माझी बातमी MB NEWS

  उपजिल्हा रुग्णालय येथे संत सेवालाल महाराज यांच्या जयंतीनिमित्त अभिवादन   परळी( प्रतिनिधी) परळी उपजिल्हा रुग्णालयाचे वैद्यकीय अधीक्षक डॉ  अरुण गुट्टे यांच्या मार्गदर्शनाखाली श्री संत सेवालाल महाराज यांची जयंती साजरी करण्यात आली.               सामाजिक कार्यकर्ते  श्री.पप्पू गित्ते   दैनिक सोमेश्वर साथीचे  संपादक बालासाहेब फड यांच्या हस्ते संत सेवालाल महाराज यांच्या प्रतिमेचे पूजन करून पुष्पहार अर्पण करण्यात आला.       क्रांतिसिंह संत सेवालाल महाराज 15 फेब्रुवारी 1739 -4  जानेवारी 1773) हे भारतीय समाजसुधारक होते. संत सेवालाल महाराज यांच्या जन्म 15 फेब्रुवारी 1739 रोजी आंध्र प्रदेशातील अनंतपुर जिल्ह्यातील गुटी तालुक्यात गोलाल डोडी गावात झाला.        यावेळी वैद्यकीय  अधीक्षक अधीक्षक डॉ अरुण गुट्टे साहेब सामाजिक कार्यकर्ते श्री .पप्पू गित्ते ,दैनिक सोमेश्वर साथीचे संपादक बालासाहेब फड,श्री .नागरगोजे ,गीताजी, श्री राऊत, श्री शिरोळे ,परिसेविका श्रीमती टाकळकर, श्रीमती कुल...

  संत सेवालाल महाराज जयंती उत्साहात साजरी अंबाजोगाई (वसुदेव शिंदे) :- बंजारा समाजाचे आराध्य दैवत व महान समाजसुधारक श्री संत सेवालाल महाराज यांच्या जयंतीनिमित्त अखिल भारतीय बंजारा क्रांती दलाच्या वतीने सेवालाल महाराज चौक , अंबाजोगाई येथे अभिवादन कार्यक्रमाचे आयोजन करण्यात आले. या वेळी श्री संत सेवालाल महाराज यांच्या प्रतिमेस पुष्पहार अर्पण करून त्यांना अभिवादन करण्यात आले. . या कार्यक्रमाला भाजपाचे युवा नेते अक्षयभैय्या मुंदडा, अ.भा. बंजारा क्रांती दलाचे महाराष्ट्र प्रदेशाध्यक्ष मधुकरभाऊ राठोड, जिल्हा परिषद सदस्य बालासाहेब शेप, सरपंच आरडी नायक, पवन चव्हाण, साहेबराव पवार, मधुकर जाधव, अजय जाधव अजय राठोड, प्रकाश आडे, शेषराव आडे, बाबा आडे, सुरेश आडे, नवनाथ राठोड, कृष्णा आडे राष्ट्रीय महासचिव शरदभाऊ राठोड, तसेच स्थानिक पदाधिकारी, कार्यकर्ते आणि बंजारा समाजातील अनेक नागरिक उपस्थित होते. सरपंच भाऊसाहेब राठोड यांचीही या वेळी विशेष उपस्थिती होती. संत सेवालाल महाराज यांनी आपल्या आयुष्यभर बंजारा समाजाच्या उत्थानासाठी योगदान दिले. त्यांचा जीवनसंघर्ष, समाज सुधारण्यासाठी घेतलेली मेहनत आणि त्यांचे...

विद्यार्थ्यांनो संशोधक होण्यासाठी आपल्या ज्ञानाचा व्यासंग वाढवा - सुप्रसिद्ध  मानसोपचार तज्ज्ञ डॉ.राजेश इंगोले   अंबाजोगाई (वसुदेव शिंदे) :- विद्यार्थ्यांनी संशोधक होण्यासाठी आपल्या ज्ञानाचा व्यासंग वाढवला पाहिजे, त्या विषयातील खोली वाढवली पाहिजे आणि आपल्या बौद्धिक क्षमतेच्या कक्षा रूंदावल्या पाहिजेत तरच खऱ्या अर्थाने संशोधक म्हणून विद्यार्थी नांवारूपाला येतील असे प्रतिपादन सुप्रसिद्ध मानसोपचारतज्ज्ञ   डॉ.राजेश इंगोले यांनी केले.  योगेश्वरी महाविद्यालयातील सूक्ष्मजीवशास्त्र विभाग यांच्या द्वारे आयोजित राष्ट्रीय पातळीवरील 'सूक्ष्म जीवांचा सभोवतालच्या परिस्थितीमध्ये समतोल राखण्यासाठी असलेली भूमिका' या अभ्यास परिषदेमध्ये ते प्रमुख पाहुणे म्हणून बोलत होते. यावेळी व्यासपीठावर संस्थेचे अध्यक्ष सी.एल.बर्दापूरकर, प्राचार्य एम.व्ही.कानेटकर, प्रा.अविनाश सोनवणे,उपप्राचार्यआर.व्ही.कुलकर्णी यांची प्रमुख उपस्थिती होती. पुढे बोलताना डॉ.राजेश इंगोले यांनी विद्यार्थी हा उपजतच संशोधक असतो शिक्षकांनी त्याच्या ज्ञानात भर घालून त्याच्या ज्ञानाच्या कक्षा रूंदावल्या पाहिजेत. त्याला वि...

  गाढे पिंपळगाव येथील बहीण- भाऊ एकाचवेळी महसूल सहाय्यक  परळी वैजनाथ दि.१५ (प्रतिनिधी)          तालुक्यातील गाढे पिंपळगाव येथील शेतकरी, शेतमजूराची मुले महसूल सहाय्यक म्हणून नुकतीच निवड झाली. याबद्दल त्यांचे सर्वत्र कौतुक होत आहे.              गाढे पिंपळगाव येथील शेतकरी, शेतमजूर असलेले बालासाहेब भोसले यांना चार अपत्य असून दोन मुले निलेश व दोन मुली अश्विनी व निशा आहेत. बालासाहेब भोसले यांना दोन एकर शेती असून आपली शेती करत बालासाहेब व पत्नी संजिवनी दोघेही शेत मजूरी करत आपल्या मुलांना शिक्षण दिले. घरात काही कमी जास्त असले तरी मुलांना शिकवण्याचा ध्यास घेतला. चार जणांच्या शिक्षणाचा खर्च करणे जिकरीचे होत असतानाच मोठ्या मुलीचे अश्विनीचे लग्न करावे लागले. पण पुढील अपत्यांना शिक्षणासाठी कोणताही खर्च कमी पडू दिला नाही.आपल्या वडील़ाचे कष्ट पाहत मुलांनीही मेहनतीने शिक्षण घेतले.यामुळे परवा लागलेल्या महसूल सहाय्यक पदाच्या निकालात निलेश व निशा एकाचवेळी उत्तीर्ण होवून लवकरच त्यांना पदे मिळणार आहेत. निलेश व निशा दोघांचेही प्राथमिक शिक...

