माझी बातमी MB NEWS

  सावकारीचा संपूर्ण बहिष्कार करा ; युवकांनी व्याजापासून दूर राहा - मुफ्ती अश्फाक खासमी  सहुलत विना व्याजी पतसंस्थेच्या वार्षिक कॅलेंडरचे थाटात उद्घाटन परळी/प्रतिनिधी  परळी शहरातील शहीद अब्दुल हमीद शादीखाना येथे आज शनिवारी दिनांक २७ डिसेंबर रोजी सायंकाळी ६.३० वाजता सहुलत विना व्याजी पतसंस्थेच्या वार्षिक कॅलेंडरचे उद्घाटन मोठ्या उत्साहात पार पडले. या प्रसंगी संस्थेच्या सामाजिक व सेवाभावी कार्याचा आढावा घेण्यात आला. स्थापनेपासून आजपर्यंत पतसंस्थेने शहरातील सुमारे ५,००० हून अधिक गरजू नागरिकांना विना व्याज कर्जपुरवठा केला असून, या लाभार्थ्यांमध्ये सर्व जाती-धर्मातील नागरिकांचा समावेश आहे. आर्थिक अडचणीत सापडलेल्या कुटुंबांना व्याजाच्या जोखडातून मुक्त ठेवून स्वावलंबी बनवण्याचे महत्त्वपूर्ण कार्य ही संस्था करत आहे. या कार्यक्रमाच्या अध्यक्षस्थानी, मुफ्ती अश्फाक खासमी होतं तर प्रमुख पाहुणे मौलाना तैमुर मिल्ली होते. तर मंचावर उपस्थित जमाते इस्लामी हिंदचे परळी शहराध्यक्ष इफ्तेखार सर, पतसंस्थेचे चेअरमन अन्वर सर, महेबुबिया एज्युकेशन सोसायटीचे अध्यक्ष खाजा मामू, सेक्रेटरी जाफर खान,मुखद...

  कथालेखनासाठी बिपीन देशपांडे यांना पुरस्कार  परळी वैजनाथ - प्रतिनिधी...येथील विवेकानंद महाविद्यालय आणि प्रगतिशील लेखक संघाच्या वतीने घेण्यात आलेल्या काव्यवाचन व कथालेखन स्पर्धेतील विजेत्यांना  प्रगतिशील साहित्य संमेलनात पुरस्कार देऊन शनिवारी गौरवण्यात आले.            विवेकानंद महाविलयात पार पडलेल्या सोहळ्यात कथालेखन स्पर्धेतील व्दितीय पारितोषिक वरिष्ठ पत्रकार बिपीन देशपांडे यांना त्यांच्या "६४ पायऱ्या अन लिफ्ट" साठी प्रदान करण्यात आले. सन्मानचिन्ह, प्रमाणपत्र व रोख ७७७ रुपये, असे पुरस्काराचे स्वरूप आहे. प्रगतिशील साहित्य संमेलनाचे अध्यक्ष, कथाकार उत्तम बाविस्कर, उदघाटक तथा प्रसिद्ध कवी, गीतकार प्रवीण मोरे (मुंबई), कादंबरीकार, प्रगतिशील लेखक संघाचे अध्यक्ष डॉ. सुधाकर शेंडगे, महासचिव राकेश वानखेडे, ज्येष्ठ विचारवंत जयदेव डोळे, विवेकानंदचे मराठी संशोधन केंद्र प्रमुख डॉ. दत्तात्रय डुंबरे आदींच्या प्रमुख उपस्थितीत बिपीन देशपांडे यांना पुरस्कार प्रदान करण्यात आला. स्पर्धेसाठी ४० पेक्षा अधिक कथा आल्या होत्या.

