माझी बातमी MB NEWS

काव्य महिला महाविद्यालयात स्वातंत्र्य दिनाचा उत्साहात साजरा   अंबाजोगाई ( प्रतिनिधी )   अंबाजोगाई येथील काव्य महिला महाविद्यालय स्वातंत्र्य दिन उत्साहात साजरा करण्यात आला.      महाविद्यालयाच्या प्रांगणात प्राचार्य करुणा देशमुख यांच्या हस्ते ध्वजारोहण करण्यात आला यावेळी प्राध्यापक शिक्षक इतर कर्मचारी मोठ्या संख्येने विद्यार्थी उपस्थित होते.  ध्वजारोहण नंतर काव्य महिला महाविद्यालयाचे अध्यक्ष जयंत करपे यांनी स्वतंत्र दिनाच्या सर्व विद्यार्थ्यांना शुभेच्छा दिल्या,प्राचार्य देशमुख यांनी उपस्थित असलेल्या विद्यार्थ्यांना स्वातंत्र्य संग्रामातील बलिदान संदेश दिला.       यावेळी प्राचार्य करुणा देशमुख प्रा, शशिकांत रहाडे ,फॅशन डिझाईनच्या शीला होके मॅडम पूजा नरवडे मॅडम आदमाने मॅडम गायत्री लोहिया मानसी मुळे पल्लवी गायकवाड मॅडम स्नेहल शिंदे किर्तन मॅडम संगणक विभागाच्या प्रमुख ऋतुजा शिंदे मॅडम कॉलेजचे ग्रंथपाल शिवाजी जाचक सर हे उपस्थित होते

शहरातील उघड्या गटारी, खड्ड्यामुळे अपघात, नगरपरिषदेने त्वरित खड्डे बुजवून घ्यावेत- अश्विन मोगरकर परळी वैजनाथ,प्रतिनिधी... मोंढा मार्केट येथे उघड्या व्हॉल्व्ह च्या खड्ड्यात चारचाकी गाडीचे चाक फसल्याने परळी नगरपरिषदेचा भोंगळ कारभार उघडा पडला आहे. गणेशपार येथील नालीही मागील दीड महिन्यांपासून खोदून ठेवल्याने अपघाताची शक्यता आहे. परळी नगरपरिषदेकडून आवश्यक कामाकडे कानाडोळा केला जात असल्याचा आरोप भाजपा सरचिटणीस अश्विन मोगरकर यांनी केला आहे.  परळी शहरात कोट्यवधींचा निधी विकासकामांसाठी आला आहे. रस्ते, नाली, भूमिगत गटार अश्या विविध विकास कामामुळे नागरिकांना सुविधा उपलब्ध करण्याऐवजी नगरपरिषदेच्या आंधळ्या कारभाराचा फटका मात्र नागरिकांना बसत आहे. शनिवार, दि 16 ऑगस्ट रोजी सकाळी मोंढा मार्केट मधील टेलर लाईन जवळ उघड्या स्थितीत असलेल्या व्हॉल्व्ह च्या खड्ड्यात चारचाकी वाहनाचे पुढील चाक गेल्याने अपघात झाला. यात गाडीचे नुकसान झाले मात्र सुदैवाने चालकाला कुठलीही दुखापत झाली नाही. यापूर्वीही अनेक नागरिक व  वाहने या उघड्या खड्ड्यात पडली आहेत. नगरपरिषदेकडे या भागातील व्यापाऱ्यांनी अनेक वेळा सांगूनही ...

चोरीप्रकरणी एक अटकेत; सोन्याचा गोपसहित 2.5 लाखांचा मुद्देमाल हस्तगत  संभाजीनगर परळी वैजनाथ पोलिसांची कौतुकास्पद कारवाई परळी वैजनाथ, प्रतिनिधी...      परळी वैजनाथ  बसस्थानक येथे गळ्यातील सोन्याचा गोप चोरीला गेल्याच्या घटनेचा छडा लावत संभाजीनगर पोलीस स्टेशनच्या पथकाने एकास अटक करत 25 ग्रॅम वजनाचा, अंदाजे 2.5 लाख रुपये किमतीचा सोन्याचा गोप हस्तगत केला. या कामगिरीचे सर्वत्र कौतुक होत आहे.           दि. 13 ऑगस्ट 2025 रोजी सकाळी 10.55 वाजता, फिर्यादी नाथराव माणिकराव फड (वय 67, रा. शंकर पार्वती नगर, परळी वै.) हे अंबाजोगाईला जाण्यासाठी परळी बसस्थानकावर बसमध्ये चढत असताना त्यांच्या गळ्यातील सोन्याचा गोप अज्ञात चोरट्याने लंपास केला. या प्रकरणी फिर्यादीने 14 ऑगस्ट रोजी संभाजीनगर पोलीस ठाण्यात तक्रार दाखल केली. त्यावरून गु.र.नं. 164/2025 भादंवि कलम 303(2) BNS अंतर्गत गुन्हा दाखल करण्यात आला. पोलिस अधीक्षक नवनीत काँवत यांच्या आदेशाने अप्पर पोलीस अधीक्षक श्रीमती तिडके यांच्या मार्गदर्शनाखाली, उपविभागीय पोलीस अधिकारी  शिंदे यांच्या सूचना घेऊन तपास...