  भोपल्याचा राजेश बनला महसूल सहाय्यक!  जिद्द आणि चिकाटीच्या जोरावर यश संपादन करता येते- प्रा.टी.पी.मुंडे परळी तालुक्यातील भोपला हे गाव  डोंगराळ भागात वसलेले आहे. भोपला गावचा राजेश गंगाराम मुंडे या युवकांनी महसूल सहाय्यक पदाची परीक्षा उत्तीर्ण केली आणि त्याच्या जिद्द आणि चिकाटीच्या जोरावर यश संपादन करता येते हा आदर्श घालून दिला आणि आपल्या आई-वडिलांचे तसेच आपल्या गावाचे नाव उंचावले असे प्रतिपादन महाराष्ट्राचे ओबीसी नेते प्रा.टी.पी.मुंडे सरांनी केले. त्यांच्या संपर्क कार्यालयात त्याचा यथोचित शाल श्रीफळ आणि पुष्पगुच्छ देऊन सत्कार केला आणि पुढील वाटचालीस त्याला शुभेच्छा दिल्या तसेच त्याचे वडील गंगाराम मुंडे यांचा सुद्धा सत्कार करण्यात आला.    महाराष्ट्र लोकसेवा आयोगाच्या परीक्षेचा निकाल जाहीर झाला त्या परीक्षेत त्याने घवघवीत यश संपादन केले. त्याचे आई-वडिलांनी काबाड  कष्ट करून त्याला शिकवले. त्याचे सततचे परिश्रम जिद्द आणि चिकाटीच्या जोरावर त्याने यश संपादन केले. त्याचे वडील लहानपणापासून ओबीसी नेते प्रा.टी.पी.मुंडे सरांच्या गाडीवर ड्रायव्हर म्हणून काम करतात आजही...

आंतरराष्ट्रीय स्तरावर नावलौकिक करणाऱ्या उद्योजक भूमीपुत्राचा उद्या सन्मान व संवाद सोहळा ! थेट अन् ग्रेट : भरतभेट ! कार्यक्रमास मोठ्या संख्येने उपस्थित राहण्याचे आवाहन परळी वैजनाथ प्रतिनिधी      तौरल इंडिया प्रायव्हेट.लि. कंपनीचे एमडी तथा सीईओ आणि उद्योग जगतात आंतरराष्ट्रीय स्तरावर नावलौकिक करणाऱ्या उद्योजक भरत गित्ते या परळीच्या भूमीपुत्राचा उद्या १६ फेब्रुवारी रोजी सन्मान व संवाद सोहळा आयोजित करण्यात आला आहे. केवळ सन्मानच नाही तर थेट अन् ग्रेट : भरतभेट  असे आगळेवेगळे या समारंभाचे स्वरूप आहे.या सोहळ्यास तमाम परळीकर नागरिकांनी उपस्थित राहावे असे आवाहन करण्यात आले आहे.         तौरल इंडिया प्रायव्हेट.लि. या  कंपनीच्या माध्यमातून नावलौकिक प्राप्त केलेल्या भरत गित्ते यांच्याशी संवाद व त्यांचा सन्मान सोहळा आयोजित करण्यात आला असुन या सोहळ्याची जय्यत तयारीही करण्यात आली आहे. दावोस मध्ये महाराष्ट्राचे मुख्यमंत्री देवेंद्र फडणवीस हे स्वतः गेले होते आणि भरघोस आंतरराष्ट्रीय कंपन्यांची गुंतवणूक महाराष्ट्रात आणली. महाराष्ट्रातीलच त्यातही परळीचा भूमीपुत्र अ...

  वैद्यनाथ कॉलेजमध्ये संत सेवालाल महाराज यांची जयंती साजरी  परळी प्रतिनिधी... येथील वैद्यनाथ कॉलेज मध्ये संत सेवालाल महाराज यांची जयंती साजरी करण्यात आली.क्रांतिसिंह सेवालाल महाराज हे भारतीय समाजसुधारक होते. शूरवीर लढवय्या 'गोरराजवंशी बंजारा' समाजातील प्रख्यात सतगुरू होते. क्रांतिसिंह सेवालाल महाराज यांचा सेवालाल महाराज हे एक भारतीय सामाजिक-धार्मिक क्षेत्रातील एक सुधारक होते. संत हाथीराम बाबा, बाबा लखीशाह बंजारा, संत रूपसिंह महाराज, क्रांतिकारी संत गोविंद गुरू बंजारा यासह हा शुरवीर गोरराजवंशी बंजारा समुदाय संत सेवालाल महाराजांना आपले आध्यात्मिक गुरू म्हणून मानतात. ते जगदंबेचे परम शिष्य होते. आयुष्यभर ब्रह्मचारी राहिले. त्यांचा जन्म  आंध्र प्रदेशातील अनंतपूर जिल्ह्यातील गुट्टी तालुक्यातील गोलाल डोडी गावात झाला. आता ते गाव सेवागड या नावाने ओळखले जाते. यावेळी महाविद्यालयाच्या प्राचार्य डॉ ए आर चव्हाण, प्राध्यापक प्रतिनिधी डॉ.पी एल कराड, उपप्राचार्य डॉ.व्ही बी गायकवाड,प्रा डी के आंधळे,प्रा हरीश मुंडे, समाजशास्त्र विभाग प्रमुख डॉ आर डी राठोड, इंग्रजी विभाग प्रमुख डॉ व्ही जे ...

आपली संस्कृती- आपली परंपरा: गीता परिवाराच्या वतीने शाळेत उत्साहात मातृ  पितृ पूजन उपक्रम परळी वैजनाथ, प्रतिनिधी... पाश्चात्य संस्कृतीचे अनुकरण करून आपली जाज्वल्य संस्कृती काहीशी विसरत जाणाऱ्या नव्या पिढीला आपल्या संस्कृतीचे महत्त्व व आपल्या परंपरांची जाणीव व्हावी या दृष्टिकोनातून विविध प्रकारचे डे साजऱ्या करण्यापेक्षा भारतीय संस्कृती प्रमाणे उत्सव साजरे करण्याचा उपक्रम 14 फेब्रुवारी रोजी व्हॅलेंटाईन डे च्या दिवशी गीता परिवार परळीच्या वतीने आयोजित करण्यात आला होता. महर्षी कणाद विद्यालयात मातृ-पितृ पूजन उपक्रम मोठ्या उत्साहात संपन्न झाला.            गीता परिवार परळी वैजनाथ च्या वतीने 14 फेबुवारी रोजी महर्षी कणाद शाळेत  मातृपितृ पूजन हा उपक्रम राबविण्यात आला.विद्यार्थ्यांना आपल्या भारतीय संस्कृतीचे संस्कार देण्याचा प्रयत्न यामाध्यमातून करण्यात आला.लहान मुलांना आई- वडीलांच्या त्यागाबद्दल सांगून आपले खरे हिरो हिरोइन आपले आई वडीलच असतात अशी भावना मुलांच्या मनात बिंबवण्यात आली. शोभा भंडारी व  गीता परिवार च्या सर्व सदस्यांच्या प...

