माझी बातमी MB NEWS

  परळीत विजेचा अखंडित खोळंबा: खासदारांच्या कार्यक्रमातही वीज गुल; नागरिकांतील संतापाच्या भावनांची दखल घ्या - ॲड. जीवन देशमुख  परळी वैजनाथ (प्रतिनिधी)      परळीतील महावितरणाचा ठरलेला  नेहमीचा सिरस्ता सुरुच आहे. शहरात रात्रंदिवस विजेचा लपंडाव सुरू आहे. यामुळे नागरिकांमध्ये संतापाचे वातावरण निर्माण झाले आहे. विशेष म्हणजे खासदार स्वतः परळीत असतांना भर कार्यक्रमात ही वीज खंडित झाली. एवढा गलथानपणा सुरु असुन याची संबंधितांनी दखल घ्यावी अन्यथा आंदोलन करण्याचा इशारा राष्ट्रवादी काँग्रेस शरद पवार पक्षाचे शहराध्यक्ष ॲड. जीवन देशमुख यांनी दिला आहे.     वीजवितरण कंपनीने मात्र नेहमीप्रमाणेच  आपला गलथान कारभार  सुरूच ठेवलेला आहे.भर उन्हाळा सुरु झाला तसा विजेचा लपंडावही सुरू झाला आहे. असंख्य वेळा नागरिकांनी आमच्या भागातील वीजपुरवठा  सुरळीत चालू ठेवावा, विविध ठिकाणी असलेल्या त्रुटी दूर कराव्यात, वीजपुरवठा सुरळीत चालू ठेवावा अशी वारंवार मागणी केली पण याची दखल वीजवितरण कंपनीने घेतलेली नाही.याचा नागरिकांना मोठा त्रास सहन करावा लागत आहे. वीजवितरण कंपन...

  गाढे पिंपळगाव येथे अखंड हरिनाम सप्ताह व ज्ञानेश्वरी पारायण सोहळा व शिवकथेची उत्साहात सुरुवात परळी वैजनाथ दि.१९ (प्रतिनिधी)           तालुक्यातील गाढे पिंपळगाव येथे गेल्या १५२ वर्षांची परंपरा असलेला ग्रामदैवत श्री.पापदंडेश्वर पालखी सोहळ्यानिमित्त शनिवारी (ता.१९) पासून शुक्रवार (ता.२५) पर्यंत अखंड हरिनाम सप्ताह व ज्ञानेश्वरी पारायण सोहळा व शिव कथेचे आयोजन करण्यात आले असून पंचक्रोशीतील भाविक भक्तांनी या सोहळ्यास सहभागी होण्याचे आवाहन गावकऱ्यांच्या वतीने करण्यात आले आहे.                दिडशे वर्षांची परंपरा असलेला श्री.पापदंडेश्वर पालखी सोहळ्या निमित्त शनिवार पासून अखंड हरिनाम सप्ताह व ज्ञानेश्वरी पारायण सोहळा व शिव कथेचा प्रारंभ झाला. या हरिनाम सप्ताहात शनिवारी सोपान महाराज नानवटे, रविवारी अॅड पांडुरंग महाराज लोमटे धाराशीव, सोमवारी माऊली महाराज खडकवाडीकर, मंगळवारी अविनाश महाराज घुले टाकळीकर, बुधवारी प्रभाकर महाराज झोलकर, गुरुवारी महादेव महाराज चाकरवाडीकर,वासुदेवानंद महाराज टाकळीकर यांचे काल्याचे किर्तन शुक्रवारी १२ ते ...

स्व.बाबासाहेब आगे यांच्या कुटुंबियांना ना. पंकजा मुंडेंनी दिला मायेचा आधार! जिल्हाध्यक्षा मार्फत मदत सुपूर्द; पत्नीला नोकरी देण्याचा दिला शब्द अचानक मुंबईला जावे लागल्याने पुढील दौऱ्यात परिवाराला भेटणार बीड।दिनांक १९। भाजपचे जिल्हा विस्तारक स्व. बाबासाहेब आगे यांच्या कुटुंबियांशी राज्याच्या पर्यावरण व वातारणीय बदल तसेच पशुसंवर्धन मंत्री ना. पंकजाताई मुंडे यांनी दुपारी दूरध्वनीवरून संवाद साधला. आगे कुटुंबाला आर्थिक मदत करत त्यांच्या पत्नीला नोकरी मिळवून देण्याचा शब्द त्यांनी दिला. बीडच्या पुढील दौऱ्यात आपण आगे परिवाराची  प्रत्यक्ष भेट घेणार असल्याचे त्यांनी सांगितले.    ना. पंकजाताई मुंडे आज मुख्यमंत्री देवेंद्र फडणवीस यांच्यासमवेत घाटशीळ पारगाव येथे नारळी सप्ताहात उपस्थित होत्या. नियोजित दौर्‍यानुसार त्या किट्टी आडगाव येथे जाऊन स्व. बाबासाहेब आगे यांच्या परिवाराला भेटणार होत्या परंतू अचानक मिटिंगसाठी मुंबईला जावे लागल्याने त्यांच्या सूचनेनुसार भाजपचे जिल्हाध्यक्ष शंकर देशमुख यांनी भाजपच्या पदाधिकाऱ्यां समवेत आगे परिवाराची त्यांच्या घरी जावून भेट घेतली व ना. पंकजाताईंनी ...

  बहुचर्चित बडतर्फ पोलीस अधिकारी कासलेंच्या बेताल विधानांची निवडणूक विभागाने घेतली गंभीर दखल ! बडतर्फ पोलीस उपनिरीक्षक रणजीत कासले विरुद्ध निवडणूक विभागाने परळीत केला गुन्हा दाखल  परळी वैजनाथ,......        गेल्या काही दिवसांपासून सोशल माध्यमातून बेताल व निराधार वक्तव्ये करणारा बीड पोलीस दलातील बडतर्फ पोलीस उपनिरीक्षक रणजीत कासले यांने परळी विधानसभा निवडणुकीच्या संदर्भाने व ईव्हीएम मशीनच्या छेडछाडी बाबतचे संभ्रम निर्माण करणारे वक्तव्य केले होते. या अनुषंगाने आता निवडणूक विभागाने त्याच्या विरुद्ध परळी येथील शहर पोलीस ठाण्यात गुन्हा दाखल केला आहे.                          याबाबत पोलीस सूत्रांकडून प्राप्त अधिक माहितीनुसार, परळी येथील निवडणूक विभागाचे नायब तहसीलदार अण्णा वंजारे यांनी बडतर्फ पोलीस उपनिरीक्षक रणजीत कासले यांनी भारताचे निवडणूक आयोग व शासनाची निराधार व बेताल वक्तव्य करून बदनामी केली. लोकसेवक असताना जाणिवपुर्वक भारताचे सार्वभौमत्ता व सुरक्षा धोक्यात येईल अशी खोटी वक्तव्ये केली. तसे...

