. निलेश आघाव आदी उपस्थित होते. धनंजय मुंडे यांनी देखील मुंडे कुटुंबाच्या वतीने महंत नामदेव शास्त्री यांचे स्वागत करत आशीर्वाद घेतले. आज सकाळीच संतांचे दर्शन थेट घरी लाभले, संतांच्या सान्निध्यात ईश्वर प्राप्ती होते, असा आशय सांगणाऱ्या 'संत दर्शनी हा लाभ, पद्मनाभ जोडीला...' या अभंगवणीचा प्र

MB NEWS-अज्ञात वाहनाच्या धडकेत ऊसतोड मजुरांचा मृत्यू

अज्ञात वाहनाच्या धडकेत ऊसतोड मजुरांचा मृत्यू परळी वैजनाथ, प्रतिनिधी.... अज्ञात वाहनाच्या धडकेत गोवर्धन हिवरा येथील ऊसतोड मजुरांचा मृत्यू झाल्याची घटना तालुक्यातील सिरसाळा येथे घडली असून या प्रकरणी सिरसाळा पोलीस ठाण्यात गुन्हा नोंद करण्यात आला आहे. पोलीस सूत्राकडून मिळालेल्या माहितीनुसार गुरुवार दि 14 रोजी सिरसाळा येथील आठवडी बाजारातील सरकारी धान्य गोडवानाचे समोरील रोडवर बालु रामा राठोड (वय ३० वर्षे) हे पायी चालत असतांना अज्ञात वाहन चालकाने त्याचे ताब्यातील वाहन भरगाव वेगाने हायगयीने व निष्काळजिपणे चालवुन त्यास जोराची धडक देवुन गंभिर जखमी केले.उपचारादरम्यान त्यांचा मृत्यू झाला असून या प्रकरणी मरणास कारणीभुत म्हणुन सिरसाळा पोलीस ठाण्यात गुरन १२६ / २०२२कलम २७९, ३३७,३३८,३०४(अ) भा.द.वी नुसार गुन्हा दाखल करण्यात आला आहे.

MB NEWS-दिव्य ज्योति जाग्रती संस्थानचा परळीत आज गुरूपोर्णिमा उत्सव

दिव्य ज्योति जाग्रती संस्थानचा परळीत आज गुरूपोर्णिमा उत्सव परळी/प्रतिनिधी दिव्य ज्योति जाग्रती संस्थान शाखा लातूरच्या वतीने परळी वैजनाथ येथे आज रविवार दि.17 जुलै रोजी सकाळी 9 वाजता गुरू पोर्णिमा महोत्सव आयोजित करण्यात आला आहे. प.पू.सर्वश्री आशुतोषजी महाराज यांच्या प्रेरणेतून परळी वैजनाथ येथे आज रविवार दि.17 जुलै रोजी सकाळी 9 वाजता हालगे गार्डन, वैद्यनाथ मंदिरजवळ, दिव्य ज्योति जाग्रती संस्थानचा गुरू पोर्णिमा उत्सव होणार आहे. या कार्यक्रमात सर्वश्री आशुतोषजी महाराज यांच्या प्रेरणेतून दिव्य ज्योति जाग्रति संस्थानच्या वतीने प्रवचन, संकीर्तन तसेच विविध धार्मीक कार्यक्रम होणार आहेत. या कार्यक्रमास भाविक भक्तांनी मोठया संख्येने उपस्थित रहावे असे आवाहन दिव्य ज्योति जाग्रती संस्थान परळीच्या वतीने करण्यात येत आहे.

