माझी बातमी MB NEWS

लाईक आणि लव्ह यातला फरक अतिशय महत्वाचा -साहित्यिक  प्रभाकर साळेगावकर  परळी वैजनाथ, प्रतिनिधी.... लाईक आणि लव्ह यातला फरक अतिशय महत्वाचा असतो, जे तुम्हाला आवडते ते तुम्ही तोडूनही घेऊ शकता पण ज्याच्यावर तुमचे प्रेम असते त्याची तुम्ही काळजी करता, निगा राखता, स्कॉलर केजी स्कूलने जाणीवपूर्वक निवडलेले स्वतःचे ब्रीद वाक्य "वी टीच वुईथ लव्ह" हे शाळेचे वातावरण आणि या शाळेतील शिक्षकांचा विद्यार्थ्यांप्रती असलेला व्यवहार सांगते असे प्रतिपादन प्रसिद्ध साहित्यिक श्री प्रभाकर साळेगावकर यांनी स्कॉलर केजी स्कूलच्या वार्षिक स्नेहसंमेलनाप्रसंगी काढले. श्री साळेगावकर यांनी आपल्या बाल कवितांच्या काही ओळीही इथे सादर केल्या आणि प्रेक्षकांची दाद मिळवली.  स्कॉलर केजी स्कूलचा दशकपूर्ती वार्षिक स्नेहसंमेलन सोहळा लोकनेते नटराज रंगमंदिर सभागृहात गुरुवारी संपन्न झाला. या कार्यक्रमाच्या उद्घाटन प्रसंगी प्रमुख अतिथी म्हणून श्री प्रभाकर साळेगावकर, प्रसिद्ध गझलकार श्री प्रा डॉ मुकुंद राजपंखे, शनैश्चर अर्बन निधीची अध्यक्ष श्री वैजनाथ बेंडे तर अध्यक्षस्थानी श्री भीमाशंकर फुटके गुरुजी यांची उपस्थिती होती....

पोलिसांचा जुगार अड्ड्यावर छापा,जुगारी पळाले,३ लाखांचा ऐवज जप्त परळी (प्रतिनिधी)  परळी तालुक्यातील धर्मापुरी येथील बस स्थानक रोडवर एका इमारतीमध्ये मोबाईलवर ऑनलाईन कल्याण मुंबई नावाचा जुगार चालू असल्याची खबर पोलिसांना मिळाली. यावरून परळी ग्रामीण पोलिसांच्या एका पथकाने शुक्रवारी रात्रीच्या सुमारास या जुगार अड्ड्यावर छापा टाकला. मात्र, पोलीस आल्याची चाहूल लागल्याने जुगारी पाठीमागील दरवाजातून पसार झाले. तेवढ्यात समोरील दरवाजातून पोलिस दाखल झाले. जुगारी हाती लागले नाही, पण पोलिसांनी यावेळी तीन लाख २३ हजार रुपये ८० रुपये किमतीचे जुगार साहित्य व रोख रक्कम जप्त केली आहे. याप्रकरणी परळी ग्रामीण पोलीस ठाण्यात ८ फेब्रुवारी रोजी पहाटे जगन्नाथ फड, शिवाजी पांचाळ, अक्षय सावंत ( राहणार धर्मापुरी) यांच्या विरोधात गुन्हा दाखल करण्यात आला आहे. शनिवारी दुपारपर्यंत यातील एकाही आरोपीस अटक करण्यात आली नव्हती.   परळी तालुक्यातील धर्मापुरी येथील बस स्थानकाजवळ एका इमारतीमध्ये मुंबई कल्याण नावाचा मटका जुगार खेळत व खेलविला जात असल्याची खबर पोलिसांना मिळाली.त्यावरून परळी ग्रामीण पोलीस ठाण्याचे सहाय्यक पो...

शक्तीकुंज वसाहतीतील चोऱ्यांचे सत्र रोखण्यासाठी पोलीस निरीक्षक धनंजय ढोणेंनी घेतली वसाहतीत बैठक   परळी वैजनाथ         वीज निर्मिती केंद्रातील कर्मचाऱ्यांचे निवासस्थान असलेल्या शक्तीकुंज वसाहतीत नुकत्याच झालेल्या चोरीच्या घटनेच्या पार्श्वभूमीवर संभाजी नगर पोलीस स्टेशनचे पोलीस निरीक्षक धनंजय ढोणे यांनी थर्मल पॉवर स्टेशनच्या सुरक्षा अधिकारी, कर्मचारी व वसाहतीत राहणाऱ्या रहिवाशांची बैठक घेऊन चोरीला पायबंद घालण्यासाठी घ्यावयाची काळजी व निर्देश दिले.          परळी शहराजवळ असलेल्या शक्तीकुंज वसाहतीत वीज निर्मिती केंद्रातील अधिकारी व कर्मचाऱ्यांची निवासस्थाने आहेत. ए, बी, सि असे भाग असलेली अधिकाऱ्यांची निवासस्थान, बँक, दुकान, शाळा असलेली वसाहत गंगाखेड रोडवर अनेक एकरात आहे. मागील काही दिवसांपासून या वसाहतीत चोरीच्या पाच घटना लागोपाठ घडल्याने येथील राहिवाश्यात भीतीचे वातावरण पसरले आहे. संभाजीनगर पोलीस स्टेशनच्या हद्दीत असलेल्या शक्तीकुंज वसाहतीत घडलेल्या या चोरीच्या घटनेचा श्वान पथक व फिंगर प्रिंट तज्ज्ञांच्या मदतीने तपास युद्धपातळीवर चालू आहे...

परळीत होणार पशुवैद्यकीय महाविद्यालय ; ना.पंकजा मुंडे यांचे पशुसंवर्धन खात्याला आदेश पशुविज्ञान विद्यापीठाच्या वरिष्ठ अधिकाऱ्यांची टीम उद्या परळीत येऊन करणार जागेची पाहणी बीड।दिनांक ०८। राज्याच्या पर्यावरण व वातारणीय बदल तसेच पशुसंवर्धन मंत्री ना. पंकजा मुंडे यांनी परळीत शासकीय पशू वैद्यकीय महाविद्यालय स्थापन करण्याचे आदेश पशुसंवर्धन विभागाला दिले आहेत. महाविद्यालयांसाठी लागणाऱ्या जागेची पाहणी करण्यासाठी पशू विज्ञान विद्यापीठाच्या वरिष्ठ अधिकाऱ्यांची टीम उद्या रविवारी परळीत दाखल होत आहे, लवकरच या कामाला गती येणार आहे.      राज्यात परळी वैजनाथ आणि बारामती या दोन ठिकाणी नवीन शासकीय पशू वैद्यकीय महाविद्यालय स्थापन करण्याची घोषणा ना. पंकजा मुंडे व उपमुख्यमंत्री अजित पवार यांच्या उपस्थितीत बारामती येथे नुकत्याच झालेल्या एका कार्यक्रमात करण्यात आली होती. त्या अनुषंगाने या दोन्ही ठिकाणी महाविद्यालय स्थापन करण्याकरिता मुलभूत सोयीसुविधांचे निरीक्षण व भारतीय पशू चिकित्सा परिषद नवी दिल्ली यांचे मानकानुसार आवश्यक असलेल्या बाबींच्या अनुषंगाने विद्यापीठ स्तरिय निरीक्षण समिती गठीत कर...

