माझी बातमी MB NEWS

परळी शहर पोलीसांच्या तत्पर तपासामुळे चोरी गेलेले अडिच लाखांचे सोन्याचे दागिने परत परळी (प्रतिनिधी): परळी वैजनाथ शहरातील हलगे गार्डन येथे शिव महाकथेच्या कार्यक्रमात महाप्रसादाच्या रांगेत उभ्या असलेल्या महिलांच्या गळ्यातील सोन्याचे मंगळसूत्र व चैन चोरीला गेले होते. याप्रकरणी फिर्यादी कमलाबाई मोतीलाल बांगड यांनी पोलीस ठाण्यात तक्रार दाखल केली होती. या घटनेनंतर परळी शहर पोलीस ठाण्यात गुन्हा नंबर १७६/२४ अन्वये तक्रार दाखल करण्यात आली. पोलीस निरीक्षक आर. के. नाचण यांच्या मार्गदर्शनाखाली पोहे गोविंद भताने, पोहे घटमळ, पो ना/पांचाळ यांनी तपास करत बीड व धाराशिव येथे आरोपी महिलांचा शोध घेऊन त्यांना अटक केली. आरोपींकडून चोरीस गेलेले एक मनी मंगळसूत्र व सोन्याची चैन जप्त करण्यात आलीअसुन, आज फिर्यादी महिला कमलाबाई यांचा मुलगा मनोज कुमार मोतीलाल बांगड यांच्याकडे २५ ग्रॅम वजनाची, सुमारे ₹२,५०,०००/- किमतीची चैन परत करण्यात आली आहे.चोरी गेलेले दागिने परत मिळाल्यामुळे फिर्यादी व त्यांचे कुटुंबीय यांनी पोलीस विभागाचे आभार मानले आहेत.

  श्री १०८ गुरु शंकरलिंग शिवाचार्य महाराज यांचे श्रावण मास मौन व्रतअनुष्ठान सुरू परळी  :लातूर जिल्ह्यातील खरोळा (ता. शिरूर अनंतपाळ) येथील श्री शंकरलिंग शिवाचार्य मठ संस्थानाचे प्रमुख श्री १०८ गुरु शंकरलिंग शिवाचार्य महाराज यांचे १६वे श्रावण मास मौन अनुष्ठान परळी येथील बेलवाडी  श्री गुरुलिंग स्वामी मंदिरात २६ जुलैपासून सुरू झाले आहे. हे अनुष्ठान येत्या १६ ऑगस्ट पर्यंत चालणार आहे. या अनुष्ठान काळात शिवाचार्य महाराज कोणतेही अन्न न घेता, केवळ लिंबाच्या पाल्याचा रस व पाणी ग्रहण करीत आहेत. शुक्रवारी या अनुष्ठानाचा सातवा दिवस झाला. दररोज श्री गुरुलिंग स्वामी मंदिरात आरती, तीर्थप्रसाद व महाप्रसादाचे आयोजन करण्यात येत आहे. आरतीवेळी अनेक भाविक शिवाचार्य महाराजांचे दर्शन घेत आहेत. या अनुष्ठान प्रसंगी गुरुलिंग स्वामी मठ ट्रस्ट, वक्रेश्वर देवस्थान विश्वस्त, वीरशैव लिंगायत समाज, तसेच विविध भजनी महिला मंडळे व भक्तगण मोठ्या संख्येने सहभागी होत आहेत. : श्री शंकर लिंग शिवाचार्य महाराजांच्या अनुष्ठानास शनिवारी संभाजीनगर पोलीस ठाण्याचे पोलीस निरीक्षक धनंजय ढोणे यांनी भेट देऊन दर्शन घेतले. या...

धक्कादायक: माहेरहून१५ लाख आण, दीरासोबत नांद म्हणत विवाहितेचा शारीरिक व मानसिक छळ परळी वैजनाथ, प्रतिनिधी...      परळी शहरात पुन्हा एकदा सासरकडील छळाचा धक्कादायक प्रकार समोर आला आहे.वडार कॉलनीतील एका विवाहीत  तरुणीने परळी शहर पोलीस स्टेशनमध्ये आपल्या सासरच्या लोकांविरोधात गंभीर तक्रार दाखल केली आहे.         पिडितेच्या आरोपानुसार तिची सासू लक्ष्मीबाई, सासरे आसाराम आणि दीर शुभम हे गेल्या अनेक महिन्यांपासून तिचा मानसिक, आर्थिक आणि शारीरिक छळ करत आहेत. त्यांच्याकडून सातत्याने माहेरून १५ लाख रुपये घेऊन ये असा दबाव टाकला जात होता. या मागणीस नकार दिल्याने  अनेक वेळा मारहाण करण्यात आली. इतकंच नव्हे तर तू तुझ्या दीरासोबत नांद अशी बळजबरी  तिच्यावर सातत्याने  करण्यात  आली आहे. दोन दिवसांपूर्वी तिला सासू-सासरे आणि दीर यांनी मिळून मारहाण केली.पैसे नाही आणलेस तर तुला जिवंत ठेवणार नाही अशी धमकी दिली आहे. या सर्व प्रकरणात तिचा नवरा दोन दिवसांपासून गायब आहे. तो अजूनही घरी परतलेला नाही.       या प्रकरणी परळी शहर पोलीस स्टेशनमध्ये ...

