माझी बातमी MB NEWS

ना. पंकजा मुंडेंनी जालन्यात उपोषण कर्ते दीपक बोऱ्हाडे यांची घेतली भेट धनगर समाजाच्या आरक्षणावर आमच्या मनात संवेदना ; समाजाला न्याय देण्याची मुख्यमंत्र्यांची भूमिका जालना ।दिनांक २७। धनगर समाजाचा एसटी प्रवर्गात समावेश करावा या प्रमुख मागणीसाठी गेल्या अकरा दिवसांपासून आमरण उपोषणास बसलेले समाजाचे नेते दीपक बोऱ्हाडे यांची राज्याच्या पर्यावरण व पशुसंवर्धन मंत्री तथा जिल्हयाच्या पालकमंत्री ना. पंकजा मुंडे यांनी आज भेट घेतली. धनगर समाजाच्या आरक्षणाच्या मागणीसंदर्भात आमच्या मनात संवेदना आहेत, मुख्यमंत्र्यांशी चर्चा करून लवकरच यातून मार्ग निघेल असा विश्वास त्यांनी यावेळी दिला.    राज्याच्या कॅबिनेट मंत्री तथा जालना जिल्ह्याच्या पालकमंत्री पंकजा मुंडे आणि मंत्री गिरीश महाजन यांनी आज दीपक बोऱ्हाडे यांच्या उपोषणाला भेट देऊन उपोषण सोडण्याची विनवणी केली. यावेळी बोलताना पंकजा मुंडे म्हणाल्या की, मागच्या ११ दिवसांपासून दीपक बोऱ्हाडे यांचं उपोषण सुरु आहे. या जिल्ह्याची पालकमंत्री म्हणून मी इथे आलेले आहे. त्यांनी केलेल्या मागण्या मागच्या ७० वर्षांपासून प्रलंबित आहेत. त्यांच्या मागण्यांसंदर्भात ...

अतिवृष्टीच्या पार्श्वभूमीवर जिल्हा प्रशासनाने सतर्कता बाळगावी ! राज्य आपत्कानील कार्य केंद्राच्या सूचना मुंबई, दि. २६:- भारतीय हवामान विभागाकडून (IMD) प्राप्त झालेल्या पूर्वामानानुसार मध्य महाराष्ट्र, कोकण आणि विदर्भात मुसळधार ते अतिमुसळधार पावसाची शक्यता वर्तविण्यात आली आहे. राज्यात २७ ते २९ सप्टेंबर २०२५ या कालावधीमध्ये ऑरेज आणि रेड अर्लट असलेल्या जिल्ह्यांना खबरदारी व पूर्वतयारीची कार्यवाही तातडीने राबविण्याचे निर्देश देण्यात आले आहेत असे राज्य आपत्कालीन कार्य केंद्राकडून कळविण्यात आले आहे. मध्य महाराष्ट्र आणि कोकणात २७ ते २९ सप्टेंबरदरम्यान काही ठिकाणी मुसळधार ते अति मुसळधार पाऊस पडण्याची शक्यता आहे असून २८ सप्टेंबर रोजी काही ठिकाणी अतिमुसळधार पाऊस पडण्याची शक्यता आहे. विदर्भात दि. २७ सप्टेंबर रोजी अनेक ठिकाणी हलका ते मध्यम पाऊस पडण्याची शक्यता आहे तर काही ठिकाणी मुसळधार पाऊस पडण्याची शक्यता आहे. मराठवाड्यात २६ ते २९ सप्टेंबर दरम्यान अनेक ठिकाणी हलका ते मध्यम पाऊस पडण्याची शक्यता आहे. तर काही ठिकाणी मुसळधार पाऊस पडण्याची शक्यता आहे. २७ आणि २८ सप्टेंबर रोजी काही ठिकाणी मुसळधार त...

  शेतकऱ्याने केली गळफास लावून आत्महत्या केज :- केज तालुक्यातील ढाकणवाडी येथे एका वृद्ध शेतकऱ्याने गळफास घेउन आत्महत्या केल्याची घटना घडली आहे. नांदुरघाट ता. केज जवळ असलेल्या ढाकणवाडी येथे आज दिनांक २६ सप्टेंबर, शनिवार रोजी पहाटे ५:०० वाजता रामभाऊ नानाभाऊ ढाकणे (रा. ढाकणवाडी ता. केज) यांनी राहत्या घरी गळफास घेऊन आत्महत्या केली. त्यांना एक ते दीड एकर जमीन असून ते इतरांची शेती देखील बटईन करीत होते. आत्महत्येचे कारण जरी स्पष्ट झाले नसले तरी हातातोंडाशी आलेला घास अतिवृष्टीने हिरावून नेल्याने ते निराश झाले असल्याने त्यातून त्यांनी आत्महत्या केल्याची चर्चा आहे.