श्री संत शिरोमणी नरहरी महाराज यांच्या पुण्यतिथी निमित्त परळीत  श्रीमद् भागवत कथा व ज्ञानेश्वरी पारायण परळी वैजनाथ (प्रतिनिधी) श्री संत शिरोमणी नरहरी महाराज यांच्या पुण्यतिथीनिमित्त उद्या शनिवार दिनांक 8 फेब्रुवारी रोजी पासून परळी मध्ये श्रीमद भागवत कथा व ज्ञानेश्वरी पारायण माझे आयोजन करण्यात आले आहे. या भागवत कथा आणि ज्ञानेश्वरी पारायणाचा भाविकांनी लाभ घ्यावा असे आवाहन संयोजकांनी केले आहे.      श्री संत शिरोमणी नरहरी महाराज यांची येत्या 15 फेब्रुवारी रोजी 739 वी पुण्यतिथी असून यानिमित्त परळीमध्ये श्रीमद् भागवत कथा व ज्ञानेश्वरी पारायण याचे आयोजन करण्यात आले असून या कथेला उद्या शनिवार दिनांक 8 फेब्रुवारी रोजी प्रारंभ होणार आहे. भागवताचार्य ह. भ. प. जनाई महाराज कोकाटे यांच्या मुखातून भागवत कथा श्रवण करण्याचा लाभ भाविकांना मिळणार आहे. उद्या शनिवार दिनांक 8 फेब्रुवारी ते दिनांक 14 फेब्रुवारी पर्यंत ही भागवत कथा व ज्ञानेश्वरी पारायण होणार असून ज्ञानेश्वरी व्यासपीठ प्रमुख म्हणून ह. भ. प. लक्ष्मीबाई चव्हाण यांची उपस्थिती राहणार आहे.    दिनांक 15 फेब्रुवारी रोजी ...

  एन एम एम एस परीक्षेत श्री शंकर विद्यालयाचे घवघवीत सुयश सात विद्यार्थी गुणानुक्रमे उत्तीर्ण घाटनांदूर (प्रतिनिधी)             राष्ट्रीय आर्थिक दृष्ट्या दुर्बल घटकांसाठी घेण्यात येणाऱ्या अर्थात एन एम एम एस परीक्षेत श्री शंकर विद्यालयाने घवघवीत सुयश मिळविले.या विद्यालयाचे सात विद्यार्थी गुणानुक्रमे उत्तीर्ण झाले            मागील महिन्यात घेण्यात आलेल्या एन एम एम एस २०२४-२५ या परीक्षेचा निकाल शुक्रवारी जाहीर करण्यात आला.श्री शंकर विद्यालयाचे शुभांगी गणपती मुंडे,आदित्य सचिन सारडा,सिध्दी विष्णू  मुंडे,कु.मधू सूर्यकांत गित्ते,साक्षी  उमाकांत चाटे,रुपाली राम  गान्ने,नंदिनी महादेव मुंडे या विद्यार्थ्यांनी      घवघवीत यश मिळविले  विद्यार्थ्यांच्या या सुयशाबद्दल संस्थेचे अध्यक्ष माजी मंत्री पंडितराव  दौंड ,सचिव श्री.संजय दौंड,व  सर्व पदाधिकारी ,मुख्याध्यापक श्री व्ही.एल.गित्ते,सर्व शिक्षकवृंद,कर्मचारी आदींनी अभिनंदन केले.यशस्वी विद्यार्थ्यांना येथील शिक्षक डी.डी. नाकाडे यांचे मार्गदर्श...

राखेच्या बेकायदेशीर साठयांवर कारवाई करा पर्यावरण मंत्री ना.पंकजा मुंडे थेट ॲक्शन मोडवर : राख,वाळु,डोंगर पोखरणारे, अवैध उत्खनन कोणाचीच गय करु नका ! जिल्हा प्रशासनाला स्पष्ट आदेश पर्यावरण संवर्धनाच्या दृष्टीने आवश्यक त्या कठोर उपाययोजना करण्याचेही आदेश जप्त केलेली वाळू शासकीय घरकुलासाठी उपलब्ध करून द्या बीड।दिनांक ०७।     प्रदूषणाच्या नियमाचा भंग होत असल्याने औष्णिक विद्युत केंद्राच्या परिसरातील राखेच्या बेकायदेशीर साठयांवर कारवाई करण्याचे स्पष्ट आदेश राज्याच्या पर्यावरण व वातारणीय बदल तसेच पशुसंवर्धन मंत्री ना. पंकजा मुंडे यांनी आज जिल्हा प्रशासनाला दिले. जप्त केलेली वाळू शासकीय घरकुलाच्या बांधकामासाठी उपलब्ध करून द्यावी असे निर्देशही देत प्रदुषण नियंत्रणाकडे दुर्लक्ष करत असलेल्या अधिकाऱ्यांची त्यांनी कान उघाडणी केली.         जिल्हाधिकारी कार्यालय येथे आज प्रगती सभागृहात जिल्हयातील अवैध वाळू व तत्सम गौण खनिज उत्खणनामुळे होणारा पर्यावरणाचा –हास, बीड जिल्हयातील अवैध डोंगर पोखरल्यामुळे होणारी पर्यावरणाची हानी तसेच औष्णिक वीज प्रकल्प, परळी येथे होणा-या राखेच्य...