  जनतेच्या मनाचा संपादक:श्री. राजेंद्र दादा आगवान आज २ ऑगस्ट! हा दिवस म्हणजे पत्रकारिता, समाजकार्य, सहकार, शिक्षण, कृषी, राजकारण आणि माणुसकीच्या नात्यांची जपणूक करणाऱ्या एका अष्टपैलू व्यक्तिमत्त्वाचा – सायंकाळी प्रसिद्ध होणाऱ्या सायं 'दैनिक रणझुंजार'चे संपादक, माझे मार्गदर्शक, आदरणीय श्री. राजेंद्र दादा आगवान यांचा जन्मदिन! राजेंद्र दादांचा वाढदिवस म्हणजे केवळ एका संपादकाचा जन्मदिन नसून, पत्रकारितेच्या निर्भीडतेचा आणि समाजाशी नाळ जोडणाऱ्या लेखणीच्या कार्याचा सन्मान करण्याचा दिवस आहे. समाजाच्या प्रत्येक स्तरातील लोक, विविध क्षेत्रांतील कार्यकर्ते, नवोदित पत्रकार, शेतकरी, शिक्षक, राजकीय कार्यकर्ते, सहकारी संस्था, महिला कार्यकर्त्या – सगळ्यांसाठी हा दिवस एक प्रेरणादायी पर्वणी आहे. लेखणीला लोकशक्तीची धार देणारे संपादक राजेंद्र दादा हे पत्रकारिता क्षेत्रात केवळ एक संपादक म्हणूनच नव्हे, तर निर्भीड आणि सजग जनतेचा प्रतिनिधी म्हणून ओळखले जातात. त्यांनी दैनिक रणझुंजार या सायंकाळी प्रसिद्ध होणाऱ्या वृत्तपत्राद्वारे स्थानिक प्रश्नांना हक्काचं व्यासपीठ दिलं. अन्यायाविरोधातील त्यांची भूमिक...

  सर्वोत्कृष्ट मराठी चित्रपट – श्यामची आई शाहरुख खान आणि राणी मुखर्जी सर्वोत्कृष्ट अभिनेता व अभिनेत्री (प्रा. डॉ. सिद्धार्थ तायडे, मराठवाडा विशेष प्रतिनिधी) :- मनोरंजन क्षेत्रात महत्त्वाच्या मानल्या जाणाऱ्या राष्ट्रीय चित्रपट पुरस्कारांची घोषणा  दिल्ली येथे करण्यात आली आहे. कलाकार व तंत्रज्ञांना प्रोत्साहन देण्यासाठी, त्यांचा सन्मान करण्यासाठी भारत सरकारकडून राष्ट्रीय पुरस्कार प्रदान केले जातात. भारतात १९५४ पासून राष्ट्रीय पुरस्कारांची सुरुवात झाली होती. ७१ व्या राष्ट्रीय चित्रपट पुरस्कारांची घोषणा नुकतीच करण्यात आली असून यंदा शाहरुख खानला तब्बल ३३ वर्षांच्या प्रतीक्षेनंतर पहिला राष्ट्रीय पुरस्कार देण्यात आला आहे. यावर्षी सर्वोत्कृष्ट अभिनेत्याचा पुरस्कार विक्रांत मॅसी आणि शाहरुख खान यांना विभागून देण्यात आला आहे. तर, राणी मुखर्जी सर्वोत्कृष्ट अभिनेत्री ठरली आहे. ७१ व्या राष्ट्रीय चित्रपट पुरस्कार विजेत्यांची यादी खालीलप्रमाणे… सर्वोत्कृष्ट दिग्दर्शन – केरला स्टोरी – सुदीप्तो सेन सर्वोत्कृष्ट अभिनेता – शाहरुख खान ( जवान ) आणि विक्रांत मॅसी ( 12th Fail ) सर्वोत्कृष्ट अभिनेत्री ...

  परळी-सिरसाळा रोडवर भीषण अपघात : ट्रक मालक सय्यद मगदुम यांचा मृत्यू परळी (प्रतिनिधी) – परळी-सिरसाळा रस्त्यावर आज रात्री 11.45 वा.सुमारास एक भीषण अपघात घडला. या अपघातात ट्रक मालक सय्यद मगदुम सय्यद जफर (वय अंदाजे 45, रा. पेठ मोहल्ला, परळी वै.) यांचा दुर्दैवी मृत्यू झाला आहे. प्राथमिक माहितीनुसार, सिरसाळा जवळील रस्त्यावर सय्यद मगदुम रस्त्याच्या कडेला  पंक्चर झालेला आपल्या ट्रकचा टायर बदलत असताना, भरधाव वेगाने येणाऱ्या स्विफ्ट डिझायर कारने त्यांना जोरदार धडक दिली. धडक इतकी जोरदार होती की, घटनास्थळीच त्यांचा मृत्यू झाला. स्थानिकांनी तात्काळ मदतकार्य करत त्यांना परळी उपजिल्हा रुग्णालयात दाखल केले, मात्र डॉक्टरांनी त्यांना मृत घोषित केले.         घटनेची माहिती मिळताच उपजिल्हा रुग्णालयात नातेवाईक, नागरिकांनी मोठी गर्दी केली.दरम्यान धडक दिलेली कार सिरसाळा पोलीसांनी ताब्यात घेतली आहे.

संभाजीनगर पोलीस ठाण्याचे पोलीस निरीक्षक धनंजय ढोणे यांची जलदगती कामगिरी एक महिन्याच्या आत तपास व न्यायालयीन प्रक्रिया पूर्ण करून १लाख ६० हजारांचा मुद्देमाल फिर्यादीस केला परत परळी वैजनाथ, प्रतिनिधी....              बीड जिल्ह्याचे पोलीस अधीक्षक नवनीत काँवत यांनी कामकाजामध्ये वेगवेगळ्या सुधारणा करत अनेक उपक्रम राबवले. या अनुषंगानेच जलद गती तपासाबाबत ही सर्व पोलीस ठाण्यांना सतर्क केले. त्यामुळे आता गुन्ह्याचा तपास दिरंगाईने व  विलंबाने न होता जलद होताना दिसत आहे. अशाच प्रकारची कामगिरी संभाजीनगर पोलीस ठाण्याचे पोलीस निरीक्षक धनंजय ढोणे व त्यांच्या टीमने केली असुन परळी बस स्थानकातून जुन महिन्यात एका नागरिकाच्या गळ्यातील चैन चोरीस गेली होती. या गुन्ह्याचा जलद गती तपास करून, याबाबतचा मुद्देमाल जप्त करून, त्याची सर्व न्यायालयीन प्रक्रियाही पूर्ण केली आणि चोरीस गेलेला मुद्देमाल संबंधित नागरिकास सहीसलामत परत देण्यात आला. ही जलदगती कामगिरी एक महिन्याच्या आत करण्यात आली. या कामगिरीबद्दल संभाजीनगर पोलिसांचे अभिनंदन होत आहे.         स...

