माझी बातमी MB NEWS

अजितदादा बीडचे पालकमंत्री: धनंजय मुंडे यांची प्रतिक्रिया काय? परळी वैजनाथ, प्रतिनिधी..     राज्यातील सर्व जिल्ह्यांचे पालकमंत्री आज जाहीर करण्यात आले यामध्ये बीड जिल्ह्याचे पालकमंत्री म्हणून उपमुख्यमंत्री अजितदादा पवार यांच्या नावाची घोषणा झाल्यानंतर राज्याचे अन्न व नागरी पुरवठा मंत्री व बीड जिल्ह्याचे माजी पालकमंत्री राहिलेल्या धनंजय मुंडे यांनी ट्विट करून अजितदादा पवार यांचे अभिनंदन केले आहे. अजित दादांच्या नेतृत्वात बीड जिल्ह्याच्या विकासाला मोठी गती मिळेल असा आपल्याला विश्वास असल्याची प्रतिक्रिया त्यांनी व्यक्त केली आहे.   धनंजय मुंडे यांचे नेमके ट्विट काय आहे    बीड जिल्ह्याच्या पालकमंत्री पदी राज्याचे उपमुख्यमंत्री  ना. अजितदादा पवार यांची नियुक्ती झाल्याबद्दल त्यांचे हार्दिक अभिनंदन व खूप खूप स्वागत. आदरणीय दादांच्या नेतृत्वात बीड जिल्ह्याच्या विकासाला पुणे जिल्ह्याप्रमाणे अधिकची गती आणि चालना मिळेल असा मला विश्वास आहे. बीड जिल्ह्यातील सध्या बदललेली राजकीय व सामाजिक स्थिती पाहता आदरणीय मुख्यमंत्री महोदय व आदरणीय उपमुख्यमंत्री महोदय यांना मी स्वतः ब...

  वैद्यनाथ महाविद्यालयात गणित विभागामार्फत विविध कार्यक्रमांचे आयोजन  परळी वैजनाथ, प्रतिनिधी... येथील वैद्यनाथ महाविद्यालयात गणित विभागाच्या आर्यभट मॅथ क्लबच्या वतीने राष्ट्रीय गणित दिन उत्साहात साजरा करण्यात आला. गणित दिन हा विद्यापीठाच्या परीक्षेच्या कालावधीत येत असल्याने तो आज साजरा करण्यात आला. या कार्यक्रमाचे उद्घाटन मान्यवरांच्या उपस्थितीत पार पडले. प्रमुख पाहुण्या म्हणून लक्ष्मीबाई देशमुख महिला महाविद्यालयाच्या प्राचार्या डॉ. विद्या देशपांडे उपस्थित होत्या, तर अध्यक्षस्थानी वैद्यनाथ महाविद्यालयाच्या प्राचार्या डॉ. ए. आर. चव्हाण होत्या.कार्यक्रमाची सुरुवात गणित विभाग प्रमुख डॉ. बी. एस. सातपुते यांच्या प्रास्ताविकाने झाली. पाहुण्यांचा परिचय डॉ. बी. पी. गजभारे यांनी करून दिला. यावेळी आर्यभट मॅथ क्लबच्या विद्यार्थ्यांनी तयार केलेल्या भित्तीपत्रकाचे प्रकाशन मान्यवरांच्या हस्ते करण्यात आले.सेकंड इयरचे विद्यार्थी आशिष मुडे आणि किरण गुट्टे यांनी  गणित तज्ञ श्रीनिवास रामाजुन व आर्यभट्ट यांच्या जीवन चरित त्रावर मनोगत व्यक्त केले.  प्रमुख पाहुण्या डॉ. विद्या देशपांडे य...

मोठी बातमी! पालकमंत्र्यांची यादी जाहीर पालकमंत्र्यांची यादी जाहीर करण्यात आली असून, अजित पवार हे आता दोन जिल्ह्यांचे पालकमंत्री असणार आहेत. अजित पवार हे पुणे आणि बीडचे पालकमंत्री असणार आहेत.  मुख्यमंत्री देवेंद्र फडणवीस हे गडचिरोलीचे पालकमंत्री असणार आहेत. तर उपमुख्यमंत्री अजित पवार हे पुणे आणि बीडचे पालकमंत्री असणार आहेत. उपमुख्यमंत्री एकनाथ शिंदे यांच्याकडे मुंबई शहर आणि ठाण्याचं पालकमंत्रिपद देण्यात आलं आहे. पंकजा मुंडे यांच्याकडे जालन्याचं पालकमंत्रिपद देण्यात आलं आहे. गुलाबराव पाटील हे जळगावचे पालकमंत्री असणार आहेत. धुळ्याचं पालकमंत्रिपद जयकुमार रावल यांच्याकडे सोपवण्यात आलं आहे. वाशिमची जबाबदारी हसन मुश्रीफ यांना देण्यात आली आहे. संजय राठोड हे यवतमाळचे पालकमंत्री असणार आहेत. उदय सामंत हे रत्नागिरीचे पालकमंत्री असणार आहेत. गडचिरोली - देवेंद्र फडणवीस नागपूर - चंद्रशेखर बावनकुळे ठाणे - एकनाथ शिंदे पुणे - अजित पवार बीड - अजित पवार जालना - पंकजा मुंडे अमरावती - चंद्रशेखर बावनकुळे अहिल्यानगर - राधाकृष्ण विखे पाटील वाशिम - हसन मुश्रीफ सांगली - चंद्रकांत पाटील सातारा -शंभुराजे देसाई...