आयोजन :उद्योग जगतात आंतरराष्ट्रीय स्तरावर नावलौकिक करणाऱ्या भूमीपुत्राचा १६ फेब्रुवारी रोजी सन्मान व संवाद सोहळा  थेट अन् ग्रेट : भरतभेट !! परळी वैजनाथ प्रतिनिधी      तौरल इंडिया प्रायव्हेट.लि. कंपनीचे एमडी तथा सीईओ आणि उद्योग जगतात आंतरराष्ट्रीय स्तरावर नावलौकिक करणाऱ्या उद्योजक भरत गित्ते या परळीच्या भूमीपुत्राचा १६ फेब्रुवारी रोजी सन्मान व संवाद सोहळा आयोजित करण्यात आला आहे. केवळ सन्मानच नाही तर थेट अन् ग्रेट : भरतभेट  असे आगळेवेगळे या समारंभाचे स्वरूप आहे.या सोहळ्यास तमाम परळीकर नागरिकांनी उपस्थित राहावे असे आवाहन करण्यात आले आहे.         तौरल इंडिया प्रायव्हेट.लि. या जर्मन कंपनीचं नाव गेल्या काही दिवसात मोठ्या प्रमाणावर चर्चेत आलेलं आहे.  दावोस मध्ये विविध आंतरराष्ट्रीय कंपन्यांशी भारताने केलेले गुंतवणूक विषयीच्या सामंजस्य करारांमध्ये झालेला एक मोठ्या गुंतवणूकीचा करार हा या कंपनीने केला.महाराष्ट्राचे मुख्यमंत्री देवेंद्र फडणवीस हे स्वतः दावोसमध्ये गेले आणि भरघोस आंतरराष्ट्रीय कंपन्यांची गुंतवणूक महाराष्ट्रात आणली. हे महाराष्ट्...

  दुःखद वार्ता : पत्रकार रामप्रसाद शर्मा यांना पुत्रशोक; गोपाल शर्मा याचे अकाली निधन परळी वैजनाथ, प्रतिनिधी..        येथील ज्येष्ठ पत्रकार रामप्रसाद उर्फ बबडू शर्मा यांचे चिरंजीव गोपाल शर्मा यांचे शुक्रवार दि. ७ रोजी पहाटेअल्पशा आजाराने अकाली निधन झाले.  अगदी तरुण व उमेदीच्या वयातील निधनामुळे आप्तस्वकीय,स्नेही, मित्रपरिवारासाठी मन हेलावून टाकणारी अशी ही घटना घडली आहे.       गोपाल रामप्रसाद शर्मा याचे किडणी प्रत्यारोपण झालेले होते. गेल्या काही महिन्यांपासून प्रकृती ठणठणीत होत असतानांच अचानक काळाने घाव घातला.छत्रपतीसंभाजीनगर येथे उपचारा दरम्यान त्याची प्राणज्योत मालवली.मृत्युसमयी त्याचे अवघे वय २४ वर्षे  होते. त्याच्या पश्चात आई, वडिल, बहिण, आजी असा परिवार आहे. एकुलत्या एक असलेल्या मुलाचे अकाली निधन झाल्याने शर्मा कुटुंबावर दुःखाचा डोंगर कोसळला आहे. त्याच्या पार्थिवावर परळी वैजनाथ येथे शोकाकुल वातावरणात अंत्यसंस्कार करण्यात आले. शर्मा कुटुंबावर कोसळलेल्या या दुःखात एमबी न्यूज परिवार सहभागी आहे.

  नोकरीच्या आमिषाने दोन तरुणांची १२ लाखांची फसवणूक नोकरीच्या आशेने शेती विकून तरुणाने दिली होती रक्कम परळी - सरकारी शाळेत शिपाई आणि क्लर्क पदावर नोकरी लावतो, असे आमिष दाखवून धिरज बद्रीनारायण बाहेती आणि दीपा धीरज बाहेती या दाम्पत्याने दोघा तरुणांकडून तब्बल १२ लाख रुपये उकळल्याचा प्रकार उघडकीस आला आहे. याप्रकरणी बाहेती दाम्पत्यावर परळी पोलीस ठाण्यात गुन्हा दाखल करण्यात आला आहे. निसर्ग अनंतराव जमशेटटे (रा. कृष्णा नगर, परळी) यांनी दिलेल्या फिर्यादीनुसार, ऑक्टोबर २०२३ मध्ये अनंत ढोपरे याने निसर्ग याला सांगितले की, धिरज बद्रीनारायण बाहेती (रा. परळी) यास परळी तालुक्यातील मौजे रेवली येथे 'शाहू फुले आंबेडकर' नावाने शाळा मंजूर झाली आहे. तिथे माझे क्लर्क म्हणून काम होत असून शिपाई पदासाठी जागा रिक्त आहे. मात्र, त्यासाठी १२ लाख रुपये भरावे लागतील, त्यापैकी ६ लाख रुपये लगेच आणि उर्वरित ऑर्डरआल्यानंतर भरावे लागतील. या माहितीनंतर निसर्ग आणि त्याच्या वडिलांनी धिरज बद्रीनारायण बाहेती याची भेट घेऊन खातरजमा केली. बाहेतीने ही ऑफर खरी असल्याचा दावा केला आणि त्याच्या पत्नी दिपा बाहेती व उमेश तपके य...

खरेदी केंद्र बंद ; जिल्ह्यात लाखो टन सोयाबीन खरेदीविना ! शेतकऱ्यांनो लढाईशिवाय पर्याय नाही-अजय बुरांडे  परळी / प्रतिनिधी...केंद्र सरकारने दिलेला खरेदी कोटा पूर्ण झालेला नसताना एकूण बीड जिल्ह्यातील नाफेडकडील 44 हजार 744 या नोंदणी केलेल्या शेतकऱ्यांपैकी फक्त 20 हजार 969 एवढ्याच शेतकऱ्यांचा माल खरेदी केलेला आहे. म्हणजे 50% सुद्धा शेतकऱ्यांचा माल खरेदी न करता देखील तारखांचे दाखले देऊन शासकीय खरेदी केंद्र बंद करण्यात आले आहेत.सोयाबीन हमीभावाने पूर्ण खरेदी सरकरने करावी यासाठी पुन्हा रस्त्यावर उतरून लढाई करावी लागणारी आहे अशी खंत किसान सभेचे जिल्हाध्यक्ष कॉ.एड.अजय बुरांडे यांनी व्यक्त केली आहे. सत्तेत आलेल्या महायुतीच्या सरकारने निवडणुकीत सोयाबीनला 6 हजार रुपयांचा हमीभाव असे आश्वासन दिले होते. त्यानंतर राज्यसरकारने प्रतिक्विंटल 6,945 रु हमीभाव शिफारस केलेली असताना केंद्रसरकारकडून 4,892 रु हमीभाव जाहीर केला होता परंतु शासकीय खरेदी केंद्रावर शेतमाल विकलेल्या शेतकऱ्यांना सुद्धा "हमाली-काढता-बारदाना" या नावाखाली प्रतिक्विंटल 150 ते 200 रुपयाला शेतकऱ्यांचा खिसा मारून, जाहीर केलेला हमीभाव...