  मुख्यमंत्री आपल्यासोबत, त्यामुळे येत्या काळात बीड जिल्हा नक्कीच सुजलाम् सुफलाम् होईल मुख्यमंत्र्यांनी श्रीक्षेत्र गहिनीनाथ गड दत्तक घ्यावा - ना. पंकजाताई मुंडेंनी व्यक्त केली इच्छा घाटशीळ पारगांवच्या फिरत्या नारळी सप्ताहात भाविकांची अलोट गर्दी बीड।दिनांक १९।  श्रीक्षेत्र गहिनीनाथ गडाच्या विकासा करिता मुख्यमंत्री देवेंद्र फडणवीस यांचे पूर्वीपासूनच खूप सहकार्य लाभले आहे, मी पालकमंत्री असताना त्यांच्या सहकार्यामुळेच इथली कामे करू शकले. मुख्यमंत्र्यांनी आता हा गड दत्तक घ्यावा, अशी अपेक्षा  राज्याच्या पर्यावरण व वातारणीय बदल तसेच पशुसंवर्धन मंत्री ना. पंकजाताई मुंडे यांनी व्यक्त केली. मुख्यमंत्री आपल्या सोबत आहेत, त्यामुळे येत्या काळात बीड जिल्हा नक्कीच सुफलाम् सुफलाम होईल असा विश्वास त्यांनी यावेळी व्यक्त केला.    शिरूर कासार तालुक्यातील घाटशीळ पारगाव येथे श्री संत वामनभाऊ महाराज यांचा ९३ वा नारळी सप्ताहाची सांगता मुख्यमंत्री देवेंद्र फडणवीस व ना. पंकजाताई मुंडे यांच्या उपस्थितीत मोठया उत्साहात झाली, त्यावेळी त्या बोलत होत्या. याप्रसंगी मठाधिपती विठ्ठल बाबा महार...

  बडतर्फ पोलीस उपनिरीक्षक रणजित कासलेचा खरा चेहरा उघड उसने म्हणून १० लाख रुपये खात्यावर पाठवलेले गुत्तेदार सुदर्शन काळे यांची पोलिसात तक्रार मुलाच्या फी भरण्यासाठी डिसेंबर महिन्यात घेतले होते पैसे, पुराव्यांसह काळेची तक्रार याच दहा लाखांवरून कासले करत होता भलतेच आरोप, सर्व आरोप खोटे निघाले बीड (प्रतिनिधी) - बडतर्फ पोलीस उपनिरीक्षक रणजित कासले याचा आणखी एक कारनामा उघड झाला आहे. रणजित कासले स्वतःच्या खात्यावर दहा लाख रुपये धनंजय मुंडे यांच्या माणसांनी पाठवले असे सांगत होता, ते पैसे मुळात अंबाजोगाई येथील संत बाळू मामा कन्स्ट्रक्शन चे मालक सुदर्शन काळे यांनी पाठवले असल्याचे उघड झाले आहे. याबाबत आता सुदर्शन काळे यांनीच स्वतः पोलिसात पैसे दिल्याच्या पुरावा सहित तक्रार दाखल केली आहे.  रंजीत कासले हा पोलीस उपनिरीक्षक असताना मागील वर्षी अंबाजोगाई येथे कार्यरत होता, त्या काळात आपली त्याच्याशी ओळख झाली. डिसेंबर 2024 मध्ये रणजीत कासले याने आपल्या लातूर येथे शिक्षण घेत असलेल्या मुलाच्या फीची अडचण असल्याचे सांगत दहा लाख रुपयांची उसनवारी ने मागणी केली. एका कामाचे बिल आल्यानंतर मी त्यांना त...

परळी विधानसभा निवडणुक प्रक्रियेबाबत बडतर्फ पोलीस उपनिरीक्षक रणजित कासले यांनी केलेले आरोप तथ्यहीन !   निवडणूक काळात रणजित कासले याला परळी मतदारसंघात ड्युटी नव्हतीच; त्याची नियुक्ती बीड सायबर विभागात होती बीड जिल्हा प्रशासनाकडून निवडणूक आयोगाला अहवाल सादर बीड (प्रतिनिधी) - विधानसभा निवडणुक २०२४ अंतर्गत परळी विधानसभा मतदारसंघात निवडणूक व नंतरची संपूर्ण प्रक्रिया शांततेत व पारदर्शकपणे पार पडल्या असून बडतर्फ पोलीस उपनिरीक्षक रणजित कासले याने काही व्हिडिओ प्रसारित करून या निवडणूक प्रक्रियेबाबत व EVM मशीनच्या बाबत केलेले संपूर्ण आरोप खोटे, निराधार व तथ्यहीन आहेत, असा अहवाल बीड जिल्हा प्रशासनाने निवडणूक आयोगास सादर केला असल्याचे खात्रीलायक सूत्रांकडून समजते.  बडतर्फ पोलीस उपनिरीक्षक रंजीत कासले यांच्या आरोपांवरून परळी विधानसभेची निवडणूक व त्यानंतरची मतमोजणी व निकालापर्यंतचे संपूर्ण प्रक्रिया याबाबत निवडणूक आयोगाने बीड जिल्हा प्रशासनाकडून अहवाल मागवला होता. असे खात्रीलायक सूत्रांकडून समजले आहे.  या अहवालामध्ये स्पष्ट करण्यात आले आहे की बडतर्फ पोलीस उपनिरीक्षक रणजीत कासले हा निवडण...

  परळीतील सरस्वती नदी प्रकरण: पर्यावरण मंत्री पंकजा मुंडे यांनी रविवारी बोलावली प्रदूषण मंडळ व न.प.ची संयुक्त बैठक परळी वैजनाथ, प्रतिनिधी...      परळी शहरातील पुरातन नदी म्हणून ओळख असलेल्या सरस्वती नदीवरील वाढलेली अतिक्रमणे व घाणीचे साम्राज्य याबाबत गेल्या दौऱ्यात पंकजा मुंडे यांनी प्रत्यक्ष सरस्वती नदीकाठी जाऊन पाहणी केली होती. त्यानंतर त्यांनी प्रशासनाला खडेबोलही सुनावले होते. सरस्वती नदी पुनर्जीवनाचे काम हाती घेण्याबाबत निर्देश दिले होते. त्या अनुषंगानेच आता या दौऱ्यात रविवारी पंकजा मुंडे यांनी महाराष्ट्र प्रदूषण मंडळ व परळी नगरपरिषद यांची संयुक्त बैठक बोलावली आहे.         परळी वैजनाथ शहरातील सरस्वती नदीत अवैधरित्या भराव टाकण्याचे होत असलेले काम आणि साचलेल्या घाणीच्या साम्राज्याबद्दल राज्याच्या  पर्यावरण व पशुसंवर्धन मंत्री ना. पंकजा मुंडे यांनी पालिका प्रशासनाला चांगलेच फैलावर घेतले होते.दि.४ एप्रिल रोजी सरस्वती नदीची पाहणी करत नदीतील अवैध बांधकाम, अतिक्रमण व साचलेला कचरा याबाबत तीव्र नाराजी व्यक्त करत त्यांनी प्रशासनाला त्वरित क...