  पंतप्रधान मोदींच्या हस्ते स्वामित्व योजनेंतर्गत प्राॅपर्टी कार्डचे वितरण ; बीडमध्ये ना. पंकजा मुंडे राज्य सरकारच्या वतीने प्रमुख अतिथी स्वामित्व योजनेची वीट ना. पंकजाताईंच्या कार्यकाळात रचली हे जिल्हयासाठी भूषणावह - जिल्हाधिकाऱ्यांकडून प्रशंसा बीड।दिनांक १८। केंद्र व राज्य सरकारचा संयुक्त उपक्रम असलेल्या स्वामित्व योजनेंतर्गत पात्र घरमालकांना मालमत्ता कार्डचे वितरण पंतप्रधान नरेंद्र मोदी यांच्या हस्ते आज ऑनलाईन पध्दतीने झाले. बीडमध्ये राज्य सरकारच्या वतीने राज्याच्या पर्यावरण व वातारणीय बदल तसेच पशुसंवर्धन मंत्री ना. पंकजाताई मुंडे प्रमुख अतिथी म्हणून ऑनलाईन उपस्थित होत्या. दरम्यान ना. पंकजाताई मुंडे ग्रामविकास मंत्री असताना या योजनेची वीट रचली गेली होती, आता तिचा कळस झाला आहे,ही संपूर्ण जिल्हयासाठी निश्चितच अभिमानाची बाब आहे अशा शब्दांत जिल्हाधिकारी अविनाश पाठक यांनी त्यांची प्रशंसा केली.   गावातील मिळकतींचे जीआयएस सर्वेक्षण व ड्रोनद्वारे गावठाण भूमापन करून घरमालकांना मालमत्ता कार्ड व ई- सनदचे वितरण या योजनेंतर्गत केले जाते. ही योजना सन २०१९ मध्ये ना. पंकजाताई मुंडे ग्राम...

  बीड शहरातील ३० वर्षिय महिला बेपत्ता बीड (प्रतिनिधी) शहरातील बापूजी नगर धानोरा रोड येथील महिला वय ३० वर्ष रंग सावळा उंची ५ फुट ५ इंच अंगात निळ्या रंगाचा ड्रेस असून गुलाबी कलरचा स्वेटर जॅकेट आहे. ती  दि.१६ जानेवारी घरातून ६ वाजण्याच्या दरम्यान कोणालाही न सांगता घरातून निघून गेली आहे.  तिचा शोध सर्वत्र घेतला मात्र ती अद्यापही सापडली नाही त्यामुळे दि. १७ रोजी सायंकाळी शिवाजीनगर पोलीस ठाण्यात तक्रार दाखल केली आहे.  आई, वडील, बहिण, भाऊ त्यांचा शोध घेत आहे कोणाला आढळल्यास शिवाजीनगर पोलीस ठाणे किंवा मुलीचे वडील श्री दत्तात्रेय मुरलीधर बेदरे  मो. 8308603931 यांना संपर्क करा असे आवाहन करण्यात आले आहे.

केज-अंबाजोगाई रस्त्यावर ढाकेफळ येथे अपघातात दुचाकीस्वार जागीच ठार  केज :- केज  तालुक्यातील ढाकेफळ येथे दिनांक १७ जानेवारी रोजी रात्री ९:३० वाजता ट्रॅक्टर आणि दुचाकीच्या अपघातात सुभाष रतन अंधारे वय (४० वर्ष) हा एकजण ठार झाला असल्याची माहिती मिळते आहे.          दि. १७ जानेवारी रोजी रात्री केज-अंबाजोगाई रोडवर ढाकेफळ जवळ सुभाष रतन अंधारे यांची मोटार सायकल ही एका ट्रॅक्टरला मागून धडकली. या अपघातात दुचाकी स्वार सुभाष रतन अंधारे वय (४९ वर्ष) याचा जागीच मृत्यू झाला आहे. सुभाष रतन अंधारे यांचा मृतदेह उत्तरीय तपासणीसाठी उपजिल्हा रुग्णालय केज येथे ठेवण्यात आला असून या अपघाता संबंधी युसुफवडगाव पोलीस ठाण्यात गुन्हा दाखल होणार आहे.

दिवसाढवळ्या घरात घुसून केला गोळीबार:'प्रेमवेड्या' आरोपीला रेणापूरातील ज्वारीच्या शेतातून पकडले ! अंबाजोगाईतील गोळीबाराचं कारण आलं समोर  अंबाजोगाई, प्रतिनिधी....            अंबाजोगाई शहरातील मोरेवाडी परिसरात असलेल्या माऊली नगर मध्ये रहात असलेल्या नवनाथ कदम यांच्या मुलावर एका युवकाने गोळीबार करुन दहशत निर्माण करण्याचा प्रयत्न केला.यात जीवितहानी किंवा कोणीही जखमी झालेले नसले तरी या घटनेने शहरात खळबळ उडाली.या घटनेनंतर पोलीसांनी तातडीने शोध घेत तीन पथकांद्वारे जलद गतीने आरोपीला शस्त्रासह ताब्यात घेतले आहे.खळबळ उडवून देणारी गोळीबाराची घटना ही प्रेमवेडातून घडली असल्याचे कारण आता पुढे आले आहे. नेमकं घडलं काय?         या प्रकरणातील फिर्यादी २२ वर्षिय तरुणी व आरोपी गणेश पंडित चव्हाण रा.गोविदनगर रेणापूर याचे मागील तीन वर्षापासुन प्रेमसंबंध होते. आरोपी नेहमी फिर्यादीस त्रास देत असल्याने फिर्यादीने आरोपीस आँगस्ट 2023 पासुन बोलणे बंद केले होते. तरी पण आरोपी हा फिर्यादीस फोन करुन माझ्याशी बोलली नाहीस तर तुला व तुझ्या घरच्याना जिवे मारुन टाकीन...