  वैद्यकीय खर्चनिधीसाठी  एक नम्र आवाहन ! श्रीनिवास सुभाष चौंडे (वय 30) हे उच्च शिक्षित तरूण. मूळचे परळीचे. नांदूरवेस भागातील श्री. सुभाष चौंडे यांचे चिरंजीव. श्रीनिवास यांचे मार्केटिंगमध्ये MBA झालेले. ते दिल्लीच्या रॉकस्पोर्ट, बंगळुरूच्या ट्रँकक्वील कंपनीत नोकरीस होते. ऑगस्टच्या अखेरीस सोनीडीओ कंपनीत जॉइन झाले. मात्र 8 सप्टेंबर रोजी श्रीनिवास यांचा स्वीमिंग टँकमध्ये मोठा अपघात झाला आणि त्यांच्या मणक्याला गंभीर दुखापत झाली. 14 सप्टेंबर रोजी मणक्याची अवघड शस्त्रक्रिया संचेती हॉस्पिटल, पुणे येथे पार पडली. ते सुमारे दोन महिने ICU मध्ये होते.  आत्तापर्यंतचा हॉस्पिटल आणि मेडिकलचा खर्च सुमारे 35 लाख झाला आहे. फिजिओ आणि मेडिसिनसाठी वार्षिक अंदाजे 25 लाखापर्यंतचा खर्च अपेक्षित आहे. सोबत इस्टिमेट जोडले आहे. मदतीची अत्यंतिक गरज आहे.  मदतीसाठी अकाऊंटचे डिटेल्स खालीलप्रमाणे +91 82081 57489 मुलाची आई - सुरेखा चौंडे-कानडे Bank account details: SHRINIWAS SUBHASH CHOUNDE Bank Acct#: 0146408746 Bank: Kotak Mahindra Branch: Manjari IFSC: KKBK0001804

  सेवावृत्ती मेजर, रेशीमबंध, निरांजन, विनोद वारी पुस्तकांच्या प्रकाशन सोहळ्याचे आयोजन डॉ.सुरेश खुरसाळे, सुनीता देशमुख, विजया मारोतकर वेदप्रकाश वेदालंकार यांच्या हस्ते होणार प्रकाशन अंबाजोगाई - (वसुदेव शिंदे):- शहरातील सौभाग्य मंगल कार्यालयात दि ९ फेब्रुवारी रोजी सकाळी ११ वा. अपर्णा कुलकर्णी व अश्विनी निवर्गी लिखित पुस्तकाचे प्रकाशन होणार आहे .या प्रकाशन सोहळ्यास तुकाराम महाराज पुरस्कार प्राप्त वेदप्रकाश वेदालंकार यांच्या सत्काराचे आयोजन करण्यात आले आहे. या कार्यक्रमासाठी योगेश्वरी शिक्षण संस्थेचे मार्गदर्शक डॉ.सुरेश खुरसाळे, सुनीता देशमुख नागपुरच्या विजया मारोतकर व ख्यातनाम साहित्यिक वेदप्रकाश वेदालंकार हे उपस्थित राहणार आहेत. सेवावृत्ती मेजर एस.पी. कुलकर्णी यांनी एनसीसीच्या माध्यमातून केलेले कार्य हे सेवावृत्ती मेजर या पुस्तकातील लेखाद्वारे घेऊन त्यातून जनजागृतीसाठी प्रकाश टाकला आहे.  अपर्णा कुलकर्णी यांनी निरंजन, रेशीमबंध या पुस्तकातून नात्यातील उत्सव चारोळी हे विषय साधण्याचा प्रयत्न केला आहे निरंजन या काव्यसंग्रहातून कवितेद्वारे प्रबोधन करण्याचा प्रयत्न केला आहे तसेच विनोदव...

  बदल्यांचा सिलसिला सुरुच: परळी थर्मलमधील आणखी नऊ तंत्रज्ञांच्या भुसावळला बदल्या परळी वैजनाथ, प्रतिनिधी....       परळी औष्णिक विद्युत केंद्रातील अधिकारी, कर्मचारी पदे रद्द होणे,शेकडो कर्मचाऱ्यांच्या इतरत्र पदस्थापना करणे, बदल्या करणे हा सिलसिला सुरुच असल्याचे दिसुन येत आहे.या अनुषंगानेच आता आणखी नऊ तंत्रज्ञांच्या भुसावळला बदल्या करण्यात आल्या आहेत.            महाराष्ट्र राज्य वीज निर्मिती कंपनी मर्यादित, मुख्य कार्यालय, मुंबई यांनी निर्गमित केलेल्या  आदेशान्वये अनुसरून औ. वि. केंद्र, परळी-वै. या आस्थापनेवर कार्यरत असलेल्या नऊ अधिकारी/कर्मचारी यांची प्रशासकीय बदली झाल्यामुळे त्यांना औ.वि.केंद्र, परळी-वै. या कार्यालयातुन  पदस्थापनेच्या ठिकाणी रुजु होण्याकरिता या कार्यालयातुन कार्यमुक्त करण्यात येत आहे.असे आदेश निर्गमित करण्यात आले आहेत. बदल्या झालेल्या तंत्रज्ञांत राहुलकुमार देवीदास वाळके, सचिन सावताराव राऊत, सुनील बाळासाहेब ढोकळे, योगेश मोहन म्हेत्रे, प्रदिप राजेंद्र कोमटवार, सतीश अशोषराव हरीहर, रवी दत्तात्रय दहिफळे, कृष्णा अर्ज...

 रा.से. यो. शिबिरातून युवकांनी स्वयंशिस्त अंगीकारावी- दत्ताआप्पा इटके  शिस्तप्रिय विद्यार्थी हे समाजाचा आधार – प्राचार्या  . डॉ. चव्हाण  वैद्यनाथ कॉलेजच्या राष्ट्रीय सेवा योजना विशेष शिबिर समारोप  परळी वैजनाथ – वैद्यनाथ कॉलेजच्या राष्ट्रीय सेवा योजना  विभागातर्फे आयोजित विशेष युवक युवती शिबिर शिबिराचा समारोप उत्साहात पार पडला. या समारोप कार्यक्रमाच्या अध्यक्षस्थानी जव्हार एज्युकेशन सोसायटीचे सचिव आदरणीय श्री दत्ताआप्पा इटके गुरुजी होते. या वेळी प्रमुख पाहुणे म्हणून प्राचार्या सौ. डॉ. अर्चना चव्हाण,  उप प्राचार्य डॉ.व्ही. बी. गायकवाड,  उप प्राचार्य प्रा. डी. के. आंधळे,  डॉ. बी. व्ही. केंद्रे व विचार मंचावर राष्ट्रीय सेवा योजनेचे कार्यक्रम अधिकारी प्रा. डॉ. माधव रोडे व  डॉ. भीमानंद गजभारे, श्री स्वामी सर उपस्थित होते. कार्यक्रमाच्या प्रास्ताविक राष्ट्रीय सेवा योजनेचे कार्यक्रम अधिकारी   डॉ. गजभारे यांनी शिबिराची साध्य झालेली उद्दिष्टे सांगितली. कार्यक्रमाच्या अध्यक्षीय भाषणात  श्री दत्ताआप्पा इटके गुरुजी यांनी राष्ट्रीय से...