  धारदार शस्त्राने वार करत बीडमध्ये युवकाचा खून! बीड – शहरातील माने कॉम्प्लेक्स भागात एका युवकाचा  धारदार शस्त्राने वार करत खून करण्यात आला. यश ढाका असे मृत तरुणाचे नाव आहे. पत्रकार देवेंद्र ढाका यांचा तो मुलगा आहे.   माने कॉम्प्लेक्स भागात असलेल्या पान टपरी समोर रात्री साडेआठ ते नऊ वाजण्याच्या सुमारास काही तरुणांनी यश ढाका या युवकांवर प्राणघातक हल्ला केला. धारदार शस्त्राचे वार झाल्याने यश जागीच कोसळला.घटनेची माहिती मिळताच पोलीस घटनास्थळी दाखल झाले असून या प्रकरणातील एका आरोपीला ताब्यात घेतल्याची माहिती सूत्रांनी दिली आहे.खून कोणत्या कारणावरून झाला याबाबत माहिती अद्याप मिळू शकलेली नाही. प्रथमदर्शनी प्राप्त माहिती....       यश हा अभियांत्रिकीचे (इंजिनिअरिंगचे) शिक्षण घेत होता. वाढदिवस साजरा करताना वाद झाल्याने हा प्रकार घडल्याचे सांगण्यात आले.  बुधवारी रात्री शहरातील गजबजलेल्या माने कॉम्प्लेक्स भागात हा खून झाला असल्याने शहरातील कायदा सुव्यवस्थेवर प्रश्नचिन्ह निर्माण झाले आहे पोलिसांचा गुन्हेगारावर वचक राहिला नसल्याचं या घटनेवरून स्पष्ट झाला आहे . द...

धाडसी चोरी :4 तोळे सोने आणि 20 तोळे चांदीचे दागिने केले लंपास परळी वैजनाथ (प्रतिनिधी) येथून जवळच असलेल्या मौजे नंदागवळ येथे बुधवारी रात्री उशिरा धाडसी चोरी झाली. अज्ञात चोरट्यांनी चार तोळे सोने व 20 तोळे चांदीचे दागिने लंपास केले. या घटनेने परिसरात खळबळ उडाली असून ग्रामीण पोलिसात अज्ञात चोरट्या विरुद्ध गुन्हा दाखल करण्यात आला आहे.       याबाबत पोलीस सूत्रांकडून देण्यात आलेली अधिक माहिती अशी की, परमेश्वर गीते व सौ. मंडाबाई गीते हे नंदागौळ येथील आपल्या घरामध्ये एका खोलीला कुलूप लावून दुसर्‍या खोलीत झोपले. दिनांक 24 सप्टेंबर रोजी मध्यरात्री नंतर "चोर चोर" असा आवाज आल्यामुळे दोघे जागे होऊन बाहेर आले असता त्यांच्या दुसऱ्या खोलीचे कुलूप तोडलेले दिसले. आतील लोखंडी कपाटही उघडे व आतील सामान अस्ताव्यस्त केलेले दिसून आले. घरात चोरी झाल्याचे निदर्शनास आले असता सौ. मंडाबाई परमेश्वर गीते यांनी परळी ग्रामीण पोलीस ठाण्यात तक्रार दिली. चोरट्यांनी कपाटातील 4 तोळ्याच्या सोन्याचे दागिने व 20 तोळे चांदीचे दागिने चोरून नेल्याचे तक्रारीत नमूद केले आहे.        सौ. मंडाबाई गीत...

ओबीसी आरक्षण संपलं: आता पोलीस भरतीत माझी मुलं लागत नाहीत, विवंचनेतून परळीत ओबीसी बांधवाने संपवलं जीवन खिशात चिठ्ठीही आली आढळून परळी वैजनाथ, प्रतिनिधी...      आपली दोन मुले पोलीस भरतीची तयारी करत आहेत. मात्र आता आपलं ओबीसीचे आरक्षण संपलं, आपल्या मुलांना नोकरी लागत नाही. त्यांना इतर कामधंदा व्यवसाय टाकून द्यायला आपल्याकडे पैसेही नाही, संपत्तीही नाही, शेतीही नाही आता आपल्या जगण्याला काही अर्थ नाही अशा विवंचनेतून परळी तालुक्यातील टोकवाडी येथील एका ऑटो चालकाने स्वतःच्या राहत्या घरात गळफास घेऊन स्वतःचे जीवन संपवल्याची दुर्दैवी घटना घडली आहे. मयताच्या खिशात अशा प्रकारची एक चिठ्ठीही आढळून आली आहे. याबाबत ग्रामीण पोलिसात नोंद करण्यात आली आहे.            याबाबत पोलीस सूत्रांकडून प्राप्त अधिक माहितीनुसार, टोकवाडी येथील ऑटो चालक आत्माराम भांगे हे टोकवाडी -परळी प्रवासी ऑटो चालून आपली उपजीविका भागवत असायचे. त्यांना आदित्य व आदर्श अशी दोन मुले आहेत. या मुलांचे शिक्षण झाल्यानंतर गेल्या दोन वर्षापासून मुले पोलीस भरतीची तयारी करत ह...

नवरात्रोत्सव:अंबाबाई,रेणूकामाता व तुळजाभवानीचे इथे एकत्रित घडते दर्शन  परळीजवळील तीन शक्तीपीठांचा अद्वितीय संगम असलेले मंदिर  परळी वैजनाथ, प्रतिनिधी...        सध्या नवरात्रोत्सव सुरु असुन शक्तीची आराधना करत विविध देवींच्या मंदिरांमध्ये दर्शनाला मोठी गर्दी होत आहे. विविध भागात विविध देवींची ठिकाणे असतात त्यापद्धतीनेच त्या त्या ठिकाणची वेगवेगळी वैशिष्ट्ये बघायला मिळतात. बारा ज्योतिर्लिंगांपैकी एक ज्योतिर्लिंग वैद्यनाथाच्या पंचक्रोशीत पौराणिक व ऐतिहासिक महत्त्व असलेली विविध देवदेवतांची ठिकाणे आहेत. मात्र परळीजवळील एक देवी मंदिर हे वैशिष्ट्यपूर्ण आहे.हे मंदिर पुरातन नसले तरी याठिकाणी अंबाबाई,रेणूकामाता व तुळजाभवानी असे एकत्रित दर्शन घडते.तीन शक्तीपीठांचा अद्वितीय संगम असलेले एक मंदिर गोपीनाथगडावर आहे. त्रिमुर्ती शक्तीपीठांचा अनोखा धार्मिक संगम हे याठिकाणचे वैशिष्ट्य ठरले आहे.              गोपीनाथगड हे ठिकाण परळीपासुन काही अंतरावरच आहे. दिवंगत लोकनेते गोपीनाथराव मुंडे यांचे समाधीस्थळ गोपीनाथगड म्हणून नावारुपाला आलेले आहे.आज एक...