  शाळेतील  खिचडीतून ३४ विद्यार्थ्यांना विषबाधा केज / प्रतिनिधी...           तालुक्यातील विडा येथील शाळेत ३४ विद्यार्थ्यांना खिचडीतून विषबाधा झाल्याचा प्रकार झाला असून सध्या विद्यार्थ्यांची प्रकृती ठीक असल्याची माहिती तालुका आरोग्य अधिकारी श्री. गवळी यांनी दिली.           विडा येथिल रामकृष्ण विद्यालयात दि. १७ रोजी शालेय पोषण आहार म्हणून खिचडी शिजवली होती.हा पोषण आहार एकूण १३२ विद्यार्थ्यांनी सेवन केला. यामध्ये एकूण ३४ विद्यार्थ्यांना एक तासाने मळमळ, उलट्या, चक्कर येणे, डोकं दुखणे अशा तक्रारी सुरु झाल्या.हा प्रकार विद्यार्थ्यांनी शिक्षकाला सांगितल्या नंतर विद्यार्थ्यांना तात्काळ विडा येथील प्राथमिक आरोग्य केंद्रात दाखल करण्यात आले. ३४ पैकी २७ विद्यार्थ्यांवर उपचार करून घरी पाठवण्यात आले तर सात विद्यार्थ्यांना केज च्या उपजिल्हा रुग्णालयात उपचारासाठी दाखल करण्यात आले आहे.        दरम्यान, तालुका आरोग्य अधिकारी डॉ. अशोक गवळी यांनी तात्काळ विडा येथील आरोग्य केंद्रात भेट देऊन कर्मचाऱ्यांना सूचना करून योग्य तो उपचार ...

चार दिवसांपासून गायब-'जेली' चा विरह साहवेना : श्वानपालक चिंतातूर परळी वैजनाथ, प्रतिनिधी...           परळी शहरातील एका श्वानप्रेमींने पाळलेली  डॉबरमेन जातीची कुत्री चार दिवसांपासून गायब झाल्याने हे श्वानपालक चिंतातूर झाले आहेत.चार दिवसांपासून शोधमोहीम सुरु आहे मात्र अद्याप या श्वानाचा शोध लागलेला नाही.त्यामुळे कोणास आढळलेला असेल अथवा कोणी बांधून ठेवले असेल तर सुपूर्द करावे असे आवाहन त्यांनी केले आहे.          सध्या अनेक कुटुंबातील सदस्य असलेले श्वान नेहमीच चर्चेत असतात. मोठमोठ्या नेत्यांपासून ते सर्व सामान्यांपर्यंत श्वान प्रेम हल्ली वाढीस लागलेले दिसते. आपल्या लाडक्या श्वानांसोबत मज्जा करतानाचे अनेकांचे फोटो व्हायरल झालेले नेहमीच बघतो. कुटुंबातील एखाद्या सदस्यासारखी अनेक जण आपल्या पाळीव कुत्र्यांची काळजी घेतात. विशेष म्हणजे ते त्यांचे वाढदिवसही साजरे करतात. अशाच प्रकारचे श्वानप्रेमी असलेल्या परळीतील संदिप चौडे यांची पाळीव 'जेली' नावाची श्वान चार दिवसांपासून गायब झाल्याने ते चिंतातूर झाले आहेत. क...

वेळेचे नियोजन व प्रयत्नांच्या पराकाष्ठेने उच्च ध्येयाची प्राप्ती  "वैद्यनाथ" मधील निरोप समारंभात प्रा . डॉ.बोबडे यांचे उद्गार                परळी वैजनाथ- दि.१७-आजच्या स्पर्धात्मक युगात  शैक्षणिक गुणवत्ता साधण्यासाठी विद्यार्थ्यांनी सकारात्मक दृष्टी ठेवावी. त्याबरोबरच वेळेचे सुयोग्य नियोजन करून प्रयत्नांची पराकाष्ठा केल्यास उच्च ध्येय गाठणे सहज शक्य होते, असे विचार अभ्यासक प्रा. डॉ. तुकाराम बोबडे यांनी मांडले.                येथील वैद्यनाथ महाविद्यालयात आज (दि.१७) बारावी वर्गाच्या विद्यार्थ्यांसाठी आयोजित निरोप समारंभ व पुरस्कार वितरण कार्यक्रमात प्रमुख पाहुणे म्हणून डॉ .श्री बोबडे बोलत होते. अध्यक्षस्थानी महाविद्यालयाच्या प्राचार्या डॉ. ए.आर. चव्हाण होत्या. यावेळी व्यासपीठावर उपप्राचार्य सर्वश्री प्रा. डी. के. आंधळे, प्रा. डॉ. व्ही. गायकवाड, प्रा. एच.डी. मुंडे, नॅक समन्वयक डॉ.व्ही.जे. चव्हाण, पर्यवेक्षक प्रा. डॉ.नयनकुमार आचार्य, विज्ञानविभाग समन्वयक प्रा. आर. कांदे, प्रा. एम‌. एल. देशमुख यांची उप...