  जि.प. शाळा कासारवाडी येथे अण्णाभाऊ साठे जयंती आणि लोकमान्य टिळक पुण्यतिथी  साजरी! लोकशाहीर साहित्यसम्राट अण्णाभाऊ साठे यांची जयंती आणि लोकमान्य बाळ गंगाधर टिळक यांची पुण्यतिथी जिल्हा परिषद प्राथमिक शाळा कासारवाडी या ठिकाणी साजरी झाली.  गावचे सरपंच श्री बंडू आत्माराम गुट्टे, उपसरपंच श्री लक्ष्मण गुट्टे, शालेय शिक्षण समितीचे अध्यक्ष श्री सखाराम गुट्टे यांच्यासह शाळेतील शिक्षकवृंदांनी साठे आणि टिळक यांच्या प्रतिमांचे पूजन करून कार्यक्रमाची सुरुवात केली.  उपस्थित सर्वांचे शब्दसुमनांनी स्वागत केल्यानंतर अण्णाभाऊ साठे यांच्या बद्दल शाळेतील शिक्षक श्री सरोज कुमार तरुडे यांनी विद्यार्थ्यांना माहिती दिली. अण्णांचे शालेय शिक्षण, त्याचबरोबर त्यांचा साहित्याचा प्रवास, त्यांनी जीवनात सोसलेले दुःख, केलेली विविध कामे अशी त्यांच्या वैयक्तिक आयुष्याची माहिती देत शोषित समाजाला आपल्या साहित्यातून मांडण्याचे महत्त्वपूर्ण काम त्यांनी केल्याचं श्री तरुडे यांनी सांगितले व 'स्मशानातील सोनं' ही कथा सांगून विद्यार्थ्यांची मने जिंकली.  लोकमान्य बाळ गंगाधर टिळक यांच्या विषयी शाळेतील शिक्...

महाराष्ट्र विद्यालयाच्या विद्यार्थ्यांनीची नवोदयसाठी निवड परळी / प्रतिनिधी         परळी तालुक्यातील ग्रामीण भागातील गुणवत्तापूर्ण शिक्षण देणारी शाळा म्हणून ओळख असलेल्या मोहा येथील महाराष्ट्र शिक्षण संस्था संचलित महाराष्ट्र माध्य व उच्च माध्यमिक विद्यालयाची विद्यार्थ्यांनी कु.तेजस्विनी नीलकंठ सलगरे हिची नवोदय विद्यालयाकरिता निवड झाली आहे.  महाराष्ट्र शिक्षण संस्था मोहा संचलित महाराष्ट्र माध्य व उच्च माध्यमिक विद्यालय स्पर्धा परीक्षेत घवघवीत यश संपादन करत आपली वेगळी ओळख निर्माण करत आहे. शाळेतील इयत्ता 9 वि वर्गात शिक्षण घेत असलेली कु.तेजस्विनी नीलकंठ सलगरे हिची नवोदय विद्यालयकरिता निवड झालेली असून तेजस्विनी सलगरे ही इयत्ता 5 वि आणि 8 वि वर्गाची स्कालरशिप परीक्षा, 8 वि वर्गाची एनएमएमएस या सर्व स्पर्धा परीक्षा उत्तीर्ण झालेली आहे. या शैक्षणिक वर्षात शाळेतील दोन विद्यार्थिनी नवोदय विद्यालय प्रवेशकरिता पात्र झाल्या असून स्कालरशिप, एमटीएस, एनएमएमएस यासारख्या विविध स्पर्धा परीक्षेत शाळेतील असंख्य विद्यार्थ्यांनी नेत्रदीपक यश  संपादन केले आहे. कु.तेजस्विनी सलगरे हिच...

बसच्या धडकेत रिक्षा चालकाचा मृत्यू ;संतप्त नागरिकांकडून बसची तोडफोड परळी वैजनाथ : प्रतिनिधी         तालुक्यातील पांगरी तांडा परिसरात एक ऑगस्ट रोजी सकाळी नऊच्या सुमारास भीषण अपघात झाला. बीडहून नांदेडकडे जाणाऱ्या शिवशाही एसटी बसने रिक्षाला जोरदार धडक दिल्याने रिक्षाचालक जागीच ठार झाला. या घटनेने परिसरात तणाव निर्माण होऊन काही काळासाठी वाहतूक ठप्प झाली होती. मृत रिक्षाचालकाचे नाव श्रीनिवास शिवाजी राठोड (वय २३, रा. पांगरी तांडा) असे आहे. त्यांनी रिक्षातून काही प्रवाशांना कामाच्या ठिकाणी सोडल्यानंतर पांगरी रोडने तांड्याकडे परतत असताना शिवशाही बसने ( एमएच ०४ एफएल ०९८८ ) त्यांना जोरदार धडक दिली. या अपघातात रिक्षा काही अंतर फरफटत गेल्याने श्रीनिवास  राठोड यांचा जागीच मृत्यू झाला. अपघातानंतर संतप्त नागरिकांनी एसटी बसच्या काचा फोडल्या. घटनास्थळी तणावाचे वातावरण निर्माण झाले होते. प्रवाशांनीही घटनास्थळी उतरून मदतीचा हात दिला. दरम्यान, परळी ग्रामीण पोलीस ठाण्याचे पोलीस निरीक्षक मजहर सय्यद, उपनिरीक्षक शेख, सहाय्यक फौजदार लक्ष्मण टोले, जमादार दत्ता उबाळे,  रमेश तोटेवाड, ...