  नवा राजकीय ट्विस्ट: आ.सुरेश धस व मंत्री धनंजय मुंडे यांच्यात भेट! मुंबई -संतोष देशमुख हत्या प्रकरणात वेगवेगळे आरोप करणारे भाजपाचे नेते सुरेश धस हेच धनंजय मुंडे यांना त्यांच्या निवास्थानी जाऊन भेटले आहेत. यानंतर राजकीय वर्तुळातून वेगवेगळ्या प्रतिक्रिया दिल्या जात आहेत. यादरम्यान स्वत: सुरेश धस यांनी या भेटीबद्दल स्पष्टीकरण दिले आहे.बीडसह राज्याच्या राजकारणात खळबळ उडवून देणारी बातमी येऊन धडकली. संतोष देशमुख हत्याप्रकरणात ज्यांनी धनंजय मुंडेंवर एकापाठोपाठ एक गंभीर आरोप केले. त्यांच्याविरोधात रान पेटवलं. आता त्याच धस आणि मुंडे यांच्यात गुप्त भेट झाल्याची माहिती समोर आली.         राष्ट्रवादी काँग्रेसचे मंत्री धनंजय मुंडे आणि भाजपचे आ सुरेश धस यांची भेट झाल्याने खळबळ उडाली आहे. सरपंच संतोष देशमुख यांच्या हत्येंनंतर धस यांनी मुंडे यांना टार्गेट केले होते, त्यानंतर ही भेट झाल्याने आश्चर्य व्यक्त केले जातं आहे.          या दोन नेत्या मध्ये गुप्त बैठक झाल्याचे समोर आले आहे. या भेटीवर भाजपाचे नेते तथा मंत्री चंद्रशेखर बावनकुळे यांनीदेखील शिक्का...

धनंजय मुंडेंना त्यांच्या निवासस्थानी भेटलो, सुरेश धस यांची प्रतिक्रिया        बीडमध्ये वाढलेल्या गुन्हेगारीची अनेक प्रकरण बाहेर काढल्यानंतर भाजप आमदार सुरेश धस हे चांगलेच चर्चेत राहिले आहेत. त्यांनी अनेकवेळा आपल्या पत्रकार परिषदेत बीडमध्ये वाढत्या गुन्हेगारीसाठी मंत्री धनंजय मुंडे जबाबदार असल्याचं म्हटलं होतं. यातच आज त्यांनी मुंडे यांची भेट घेतली, अशी माहिती स्वतः सुरेश धस यांनी दिली. मुंडे आणि धस यांच्या भेटीची माहिती समोर येताच राजकीय वर्तुळात चर्चेला एकच उधाण आलं आहे. 'एबीपी माझा'ने दिलेल्या वृत्तानुसार, धस म्हणाले आहेत की, "मी संतोष देशमुख यांच्या हत्याप्रकरणातील गुन्हेगारांना फाशी मिळेपर्यंत शांत बसणार नाही." धनंजय मुंडे यांच्यासोबत झालेल्या भेटीबद्दल बोलताना सुरेश धस म्हणाले की, धनंजय मुंडे याचं ऑपरेशन झालं असून त्या दिवशी रात्री त्यांना रुग्णालयात दाखल करण्यात आलं होतं. दुसऱ्या दिवशी लपून छपून नव्हे तर दिवसा मी त्यांच्या निवासस्थानी भेटायला गेलो होतो. त्यांच्या प्रकृतीची विचारपूस करायला गेलो होतो. प्रकृतीच विचारपूस आणि लढा या दोन वेगळ्या बाबी आहेत, असं ते ...

  संतोष देशमुखांच्या पत्नीला नोकरीचे नियुक्ती पत्र प्रदान केज :- मस्साजोगचे सरपंच संतोष देशमुख यांच्या पत्नी अश्विनी देशमुख यांना आडस ता. केज येथील श्री. छत्रपती शिवाजी शिक्षण संस्था संचलित छ्त्रपती शिवाजी विद्यालयात कनिष्ठ लिपिक पदावर नियुक्ती देण्यात आली आहे. शासनाने विशेष बाब म्हणून त्यांच्या या पद भरतीस मान्यता दिली असून संस्थेचे सचिव रमेश आडसकर व राष्ट्रवादी काँग्रेसचे राजेश्वर चव्हाण यांनी मस्साजोग येथे जाऊन त्यांना नियुक्तीपत्र सुपूर्द केले.  बीड जिल्ह्यातील मस्साजोगचे सरपंच संतोष देशमुख यांच्या हत्याकांडा नंतर त्यांच्या पत्नी अश्विनी देशमुख यांना शासकीय सेवेत सामावून घ्यावे. अशी ग्रामस्थांची आणि विविध स्तरातून मागणी केली होती. त्या नुसार राज्याचे मुख्यमंत्री देवेंद्र फडणवीस, उपमुख्यमंत्री अजित पवार यांनी शिक्षण संस्थेतील नोकरी बंद असल्याने विशेष बाब म्हणून पद भरतीसाठी मंत्रिमंडळाच्या बैठकीत मान्यता देऊन देशमुख यांच्या पत्नी अश्विनी देशमुख यांना छ्त्रपती.शिक्षण संस्था आडस संचलित श्री. छत्रपती शिवाजी विद्यालयात कनिष्ठ विद्यालय आडस येथे लिपिक पदावर नियुक्ती देण्यात आली ...

  शशीकला गुरुनाथअप्पा लांडगे यांचे दुखःद निधन परळी वैजनाथ दि.१४ (प्रतिनिधी)        शहरातील मुख्य बाजारपेठेतील रहिवासी शशीकला गुरुनाथअप्पा लांडगे (वय ८६) वृद्धापकाळाने शुक्रवारी (ता.१४) पहाटे ३ च्या सुमारास दुखःद निधन झाले.                शहरातील हैद्राबाद बँक परिसरातील रहिवाशी शशीकला गुरुनाअप्पा लांडगे यांचे शुक्रवारी निधन झाले. शुक्रवारी येथील विरशैव स्मशानभूमीत दुपारी १ च्या सुमारास अंत्यसंस्कार करण्यात आले. शशीकला लांडगे धार्मिक, सामाजिक कार्यात अग्रेसर असत तसेच शनि मंदिरात साजऱ्या होणाऱ्या शनैश्वर जन्मोत्सवात हिरीरीने सहभागी होत असत त्यांच्या पश्चात तीन मुले, दोन मुली, सुना, नातवंड, पतरुंडे असा परिवार आहे. प्रतिष्ठित व्यापारी वैजनाथ, अश्विन, महेश यांच्या त्या आई होत.