  एलिमेंट्री ड्रॉईंग परीक्षेत कासारवाडी शाळेचे यश परळी वैजनाथ, प्रतिनिधी....      जिल्हा परिषद प्राथमिक शाळा कासारवाडी येथील आठव्या वर्गातील विद्यार्थ्यांनी महाराष्ट्र राज्याच्या कला व संचलनालयाच्या वतीने आयोजित एलिमेंट्री ड्रॉईंग परीक्षेत यश मिळवले असून 13 विद्यार्थी या परीक्षेत उत्तीर्ण झाले आहेत.  जिल्हा परिषद प्राथमिक शाळांमध्ये कला शिक्षणासाठी स्वतंत्र शिक्षक नसतानाही या शाळेतील उपक्रमशील शिक्षिका श्रीमती प्रिया अशोकराव काळे यांनी विद्यार्थ्यांना प्रोत्साहन देऊन तसेच मार्गदर्शन करून यावर्षी प्रथमच एलिमेंट्री ड्रॉईंग परीक्षेसाठी तयारी करून घेतली.  श्रीमती काळे मॅडम यांच्या प्रयत्नास प्रतिसाद म्हणून विद्यार्थ्यांनीही मेहनत केली आणि या गावातून पहिल्यांदाच अशा प्रकारच्या परीक्षेत बसलेल्या विद्यार्थ्यांनी यश मिळवले. या वर्गाचा एकूण पट १८ विद्यार्थ्यांचा आहे. त्यापैकी तेरा विद्यार्थ्यांनी या परीक्षेत यश मिळवले असून तीन विद्यार्थिनी बी ग्रेड घेऊन उत्तीर्ण झाल्या आहेत.  उत्तीर्ण सर्व विद्यार्थ्यांचे त्याचबरोबर मार्गदर्शन करणाऱ्या श्रीमती प्रिया कळम काळे...

वाल्मीक कराड समर्थकांचे केज तालुक्यात आंदोलन: राजेगाव फाट्यावर टायर जाळून रास्ता रोको केज.....मस्साजोग येथील सरपंच स्व. संतोष देशमुख यांच्या हत्या प्रकरणाची संपूर्ण राज्यभर चर्चा असुन आवादा कंपनीच्या खंडणीच्या गुन्ह्यात आरोपी असलेले व मकोकांतर्गत गुन्ह्यात समावेश करण्यात आलेले वाल्मीक कराड यांच्या समर्थनार्थ परळी सह बीड जिल्ह्यात ठिकठिकाणी आंदोलने होत आहेत.  केज तालुक्यातच 100 फूट उंच असलेल्या पाण्याच्या टाकीवर एक दिव्यांग व्यक्ती सकाळपासून जाऊन बसला आहे. वाल्मीक कराड यांच्यावरील गुन्हे मागे घ्यावे अशी मागणी त्याने केली आहे. त्याला खाली उतरविण्यासाठी पोलीस त्याची मनधरणी करत आहेत. आता या आंदोलनाला पाठिंबा म्हणून केज ते नांदूरघाट मार्गावर राजेगाव फाट्यावर टायर जाळून रास्ता रोको करण्यात येत आहे.        केज ते नांदूरघाट मार्गावर वाल्मीक कराड यांच्यावरील गुन्हे रद्द करण्यात यावेत या मागणीसाठी तसेच नाना चौरे नावाचा एक तरुण पाण्याच्या टाकीवर चढलेला असून त्याला समर्थन देण्यासाठी गावकऱ्यांनी राजेगाव फाट्यावर रस्त्यावर टायर जाळून रस्ता रोको आंदोलन सुरू केले आहे. या आंदो...

बीडमध्ये धक्कदायक प्रकार उघड : जिल्हाधिकारी कार्यालयासमोर आंदोलन करणाऱ्यांना भेटायला आले 'फेक अधिकारी' ! जिल्हा प्रशासनाकडून दलित आंदोलकांची फसवणूक केल्याचा आरोप  बीड, प्रतिनिधी...       बीड जिल्हाधिकारी कार्यालयासमोर गेल्या पाच दिवसापासून विविध मागण्यांसाठी आंदोलन सुरू आहे. या उपोषण स्थळावर आज वरिष्ठ अधिकारी म्हणून आंदोलन सोडविण्यासाठी भेट द्यायला आलेले अधिकारी त्यांच्या त्यांच्या ओळखपत्राप्रमाणे नसल्याचा प्रकार समोर आला. या आंदोलनकर्त्यांनीच याचा भांडाफोड केला आहे. जिल्हाधिकारी व प्रशासनानेच अशा प्रकारे बोगसगिरी करून आंदोलकांची दिशाभूल व फसवणूक करण्याचा प्रयत्न केल्यास आरोप या आंदोलनकर्त्यांनी केला आहे.      बीड रेल्वे स्थानकाला भारतरत्न डॉ. बाबासाहेब आंबेडकर यांचे नाव द्यावे, त्याचबरोबर दादर येथील रेल्वे स्थानकाला चैत्यभूमी रेल्वे स्थानक असे नाव द्यावे यासह अन्य मागण्यांसाठी गेल्या पाच दिवसापासून जिल्हाधिकारी कार्यालयासमोर आमरण उपोषण सुरू आहे.  या आंदोलनस्थळी मोठ्या संख्येने दलित समाज बांधव सहभागी होते.या अनुषंगाने या आंदोलनकर्त्यांना भेट देण्य...