  प्राण्यांसाठीच्या सुपर स्पेशालिटी रुग्णवाहिकेचे पशुसंवर्धन मंत्री पंकजा मुंडे यांच्या हस्ते लोकार्पण प्राणीमित्रांची सेवा हेच मुख्य ध्येय ठेवून भविष्यातही हा उपक्रम अधिक व्यापक व्हावा मुंबई, दि. 31 :  'समस्त महाजन' या संस्थेच्या 'अर्हम अनुकंपा प्रोजेक्ट' अंतर्गत मुंबई आणि मुंबई उपनगर  परिसरातील गोमाता आणि इतर प्राण्यांच्या सेवेसाठी असलेल्या सुपर स्पेशालिटी प्राणी रुग्णवाहिकेचे लोकार्पण आज पर्यावरण व वातावरणीय बदल, पशुसंवर्धन मंत्री पंकजा मुंडे यांच्या हस्ते करण्यात आले.  या उद्घाटनप्रसंगी संस्थेचे व्यवस्थापकीय विश्वस्त  गिरीश शहा, विश्वस्त परेश शहा, तसेच समस्त जैन समाजातील अनेक बांधव मोठ्या संख्येने उपस्थित होते.  'समस्त महाजन' या संस्थेच्या अर्हम अनुकंपा प्रोजेक्टअंतर्गत सुरू करण्यात आलेली ही प्रगत तंत्रज्ञानाने सुसज्ज रुग्णवाहिका मुंबई, ठाणे, आणि पालघर या भागांतील गोमाता व इतर जखमी प्राण्यांवर उपचार करणार आहे.  समाजातील विविध गोशाळांमधील जखमी, आजारी गायी व इतर प्राण्यांना दवाखान्यात नेण्यासाठी हायड्रोलिक रुग्णावाहिका महत्त्वाचे ठरणार आहे. प्राणीमात...

संतश्रेष्ठ ज्ञानेश्वर महाराजांची ७५० वी जयंती राज्यभर साजरी होणार मुंबई, ३० जुलै २०२५: महाराष्ट्र शासनाने संतश्रेष्ठ श्री. ज्ञानेश्वर महाराज यांचे सप्तशतकोत्तर सुवर्णमहोत्सवी (७५० वी) जयंती वर्ष साजरे करण्याचा निर्णय घेतला आहे. या निमित्ताने दिनांक १५ ऑगस्ट २०२५ , गोकुळ अष्टमी च्या दिवशी राज्यभरात उत्सवाचे आयोजन करण्यात येणार आहे. नगर विकास विभागाच्या शासन परिपत्रकानुसार, राज्यातील सर्व महानगरपालिका, नगरपालिका आणि नगरपरिषदा यांनी सायंकाळी ५ ते ७ या वेळेत संत ज्ञानेश्वर महाराजांची प्रतिमा किंवा मूर्ती पालखीतून मिरवून उत्सव साजरा करायचा आहे. हा निर्णय मा. मुख्यमंत्री महोदयांच्या २८ जुलै २०२५ रोजीच्या निर्देशांनुसार घेण्यात आला असून, प्रत्येक नागरी स्थानिक स्वराज्य संस्थेने याची प्रभावी अंमलबजावणी करावी , असे निर्देश देण्यात आले आहेत. हे परिपत्रक महाराष्ट्र शासनाच्या www.maharashtra.gov.in या संकेतस्थळावर संकेतांक २०२५०७३०१९०८३९७८२५ अंतर्गत उपलब्ध आहे आणि ते डिजिटल स्वाक्षरीसह प्रसिद्ध करण्यात आले आहे. राज्यपालांच्या आदेशानुसार , नगर विकास विभागाचे अवर सचिव अनिलकुमार रा. उग...

राष्ट्रीय महामार्ग ५४८ (सी) : पॅकेज दुरुस्ती व रस्त्याच्या कामांना गती देण्याचे उपमुख्यमंत्री अजित पवार यांचे निर्देश मुंबई | राष्ट्रीय महामार्ग ५४८ (सी) अंतर्गत माजलगाव ते केज (जि. बीड) आणि माजलगाव ते परतूर (जि. जालना) या मार्गांच्या कामांचा आढावा घेण्यासाठी मंत्रालयात उपमुख्यमंत्री अजित पवार यांच्या अध्यक्षतेखाली बैठक पार पडली. या बैठकीत महाराष्ट्र राज्य रस्ते विकास महामंडळामार्फत राबवण्यात येणाऱ्या संबंधित रस्त्यांच्या कामांची माहिती घेतली गेली. उपमुख्यमंत्री पवार यांनी बीड जिल्ह्यातील माजलगाव ते केज आणि जालना जिल्ह्यातील परतूर ते माजलगाव या पॅकेजच्या दुरुस्ती व उर्वरित कामांना गती देण्याचे निर्देश संबंधित अधिकाऱ्यांना दिले. सर्व कामे येत्या मार्चअखेरपर्यंत पूर्ण करण्याचे आदेशही त्यांनी यावेळी दिले. तसेच माजलगाव शहरात अंमलात आणण्यात आलेल्या पाईपलाईनच्या कामांची गुणवत्ता तपासण्यासाठी त्याची चाचणी तातडीने घेण्यात यावी, असेही ते म्हणाले. बैठकीस संबंधित विभागांचे वरिष्ठ अधिकारी, रस्ते विकास महामंडळाचे प्रतिनिधी आणि स्थानिक प्रशासन उपस्थित होते.