पोटगीची रक्कम तुटपुंजी : मुलावर मोठा दबाव-  करुणा शर्मा- मुंडे काय म्हणाल्या? राज्याचे अन्न व नागरी पुरवठा मंत्री धनंजय मुंडे आणि त्यांच्या पत्नी करुणा शर्मा मुंडे यांचा पोटगी प्रकरणात वांद्रे कौटुंबिक न्यायालयाने गुरुवारी निकाल दिला.  धनंजय मुंडे यांनी करुणा मुंडेंना देखभालीसाठी महिन्याला एकूण दोन लाख रुपये द्यावेत, असे आदेश कोर्टाने दिले आहेत. त्यामुळे धनंजय मुंडे आणि करुणा मुंडे यांच्यातील वाद पुन्हा उफाळून आला आहे.    पोटगीची रक्कम तुटपुंजी असल्याचे म्हणत आपण यासाठी हायकोर्टात जाणार असल्याचे करुणा मुंडे म्हणाल्या. त्यानंतर करुणा आणि धनंजय मुंडे यांच्या मुलाने आईवर गंभीर आरोप केले आहेत. त्यानंतर आता मुलाच्या आरोपांवर करुणा मुंडे यांनी प्रतिक्रिया दिली आहे.    करुणा मुंडेंनी दिलेल्या प्रतिक्रियेनंतर त्यांचा मुलगा सिशिव मुंडे यांने एक पोस्ट करुन खळबळ उडवून दिली. माझे वडील सर्वोत्तम नसले तरी ते नुकसान पोहोचवणारे नाहीत असं विधान धनंजय मुंडे आणि करुणा मुंडे यांचा मुलगा सिशिव मुंडे याने केले. सिशिवने इन्स्टाग्राम स्टोरीमधून हा सगळा दावा केला. तसेच आई करुणा म...

  ऊसतोड मजूर राठोड दांपत्याच्या कुटुंबियांना गोपीनाथ मुंडे प्रतिष्ठानने दिला मदतीचा हात ना. पंकजा मुंडे यांनी दूरध्वनीद्वारे संवाद साधून केले कुटुंबाचे सांत्वन, प्रितमताई मुंडे यांनी सुपूर्द  मदतीचा धनादेश बीड | दि. ०६ |  बीड जिल्ह्यातील आश्रमशाळा तांडा येथील मयत ऊसतोड मजूर दांपत्य अनिल राठोड आणि आरती राठोड यांच्या कुटुंबियांची माजी खासदार डॉ. प्रितमताई मुंडे यांनी आज सांत्वनपर भेट घेतली. याप्रसंगी राठोड कुटुंबाचे सांत्वन करून गोपीनाथ मुंडे प्रतिष्ठानच्या वतीने त्यांनी आर्थिक मदतीचा धनादेश सुपूर्द केला. काही दिवसांपूर्वी जिल्ह्यातील ऊसतोड मजूर राठोड दांपत्याचा कर्जत-पाथर्डी मार्गावर रस्ते अपघातात मृत्यू झाला होता. राज्याच्या पर्यावरण आणि पशुसंवर्धन मंत्री तथा भाजपच्या राष्ट्रीय सचिव पंकजाताई मुंडे यांनी राठोड यांच्या कुटुंबाला गोपीनाथ मुंडे प्रतिष्ठानच्या वतीने आर्थिक मदत देण्याचे जाहीर केले होते. माजी खासदार डॉ. प्रितमताई मुंडे यांनी आज त्यांच्या सुचनेनुसार राठोड कुटुंबाची भेट घेऊन त्यांना गोपीनाथ मुंडे प्रतिष्ठान मार्फत आर्थिक मदत सुपूर्द केली. यावेळी ऊसतोड ना.पंकजाता...

करुणा - धनंजय मुंडे वादावर त्यांच्या मुलाने पहिल्यांदाच मांडली भूमिका; वडिलांची घेतली बाजू परळी वैजनाथ,एमबी न्यूज वृत्तसेवा..        धनंजय मुंडे यांच्या पत्नी करूणा मुंडे यांना कोर्टाने दिलासा दिला आहे. करूणा मुंडेंना दरमहा 2 लाखांची पोटगी देण्याचे आदेश देण्यात आले आहेत. दरम्यान, कोर्टाने आदेश दिल्यानंतर सुरु झालेल्या चर्चेवर करुणा व धनंजय मुंडे यांचा मुलगा शिशिव मुंडे याने पहिल्यांदाच प्रतिक्रिया दिली आहे. त्याने इन्स्टाग्राम पोस्ट करत  आपली भूमिका मांडली असुन त्याने आपल्या वडिलांची बाजू घेतल्याचे दिसून येत आहे.     करुणा व धनंजय मुंडे यांचा १८ वर्षांचा मुलगा शिशीव धनंजय मुंडे याने पोस्ट टाकून खालील प्रमाणे खुलासा केला आहे. मी शीशिव धनंजय मुंडे, मला आता बोलणे भाग आहे कारण माध्यमांनी आमच्या कुटुंबाला मनोरंजनाचा विषय बनवून टाकले आहे.  माझा बाप जगातला सर्वोत्कृष्ट बाप नसला तरी तो आम्हा भावंडांना कधीही हानिकारक नव्हता.  माझी आई कायम तिच्या अनेक विविध कारणांमुळे बाधित असायची आणि त्याचा वचपा ती आम्हाला वेदना देऊन काढायची.   जो घरेलू हिंसाचा...

  ना. पंकजा मुंडे उद्या बीडमध्ये ; जिल्हाधिकारी कार्यालयात घेणार बैठक बीड जिल्ह्यातील अवैध वाळु उपसा, राखेची वाहतुक, अवैध गौण खनिज उत्खननाचा घेणार आढावा धारुर येथील रेल्वे भू-संपादनाच्या मावेजा संदर्भातही घेणार बैठक बीड ।दिनांक ०६।    जिल्ह्यात गेल्या कांही महिन्यांपासून सुरू असलेला अवैध वाळु उपसा, राखेच्या वाहतुकीमुळे होणारे प्रदूषण, अवैध गौण खनिज उत्खननामुळे होणारा पर्यावरणाचा ऱ्हास या सर्व जिव्हाळ्याच्या विषयावर राज्याच्या पर्यावरण, वातावरणीय बदल व पशूसंवर्धन मंञी ना. पंकजाताई मुंडे उद्या जिल्हाधिकारी कार्यालयात  आढावा बैठक घेणार असुन  सर्व अधिकाऱ्यांना उपस्थित राहण्याच्या सूचना दिल्या आहेत. उद्या ( ता. ०७ ) सायंकाळी ४ वाजता जिल्हाधिकारी कार्यालयात ही बैठक आयोजित करण्यात आली असुन जिल्हाधिकारी अविनाश पाठक  यांच्यासह सर्व संबंधित अधिकारी यावेळी उपस्थित राहणार आहेत. जिल्ह्यात गेल्या कांही महिन्यांपासून अवैध वाळु उपसा मोठ्या प्रमाणात होत आहे.  त्याचप्रमाणे गौण खनिज उत्खननामुळे पर्यावरणाचा ऱ्हास होत असुन अवैध डोंगर पोखरल्यामुळे पर्यावरणाची जी हानी ...