  वाल्मीक कराड यांच्या समर्थनार्थ: दिव्यांग व्यक्ती चढून बसला शंभर फूट उंच पाण्याच्या टाकीवर! केज.....     मस्साजोग येथील सरपंच स्व. संतोष देशमुख यांच्या हत्या प्रकरणाची संपूर्ण राज्यभर चर्चा असुन आवादा कंपनीच्या खंडणीच्या गुन्ह्यात आरोपी असलेले व मकोकांतर्गत गुन्ह्यात समावेश करण्यात आलेले वाल्मीक कराड यांच्या समर्थनार्थ परळी सह बीड जिल्ह्यात ठिकठिकाणी आंदोलने होत असताना आता केज तालुक्यातच 100 फूट उंच असलेल्या पाण्याच्या टाकीवर एक दिव्यांग व्यक्ती सकाळपासून जाऊन बसला आहे. वाल्मीक कराड यांच्यावरील गुन्हे मागे घ्यावे अशी मागणी त्याने केली आहे. त्याला खाली उतरविण्यासाठी पोलीस त्याची मनधरणी करत आहेत.       केज तालुक्यातील नाव्होली येथे नानासाहेब भानुदास चौरे नावाचा एक हात आणि पायाने अपंग असलेला दिव्यांग तरुण १०० फूट उंच असलेल्या पाण्याच्या टाकीवर चढला आहे. वाल्मीक कराड यांच्यावरील गुन्हे मागे घेण्याची त्याची मागणी आहे. घटनास्थळी पोलीस निरीक्षक वैभव पाटील आणि पोलीस उपनिरीक्षक आनंद शिंदे हे पोहोचले असून त्यांच्याशी ते संपर्क साधून त्याला खाली उतरविण्यासाठी त्...

अंबाजोगाई तालुक्यात खंडणीचा प्रकार समोर; महिला सरपंचाला मागितली एक लाखाची खंडणी  अंबाजोगाई, प्रतिनिधी...         केज तालुक्यातील मस्साजोग येथे आवादा कंपनीला खंडणी मागितल्याच्या प्रकरणाने राज्यभर चर्चा होत असतानाच आता अंबाजोगाई तालुक्यातही एका महिला सरपंचालाच खंडणी मागितल्याचा प्रकार समोर आला आहे. अंबाजोगाई तालुक्यातील ममदापूर पाटोदा ग्रामपंचायतच्या महिला सरपंचाला गावातीलच उपसरपंच व अन्य दोन ग्रामपंचायत सदस्यांनी एक लाख रुपयांची खंडणी मागितल्या प्रकरणी अंबाजोगाई ग्रामीण पोलीस ठाण्यात गुन्हा दाखल करण्यात आला आहे.          याबाबत पोलीस सूत्रांकडून प्राप्त अधिक माहितीनुसार, ममदापूर पाटोदा ता. अंबाजोगाई येथील महिला सरपंच मंगल राम मामडगे यांना तिघाजणांनी एक लाख रुपये खंडणी मागितल्याची फिर्याद दिल्यानंतर गुन्हा नोंदविण्यात आला आहे.या महिला सरपंचांनी फिर्यादीत म्हटले आहे की, ममदापूर पाटोदा या गावात विकास कामाकरिता निधी आल्यानंतर वेळोवेळी हेच लोक अडथळे आणतात. त्याचबरोबर शासकीय कार्यालयात जाऊन खोट्या तक्रारी देतात. आपल्यावर मानसिक दहशत टाकतात. असे...

  स्वयंपाकघरातच गळफास लावून गृहिणीने संपविलं जीवन  परळी वैजनाथ, प्रतिनिधी....        स्वयंपाकघरातच गळफास लावून एका गृहिणीने आपले जीवन संपविल्याची घटना दि.१६ रोजी सायंकाळच्या सुमारास परळी वैजनाथ येथील माणिकनगर भागात घडली आहे.याबाबत आकस्मिक मृत्यूची नोंद करण्यात आली आहे.         याबाबत पोलीस सूत्रांकडून प्राप्त अधिक माहितीनुसार, मयत 35 वर्षिय महिलेने माणीकनगर परळी वै . येथील राहते घरी स्वयंपाकघरातच स्लॅबच्या लोखंडी कडीला गळफास लावून आत्महत्या केली.आत्महत्या करण्याचे कारण अद्याप अस्पष्ट आहे.दुर्गेश्वरी विजयकुमार बकरे असे मयत महिलेचे नाव आहे.याप्रकरणी मयत महिलेचा पती विजयकुमार उत्तमराव बकरे यांच्या खबरीवरुन पोलीस ठाणे परळी शहर येथे आकस्मिक मृत्यूची नोंद करण्यात आली आहे.अधिक तपास पोह येलमटे हे करीत आहेत.

आवादा कंपनीच्या कामगाराचा केज येथे मृत्यू केज :- केज तालुक्यातील बहुचर्चित आवादा एनर्जी या पवन ऊर्जा कंपनीतील पंजाबच्या मजुराचा केज येथील रोडवर मृत्यू झाला आहे.मृत्यू नेमका कशामुळे झाला हे अद्याप समजू शकलेले नाही.           पंजाब राज्यातील हा कामगार केज तालुक्यातील मस्साजोग येथील आवादा एनर्जी या पवन ऊर्जा कंपनीत मजूर म्हणून काम करीत होता. त्याचे नाव रचपाल हमीद मसीह असून तो पंजाब राज्यातील गुरुदासपूर येथील रहिवासी आहे.केज शहरातील केज अंबाजोगाई रोडवर असलेल्या एका बार समोर त्याचा मृतदेह रस्त्यावर पडला असल्याचे आढळून आले.केज पोलिसांनी हा मृतदेह पीएम करण्यासाठी ताब्यात घेतला आहे.या प्रकरणाचा तपास केज पोलीस करत आहेत.