पीएम किसान योजनेचा २० वा हप्ता २ ऑगस्टला वितरित होणार नवी दिल्ली: प्रधानमंत्री किसान सन्मान निधी (PM-KISAN) योजनेचा २० वा हप्ता येत्या २ ऑगस्ट २०२५ रोजी वितरित केला जाणार आहे. या पार्श्वभूमीवर केंद्रीय कृषी व शेतकरी कल्याण मंत्री शिवराज सिंह चौहान यांच्या अध्यक्षतेखाली एक उच्चस्तरीय बैठक पार पडली. या बैठकीत २ ऑगस्ट रोजी वाराणसी येथे पंतप्रधान नरेंद्र मोदी यांच्या हस्ते होणाऱ्या हप्तावाटप कार्यक्रमाच्या तयारीचा आढावा घेण्यात आला. तसेच अधिकाधिक शेतकऱ्यांपर्यंत या योजनेचा लाभ पोहोचवण्याच्या दृष्टीने महत्त्वपूर्ण चर्चा झाली. या बैठकीला देशभरातील ७३१ कृषी विज्ञान केंद्रे (KVKs) , भारतीय कृषी संशोधन परिषद (ICAR) , तसेच विविध कृषी विद्यापीठांचे संचालक, कुलगुरू व अधिकारी दूरदृश्य प्रणालीद्वारे सहभागी झाले होते. पंतप्रधान किसान सन्मान निधी योजना ही लघु व सीमांत शेतकऱ्यांना दरवर्षी तीन हप्त्यांमध्ये ६,००० रुपयांची आर्थिक मदत थेट बँक खात्यात जमा करण्याची केंद्र सरकारची योजना आहे. २० वा हप्ता वेळेत पोहोचवण्यासाठी प्रशासन सज्ज आहे.

परळी वैजनाथ कृषी उत्पन्न बाजार समितीची होणार आधुनिकतेकडे वाटचाल – नवीन जागेचा विकास, केंद्र शासनाच्या योजनांमधून साहाय्याची हमी मुंबई.......    परळी वैजनाथ येथील कृषी उत्पन्न बाजार समितीच्या (APMC) नवीन जागेचा विकास करून तेथे अत्याधुनिक बाजार समिती उभारण्याच्या दिशेने महत्त्वपूर्ण पाऊल उचलण्यात आले आहे. महाराष्ट्र राज्याचे पणन मंत्री जयकुमार रावल यांनी संबंधित अधिकाऱ्यांना निर्देश दिले की, या विकास प्रकल्पासाठी महाराष्ट्र राज्य पणन मंडळाकडून अल्प व्याज दरात कर्ज , तसेच केंद्र शासनाच्या योजनांचे साहाय्य उपलब्ध करून द्यावे. या प्रस्तावाला अंतिम रूप देऊन पणन मंडळाकडे सादर करण्याच्या सूचनाही देण्यात आल्या .       मंत्रालयात महत्त्वपूर्ण बैठक या प्रकल्पासंदर्भात मंत्रालयात बैठक घेण्यात आली. बैठकीच्या अध्यक्षस्थानी मंत्री जयकुमार रावल होते. यावेळी माजी मंत्री व आमदार धनंजय मुंडे , राज्य वखार महामंडळाचे व्यवस्थापकीय संचालक कौस्तुभ दिवेगावकर , सहव्यवस्थापकीय संचालक दीपक शिंदे , पणन संचालक विकास रसाळ , मार्कफेडचे व्यवस्थापक महेंद्र ढेकळे , तसेच परळी वैजनाथ कृषी उ...

बीड जिल्ह्यातील ऊर्जा विभागाच्या विविध कामांमध्ये अनियमितता, निकृष्ट दर्जाची कामे व विलंब ! काॅन्ट्रॅक्टर ‘ब्लॅकलिस्ट’ करा- उर्जा राज्यमंत्री बोर्डीकर  मुंबई – बीड जिल्ह्यातील ऊर्जा विभागाच्या विविध कामांमध्ये होत असलेल्या अनियमितता, निकृष्ट दर्जाचे काम व विलंबामुळे नागरिक त्रस्त झाले आहेत. या पार्श्वभूमीवर महाराष्ट्र राज्याच्या ऊर्जा राज्यमंत्री  मेघना बोर्डीकर यांनी बीड जिल्ह्यात ऊर्जा विभागाच्या कामकाजाचा आढावा घेण्यासाठी एक महत्त्वपूर्ण बैठक घेतली. या बैठकीदरम्यान राज्यमंत्री बोर्डीकर यांनी स्पष्ट शब्दांत नाराजी व्यक्त करत, संबंधित अधिकाऱ्यांना आणि विभागाच्या प्रतिनिधींना चांगलेच धारेवर धरले. त्यांनी सांगितले की, "कामे वेळेवर पूर्ण न करणाऱ्या व दर्जा न राखणाऱ्या ठेकेदारांवर तातडीने कारवाई करावी. असे ठेकेदार राज्य शासनाच्या विकास प्रक्रियेला अडथळा ठरत आहेत आणि जनतेच्या अपेक्षा पूर्ण करण्यात अपयशी ठरत आहेत." राज्यमंत्री बोर्डीकर यांनी यावेळी पुढील महत्वाचे मुद्दे अधोरेखित केले: निकृष्ट दर्जाच्या कामांची तत्काळ चौकशी करावी. दोषी ठेकेदारांवर आर्थिक दंड तसेच इतर कायदे...