MB NEWS-पंकजाताई मुडे, खा. डाॅ. प्रितमताई मुंडेंच्या मागणीप्रमाणे परळीचा उड्डाणपूल तसेच चौपदरीकरणाला १०० कोटीचा निधी

पंकजाताई मुडे, खा. डाॅ. प्रितमताई मुंडेंच्या मागणीप्रमाणे परळीचा उड्डाणपूल तसेच चौपदरीकरणाला १०० कोटीचा निधी विकासकामांना वेळोवेळी निधी दिल्याबद्दल केंद्रीय मंत्री नितीन गडकरींचे पंकजाताईंनी मानले आभार बीड ।दिनांक १६। परळी शहरातील डाॅ. शामाप्रसाद मुखर्जी रेल्वे उड्डाणपूलाचे विस्तारीकरण आणि चौपदरीकरण तसेच अंबाजोगाई-लातूर मार्गावरील बीड जिल्हयाच्या हद्दीतील रस्त्याचे चौपदरीकरण यासाठी शंभर कोटी रूपयाचा निधी भाजपच्या राष्ट्रीय सचिव पंकजाताई मुंडे व खा.डॉ.प्रितमताई मुंडे यांच्या मागणीनंतर केंद्रीय मंत्री नितीन गडकरी यांनी मंजूर केला आहे. याबद्दल पंकजाताईंनी ट्विट करत गडकरी यांचे आभार मानले आहेत. परळी शहरातील वाहतुकीची कोंडी सुटावी यासाठी सध्याच्या डाॅ. शामाप्रसाद मुखर्जी उड्डाणपूलासह आणखी एक उड्डाणपूल असावा तसेच त्याचे चौपदरीकरण करावे अशी मागणी पंकजाताई मुंडे यांनी केंद्रीय मंत्री नितीन गडकरी यांचेकडे यापूर्वीच केलेली आहे. जिल्हयाच्या खासदार डॉ.प्रितमताई मुंडे यांनी अंबाजोगाई- लातूर दरम्यानच्या बीड जिल्हयाच्या हद्दीतील रस्त्याचे चौपदरीकरण करावे व त्यासाठी निधी उपलब्ध करून द्

MB NEWS-महाराजांची शिकवण सतत आम्हाला सन्मार्ग दाखवत राहील -धनंजय मुंडे

पाटांगणकर महाराज यांच्या पार्थिवाचे धनंजय मुंडे यांनी घेेतलं अंत्यदर्शन महाराजांची शिकवण सतत आम्हाला सन्मार्ग दाखवत राहील -धनंजय मुंडे बीड येथील संत जनीजनार्धन संस्थानचे मठाधिपती ह.भ.प.धुंडीराजशास्त्री पाटांगणकर महाराज यांच्या पार्थिवाचे आज माजी मंत्री धनंजय मुंडे यांनी अंत्यदर्शन घेऊन त्यांना आदरांजली अर्पण केली तसेच कुटुंबीयांचे सांत्वन केले. महाराजांनी अध्यात्माच्या मार्गाने शिकवलेली मानवतेची शिकवण सतत आम्हाला सन्मार्ग दाखवत राहील अशी भावना यावेळी धनंजय मुंडे यांनी व्यक्त केली, यावेळी त्यांच्यासमवेत माजी आमदार सय्यद सलीम, नारायण शिंदे, कल्याण आखाडे, दादासाहेब मुंडे, प्रशांत चौरे आदी होते.

MB NEWS-राष्ट्रपती पदाच्या उमेदवार द्रोपदी मुर्मू यांनी पंकजाताई मुंडेंना सोबत घेत केला छत्तीसगड, मध्यप्रदेशचा दौरा