मुख्यमंत्री फडणवीस सहकुंटुंब महा कुंभमेळ्यात सहभागी, त्रिवेणी संगमात केले पवित्र स्नान       महाराष्ट्राचे मुख्यमंत्री देवेंद्र फडणवीस आज (दि.१४) प्रयागराजमधील महाकुंभमेळ्यात पोहोचले. यावेळी त्यांनी सहकुंटुंब त्रिवेणी संगमात पवित्र स्नान केले. प्रयागराज येथील अरैल घाटावर जाऊन त्यांनी संगमात आस्थेची पवित्र डुबकी घेतली.  प्रयागराजमधील कुंभमेळ्यात मुख्यमंत्री फडणवीस यांच्यासह त्यांच्या पत्नी अमृता फडणवीस, आई सरीता फडणवीस आणि मुलगी दिवीजा फडणवीस यांनीदेखील त्रिवेणीच्या संगमात पवित्र स्नान केले.मुख्यमंत्री देवेंद्र फडणवीस म्हणाले की, "१४४ वर्षांनंतर होणाऱ्या तीर्थराज प्रयागच्या महाकुंभाच्या भव्य समारंभाची व्यवस्था. मुख्यमंत्री योगी आदित्यनाथजी यांच्या सरकारची ही एक मोठी कामगिरी आहे, एक हिंदू म्हणून मीही येथे पवित्र स्नान करण्यासाठी आलो आहे. अशी त्यांनी एक्स पोस्ट देखील केली आहे.

'निर्भय' बीडसाठी पोलिस अधीक्षक काँवत यांचा आणखी एक जनताभिमुख उपक्रम  स्थिर क्रमांक, २४ तास उपलब्ध: संपर्क सुलभ 'ही' नवीन यंत्रणा ठरणार का उपयुक्त ? बीड दि.१३ (प्रतिनिधी)-  पोलीस अधिक्षक नवनीत कॉंवत यांनी  जिल्ह्याचा पदभार घेतल्यापासून पोलीस दलाची प्रतिमा उंचविण्यासाठी अनेक उपक्रम हाती घेतले आहेत. याच उपक्रमाचा आणखी एक भाग म्हणजे आता प्रभारी अधिकाऱ्यांना जनतेसोबत थेट संपर्क असायला हवा आणि त्यासाठी शासकीय क्रमांक जारी करण्यात आले. अधिकाऱ्यांची बदली झाली तरी तोच क्रमांक संबंधित ठाणे व नवीन अधिकाऱ्यांकडे यापुढे राहणार आहे. त्यामुळे आता या क्रमांकावर अवैध धंदे, गुन्ह्याची माहितीसह गुप्त माहिती देणे सोईचे होणार असुन हे नंबर  व्हाटसअॅपवर देखील राहणार आहेत. त्यामुळे अधिकारी त्यांचे खाजगी क्रमांक उचलत नसणाऱ्या त्रस्त  नागरिकांना आता या क्रमाकांमुळे मोठा दिलासा मिळणार आहे.       पोलीस अधिक्षक नवनीत कॉवत यांनी काही दिवसांपूर्वी जनतेसोबतच संपर्क वाढला पाहिजे यासाठी संवाद (app) अँप आणले.संवाद अँपमुळे  जिल्ह्यातील जनतेला खाकीबद्दल विश्वासाच्या भावना दृढ ...

धनंजय मुंडे राष्ट्रवादी काँग्रेस पक्षाच्या कोअर कमिटीवर ! मुंबई, प्रतिनिधी...         राष्ट्रवादी काँग्रेस पक्षाचे राष्ट्रीय अध्यक्ष अजित पवार यांच्या अध्यक्षतेखाली पक्षाच्या प्रमुख नेत्यांची महत्त्वपूर्ण बैठक झाली. या बैठकीत पक्ष बांधणी व संघटनात्मक वाढीसाठी पक्षांतर्गत कोअर कमिटीची स्थापना करण्यात आली. या कोअर कमिटीत सात जणांचा समावेश करण्यात आला आहे.यामध्ये राज्याचे अन्न व नागरी पुरवठा मंत्री धनंजय मुंडे यांचाही राष्ट्रवादी काँग्रेसच्या कोअर कमिटीत समावेश करण्यात आला आहे.            देवगिरी बंगल्यावर गुरुवारी राष्ट्रवादी काँग्रेसच्या बड्या नेत्यांची  अनौपचारिक बैठक झाली.यात राष्ट्रीय अध्यक्ष अजित पवारांनी पक्षांतर्गत कोअर कमिटीची स्थापना केली.राष्ट्रवादी काँग्रेस पक्षाची संघठन बांधणी, धोरणात्मक निर्णय आणि जनविकासाच्या योजना व अंमलबजावणी यासाठी पक्षांतर्गत प्रमुख नेत्यांचा एक 'कोअर ग्रुप' स्थापन करण्यात आला आहे.आगामी काळातील स्थानिक स्वराज्य संस्था निवडणूकांसह, पक्षसंघठनेची बांधणी, त्यासाठीचे कार्यक्रम आणि पक्षासंदर्भातील महत्वाच्...

  18 ते 20 फेब्रुवारी दरम्यान श्री संत गजानन महाराज प्रगट दिन सोहळ्याचे आयोजन परळी (प्रतिनिधी)            दरवर्षी प्रमाणे याहिवर्षी संत श्रेष्ठ श्री गजानन महाराज प्रकट दिन सोहळ्याचे आयोजन करण्यात आले आहे. श्री संत गजानन महाराज विश्वस्त मंडळ विद्यानगर परळी च्या वतीने १८ ते 20 फेब्रुवारी दरम्यान  चरित्र पारायण सोहळा व हरिनाम सकिर्तनाचा  त्रिदिवसीय कार्यक्रम होणार आहे.           दैनिक धार्मिक कार्यक्रमा मधे पहाटे 4 ते 6 काकडा आरती,7 ते 10 चरित्र पारायन,10 ते 12 महिला भजनी मंडळ यांचे भजन, तर रात्री 8 ते 11 या वेळेत कीर्तन होणार आहे. दि. १८ फेब्रु. रोजी श्री ची पुजा,अभिषेक व नंतर 10 ते 12 या वेळेत राधाकृष्ण महिला भजनी मंडळ यांचे भजन,तर रात्री 8 ते 11 या वेळेत ह.भ.प. श्री श्रीहरी महाराज पुरी आष्टी यांचे कीर्तन होणार आहे. १९ फेबु . रोजी गजानन महाराज महिला मंडळ यांचे भजन,तर रात्री ह.भ.प. गोविंद महाराज मुंडे यांचे कीर्तन होणार आहे. 20 फेबुवारी रोजी सोहळा सांगता दिनी सकाळी 8 ते 10 श्री ची पालखी मिरवणूक, तर सकाळी 10 ते 1 या वे...