  सोलापूर : वैद्यकीय क्षेत्रात खळबळ – प्रसिद्ध न्युरोसर्जन डॉ. शिरीष वळसंगकर यांनी केली आत्महत्या सोलापूरच्या वैद्यकीय क्षेत्रासाठी धक्कादायक बातमी समोर आली आहे. शहरातील प्रसिद्ध न्युरोसर्जन डॉ. शिरीष वळसंगकर यांनी स्वतःला गोळी मारून आत्महत्या केली आहे. ही घटना आज (दि. १८ एप्रिल) रोजी घडल्याची माहिती असून, या घटनेमुळे शहरात एकच खळबळ उडाली आहे. आत्महत्येचे कारण अद्याप अस्पष्ट असून पोलिस तपास सुरू आहे.   शुक्रवार दिनांक 18 एप्रिल 2025 रोजी रात्री साडेआठच्या दरम्यान ही घटना त्यांच्या सात रस्ता परिसरातील सोनामाता शाळेच्या शेजारी असलेल्या बंगल्यात घडली असल्याची माहिती समोर येत आहे. सदर बाजार पोलिसातील सूत्रांनी याला दुजारा दिला आहे.डॉक्टर वळसंगकर यांनी आपल्या निवासस्थानी रात्री साडेआठच्या सुमारास स्वतःच्या डोक्यात गोळी मारून घेतली त्यानंतर त्याच अवस्थेत कुटुंबीयांनी तातडीने त्यांचे स्वतःचे हॉस्पिटल असलेल्या मोदी स्मशानभूमी जवळील वळसंगकर हॉस्पिटल मध्ये उपचारासाठी दाखल केले. त्या ठिकाणी नातेवाईकांची मोठी गर्दी झाली आहे. डॉक्टर वळसंगकर यांनी स्वतःवर गोळी का झाडून घेतली याची अधिक माह...

बातम्यांतील उतावळेपणा: बेल्स पाल्सी नंतर नव्याने अर्धांगवायू झाल्याच्या प्रसारित बातम्या : धनंजय मुंडेंनी केलं स्पष्टीकरण         सहकार मंत्री बाबासाहेब पाटील यांनी धनंजय मुंडे यांना अर्धांगवायूचा झटका आला होता व त्यांना त्याचा त्रास होत असल्याचे विधान केले होते. या विधानावरून काही उतावळ्या वृत्तवाहिन्यांनी बेल्स पाल्सी नंतर धनंजय मुंडेंना नव्याने अर्धांगवायूचा झटका आल्याचे मथळे देऊन बातम्या प्रसारित केल्या. त्यामुळे धनंजय मुंडे यांना बेल्स पाल्सी नंतर आणखी एक आजार झाला आहे असा मोठ्या प्रमाणावर संभ्रम निर्माण होत आहे. आता याबाबत धनंजय मुंडे यांनी स्पष्टीकरण केले असून दीड महिन्यापूर्वी  बेल्स पाल्सी हा आजार आपल्याला झाला होता. त्याचाच आज पर्यंत त्रास सुरू आहे. मात्र बेल्स पाल्सी नंतर नव्याने आपल्याला कोणताही आजार झाला नसल्याचे धनंजय मुंडे यांनी म्हटले आहे. याबाबत त्यांनी सामाजिक माध्यमातून स्पष्टीकरण केले आहे. ● काय आहे धनंजय मुंडे यांची पोस्ट    "आमचे सहकारी, सहकारमंत्री श्री बाबासाहेब पाटील यांनी केलेल्या एका विधानावरून मला अर्धांगवायू झाल्याचे...

अखेर निलंबित पोलीस अधिकारी रणजित कासलेंना केलं बडतर्फ! 'गब्बर इज बॅक' असे स्टेटस ठेवले होते :पोलीस दलातून दिला संदेश 'गब्बर गो बॅक' बीड: सायबर पोलिस ठाण्यातील वादग्रस्त निलंबित पोलिस उपनिरीक्षक रणजित कासले यास छत्रपती संभाजीनगरचे विशेष पोलिस महानिरीक्षक विरेंद्र मिश्र यांनी कासले याला पोलिस खात्यातून डिसमीसचे आदेश काढल्याची माहिती अपर पोलिस अधीक्षक सचिन पांडकर यांनी दिली आहे. रणजित कसले याच्यावर अॅट्रॉसिटीचा गुन्हा दाखल झाला होता. तो गुरूवारी रात्री उशिरा पोलिसांना शरण येणार होता, परंतू तसे न करता तो एका लॉजवर जावून झोपला. आज सकाळी बीड पोलिसांनी त्याला ताब्यात घेतले. परंतू त्या आधीच गुरूवारी रात्री छत्रपती संभाजीनगरचे विशेष पोलिस महानिरीक्षक विरेंद्र मिश्र यांनी कासले याला पोलिस खात्यातून डिसमीसचे आदेश काढले.रणजित कासले हा सायबर पोलिस ठाण्यात असताना विनापरवानगी आरोपीला घेऊन गुजरातमध्ये गेला होता. तेथे त्याने पैसे घेतल्याचा आरोप झाल्यने २६ मार्च रोजी त्याला निलंबित केले होते. त्यानंतर कसले याने अनेक व्हिडीओ व्हायरल केले होते. यातील एकामध्ये त्याने एका समाजाबाबत आक्षेपार्...

खळबळजनक: सरपंचासह १० जणांनी महिला वकिलाला केली निर्दयी व बेदम मारहाण ! निर्दयी व  क्रुरपणाने केलेल्या मारहाणीचे फोटो व्हायरल  अंबाजोगाई, प्रतिनिधी....     माणसांना नेमकं काय झालं आहे ? माणूस निर्दयी बनलाय का? एखाद्या महिलेच्या बाबतीतसुद्धा जनावरांना बदडून काढावं असं निर्दयी व बेदम मारहाणीचं दुर्दैवी खळबळजनक प्रकरण आता बीड जिल्ह्यातच समोर आलं आहे. वकील असलेल्या महिलेवर राग काढण्यासाठी १० जणांनी मिळून तिला प्रचंड मारहाण केली आणि विशेष म्हणजे यात गावचा लोकप्रतिनिधी असणाऱ्यां सरपंचानेही सहभागी व्हावे ही लाजिरवाणी आणि चिड आणणारी घटना घडली आहे.या मारहाणीचे  फोटो समाजमाध्यमांवर व्हायरल झाले असुन हे पाहून संताप व्यक्त होत आहे.         ध्वनी प्रदूषणा मूळे आवाज कमी करावा या मागणीची तक्रार केल्याच्या कारणावरुन संतापलेल्या गावच्या सरपंचासह 10 साथीदारानी आपल्याच गावातील महिला वकिलास बेदम मारहाण केल्याची घटना आंबाजोगाई तालुक्यातील सनगाव येथे घडली आहे.याप्रकरणी आता आरोपींविरुद्ध गुन्हाही दाखल करण्यात आला आहे. प्राप्त माहितीनुसार, अंबाजोगाई जिल्हा व सत्र न...