अंबाजोगाईत ४ ते ९ जानेवारी दरम्यान 'बालझुंबड'चे आयोजन 'बालझुंबड' उपक्रमात तालुक्यातील जास्तीत जास्त शाळा व विद्यार्थ्यांनी सहभागी व्हावे - राजकिशोर मोदी अंबाजोगाई (प्रतिनिधी):- येथील प्रियदर्शनी क्रीडा, सांस्कृतिक व व्यायाम मंडळाच्या वतीने प्रति वर्षाप्रमाणे यावर्षीही सलग २६ व्या बालझुंबडचे आयोजन करण्यात आले आहे. बालझुंबड म्हणजे अंबाजोगाई तालुक्यातील विविध शाळांमधील विद्यार्थ्यांचे एकत्रित स्नेहसंमेलन होय. हे या उपक्रमाचे २६ वे वर्ष आहे. तालुक्यातील सर्व शाळा व शालेय विद्यार्थ्यांसाठी दिनांक ०४ जाने ते ०९ जानेवारी २०२६ या दरम्यान 'बालझुंबड'चे आयोजन करण्यात आले आहे. या उपक्रमामुळे तालुक्यातील विद्यार्थ्यांच्या सुप्त कलागुणांना चालना व एक सशक्त व्यासपीठ मिळते. तेव्हा अंबाजोगाई तालुक्यातील जास्तीत जास्त शाळा व शाळेतील विद्यार्थ्यांनी यामध्ये सहभागी व्हावे असे आवाहन संयोजक प्रियदर्शनी क्रीडा व सांस्कृतिक मंडळाचे अध्यक्ष राजकिशोर मोदी, सांस्कृतिक विभागप्रमुख दिनकर जोशी व बालाजी शिक्षण प्रसारक मंडळाचे कार्यकारी संचालक संकेत मोदी यांनी केले आहे.        मागील २५ वर्षांप...

सहकार मंत्री ना.बाबासाहेब पाटील यांची राजकिशोर मोदी यांच्या निवासस्थानी सदिच्छा भेट लोक विकास महा आघाडीच्या नवनिर्वाचित नगरसेवकांकडून ना.पाटील यांचा ह्रद्य सत्कार अंबाजोगाई (प्रतिनिधी):- अंबाजोगाई शहरात बुधवारी एका विवाह सोहळ्यासाठी आलेल्या महाराष्ट्र राज्याचे सहकार मंत्री ना.बाबासाहेब पाटील यांनी राष्ट्रवादी काँग्रेस पार्टी (अजित पवार गट) चे नेते व माजी नगराध्यक्ष राजकिशोर पापा मोदी यांच्या निवासस्थानी सदिच्छा भेट दिली. यावेळी मोदींसह, मान्यवर व लोक विकास महाआघाडीच्या नवनिर्वाचित नगरसेवकांकडून ना.पाटील यांचा ह्रद्य सत्कार करण्यात आला. महाराष्ट्र राज्याचे सहकार मंत्री ना.बाबासाहेब पाटील हे अंबाजोगाई शहरात बुधवार, दिनांक २५ डिसेंबर रोजी एका विवाह सोहळ्यासाठी आले होते. यावेळी त्यांनी राष्ट्रवादीचे नेते तथा माजी नगराध्यक्ष राजकिशोर पापा मोदी यांच्या निवासस्थानी सदिच्छा भेट दिली. यावेळी मोदी परिवार आणि लोक विकास महाआघाडीच्या नवनिर्वाचित नगरसेवकांकडून ना.बाबासाहेब पाटील यांचा शाल व पुष्पगुच्छ देऊन ह्रद्य सत्कार करण्यात आला. याप्रसंगी माजी आमदार संजयभाऊ दौंड, राष्ट्रवादी काँग्रेस पार्टीचे...

