माझी बातमी MB NEWS

  जन्म-मरण अटळ:सर्व परिस्थितींमध्ये स्थिर रहावे हीच संतांची शिकवण - हभप रामराव महाराज ढोक कै.राजपान कराड यांच्या पुण्यतिथी निमीत्त किर्तनात प्रतिपादन परळी वैजनाथ, प्रतिनिधी... आपल्या वाटेला आलेले भोग हे आपल्या ला भोगावेच लागतात. आपल्या तरुण मुलाचा आकस्मिक व अकालमृत्यू होणं ही कोणाही बापासाठी अत्यंत वेदनादायक व दु:खसागरात लोटणारीच बाब असते.मात्र जन्म-मरण हे अटळ आहे. त्यामुळे  या दुःख अवेगातून सावरून सर्व परिस्थितींमध्ये स्थिर रहावे हीच संतांची शिकवण असल्याचे प्रतिपादन हभप रामराव महाराज ढोक यांनी लिंबोटा येथे कै.राजपान कराड यांच्या पुण्यतिथी निमीत्त आयोजित किर्तनात केले.      राष्ट्रवादी काँग्रेसचे जेष्ठ नेते तथा भगवान सेनेचे सरसेनापती फुलचंद कराड यांचे चिरंजीव कै.राजपान कराड यांच्या  पुण्यतिथी निमीत्त लिंबोटा येथे रामायणाचार्य ह.भ.प.रामराव महाराज ढोक यांचे किर्तन झाले. याप्रसंगी फुलचंद राव कराड यांनी ह भ प रामराव महाराज ढोक यांचा सत्कार करून आशीर्वाद घेतले. यावेळी 'आलिया भोगासी असावे सादर । देवावरी भार घालूनियां' या संत तुकाराम महाराज यांच्या अभंगावर विवेचन करतांना ह.भ.प.रामराव

परळी मतदारसंघात चुरस वाढली :माकप देणार विधानसभेला लढा ! परळी व माजलगाव विधानसभा मतदारसंघ माकप लढविणार. कॉ पी एस घाडगे परळी वै ता. १९ प्रतिनिधी      विद्यार्थी, युवक, शेतकरी व कष्टकरी कामगारांच्या प्रश्नांना वाचा फोडण्यासाठी माकप परळी वै व माजलगाव विधानसभा मतदारसंघातुन निवडणुक लढविणार आहे. सत्ताधारी व विरोधक जनतेच्या प्रश्नां ऐवजी भावनिक प्रश्न पुढे करीत आहे. त्यामुळे बीड जिल्ह्यातील दोन्ही मतदारसंघांत माकप निवडणुक लढविणार असल्याची माहिती मार्क्सवादी कम्युनिस्ट पक्षाचे राज्य कमिटी सदस्य कॉ पी एस घाडगे यांनी दिली आहे.         केंद्रात व राज्यात सत्तेत असलेल्या सरकारने शेतकरी, शेतमजुरांच्या प्रश्नाची सोडवणुक करण्या ऐवजी प्रश्न वाढले आहेत. युवकांच्या हाताला काम नाही. मतदारांमध्ये विद्यमान सरकार विषयी चिड निर्माण झालेली आहे. राज्यात धर्म व जातीयवादावर निवडणुक लढविली जात आहे. जनतेच्या प्रश्नांना जाणीवपूर्वक दुर्लक्षीत केले जात आहे.  त्यामुळे बीड जिल्ह्यातील परळी वैजनाथ व माजलगाव विधानसभा मतदारसंघातुन मार्क्सवादी कम्युनिस्ट पक्ष निवडणुक लढविणार आहे. भाजपच्या सरकार चा पराभव करण्यासाठी महा

गोष्ट छोटी, डोंगरा एवढी: सुदामती गुट्टे यांनी परळीत महिलांसाठीच्या 'या' सुविधेवर जाहीर केलं इनाम ! परळी शहरात महिलांसाठी स्वच्छ शौचालय दाखवा आणि पाच हजार बक्षीस मिळवा-सौ.सुदामतीताई गुट्टे परळी वैजनाथ, प्रतिनिधी....      मतदार संघात केवळ विकासाच्या गप्पा मारणाऱ्या सत्ताधाऱ्यांनी सर्वसामान्य जनतेच्या कोणत्याच सोयी सुविधेकडे लक्ष दिलेले नाही. परळी शहराचा विचार केला तरी अगदी छोटी, क्षुल्लक मात्र अतिशय अत्यावश्यक असलेली सुविधाही नगरपरिषद देऊ शकलेली नाही. महिला वर्गाची प्रचंड कुचंबना यामुळे होते. परळी शहरात महिलांसाठी सार्वजनिक स्वच्छ शौचालय दाखवा आणि पाच हजार रुपये बक्षीस मिळवा अशा प्रकारचे उपरोधिक इनामच रा.काॅ.शरद पवार पक्षाच्या ज्येष्ठ नेत्या सुदामती गुट्टे यांनी जाहीर केले आहे.       याबाबत माहिती देताना रा.काॅ.शरद पवार पक्षाच्या ज्येष्ठ नेत्या सुदामती गुट्टे यांनी सांगितले की, परळी शहर हे प्रभु वैद्यनाथाची नगरी म्हणून ओळखली जाते. राज्य परराज्यातील मोठ्या प्रमाणात महिला भाविक भक्त येत असतात. शिवाय परळी तालुक्यातील महिला, नागरिक बाजार करण्यासाठी परळी शहरात येतात. तेव्हा त्यांना