परळीत उद्या सामूहिक श्रीसूक्त हवनाचे आयोजन परळी वैजनाथ:प्रतिनिधी...          शारदीय नवरात्र निमित्त  परमपूज्य बहूसोमयाजी यज्ञ मार्तंड दीक्षित श्री यज्ञेश्वर महाराज सेलूकर यांच्या कृपा आशीर्वादाने व आर्य वैश्य महिला मंडळ यांच्या सहकार्याने  सामूहिक श्रीसूक्त हवन आयोजित करण्यात आले आहे.      आर्य वैश्य कार्यालय, नगरेश्वर चौक, परळी वैजनाथ येथे 26 सप्टेंबर 2025 रोजी सायंकाळी 5.30 वाजता सामूहिक श्रीसूक्त हवन आयोजित करण्यात आले आहे.या धार्मिक व पावन कार्यक्रमाचा लाभ सर्व भाविकांनी घ्यावा, असे आवाहन आयोजकांतर्फे करण्यात येत आहे.

परळीत संत -महंत व मान्यवरांच्या उपस्थितीत "बाजीराव पेट्रोलियम" या अत्याधुनिक पेट्रोल पंपाचा शनिवारी होणार शुभारंभ प.पु. महादेव  महाराज चाकरवाडीकर, प.पु. आमृताश्रम स्वामी, प.पु. नंदिकेश्वर शिवाचार्य महाराज, ना. पंकजाताई मुंडे, आ. धनंजय मुंडे यांच्यासह मान्यवरांची प्रमुख उपस्थिती परळी वैजनाथ (प्रतिनिधी) –          परळी शहराच्या सेवा क्षेत्राच्या वैभवात भर घालणारा अत्याधुनिक असा "बाजीराव पेट्रोलियम" या नवीन  पेट्रोल पंपाचे येत्या शनिवार, दि. २७ सप्टेंबर २०२५ रोजी सकाळी १०.३१ वाजता संत,महंत व मान्यवरांच्या उपस्थितीत शुभारंभ करण्यात येणार असल्याची माहिती माजी नगराध्यक्ष बाजीराव भैय्या धर्माधिकारी यांनी दिली आहे.     ज्योतिर्लिंग वैद्यनाथ मंदिर पासून काही अंतरावरच परळी ते नंदगौळ–पुस-बर्दापूर रोडवर, श्रद्धानंद गुरुकुल आश्रमासमोर  उभारण्यात आलेल्या बाजीराव पेट्रोलियम या भारत पेट्रोलियमच्या अत्याधुनिक पंपावर २४ तास इंधन सेवा उपलब्ध राहणार असून ग्राहकांसाठी सर्व आधुनिक सुविधा पुरवण्यात येणार आहेत. या पेट्रोल पंपाचा शुभारंभ  राज्याच्या पर्यावर...

  ना. पंकजा मुंडे यांचा उपोषणकर्ते दीपक बोऱ्हाडेंशी  दूरध्वनीवरून संवाद धनगर समाजाच्या मागण्यांचा सन्मानच ; मी पाठिशी आहे व राहील जालना ।दिनांक २४। धनगर समाजाला आरक्षण देण्याच्या मागणीसाठी उपोषणाला बसलेले उपोषणकर्ते दीपक बोऱ्हाडे यांच्याशी आज दुपारी राज्याच्या पर्यावरण व पशुसंवर्धन मंत्री तथा जिल्हयाच्या पालकमंत्री ना. पंकजा मुंडे यांनी दूरध्वनीवरून संपर्क साधून संवाद साधला.    अतिवृष्टीमुळे झालेल्या नुकसानीची पाहणी करण्यासाठी ना. पंकजा मुंडे आज जिल्ह्यातील विविध भागात दौर्‍यावर होत्या. धनगर समाजाला आरक्षण मिळावे यासाठी बोऱ्हाडे  गेल्या काही दिवसांपासून उपोषणाला बसले आहेत. ना. पंकजाताईंनी आज दुपारी त्यांच्याशी दूरध्वनीवरून संपर्क साधून संवाद साधला. त्या म्हणाल्या, नुकसानीच्या पाहणीसाठी आले आहे, आपण प्रकृतीची काळजी घ्या, धनगर समाजाच्या मागण्यांचा मी सन्मान करते. लोकनेते मुंडे साहेब समाजाच्या पाठिशी होते, मी देखील आहे आणि पुढेही राहील. ••••