अंबाजोगाईत गोळीबार; व्यापाऱ्यावरील हल्ल्यानंतर दुसरी खळबळजनक घटना अंबाजोगाई (प्रतिनिधी)    अंबाजोगाई शहरातील मोरेवाडी परिसरात असलेल्या माऊली नगर मध्ये रहात असलेल्या नवनाथ कदम यांच्या मुलावर  एका युवकाने गोळीबार करुन दहशत निर्माण करण्याचा प्रयत्न केला.यात जीवितहानी किंवा कोणीही जखमी झालेले नसले तरी या घटनेने शहरात खळबळ उडाली आहे.     संतोष देशमुख यांच्या हत्येने बीड जिल्हा राज्यातच नव्हे तर देशात गाजत असताना आणि अंबाजोगाई शहरात दोन दिवसांपूर्वीच सुजित सोनी या व्यापाऱ्यावर हल्ला करून लुटण्याची घटना ताजी आहे.त्यानंतर आज शहरातील मोरेवाडी परिसरात असलेल्या माऊली नगर मध्ये  रहात असलेल्या नवनाथ कदम यांच्या सिद्धेश्वर या मुलावर रेणापूर तालुक्यातील एका युवकाने गोळीबार करुन दहशत निर्माण करण्याचा प्रयत्न केला. यात  कौटंबिक वादाची पार्श्वभूमी असल्याची माहिती समोर आली आहे.सतत धमकी प्रकरणी काही दिवसा पूर्वी गोळीबार करणाऱ्या या युवकाविरुद्ध  शहर पोलीस स्टेशन ला तक्रार ही देण्यात आलेली असल्याची माहिती आहे.  आज सकाळी तो कदम यांच्या घरी आला आणि वाद घालत कदम य...

बीड जिल्हा पुन्हा हादरला; आष्टी तालुक्यात दोन सख्ख्या भावांची हत्या हत्येचेही गुढ कायम;पोलिस प्रशासनसमोर मोठे आव्हान  आष्टी,प्रतिनिधी..        तालुक्यातील वहिरा येथे गुरूवारी  रात्री दहाच्या दरम्यान तीन सख्खा भावांवर त्याच्याच समाजातील काही लोकांना लोंखडी रॉड, धारदार शस्त्राने हल्ला केला. या हल्ल्यात दोन सख्खा भावांचा जागीच मृत्यू झाला. तर अन्य एक भाऊ गंभीर जखमी झाल्याची घटना अंभोरा पोलिस ठाणे हद्दीत घडली. अजय विलास भोसले, भरत विलास भोसले असे मयताचे नावे असून कृष्णा विलास भोसले हा गंभीर जखमी आहे.       आष्टी तालुक्यातील हातोळण येथील अजय विलास भोसले, भरत विलास भोसले, कृष्णा विलास भोसले हे तिघे भाऊ वाहिरा येथे गुरूवारी आले होते. याच ठिकाणी वाहिरा गावातील व बाहेरील काही लोक जमा झाले होते. गुरूवारी दुपारपासून हे सगळे याच ठिकाणी होते. रात्री साडे नऊ ते दहाच्या दरम्यान यातील काही लोकांनी या तीनही भावांवर लोंखडी रॉड, धारदार शस्त्राने हल्ला चढवला. या हल्ल्यात अजय विलास भोसले, भरत विलास भोसले या दोन सख्खा भावांचा जागीच मृत्यू झाला. तर तिसरा भाऊ कृष्णा...

  नोकरानेच दिली टीप : व्यापाऱ्यावर प्राणघातक हल्ला; हल्लेखोरांना ताब्यात घेण्यात पोलिसांना यश अंबाजोगाईतील घटना, सर्व आरोपी अल्पवयीन अंबाजोगाई - दिवसभराचे कामकाज आटोपून घराकडे निघालेल्या सुजित श्रीकृष्ण सोनी या तरुण व्यापाऱ्यावर कोयत्याने प्राणघातक हल्ला करून सोन्याची अंगठी आणि मोबाईल लंपास केल्याची घटना बुधवारी रात्री अंबाजोगाई शहरात घडली होती. या हल्लेखोरांना २४ तासात ताब्यात घेण्यात अंबाजोगाई शहर पोलीस आणि स्थानिक गुन्हे शाखेच्या पोलिसांना यश आले आहे. ही सर्व आरोपी अल्पवयीन आहेत.  सुजित सोनी यांची नगर परिषद परिसरात कोलगेट सह अन्य कंपन्यांची एजन्सी आहे. बुधवारी रात्री ९ वाजताच्या सुमारास कामकाज आटोपून घराकडे जात असताना यशवंतराव चव्हाण चौकातील नगर परिषद व्यापारी संकुलात असलेल्या हॉटेल कोकीताच्या मागील बाजूस तीन दुचाकीहून आलेल्या तीन हल्लेखोरांनी त्यांच्यावर कोयत्याने प्राणघातक हल्ला केला. त्यानंतर हल्लेखोरांनी सुजित यांची दोन तोळ्याची सोन्याची अंगठी आणि मोबाईल जबरदस्तीने काढून घेतला आन पळून गेले. त्यानंतर गंभीर जखमी झालेल्या सुजित यांनी स्वतःच्या दुचाकीवरून खाजगी रुग्णाल...