परळी वैजनाथ विधानसभेत मनसे मैदानात! महाराष्ट्र नवनिर्माण सेना परळी विधानसभा लढविणार - पाथरकर,कळसकर परळी वैजनाथ, प्रतिनिधी....       विधानसभा निवडणुकांचे वातावरण जोरदार बापटून विविध पक्षांच्या वतीने या निवडणुकीच्या मैदानात मैदान गाजविण्याची तयारी सुरू आहे यातच राज ठाकरेंच्या महाराष्ट्र नवनिर्माण सेनेने 16 बळावर निवडणूक लढविण्याची घोषणा केलेली आहे त्यामुळे महाराष्ट्राचे लक्ष लागून राहिलेल्या परळी विधानसभा मतदारसंघात मनसेच्या वतीने पूर्ण ताकदीनिशिंग उमेदवार देण्यात येणार असल्याची माहिती पक्षाच्या वतीने देण्यात आली आहे जगाला हेवा वाटेल असा महाराष्ट्र घडविण्यासाठी सन्माननीय राजसाहेब ठाकरे यांचे हात बळकट करण्यासाठी तसेच परळी मतदार संघाचा विकास करण्यासाठी पक्ष निरिक्षक सलीम मामा ,नरेंद्र तांबोळी,जिल्हाध्यक्ष श्रीराम बादाडे यांच्या मार्गदर्शनाखाली परळी विधासभा मनसे कोणत्याही युती आघाडीत न राहता स्वबळावर लढविणार असल्याचे जिल्हाउपाध्यक्ष दत्तात्रय दहिवाळ, तालुकाध्यक्ष श्रीकांत पाथरकर,शहराध्यक्ष वैजनाथ कळसकर यांनी सांगितले.   गेल्या अठरा वर्षांपासुन जनतेचे विविध प्रश्न घेऊन मनसे ने आंदोलने केली

  न्यायदेवता बनली डोळस ! रामशास्त्री बाण्याचा आदर              ध डधडीत, स्पष्ट दिसत असतानाही न्याय नाकारला गेला, अन्याय झाला की न्यायदेवता ‘आंधळी’ आहे असे हिणवले जायचे, ‘अंधा कानून’ असे संबोधले जायचे. पूर्वी न्यायदेवतेच्या डोळ्यांवर पट्टी, तिच्या एका हातात तराजू आणि दुस-या हातात तलवार असायची. परंतु आता न्यायदेवतेच्या रूपात बदल करण्यात आला आहे. आता तिच्या डोळ्यांवरील पट्टी काढण्यात आली आहे, एका हातात तराजू आहे, मात्र दुस-या हातातील तलवार काढून घेण्यात आली असून त्याऐवजी संविधानाची प्रत देण्यात आली आहे.    सर्वोच्च न्यायालयातील न्यायाधीशांसाठीच्या ग्रंथालयातील न्यायदेवतेची मूर्ती बदलण्यात आली आहे. या बदलांमधील सर्वांत प्रमुख व ऐतिहासिक बदल म्हणजे न्यायदेवतेच्या डोळ्यांवरील पट्टी हटवण्यात आली आहे. न्यायदेवतेची मूर्ती म्हटले, तर आपल्या डोळ्यांसमोर येते ती डोळ्यांवर पट्टी बांधलेली, एका हातात तलवार आणि दुसर्‍या हातात तराजू असलेली एक मूर्ती. काल्पनिक कथांपासून ते अगदी बॉलीवूडच्या चित्रपटांपर्यंत न्यायदेवतेची हीच मूर्ती पाहायला मिळते. मात्र, या मूर्तीचे स्वरूप आता बदलण्यात आले आहे.     

बागझरी येथील दत्त मंदिराचे दर्शन घेऊन धनंजय मुंडे यांनी केला प्रचाराचा शुभारंभ ज्याला तुम्ही निर्माण केले त्याला कोणी संपवण्याचे आव्हान देत असेल तर त्याला 20 नोव्हेंबर रोजी मतातून दाखवून द्या - मुंडेंचे आवाहन पट्टीवडगाव सर्कल मधून प्रचारास प्रारंभ; 2002 ची होणार पुनरावृत्ती! परळी वैद्यनाथ (दि. 18) - पट्टीवडगाव जिल्हा परिषद गटातील बागझरी येथील दत्त मंदिरात दर्शन घेऊन आरती करत आज धनंजय मुंडे यांनी परळी विधानसभा मतदारसंघात प्रचाराचा शुभारंभ केला आहे. धनंजय मुंडे यांनी सर्वात पहिल्यांदा लढवलेल्या 2002 च्या जिल्हा परिषद निवडणुकीत सुद्धा प्रचाराचा शुभारंभ त्यांनी बागझरीच्या याच दत्त मंदिरात दर्शन घेऊन केला होता. धनंजय मुंडेंच्या प्रत्येक निवडणुकीची सुरुवात बागझरी येथील दत्त मंदिराच्या दर्शनाने होत असते. मुंडे कुटुंबाच्या दोन पिढ्या तुमच्या सर्वांची सेवा करण्यात गेल्या. आजही आम्हाला सेवेची संधी मिळते ती तुमच्याच आशीर्वादाने, आपण मतदारसंघात विकासासाठी दिलेला प्रत्यक्ष शब्द पूर्ण करण्याचा प्रामाणिक प्रयत्न केला. प्रचंड प्रमाणात विकास निधी खेचून आणला.  मात्र देशाचे काही उच्चपदस्थ नेते माझा परा