प्रतिबंधित गुटख्याची वाहतूक उघड; 6.15 लाखांचा मुद्देमाल जप्त परळी वैजनाथ – बीड जिल्ह्यातील स्थानिक गुन्हे शाखेच्या पथकाने पेट्रोलिंग दरम्यान मोठी कारवाई करत सुमारे 6 लाख 15 हजार रुपये किंमतीचा प्रतिबंधित गुटखा व पानमसाला जप्त केला. ही कारवाई परळी तालुक्यातील नंदागौळ परिसरात करण्यात आली. स्थानिक गुन्हे शाखा पथकाला गुप्त बातमीदारामार्फत माहिती मिळाल्यानंतर सदर ठिकाणी सापळा रचण्यात आला. तपासणी दरम्यान एका चारचाकी वाहनातून विविध कंपनीचा पानमसाला व गुटखा आढळून आला. ही उत्पादने महाराष्ट्र राज्यात विक्रीस बंदी असतानाही आरोपी ही वाहतूक करत असल्याचे निष्पन्न झाले. पोलिसांनी अटक केलेल्या आरोपीचे नाव जाबाज खान समीर खान (वय 26, रा. मलिकपुरा, परळी) असे आहे. यासोबतच दोन आरोपी हे फरार आहेत. फरार आरोपींमध्ये अरबाज बशीर शेख (रा. पेट मोहल्ला, परळी) व दुसऱ्या आरोपीचे संपूर्ण नाव अद्याप मिळालेले नाही. जप्त मुद्देमालाची एकूण किंमत सुमारे 6,15,000 रुपये असून, यामध्ये गुटखा, पानमसाला व वापरलेले वाहन यांचा समावेश आहे. ही कामगिरी पोलीस निरीक्षक शिवाजी बंटेवाड यांच्या मार्गदर्शनाखाली हे.कॉ. रामचं...

  परळी : झुरळे गोपीनाथ मंदिरात श्रीकृष्ण जन्मोत्सव कार्यक्रमाचे आयोजन  परळी :श्रीकृष्ण जन्मानिमित्त येथील झुरळे गोपीनाथ मंदिरामध्ये १५ ऑगस्ट रोजी रात्री ११.३० वाजता  ह.भ.प. वेदमूर्ती रवींद्र महाराज वेताळ यांच्या अमृततुल्यवाणी मधून भगवान श्रीकृष्ण जन्माख्यान व पवमान सूक्त अभिषेक होणार आहे रात्री १२ वाजता श्रीकृष्ण जन्मोत्सव सोहळा आयोजित करण्यात आला आहे. . 14 ऑगस्ट रोजी रात्री बारा वाजल्यापासून गोकुळाष्टमी निमित्त दर्शन सुरू होणार आहे व 15 ऑगस्ट रोजी  रात्री दहा ते साडेअकरा दरम्यान अभिषेक होणार आहे. साडेअकरा वाजता प्रवचन होणार आहे. रात्री १२ वाजता श्रीकृष्ण जन्मोत्सव कार्यक्रम होणार आहे तरी  सर्व भाविक भक्तांनी या कथेचा लाभ घ्यावा  असे आवाहन झुरळे गोपीनाथ मंदिराचे मुख्य पुजारी सौ वैशाली  बडवे ,अनिल बडवे ,स्वप्निल बडवे ऋग्वेद बडवे ,संजय बडवे यांनी केले आहे