एकनाथ घुले यांना पितृशोक; साहेबराव घुले यांचे निधन परळी वैजनाथ (प्रतिनिधी) डायमंड हेअर ड्रेसरचे संचालक एकनाथ घुले यांचे वडील साहेबराव गोपीनाथ घुले यांचे अल्पश: आजाराने दुःखद निधन झाले. मृत्यू समयी त्यांचे वय 70 वर्षे होते.         साहेबराव घुले गेल्या काही दिवसांपासून आजारी होते. त्यांच्यावर अंबाजोगाई येथील दवाखान्यात उपचार सुरू होते. त्यातच आज गुरुवार दि. 16 जानेवारी 2025 रोजी सायंकाळी प्राणज्योत मालवली. ते अतिशय धार्मिक आणि मनमिळाऊ स्वभावाचे म्हणून परिचित होते. कै. साहेबराव घुले यांच्या पार्थिवावर उद्या शुक्रवारी सकाळी 9 वाजता परळी येथील सार्वजनिक स्मशानभूमीत अंत्यसंस्कार केले जाणार आहेत.       कै. साहेबराव घुले यांच्या पश्चात 2 मुले, 1 मुलगी, सुना, जावई असा भरगच्च परिवार आहे. डायमंड हेअर ड्रेसरचे संचालक अण्णाभाऊ घुले, रामचंद्र घुले, वाल्मिक घुले यांचे बंधू व एकनाथ साहेबराव घुले, हारिभाऊ घुले यांचे वडील होत.     घुले परिवारावर कोसळलेल्या दुःखात एमबी न्यूज परिवार सहभागी आहे.

  जयदेवी प्रभुआप्पा एस्के यांचे निधन  नागापूर : (ता.परळी )  येथील  जयदेवी  प्रभूआप्पा एस्के यांचे परळी येथील खाजगी दवाखान्यात गुरुवारी सायंकाळी उपचारा दरम्यान निधन झाले.          मृत्यू समयी त्यांचे वय 75 वर्षे होते. त्यांच्या पार्थिव देहावर शुक्रवारी ( दि १७) सकाळी १० वाजता नागापूर येथे अंत्यसंस्कार करण्यात येणार आहे. त्यांच्या पश्चात दोन मुले,एक मुलगी,सूना,नातू असा परिवार आहे.नागापूर येथील संत तुकाराम विद्यालयातील लिपिक मनोज व  शेतकरी नागनाथ  एस्के यांच्या त्या मातोश्री होत. एस्के कुटुंबावर कोसळलेल्या या दुःखात  एमबी न्यूज परिवार सहभागी आहे.

सिग्नल बंद पाडून रेल्वेत टाकायचे दरोडे : रेल्वे पोलीसांनी सराईत तीन आरोपींसह एका सराफा व्यापाऱ्याला केलं जेरबंद परळी वैजनाथ, प्रतिनिधी....          रेल्वे मार्गावर विविध ठिकाणी सिग्नल बंद पाडून रेल्वेत घुसून दरोड्याच्या घटनांमध्ये आवश्यक असलेल्या सराईत गुन्हेगारांना पकडण्यात परळी रेल्वे पोलिसांना यश मिळाले आहे. सराईत असलेल्या तीन दरोडेखोरांसह भूम येथील एका सराफा व्यापाऱ्यालाही पोलिसांनी अटक केली आहे. ऑक्टोबर व नोव्हेंबर मध्ये परळी वैजनाथ रेल्वे पोलीस ठाण्याच्या हद्दीत दोन  व नांदेड पोलीस ठाण्याच्या हद्दीत एक अशा रेल्वेतील  दरोडेच्या तीन घटना घडल्या होत्या. या घटनांतील मुद्देमाल व रेल्वेत दरोडे टाकणारी सराईत टोळीच या निमित्ताने पकडण्यात रेल्वे पोलिसांना यश मिळाले आहे.     ऑक्टोबर आणि नोव्हेंबर 2024 या महिन्यांमध्ये परळी रेल्वे पोलीस ठाण्याच्या हद्दीमध्ये दोन दरोडय़ाच्या व काही चोरीच्या संदर्भात गुन्हे घडले होते.तसेच नांदेड रेल्वे पोलिस ठाण्याच्या हद्दीतही अशाच प्रकारचा गुन्हा घडला होता.  त्यामध्ये आरोपी हे रेल्वेमार्गावर सिग्नल तोडून, बं...

संतोष देशमुख हत्या प्रकरणाच्या न्यायालयीन चौकशीसाठी सेवानिवृत्त न्यायाधिश एम.एल. ताहलीयानी समिती  बीड –संतोष देशमुख हत्या प्रकरणाच्या न्यायालयीन चौकशीसाठी सेवानिवृत्त न्यायाधिश एम.एल. ताहलीयानी समिती गठीत करण्यात आली आहे.संतोष देशमुख हत्या प्रकरणात एस आय टी, सीआयडी नंतर आता न्यायालयीन चौकशीसाठी समिती गठीत करण्यात आली आहे. मुख्यमंत्री देवेंद्र फडणवीस यांनी हिवाळी अधिवेशनात या संदर्भात घोषणा केली होती.सेवानिवृत्त न्यायाधिश एम.एल. ताहलीयानी ही चौकशी करणार आहेत. हिवाळी अधिवेशनात मुख्यमंत्री देवेंद्र फडणवीस यांनी संतोष देशमुख हत्या प्रकरणाची एसआयटी चौकशीसोबतच न्यायालयीन चौकशी करण्यात येणार असल्याची घोषणा केली होती मात्र या संदर्भात कुठलेही आदेश निघाले नसल्याने विरोधक सरकारला घेरण्याचा प्रयत्न करत होते.अखेर या प्रकरणाच्या चौकशीसाठी सेवानिवृत्त न्यायाधिश एम.एल. ताहलियानी यांची नियुक्ती करण्यात आली आहे. चौकशी समितीचे मुख्यालय बीड येथे राहणार असून समितीला चौकशीसाठी कोणत्याही व्यक्तीला बोलावण्याचा तसेच कागदपत्रे जप्त करण्याचा, झाडाझडतीचा अधिकार राहणार आहे. सहा महिन्याच्या आत समितीकडून आपला अ...