ना. पंकजा मुंडेंनी बैलगाडीतून केली नुकसानीची पाहणी नुकसानग्रस्तांशी साधला संवाद ; सॅनिटरी नॅपकिन पासून पेन किलर पर्यंत सर्व जीवनावश्यक वस्तू पाठविण्याचे दिले आदेश धोंडराई, हिरापूर, शिरूर कासार, ब्रह्मनाथ येळंब, मानूरसह पाथर्डीतही केला दौरा बीड जिल्हयाला जास्तीत जास्त मदत मिळवून देण्यासाठी प्रयत्न... बीड।दिनांक २४। राज्याच्या पर्यावरण व पशुसंवर्धन मंत्री ना. पंकजाताई मुंडे यांनी आज जिल्ह्यात बैलगाडीतून नुकसानीची पाहणी केली. जिल्हयात अतिवृष्टीमुळे मोठे नुकसान झाले असून शासनामार्फत जास्तीत जास्त मदत मिळवून देण्यासाठी आपण प्रयत्न करीत आहोत असे त्यांनी सांगितले.     मागील आठवड्यानंतर जिल्हयात पुन्हा एकदा गेल्या दोन दिवसांपासून जोरदार अतिवृष्टी झाली. विशेषतः शिरूर कासार, बीड ग्रामीण, गेवराई, माजलगांव या तालुक्यांना अतिवृष्टीचा जोरदार तडाखा बसला, अनेकांच्या घरांचे नुकसान झाले, संसार उघडय़ावर आले तर पिकांमध्ये तळे साचले, जमीन पार खरडून गेली.     ना. पंकजाताई मुंडे अतिवृष्टीचा दौरा करून कॅबिनेट बैठकीसाठी मुंबईला गेल्या आणि त्याच दिवशी जिल्हयात पुन्हा अतिवृष्टी झाली, त्याम...

  सर्व निकष बाजूला ठेवून शेतकऱ्यांना सरसकट मदत; दिवाळीपूर्वी मदतीचे वितरण करणार – मुख्यमंत्री देवेंद्र फडणवीस टंचाई काळातील उपाययोजना अतिवृष्टीतही लागू करणार उजनी येथे तेरणा नदीवर पूल, गावाला जोडणाऱ्या रस्त्याच्या कामाला मंजुरी औराद शहाजानी येथे पूर संरक्षक भिंत, बॅरेजेसची कामेही होणार  लातूर, दि. २४ : राज्यात अनेक ठिकाणी ढगफुटी सदृश पाऊस झाल्याने नद्यांना पूर आला आहे. पिकांचे नुकसान झाले असून जमीन खरडून गेली आहे. या संकटकाळात राज्य शासन शेतकऱ्यांच्या पाठीशी खंबीरपणे उभे असून सर्व निकष बाजूला ठेवून सर्व नुकसानग्रस्त शेतकऱ्यांना सरसकट मदत केली जाईल. तसेच दिवाळीपूर्वीच ही मदत शेतकऱ्यांना वितरित करण्यात येईल, अशी ग्वाही मुख्यमंत्री देवेंद्र फडणवीस यांनी दिली. मुख्यमंत्री फडणवीस यांनी औसा तालुक्यातील उजनी आणि निलंगा तालुक्यातील औराद शहाजानी येथे अतिवृष्टी व पुरामुळे झालेल्या नुकसानीची पाहणी केली. तसेच शेतकऱ्यांशी संवाद साधून नुकसानीची माहिती घेतली. जलसंपदा व आपत्ती व्यवस्थापन मंत्री गिरीश महाजन, सार्वजनिक बांधकाम मंत्री तथा लातूर जिल्ह्याचे पालकमंत्री शिवेंद्रसिंहराजे भोसले, खासदा...

आठ एकर पीकासोबत जमीन वाहून गेली, विवंचनेत बोरगाव येथील शेतकऱ्याने जीवन संपवले   नेकनुर.....सततच्या पावसाने पिके तर  गेलीच शिवाय मांजरा नदीच्या बाजूला असलेले आठ एकर पिकासोबत शेत वाहून गेल्याने आर्थिक विवंचनेत सापडलेल्या  केज तालुक्यातील बोरगाव बु. येथील शेतकऱ्यांने  शेतात विजेला स्पर्श करून जीवन संपवले . रमेश ज्ञानोबा गव्हाणे वय ६२ असे मयत शेतकऱ्याचे नाव आहे.             शेतातील सोयाबीन सततच्या पावसाने कुजून गेले शिवाय मांजरा नदीच्या पाण्याने नदीकाठची उत्पन्न देणारी जमीन वाहून गेली यामुळे आता पुढे काय करायचे  यामुळे विचारात असलेल्या केज तालुक्यातील बोरगाव बु. येथील शेतकरी रमेश ज्ञानोबा गव्हाणे  वय .62 यांनी शेतात असलेल्या विजेच्या ट्रान्सफरला जाऊन स्पर्श करीत मंगळवारी दुपारी जीवन संपवले .त्यांना केज उपजिल्हा रुग्णालयातून अंबाजोगाई रुग्णालयाकडे पाठवण्यात आले होते मात्र डॉक्टरांनी मयत घोषित केले. बुधवारी अंबाजोगाई रुग्णालयात पोस्टमार्टम करण्यात आले असून बोरगाव येथे दुपारी अंत्यविधी करण्यात येणार आहे.

