🏵️ Photo of the day: समरांगणीचा शिवसुर्य उगवला....!
'शिवरायाचे आठवावे रूप शिवरायांचा आठवावा प्रताप" असे वर्णन असलेल्या या शिवसुर्याचे क्षणाक्षणाला स्मरण करणे हे सदैव प्रेरणादायीच. शिवरायांच्या तेजाला साक्षात सुर्याच्या तेजाचीच उपमा समर्पक ठरते.
 |
| छायाचित्र: सुनील फुलारी, परळी वैजनाथ. |
शिवरायांच्या या ओजस्वी, तेजस्वी रुपाचे अनेकांनी अनेक प्रकारे वर्णन केलेलेच आहे.एका कविने या शिवसुर्याचे यथार्थ वर्णन आपल्या काव्य प्रतिभेतून केलेले आहे." सह्याद्रीच्या डोंगरावर, समरांगणीचा शिवसुर्य उगवला,अन्यायाच्या काळोखाला भेदित, तो जाणता राजा जाहला " या काव्यपंक्ती यथार्थ ठरवणारे छायाचित्र टिपले आहे परळीतील हरहुन्नरी प्रेस फोटोग्राफर सुनील फुलारी यांनी.
प्रेस फोटोग्राफर सुनील फुलारी हे नेहमीच अतिशय सृजनशील छायाचित्रण करत असतात. आपल्या कॅमेऱ्याच्या माध्यमातून एक गहण कलाकृती छायाचित्राच्या रूपातून देण्याचा त्यांचा नेहमीच प्रयत्न असतो. मग परळी शहरातील विविध उपक्रम असो की उत्सव, पालखी सोहळा असो कि निसर्ग सौंदर्य या सर्वच ठिकाणी ते एक अर्थपूर्ण व कलात्मक वेगळी छबी टिपण्याची धडपड करताना दिसतात.
परळी शहरातील छत्रपती शिवाजी महाराज चौकामध्ये शिवरायांचा भव्य अश्वारूढ पुतळा आहे. या ठिकाणी काल दिनांक 31 रोजी उंच भगवा ध्वज फडकवण्यात आला. याचे अर्थपूर्ण मनमोहक छायाचित्र त्यांनी टिपले होते. त्यानंतर आज पुन्हा त्यांची कलात्मकता जोपासत त्यांनी याच ठिकाणी छत्रपती शिवरायांच्या पाठीशी तळपणारा तेजस्वी सूर्य अशा प्रकारचे क्षणचित्र आपल्या कॅमेऱ्यात टिपले आहे. खरोखरच या शिवसुर्याची अनेक विविध रूपे क्षणाक्षणाला जरी टिपली तरी त्याची महतीही क्षणाक्षणाला वाढतच जाते. एकंदरीतच आज दिवसभराच्या छायाचित्रातील फोटो ऑफ दि डे म्हणून निश्चित हे छायाचित्र वाटते.
| छायाचित्र: सुनील फुलारी, परळी वैजनाथ. |
टिप्पण्या
टिप्पणी पोस्ट करा