 'त्यामुळे' अखेर परळीच्या ऐतिहासिक राणी लक्ष्मीबाई टाॅवर चे प्रवेशद्वार केले बंद! परळी वैजनाथ नगरपरिषदेचे वरातीमागून घोडे  परळी वैजनाथ, प्रतिनिधी.....      शहरातील मध्यवर्ती ठिकाण असलेले व ऐतिहासिक पार्श्वभूमी असलेल्या राणी लक्ष्मीबाई टाॅवर वर जाण्यासाठीचा मार्ग आणि प्रवेशद्वार नगरपरिषद प्रशासनाने आज तात्पुरता बंद केला आहे.वाल्मीक कराड यांच्या समर्थनार्थ काल झालेल्या आंदोलनाच्या पार्श्वभूमीवर प्रशासनाने ही उपाय योजना केली आहे.           मस्साजोग येथील आवादा कंपनीच्या खंडणी प्रकरणात आरोपी असलेले वाल्मीक कराड यांच्या समर्थकांनी काल दिवसभर परळी शहरात विविध प्रकारची आंदोलने केली होती. कराड समर्थक आक्रमक होत परळी शहराच्या मध्यवर्ती ठिकाणी असलेल्या ऐतिहासिक राणी लक्ष्मीबाई टाॅवरवर चढले होते. राणी लक्ष्मीबाई टाॅवरवर जाण्यासाठी एक प्रवेशद्वार असून या प्रवेशद्वारातूनच हे आंदोलनकर्ते टॉवरच्या शिखरापर्यंत गेले होते. अशा प्रकारची घटना सद्य परिस्थितीत पुन्हा घडू नये यासाठी उपाययोजना म्हणून नगर परिषद प्रशासनाने तात्पुरत्या स्वरूपात या प्रवेशद्वाराला प...

परळी पोलीस ठाण्यासमोरील वाल्मीक कराड समर्थकांचे आंदोलन तात्पुरते स्थगित  ! परळी वैजनाथ, प्रतिनिधी...          परळी पोलीस ठाण्यासमोरील वाल्मीक कराड समर्थकांचे आंदोलन रात्री ९ वा सुमारास तात्पुरते स्थगित करण्यात आले आहे. उद्या सकाळी पुढील आंदोलनाची दिशा ठरविण्यात येणार असल्याचे आंदोलनकर्त्यांनी म्हटले आहे. दरम्यान अप्पर पोलीस अधीक्षक चेतना तिडके यांनी आंदोलनाला भेट देवून  निवेदन स्वीकारले आहे.        मस्साजोगचे सरपंच संतोष देशमुख हत्या प्रकरण संपूर्ण राज्यात चर्चेत आहे.याअनुषंगाने आवादा कंपनीच्या वतीने दाखल करण्यात आलेल्या खंडणीच्या गुन्ह्यात आरोपी असलेले वाल्मीक कराड यांच्यावर अन्याय होत असून माझ्या मुलाला न्याय द्या अशी मागणी करत वाल्मीक कराड यांच्या आईने परळी पोलीस ठाण्यात ठिय्या सुरू केला आहे. त्यानंतर वाल्मीक कराड समर्थकांकडून परळीत दिवसभर आंदोलन सुरुच होते.रात्री ९ वा सुमारास हे आंदोलन तात्पुरते स्थगित करण्यात आले आहे. उद्या सकाळी दहा वाजता पुन्हा पोलीस स्टेशन समोर आंदोलन केले जाणार आहे. त्या संदर्भातली अगोदर बैठक घेऊ आणि आंदोलन...

  परळीत वाल्मीक कराड समर्थकांकडून परळीत दिवसभर आंदोलन  ! ● माझ्या मुलाला न्याय द्या- वाल्मीक कराड यांच्या आईचा परळी पोलिस ठाण्यासमोर ठिय्या  ● टाॅवरवर चढून, पेट्रोल ओतून घेत आत्मदहन करण्याचाही काही जणांचा प्रयत्न ● टायर जाळले,रास्ता रोको,  बसवर दगडफेकीच्या घटना ● परळी शहर क्षणातच बंद परळी वैजनाथ , प्रतिनिधी...      मस्साजोगचे सरपंच संतोष देशमुख हत्या प्रकरण संपूर्ण राज्यात चर्चेत आहे.याअनुषंगाने आवादा कंपनीच्या वतीने दाखल करण्यात आलेल्या खंडणीच्या गुन्ह्यात आरोपी असलेले वाल्मीक कराड यांच्यावर अन्याय होत असून माझ्या मुलाला न्याय द्या अशी मागणी करत वाल्मीक कराड यांच्या आईने परळी पोलीस ठाण्यात ठिय्या सुरू केला आहे. दोन कोटी रुपयांची खंडणी मागितल्याच्या गुन्ह्यात आरोपी असलेले वाल्मिक कराड यांच्यावर केज पोलीस ठाण्यात गुन्हा दाखल करण्यात आलेला आहे. हा खोटा गुन्हा असून गलिच्छ राजकारणापायी माझ्या मुलावर अन्याय केला जात आहे. त्याच्यावर दाखल केलेला खोटा गुन्हा मागे घ्या व माझ्या मुलाला न्याय द्या अशी मागणी करत वाल्मीक कराड यांच्या 75 वर्षीय पारुबाई बाबुराव कराड ...