राष्ट्रपती पदाच्या उमेदवार द्रोपदी मुर्मू यांनी पंकजाताई मुंडेंना सोबत घेत केला छत्तीसगड, मध्यप्रदेशचा दौरा दौऱ्यानंतर मूर्मू यांनी ट्विट करत केली पंकजाताईंची प्रशंसा ! मुंबई ।दिनांक१६। राष्ट्रपतीपदाच्या निवडणूकीच्या पार्श्वभूमीवर भाजपच्या उमेदवार श्रीमती द्रोपदी मुर्मू सध्या विविध राज्याचा दौरा करत आहेत. मुर्मू यांनी नुकताच भाजपच्या राष्ट्रीय सचिव पंकजाताई मुंडे यांना सोबत घेत छत्तीसगड, मध्यप्रदेशचा दौरा केला. दौरा संपल्यानंतर मुर्मू यांनी ट्विट करत त्यांचं खास कौतुक केलं. भाजपच्या राष्ट्रपतीपदाच्या उमेदवार द्रोपदी मुर्मू गुरूवारी (ता. १४) मुंबईत आल्या होत्या. विमानतळावर भाजपच्या वतीनं त्यांचं उत्स्फूर्त स्वागत करण्यात आलं. भाजपच्या राष्ट्रीय सचिव पंकजाताई मुंडे यांनीही त्यांचं स्वागत केलं. त्यानंतर मूर्मू यांनी पुढील राज्याचा दौरा करण्यासाठी पंकजाताईंना आपल्या समवेत घेतले. दि. १४ व १५ रोजी छत्तीसगड आणि मध्यप्रदेशचा त्यांचा दौरा पार पडला. मध्यप्रदेशच्या सह प्रभारी या नात्याने पंकजाताईंनी भोपाळमध्ये त्यांच्यासोबत होत्या. याठिकाणी मुर्मू यांचं जोरदार स्वागत झालं. या स्वाग

MB NEWS-धुंडिराज शास्त्री पाटांगणकर महाराजांच्या निधनाने बीड जिल्हयाच्या अध्यात्मिक क्षेत्राची मोठी हानी* पंकजाताई मुंडे यांनी व्यक्त केल्या शोकभावना

धुंडिराज शास्त्री पाटांगणकर महाराजांच्या निधनाने बीड जिल्हयाच्या अध्यात्मिक क्षेत्राची मोठी हानी पंकजाताई मुंडे यांनी व्यक्त केल्या शोकभावना बीड ।दिनांक १६। अध्यात्मिक क्षेत्रातील थोर व्यक्तिमत्व धुंडिराज शास्त्री महाराज पाटांगणकर यांच्या निधनाने जिल्हयाच्या अध्यात्मिक क्षेत्राची मोठी हानी झाली आहे अशा शब्दांत भाजपच्या राष्ट्रीय सचिव पंकजाताई मुंडे यांनी शोकभावना व्यक्त करत त्यांना भावपूर्ण श्रध्दांजली अर्पण केली. धुंडिराज शास्त्री महाराजांच्या निधनाची बातमी सायंकाळी कानावर आली आणि धक्काच बसला. महाराजांचे अध्यात्मिक क्षेत्रातील योगदान मोठे होते. पन्नास वर्षाहून अधिक काळ ते या क्षेत्रात कार्यरत होते. लोकनेते गोपीनाथराव मुंडे व परिवाराशी त्यांचा विशेष स्नेह होता. अनेक वेळा त्यांचेशी संवाद साधण्याचा योग आला, विविध विषयांवर ते मनमोकळे बोलायचे. आयुर्वेदाचे ते गाढे अभ्यासक होते. त्यांच्या निधनाने अध्यात्मिक तसेच आयुर्वेद क्षेत्राचे मोठे नुकसान झाले आहे, त्यांना माझी भावपूर्ण श्रध्दांजली अशा शब्दांत पंकजाताईंनी आपल्या शोकभावना व्यक्त केल्या. ••••

MB NEWS-धनंजय मुंडेंच्या मागणीला मोठे यश;नितीन गडकरींनी परळीसाठी 100 कोटी केले मंजूर