सुदर्शन घुले याला न्यायालयीन कोठडी : पोलीस पथक आरोपीला घेवून जिल्हा करागृहाकडे रवाना केज :- संतोष देशमुख हत्याकांडातील प्रमुख आरोपी दर्शन घुले याची आज दि. १४ फेब्रुवारी रोजी पोलीस कोठडी संपली असून त्याला सीआयडीने केज पोलीस ठाण्यातून न्यायालयीन कोठडी सुनावण्यात आली आहे. न्यायालयीन कोठडी सुनावली नंतर पोलीस पथक आरोपीला घेवून जिल्हा करागृहाकडे रवाना झाले आहे. बीड जिल्ह्यातील मस्साजोग ता. केजचे सरपंच संतोष देशमुख यांचे अपहरण करून निर्घृण हत्या प्रकरणी न्यायालयीन कोठडीत असलेला आरोपी सुदर्शन घुले याला दि. ११ फेब्रुवारी रोजी सीआयडीचे उपअधीक्षक अनिल गुजर यांनी त्याला १२ फेब्रुवारी रोजी केज न्यायालयाच्या प्रथम वर्ग न्यायाधीश एस व्ही पावसकर यांच्या न्यायालयात हजर केले होते.  प्रथम वर्ग न्यायाधीश एस व्ही पावसकर यांनी सुदर्शन घुले याला दि. १४ फेब्रुवारी पर्यंत सीआयडी कोठडी सुनावली होती. डी आय डी कोठडीत त्याचे व्हॉईस सँपल्स घेण्यात आले असून ते पडताळणीसाठी फॉरेन्सिक लॅबला पाठवून दिले आहेत. त्याची आज दि. १४ फेब्रुवारी रोजी पोलीस कोठडी संपत असल्याने त्याची उपजिल्हा रुग्णालय केज येथे तपासणी करून त्य...

  ना. पंकजा मुंडे यांनी नागपुरात घेतला नागनदी प्रकल्पाचा आढावा सांडपाण्यावर प्रक्रिया करून ते पाणी शेतीसाठी वापरयोग्य करण्याच्या दिल्या सूचना नागपूर ।दिनांक १३। राज्याच्या पर्यावरण, हवामान बदल आणि पशुसंवर्धन मंत्री ना. पंकजाताई मुंडे यांनी आज नागनदी प्रकल्पाचा आढावा घेत शहरातील सांडपाण्यावर प्रक्रिया करून ते पाणी शहरातील उद्याने (गार्डन), स्टेडियम व शेतीसाठी वापरयोग्य करण्याचे निर्देश देऊन कामाचे वेळापत्रक तयार करून त्याप्रमाणे अमलबजावणीच्या सूचना केल्या.   मनपा मुख्यालयातील छत्रपती शिवाजी महाराज प्रशासकीय इमारतीतील आयुक्त सभाकक्षात सदर आढावा बैठक झाली. यावेळी पर्यावरण विभागच्या प्रधान सचिव वनिता सिंगल, मनपा आयुक्त आणि प्रशासक  डॉ. अभिजित चौधरी, जिल्हाधिकारी डॉ. विपिन ईटनकर, अतिरिक्त आयुक्त श्रीमती आंचल गोयल, अति. आयुक्त अजय चारठाणकर, मुख्य अभियंता श्रीमती लीना उपाध्याय, उपायुक्त श्रीमती विजया बनकर, विजय देशमुख, अधीक्षक अभियंता श्रीमती डॉ. श्वेता बॅनर्जी, श्री मनोज  तालेवार, मुख्य स्वच्छता अधिकारी श्री डॉ. गजेंद्र महल्ले, कार्यकारी अभियंता राजेश दुफारे, श्रीकांत वायक...

  व्हॉईस ऑफ मीडिया च्या राज्य संघटक पदी सुकेशनी नाईकवाडे(रॉय) यांची निवड मुंबई .....मुंबई येथे नुकत्याच पार पडलेल्या व्हॉईस ऑफ मीडिया च्या राज्य कार्यकारणी वर राज्य संघटक म्हणून बीड येथील पत्रकार सुकेशनी नाईकवाडे यांची निवड जाहीर करण्यात आली आहे. व्हॉईस ऑफ मीडिया राज्याची फादर बॉडी मध्ये सुकेशनी नाईकवाडे (रॉय)  यांची निवड होण्या अगोदर यांनी राज्यावर प्रदेश अध्यक्ष (महिला विभाग ) पदावर राहून महिलांची राज्य कार्यकारणी स्थापन करत राज्यात महिलांना व्हॉईस ऑफ मीडिया शी जोडण्याचे काम  चांगल्या पद्धतिने केले असून त्यांना व्हॉईस ऑफ मीडिया चे संस्थापक अध्यक्ष श्री.संदीप काळे यांनी सुकेशनी नाईकवाडे (रॉय) यांच्या कार्याची दखल घेत त्यांना नुकत्याच पार पडलेल्या   राज्य कार्यकारणी  मध्ये त्यांना राज्य संघटक पदावर त्याची निवड करत त्यांच्यावर मोठी जबाबदारी सोपवली असून त्यांचे राज्य संघटक पदी निवड झाल्या बाबद अभिनंदन केले आहे यावेळी प्रदेशाध्यक्ष श्री अनिल मस्के प्रदेश कार्याध्यक्ष श्री योगेंद्र दोरकर, सरचिटणीस डॉ. दिगंबर महाले, मंगेश खाटीक, विजय चोरडिया यांनी नव्या नियुक्...

महादेव मुंडे हत्या प्रकरण: जिल्हा पोलिस अधीक्षक नवनीत काँवत यांनी नियुक्त केलं स्वतंत्र तपास पथक बीड जिल्ह्यातील परळी येथील व्यावसायिक महादेव मुंडे यांच्या हत्या प्रकरणी जिल्हा पोलिस अधीक्षक नवनीत काँवत हे आता एक्षण मोडवर आले असून या तपासा साठी त्यांनी तपास पथकाची नियुक्ती केली आहे. महादेव मुंडे यांच्या हत्येला 16 महिने उलटूनही आरोपी मोकाट फिरत आहेत. या प्रकरणी त्यांच्या पत्नी ज्ञानेश्वरी मुंडे या आक्रमक झाल्या आसून न्यायासाठी आता किती दिवस वाट बघायची?, असा संतप्त सवाल त्यांनी उपस्थित केला आहे. त्यांनी पोलिसांना आरोपींना पकडण्यासाठी १० दिवसांची मुदत दिली आहे, अन्यथा पोलिस अधीक्षक कार्यालयासमोर उपोषण करण्याचा इशारा दिला आहे. महादेव मुंडे यांचा खून करून मृतदेह तहसील कार्यालयाच्या आवारात टाकण्यात आला होता. या घटनेला आता 16 महिने उलटले, तरीही तपास लागलेला नाही. ज्ञानेश्वरी मुंडे यांनी मंगळवारी आपल्या मुलांसह पोलिस अधीक्षक कार्यालयात धाव घेतली होती. त्यांनी पोलिस अधीक्षक नवनीत काँवत कार्यालयात नसल्याने तेथेच ठिय्या मांडला होता. पुढील १० दिवसांत या गुन्ह्याचा तपास झाला नाही, तर थेट पोलिस अ...