संशोधन, साहित्य व अध्ययन-अध्यापनासाठी मराठी भाषा समृद्ध आहे-डॉ. पी. विठ्ठल ----------------------------------------  परळी वैजनाथ... वैद्यनाथ कॉलेज येथील अभिजात मराठी भाषा या विषयावर व्याख्यानाचे आयोजन दि.१७ ऑक्टोबर रोजी करण्यात आले.   "अभिजात मराठी भाषा या विषयावर डॉ. पी. विठ्ठल - भाषा संकुल, स्वामी रामानंद तीर्थ मराठवाडा विद्यापीठ, नांदेड यांनी आपले सखोल विचार मांडले. कार्यक्रमाच्या व्यासपीठावर डॉ.पी. विठ्ठल भाषा संकुल, स्वामी रामानंद तीर्थ मराठवाडा विद्यापीठ, नांदेड, डॉ मुंजाभाऊ धोंडगे सिनेट सदस्य,डॉ. बाबासाहेब आंबेडकर मराठवाडा विद्यापीठ, छत्रपती संभाजीनगर,  महाविद्यालयाच्या प्रचार्या, डॉ ए,आर.चव्हाण, विद्यापरिषद सदस्य व प्राध्यापक प्रतिनिधी डॉ.पी एल कराड, उपप्रचार्य, प्रा. डी के आंधळे, प्रा. हरिष मुंडे, आय क्यू ए सी चे समन्वयंक डॉ व्ही जे चव्हाण यांची उपस्तिथी होती. या कार्यक्रमात बोलतांना प्रमुख व्याख्याते  डॉ. पी. विठ्ठल यांनी मराठी भाषेचा इतिहास, तिचे महत्त्व आणि अभिजात भाषा म्हणून तिच्या दर्जाची प्राप्ती कशी झाली, याबद्दल सविस्तर माहिती दिली. त्यांनी सांगितले की, मराठी भा

  कै.राजपान कराड यांच्या पुण्यतिथी निमीत्त शनिवारी ह.भ.प.रामराव महाराज ढोक यांचे किर्तन परळी (प्रतिनिधी)  राष्ट्रवादी काँग्रेसचे जेष्ठ नेते तथा भगवान सेनेचे सरसेनापती फुलचंद कराड यांचे चिरंजीव कै.राजपान कराड यांची शनिवार दि.19 ऑक्टोबर रोजी पुण्यतिथी असुन यानिमीत्त लिंबोटा येथे रामायणाचार्य ह.भ.प.रामराव महाराज ढोक यांचे किर्तन होणार आहे.  फुलचंदराव कराड यांचे चिरंजीव राजपान कराड यांचे गतवर्षी 31 ऑक्टोबर रोजी अकाली निधन झाले होते.त्यांचा प्रथम पुण्यतिथीचा कार्यक्रम मित्ती अश्विन कृ.2 शके 1946 म्हणजेच शनिवार दि.19 ऑक्टोबर 2024 रोजी होत असुन यानिमीत्त लिंबोटा येथील हनुमान मंदिरात सकाळी 11 ते 1 या वेळेत रामायणाचार्य ह.भ.प.रामराव महाराज ढोक यांचे किर्तन व त्यानंतर भोजनाचा कार्यक्रम होणार आहे.या कीर्तनास व भोजनास उपस्थित रहावे असे आवाहन फुलचंदराव कराड व कराड परिवाराच्या वतिने करण्यात आले आहे.

  'सच' का सामना : अजित दादांचा धाडसी निर्णय; 'महायुती'ला घरचा आहेर देणाऱ्या आमदाराची पक्षातून हकालपट्टी         मराठवाडा पदवीधर मतदारसंघाचे आमदार सतीश चव्हाण  यांनी काही दिवसांपूर्वी महायुती सरकारबाबत एक धक्कादायक विधान केले होते. यावेळी त्यांनी प्रसिध्द केलेल्या एका पत्रकाद्वारे महायुती सरकार 'मराठा, ओबीसी, धनगर यांच्या आरक्षणासह बहुजनांचे प्रश्‍न सोडवू शकले नाही'असं म्हटलं होतं.             चव्हाण यांचे हे विधान म्हणजे महायुती सरकारला घरचा आहेरच मानला गेला होता.त्यावर आता राष्ट्रवादी काँग्रेस अजित पवार पक्षाने कडक भूमिका घेतली आहे.चव्हाण यांची थेट पक्षातून हकालपट्टी करण्यात आली आहे. मराठवाडा पदवीधर मतदारसंघाचे आमदार सतीश चव्हाण यांना पक्षातून सहा वर्षांसाठी निलंबित करण्यात आले आहे. जाणीवपूर्वक पक्षविरोधी भूमिका घेतल्यामुळे आणि पक्षशिस्त मोडल्याबद्दल ही कारवाई करण्यात आल्याची माहिती राष्ट्रवादी काँग्रेसचे प्रदेशाध्यक्ष खासदार सुनिल तटकरे यांनी दिली आहे.         आमदार सतीश चव्हाण यांनी 15 ऑक्टोबर रोजी राष्ट्रवादी काँग्रेस आणि महायुती सरकारच्या विरोधात प्रतिम