केजचे रंगेल गट शिक्षणाधिकारी अखेर निलंबित अल्पवयीन मुलीचा विनयभंग प्रकरणी केजचे गटशिक्षणाधिकारी लक्ष्मण बेडसकर निलंबित केज :- एका अल्पवयीन मुलीच्या प्रकरणी पोक्सोचा गुन्हा दाखल झालेले केजचे प्रभारी गटशिक्षणाधिकारी लक्ष्मण बेडसकर यांना निलंबित करण्यात आले असल्याची माहिती शिक्षणाधिकारी (प्रा.) यांनी दिली आहे. या बाबतची सविस्तर माहिती अशी की, दि. १८ सप्टेंबर, गुरुवार रोजी सायंकाळी ८:३० वाजण्याच्या सुमारास एक अल्पवयीन मुलगी ही तिच्या मानलेल्या मावशी सोबत केक आणण्यासाठी रस्त्याने जात होती. त्यावेळी केज येथील प्रभारी गटशिक्षणाधिकारी लक्ष्मण बेडसकर हा त्यांना नाष्टा व चहा पाणी करण्याच्या निमित्ताने त्याच्या चार चाकी गाडीत बसवून धारूर चौकातून चिंचपूरच्या मारुती मंदिराच्या रस्त्याने कोल्हेवाडीकडे घेऊन गेला. कोल्हेवाडीच्या रस्त्याच्या कडेला एका निर्जनस्थळी गाडी थांबवून गाडीमध्ये त्या अल्पवयीन मुलीच्या हाताला वाईट हेतूने धरून तिच्या खाजगी अवयवांना वाईट हेतूने स्पर्श करून त्याने लैंगिक अत्याचार करण्याचा प्रयत्न केला. यामुळे घाबरून जात त्या अल्पवयीन मुलीने व तिच्या सोबतच्या महिलेने आरडाओरडा केला. त...

  घटस्थापनेने श्री योगेश्वरी देवीच्या नवरात्र महोत्सवास प्रारंभ घटस्थापनेनंतर भाविकांची दर्शनासाठी मोठी गर्दी  अंबाजोगाई - महाराष्ट्राचे शक्तीपीठ  व लाखो भाविकांचे श्रद्धास्थान असलेल्या श्री योगेश्वरी देवीच्या नवरात्र महोत्सवास सोमवारी व सकाळी १० वाजता घटस्थापना व महापूजेने प्रारंभ झाला. अप्पर जिल्हाधिकारी सौ. अश्विनी जिरगे(सोनवणे), श्री.हरिश्चंद्र सोनवणे यांनी श्री योगेश्वरी देवीची विधीवत महापुजा केली. महापूजेनंतर योगेश्वरी देवीच्या दर्शनासाठी भाविकांनी मोठी गर्दी केली होती.  २२ सप्टेंबर ते २ ऑक्टोबर  या कालावधीत  श्री योगेश्वरी देवीचा नवरात्र महोत्सव साजरा होत आहे. सोमवारी सकाळी मंदिरात घटस्थापना व महापुजेने महोत्सवास प्रारंभ झाला.अप्पर जिल्हाधिकारी सौ. अश्विनी जिरगे(सोनवणे),श्री. हरिश्चंद्र सोनवणे यांनी  श्री योगेश्वरी देवीची विधीवत महापुजा केली.  या महापुजेसाठी योगेश्वरी देवल कमिटीचे अध्यक्ष तथा तहसीलदार विलास तरंगे, उपाध्यक्ष अक्षय मुंदडा,सचिव गिरधारीलाल भराडीया, सहसचिव कमलाकरराव चौसाळकर, कोषाध्यक्ष सौ.पूजा राम कुलकर्णी, उत्सव प्रमुख उल्ह...

सप्तशृंगी दुर्गा उत्सवाचे उद्घाटन यावेळी श्रमिकांच्या हस्ते ! श्रमिक वर्गाच्या योगदानाला गौरव देणारा उपक्रम परळी/प्रतिनिधी – दिनांक 23 सप्टेंबर 2025, मंगळवार सायंकाळी 6 वाजता सप्तशृंगी दुर्गा सेवाभावी संस्थेच्या भव्य दुर्गा उत्सवाचे उद्घाटन श्रमिकांच्या हस्ते होणार आहे. या अनोख्या कार्यक्रमात हातगाड्यांपासून हामालीपर्यंत प्रत्येक श्रमिकाचा सहभाग असून, त्यांना विशेष सन्मान दिला जाणार आहे. सप्तशृंगी दुर्गा उत्सव आपल्या अनोख्या कार्यपद्धतीमुळे पंचक्रोशीमध्ये प्रसिद्ध आहे. या वर्षीदेखील देखावा हातगाड्यापासून ते हामाल्यापर्यंत प्रत्येक श्रमिकाच्या हस्ते साकार होणार असल्याची माहिती आयोजकांनी दिली. आयोजकांनी सांगितले की, हा कार्यक्रम श्रमिक वर्गाच्या योगदानाला गौरव देणारा ठरणार आहे. या उद्घाटन सोहळ्यास परळीतील सर्व घटकातील नागरिकांनी उपस्थित राहावे. असे आयोजक दिपक (नाना) देशमुख मा.नगराध्यक्ष, नगरपरिषद परळी, वैजनाथ यांच्या वतीने सांगण्यात आले आहे.