प्रतिलिपी मराठीच्या वतीने प्रदीप कुलकर्णी यांच्या श्रावणी कादंबरीला प्रमाणपत्र माजलगाव (प्रतिनिधी)- प्रतिलिपी या नामांकित डिजिटल साहित्य मंचाने आयोजित केलेल्या “प्रतिलिपि क्रिएटर्स लेखन चॅलेंज – सीझन 4” मध्ये सुप्रसिद्ध लेखक प्रदीप कुलकर्णी यांनी आपल्या लोकप्रिय कथामालिका ‘श्रावणी' चे यशस्वीरित्या ५० पेक्षा अधिक भाग पूर्ण करून उल्लेखनीय कामगिरी केली आहे.      लेखनातील सातत्य, कल्पकता आणि वाचकांना खिळवून ठेवणारी शैली यामुळे ‘श्रावणी’ या कादंबरीला वाचकांचा मोठा प्रतिसाद लाभला. या उल्लेखनीय यशाची दखल घेत प्रतिलिपी मराठीच्या वतीने लेखक प्रदीप कुलकर्णी यांना ‘प्रतिलिपि क्रिएटर्स प्रोग्राम सीझन 4’ चे अधिकृत प्रमाणपत्र देऊन गौरविण्यात आले आहे.     लेखन क्षेत्रात दीर्घकाळ कार्यरत असलेले प्रदीप कुलकर्णी हे सामाजिक जाणिवा, मानवी भावभावना आणि वास्तववादी कथानकासाठी ओळखले जातात. ‘श्रावणी’ या कादंबरीच्या माध्यमातून त्यांनी वाचकांशी भावनिक नातं निर्माण केलं असून, डिजिटल साहित्यविश्वात मराठी कथालेखनाचा दर्जा अधिक उंचावला आहे.     या यशाबद्दल साहित्यप्रेमी, वाचकवर्ग...

अनोख्या पद्धतीने मूल्यवर्धन बालसभा वीस वेगवेगळ्या मूल्यांवर वीस विद्यार्थ्यांनी आपली मते मांडली आणि वक्तृत्व कला आणि आपल्या विचार शैलीला वाव देत साने गुरुजी यांची जयंती साजरी केली. जिल्हा परिषद प्राथमिक शाळा इंदपवाडी येथे यावेळी अनोख्या पद्धतीने मूल्यवर्धन बालसभाही घेण्यात आली. जिल्हा परिषद प्राथमिक शाळा इंदपवाडी केंद्र कन्हेरवाडी तालुका परळी वैजनाथ जिल्हा बीड या ठिकाणी दर महिन्याला बालसभेचे आयोजन केले जात आहे. इयत्ता चौथी पासून सातवी पर्यंतच्या वर्गातील प्रत्येकी पाच वेगवेगळे विद्यार्थी या बालसभेतून आपल्या वक्तृत्व कलेला व्यासपीठ मिळवून घेत आहेत.  24 डिसेंबरला साने गुरुजी यांच्या जयंतीनिमित्त तिसरी बालसभा इंदपवाडीच्या शाळेत संपन्न झाली. या बालसभेच्या अध्यक्षस्थानी इयत्ता पाचवीचा विद्यार्थी ओमराज बळीराम मुंडे याची तर व्यासपीठावर शालेय शिक्षण समितीचे अध्यक्ष श्री केशवराव मुंडे, शाळेचे मुख्याध्यापक श्री सुभाष केंद्रे यांची तसेच महिला पालकांची उपस्थिती होती.  सर्वप्रथम साने गुरुजी यांच्या प्रतिमेचे पूजन उपस्थित मान्यवरांनी केले. यावेळी विद्यार्थ्यांनी खरा तो एकची धर्म या गीताचे ग...