  संत गाडगेबाबा बहुउद्देशीय सेवाभावी संस्थे च्या वतीने विद्यार्थी समुपदेशन कार्यशाळा  आदर्श शिक्षक म्हणून संजय बाळासाहेब समुद्रे  सन्मानित संत गाडगेबाबा बहुउद्देशीय संस्थेचे सचिव पृथ्वी शिंदे यांनी विद्यार्थी समुपदेशन कार्यशाळेचे आयोजन केले होते या कार्यशाळे मध्ये विद्यार्थ्यांच्या विविध प्रश्नावरती सखोल मार्गदर्शन प्रा.एम एम सुरनर व प्रा डॉ राहुल गवळे यांनी केले, तसेच कार्यशाळेचे उद्घाटन सचिन जी कागदे यांच्या हस्ते करण्यात आला व संस्थेच्या वतीने आदर्श शिक्षक म्हणून संजय समुद्रे सर यांचा गौरव करण्यात आला. राहुल जगतकर महादेव गीते जगदीश शिंदे सुहास शिंदे सिद्धेश्वर इंगोले यांची प्रमुख उपस्थिती होती .तसेच सर्व मान्यवरांच्या हस्ते वृक्षारोपण देखील करण्यात आले

  ज्येष्ठ संस्कृततज्ज्ञ पं. वसंतराव गाडगीळ यांचे निधन  पुणे: ज्येष्ठ संस्कृततज्ज्ञ पंडित वसंतराव गाडगीळ (वय ९५) यांचे आज सकाळी निधन झाले. पंडित गाडगीळ यांनी धर्म, संस्कृती, आणि इतिहास या क्षेत्रात महत्वपूर्ण योगदान दिले आहे. त्यांच्या निधनाने शास्त्र, संस्कृती आणि अध्यात्मिक क्षेत्रात मोठी पोकळी निर्माण झाली आहे. पंडित वसंतराव गाडगीळ हे संस्कृत साहित्याचे ख्यातनाम अभ्यासक म्हणून ओळखले जात होते. त्यांनी अनेक वर्षे संस्कृत भाषेच्या अभ्यासात व्रतस्थपणे कार्य केले होते. धर्मशास्त्र, संस्कृत वाङ्गय आणि भारतीय संस्कृतीवर त्यांनी अत्यंत मौलिक संशोधन केले आहे. त्यांनी आपल्या प्रदीर्घ जीवनात संस्कृती आणि धर्माच्या क्षेत्रातील अनेक ग्रंथांची निर्मिती केली, ज्यामुळे भारतीय विद्या संचिताला एक नवे दालन उघडले आहे. आज सकाळी पुण्यातील वैकुंठ स्मशानभूमीत त्यांच्या पार्थिवावर सकाळी ११ वाजता अंत्यसंस्कार होणार आहेत. संस्कृततज्ज्ञ मंडळी आणि गाडगीळ परिवाराचे नातेवाईक, मित्र आणि शिष्यवर्ग या प्रसंगी उपस्थित असतील. पंडित गाडगीळ यांचे योगदान आणि त्यांची बौद्धिक वारसा पुढील पिढ्यांना प्रेरणा देईल, असा विश्वास

इकोफ्रेंडली गणेशमूर्ती व सजावट स्पर्धेचे प्रथम पारितोषिक मिळाल्याबद्दल अनिल आदुडे यांचा श्री.केदारी महाराज विद्यामंदीर,नंदनज शाळेच्या वतीने सत्कार परळी वैजनाथ, प्रतिनिधी..... द्वादश पंचम ज्योतीर्लिंग श्री.वैद्यनाथाच्या परळी नगरीतील निवासी व श्री.केदारी महाराज विद्यामंदीर,नंदनज ता.परळी -वैजनाथ येथील ज्येष्ठ शिक्षक श्री.अनिल आदुडे सर यांना लोकसत्ता, महाराष्ट्र राज्य प्रदूषण नियंत्रण मंडळ आणि पर्यावरणीय व वातावरणीय बदल विभाग यांच्या संयुक्त विद्यमाने आयोजित लोकसत्ता इकोफ्रेंडली घरगुती "पर्यावरणपूरक गणेशमूर्ती व सजावट स्पर्धा" मधील छ.संभाजीनगर मराठवाडा विभागातून प्रथम पारितोषिक मिळाल्याबद्दल श्री.संगमेश्वर शिक्षण संस्था संचलित श्री.केदारी महाराज विद्यामंदीर,नंदनज शाळेच्यावतीने मुख्याध्यापक श्री.चेतन सौंदळे व सहकारी शिक्षक बांधवांच्यावतीने सत्कार करण्यात आला.  पर्यावरण संवर्धन करणे हे विद्यार्थ्यांसहीत प्रत्येक नागरिकांचे कर्तव्य असून शाळेतील अध्यापक आदुडे सरांनी महाराष्ट्रातील मराठवाडा विभागातून प्रथम पारितोषिक मिळवणे अभिमान व गौरवास्पद असल्याची भावना चेतन सौंदळे यांनी त्यांच

माझं राजकीय अस्तित्व संपवण्याचा डाव -धनंजय मुंडे पुण्यातील विद्यार्थी संवाद मेळाव्यास तुफान प्रतिसाद कॉलेज जीवन व मैत्रीतील अनेक आठवणीना मुंडेंनी दिला उजाळा पुणे (प्रतिनिधी) - मी ज्याच्यासोबत आहे त्याच्यासोबत इमानदारी दाखवली म्हणून माझं राजकीय अस्तित्व संपवण्याचा डाव आखला जातं आहे, माझ्या नशिबात संघर्ष पाचवीला पुजला आहे, त्यामुळे तुमच्या सहकार्याने आणि आशीर्वादाने मी कोणाला घाबरत नाही, तुम्ही साथ द्या, मी तुमच्यासोबत कायम राहील असे आवाहन कृषिमंत्री धनंजय मुंडे यांनी पुणे येथे बोलताना केले. पुणे शहरातील बालगंधर्व रंगमंदिर येथे आयोजित विद्यार्थी संवाद मेळाव्यात मुंडे बोलत होते. बीड जिल्ह्यातील आणि परळी मतदार संघातील विद्यार्थ्यांशी यावेळी मुंडे यांनी संवाद साधला. यावेळी बोलताना ते म्हणाले कि, या मेळाव्याला पंकजाताई मुंडे देखील येणार होत्या, पण त्या दिल्लीत आहेत, त्यांनी माझ्याजवळ शुभेच्छा संदेश दिला आहे. मी पुण्यात शिकलो असं सांगत मुंडे यांनी पुण्याचं अन माझं एक वेगळं नातं आहे असं म्हटलं. यावेळी कॉलेज जीवनातील आणि मित्रांसोबतच्या अनेक आठवणींना उजाळा देत धनंजय मुंडे यांनी मी नेता नसून त