......तर तुझा संतोष देशमुख करू, अशी धमकी देत लोखंडी राॅड,कोयत्याने हल्ला जखमीवर अंबाजोगाई येथील रुग्णालयात उपचार  धारूर,प्रतिनिधी.. धारूर पोलीस स्टेशन हद्दीतील केज तालुक्यातील तरनळी येथे 5 फेब्रुवारी रोजी दुपारी वाल्मीक कराड व मुंडे साहेबांच्या बातम्या पाहिल्या तर तुझा संतोष देशमुख करू म्हणत गावातील दोन युवकांनी तरनळी येथील अशोक मोहिते याला लता बुक्क्या , लोखंडी रॉड, कोयत्याने मारहाण करून जखमी केले असून तो रुग्णालयात उपचार घेत असून त्याचा मावस भाऊ बालासाहेब भोसले याच्या फिर्यादीवरून धारूर पोलीस स्टेशनमध्ये 2 जनावर गुन्हा नोंद करण्यात आला आहे.         धारूर पोलीस स्टेशन हद्दीतील व केज तालुक्यातील तरनळी गावामध्ये 5 फेब्रुवारी बुधवार रोजी दुपारी अडीच वाजता गावातील रमाई चौक या ठिकाणी अशोक शंकर मोहिते हा मोबाईल वर व्हिडिओ पाहत असताना गावातील एका लाल रंगाच्या MH 44 R 9294 या मोटार सायकलवर वैजनाथ भारत बांगर , अभिषेक सिद्धेश्वर सानप हे दोघे आले व त्यांनी अशोक मोहिते याला लाथाबुक्याने, लोखंडी रॉड, कोयत्याने मारहाण केली व यापुढे वाल्मीक कराड व मुंडे साहेबांच्या बातम्या...

  महाराष्ट्र अंधश्रद्धा निर्मूलन समिती परळी शाखेची कार्यकारणी जाहीर  अध्यक्षपदी बालाजी ढगे, कार्याध्यक्ष बाबासाहेब किरवले तर प्रधान सचिव विकास वाघमारे यांची निवड परळी प्रतिनिधी.     महाराष्ट्र अंधश्रद्धा निर्मूलन समिती शाखा परळीच्या अध्यक्षपदी बालाजी ढगे यांची तर कार्याध्यक्षपदी बाबासाहेब किरवले तर प्रधान सचिव पदी विकास वाघमारे यांची सर्वानुमते निवड करण्यात आली आहे.      अंधश्रद्धा निर्मूलन समिती शाखा परळीच्या नूतन कार्यकारणी निवडीसाठी नुकतेच जिजामाता उद्यान परळी येथे दिनांक 25 फेब्रुवारी रोजी सायंकाळी 4 वाजता जिल्हा प्रधान सचिव सुकेशनी नाईकवाडे यांच्या अध्यक्षतेखाली बैठक संपन्न झाली. या बैठकीस ज्येष्ठ पदाधिकारी प्रा. दासू वाघमारे, प्रा. विलास रोडे, रानबा गायकवाड जिल्हा सोशल मीडिया जिल्हा प्रमुख संजीब रॉय आदी उपस्थित होते.      नूतन कार्यकारणी मध्ये उपाध्यक्ष रफिक पठाण, उपाध्यक्ष विजय आटकोरे ,विविध उपक्रम विभाग रानबा गायकवाड, वैज्ञानिक जाणीवा शिक्षण प्रकल्प विभाग सुरेश जाधव, बुवाबाजी संघर्ष विभाग दिपक शिरसाठ, प्रशिक्षण व्यवस्थापन ...

  ना. पंकजाताई मुंडे यांचं चौकार, षटकारासह आष्टीत तडाखेबंद भाषण ! मी गोपीनाथ मुंडेंची लेक, बोलणं एक आणि करणं एक माझ्या रक्तात नाही जिल्ह्यातील शेतकऱ्यांसाठी भूमिका घेताना कधीच मागेपुढे पहात नाही मुंडे साहेबांच्या एका पत्रामुळे इथले शेतकरी आजही त्यांचं नाव घेतात आष्टी ।दिनांक ०५। राज्याच्या पर्यावरण व वातारणीय बदल तसेच पशुसंवर्धन मंत्री ना. पंकजाताई मुंडे यांचं आज चौकार, षटकारांसह तडाखेबंद भाषण झालं. माझ्या जिल्हयातील शेतकऱ्यांसाठी भूमिका घेताना मी कधीच मागेपुढे पहात नाही. मी गोपीनाथ मुंडेंची लेक आहे, बोलणं एक आणि करणं एक माझ्या रक्तात नाही असं त्यांनी ठणकावून सांगितलं. मुंडे साहेबांनी तत्कालिन संरक्षण मंत्र्यांना दिलेल्या एका पत्रामुळे इथे होणारे मिल्ट्री ट्रेनिंग सेंटर रद्द झाले आणि शेतकऱ्यांना न्याय मिळाला, ते शेतकरी आजही मुंडे साहेबांचं नाव घेतात असंही त्या म्हणाल्या.     आष्टी उपसा सिंचन योजना क्र. 3 अंतर्गत येणार्‍या शिंपोरा ते खुंटेफळ पाईपलाईन कामाची पाहणी तसेच यातील बोगदा कामाचा शुभारंभ मुख्यमंत्री देवेंद्र फडणवीस यांच्या हस्ते आज खुंटेफळ येथे झाला, त्यावेळी...