  भीषण अपघात; 14 ऊसतोड मजूर जखमी;एक बैल ठार कडा :शेंडगेवाडी (सावरगाव गड), ता. आष्टी येथील ऊसतोडणी कामगारांवर गुरुवारी पहाटे अपघाताचा कराळ झटका बसला.वृद्धेश्वर साखर कारखाना,पिंपळगाव कासार (तिसगाव) येथे तोडणीसाठी जात असताना तिसगाव-शेवगाव मार्गावर समोरून येणाऱ्या टाटा चेसिस वाहनाने अचानक विरुद्ध दिशेने येऊन बैलगाड्यांना जोरदार धडक दिली.धडकेत बैलगाड्या तब्बल 200 फूट फरफटत गेल्या.या घटनेत पाच बैलांचे हाडे मोडली असून एक बैल जागीच ठार झाला.मजुरांची उपजीविका उद्ध्वस्त करणारी ही गंभीर हानी मानली जात आहे. 14 ऊसतोडणी मजूर जखमी:गंभीर जखमी मध्ये पूजा नाना शेंडगे (30)शरद शेंडगे (40) दोघांना पुढील उपचारासाठी इंपल्स हॉस्पिटल, अहिल्यानगर येथे हलविण्यात आले.उर्वरित 12 मजूर त्यात अभिषेक मरगळ,विशाल मरगळ,कोमल ठेंगल, राणी ठेंगल,सीमा शेंडगे, संगीता शेंडगे, राणी गोल्हार, बबन शेंडगे,लिलाबाई शेंडगे, आदित्य शेंडगे,अशोक ठेंगल, तुळजाई शेंडगे यांच्यावर श्री.हॉस्पिटल,तिसगाव येथे उपचार सुरू आहेत. ◆ आ. सुरेश धस घटनास्थळी दाखल पहाटे सहाच्या सुमारास अपघाताची माहिती मिळताच आमदार सुरेश धस यांनी घटनास्थळी धाव घेतली. पो...

  भरदिवसा घरफोडी : ऊसतोड मजुराच्या घरातील सव्वादोन लाखाचा ऐवज लंपास  केज :- केज तालुक्यातील काशिदवाडी येथे ऊसतोड मजुराचे भरदिवसा घर फोडून घरातील कपाटात ठेवलेले १ लाख ९३ हजार ९०० रुपये किंमतीचे सोन्याचे दागिने व नगदी ३० हजार रुपये असा २ लाख २३ हजार ९०० रुपयांचा ऐवज लंपास केल्याची घटना उघडकीस आली.  काशीदवाडी ता. केज येथील ऊसतोड मजूर सुनील साहेबराव जाधवर हे त्यांची पत्नी, भाऊ, भावजयीसह सोलापूर येथे सिद्धनाथ साखर कारखान्यास ऊस तोडणीसाठी मागील दोन महिन्यां पूर्वी गेले आहेत. गावी त्यांचे आई - वडील आणि वृद्ध आजी आहेत. २२ डिसेंबर रोजी दुपारी त्यांचे आई - वडील जनावरांना चारण्यासाठी घेऊन शेतात गेले होते. घरी कोणीच नसल्याची संधी साधून अज्ञात चोरट्यांनी घराचे कुलूप तोडून घरात प्रवेश केला. घरातील दोन्ही कपाट तोडून कपाटात ठेवलेले १ लाख ९३ हजार ९०० रुपये किंमतीचे ९ ग्रॅमचे दोन मणी मंगळसूत्र, १२.५ ग्रॅमचे दोन मणी गंठण, १२.५ ग्रॅमचे दोन झुंबर जोड, ६.५ ग्रॅमचे सेवनपीस, ३ ग्रॅमच्या कानातील सोन्याच्या काड्या व नगदी ३० हजार रुपयांची रक्कम असा एकूण २ लाख २३ हजार ९०० रुपयांचा मुद्देमाल घेऊन चो...