  महाराष्ट्रातील 15 सरपंच स्वातंत्र्यदिनी विशेष पाहुणे म्हणून उपस्थित राहणार 9 महिला सरपंचांचा समावेश नवी दिल्ली,13: राजधानी दिल्ली येथे लाल किल्ल्यावर 15 ऑगस्ट 2025 रोजी होणाऱ्या 79 व्या स्वातंत्र्यदिन सोहळ्यासाठी देशभरातील 28 राज्ये आणि केंद्रशासित प्रदेशांमधील 210 ग्रामपंचायत सरपंचांना विशेष पाहुणे म्हणून आमंत्रित करण्यात आले आहे. यामध्ये महाराष्ट्रातील एकूण 15  सरपंचांचा समावेश असून यात 9 महिला सरपंच आहेत. 15 ऑगस्ट रोजी हे सर्व सरपंच लाल किल्ल्यावरील स्वातंत्र्यदिन सोहळ्यास उपस्थित राहून या ऐतिहासिक क्षणाचे साक्षीदार ठरणार आहेत. केंद्र सरकारच्या पंचायती राज विभागाकडून या सर्व  सरपंचांचा विशेष सन्मान होणार आहे. या सरपंचांनी आपल्या गावांमध्ये पायाभूत सुविधा, सार्वजनिक सेवा आणि सर्वसमावेशक उपक्रमांमध्ये उल्लेखनीय सुधारणा घडवल्या आहेत. ‘हर घर जल’, ‘प्रधानमंत्री आवास योजना – ग्रामीण’, ‘मिशन इंद्रधनुष’ यांसारख्या केंद्र सरकारच्या योजनांचे शंभर टक्के प्रभावी कार्यान्वयन करताना स्थानिक गरजांनुसार नवीन उपक्रमही राबवले आहेत. महाराष्ट्रातून निवड झालेले ग्रामपंचायत सरपंच खालीलप्र...

  तेली समाजाच्या वतीने वैद्यनाथ बॅकचे चेअरमन विनोद सामत विक्रमी मतांनी विजयी झाल्याबद्दल सत्कार  परळी वैजनाथ दि.१३ (प्रतिनिधी)          वैद्यनाथ बॅकेच्या संचालक मंडळाच्या पंचवार्षिक निवडणूकीत बॅकेचे चेअरमन विनोद सामत व संपूर्ण संचालक मंडळ विक्रमी मतांनी विजयी झाल्याबद्दल येथील तेली समाजाच्या वतीने शाल, पुष्पहार, श्रीफळ देऊन सत्कार करण्यात आला.                येथील दि वैद्यनाथ को ऑपरेटिव्ह बॅकेच्या संचालक मंडळाच्या निवडणुकीत मंगळवारी (ता.१२) झालेल्या मतमोजणी मध्ये मंत्री पंकजा मुंडे व आमदार धनंजय मुंडे यांच्या नेतृत्वाखाली चेअरमन विनोद सामत व संपूर्ण संचालक मंडळ विक्रमी मतांनी विजयी झाले. याबदल तेली समाजाच्या वतीने महाराष्ट्र प्रांतिक तैलिक महासभेचे जिल्हाध्यक्ष संगमेश्वर फुटके, कोलूघाणा सेवा सहकारी सोसायटीचे अध्यक्ष सुरेश लांडगे, श्री शनी मंदिर देवस्थान ट्रस्टचे अध्यक्ष शिवा लांडगे, शिवकुमार व्यवहारे,महाराष्ट्र प्रांतिक तैलिक महासभेचे नांदेड विभाग उपाध्यक्ष प्रा प्रविण फुटके, महाराष्ट्र प्रांतिक तैलिक महासभेचे जि...

  ग्रामपंचायतीच्या अनागोंदी कारभाराविरोधात बेमुदत धरणे आंदोलन परळी / प्रतिनिधी वित्त आयोग व इतर शासनाच्या सर्व योजनेतून मोहा ग्रामपंचायत हद्दीत सण 2021-25 काळात शासनाचा किती निधी प्राप्त झाला व तो ठिकाणासह कोणत्या कामावर खर्च झाला? याचा पारदर्शक तपशील जनतेला देण्यात यावा यासह इतर मागण्या घेत मार्क्सवादी कम्युनिस्ट पक्ष व गावकऱ्यांनी ग्राम पंचायतच्या अनागोंदी कारभाराविरोधात ग्राम पंचायत कार्यलयासमोर बेमुदत धरणे आंदोलन सुरू केले असून आज या आंदोलनाचा दुसरा दिवस आहे.  बनावट बोगस लाभार्थी दाखवत गावातील ओबीसींच्या तीन घरकुलाचा निधी हडप करणाऱ्या सर्व दोषींना कठोर शासन करण्यात यावे, वित्त आयोग व शासनाकडून गावाच्या विकासासाठी आलेल्या निधीचा विनियोग कुठे आणि कसा करण्यात आला याचा पारदर्शक तपशील गावकऱ्यांना देण्यात येऊन कोणते काम केले हे गावकऱ्यांना निदर्शनास आणून द्यावे. ग्राम पंचायती कडून सातत्याने ग्रामसभा टाळून पंचायत राज शासन प्रणालीला हरताळ पुसण्याचे काम सुरू ही कार्यपद्धती तात्काळ थांबविण्यात यावी.ग्रामपंचायत बैठका संदर्भात आदल्या दिवशी शॉर्ट निरोप देऊन दुसऱ्या दिवशी अचानक बैठक ल...