  इनरव्हील क्लबने सामाजिक कार्यातून आदर्श निर्माण केला - तहसीलदार विलास तरंगे वेदना कळणारेच समाज उद्धाराचे काम करतात - डॉ.राजेश इंगोले अंबाजोगाई (प्रतिनिधी):- अंबाजोगाई येथील तहसील कार्यालयामध्ये इनरव्हील क्लब अंबाजोगाई शाखेच्या वतीने नुकतेच हिरकणी कक्षाची स्थापना केली. या हिरकणी कक्षाचे उद्घाटन अंबाजोगाईचे तहसीलदार विलास तरंगे तसेच इंडियन मेडिकल असोसिएशनचे सांस्कृतिक समिती अध्यक्ष डॉ.राजेश इंगोले यांच्या हस्ते संपन्न झाले. या सामाजिक उपक्रमाला प्रशासकीय व सामाजिक स्तरावर सकारात्मक प्रतिसाद मिळाला. यावेळी निवासी नायब तहसीलदार सचिन देशपांडे, नायब तहसीलदार स्मिता बाहेती, नायब तहसीलदार मिलिंद गायकवाड यांची प्रमुख उपस्थिती होती.               उद्घाटन प्रसंगी तहसीलदार विलास तरंगे यांनी हिरकणी कक्षाच्या संकल्पनेचे व इनरव्हील क्लबच्या कार्याचे कौतुक करीत इनरव्हील क्लबने समाज उपयोगी काम करेल एक सामाजिक आदर्श निर्माण केला आहे व त्यांच्या इतर सामाजिक उपक्रमांनाही आम्ही सकारात्मक प्रतिसाद देऊन असे आश्वासन दिले.या प्रसंगी बोलताना सुप्रसिद्ध मानसोपचार तज...

  स्वतःच्याच मुलीवर बलात्कार करणा-या नराधम बापास मरेपर्यंत जन्मठेप अंबाजोगाई जिल्हा व सत्र न्यायालयाचा महत्वपूर्ण निकाल अंबाजोगाई :- स्वतः च्या पोटच्या मुलीवर बलात्कार केल्याप्रकरणी त्या नराधम बापास अंबाजोगाई जिल्हा व सत्र न्यायालयाचे न्यायमूर्ती  मा अजितकुमार भस्मे यांनी त्याला मरेपर्यंत जन्मठेपेची शिक्षा सुनावण्यात आली. या खटल्यात सरकारी वकील लक्ष्मण फड यांनी सरकार पक्षाची बाजू भक्कमपणे मांडली.               या प्रकरणाची थोडक्यात माहिती अशी की, पिडीत मुलगी ही तिच्या आई-वडीलांसोबत उसतोडीसाठी गेली होती. अचानक तिच्या पोटात दुखू लागल्याने तिच्या आईसोबत ती दवाखान्यात गेली असताना डॉक्टरांनी सदर मुलगी  गरोदर असल्याने सांगितले. त्यानंतर तिच्या आईने तिला विश्वासात घेवुन विचारले असता, पिडीत मुलीने सांगितले की, तिचा बाप आरोपी बाळु उर्फ बाळासाहेब महादेव गायकवाड हा गेल्या सात ते आठ महिन्यापासुन दारू पिवुन तिच्यावर उमराई येथील राहतेघरी तिची आई घरी नसताना जबरदस्ती करून शारीरीक संबंध करत होता आणि त्यातूनच ती गरोदर राहिली. या सर्व माहिती वरून पि...

रविवारपासून परळीत भव्य श्रावणी वेदप्रचार सप्ताहातून अध्यात्मज्ञानाची मेजवानी  प्रकांड विद्वान पं.चंद्रदेवजी यांची मौलिक प्रवचने व पं.राजेश आर्य यांची सुश्राव्य भजने सादर होणार   परळी वैजनाथ दि.३०-         श्रावण महिन्यात पवित्र शास्त्रश्रवणाचे औचित्य साधून विशुद्ध वैदिक ज्ञानाच्या माध्यमाने मानवी जीवनाला धार्मिक ,आध्यात्मिक, बौद्धिक व सामाजिक कल्याणाची सुयोग्य दिशा प्राप्त व्हावी,  या उद्देशाने येथील आर्य समाजाच्या वतीने येत्या रविवार दि.३ ऑगस्ट पासून श्रावणी वेदज्ञानकथा प्रचार सप्ताहाला सुरुवात होत आहे. यासाठी मार्गदर्शक व्याख्याते म्हणून फरुखाबाद (उ. प्र.) येथील वैदिक शास्त्रांचे प्रकांड विद्वान आचार्य पं. श्री चंद्रदेवजी शास्त्री तर भजनगायक म्हणून मैनपुरी (उ.प्र.) येथून प्रसिद्ध संगीतकार पं. राजेशजी आर्य यांना आमंत्रित करण्यात आले आहे. येथे आठवडाभर दररोज सकाळी वेद पारायणयज्ञात श्रद्धाळू यजमान भक्ती भावनेने आहुत्या प्रदान करणार आहेत. वरील प्रकांड विद्वानांची अभ्यासपूर्ण व्याख्याने प्रवचने व मधुर सुश्राव्य भजन संगीताची मेजवानी श्रोत्यांना लाभणार ...