५७ वर्षीय नराधमाचा ३५ वर्षीय असहाय्य विधवेवर बलात्कार केज :- केज तालुक्यातील युसुफवडगाव पोलिस ठाण्याच्या हद्दीत एका ५७ वर्षीय नराधमाने त्याच्या मुलीच्या वयाच्या एका ३५ वर्षीय विधवेवर बलात्कार केला असल्याची खळबळजनक घटना घडली आहे.       या बाबतची माहिती अशी की, दि. २४ रोजी युसुफवडगाव पोलिस ठाण्याच्या हद्दीत असलेल्या सावळेश्वर (पैठण) येथील मधुकर उर्फ मदन विश्वनाथ म्हस्के वय ५७ वर्ष याने एका ३५ वर्षीय विधवा महिलेला शेतातील भाजीपाला घेऊन जा. असे म्हणून शेतात बोलावले. सकाळी ९:३० वाजण्याच्या सुमारास ती विधवा महिला शेतात गेली असता तेथे कोणी नसल्याचा व असहाय्यतेचा गैरफायदा घेऊन मधुकर उर्फ मदन विश्वनाथ म्हस्के वय (५७ वर्ष) याने तिच्याशी झोंबाझोंबी करून तिच्यावर अतिप्रसंग करून बळजबरीने बलात्कार केला. तसेच याची वाच्यता केली किंवा कुणाला जर सागितले तर जीवे मारण्याची धमकी दिली.  दरम्यान पीडितेने या तिच्यावर झालेल्या लैंगिक अत्याचाराची युसुफवडगाव पोलिस ठाण्यात तक्रार दाखल केली. त्या नुसार युसुफ वडगाव पोलिस ठाण्यात मधुकर उर्फ मदन विश्वनाथ म्हस्के वय (५७ वर्ष) याच्या विरुद्ध गु. र. न...

 ' परळी परिसर’च्या दिवाळी अंकाचा पुण्यात डंका राज्यस्तरीय दिवाळी अंक स्पर्धेत तृतीय पुरस्कार जाहीर परळी वैजनाथ, (प्रतिनिधी)ः- गेल्या दहा वर्षापासून परळी वैजनाथ (जि.बीड) येथून नियमित प्रकाशित होणार्‍या साप्ताहिक ‘परळी परिसर’च्या यंदाच्या दिवाळी अंकाला पुणे येथील ‘मराठीबोली’ या संस्थेने आयोजित केलेल्या राज्यस्तरीय दिवाळी अंक स्पर्धेत तृतीय पुरस्कार जाहीर झाला आहे. येत्या ४ जानेवारीला या पुरस्काराचे वितरण पुणे येथे एका खास समारंभात होणार आहे. मराठीबोलीच्या वतीने प्रसिद्धीला दिलेल्या पत्रकात ही माहिती देण्यात आली आहे. गेल्या मे २०१७ पासून परळी वैजनाथ येथून साप्ताहिक परळी परिसर हे वर्तमानत्र नियमित प्रसिद्ध होत आहे. परळी परिसरातील आठवडाभरातील घडामोडींसह प्रत्येक अंकात नवा विषय आणि नवा विचार मांडणार्‍या या वर्तमानपत्राने बीड जिल्ह्यात वर्तमानपत्राच्या क्षेत्रात अग्रगण्य स्थान मिळविले आहे. सर्वसामान्यांच्या प्रश्नाला न्याय देण्याची भूमिका कायम ठेऊन दरवर्षी दिवाळीला निघणार्‍या वाचनिय व दर्जेदार दिवाळी अंकाची परंपरा साप्ताहिक परळी परिसरने आजपर्यंत जपली आहे. यंदाचा परळी परिसरचा नववा दिवाळी...