नोकरीसाठी वीस लाख दिले पण पगार नाही :शिक्षकाने केली गळफास घेवून आत्महत्या  परभणी, प्रतिनिधी:- मानवत तालुक्यातील मंगरुळ बु. येथील श्री नृसिंह शिक्षण प्रतिष्ठान संचलित श्री नृसिंह प्राथमिक शाळेतील प्राथमिक शिक्षक सोपान उत्तमराव पालवे यांनी संस्थेच्या सचिवांनी शुध्द फसवणूक केल्याचा गंभीर आरोपी करीत शेतात गळफास घेवून आत्महत्या केली.         परभणी तालुक्यातील पेडगाव शिवारात  एका झाडास गळफास घेतलेल्या अवस्थेत पालवे यांचा मृतदेह आढळून आला तेव्हा कुटूंबियांसह नातेवाईक व मित्रपरिवार अक्षरशः हादरले. धावपळ करीत कुटूंबियांनी पालवे यांना त्या स्थितीत परभणी जिल्हा शासकीय रुग्णालयात दाखल केले, परंतु, उपचारापूर्वीच वैद्यकीय अधिकार्‍यांनी पालवे यांना मृत घोषित केले.             दरम्यान, पालवे यांनी आत्महत्या करण्यापूर्वी लिहिलेल्या चारपानी एका पत्रातून श्री नृसिंह शिक्षण प्रतिष्ठानचे सचिव बळवंत खळीकर यांना आत्महत्येस जबाबदार धरले आहे. आपण चार वर्षांपूर्वी 20 लाख रुपये नोकरीकरीता नगदी दिले. त्यावेळी 40 टक्के अनुदान पदावर घेतो असे ते म्हणाले होते...

  स्वाराती रुग्णालयात नाकाच्या शस्त्रक्रियेसाठी आधुनिक यंत्रसामग्रीची भर आ. नमिता मुंदडांच्या प्रयत्नांमुळे ७० लाख रुपयांची यंत्रसामुग्री मंजूर अंबाजोगाई ( वसुदेव शिंदे) : येथील स्वामी रामानदं तीर्थ रुग्णालयात रुग्णसेवा अधिक सक्षम व अद्ययावत करण्याच्या दृष्टीने मोठी भर पडली आहे. रुग्णालयात नाकाच्या शस्त्रक्रियेसाठी अत्याधुनिक एंडोस्कोपिक कॅमेरा सिस्टीम उपलब्ध झाली असून मायक्रो डीब्रायटर मशीनसाठी निधी मंजूर झाला आहे. रुग्णसेवा अद्ययावत करण्यासाठी केज विधानसभा मतदारसंघ संघाच्या आ. नमिता मुंदडा यांनी या दोन महत्त्वाच्या यंत्रसामुग्रीसाठी शासनाकडे वेळोवेळी केलेल्या पाठपुराव्याला यश आले आहे.  मायक्रो डीब्रायटर मशीनसाठी ३० लाखांचा निधी मंजूर नाकातील विविध व्याधींवर अचूक आणि सुरक्षित शस्त्रक्रिया करण्यासाठी अत्यंत उपयुक्त ठरणाऱ्या मायक्रो डीब्रायटर मशीनसाठी ३० लाख रुपयांचा निधी मंजूर करण्यात आला आहे. लवकरच या यंत्रासाठी निविदा प्रक्रिया राबविण्यात येणार असून त्यानंतर मशीन रुग्णालयात उपलब्ध होणार आहे. या यंत्रामुळे नाकातील शस्त्रक्रिया अधिक सुलभ, सुरक्षित आणि परिणामकारक होतील. ४० लाख ...

टिक टॉक वर मैत्री:अल्पवयीन मुलीवर केला अत्याचार पोलिसात एकावर गुन्हा दाखल माजलगाव-(प्रतिनिधी) शहरातील एका अल्पवयीन मुलीशी टिक टॉक वर मैत्री करत तिच्यावर वेळोवेळी विविध ठिकाणी अत्याचार करून लग्नाचे आमिष दाखवत मारहाण केल्याप्रकरणी पिढीतल्या तक्रारीवरून एक जणांविरुद्ध माजलगाव शहर पोलिसात गुन्हा दाखल करण्यात आला आहे.        शहरातील एका अल्पवयीन मुलीचे टिक टॉक या सोशल मीडियाच्या अकाउंट वरून ऋषिकेश दीपक वाघ रा. अंदरसुल ता. येवला जिल्हा नाशिक या युवकाशी 18 फेब्रुवारी 2020 रोजी ओळख झाली. ही ओळख वाढत जात एकमेकांना व्हाट्सअप अकाउंट वरून चॅटिंग सुरू झाली यात सदर युवकाने त्या मुलीची संपूर्ण कौटुंबिक माहिती मिळवत तिला व्हाट्सअप वर मेसेज टाकून मला तुझ्याशी लग्न करायचे आहे असे म्हणत तिला तिचे नग्न फोटो मागून घेतले त्यानंतर तीला भेटण्यासाठी अंदरसुल या ठिकाणी बोलवून तिच्याशी लगट केली. त्यानंतर 17 नोव्हेंबर 2019 रोजी मला तुझ्याशी लग्न करायचे आहे भेटायला ये असे म्हणत वारंवार फोन लावल्याने सदर मुलगी मैत्रिणीस घेऊन अंदरसुल येथे भेटावयास गेली असता मिञ अंकुश घोडेराव यास सोबत घेत नाशिक परिस...