बीड जिल्ह्यातील संपूर्ण परिस्थितीवर लक्ष ठेवून, आपत्ती व्यवस्थापन बाबत जिल्हा प्रशासनास सूचना - धनंजय मुंडे जिल्ह्यात पावसाचे व पुराचे थैमान, ओल्या दुष्काळाची पहिली मागणी मुंडेंची नागरिकांनी सतर्क राहावे, आवश्यकता नसल्यास घराबाहेर पडू नये, आपत्कालीन परिस्थितीत संपर्क करावा - मुंडेंचे आवाहन NDRF सह सर्व प्रकारच्या मदतीची आवश्यकता भासणार - धनंजय मुंडे यांची पालकमंत्री अजितदादांशी चर्चा आपत्ती व्यवस्थापन सोबतच पोलीस प्रशासनाने मदतीसाठी सज्ज राहावे - मुंडेंच्या सूचना परळी वैद्यनाथ (प्रतिनिधी) - मागील ७२ तासांपासून बीड जिल्ह्यात सर्वदूर अतिवृष्टी व पूर परिस्थिती निर्माण झाली असून, जवळपास सर्वच नद्यांना पूर आलेला आहे. अनेक गावांचा संपर्क तुटला असून अनेक गावांमध्ये पुराचे पाणी शिरल्याने जनजीवन विस्कळित झाले आहे. अशा परिस्थितीत बीड जिल्ह्याचे पालकमंत्री अजित दादा पवार यांच्या सातत्याने संपर्कात असून संपूर्ण परिस्थितीवर लक्ष ठेवून आहे, तसेच कोणत्याही प्रकारची नैसर्गिक आपत्ती उद्भवल्यास त्यासाठी सज्ज राहावे, याबाबत जिल्हा प्रशासनास सूचना केल्या असल्याचे माजी मंत्री आमदार धनंजय मुंडे यांनी प्रसिध...

बीडसह  29 जिल्ह्यांना मंगळवारी पावसाचा हाय अलर्ट, गरज असेल तरच घराबाहेर पडा... भारतीय हवामान खाते, प्रादेशिक हवामानशास्त्र केंद्र, मुंबई यांनी दिलेल्या सूचनेनुसार  जिल्ह्याकरिता दिनांक 22.09.2025, 23.09.2025 व तसेच 25.09.2025 या 03 दिवसात यलो अलर्ट असा इशारा देण्यात आलेला आहे.या कालावधीत जिल्ह्यात वादळी वारे व विजेच्या कडकडाटासह पाऊस पडण्याची शक्यता वर्तविली आहे. खबरदारीची उपाययोजना म्हणून खालील प्रमाणे काळजी घ्यावी. या गोष्टी करा : . विजेच्या गडगडाटासह पावसाची पूर्वकल्पना असल्यास बाहेर जाणे टाळा. . आकाशात विजा चमकत असल्यास घरात किंवा सुरक्षित इमारतीत आश्रय घ्या. घराच्या बाल्कनी, छत अथवा घराबाहेरील ओट्यावर थांबू नका. . घरात असाल आणि घरातील विद्युत उपकरणे चालू असतील तर त्या वस्तू त्वरित बंद करा. . तारांचे कुंपण, विजेचे खांब व इतर लोखंडी वस्तूंपासून दूर रहा. . पाण्यात उभे असाल तर तात्काळ पाण्यातून बाहेर पडा. . तसेच नागरिकांनी आपले शेतमाल व पशुधन वेळेतच सुरक्षित स्थळी ठेवावे. या गोष्टी करु नका: . आकाशात विजा चमकत असल्यास घरातील लँडलाईन फोनचा वापर करू नका. शॉवरखाली अंघोळ करू नका...

श्रीकांत करमाळकर यांना मातृशोक; श्रीमती सुशीलाबाई करमाळकर यांचे निधन  परळी वैजनाथ, प्रतिनिधी.....        येथील प्रसिद्ध किराणा व्यावसायिक श्रीकांत करमाळकर यांच्या मातोश्री व प्रसन्न  सतिश करमाळकर यांच्या आजी श्रीमती सुशिलाबाई विष्णुपंत  करमाळकर यांचे आज दिनांक 22 सप्टेंबर रोजी रात्री नऊ वाजण्याच्या सुमारास वृद्धापकाळाने निधन झाल.  मृत्यूसमयी त्या 90 वर्षे वयाच्या होत्य. त्यांच्या पश्चात एक मुलगा, दोन मुली, सुना, नातवंडे,पतवंडे असा मोठा परिवार आहे.    श्रीमती सुशिलाबाई विष्णुपंत करमाळकर या अतिशय मनमिळाऊ, प्रेमळ, धार्मिक वृत्तीच्या होत्या. करमाळकर कुटुंबाचा आधारवड म्हणून त्यांची ओळख होती. सर्व नातलग, परिचित व मित्रपरिवारांमध्ये त्या 'आई' म्हणूनच परिचित होत्या. परळीच्या व्यापारपेठेत करमाळकर कुटुंबाने एक प्रतिष्ठित व्यापारी म्हणून नावलौकिक केला,  या पाठीमागे ही आपल्या मुलांना व्यवहारात अतिशय जडणघडण करून कौटुंबिक मनोबल देण्याचे काम सातत्याने दिवंगत सुशिलाबाई यांनी केलेले आहे. विविध धार्मिक, सामाजिक कार्यक्रमात त्यांचा सहभाग असायचा. यांच्...