  वैष्णवी गित्तेचा आंतरराष्ट्रीय संशोधनात यशस्वी सहभाग: संशोधन पेपर प्रकाशित परळी वैजनाथ, प्रतिनिधी: छत्रपती संभाजीनगर येथील जवाहरलाल नेहरू अभियांत्रिकी महाविद्यालयाच्या (JNEM) अंतिम वर्षाच्या विद्यार्थिनी वैष्णवी शिवाजी गीते हिने आपल्या संशोधन प्रवासात मोठे यश मिळवले आहे. वैष्णवी ही परळी तालुक्यातील नंदागौळ येथील सुकन्या आहे. “Behavior of Zener Diode for AC Input and Applications” या विषयावर केलेले तिचे संशोधन 1st International Conference on Sensors and Microsystems (ICSM-2024) या आंतरराष्ट्रीय परिषदेतील निवडक पेपर्समध्ये स्थान मिळवून, Springer Nature Link या प्रतिष्ठित प्रकाशनाच्या माध्यमातून जागतिक स्तरावर प्रकाशित झाले आहे. परळी तालुक्यातील नंदागौळ येथील सुकन्या वैष्णवीने तिचा संशोधन प्रवास दुसऱ्या वर्षात सुरू केला. सुरुवातीला तिला समस्या विधान समजून घेण्यासाठी जवळपास वर्षभराचा कालावधी लागला, परंतु तिने चिकाटीने अभ्यास सुरू ठेवत, सलग दोन वर्षे प्रयोग, वाचन आणि विश्लेषण यामध्ये घालवले. तिच्या प्रकल्पात झेनर डायोड व LDR चा वापर करून DC मोटरचे वेग व दिशा नियंत्रण करण्याची एक अभिनव...

  विविध मागण्यांसाठी बीड जिल्हा आशा वर्कर्स व गटप्रवर्तक युनियन चा १८ पासून साखळी उपोषणाचा इशारा परळी वैजनाथ, प्रतिनिधी....      विविध मागण्यांसाठी बीड जिल्हा आशा वर्कर्स व गटप्रवर्तक युनियन ने १८ तारखे पासून साखळी उपोषणाचा इशारा दिला आहे.याबाबत तालुका आरोग्य अधिकारी यांना निवेदन देण्यात आले आहे.          महाराष्ट्र शासन व केंद्रशासन यांनी त्याच्याकडील येणे असलेली सर्व प्रकारची रक्कम जुन २०२५ अखेर जिल्हास्तरावर पाठवून दिली आहे व जिल्हास्तरावरून सर्व तालुकास्तरावर पाठवून देण्यात आली आहे. जिल्हातील सर्व तालुका आरोग्य अधिकारी यांनी जुन २०२५ पर्यंतचे सर्व लाभ आशांना दिले आहते. फ़क्त आपल्याच परळी तालुक्यात देण्यात आले नाही. जाणुन बूजुन आशाच्या मागण्यांकडे दूर्लक्ष करण्यात येत आहे.         १.केंद्र सरकारचा कोवीड भत्ता ऑक्टोंबर २०२१ ते मार्च २०२२ या काळातील प्रती महिना १००० प्रमाणे ६००० सहा हजार देण्यात यावा.२. जुन अखेर आशाचे केंद्र व राज्य सरकारचे मानधन देण्यात यावे.३. आरोग्यवर्धिनीचे थकित ३ वर्षाचे मानधन देण्यात यावे तसेच याप...

शासकीय निवासस्थान संदर्भात आ.धनंजय मुंडे यांची प्रतिक्रिया मुंबई शहरातील सातपुडा हे शासकीय निवासस्थान मी रिक्त केले नसल्याबाबत माध्यमांमध्ये वेगवेगळ्या बातम्या येत आहेत. मुंबईतील माझी सदनिका सध्या राहण्या योग्य नसून, त्याठिकाणी दुरुस्तीचे काम सुरू आहे.  शिवाय माझ्या लहान मुलीची शाळा याच भागात असून माझ्या विविध आजारांवरील उपचारार्थ देखील मला मुंबईत राहणे गरजेचे आहे. मात्र या परिसरात तातडीने  भाड्याने घर मिळणे सध्या कठीण आहे, माझा शोध ही सुरु आहे.  माझ्या सदनिकेचे काम पूर्ण होताच मी शासकीय निवासस्थान रिक्त करणार असून, तशी शासनाकडे विनंती केली आहे. - आ.धनंजय मुंडे