आ.सत्यजीत तांबे यांनी सहपरिवार घेतलं परळीत पंचम ज्योतिर्लिंग वैद्यनाथ दर्शन  परळी वैजनाथ, प्रतिनिधी....   महाराष्ट्रातील एक सुसंस्कृत व अभ्यासू आमदार म्हणून ओळख असलेल्या आ.सत्यजीत तांबे यांनी आज परळीत सहपरिवार  पंचम ज्योतिर्लिंग वैद्यनाथ दर्शन घेतले.अत्यंत समाधानी व आध्यात्मिक अनुभूती देणारे दर्शन घडल्याची प्रतिक्रिया त्यांनी आपल्या सामाजिक माध्यमांमधून दिली आहे.     आ.सत्यजीत तांबे यांनी परळी वैजनाथ येथील प्रभुु वैद्यनाथ पुजा व दर्शनाचे छायाचित्र शेअर करुन परळीत अत्यंत समाधानी व आध्यात्मिक अनुभूती देणारे दर्शन घडल्याची प्रतिक्रिया त्यांनी आपल्या सामाजिक माध्यमांमधून दिली आहे. त्यांनी समाजमाध्यमावर केलेल्या पोस्टमध्ये म्हटले आहे की, "आज कौटुंबिक कार्यानिमित्त बीड जिल्ह्यात आल्यावर, परळीच्या पवित्र भूमीत वसलेल्या श्री क्षेत्र वैजनाथ ज्योतिर्लिंग महादेवाचे दर्शन घेण्याचा योग आला. डॉ. मैथिली, अहिल्या, सूर्या आणि बीड जिल्ह्यातील काही स्नेही मित्र परिवाराच्या सान्निध्यात हे दर्शन अत्यंत समाधानी व आध्यात्मिक अनुभूती देणारे ठरले. महादेवाकडे सर्वांच्या कल्याणासाठी प्रार...

 ५० हजाराची लाच घेतांना कार्यकारी उप अभियंत्यासह तिघे जाळ्यात  माजलगाव दि.१७( प्रतिनिधी ): माजलगाव तालुक्यातील पात्रुड येथील विज वितरणाच्या अभियंत्याससह लाईनमन व खाजगी इसम आहे तिनं जनांना विज चोरीचा दंड न टाकण्यासाठी पाने दोन लाखांची लाच मागितली त्यातील ५०हाजार रुपये ची लाच स्विकारणारा  लाईनमन आपण कार्यकारी उपअभियंता यांच्या सांगण्यावरून लाच स्वीकारल्याचे कबूल केले.आसल्याचे सांगितले.या प्रकरणी माजलगाव ग्रामीण पोलीस ठाण्यात  महावितरणचे कार्यकारी उपअभियंता विवेक जनार्धन मवाडे, वायरमन शेख जलील शेख अब्दुला, खाजगी इसम मोमीन मोहीब यांच्या विरोधात माजलगाव ग्रामीण पोलीस स्टेशन मध्ये गुन्हा दाखल करण्यात आला.   प्रत्येक क्षेत्रात अधिकारी कर्मचारी सर्वसामान्य जनतेचे काम लाच घेतल्याशिवाय करत नसल्याचे दिसून येत असताना अनेक अधिकारी कर्मचारी लाचखोरीच्या जाळ्यात अडकले आहेत. तरीही लाच घेणाऱ्या अधिकारी कर्मचाऱ्यावर कसलाच धाक राहिला नसल्याने हे प्रकार सर्रास होत असल्याने. वैतागून जाणाऱ्या सर्वसामान्य व्यक्तींना लाच लुचपत प्रतिबंधक खात्याकडे जाण्याची पर्याय नसल्याने याप्रकरणी एसी...

भाजप नेते किरीट सोमैय्यांच्या ठिय्यानंतर परळीचे महसूल प्रशासन खडबडून जागे: 14 जणांविरुद्ध शासनाची फसवणूक केल्याचा गुन्हा दाखल परळी वैजनाथ, प्रतिनिधी......        परळी येथे जन्मदाखले देण्यात प्रचंड बोगसगिरी झाल्याचा आरोप करत परळीच्या तहसीलदार, नायब तहसीलदारांसह संबंधित सर्वांवर गुन्हे दाखल करा. या मागणीसाठी तीन तास परळी पोलीस ठाण्यात ठिय्या मांडून बसलेल्या भाजप नेते किरीट सोमैय्या यांच्या पाठपुराव्यानंतर आता परळीतील महसूल प्रशासन खडबडून जागे झाले असुन महसूल अधिकाऱ्यांनी चौदा जणांविरुद्ध चुकीचे दस्तऐवज सादर करून शासनाची फसवणूक केल्याचा गुन्हा दाखल केला आहे.         याबाबत पोलिस सूत्रांकडून प्राप्त अधिक माहितीनुसार, जन्म व मत्यु प्रमाणपत्र मिळणेसाठी परळी येथे रहिवासीचा / मृत्यु बाबतचा कोणताही ठोस पुरावा सादर न करता परळी व सिरसाळा बाहेरील खोटे कागदपत्रे तहसील कार्यालय परळी वैजनाथ येथे सादर करुन शासनाची फसवणूक केली. परळीचे जन्म व परळी येथे मृत्यु झाले बाबत प्रमाणपत्र हस्तगत करुन शासनाची फसवणूक केली म्हणुन महसूल प्रशासनाने गुन्हा दाखल केला आहे.तहसील क...

एका शाळकरी विद्यार्थ्यासाठी एस.टी फिरली माघारी कर्तव्यावर अशी ही माणुसकी-शिक्षणप्रेमींनी केले स्वागत परळी / प्रतिनिधी....    ग्रामीण भागातील असंख्य विद्यार्थी हे एस.टी बस मधून शाळेला ये-जा करतात. एकीकडे जाणीवपूर्वक या शाळकरी विद्यार्थ्यांना पाहून एस. टी बस उभी करण्याचे टाळत असल्याचे प्रकार नित्याचेच असताना गुरुवारी एका शाळकरी मुलाला घेण्यासाठी परळी आगाराच्या वाहक आणि चालकांनी पुढे निघालेली एस.टी बस चक्क 200 मीटर पेक्षा अधिक अंतर रिव्हर्स घेत मुलाला एस.टी  बस मध्ये घेत त्याला शाळेच्या ठिकाणी पोहच केले. कर्तव्यावर असताना देखील आपल्यातील माणुसकी दाखवल्या बद्दल परळीतील पत्रकार अनुप कुसुमकर यांच्या प्रयत्नाने शिक्षणप्रेमी, एस.टी कामगार संघटना व विद्यार्थ्यांनी या वाहक-चालकाचा आगारात सत्कार करून अभिनंदन केले.        नित्यनियमाने गुरुवार दि 17 रोजी परळी आगाराची आज MH-14 -BT-1716 हि एस.टी बस  परळी ते कवडगाव या दरम्यान प्रवास करत असताना. तळेगाव या ठिकाणाहून पुढे गेली याच वेळी तळेगाव येथील 11-12 वर्षाचा एक शाळकरी मुलगा पाठीवर दफ्तर, हातात टिफिन बॅग घरून ब...