पुणे-सोलापूर महामार्गावर प्रवासादरम्यान गाडीचा आपघात: सौ.राजश्रीवहिनी सुखरुप पुणे:  राष्ट्रवादी काँग्रेस अजित पवार पक्षाचे नेते तथा  बीड  जिल्ह्याचे पालकमंत्री आणि राज्याचे कृषिमंत्री धनंजय मुंडे यांच्या पत्नी राजश्रीताई  मुंडे यांचा कारचा अपघात झाला. पुणे-सोलापूर महामार्गावर पहाटेच्या सुमारास हा अपघात झाला. कार आणि ट्रॅव्हल बस यांच्यात धडक झाली. राजश्री मुंडे किरकोळ जखमी झाल्या मात्र त्या सुखरुप आहेत.        अपघाताची घटना सोरतापवाडी या ठिकाणी घडली, महामार्गावरून जाताना राजश्रीताई मुंडे यांची कार आणि ट्रॅव्हल बसची  धडक झाली. पहाटेच्या सुमारास हा अपघात घडला.   या अपघातात राजश्री मुंडे किरकोळ जखमी झाल्या. घटनेनंतर त्यांना उपचारासाठी तातडीने जवळच्या रुग्णालयात दाखल करण्यात आले. त्यांच्यावर प्राथमिक उपचार करण्यात आले.अपघातानंतर त्यांची प्रकृती तपासून त्यांना काही वेळातच रुग्णालयातून डिस्चार्ज देण्यात आला. त्या मुंबईला सुख रूप पोहोचल्या आहेत.

राजेभाऊ फड: बहुआयामी उच्चशिक्षीत व्यक्तिमत्व... विधानसभा मतदारसंघ हा राज्याला ओळख असलेला मतदारसंघ आहे. वेद्यजाय स्थानक असल्याने दळण वळणाच्या चाबतीत जोडल्या गेलेले शहर येथील अर्थव्यवस्था ही बहुतांश कृषी केंद्रित अर्थव्यवस्था आहे. जसा हा भाग ऊसतोड मजुरांचा भाग म्हणून ओळखला जातो तसाच हा भाग विविध अंगांनी ओळखला जातो. राजकीय दृष्ट्या राज्याला परिचित असलेला हा मतदार संघ आणि तालुका आहे. पूर्वीचा रेणापूर असलेला हा मतदारसंघ १९९२ ला परळी मतदार संघात रूपांतरित झाला. या मतदार संघाचं वैशिष्ट्य म्हणजे हा कायम पुरोगामी विचारांच्या पाठीशी राहिलेला मतदार संघ आहे. अण्णाभाऊ मिते, रघुनाथराव मुंडे, पंडितराव दौड, स्व लोकनेते गोपीनाथराव मुंडे यांच्यासारखे मोठे नेतृत्व या भागाने राज्याला दिलेले आहेत. सोयाचीन, उऊस, कापूस उत्पादक शेतक-यांची संख्या इये मोठ्या प्रमाणावर असल्याचे दिसून येईल राजकीय दृष्ट्या फार संवेदनशील असलेला हा माग आहे. राज्यातील बड्या नेतृत्वापैकी शरद पवारांच्या आणि गोपीनाथराव मुंडे यांच्याच विचारांच्या पाठीशी उभा असलेला हा भाग आहे. अलीकडव्या काळात राजकीय अदलाबदलीत जुजेच परंतु नव्याने राजकी

दादा, या भावनांचे काय ? समाजमनाचे भान न ठेवून दिली परशुराम आर्थिक विकास महामंडळ अध्यक्षपदाची नियुक्ती ! सकल ब्राह्मण समाजाची प्रातिनिधिक प्रतिक्रिया ब्रा ह्मण समाजाच्या गेल्या अनेक वर्षापासूनच्या जिव्हाळ्याच्या मागणीची दखल घेऊन महायुतीच्या सरकारने भगवान परशुराम आर्थिक विकास महामंडळाची स्थापना केली. हे महामंडळ स्थापन होईपर्यंतच्या लढ्यामध्ये असंख्य सर्वसामान्य ब्राह्मण समाज बांधवांनी संघर्ष केला. कुठलाही राजकीय लाभ मिळविण्याच्या दृष्टीने अथवा राजकारणातला कोणी कार्यकर्ता आपल्याला हे पद मिळेल यासाठी प्रयत्न करत नव्हता. महायुतीच्या सरकारने ब्राह्मण समाजाची असंख्य वर्षाची ही मागणी सोडवून ब्राह्मण समाजाचे आशीर्वाद प्राप्त करण्याची संधीही निर्माण केली आहे. मात्र ऐन निवडणुकीच्या तोंडावर सकल ब्राह्मण समाजात महायुती सरकारमधील सर्वच घटक पक्षांच्या बाबतीतील सहानुभूतीची व या सरकारच्या पाठीशी उभे राहण्याची प्रामाणिक भावना निर्माण झालेली असतानाच समाजातील मोठ्या प्रमाणावर भावना व्यक्त करणाऱ्या समाजबांधवांचे समाजमन न ओळखता या महामंडळाच्या अध्यक्षपदाची नियुक्ती करण्यात आली आहे. ज्या महोदयांची या महामं