बीड जिल्ह्यातील अतिवृष्टीच्या उपाययोजनांवर ना. पंकजा मुंडे आज मुख्यमंत्र्यांना भेटणार शिरूर कासार, बीड तालुक्यात पुन्हा अतिवृष्टी; भाजप कार्यकर्त्यांनी मदत पोहोचवली घाबरून जावू नका, स्वतःची काळजी घेण्याचे केले कळकळीचे आवाहन बीड।दिनांक २२। काल रात्री पुन्हा एकदा अतिवृष्टीने जिल्ह्याला झोडपले. शिरूर कासार, बीड तालुक्यात झालेल्या मुसळधार पावसाने नागरिक उघड्यावर आले. दरम्यान, अतिवृष्टीने जिल्ह्यातील परिस्थिती गंभीर बनली असून यावर उपाययोजना करण्यासाठी आपण उद्या मुख्यमंत्र्यांशी भेटून चर्चा करणार असल्याचे राज्याच्या पर्यावरण व पशुसंवर्धन मंत्री ना. पंकजाताई मुंडे यांनी म्हटले आहे.    बीड जिल्ह्याचा आठवडाभराचा दौरा करून अतिवृष्टीत झालेल्या नुकसानीची पाहणी करून, प्रशासनाची आढावा बैठक घेऊन ना. पंकजाताई मुंडे मुंबईला रवाना झाल्या. आपल्या दौऱ्यात शासकीय अधिकाऱ्यांचा अधिकचा वेळ न घालवता नुकसानीचे पंचनामे आणि मदतीला जाण्यासाठी त्यांनी सांगितले. उद्याच्या मंत्रिमंडळ बैठकीला उपस्थित राहण्यासाठी आज मुंबईत पोचताच काल रात्रीपासून शिरूर कासार, बीड आणि अन्य ठिकाणच्या अतिवृष्टीची माहिती त्यांना ...

ना. पंकजा मुंडेंच्या जनता दरबाराची जिल्हाभरात चर्चा ; 'फेस टू फेस' संवाद, प्रश्नांचा जागेवरच निपटारा झाल्याने सामान्य जनता सुखावली शेतकऱ्यांच्या नुकसानीची पाहणी केली अन् आढावाही घेतला; आता प्रयत्न मदतीसाठी बीड।दिनांक २२।     राज्याच्या पर्यावरण व पशुसंवर्धन मंत्री ना. पंकजाताई मुंडे यांनी जिल्ह्यात घेतलेल्या जनता दरबाराची सर्वत्र सकारात्मक चर्चा सुरू आहे. 'फेस टू फेस' संवाद आणि प्रश्नांचा जागेवरच निपटारा झाल्याने सामान्य माणूस सुखावला. या दौऱ्यात त्यांनी अतिवृष्टीमुळे झालेल्या नुकसानीची शेतात जाऊन तर पाहणी केलीच, शिवाय प्रशासनाकडून आढावा घेत शेतकऱ्यांना लवकरात लवकर कशी मदत मिळेल यासाठी प्रयत्न सुरू केले आहेत.        ना. पंकजाताई १७ तारखेपासून जिल्ह्यात दौर्‍यावर होत्या. आज सकाळी त्या परळीहून माहूरकडे रवाना झाल्या. सकाळी माहूर येथे श्री रेणूकामातेचे त्यांनी दर्शन घेतले. गेले पाच दिवस जिल्ह्यात त्यांनी ज्या पध्दतीने ठिक ठिकाणी जनता दरबार घेऊन सर्व सामान्य लोकांची भेट घेतली, त्यांच्याशी संवाद साधला, त्यांचे प्रश्न सोडवले, त्याची सकारात्मक चर्चा होत आहे. जिल्...

ना. पंकजा मुंडे श्रीक्षेत्र माहूरगडावर ; रेणुकामातेचे घेतले दर्शन देवस्थान संस्थानच्या वतीनं जोरदार स्वागत परळी वैजनाथ ।दिनांक २२। राज्याच्या पर्यावरण व पशुसंवर्धन मंत्री ना. पंकजाताई मुंडे यांनी आज देवीच्या साडे तीन शक्तीपीठांपैकी एक असलेल्या श्रीक्षेत्र माहूरगडावर जाऊन रेणुकामातेचे दर्शन घेतले. संस्थानच्या वतीनं यावेळी त्यांचं स्वागत करण्यात आलं.         शारदीय नवरात्रोत्सवास आज सुरवात झाली. जिल्ह्यातील दौरा आटोपून ना. पंकजाताई मुंडे सकाळी परळी येथून श्रीक्षेत्र माहूरकडे रवाना झाल्या. दुपारी त्यांनी माहूरगडावरील श्री  रेणुकामातेचे दर्शन घेतले. यावेळी संस्थानच्या वतीने त्यांचं हर्षोल्हासात स्वागत करण्यात आलं. तत्पूर्वी माहूर शहरात आगमन होताच भाजपचे पदाधिकारी व कार्यकर्त्यांनी त्यांचं जंगी स्वागत केलं.

शंकर-पार्वती नगर येथे नवदुर्गा  नवरात्रोत्सव व दांडियाचे आयोजन परळी (प्रतिनिधी) परळी शहराजवळील शंकर-पार्वती नगर येथे शंकर-पार्वती नगर नवदुर्गा नवरात्रोत्सवचे आयोजन करण्यात आले असून वार सोमवार दिनांक 22 सप्टेंबर 2025 रोजी शंकर-पार्वती नगर येथे नवदुर्गा  ची भव्य मिरवणूक व सायंकाळी स्थापना करण्यात येणार आहे .                       शंकर पार्वती नगर येथे शंकर-पार्वती नगर नवदुर्गा नवरात्रोत्सवचे महोत्सवाचे आयोजन महिला व युवकांच्या वतीने करण्यात आले आहे तरी शंकर पार्वती नगर मधील वार सोमवार दिनांक 22 सप्टेंबर 2025 रोजी सायंकाळी गल्लीतील सर्व महिला पुरुष युवक सर्वांनी सहभागी होऊन शंकर पार्वती नगर नवदुर्गा नवरात्रोत्सव उत्सवाची मिरवणूक व स्थापना करण्यात येणार आहे तरी सर्व भाविकांनी या स्थापना व मिरवणुकीचा लाभ घ्यावा असे आवाहन शंकर-पार्वती नगर नवदुर्गा महोत्सवाच्या वतीने करण्यात आले आहे.