  पुराला कारणीभूत ठरणारे सरस्वती नदीवरील शॉपिंग कॉम्प्लेक्स काढून टाकण्यात यावे - अश्विन मोगरकर परळी वैजनाथ,प्रतिनिधी.... अंबेवेस भागातील सरस्वती नदीतील शॉपिंग कॉम्प्लेक्समुळे पावसाळ्यात गावभागाला पुराचा धोका निर्माण होतो. हा धोका टाळण्यासाठी सरस्वती नदीत बांधण्यात आलेले शॉपिंग कॉम्प्लेक्स काढून टाकण्यात यावे अशी मागणी भाजपाचे अश्विन मोगरकर यांनी मुख्याधिकारी यांच्याकडे केली आहे. परळी वैजनाथ गावभागातून वाहणाऱ्या सरस्वती नदीवर अकरा वर्षांपूर्वी नगरपरिषदेच्या माध्यमातून या सरस्वती नदीला नाला ठरवत यावर शॉपिंग कॉम्प्लेक्स बांधकाम सुरू करण्यात आले. नदीवर कुठलेही बांधकाम करायचे असेल तर परवानगी मिळत नसल्याने शॉपिंग कॉम्प्लेक्स बांधण्यासाठी या पवित्र सरस्वती नदीला नाला ठरवण्याचे पाप केले गेल्याचा आरोप अश्विन मोगरकर यांनी केला आहे.  नागरिकांनी विरोध केल्याने या शॉपिंग कॉम्प्लेक्सचे काम बंद पडले आहे. मागील अकरा वर्षांपासून उभारलेल्या या बांधकामामुळे अनेक वेळा याच्या पिलरला कचरा अडकून लोकांच्या घरात पाणी घुसले आहे. अंबेवेस परिसरात यामुळे नदीत कचरा साचल्याने दुर्गंधी पसरत आहे तसेच डासां...

सौगंद मोहम्मद की खाते है, मंदिर यही बनायेंगे; जीर्णोद्धार वादावर हभप बंडा तात्या कडाडले, मुख्यमंत्र्यांना भेटणार अहिल्यानंगर : गेल्या काही दिवसांपासून श्रीगोंद्यात (srigonda) संत श्री शेख महंमद महाराज मंदिराच्या ठिकाणी दर्गाह ट्रस्ट स्थापन केल्याने वेगळाच वाद सुरू झाला आहे. त्या दर्गाह ट्रस्टला विरोध करत ग्रामस्थांनी आज आंदोलन सुरू केलं असून हभप बंडा तात्या कराडकर महाराजांनी आंदोलनस्थळी जाऊन येथेील मंदिराचा लवकरात लवकर जीर्णोद्धार करावा, त्यासाठी मी मुख्यमंत्र्यांना भेटणार असल्याचे म्हटले. ह.भ.प बंडा तात्या कराडकर (karadkar) यांनी श्रीगोंद्यातील संत श्री शेख महंमद महाराज मंदिरातील वादावर आपला परखड मत मांडलं आहे. "सौगंद मोहम्मद की खाते है, मंदिर यही बनायेंगे" अशी घोषणा देत भाषाणाची बंडा तात्या महाराजांनी आपल्या भाषणाची सुरुवात केली.  सध्या श्रीगोंद्यात संत श्री शेख महाराजांचा समाधी उत्सव साजरा केला जातो, त्याठिकाणी  कोणीही आपल्या समाजात विष कालवू नये. बासुंदी करण्यासाठी अनेक वस्तू लागतात. मात्र, ती बासुंदी खराब करण्यासाठी अमीन शेख सारखा एखादा खडा असतो, असे म्हणत कराडकर महारा...

बाबासाहेब आगे यांच्या कुटुंबाची जबाबदारी ना.पंकजा मुंडेंनी स्विकारली निर्घृण हत्येने मन सुन्न झाले ; धडाडीचा कार्यकर्ता गमावल्याचे दुःख बीड ।दिनांक १७।       भाजपचे लोकसभा विस्तारक बाबासाहेब आगे यांच्या निर्घृण हत्येनंतर त्यांच्या कुटुंबाची जबाबदारी राज्याच्या पर्यावरण व वातारणीय बदल तसेच पशुसंवर्धन मंत्री ना. पंकजा मुंडे यांनी स्विकारली आहे. आगे यांच्या हत्येने मन सुन्न झाले, एक धडाडीचा कार्यकर्ता मी गमावला आहे अशा शब्दांत त्यांनी आपल्या शोक भावना व्यक्त केल्या आहेत.      बाबासाहेब आगे यांची निर्घृण हत्या झाल्याची बातमी जेव्हा कानावर आली, ते ऐकून मन सुन्न झाले. काहीच सुचत नव्हते, त्यामुळे एका दिवसानंतर ना. पंकजा मुंडे यांनी या घटनेवर आपल्या शोक भावना व्यक्त केल्या आहेत. आगे हे भाजपचे धडाडीचे कार्यकर्ते होते, संघाचे संस्कार त्यांचेवर असल्याने प्रत्येकाच्या मदतीला धावून जाण्याचा त्यांचा स्वभाव होता. माझ्या लोकसभा निवडणुकीत बुथ विस्तारक म्हणून अतिशय महत्वाची जबाबदारी त्यांनी खूप मेहनतीने पार पाडली. अशा मनमिळावू कार्यकर्त्याची अशा प्रकारे निर्घृण हत्या झाली ...

पिंपळनेर येथील दौरा रद्द :नारळी सप्ताहाच्या कार्यक्रमाला धनंजय मुंडे राहणार नाहीत उपस्थित श्रीक्षेत्र भगवानगडाच्या पिंपळनेर जिल्हा बीड येथे सुरू असलेल्या 91 व्या नारळी सप्ताह सांगता सोहळ्यासाठी माजी मंत्री धनंजय मुंडे हे उपस्थित राहणार होते मात्र आता धनंजय मुंडे यांनी आपण हा दौरा रद्द करत असल्याचे सांगितले आहे. त्यामुळे नारळी सप्ताहाच्या कार्यक्रमाला धनंजय मुंडे आता उपस्थित राहणार नसल्याचे स्पष्ट झाले आहे. विमानाच्या काही तांत्रिक कारणांमुळे या कार्यक्रमाला पोहोचणे शक्य नसल्याचे धनंजय मुंडे यांनी सोशल मीडियातून केलेल्या पोस्टमध्ये म्हटले आहे. काय आहे धनंजय मुंडे यांची पोस्ट?      मी पिंपळनेर (ता. शिरूर कासार) येथील संत श्री भगवानबाबा यांच्या परंपरेतील नारळी सप्ताहात येण्यासाठी सकाळी साधारण दहा वाजल्यापासून मुंबई येथील पवन हंस विमानतळावर आहे. मात्र काही तांत्रिक कारणांनी अजूनही उड्डाण करण्यास परवानगी मिळत नसल्याने माझा आजचा पिंपळनेर (शिरूर कासार) दौरा जड अंतःकरणाने रद्द करावा लागतो आहे. अध्यात्मिक कार्यक्रमास आपल्यामुळे विलंब नको म्हणून याबाबत आदरणीय शास्त्री बाबांना कल्...