राज्यातील 27 महामंडळांवर नियुक्त्या : कोणत्या महामंडळावर कोणाला संधी - पहा महामंडळावर 27 जणांना संधी कल्याण आखाडे,गोविंद केंद्रे, प्रशांत परिचारकांचा समावेश महामंडळावर 27 जणांना संधी; कल्याण आखाडे,गोविंद केंद्रे, प्रशांत परिचारकांचा समावेश महेश माधवराव वाघमारे by महेश माधवराव वाघमारे October 16, 2024 राज्य सरकारने राज्यातील 27 महामंडळांवर अध्यक्ष, उपाध्यक्ष व सदस्य म्हणून अनेकांना संधी दिली आहे. बीडच्या कल्याण आखाडे यांना इतर मागासवर्गीय वित्त व विकास महामंडळाचे उपाध्यक्ष, महाराष्ट्र राज्य सहकार कृषी पणन मंडळाच्या अध्यक्षपदी भाजप नेते प्रशांत परिचारक यांना संधी देण्यात आली आहे. गोविंद केंद्रे यांना गोपीनाथ मुंडे ऊसतोड कामगार मंडळाचे अध्यक्षपदी नियुक्ती देण्यात आली आहे. राज्य सरकारने याच महिन्यात मंत्रिमंडळ बैठकीत महत्त्वाचे निर्णय घेतले होते, त्यामध्ये विविध महामंडळांच्या निर्माणाची घोषणा केली होती. त्यात, परशुराम आर्थिक विकास महामंडळाची स्थापना 3 ऑक्टोबर 2024 रोजी शासन निर्णय (नियोजन विभाग) कंपनी अधिनियम 2013 च्या कलम 8 मधील तरतुदीनुसार करण्यात आली होती. त्यानुसार आज आशिष दामले यां

  भगवान परशुराम आर्थिक विकास महामंडळाच्या अध्यक्ष नियुक्तीवरून राज्यातील सकल ब्राह्मण समाजात तीव्र नाराजी ! ब्राह्मण समाज चळवळीत कधीच, कुठेच नसणाऱ्या व्यक्तीची नियुक्ती झाल्यानंतर तीव्र प्रतिक्रिया मुंबई, (प्रतिनिधी)  राज्य सरकारनं नुकत्याच स्थापन केलेल्या ब्राह्मण समाजाच्या आर्थिक विकसासाठी परशुराम आर्थिक विकास महामंडळाची निर्मिती केली आहे. या महामंडळाच्या अध्यक्षपदी राष्ट्रवादी काँग्रेस अजित पवार गटाचे प्रदेश सरचिटणीस आणि बदलापूरचे माजी नगरसेवक आशिष दामले यांची नियुक्ती करण्यात आली आहे. मात्र या निवडीवर ब्राह्मण समाजातूनच नाराजी व्यक्त करण्यात येत आहे. ब्राह्मण समाज चळवळीत कधीच, कुठेच नसणाऱ्या व्यक्तीची नियुक्ती झाल्यानंतर सकल ब्राह्मण समाजाकडून सोशल मीडियावर नाराजी,रोष व तीव्र प्रतिक्रिया उमटतांना दिसत आहेत.     परळीचे माजी नगराध्यक्ष तसेच राष्ट्रवादी काँग्रेसचे शहराध्यक्ष बाजीराव धर्माधिकारी यांची किंवा ब्राह्मण समाज चळवळीतील योगदान असणाऱ्या व्यक्तीलाच ही संधी मिळायला हवी होती अशा हजारो प्रतिक्रिया व्यक्त करत या निवडीला सोशल मीडियावर  विरोध होतांना दिसत आहे.            परळीत ब्राह्

परशुराम आर्थिक विकास महामंडळाच्या अध्यक्षपदी आशिष दामले राज्य सरकारने काही दिवसांपूर्वी जाहिर केलेल्या ब्राह्मण समाजासाठीच्या परशुराम आर्थिक विकास महामंडळाची स्थापना केली. या महामंडळाच्या अध्यक्षपदी बदलापूरच्या आशिष दामले यांनी निवड करण्यात आली आहे.""राज्य सरकारने काही दिवसांपूर्वी जाहिर केलेल्या ब्राह्मण समाजासाठीच्या परशुराम आर्थिक विकास महामंडळाची स्थापना केली. या महामंडळाच्या अध्यक्षपदी बदलापूरच्या आशिष दामले यांनी निवड करण्यात आली आहे. आशिष आनंद दामले हे राष्ट्रवादी कॉंग्रेस (अजित पवार) पक्षाचे पदाधिकारी आहेत. त्यांच्या या नियुक्तीमुळे ठाणे जिल्ह्यात पक्षाला बळ देण्याचा प्रयत्न असल्याची चर्चा रंगली आहे. सप्टेंबर महिन्यात राज्य सरकारने विविध जाती आणि समुहांसाठी आर्थिक विकास महामंडळांची स्थापना केली. यात ब्राह्मण समाजासाठी परशुराम आर्थिक विकास महामंडळाचीही स्थापना करण्याचा निर्णय मंत्रीमंडळ बैठकीत घेण्यात आला होता. या समाजातील आर्थिक दुर्बल घटकातील युवक युवतींना शैक्षणिक तसेच व्यवसायासाठी महामंडळाच्या माध्यमातून आर्थिक मदत देण्याचा प्रयत्न आहे. या महामंडळाचे कार्यालय प