फेसबुकवर या 'पोस्टचा' भडिमार:"मी मेटा ला माझ्या वैयक्तिक फोटो व माहिती वापरण्याची परवानगी देत नाही" "मी मेटा (Meta) ला माझ्या वैयक्तिक फोटो व माहिती वापरण्याची परवानगी देत नाही" अशा प्रकारच्या पोस्ट्स सध्या फेसबुकवर मोठ्या प्रमाणावर दिसत आहेत, आणि त्या शेअर करताना लोक असं समजतात की अशा पोस्टमुळे त्यांची वैयक्तिक माहिती सुरक्षित राहील किंवा मेटा ती वापरणार नाही. यामागचं सत्य काय आहे? ही पोस्ट्स पूर्णपणे गैरसमजावर आधारित आहेत आणि त्यांना कोणताही कायदेशीर आधार नाही . अशा प्रकारच्या पोस्ट्स अनेक वेळा पूर्वीही (2012, 2016, 2019 इ.) वेगवेगळ्या वर्षी सोशल मीडियावर फिरत असतात. त्या एकप्रकारच्या "hoax chain posts" असतात. फेसबुकवर पोस्ट करून तुम्ही कोणतेही कायदेशीर हक्क राखू शकत नाहीत फेसबुक/मेटा वापरण्याच्या अटींमध्ये (Terms of Service) तुम्ही सहमती देता की त्यांना तुमचा डेटा त्यांच्या धोरणानुसार वापरण्याची परवानगी आहे. तुम्ही त्यांच्या प्लॅटफॉर्मचा वापर करत असताना त्यांचे नियम स्वीकारलेले असतात. तुमची वैयक्तिक माहिती व गोपनीयता कशी हाताळली जा...

  वैद्यनाथ बँकेचे विजयी उमेदवार गोपीनाथ गडावर नतमस्तक; डाॅ प्रीतम मुंडेंनी केला सत्कार यशःश्रीवर प्रज्ञाताई मुंडे यांनी पेढा भरवून केले सर्व विजयी संचालकांचे अभिनंदन परळी वैजनाथ।दिनांक १२। वैद्यनाथ अर्बन बँकेच्या निवडणुकीत दणदणीत विजय संपादन केलेले सर्वच्या सर्व विजयी उमेदवारांनी आज संध्याकाळी गोपीनाथ गडावर येऊन लोकनेते मुंडे साहेबांच्या समाधीचे दर्शन घेतले. याठिकाणी डाॅ. प्रीतम मुंडे यांनी सर्वांचा सत्कार केला तर यशःश्री निवासस्थानी प्रज्ञाताई मुंडे यांनी सर्वांचे पेढा भरवून अभिनंदन केले.    वैद्यनाथ बँकेच्या निवडणुकीचा निकाल आज जाहीर झाला. सर्वच्या सर्व १७ संचालक यात मोठे मताधिक्य घेऊन विजयी झाले. ना. पंकजाताई मुंडे यांचे या बँकेवर पुन्हा एकदा वर्चस्व कायम राहीले. निकालानंतर बँकेचे अध्यक्ष विनोद सामत, उपाध्यक्ष रमेश कराड यांच्यासह सर्व संचालकांनी गोपीनाथ गडावर नतमस्तक होऊन मुंडे साहेबांच्या समाधीचे दर्शन घेतले. या निवडणुकीत बिनविरोध निवडून आलेल्या संचालिका व माजी खासदार डाॅ.प्रितम मुंडे यांनी याठिकाणी सर्वांचे पुष्पहार घालून स्वागत केले. यानंतर हया सर्व उमेदवारांनी यश...

वैद्यनाथ बँक निवडणूक: कोणत्या उमेदवारांना किती मते मिळाली ? परळी वैजनाथ, प्रतिनिधी....      वैद्यनाथ को-ऑपरेटिव बँकेच्या निवडणुकीत पंकजा मुंडे व धनंजय मुंडे यांच्या नेतृत्वाखाली लोकनेते गोपीनाथराव मुंडे जनसेवा पॅनलने घवघवीत यश मिळवले असुन सर्वच्या सर्व म्हणजे 17 जागा या पॅनलच्या आलेल्या आहेत. दरम्यान तेरा जागेसाठी झालेल्या निवडणुकीची मतमोजणी आज झाली. या मतमोजणीत या पॅनलचे सर्वच्या सर्व उमेदवार मोठे मताधिक्य घेऊन विजयी झाले आहेत. वैद्यनाथ बँक संचालक मंडळ निवडणूक 2025 मध्ये निवडणूक लढवलेल्या कोणत्या उमेदवारांना किती मते मिळाली हे जाणून घेऊया... सर्वसाधारण मतदारसंघ, निवडावयाच्या जागा - १२ उमेदवाराचे नाव व मिळालेली मते १. कलंत्री मनमोहन चंदुलालजी  14587 २.जैन कुलभूषण शांतिलालजी 14588 ३.जोशी प्रकाश रंगनाथराव 14533 ४.डुबे अमोल विकासराव 14514 یاदेशपांडे प्रविण भाउसाहेब 14371 ६.धमपलवार वैजनाथ नागनाथ 1085 ७.निर्मळे महेश्वर शिवशंकर 14366 ८.मुंडे राजाराम लक्ष्मण  14556 ९.लाहोटी संदीप सत्यनारायण 14610 १०.लोमटे राजेंद्र भगवानराव 14573 ११.लोमटे सुशांत शरदराव 14552...