अतिवृष्टीमुळे बाधित झालेला एकही शेतकरी शासकीय मदतीपासून वंचित राहणार नाही, याची दक्षता घ्या ना. पंकजा मुंडे यांनी जिल्हाधिकारी कार्यालयात घेतला नुकसानीचा आढावा बीड।दिनांक२१। जिल्ह्यातील अतिवृष्टीमुळे अथवा पुरांमुळे बाधित झालेला एकही शेतकरी शासनाच्या मदतीपासून वंचित राहणार नाही याची दक्षता सर्व संबंधित अधिकाऱ्यांनी घ्यावी अशी सूचना राज्याच्या पर्यावरण व पशुसंवर्धन मंत्री ना. पंकजा मुंडे यांनी आज आढावा बैठकीत बोलतांना केली.         जिल्हयात नुकत्याच झालेल्या नैसर्गिक आपत्ती व अतिवृष्टीत शेतकऱ्यांचे तसेच जिवीत व मालमत्तेचे मोठे नुकसान झाले, यासंदर्भात झालेले नुकसान व पंचनाम्याची सद्यस्थिती याबाबत जिल्हाधिकारी कार्यालयात ना. पंकजा मुंडे यांच्या अध्यक्षतेखाली आज आढावा बैठक घेण्यात आली, त्यावेळी त्या बोलत होत्या. जिल्हाधिकारी विवेक जाॅन्सन, जि.प. चे मुख्य कार्यकारी अधिकारी जितीन रहेमान तसेच सर्व उप विभागीय अधिकारी, तहसीलदार, कृषी अधिकारी यावेळी उपस्थित होते.     ना. पंकजा मुंडे यांनी बैठकीत जिल्हा प्रशासनाकडून झालेल्या नुकसानीची संपूर्ण माहिती जाणून घेतली जिल्हाध...

ना.पंकजा मुंडे यांनी शेताच्या बांधावर जावून केली नुकसानीची पाहणी शासकीय मदत मिळवून देण्यासाठी प्रयत्नशील ; शेतकऱ्यांना दिला दिलासा बीड।दिनांक २१।    राज्याच्या पर्यावरण व पशुसंवर्धन मंत्री ना. पंकजा मुंडे यांनी पाटोदा तालुक्यात शेताच्या बांधावर जावून नुकसानीची पाहणी केली. शासकीय मदत मिळवून देण्यासाठी मी प्रयत्नशील आहे अशा शब्दांत त्यांनी शेतकऱ्यांना दिलासा दिला.      बीड जिल्ह्यात नुकत्याच झालेल्या अतिवृष्टीत अतोनात नुकसान झालेल्या पाटोदा तालुक्यातील भाकरेवस्ती तसेच वैद्यकिन्ही परिसरातील शेताच्या बांधावर जावून पंकजाताई मुंडे यांनी दुपारी नुकसानीची  पाहणी केली. पावसामुळे बाजरी, सोयाबीन, कापूस, उडीद आदी पिके पूर्ण जमीनदोस्त झाली आहेत. नुकसान झालेल्या शेतकऱ्यांना शासनामार्फत मदतीसाठी आपण प्रयत्न करीत असल्याचे त्यांनी सांगितले. यावेळी पाहणी करताना त्यांच्यासमवेत महसूल विभागाचे अधिकारी उपस्थित होते.

आजारास कंटाळून आडत व्यापाऱ्याने केली गळफास घेऊन आत्महत्या  केज :- केज येथे एका ६२ वर्ष वयाच्या आडत व्यापाऱ्याने आजारास कंटाळून घराच्या तळमजल्यात लोखंडी आडूला दोरीने गळफास लावून आत्महत्या केल्याची घटना घडली आहे. केज शहरातील नवामोंढा परिसरात प्रसिद्ध आडत व्यापारी राधेशाम श्रीराम तोष्णीवाल (वय ६२) यांची आडत व त्याठिकाणी राहते घर आहे. ते मागील काही दिवसापासून आजारी होते. आजारास कंटाळून राधेश्याम तोष्णिवाल यांनी टोकाची भूमिका घेत दि. १९ सप्टेंबर शुक्रवारी रात्री १०:०० वाजेच्या सुमारास घराच्या तळमजल्यात लोखंडी आडूला दोरीने गळफास घेऊन आत्महत्या केली.  या घटनेची माहिती मिळताच पोलीस उपनिरीक्षक सुकुमार उर्फ राकेश बनसोडे, जमादार दत्तात्रय बिक्कड यांनी घटनास्थळी भेट देऊन मृतदेह उत्तरीय तपासणीसाठी पाठवून दिला. उपजिल्हा रुग्णालयात शवविच्छेदन झाल्यानंतर शनिवारी अंत्यसंस्कार करण्यात आले. पोलीस निरीक्षक स्वप्नील उनवणे यांच्या मार्गदर्शनात जमादार दत्तात्रय बिक्कड हे पुढील तपास करीत आहेत.