  भिमवाडी बौध्द विहारासह नागरी समस्या त्वरित दुर करा अन्यथा निवडणूकीत मतदान करायचे का नाही तो विचार करावा लागेल-भैयासाहेब आदोडे परळी प्रतिनिधी गेली सात ते आठ वर्षांपासून भिमवाडी येथील धार्मिक विधी साठी असलेले बौद्ध विहार आधु-या कामामुळे अनुयायांना धार्मिक कार्यक्रम करता येत नाहीत या न.प.प्रशासनाच्या उधासीन धोरणामुळे भिमवाडी या वस्तीतील बोअर बंद,कुठे नाल्या नाही तर कुठे नाल्या भरलेल्या असल्याने नागरिकांचे आरोग्य धोक्यात आल्याने केवळ मताचे राजकारण करणाऱ्या नेत्यांनी व न.प.प्रशासनाने या कडे त्वरित लक्षकेद्रित करुन कामे करावे अन्यथा होऊ घातलेल्या निवडणूकीत मतदान करावे की नाही अथवा बहिष्कार टाकावा लागेल असा खणखणीत इशाराच सामाजिक कार्यकर्ते भैयासाहेब आदोडे सर यांनी यावेळी दिला आहे. सामाजिक कार्यकर्ते भैयासाहेब आदोडे सर यांनी पुढे बोलताना सांगितले कि,शहरातील एक महत्वाची असलेली भिमवाडी ही एक मोठी वस्ती म्हणून ओळख आहे.या वस्ती कडे केवळ मताचे राजकारण म्हणून न पाहता त्याठिकाणी नागरी सुविधा पण प्रशासनाने किंवा न.पवर सत्ता असलेल्या नेत्यांनी देणे गरजेचे असते याचे भान जाग्यावर आणण्यासाठी होऊ घातलेल्

  वैद्यनाथ मंदिर शिखर प्रकरणाला नवे वळण: दीपक देशमुख यांच्यावर गुन्हा दाखल; ट्रस्टच्या विश्वस्तांनी मारहाण व जिवे मारण्याची धमकी दिल्याची दीपक देशमुख यांची पोलिसात तक्रार परळी वैजनाथ, प्रतिनिधी...          बारा ज्योतिर्लिंगापैकी पाचवे ज्योतिर्लिंग असलेल्या व कायम संवेदनशील असलेल्या परळीच्या वैद्यनाथ मंदिराच्या शिखरावर चढुन बांधकाम पाडल्यानंतर  माजी नगराध्यक्ष दिपक देशमुख व इतर तीन जणांविरुध्द परळी शहर पोलिस ठाण्यात सोमवारी रात्री गुन्हा दाखल करण्यात आला आहे. यानंतर या प्रकरणाने नवे वळण घेतले असून दीपक देशमुख यांनी देवस्थान ट्रस्टचे सचिव व विश्वस्तांनी आपल्या घरी येऊन शिवीगाळ व मारहाण करत वेळ मरण्याची धमकी दिल्याप्रकरणी पोलिसात धाव घेऊन तक्रार अर्ज दिला आहे.              माजी नगराध्यक्ष दिपक देशमुख यांनी आपल्या समर्थकांसह शनिवार दि.12 ऑक्टोबर रोजी बारा ज्योतिर्लिंगापैकी एक असलेल्या वैद्यनाथ मंदिराच्या शिखरावर चढुन बांधकाम पाडले.याप्रकरणी वैद्यनाथ देवस्थान ट्रस्टचे सचिव बाबासाहेब देशमुख यांच्या फिर्यादीवरुन सोमवार दि.14 ऑक्टोबर रोजी रात्री दिपक देशमुख व इतर 3 जणांविरुध्द कलम 298,299,

  घाटनांदूर येथील शादीखान्याची मागणी धनंजय मुंडेंनी केली पूर्ण शादीखान्यासाठी 75 लाख रुपये निधी मंजूर मुंबई (दि. 15) - बीड जिल्ह्याचे पालकमंत्री धनंजय मुंडे यांनी परळी मतदारसंघातील घाटनांदूर येथील मुस्लिम बांधवांना दिलेला शब्द पूर्ण केला असून, आज आचार संहिता लागण्यापूर्वी घाटनांदूर येथील शादीखाना उभारण्यासाठी अल्पसंख्यांक विकास विभागाकडून 75 लाख रुपये निधी खर्चास मान्यता देण्यात आली आहे.  याबाबतचा शासन निर्णय अल्पसंख्यांक विकास विभागाकडून आज निर्गमित करण्यात आला असून, याबद्दल धनंजय मुंडे यांनी अल्पसंख्याक विकास विभागाचे मंत्री अब्दुल सत्तार यांचे आभार मानले आहेत.  धनंजय मुंडे यांच्या माध्यमातून याआधी सिरसाळा येथील शादीखान्याचे बांधकाम पूर्ण झाले आहे. त्याचबरोबर बरदापुर, पोहनेर, मिरवट, धसवाडी, पिंपळा धायगुडा आदी गावांमध्ये शादीखाने उभारण्यास निधी उपलब्ध करून देण्यात आलेला आहे.