लोकनेते गोपीनाथराव मुंडे जनसेवा पॅनलच्या सर्वच उमेदवारांचा दणदणीत विजय  परळी वैजनाथ, एमबी न्यूज वृत्तसेवा....           मराठवाड्यातील अग्रगण्य बँक म्हणून परिचित असलेल्या दि वैद्यनाथ अर्बन को-ऑपरेटिव बँकेच्या संचालक मंडळ निवडणुकीत झालेल्या 13 जागेच्या निवडणुकीत पंकजा मुंडे व धनंजय मुंडे यांच्या संयुक्त नेतृत्वाखालील लोकनेते गोपीनाथराव मुंडे जनसेवा पॅनलचे सर्व उमेदवार निवडून आले आहेत. या पॅनलच्या चार जागा यापूर्वीच बिनविरोध निवडून आल्या होत्या. निवडणूक निकालानंतर सर्वच्या सर्व संचालक मंडळाच्या जागा या पॅनलच्या आल्याने बँकेवर पुन्हा एकदा मुंडे बंधू भगिनींचे वर्चस्व कायम राहिले आहे.        वैद्यनाथ को-ऑपरेटिव बँकेच्या एकूण 17 संचालकांच्या जागा आहेत. यापैकी चार जागा यापूर्वी बिनविरोध निवडून आलेल्या आहेत. सर्वसाधारण मतदारसंघाच्या बारा जागेसाठी आणि भटक्या विमुक्त जाती मतदारसंघातील एका जागेसाठी अशा एकूण 13 जागेसाठी प्रत्यक्ष मतदान झाले. या निवडणुकीत मंत्री पंकजा मुंडे व माजी मंत्री धनंजय मुंडे यांच्या नेतृत्वाखालील लोकनेते गोपीनाथराव मुंडे जनसेव...

भेदभावना दूर सारून संस्कृत भाषा मानवाला जोडते! संस्कृतदिन समारंभात पं. चंद्रदेव आचार्य परळी वैजनाथ, दि.१२ -      जातिभेद, पंथभेद, उच्च-नीचता, भाषिक,  प्रांतीय व वांशिक भेदभावना दूर सारून संस्कृत भाषा ही  मानवसमूहाला एकसंघ जोडण्याचे आणि समग्र विश्वात शाश्वत सुख आणि शांतता प्रस्थापित करण्याचे कार्य करते, असे प्रतिपादन संस्कृत साहित्याचे गाढे अभ्यासक आचार्य पंडित चंद्रदेव शास्त्री यांनी केले.          येथील संस्कृत प्रेमींच्या वतीने नुकताच आर्य समाज येथे सामूहिक संस्कृत दिन साजरा करण्यात आला. त्याप्रसंगी प्रमुख पाहुणे म्हणून श्री चंद्रदेवजी आचार्य बोलत होते. अध्यक्षस्थानी महाराष्ट्र आर्य प्रतिनिधी सभेचे प्रधान स्वामी विद्यानंद सरस्वती हे होते. तर यावेळी व्यासपीठावर सर्वश्री उग्रसेन राठौर, पं. राजेश आर्य, आचार्य सत्येंद्रजी, रंगनाथ तिवार, लक्ष्मणआर्य गुरुजी, पुरस्कारप्रदाते संज्योत जयपाल लाहोटी, गोवर्धन चाटे यांच्यासह इतर मान्यवर उपस्थित होते.          श्री चंद्रदेवजी यांनी आपल्या अभ्यासपूर्ण भाषणात संस्कृत भाषेच्य...

  परप्रांतीय तरुणीवर तिघांचा बलात्कार परळी वैद्यनाथ, प्रतिनिधी..          काम देण्याचे आमिष दाखवून एका तृतीयपंथीयाने परप्रांतीय २० वर्षीय तरुणीला आपल्या साथीदारांच्या हवाली केले आणि तिघांनी आळीपाळीने तिच्यावर सामूहिक बलात्कार केल्याची खळबळजनक घटना  परळी तालुक्यातील अस्वलआंबा शिवारात शनिवारी पहाटे उघडकीस आली. याप्रकरणी तृतीयपंथीयासह चौघांवर अंबाजोगाई ग्रामीण पोलिस ठाण्यात गुन्हा नोंदवण्यात आला असून, तिघांना पोलिसांनी ताब्यात घेतले आहे. घटनेतील पीडिता मूळची हैदराबाद येथील असून,मुंबईत घरगुती साफसफाईच्या कामावर होती. तिने दिलेल्या फिर्यादीनुसार, ती मुंबईहून हैदराबादला जाण्यासाठी रेल्वेने निघाली होती. भूक लागल्याने ती परळीत उतरून एका हॉटेलमध्ये जेवत असताना तृतीयपंथी पूजा गुट्टे हिची नजर तिच्यावर पडली. पूजाने बोलत बोलत तिची गरज जाणून घेतली आणि काम मिळवून देण्याचे आमिष दाखवले. त्यानंतर पूजाने सतीश अण्णासाहेब मुंडे (रा. डाबी, ता. परळी) आणि मोहसीन सरदार पठाण (रा. शिवाजीनगर, परळी) या दोघा साथीदारांना बोलावून घेतले. त्यानंतर ते तिघे पीडितेला मोटारसायकलवर बसवून अस...