  देशातील युवकांनी राष्ट्र विकासासाठी योगदान द्यावे:- भागवत मसने अंबाजोगाई ( वसुदेव शिंदे):- देशातील युवकांनी राष्ट्र विकासासाठी योगदान द्यावे असे मत जेष्ठ टीकाकार तथा सुप्रसिद्ध कवी भागवत मसने यांनी व्यक्त केले. ते युगपुरुष स्वामी विवेकानंद यांच्या जयंतीनिमित्त  टी.बी.गिरवलकर पॉलिटेक्निकल महाविद्यालयात  'राष्ट्रीय युवा दिनाच्या अनुषंगाने आयोजित व्याख्यान मालेत बोलत होते. याप्रसंगी व्यासपीठावर प्राचार्य एल व्ही बगले, विभागप्रमुख प्रा. व्ही व्ही कन्नूर, श्रीमती ए ए कुलकर्णी, कु रेणुका डबीर, व्ही व्ही रावबावले, ग्रंथपाल आर बी चव्हाण उपस्थित होते.            कार्यक्रमाची सुरुवात दीपप्रज्वलन तसेच स्वामी विवेकानंद यांच्या प्रतिमेस पुष्प  व पुष्पहार अर्पण करून करण्यात आली. प्रमुख अतिथींच्या स्वागतानंतर कार्यक्रमाचे प्रस्ताविक प्राचार्य बगले यांनी केले. तर अतिथींच्या परिचय कु क्षितिजा आगळे यानी केला.             प्रमुख अतिथी टीकाकार तथा कवी भागवत मसने यांनी स्वामी विवेकानंद यांच्यावर बोलताना स्वामी विवेकानंदाची म...

  जनतेच्या प्रेमाने प्रेरित होऊन समाजासाठी अहोरात्र कार्यरत राहणार - प्रा.अतुल दुबे प्रभू वैद्यनाथास अभिषेक, महाप्रसाद वितरण, सामाजिक बांधिलकी जपत विविध उपक्रमांचे आयोजन परळी (प्रतिनिधी) परळी शहर आणि परिसरातील नागरिकांचे माझ्यावर मनापासून प्रेम आहे. मी नेहमीच समाजासाठी जे शक्य आहे ते करण्याचा प्रयत्न केला आहे. एक सामान्य कार्यकर्ता म्हणून समाजसेवेसाठी मी सदैव तत्पर राहणार आहे, असे प्रतिपादन जय महाराष्ट्र प्रतिष्ठानचे संस्थापक अध्यक्ष प्रा. अतुल दुबे यांनी केले. त्यांच्या वाढदिवसानिमित्त विविध सामाजिक उपक्रमांचे आयोजन करण्यात आले होते. प्रा. अतुल दुबे यांच्या वाढदिवसानिमित्त बुधवारी सकाळी पंचमज्योतिर्लिंग प्रभू श्री वैद्यनाथ मंदिरात अभिषेक करण्यात आला. त्यांच्या उत्तम आरोग्यासाठी व दीर्घायुष्यासाठी विशेष प्रार्थना करण्यात आली. त्यानंतर मंदिरासमोर गोरगरीबांना महाप्रसादाचे वितरण करण्यात आले.  मित्रमंडळातर्फे सत्कार समारंभ यावेळी प्रा. दुबे यांचा शाल, श्रीफळ व पुष्पहार देऊन सत्कार करण्यात आला. या कार्यक्रमाला मित्रमंडळ, प्रतिष्ठानचे पदाधिकारी, कार्यकर्ते तसेच अनेक सामाजिक आणि रा...

एन. डी. आर. एफ .  चे एक दिवशीय आपत्ती व्यवस्थापन शिबिर उत्साहात  आपत्ती निर्वाणसाठी सतर्कतीचे कौशल्य आत्मसाथ करावे. - अरविंद लाटकर  परळी - वैः - वसंतनगर येथे  वैद्यनाथ कॉलेजच्या राष्ट्रीय सेवा योजना शिबिर दिनांक २८ जानेवारी  रोजी  युथ फॉर भारत ॲन्ड युथ फॉर डिजिटल लिटरसी ही संकल्पना घेऊन  सात दिवशीय निवासी शिबीर वसंतनगर येथे एन. डी. आर. एफ . अर्थात  नॅशनल डिसास्टर रिस्पॉन्स फोर्स , राष्ट्रीय आपत्ती प्रतिसाद दल पुणे यांच्या संयुक्त विद्यमाने राष्ट्रीय सेवा योजना व तहसील कार्यलय यांच्या वतीने एक दिवशीय आपत्ती व्यवस्थापन शिबीराचे उद्घाटन जिल्हायाचे  उपविभागीय अधिकारी अरविंद लाटकर यांच्या हस्ते संपन्न झाले. यावेळी एन. डी. आर. एफ . चे दलच्या प्रशिक्षण प्रमुख राजु प्रसाद यांनी  १५० युवक - युवतीनी    प्रशिक्षण दिले. यावेळी तहसिलदार व्यकंटेश्वर मुंडे, नायब तहसिलदार रूपनर, प्राचार्या अर्चना चव्हाण, प्राचार्य अरुण पवार, प्रा. डॉ. पी. एल. कराड , प्रा. हरिश मुंडे,  सरपंच शाहु विजय राठोड , एन. एस. एस. चे  प्रा. डॉ. माधव रोडे, ए...

स्वा.सै. चिल्ले गौरव आंतरमहाविद्यालयीन  वक्तृत्व स्पर्धेत रूपाली साखरे प्रथम, लक्ष्मी जुनाळ द्वितीय व वैष्णवी गित्ते तृतीय                परळी वैजनाथ-       महाराष्ट्र आर्य प्रतिनिधी सभेतर्फे नुकत्याच परळी येथे पार पडलेल्या स्वा.सै. मन्मथअप्पा   व सौ.कलावतीबाई चिल्ले गौरव आंतर महाविद्यालयीन वक्तृत्व स्पर्धेत कै. लक्ष्मीबाई देशमुख महिला महाविद्यालयाची विद्यार्थिनी कु. रूपाली संतोष साखरे ही प्रथम , वैद्यनाथ महाविद्यालयाची कु. लक्ष्मी महेश जुनाळ ही द्वितीय आली, तर तिसरा क्रमांक याच महाविद्यालयाच्या कु. वैष्णवी नागनाथ गित्ते हिने पटकावला. उत्तेजनार्थ पुरस्कारासाठी ऐश्वर्या जगन्नाथ पोटभरे, कोमल विनायक कराड, तेजस्विनी दत्तात्रय साबळे व चि. फरहान खान या विद्यार्थ्यांची निवड करण्यात आली.           थोर समाजसुधारक महर्षी दयानंद सरस्वती यांच्या द्विजन्मशताब्दी वर्षानिमित्त येथील आर्य समाजात आयोजित या वक्तृत्व स्पर्धा कार्यक्रमाच्या अध्यक्षस्थानी आर्य समाजाचे कोषाध्यक्ष श्री देविदासराव कावरे, तर प्रमुख...