महाराष्ट्रात 20 नोव्हेंबरला मतदान; 23 नोव्हेंबरला निकाल; निवडणूक आयोगाची घोषणा महाराष्ट्र विधानसभा निवडणूक ही एकाच फेजमध्ये होणार आहे. संपूर्ण राज्यात एकाच दिवशी मतदान पार पडणार आहे. महाराष्ट्रात 20 नोव्हेंबरला मतदान पार पडणार आहे. तर 23 नोव्हेंबरला मतमोजणी केली जाईल, अशी महत्वाची माहिती निवडणूक आयुक्तांनी दिली. विधानसभेच्या निवडणुकीसाठी अर्ज करण्याची तारीख ही 22 ऑक्टोबरपासून सुरु होईल. उमेदवार 29 ऑक्टोबरपर्यंत आपला अर्ज दाखल करु शकणार आहेत. यानंतर 30 ऑक्टोबरला सर्व उमेदवारांच्या अर्जाची छाननी होईल. तर 4 नोव्हेंबर 2024 ला पर्यंत उमेदवार आपला उमेदवारी अर्ज मागे घेऊ शकणार आहेत, अशी माहिती निवडणूक आयुक्तांनी दिली आहे. 25 नोव्हेंबरपर्यंत निवडणुकीचा कार्यक्रम पूर्ण होणार आहे. निवडणूक आयोगाची पत्रकार परिषदेतील महत्त्वाचे मुद्दे सर्व पोलिंग स्टेशनवर सर्व सुविधा देण्यात येणार आहे. आम्ही रिव्ह्यू केला आहे. बऱ्याच सुधारणा केल्या आहेत. मुंबई महापालिकेच्या आयुक्तांना डीओबी जाहीर करण्यात आलं आहे. ते सर्व रिसोर्स वापरतील. लाइनच्यामध्ये खुर्ची आणि बेंच ठेवणार आहे. रांगेत उभं राहणाऱ्यांना बसायला मिळ

कृष्णा महाराज शास्त्री भगवानगडाचे उत्तराधिकारी; कोण आहेत महंत कृष्णा महाराज शास्त्री ? कधी बसणार गादीवर? जाणून घ्या... पाथर्डी....            संत भगवानबाबांची समाधी असलेल्या भगवानगडाचे उत्तराधिकारी म्हणून एकनाथवाडी (ता. पाथर्डी) येथील श्री क्षेत्र निरंजन संस्थानचे महंत कृष्णा महाराज शास्त्री यांची महंत डॉ. नामदेव महाराज शास्त्री यांनी निवड केली आहे. येथील संत ज्ञानेश्वर मंदिर २०२६ मध्ये पूर्ण होणार असून, त्याचवर्षी गडाचा अमृतमहोत्सवही आहे. त्यामुळे याच कार्यक्रमात कृष्णा महाराज शास्त्री यांच्याकडे गादीचे हस्तांतर होणार आहे. भगवानगडाचे ते चौथे महंत असतील.          सोमवारी (दि.१४) एकनाथवाडी येथून ग्रामस्थांनी सकाळी ८ वाजता कृष्णा महाराज शास्त्री यांना रथामध्ये बसवून ढोल, ताशा, टाळ, मृदंगाच्या निनादात हरिनामाचा जयघोष करत भगवानगडावर पोहोचविले. एकनाथवाडीपासून निघाल्यानंतर रस्त्यामधील मुंगसवाडे, श्रीपतवाडी, मालेवाडी, खरवंडी कासार, कीर्तनवाडी गावांमध्ये कृष्णा महाराज शास्त्री यांचे ग्रामस्थांनी स्वागत केले. ठिकठिकाणी जेसीबीच्या साहाय्याने फुलांचा वर्षावही केला. सायंकाळी ५ वाजता कृष्णा म

  हैद्राबादकडे कत्तलीसाठी जात असलेल्या 18 बैलांची मुक्तता,तिघांविरुध्द गुन्हा टेम्पोतुन जप्त केलेल्या एका बैलाचा मृत्यु परळी (प्रतिनिधी)  वडोदा बाजार येथुन हैद्राबादकडे एका टेम्पोमध्ये एकमेकांचे तोंड बांधून कत्तलीसाठी जात असलेल्या 18 बैलांची सुटका काही युवकांनी केली.याप्रकरणी संभाजीनगर पोलिस ठाण्यात सिल्लोड येथील तिघांविरुध्द गुन्हा दाखल करण्यात आला आहे.सुटका करण्यात आलेल्या 18 पैकी एका बैलाचा दुर्देवाने मृत्यु झाला.  सिरसाळा परिसरातील काही युवकांना एका टेम्पोतुन हैद्राबादकडे कत्तलीसाठी जनावरे जाणार असल्याची माहिती मिळताच आकाश लक्ष्मण तांबडे व अन्य युवक दि.13 ऑक्टोबर रोजी रात्री दहाच्या सुमारास जवळा पाटीवर थांबल्यानंतर आलेल्या एका टेम्पोला थांबण्याचा प्रयत्न केला परंतु हा टेम्पो न थांबल्याने त्याचा पाठलाग करत परळी येथील रिलायन्स पेट्रोलपंपासमोर अडवला असता त्यात 4 लाख 26 हजार रुपये किंमतीचे 18 बैल आढळुन आले.याप्रकरणी संभाजीनगर पोलिसांना कळविल्यानंतर आकाश तांबडे यांच्या फिर्यादीवरुन  सिल्लोड,जि.छत्रपती संभाजीनगर येथील शेख मोसिन शेख बशीर,आरबाज मस्तान शेख व कादीर शेख नजीर यांच्याविरुध्