महाशिवरात्रीच्या पार्श्वभूमीवर परळी शहरात स्वच्छता मोहीम राबवा : व्यंकटेश शिंदे महाशिवरात्रीपुर्वी जुन्या शनी मंदिर समोरील अनधिकृत अतिक्रमण काढा परळी: (प्रतिनिधी) महाशिवरात्री निमित्त बारा ज्योतर्लिंगांपैकी पाचवे ज्योतिर्लिंग असलेल्या प्रभु वैद्यनाथाच्या दर्शनासाठी देश भरातून लाखों भाविक येत असतात. महाशिवरात्री च्या पार्श्वभूमीवर संपूर्ण  शहरात परळी नगर परिषदेच्या वतीने मोठ्या प्रमाणावर स्वच्छता मोहीम राबवून पथदिवे दुरुस्त करण्यात यावेत असे आवाहन शिवसेना तालुका प्रमुख व्यंकटेश शिंदे यांनी केले आहे.       परळी शहरात धुळीचे प्रमाण वाढल्यामुळे नागरिकांचे आरोग्य धोक्यात आले आहे. धूळ मुक्त परळी करण्यासाठी परळी नगर परिषदेने ठोस पाऊले उचलावीत. महाशिवरात्री निमित्त प्रभु वैद्यनाथा च्या निघणाऱ्या पालखी मार्गावर शनी मंदिर समोर आतिषबाजी करण्यात येणाऱ्या ठिकाणी अनधिकृत अतिक्रमण होत असून त्यावर नगर परिषदेने कठोर कार्यवाही करावी. तथा संपूर्ण पालखी मार्ग खड्डे मुक्त करून स्वच्छ करावा. संपूर्ण शहरात जंतुनाशक फवारणी करण्यात यावी. शहरातील मोकाट कुत्र्यांचा बंदोबस्त करण्यात यावा...

लिटल स्टार इंग्लिश स्कूल, द्रोणाचार्य- राजर्षी शाहू इंग्लिश स्कूलचे  १४ फेब्रुवारीला वार्षिक स्नेहसंमेलन परळी वैजनाथ, प्रतिनिधी...        गुणवत्तापूर्ण शिक्षण व विद्यार्थीकेंद्रित शिक्षणपद्धतीचे अनुसरण करणाऱ्या परळीतील अग्रेसर लिटल स्टार इंग्लिश स्कूल, द्रोणाचार्य- राजर्षी शाहू इंग्लिश स्कूलचे  १४ फेब्रुवारीला वार्षिक स्नेहसंमेलन  आयोजित करण्यात आले आहे. मदर टेरेसा सेवाभावी संस्था, परळी वै. या संस्थेचे हे १५ वे वार्षिक स्नेहसंमेलन आहे.         मदर टेरेसा सेवाभावी संस्था, परळी वै. संचलित लिटल स्टार इंग्लिश स्कूल, द्रोणाचार्य- राजर्षी शाहू इंग्लिश स्कूलचे  १४ फेब्रुवारीला दुपारी ३ वा. लोकनेते गोपीनाथराव मुंडे नटराज रंगमंदिर येथे १५ वे वार्षिक स्नेहसंमेलन होणार आहे. या वार्षिक स्नेहसंमेलनाचे उद्घाटन माजी नगराध्यक्ष बाजीराव भैय्या धर्माधिकारी यांच्या हस्ते होणार आहे. समारंभास अध्यक्षस्थानी वैद्यनाथ विद्यालयाचे माजी मुख्याध्यापक रामलिंग राजनाळे हे राहणार आहेत. तर संस्थेचे  सचिव प्रभु बागल सर, लोणीच...

वैद्यनाथ कॉलेजमध्ये ग्रामीण साहित्याचे शिलेदार प्राचार्य रा. रं. बोराडे यांना श्रद्धांजली अर्पण -------------------------------------- परळी वैजनाथ, दि. 12           परळी शहरातील प्रतिष्ठित वैजनाथ कॉलेजमध्ये ग्रामीण साहित्याचे शिलेदार, प्रसिद्ध कथा, कादंबरी, नाटक व समिक्षा, तथा बालसाहित्यिक प्राचार्य रा. रं. बोराडे सर यांना श्रद्धांजली अर्पण करण्यात आली. प्राचार्य रा. रं. बोराडे यांच्या निधनाने मराठी ग्रामीण साहित्य विश्वात मोठी पोकळी निर्माण झाली. त्यांनी ग्रामीण साहित्याला नवे परिमाण, आयाम दिले. बोराडे सर यांनी अस्सल मराठवाड्यातील भाषा, पात्र व आशय घेऊन गेली सहा दशके लेखन केले आहे. त्यांचे साहित्य खेड्यातील जीवन, संघर्ष, संस्कृती आणि संवेदना यांचे जिवंत चित्रण करणारे असून खास "मराठवाडीपाणा" व्यक्त करते.   या निमित्ताने बोराडे सर यांच्या मराठी साहित्याचा आढावा मराठी विभागातील प्रोफेसर डॉ. रा. ज. चाटे यांनी घेतला; तर यावेळी महाविद्यालयाचे प्राचार्य प्रोफेसर अ. रा. चव्हाण, उपप्राचार्य प्रा. डी. के. आंधळे प्रोफेसर व्ही. बी. गायकवाड प्रोफेसर पी...

लाखाच्या घरात किंमत असलेले दोन आयफोन,१५ हजार रोख रक्कम असलेली हॅन्डबॅग केली सुपूर्द  परळी वैजनाथ, प्रतिनिधी...         बीड जिल्हा बिहार बनल्याचे सवंग व आवाजवी अशा प्रकारचे चित्र निर्माण करण्याचा प्रयत्न सध्या केला जात आहे. मात्र बोटावर मोजण्या इतक्या दुर्गुणांची रेष मोठी करताना या जिल्ह्यातील सद्गुणांना मात्र दुर्लक्षित केले जात असल्याची खंत बीड जिल्हावाशियांच्या मनात आहे. अशाच प्रकारची चांगुलपणाची खात्री दाखविणारी छोटी पण मोठा अर्थ असलेली बाब वैद्यनाथ मंदिरातील सुरक्षारक्षक व पोलीस कर्मचाऱ्यांनी केलेल्या तत्पर व प्रामाणिक वर्तनातून दिसुन येत आहे.          बारा ज्योतिर्लिंगापैकी पाचवे ज्योतिर्लिंग असलेल्या परळी वैजनाथ येथील प्रभू वैद्यनाथाच्या दर्शनासाठी देशाच्या कानाकोपऱ्यातून दररोज हजारो भाविक येत असतात. नेहमीच वर्दळीचे ठिकाण असलेल्या वैद्यनाथ मंदिरात छोट्या- मोठ्या अनेक घटनाही घडत असतात. याच अनुषंगाने नाशिक येथील कु. कलंवती भदाणे ही युवती आपल्या कुटुंबीयांसह दर्शनाला आले होते.दर्शन झाल्यावर मंदिर परिसरात पायऱ्यांवर फोटो काढतांना हॅन्ड...