बाळासाहेब ठाकरे यांचा कडवट शिवसैनिक :प्रा.अतुल दुबे यांचे ‘अतुलनिय’ कार्य परळीच्या सामाजिक, धार्मिक, शैक्षणिक व क्रीडा क्षेत्रात उल्लेखनीय सहभाग नेतृत्वाचा वारसा अनेकांना चालत येतो. या नेतृत्वात संवेदनशीलपणा असेलच असे नसते. परंतु ज्याला नेतृत्वाचा वारसाही नाही आणि सर्वसामान्यांच्या प्रश्नांवर  ज्याला कळवळा येतो असे नेतृत्व हे अपवादानेच उदयाला येते. सर्व सामान्यांतुन उदयास आलेल्या नेतृत्वामध्ये एक प्रकारचे संवेदनशीलता भरलेली असतेच त्याचबरोबरीने आक्रमताही तेवढ्याच तीव्रतेने असते हे दिसुन येते. याचे ज्वलंत उदाहरण म्हणजे परळी शहरातील एक युवा नेतृत्व वंदनीय बाळासाहेब ठाकरे यांचा कडवट शिवसैनिक प्रा.अतुल दुबे सर या धडपडत्या युवकाच्या रूपाने पहावयास मिळते. वेगवेगळ्या माध्यमातून व एक ध्येय समोर ठेवून सर्वसामान्यां प्रती असलेल्या जिव्हाळा अनेक आंदोलने व अनेक प्रश्नांची सोडवणुक करताना त्याच्यातील संवदेनशीलतेचा प्रत्यय नेहमीच पहावयास मिळाला. तसेच परळी शहराच्या सामाजिक, धार्मिक, शैक्षणिक व क्रीडा क्षेत्रात अतुलनिय असणारे, जय महाराष्ट्र प्रतिष्ठानचे संस्थापक अध्यक्ष व धर्मवीर सामाजिक युवा प्रतिष...

वारोळा तांडयाच्या राठोड परिवाराला गोपीनाथ मुंडे प्रतिष्ठान देणार मदतीचा हात ऊसतोड मजूराच्या पाठिशी ना. पंकजा मुंडे खंबीरपणे उभ्या बीड ।दिनांक ०३। वारोळा तांडा (ता.माजलगांव) येथील ऊसतोड मजूर अनिल व आरती राठोड यांच्या परिवाराला गोपीनाथ मुंडे प्रतिष्ठान मदतीचा हात देणार आहे. राज्याच्या पर्यावरण व वातावरणीय बदल व पशुसंवर्धन मंत्री ना. पंकजाताई मुंडे यांनी राठोड कुटुंबियांच्या पाठिशी आपण खंबीरपणे उभे असल्याचे म्हटले आहे. शेवगाव येथील साखर कारखान्यावर ऊस तोडणीसाठी जात असतांना झालेल्या रस्ता अपघातात वारोळा तांडा येथील अनिल राठोड व आरती राठोड या दाम्पत्यांचा मृत्यू झाला होता.  त्यांच्या पश्चात कुटुंबात आई वडिल आणि दोन लहान मुले आहेत. राठोड पती पत्नीच्या  निधनाने कुटुंबीयांवर दुःखाचा डोंगर कोसळला आहे, अशा परिस्थितीत ना. पंकजाताई मुंडे  त्यांच्या पाठिशी भक्कम उभ्या  असून गोपीनाथ मुंडे प्रतिष्ठानच्या वतीने त्यांना मदत करणार आहेत. लवकरच ही मदत त्यांच्यापर्यंत पोचवली जाईल. दरम्यान सरकारकडून देखील राठोड परिवाराला मदत मिळवून देण्यासाठी ना. पंकजाताई मुंडे प्रयत्न करत आहेत. ••••

  ज्या जिल्ह्यात भाजपचे पालकमंत्री नाहीत तिथे भाजपकडून 'जिल्हा संपर्कमंत्री'  बीड दि. ४ (प्रतिनिधी) : ज्या जिल्ह्यात भाजपचे पालकमंत्री नाहीत, त्या जिल्ह्यांमध्ये भाजपने आपल्या काही मंत्र्यांना संपर्कमंत्री केले आहे. पक्ष आणि सरकारमधील संपर्काची जाबाबदारी या संपर्क मंत्र्यांवर असणार आहे. यात बीड जिल्ह्यासाठी संपर्कमंत्री म्हणून पंकजा मुंडे यांची नियुक्ती करण्यात आली आहे. राज्य भाजपच्या बैठकीत पक्ष आणि सरकारमध्ये समन्वय राहावा यासाठी संपर्क मंत्र्यांची घोषणा करण्यात आली. जेथे इतर पक्षांचे पालकमंत्री आहेत, तेथे भाजपने मंत्रिमंडळातील भाजपच्या मंत्र्यांकडे संपर्कमंत्री म्हणून जबाबदारी दिली आहे. या मंत्र्यांकडे एकप्रकारचे जिल्ह्याचे भाजपचे पालकत्वच असणार आहे. बीड जिल्ह्याच्या संपर्कमंत्री म्हणून राज्याच्या पशुसंवर्धन मंत्री पंकजा मुंडे यांची नियुक्ती करण्यात आली आहे. बीड जिल्ह्यातील राजकीय घडामोड़ीच्या पार्श्वभूमीवर या नियुक्तीला महत्व आहे.         विशेष म्हणजे उद्या आष्टी येथे होत असलेल्या कार्यक्रमाला देखील पंकजा मुंडे मुख्यमंत्री देवेंद्र फडणवीस यांच्यासोबत ...

  परळी अंधश्रद्धा निर्मूलन समितीची बैठक;उपस्थित राहण्याचे आवाहन  परळी प्रतिनिधी......        महाराष्ट्र अंधश्रद्धा निर्मूलन समिती शाखा परळीची आज दिनांक 5 फेब्रुवारी रोजी नूतन शाखा कार्यकारणी निवडीच्या संदर्भात बैठक आयोजित करण्यात आली आहे.     महाराष्ट्र अंधश्रद्धा निर्मूलन समिती परळी शाखेची कार्यकारणी निवडीची बैठक सायंकाळी 4 वाजता जिजामाता उद्यान येथे ठेवण्यात आली आहे .या बैठकीत अंधश्रद्धा निर्मूलन समितीची 2025 या वर्षांकरिता नवीन कार्यकारिणी निवडण्यात येणार आहे.तरी या बैठकीस अंनिस पदाधिकारी, सदस्य, हितचिंतक, विविध सामाजिक संघटनेच्या कार्यकर्त्यांनी  मोठ्या संख्येने उपस्थित राहावे असे आवाहन महाराष्ट्र अंधश्रद्धा निर्मूलन समिती शाखा परळीच्या वतीने करण्यात आले आहे.