  परळी तालुका पत्रकार संघाच्या अध्यक्षपदी रानबा गायकवाड कार्याध्यक्षपदी नितीन ढाकणे तर शहराध्यक्षपदी शेख मुकरम 6  जानेवारी रोजी दर्पण दिनाचे आयोजन  परळी /प्रतिनिधी ......       परळी शहर व तालुका पत्रकार संघाची 2026 या नवीन वर्षाची कार्यकारणी नुकतीच निवडण्यात आली. तालुका पत्रकार संघाच्या अध्यक्षपदी दैनिक सम्राटचे प्रतिनिधी रानबा गायकवाड यांची तर शहराध्यक्षपदी दैनिक सिटीजनचे प्रतिनिधी शेख मुकरम यांची सर्वानुमते  निवड करण्यात आली. येत्या 6 जानेवारी रोजी परळी शहरात भव्य दर्पण दिन सोहळ्याचे आयोजन करण्यात येणार आहे.      परळी शहरातील लोकनेते गोपीनाथराव मुंडे पत्रकार भवन येथे दिनांक 25 डिसेंबर रोजी दैनिक पुण्यनगरीचे प्रतिनिधी धनंजय आरबुने यांच्या अध्यक्षतेखाली पत्रकार संघाची बैठक संपन्न झाली. या बैठकीत परळी तालुका व शहर पत्रकार संघाची नवीन कार्यकारणी निवडण्यात आली. यामध्ये तालुका पत्रकार संघाचे अध्यक्षपदी ज्येष्ठ पत्रकार दैनिक सम्राट चे प्रतिनिधी रानबा गायकवाड, उपाध्यक्ष  पत्रकार सय्यद सबात अली,तालुका कार्याध्यक्ष दैनिक अतुल्य महाराष्ट्राच...

ना.पंकजा मुंडे यांची भेट घेऊन राहूल केंद्रे यांनी घेतले आशीर्वाद परळी वैजनाथ दि. २३       नुकत्याच झालेल्या नगरपरिषद निवडणूकीत अपक्ष उमेदवार म्हणून निवडून आलेल्या अश्विनी केंद्रे यांचे पती राहूल केंद्रे यांनी आज मुंबईत राज्याच्या पर्यावरण व पशुसंवर्धन मंत्री ना. पंकजा मुंडे यांची भेट घेऊन आशीर्वाद घेतले. ना. पंकजाताईंनी राहूल व आश्विनी यांचे अभिनंदन करुन शुभेच्छा दिल्या.     नगरपरिषद निवडणूकीत शहरातील प्रभाग क्रमांक ७ अ मधून अपक्ष उमेदवार आश्विनी राहूल केंद्रे हया विजयी झाल्या, त्यांना १७०६ एवढी मते मिळाली. या विजयाबद्दल राहूल केंद्रे यांनी आज मुंबईत ना. पंकजाताईंची रामटेक निवासस्थानी भेट घेऊन आशीर्वाद घेतले. ना. पंकजाताई यांनी यावेळी राहूल यांचे विजयाबद्दल अभिनंदन केले व शुभेच्छा दिल्या. केंद्रे यांच्या समवेत यावेळी राम तोष्णीवाल, आकाश मुंडे उपस्थित होते . ••••

  पंतप्रधान नरेंद्र मोदींच्या पत्नीनं घेतलं परळीत ज्योतिर्लिंग वैद्यनाथ दर्शन परळी वैजनाथ, एमबीन्यूज वृत्तसेवा.... पंतप्रधान नरेंद्र मोदी यांच्या पत्नी जशोदाबेन नरेंद्र मोदी यांनी पाचवे ज्योतिर्लिंग श्री वैद्यनाथ मंदिर येथे दर्शन घेतलं.पंतप्रधान नरेंद्र मोदी यांच्या पत्नी जशोदाबेन मोदी  या आज मंगळवारी (23 डिसेंबर) परळी वैजनाथ येथे आल्या होत्या. यावेळी त्यांनी बारा ज्योतिर्लिंगापैकी असलेल्या प्रभू वैद्यनाथांचे  दर्शन घेतलं.  जशोदाबेन यांनी नम्रपणे दौरा चांगला घडवल्याबद्दल सर्वांचे आभार मानले.12 ज्योतिर्लिंगांपैकी पाचवे ज्योतिर्लिंग असलेल्या वैद्यनाथ मंदिराला अनन्यसाधारण महत्त्व आहे. आरोग्य निरामय राहण्यासाठी देशभरातून भाविक परळीत वैद्यनाथ दर्शनासाठी येतात. या मंदिरात दर्शन घेण्यासाठी पंतप्रधान नरेंद्र मोदी यांच्या पत्नी जशोदाबेन मोदी मंगळवारी दुपारी कुटुंबीयांसह आल्या होत्या. पारंपरिक पद्धतीनं विधिवत पूजा अभिषेक त्यांनी केला. ही यात्रा यशस्वी करण्यासाठी प्रशासन आणि सर्व संबंधित अधिकाऱ्यांचे त्यांनी आभार मानले. यावेळी दर्शनासाठी प्रशासनानं चोख व्यवस्था ठेवली होती. यावे...