धनंजय मुंडे आज पिंपळनेर मध्ये; भगवानगडाच्या नारळी सप्ताहात राहणार उपस्थित धनंजय मुंडे काय बोलणार याकडे सर्वांचे लक्ष? बीड (प्रतिनिधी) - माजी मंत्री आमदार धनंजय मुंडे हे आज शिरूर कासार तालुक्यातील पिंपळनेर येथे भगवान गडाच्या नारळी सप्ताहाच्या काल्याच्या किर्तनप्रसंगी उपस्थित राहणार आहेत.  धनंजय मुंडे हे सकाळी ११ वाजता पिंपळनेर येथे हेलिकॉप्टर द्वारे येणार असून ते गडाच्या नारळी सप्ताहात उपस्थित राहतील. सप्ताहाचा समारोप हा गडाचे महंत न्यायाचार्य ह भ प डॉक्टर नामदेव महाराज शास्त्री यांच्या काल्याच्या कीर्तनाने होणार असून याप्रसंगी उपस्थित मान्यवरांसोबत धनंजय मुंडे हे देखील उपस्थित राहणार आहेत.  दरम्यान धनंजय मुंडे हे भगवान गडाच्या नारळी सप्ताहाच्या निमित्ताने बीड जिल्ह्यात येत आहेत. आपल्या मंत्री पदाचा राजीनामा दिल्यापासून ते सार्वजनिक व्यासपीठावर बोलले नाहीत. त्यामुळे या ठिकाणी ते काय बोलणार याकडे सर्वांचे लक्ष लागले आहे.

भाजपच्या मंत्र्यांचा प्रत्येक महिन्याला प्रदेश कार्यालयात जनता दरबार २२ एप्रिलला ना. पंकजा मुंडेंच्या जनता दरबाराने होणार सुरवात मुंबई।दिनांक १६। प्रदेश भाजपच्या वतीने प्रत्येक महिन्याला जनता दरबार घेण्यात येणार आहे. भाजपचे सर्व मंत्री प्रदेश कार्यालयात येऊन जनता दरबार घेणार असून पहिला जनता दरबार घेण्याचा मान येत्या २२ एप्रिल रोजी राज्याच्या पर्यावरण व वातारणीय बदल तसेच पशुसंवर्धन मंत्री ना. पंकजाताई मुंडे यांना मिळाला आहे. पदाधिकारी, कार्यकर्त्यांनी यावेळी उपस्थित राहावे असे आवाहन पक्षाच्या वतीने करण्यात आले आहे.  प्रदेश भाजपाकडून दर महिन्याला एक दिवस प्रत्येक मंत्रीमहोदयांचा 'जनता दरबार' आयोजित करण्याचे निश्चित करण्यात आले आहे. याचा पहिला मान राज्याच्या पर्यावरण व वातारणीय बदल तसेच पशुसंवर्धन मंत्री ना. पंकजाताई मुंडे यांना देण्यात आला आहे. येत्या मंगळवारी म्हणजे २२ एप्रिल रोजी दुपारी ३ ते ४.३० या दरम्यान भाजपा प्रदेश कार्यालय, मुंबई येथे त्या जनता दरबार घेणार आहेत. या अनुषंगाने त्या त्या जिल्ह्यातील व भागातील संबंधित मंत्रीमहोदयांच्या विभागांतर्गत येणाऱ्या अडचणी सोडविण्याकरि...

  भाजप कार्यकर्त्याचा हत्येतील आरोपीस तीन दिवसाची पोलीस कोठडी   माजलगाव दि.१६- मंगळवारी माजलगाव शहरात भर रस्त्यावर भाजपचे कार्यकर्ते बाबासाहेब प्रभाकर आगे यांच्या झालेल्या निर्घृण हत्यानंतर आरोपी नारायण शंकर फपाळ यास येथील न्यायालयाने तीन दिवसांची पोलीस कोठडी ठोठावली आहे.      मंगळवारी दुपारी दोनच्या सुमारास स्वामी समर्थ मंदिरा पाठीमागे रस्त्यावर भाजप  कार्यालयाच्या समोर भाजप बूथ विस्तारक बाबासाहेब प्रभाकर आगे हा उभा असताना तेथे आरोपी नारायण शंकर फपाळ याने आगे यांच्यावर  कोयत्याने सपासप वार करून त्याची हत्या केल्याची घटना घडली होती. पत्नीशी अनैतिक संबंध असल्याच्या संशयाने नारायण याला पछाडले होते व त्यातून त्याने ही हत्या केली.घटनेनंतर आरोपी स्वतःहून पोलीस ठाण्यात हजर झाला होता. या आरोपीस पोलिसांनी बुधवारी माजलगाव येथील प्रथम वर्ग न्याय दंडाधिकारी यांचे समोर हजर केले असता आरोपी  नारायण फपाळ यास दि.१९ पर्यंत पोलीस कोठडी ठोठावली आहे या प्रकरणाचा पुढील तपास पोलीस उपनिरीक्षक सतीश दिंडे हे करत आहेत. दरम्यान बुधवारी अप्पर पोलीस अधीक्षक चेतना तिडके...

  परळीत एक वही एक पेन अभियानास उत्स्फूर्त प्रतिसाद माजी मंत्री आमदार धनंजय मुंडे यांनी दिली भेट परळी प्रतिनिधी.          महामानव, विश्वरत्न डॉ. बाबासाहेब आंबेडकरांना अभिप्रेत एक वही एक पेन हे अभियान परळी शहरात बाबासाहेबांच्या जयंती दिनी राबविण्यात आले. या अभियानास महाराष्ट्राचे माजी मंत्री तथा आमदार धनंजय मुंडे यांनी भेट दिली तसेच यावेळी त्यांनी या अभियानाचे कौतुक केले व त्यांच्या हस्ते चिमुकल्यांना वही,पेनचे  वाटप करण्यात आले.      रेल्वे स्टेशन येथील डॉ. बाबासाहेब आंबेडकर पुतळा परिसरात युवा कार्यकर्ते विकास रोडे व पत्रकार विकास वाघमारे यांच्या संकल्पनेतून एक वही एक पेन अभियानाचे उद्घाटन इंटक चे युवक प्रदेश अध्यक्ष दत्तात्रय गुट्टे, रेल्वे पोलीस निरीक्षक बी.एस.कांबळे तर अध्यक्ष स्थानी मुफ्टाचे जिल्हा अध्यक्ष भैय्यासाहेब आदोडे होते.प्रमुख पाहुणे म्हणून प्रसिद्ध विचारवंत अजयकुमार गंडले,लेखक, दिग्दर्शक प्रा.डॉ. सिद्धार्थ तायडे, जेष्ठ पत्रकार व साहित्यिक भीमयुगकार रानबा गायकवाड, सामाजिक कार्यकर्ते विठ्ठलराव झिलमेवाड, संपादक अनिल सावं...