धनंजय मुंडे म्हणतात, "Proud of you Janhavi!" : धनंजय मुंडेंची कन्या अमेरिकेतून घडतेय नव्या काळाची संवेदनशील पत्रकार!              राजकारणात आपला स्वतंत्र ठसा उमठवणारे महाराष्ट्राचे फायरब्रॅण्ड नेते, माजीमंत्री धनंजय मुंडे हे नुकतेच आपल्या कन्या जान्हवीच्या यशाने भारावून गेल्याचे बघायला मिळत आहे. कारणही तसेच आहे – जान्हवी सध्या अमेरिकेतील प्रतिष्ठित Wesleyan University मध्ये Government आणि Literature या दोन विषयांत पदवी घेत आहे, पण हे शिक्षण केवळ तिला स्वतःसाठी नव्हे, तर समाजासाठी उपयोगी पडावे, ही तिची मनापासूनची तळमळ आहे.शासन, समाज आणि मानवी हक्क यामधल्या नातेसंबंधांचा खोल अभ्यास करत असलेली जान्हवी, आज तिच्या वयाच्या पुढे जाऊन विचार करतेय. तिची ही जाण आणि संवेदनशीलता वडिल धनंजय मुंडे यांच्याही डोळ्यांत आनंदाश्रू आणते. जान्हवी कॉलेजच्या वृत्तपत्रात आधी ‘फोटो आणि विशेष लेख विभागाची प्रमुख’ म्हणून कार्यरत होती. आज ती संपूर्ण वृत्तपत्राची मुख्य संपादक आहे.       CT Mirror या अमेरिकेतील एक प्रतिष्ठित, प्रभावशाली आणि विश्वासार्...

वैद्यनाथ बँक निवडणूक: चार जागा बिनविरोध; सर्वसाधारण मतदारसंघ आणि भटक्या विमुक्त जा. मतदार संघासाठी होणार निवडणूक  परळी वैजनाथ, प्रतिनिधी...      मराठवाड्यातील अग्रगण्य सहकारी बँक असलेल्या वैद्यनाथ अर्बन को-ऑपरेटिव बँकेची निवडणूक बिनविरोध होईल असे शेवटच्या क्षणापर्यंत वाटत असताना आज अर्ज मागे घेण्याच्या शेवटच्या दिवशी अखेर वैद्यनाथ बँकेची निवडणूकच लागली आहे. एकूण 17 जागांसाठीच्या या निवडणुकीत वेगवेगळ्या मतदारसंघातील चार जागा बिनविरोध निवडल्या गेल्या आहेत. मात्र प्रतिष्ठेच्या सर्वसाधारण मतदारसंघातील बारा जागेसाठी 14 अर्ज कायम राहिले. त्यामुळे या मतदारसंघासाठी निवडणूक अटळ आहे तर भटक्या विमुक्त जाती प्रवर्गासाठीच्या मतदारसंघातून निवडावयाच्या एका जागेसाठी दोन अर्ज कायम राहिल्याने या मतदारसंघासाठीही निवडणूक अटळ झाली आहे.      महिला प्रवर्गासाठीच्या दोन जागा बिनविरोध झाल्या असुन यामध्ये माजी खासदार व विद्यमान संचालक डॉ. प्रीतम मुंडे आणि सौ. माधुरी योगेश मेनकुदळे यांची बिनविरोध निवड झाली. अनुसूचित जाती मतदारसंघासाठीच्या एका जागेवर प्रा. विनोद जगतकर यांची बिनवि...

टेलर सुभाष महाजन यांना पत्नीशोक; सौ.रजनीताई महाजन यांचे निधन परळी (प्रतिनिधी)       परळी शहरातील दिगंबर जैन मंदिरचे पुजारी सुभाष महाजन यांच्या पत्नी सौ.रजनीताई महाजन यांचे सोमवार दि.२८ जुलै रोजी सकाळी ९ वाजता निधन झाले.मृत्युसमयी त्यांचे वय ७२ वर्षांचे होते.  परळी शहरातील राणी लक्ष्मीबाई टॉवर चौकात असलेल्या महाजन टेलर्सचे मालक व दिगंबर जैन मंदिरचे पुजार्याची परंपरा असलेल्या सुभाष महाजन यांच्या पत्नी सौ.रजनीताई जैन धार्मिक कार्यात सतत सहभागी असायच्या त्यांच्या या स्वभावामुळे रजनीमावशी ओळखल्या जात.मागील काही दिवसांपासुन वर्धाक्याने त्या आजारी होत्या यातच सोमवार दि.२८ जुलै रोजी सकाळी ९ वाजता त्यांची प्राणज्योत मालवली.त्यांच्या पश्चातचार मुली १ मुलगा,सुन नातवंडे असा परिवार असुन त्यांच्या पार्थिवावर परळी येथील स्मशानभूमीत अंत्यसंस्कार करण्यात आले.त्यांचा राख सावडण्याचा विधी बुधवार दि.३० जुलै रोजी होणार आहे.

श्रावणी सोमवार :पोलीस ठेवणार कडक बंदोबस्त परळी (प्रतिनिधी) :        श्रावणी सोमवार निमित्ताने दरवर्षीप्रमाणे यंदाही प्रभू श्री वैद्यनाथ मंदिरात भाविकांची मोठ्या प्रमाणावर गर्दी अपेक्षित आहे. भाविकांना दर्शनाची सुविधा सुकर व्हावी, त्यांना योग्य वेळेत आणि कमी प्रतीक्षेत दर्शन मिळावे, यासाठी देवस्थानने नियोजन केले आहे.तसेच पोलीस प्रशासनानेही मंदिरात बंदोबस्ताचे नियोजन केले आहे.         या बंदोबस्तात 04 पोलिस निरीक्षक, 27 पोलीस उपनिरीक्षक/सहायक पोलिस निरीक्षक, 133 पुरुष पोलीस अंमलदार, 40 महिला अंमलदार, 120 होमगार्ड, 01 RCP टीम, 01 BDDS (बॉम्ब शोध पथक) टीम तसेच 01 सध्या वेशातील पोलिसांची टीम तैनात करण्यात येणार आहे. याशिवाय मंदिराचा सुरक्षेसाठीचा पूर्ण स्टाफ कार्यरत असेल. सर्व भाविक भक्तांनी प्रशासनाने दिलेल्या सूचनांचे पालन करणे गरजेचे आहे. दर्शनासाठी आलेल्या भाविकांनी रांगेचा वापर करावा, दर्शन झाल्यानंतर मंदिर परिसरात गर्दी टाळून त्वरित बाहेर पडावे. मंदिर परिसरात अनावश्यक गर्दी होणार नाही यासाठी भाविकांनी सहकार्य करावे. तसेच कोणत्याही भाविकाने बा...