गेवराई शहरातील  बस स्थानक आदर्श, सुंदर व स्वच्छ करावे- अनिल बोर्डे                   गेवराई( प्रतिनिधी)...   बस स्थानकात प्रवास करताना प्रवाशांना अनेक अडीअडचणींना सामना करावा लागत आहे खालील मागण्याबाबत विचारविनिमय करून मागण्याची पूर्तता करण्यात यावी यासंदर्भात गेवराई येथील आगार प्रमुखांना विविध मागण्याचे निवेदन बीड जिल्हा ग्राहक पंचायत उपाध्यक्ष व गेवराई ग्राहक पंचायत मार्गदर्शन केंद्रप्रमुख अनिल बोर्डे यांनी लेखी स्वरुपात दिले आहे. या निवेदनावर पंधरा दिवसात कार्यवाही करण्याबाबत  कळविण्यात आले आहे.                                                          यूपीआय पेमेंटच्या माध्यमातून व्यवहार करणे यूपीआय पेमेंटच्या संदर्भात प्रवाशांमध्ये व वाहक चालकांमध्ये जनजागृती होणे आवश्यक आहे . बस स्थानकामध्ये व बसमध्ये यूपीआय संदर्भात पोस्टर व फलक लावून जन जागृती  आवश्यक आहे. नादुरुस्त ...

महाराष्ट्र काँग्रेस प्रदेशाध्यक्षपदी हर्षवर्धन सपकाळ मुंबई (प्रतिनिधी) राज्याच्या राजकारणातून एक मोठी बातमी समोर आली आहे. महाराष्ट्र काँग्रेस प्रदेशाध्यक्षपदावर नव्या चेहऱ्याची नियुक्ती करण्यात आली आहे. नाना पटोले यांना हटवून महाराष्ट्र काँग्रेस प्रदेशाध्यक्षपदी हर्षवर्धन वसंतराव सपकाळ यांची नियुक्ती करण्यात आली आहे.विधानसभा निवडणुकीतील पराभवानंतर आणि आगामी स्थानिक स्वराज्य संस्थांच्या निवडणुकीच्या पार्श्वभूमीवर काँग्रेसने नव्या चेहऱ्याला संधी दिली आहे. कोण आहेत हर्षवर्धन सपकाळ? हर्षवर्धन सपकाळ यांनी बुलढाणा मतदार संघाचं प्रतिनिधित्त्व केलेले आहे. अखिल भारतीय काँग्रेस कमिटीचे सचिव म्हणून देखील त्यांनी काम केले आहे. हर्षवर्धन सपकाळ यांनी अनेक वर्ष राष्ट्रीय स्तरावर काम केले आहे. पक्षाचे उपाध्यक्ष असताना राहुल गांधी यांनी स्थापन केलेल्या कार्यगटाचेसुद्धा ते सदस्य होते. राजीव गांधी पंचायत राज संघटनेचे राष्ट्रीय उपाध्यक्ष म्हणून त्यांनी काम केले आहे. उत्तराखंड आणि पंजाबसह अनेक राज्यांच्या निवडणुकीत त्यांनी महत्त्वाची भूमिका बजावली आहे. हर्षवर्धन सपकाळ हे काँग्रेस विधिमंडळ पातळीवरसुद्धा अभ्...

भगवानगडाला थेरला गावातून  दोन कोटींची देणगी  महिलांकडून कळसासाठी साडेबारा लाख रुपये देणगी; पंचक्रोशीतील भाविकांची मोठी गर्दी अमोल जोशी /पाटोदा  भगवानगडावर सध्या गडाचे  महंत न्यायचार्य नामदेव महाराज शास्त्री महाराज  यांच्या संकल्पनेतून राज्यातच नाही तर जागतिक पातळीवर  श्रेष्ठ ठरेल असे संत ज्ञानेश्वर माऊलीचे भव्य मंदिर लोकसहभागातून पुर्णत्वास येत असून यासाठी पाटोदा तालुक्यातील थेरला गावातून २ कोटी १ लाख रुपये देणगी जाहीर करण्यात आली. तर मंदिराचा कळस लेकीकडून असल्याने महिलांनीही उत्स्फूर्तपणे साडेबारा लाख रुपये देणगी जाहीर केली. आत्तापर्यंत लोकसहभागातून जाहीर करण्यात आलेल्या देणगी मध्ये थेरला येथून सर्वात जास्त देणगीचा वाटा थेरला ग्रामस्थांनी उचला आहे. पाटोदा तालुक्यातील थेरला हे गाव फार पूर्वीपासून भगवानगडाचे भक्तीस्थान आहे. तर बाबांचेही थेरला गावावर विशेष प्रेम होते. त्यांनी त्यावेळी शाळा व वस्तीगृहाचीही सुरुवात केली होती व लेकरांना  शिकवा ही शिकवण दिली होती. थेरला येथे जवळपास एक कोटीच्या आसपास खर्च करून अप्रतिम असे मंदिर उभारले असून त्यामध्ये विठ्ठल ...

  परळी तालुक्यात गुटख्यावर मोठी कारवाई; १४ लाखाचा गुटखा हस्तगत; धर्मापुरीच्या गोडावूनवर टाकली धाड  परळी वैजनाथ, प्रतिनिधी...         जिल्हा पोलीस अधीक्षक नवनीत काँवत यांच्या निर्देशानुसार अवैध धंद्यांची पाळेमुळे खणून काढून अवैध धंदे बंद करण्याची मोहीम कडकपणाने अंमलात आणली जात आहे. परळी तालुक्यातील मोठ्या प्रमाणावर  साठा असणाऱ्या धर्मापुरी येथील गोडाऊनवर धाड टाकण्यात आली आहे. यामध्ये तब्बल 14 लाखाचा गुटखा पोलिसांनी हस्तगत केला आहे. याबाबतची गुन्हा दाखल करण्याची प्रक्रिया रात्री उशिरापर्यंत सुरु होती.         धर्मापुरी येथील एका गोडाऊनवर पोलिसांनी धाड टाकून या गोडाऊन मधील गुटखा व तंबाखूजन्य पदार्थांनी भरलेली  पोतीच्या पोती ताब्यात घेतली आहेत.जवळपास 14 लाखांचा गुटखा या कारवाईत हस्तगत करण्यात आला आहे. परळी ग्रामीण पोलीस ठाण्याचे पोलीस निरीक्षक सय्यद मजहर, एपीआय कवडे, पीएसआय निमोणे, पीएसआय शेख, सुंदर केंद्रे, पांडुरंग वाले, विष्णू घुगे, तुळशीराम परतवाड  सुनील अन्नमवार, शंकर वाघमारे, अश्रुबा नागरगोजे, महादू गीते, किशोर गायकवाड...