  परळी वैजनाथ येथे शुक्रवारी होणार भव्य सोमनाथ ज्योतिर्लिंग दर्शन सोहळा परळी वैजनाथ (प्रतिनिधी) येथे शुक्रवार १८ एप्रिल २०२५ रोजी पंचम ज्योतिर्लिंग परळी वैजनाथ येथे भव्य सोमनाथ ज्योतिर्लिंग दर्शन सोहळा आयोजित करण्यात आला आहे. श्री वैद्यनाथ ज्योतिर्लिंग संस्थानमधील अन्नछत्र हॉलमध्ये दुपारी ५ ते सायंकाळी ८ वाजे दरम्यान हा सोहळा श्री दर्शक हाथी यांच्या उपस्थितीत संपन्न होईल. आध्यात्मिक गुरु श्री श्री रविशंकर यांनी सोमनाथ शिवलिंग पुन्हा प्रकट होऊन त्याची स्थापना पंतप्रधान नरेंद्र मोदींच्या उपस्थितीत सोमनाथ मंदिरात करणार असल्याची माहिती या वर्षाच्या सुरुवातीलाच दिली होती. सन १०२६ मध्ये मोहम्मद गझनीने सोमनाथ शिवलिंगाचा विध्वंस केला होता. पण, सनातन धर्माची ताकत आणि विश्वास यामुळे आता तेच शिवलिंग तब्बल १००० वर्षांनी पुन्हा प्रगट झाले आहे. सोमनाथ मंदिरात हे शिवलिंग स्थापित करण्यापूर्वी देशभरात अयोध्या तसेच इतर धार्मिक स्थळी शोभा यात्रा काढण्यात येणार आहे. जेणेरून त्या त्या भागातील भाविकांना त्यांच्या गावीच शिवलिंग दर्शन होईल. त्याचाच भाग म्हणून परळी वैजनाथ येथे शुक्रवार १८ एप्रिल २०२५ रोजी ...

अंबाजोगाई शहर हे महाराष्ट्रातील तिसरे "पुस्तकाचे गाव" म्हणून *जाहीर अंबानगरि चे भाग्यविधाते राजकिशोर पापा मोदी यांच्या मागणीला अखेर यश अंबाजोगाई (वसुदेव शिंदे )        समस्त अंबाजोगाईकरांची बऱ्याच दिवसांपासून मागणी  होती की अंबाजोगाई शहर हे पुस्तकांचे गाव जाहीर करावे. अबांनगरीचे भाग्यविधाते राजकिशोर पापा मोदी यांनी वैयक्तिक कॅबिनेट मंत्री उदय सामंत  व माजी मंत्री दीपक केसरकर साहेब यांच्याकडे पत्राद्वारे मागणी केली होती. आणि सतत पाठपुरावा केल्यानंतर, आज बीड शहरात उद्योग आणि मराठी भाषा मंत्री डॉ. उदय सामंत  आले असता त्यांनी अंबाजोगाई शहर तिसरे कवींचे गाव असे जाहीर केले.  अंबाजोगाई शहर सामाजिक, सांस्कृतिक, साहित्यिक व पर्यटन दृष्ट्या सक्षम असून लेखन साहित्यिक व वाचन प्रेमींचा या शहरात भेटणार वर्ग फार मोठ्या प्रमाणात आहे.  त्यामुळेच  अंबाजोगाई शहर हे तिसरे कवींचे गाव या राजकिशोर पापा मोदी यांच्या मागणीला मिळालेलं हे सर्वात मोठं यश असून ही आपल्या अंबाजोगाई साठी आनंदाची बाब आहे.  याबद्दल समस्त अंबाजोगाई करांच्यावतीने उद्योग आणि मराठी ...

  गायराण धारकांवर होणारा अन्याय थांबवा-कॉ अजय बुरांडे भूमिहीन दलित शेतकरी कसत असलेल्या जमीनी खाजगी कंपनीला देण्याचा घाट परळी / प्रतिनिधी.....अंबाजोगाई तालुक्यातील जवळगाव येथील ५० वर्षा पासुन भुमीहिन दलीत कसत असलेली गायराण जमीन ताब्यात घेण्यासाठी शासनानी सुरू केलेली दडपशाही थांबवून त्यांची अतिक्रमणे नियमाकुल करण्यात यावी या प्रमुख मागणीसाठी मार्क्सवादी कम्युनिस्ट पक्षाच्या वतीने मंगळवार (ता.१५) परळी येथील उपविभागीय अधिकारी कार्यालया समोर निदर्शने करण्यात आली.     राज्यभरातील शेतकऱ्यांच्या ताब्यातील गायराण जमीन खाजगी विज कंपनीला सरकार देत आहे. अंबाजोगाई तालुक्यातील जवळगाव येथील मागील 40 वर्षापेक्षा अधिक काळापासून भुमीहिन दलित शेतकरी कसत असलेली जमिनीची ताबा वहीतिची महसूल दरबारी नोंद असतानाही त्यांची अतिक्रमणे शासन निर्णयाप्रमाणे नियमित करणे आवश्यक असतानाही ती न करता उलट पक्षी  शासन पोलीसांमार्फत दडपशाही करुन त्यांना हुसकावून लावण्याच्या प्रयत्न करीत आहेत. राज्यभरातील गायराण जमिनीवर मागील अनेक वर्षांपासून  भूमिहीन दलित, अल्पसंख्यांक शेती वहीती करतात तर काही ठिकाणी...

दिवसाढवळ्या सपासप वार करून हत्या; त्यानंतर स्वतः पोलीस स्टेशनला जाऊन कबुली: काय आहे या घटनेमागची खळबळजनक हकिगत?  माजलगाव, प्रतिनिधी...       बीड जिल्ह्याला हादरवून टाकणाऱ्या अनेक घटना गेल्या काही महिन्यांपासून सुरू आहेत. याची कारणेही अतिशय गंभीर असल्याचे समोर येत असते. आज(दि.१५) दिवसाढवळ्या दुपारी दीड ते पावणेदोन वाजण्याच्या सुमारास माजलगावच्या भाजप कार्यालयाच्या काही अंतरावरच भाजपाचे विस्तारक म्हणून काम करणाऱ्या एका कार्यकर्त्याची कोयत्याने सपासप वार करून हत्या करण्यात आली.  त्यानंतर हत्या करणारा आरोपी स्वतःच पोलीस ठाण्यात जाऊन आपण हत्या करून आल्याचे सांगतो, या अतिशय खळबळजनक घटनेमागची नेमकी हाकिगत आता समोर आली असुन हा खून अनैतिक संबंधातून घडल्याचे प्रथम दर्शनी दिसून येत आहे.      माजलगाव शहरातील शाहूनगर भागात एका भाजप कार्यकर्त्याची भर दुपारी रस्त्यावर कोयत्याने सपासप वार करून निर्घृण हत्या करण्यात आल्याची घटना समोर आली. या घटनेने पुन्हा एकदा बीड जिल्हा हादरला आहे. माजलगाव शहर पोलिसांनी मारेकऱ्याला ताब्यात घेतल्याची माहिती पोलिस निरीक्षक राहुल सू...