 'इक आह भरी होगी, हमने न सुनी होगी, जाते जाते तुमने आवाज तो दी होगी' लातुरात ना. पंकजा मुंडे यांनी  जागवलेल्या लोकनेते मुंडे साहेबांच्या आठवणीने वातावरण भारावले ! लातूर ।दिनांक ११। 'इक आह भरी होगी, हमने न सुनी होगी, जाते जाते तुमने आवाज तो दी होगी' अशा शब्दांत राज्याच्या पर्यावरण व पशुसंवर्धन मंत्री ना. पंकजा मुंडे यांनी जागवलेल्या लोकनेते मुंडे साहेबांच्या आठवणीने वातावरण भारावून गेले. मुख्यमंत्री देवेंद्र फडणवीस यांच्या हस्ते आज लातूर येथे लोकनेते गोपीनाथ मुंडे यांच्या पूर्णाकृती पुतळ्याचे अनावरण झाले.त्यावेळी बोलताना पंकजा मुंडे चांगल्याच भावूक झाल्या.        मी त्यांच्यावर मी एक डॉक्युमेंट्री बनवली होती. त्यावेळी काय ओळी म्हणाव्या ते मला सुचत नव्हते. 'इक आह भरी होगी, हमने न सुनी होगी, जाते जाते तुमने आवाज तो दी होगी,' असे म्हणताच त्यांना हुंदका दाटून आला.      पंकजा मुंडे म्हणाल्या, आज माझे वडील तथा आपल्या सर्वाचे लोकनेते गोपीनाथराव मुंडे यांची कर्मभूमी असलेल्या लातूर येथील जिल्हा परिषदेच्या प्रांगणात त्यांचा पूर्णाकृती पुतळा बसवण्यात आ...

  माजी नगराध्यक्ष बाजीराव भैय्या धर्माधिकारी यांच्या वाढदिवसा निमित्त आयोजित रक्तदान शिबिरात तब्बल ६२ दात्यांचे रक्तदान ! रक्तदात्यांचा हिरिरीने सहभाग; अनेेकांनी स्वयंस्फूर्त केलं रक्तदान परळी वैजनाथ/ प्रतिनिधी......        परळी शहरातील कर्तृत्ववान उमदे युवा नेतृत्व व परळीच्या सर्वांगीण विकासाचा मुख्यदुवा म्हणून यशस्वी कारकीर्द निर्माण केलेले माजी नगराध्यक्ष तथा राष्ट्रवादी काँग्रेसचे लोकप्रिय शहराध्यक्ष बाजीराव भैय्या धर्माधिकारी यांच्या वाढदिवसा निमित्त आज (दि.११) रोजी आयोजित रक्तदान शिबिराला  दरवर्षी प्रमाणेच उत्स्फूर्त प्रतिसाद मिळाला. या  शिबिरात तब्बल ६२ रक्तदात्यांनी रक्तदान केले.        राज्याचे माजीमंत्री आ.धनंजय मुंडे यांच्या प्रेरणेने बाजीराव भैय्या धर्माधिकारी मित्रमंडळाच्या वतीने माजी नगराध्यक्ष बाजीराव भैया  धर्माधिकारी यांच्या वाढदिवसा निमित्त आज दिनांक 11 ऑगस्ट रोजी स्व. श्री. मणिक बाजीराव धर्माधिकारी सभागृह, आंबेवेस, परळी वैजनाथ येथे रक्तदान शिबीर आयोजित करण्यात आले होते. सकाळी या शिबिराचा शुभारंभ डॉ. जे. ज...