आजपासून परळीत दासनवमी उत्सव दासबोध पारायणात सहभागी होण्याचे रामदासी परिवाराचे आवाहन परळी वैजनाथ (प्रतिनिधी) येत्या शनिवार दिनांक 22 फेब्रुवारी रोजी "दासनवमी" असून या निमित्त शहरात दास न उत्सवाचे आयोजन करण्यात आले आहे. दासनवमी निमित्त होणार्‍या दासबोध पारायण यामध्ये नागरिकांनी मोठ्या संख्येने सहभागी व्हावे असे आवाहन रामदासी परिवाराच्या वतीने करण्यात आले आहे.           परळी शहरातील नामांकित श्री संस्थान श्री गोराराम मंदिर, गणेशपार येथे उद्या गुरुवार दिनांक 13 फेब्रुवारी ते शनिवार दिनांक 22 फेब्रुवारी या कालावधीमध्ये सकाळी 11 ते दुपारी दोन या वेळेमध्ये दासबोध ग्रंथाचे पारायण केले जाणार आहे. प्रति वर्षाप्रमाणे याही वर्षी श्री संस्थान गोराराम मंदिर येथे दास नवमी उत्सव साजरा केला जाणार आहे. यामध्ये दासबोधाच्या पारायण दासनवमी उत्सवामध्ये सर्व समर्थ भक्तांनी मोठ्या संख्येने सहभागी व्हावे असे आवाहन सौ. उषा रामदासी, सौ. उर्मिला रामदासी, श्रीमती रत्ना रामदासी, सौ. वनिता रामदासी, सौ. शुभांगी रामदासी, सौ. सारिका रामदासी, सौ. सुनिता रामदासी यांनी केले आहे

अँपा डॉक्टर्स व्हॉलीबॉल चॅम्पियन चषक स्पर्धेत 'अँपा स्मॅशर्स' संघास विजेतेपद     कर्णधार डॉ राजेश इंगोले यांना सामनावीर तर डॉ संदीप जोगदंड मालिकावीर  अंबाजोगाई (वसुदेव शिंदे) :-अंबाजोगाई मेडीकल प्रकटीशनर्स असोसिएशनच्या वतीने प्रथमच  अंबाजोगाईतील सर्व डॉक्टर्स साठी व्हॉलीबॉल स्पर्धेचे आयोजन मानवलोक येथील व्हॉलीबॉल मैदानावर करण्यात आले होते. या स्पर्धेमध्ये सातत्यपूर्ण कामगिरी करणाऱ्या व अंबाजोगाईचे सुप्रसिद्ध मानसोपचार तज्ञ कर्णधार असलेल्या डॉ राजेश इंगोले यांच्या अँपा स्मॅशर्स संघाने पहिले विजेतेपद पटकावले तर डॉ प्रदीप सोनवणे यांच्या लेजेन्ड्स संघाला उपविजेतेपदावर समाधान मानावे लागले. अत्यंत चुरशीच्या झालेल्या या अंतिम सामन्यात अँपा स्मॅशर्सचे कर्णधार डॉ राजेश इंगोले यांनी नेतजवळ अत्यंत उत्कृष्ट खेळ करत आपल्या संघाचा विजय सुकर केला. त्यांच्या या अष्टपैलू कामगिरीबद्दल त्यांना अंतिम सामन्यात 'सामनावीर' पारितोषिक देऊन सन्मानित करण्यात आले तर संपूर्ण स्पर्धेत संघासाठी सेन्टर खेळणाऱ्या डॉ संदीप जोगदंड यांना मालिकावीर पुरस्कार देण्यात आला. स्पर्धेच्या उपविजेत्या स...

डिजिटल मीडिया परिषदेच्या अंबाजोगाई तालुका अध्यक्षपदी अभिजीत लोमटे कार्याध्यक्ष सतीश मोरे तर सचिवपदी मोहम्मद फैजान अंबाजोगाई (वसुदेव शिंदे):- मराठी पत्रकार परिषदेचे मुख्य विश्वस्त मा एस एम देशमुख सर यांच्या नेतृत्वाखाली आणि डिजिटल मीडिया परिषदेचे राज्य अध्यक्ष अनिलजी वाघमारे यांच्या मार्गदर्शनाखाली, मराठी पत्रकार परिषदेशी सलग्न असलेल्या डिजिटल मीडिया परिषद तालुका अंबाजोगाईची कार्यकारणी डिजिटल मीडिया परिषदेचे जिल्हाध्यक्ष दिनकर शिंदे यांनी जाहीर केली आहे. डिजिटल मीडिया परिषद तालुका अंबाजोगाई च्या अध्यक्षपदी संग्राम महाराष्ट्राचा न्यूज चे संपादक अभिजीत लोमटे, कार्याध्यक्ष  अंबाजोगाई दर्शन न्युज चे संपादक सतीश मोरे,उपाध्यक्ष न्यूज लोकमन संपादक संजय जोगदंड, उरुज न्यूज चैनल संपादक आरेफ सिद्दिकी, ए एम न्यूज संपादक  अमोल माने (ग्रामीण ),सचिवपदी सरकार एक्सप्रेस न्यूज चॅनल प्रतिनिधी  मोहम्मद फैजान, सहसचिव सचिन मोरे,ता संघटकपदी योगेश्वरी न्यूज चॅनलच्या संपादक नागेश औताडे,युवाशक्ती न्यूज प्रतिनिधी सय्यद नईम,कोषाध्यक्ष एन टीव्ही न्यूज प्रतिनिधी मनोज कोकणे,सहकोषाध्यक्ष जंग न्यूज प्...

विद्यार्थ्यांनी नेहमी अव्वलस्थानी राहण्याच्या ध्येयाने काम केले पाहिजे संवेदनशील लेखक अरविंद जगताप यांचे प्रतिपादन अंबाजोगाई: (वसुदेव शिंदे)        येथील योगेश्वरी महाविद्यालयाचे वार्षिक स्नेहसंमेलन दिनांक आठ ते दहा फेब्रुवारी दरम्यान यशस्वीपणे संपन्न झाले. या स्नेहसंमेलनाच्या पारितोषिक वितरण व समारोप समारंभ प्रसंगी प्रमुख पाहुणे म्हणून संवेदनशील लेखक,चला हवा येऊ या खळखळून हसवणाऱ्या कार्यक्रमातील ज्यांच्या संवेदनशील पत्रलेखनाने सर्वांच्या डोळ्यात पाणी आणले असे मराठी चित्रपट पटकथा व संवाद लेखक मा. अरविंद जगताप यांना आमंत्रित करण्यात आले होते. अरविंद जगताप यांनी आपल्या भाषणाद्वारे विद्यार्थ्यांना प्रेरित केले. त्यांनी आपल्या भाषणात विद्यार्थ्यांनी नेहमी अव्वलस्थानी राहण्याच्या ध्येयाने काम केले पाहिजे असे प्रतिपादन केले. प्रत्येकाने नेतृत्व करण्याची क्षमता स्वतः मध्ये विकसित केली पाहिजे. विद्यार्थ्यांनी खरकटे होण्यात आपले आयुष्य घालवू नये आणि कोणाचीतरी चमचेगिरी करण्यात धन्यता मानु नहा असा संदेश दिला. त्यांनी चला हवा येवू द्या मधील "बाप"यावरील पत्र वाचून उपस्थितांना भाव...