धनंजय मुंडेंच्या मागणीला मोठे यश;नितीन गडकरींनी परळीसाठी 100 कोटी केले मंजूर श्यामाप्रसाद मुखर्जी रेल्वे उड्डाणपुलासह दुसऱ्या उड्डाणपुलाच्या चौपदरीकरणासाठी नितीन गडकरींनी केले 100 कोटी मंजूर!* *दोन्ही उड्डाणपूल 4 पदरी होणार; लवकरच होणार निविदा प्रसिद्ध* *अंबाजोगाई लातूर रोडवरील बीड जिल्हा हद्दीतील रस्ताही होणार चौपदरी, केंद्राने मागवले प्रस्ताव* परळी वै. (दि. 16) - माजी मंत्री धनंजय मुंडे यांनी दि. 16 जून रोजी केंद्रीय मंत्री नितीन गडकरी यांची दिल्ली येथे भेट घेऊन केलेल्या मागणीला मोठे यश आले असून, परळी शहरातील वाहतुकीच्या दृष्टीने अत्यंत महत्वाचा असलेल्या श्यामाप्रसाद मुखर्जी रेल्वे उड्डाणपूलाच्या व थर्मल परिसरातील दुसऱ्या उड्डाणपुलाच्या चौपदरीकरण कामासाठी केंद्रीय भूपृष्ठ वाहतूक विभागाने 100 कोटी रुपये निधी मंजूर केला आहे. निधी मंजूर करण्यात आलेल्या कामांमध्ये रा.मा.548 ब वरील श्यामाप्रसाद मुखर्जी रेल्वे उड्डाणपूल चौपदरीकरण व रा.मा.361 एफ वरील परळी शहरातील छत्रपती संभाजी महाराज चौक ते औष्णिक विद्युत प्रकल्पाचे प्रवेशद्वार या रस्त्याचे त्यावरील रेल्वे उड्डाण पुलासह चौपदरीकरण कर

MB NEWS-बीड जिल्ह्याचे अध्यात्मिक वैभव हरवले; धुंडीराज शास्त्री पाटांगणकर महाराजांचे देहावसन

बीड जिल्ह्याचे अध्यात्मिक वैभव हरवले; धुंडीराज शास्त्री पाटांगणकर महाराजांचे देहावसन बीड जिल्ह्याच्या आध्यात्मिक क्षेत्राला धक्का देणारी बातमी शनिवारी समोर आली.वेदशास्त्रसंपन्न हभप धुंडिराज महाराज पाटांगणकर यांचे वृद्धपकाळाने सायंकाळी निधन झाले.त्यांच्या निधनाने वृत्त समजताच शेकडो भाविक भक्तांनी रुग्णालयात एकच गर्दी केली होती. मूळचे शिक्षक असणारे धुंडिराज महाराज हे वेदशास्त्रसंपन्न होते.आयुर्वेद या विषयात त्यांचा गाढा अभ्यास होता.दुर्धर आजारावर त्यांचे निदान अतिशय परफेक्ट होते.संत जनीजनार्दन संस्थान थोरले पाटांगण चे प्रमुख होते. गेल्या पन्नास वर्षापेक्षा अधिक काळापासून ते अध्यात्मिक क्षेत्रात कार्यरत होते.विद्यावाचस्पती म्हणून त्यांचा नावलौकिक होता.श्रीमद भागवत मुखोदगद असलेले धुंडिराज महाराज हे बीड जिल्ह्याच्या अध्यात्मिक क्षेत्रातील मैलाचा दगड होते. गेल्या काही महिन्यांपासून ते आजारी होते,शनिवारी सायंकाळी त्यांचे उपचार सुरू असताना निधनझाले.त्यांच्या पश्चात दोन भाऊ,पत्नी,मुलगा,सुना नातवंडे असा परिवार आहे. बीड जिल्ह्याच्या आध्यात्मिक क्षेत्राला धक्का देणारी बातमी शनिवारी समोर आली.वेदश

MB NEWS-रविवारपासून धनंजय मुंडेंच्या नेतृत्वात 'राष्ट्रवादी आपल्या दारी' अभियानास पुन्हा सुरुवात*