  परळीतील जनप्रिय नेतृत्व: बाजीराव भैय्या धर्माधिकारी जनतेच्या मनातील नेता – माननीय बाजीराव प्रकाशराव धर्माधिकारी (माजी नगराध्यक्ष, सध्याचे राष्ट्रवादी काँग्रेस पार्टी परळी शहराध्यक्ष)            परळीचे नाव घेतले की अनेक राजकीय व सामाजिक कार्यकर्त्यांची नावे पुढे येतात. परंतु त्यामध्ये एक नाव असे आहे जे नेहमीच लोकांच्या मनात घर करून राहिले आहे – माननीय बाजीराव प्रकाशराव धर्माधिकारी. आपल्या प्रामाणिक, कर्तृत्ववान व लोकाभिमुख कार्यामुळे त्यांनी परळीकरांच्या हृदयात मानाचे स्थान निर्माण केले आहे. “परहितार्थं यदि कर्तव्यमेव, जीवनस्य तदर्थं प्रयत्नः करोमि” (परहितासाठी केलेला प्रयत्न हेच खरे जीवन आहे राजकीय व सामाजिक वारसा त्यांचे आजोबा, स्व. माणिक बाजीराव धर्माधिकारी – परळी शहराचे माजी उपनगराध्यक्ष – हे सामाजिक जाणीव व दूरदृष्टी असलेले व्यक्तिमत्त्व होते. मलिकपुरा, माणिक नगर, डॉ. बाबासाहेब आंबेडकर नगर, छत्रपती शिवाजी नगर अशा अनेक वस्त्यांमध्ये विविध जाती-धर्मातील नागरिकांना अत्यल्प दरात जागा उपलब्ध करून देऊन वसाहती उभारल्या. परळी पंचायत समिती, पोलिस कॉलनी, प...

समुह गायन स्पर्धेत परळीच्या संघाला  द्वितीय पारितोषिक  सर्वोत्कृष्ट सादरीकरणाने उपस्थितांची मने जिंकली  श्रमानेच उध्दार या गिताला बक्षीस  परळी (प्रतिनिधि) : महाराष्ट्र कामगार कल्याण मंडळाच्या वतीने आयोजित गटस्तरीय समुह गायन स्पर्धेत परळीच्या संघाला द्वितीय पारितोषिक मिळाले. क्रांतीदिनानिमित्त महाराष्ट्र कामगार कल्याण मंडळाच्या वतिने समुह गायन स्पर्धेचे आयोजन करण्यात आले होते. लातूर येथील कामगार कल्याण भवनात शनिवार या स्पर्धा संपन्न झाल्या. या स्पर्धेत परळीच्या समुह गायन संघास द्वितीय पारितोषिक मिळाले. या स्पर्धेचे बक्षीस वितरण विवेकानंद रूग्णालयाचे अधिक्षक डाॅ. राधेश्याम कुलकर्णी, प्रा. शिवानंद पटवारी, कामगार कल्याण अधिकारी प्रसाद धस,  प्रा. ज्योती डोंगरे, संतोष धाराशिवकर, जनार्दन तळीखेडे यांच्या हस्ते झाले. समुह गायन संघात कपील चौधरी, पांडुरंग काकडे, वैष्णवी सावजी, राधिका बजाज, नेतल शर्मा, अवनी जोशी, आरती चौधरी, सरस्वती मुंडीक, श्रीलेखा कांबळे, सेजल कराड, राशी रामदिनलवार, सुनिता सावजी यांचा सहभाग होता.हे सर्व विद्यार्थी विदेह संगीतालय भक्ताश्रम गणेश पार या प्...

  वैद्यनाथ बँक निवडणूक 2025 सरासरी एकूण 37.5% मतदान  परळी वैजनाथ, प्रतिनिधी...     वैद्यनाथ को-ऑपरेटिव्ह बँक संचालक मंडळ निवडणुकीसाठी आज विविध ठिकाणी प्रत्यक्ष मतदानाची प्रक्रिया पार पडली. दुपारी चार वाजता मतदान संपले. या निवडणुकीसाठी सरासरी एकूण 37.5 टक्के इतके मतदान झाले आहे.        या निवडणुकीसाठी एकूण 36 ठिकाणी मतदान झाले. परळीपासून ते मुंबई पर्यंत असलेल्या मतदान केंद्रावर  मतदारांनी आपला मतदानाचा हक्क बजावला. वैद्यनाथ बँक निवडणुकीसाठी एकूण 43 हजार 962 इतकी मतदार संख्या होती. प्रत्यक्षात मतदानाच्या वेळी 16 हजार 287 इतक्या मतदारांनी आपला मतदानाचा हक्क बजावला. एकूण झालेल्या मतदानाची ही सरासरी 37.5 इतकी आहे. एकंदरीतच पाहता वैद्यनाथ बँकेच्या या निवडणुकीत मतदानाची नेहमीपेक्षा कमी टक्केवारी असल्याचे दिसून येते.      दरम्यान, वैद्यनाथ बँक निवडणुकीसाठी एकूण 17 जागा होत्या त्यापैकी चार जागा या अगोदरच पंकजा मुंडे व धनंजय मुंडे यांचे नेतृत्वाखालील लोकनेते गोपीनाथराव मुंडे जनसेवा पॅनल ने जिंकलेल्या आहेत. उर्वरित 13 जागांसाठी आजची म...