  बीड जिल्ह्यात निवडणूक निकालानंतर मिरवणुकांवर बंदी - पोलीस अधीक्षकांनी दिले सक्त निर्देश बीड : पोलीस अधीक्षक नवनीत कावत, बीड जिल्हा यांच्याकडून सर्व नगरपरिषद उमेदवारांना तसेच त्यांच्या समर्थकांना सक्त निर्देशित करण्यात आले आहे.बीड जिल्ह्यात निकालानंतर मिरवणुकांवर बंदी असुन कायद्याच्या विरोधात जाईल असे कोणतेही कृत्य करण्याचे टाळावे असे पोलीस अधीक्षकांनी  सक्त निर्देश दिले आहेत.        आज होणाऱ्या मतमोजणीच्या निकालानंतर कोणत्याही प्रकारची मिरवणूक, रॅली, विजयी जल्लोष, घोषणा, फटाके फोडणे किंवा जमाव जमविण्यास पोलीस प्रशासनातर्फे कोणतीही परवानगी देण्यात येणार नाही.तसेच  जिल्हाधिकारी, बीड यांनी महाराष्ट्र पोलीस अधिनियम, 1951 चे कलम 37(1)(3) अन्वये प्रतिबंधात्मक आदेश निर्गमित केले असून, सदर आदेश दि. 19/12/2025 रोजी रात्री 00.01 वा. पासून ते दि. 02/01/2026 रोजी रात्री 24.00 वा. पर्यंत लागू राहतील. विनापरवाना मिरवणूक काढणे, जमाव करणे, रस्ते अडविणे किंवा सार्वजनिक शांतता भंग होईल असा कोणताही प्रकार पूर्णतः प्रतिबंधित आहे.         आदेशाचे उल...

अशी होणार मतमोजणीची प्रक्रिया : 9 टेबलवर प्रभाग निहाय समांतर मोजणी; मुख्य दोन फेऱ्या होणार: चार तासात सर्व निकाल येणं अपेक्षित परळी वैजनाथ (प्रतिनिधी) :-       परळी नगर परिषद सार्वत्रिक  निवडणुकीची मतदान प्रक्रिया दि. ०२ डिसेंबर रोजी पार पडली. तर उर्वरित मतदान दि.२० डिसेंबर रोजी पार पडले.  आज शनिवार २१ डिसेंबर  रोजी निकालाची प्रक्रिया सकाळी १०  वाजल्यापासून सुरू होणार आहे. निवडणूक विभागाने त्याअनुषंगाने तयारी केली आहे. दरम्यान 9 टेबलवर प्रभागनिहाय समांतर मोजणी करण्यात येणार आहे. मतमोजणीच्या मुख्य दोन फेऱ्या होणार आहेत. प्रत्येक फेरीसाठी दोन तासाची अपेक्षित वेळ असुन त्या अनुषंगाने चार तासात संपूर्ण निकाल येणे अपेक्षित आहे.         परळी वैजनाथ नगर परिषद सार्वत्रिक निवडणुकीच्या मतमोजणी प्रक्रिया अधिक पारदर्शक आणि सुरळीत पार पडण्यासाठी नियोजन करण्यात आले आहे. मतमोजणी प्रक्रीयेसाठी निवडणूक यंत्रणा सज्ज करण्यात आली आहे. मतमोजणी दिनांक 21.12 .2025 रोजी सकाळी 10 वाजल्यापासून सुरू होणार आहे. या करिता 9 टेबलची व्यवस्था करण्यात ...