समाजाचा द्वेष झाला म्हणून आम्ही मात्र कुणाचाही द्वेष करणार नाही - धनंजय मुंडे संघर्ष आपल्या रक्तात; तो शेवटपर्यंत करणार अस्मिता आणि गुणवत्तेवर आक्षेप घेणाऱ्यांनो, आता बास! - मुंडेंचा इशारा ठाणे (प्रतिनिधी) - मी राजकारणात आणि सामाजिक जीवनात सक्रिय झाल्यापासून आजपर्यंत माझ्यावर अनेक संकटे, अनेक संघर्ष आले, त्यांना मी सामोरे गेलो. मात्र यावेळी सलग २०० दिवस माझी मीडिया ट्रायल चालवली गेली. मी, माझे आई - वडील, माझी मुले - बाळे, माझी जात, माझा जिल्हा, माझी माती या सगळ्यांची बदनामी केली गेली. त्या सर्व बदनामीला मी संयमाने तोंड दिले. जात म्हणून अनेकांनी सातत्याने द्वेष भावनेने टीका टिप्पणी, आरोप केले. कुणी व्यक्ती दोषी असेल तर त्याला जरूर फाशी द्या, चुकीचे समर्थन कुणीच करणार नाही; समाज म्हणून तरीही आमचा जो द्वेष केला त्याला मात्र आम्ही द्वेषाने उत्तर देणार नाही. आम्हाला स्व. गोपीनाथराव मुंडे साहेब, स्व. पंडित अण्णा मुंडे यांनी सर्वसमावेशक कार्याची शिकवण दिलेली आहे. उलट आज जे जात म्हणून द्वेष करत आहेत, उद्या त्यांनीच आपल्याला सन्मानाची भावना व्यक्त करावी, असे काम एकत्रितपणे करून दाखवू, अस प्रत...

इनरव्हील क्लब परळी वैजनाथच्या कार्याचे पुण्यात गौरव अध्यक्ष श्रद्धा हालगे यांना "बेस्ट प्रेसिडेंट" पुरस्कार परळी – इनरव्हील क्लब ऑफ परळी वैजनाथच्या अध्यक्षा सौ. श्रद्धा नरेश हालगे यांना बेस्ट प्रेसिडेंट" हा प्रतिष्ठेचा पुरस्कार मिळाला असून, त्यांच्या कार्याची दखल घेण्यात आली आहे. पुणे येथे पार पडलेल्या इनरव्हील डिस्ट्रिक्ट ३१३ च्या ४१व्या वार्षिक अधिवेशनात त्यांचा गौरव करण्यात आला. या अधिवेशनात डिस्ट्रिक्टमधील सर्व क्लबच्या अध्यक्षांना आमंत्रित करण्यात आले होते. कार्यक्रमाला उद्योजक रांका, माजी चेअरमन शोभना पालेकर, डिस्ट्रिक्ट २५/२६ चेअरमन आशा देशपांडे, नेत्रा बकड, स्मिता चाकोते, तसेच असोसिएशनच्या चेअरमन यांच्यासह विविध मान्यवरांची उपस्थिती होती. श्रद्धा हालगे यांना ट्रॉफी, प्रमाणपत्र, असोसिएशन ट्रॉफी व विशेष भेटवस्तू देऊन सन्मानित करण्यात आले. त्यांच्या अध्यक्षीय कार्याचा सर्वत्र गौरव झाला. यावेळी भावना व्यक्त करताना श्रद्धा हालगे म्हणाल्या, गेल्या १५ वर्षांपासून इनरव्हीलच्या कार्यात सक्रीय आहे. अध्यक्षपदाचा अनुभव नसतानाही माझ्या कामावर विश्वास दाखवत, मला संधी दिली. या ...

महाराष्ट्र प्रांतिक तैलिक महासभेची जिल्हा आढावा बैठक उत्साहात  विविध तालुक्यातील पदाधिकाऱ्यांच्या नियुक्त्या  परळी वैजनाथ दि.२६ (प्रतिनिधी)       महाराष्ट्र प्रांतिक तैलिक महासभेच्या वतीने जिल्हा आढावा बैठकीचे आयोजन गुरुवारी (दि.२४) सकाळी ९ वाजता करण्यात आले होते . या बैठकीस शहरासह जिल्ह्यातील पदाधिकाऱ्यांनी मोठी उपस्थिती होती. या बैठकीत संघटनेच्या विविध तालुक्यातील नियुक्त्या करण्यात आला.          महाराष्ट्र प्रांतिक तैलिक महासभेच्या वतीने येथील श्री.शनी मंदिराच्या सभागृहात गुरुवारी जिल्हा आढावा बैठकीचे आयोजन करण्यात आले होते.  या बैठकीस महाराष्ट्र प्रांतिक तैलिक महासभेचे महासचिव डॉ भूषण कर्डिले, (नाशिक), राज्य कोषाध्यक्ष गजानन शेलार, युवक प्रदेशाध्यक्ष अतुल बांदिले, महाराष्ट्र प्रांतिक तैलिक महासभेचे उपाध्यक्ष संजय विभुते, महाराष्ट्र प्रांतिक तैलिक महासभेचे सहसचिव सुनील चौधरी, प्रदेश सहसचिव जयेश बागडे, राज्य उपाध्यक्ष निलेश सकपाळ, नांदेड विभागाध्यक्ष मधुकर राऊत, विभागीय सचिव पांडुरंग शिंदे, युवा आघाडी विभागीय अध्यक्ष संजय कळणे, ...