माझी बातमी MB NEWS

बीड : लैंगिक छळ प्रकरणातील आरोपी विजय पवार, प्रशांत खाटोकरला पोलिसांनी ठोकल्या बेड्या बीड : शहरातील  नामांकित उमाकिरण क्लासेसमध्ये शिक्षण घेणाऱ्या अल्पवयीन विद्यार्थिनीचा छळ केल्याच्या प्रकरणात पोक्सो अंतर्गत गुन्हा दाखल झाल्यानंतर दोन दिवसांपासून  फरार असलेले प्रा. विजय पवार व खाटोकर यांना अखेर शनिवार (दि. २८) रोजी मध्यरात्री अटक करण्यात आली आहे.        स्थानिक गुन्हे शाखेच्या पथकाने बीड तालुक्यातील मांजरसुंभा परिसरातून सापळा रचत त्यांना ताब्यात घेतले. गुन्हे शाखेचे प्रमुख शिवाजी बंटेवाड यांना सफारी गाडीतून हे दोघे पुढे जात असल्याची गोपनीय माहिती मिळताच, त्यांनी तत्काळ पथक रवाना करून दोघांना अटक केली.

भीषण अपघात:तीन जणांचा मृत्यू एक गंभीर अंबाजोगाई :तालुक्यातील बर्दापूर - हातोला रस्त्यावर दोन दुचाकींची समोरासमोर  धडक होऊन तिघांचा मृत्यू झाला तर एकजण गंभीर जखमी झाला आहे. लिमगाव पाटीजवळ शनिवारी रात्री साडेसातच्या सुमारास हा अपघात घडला.       अंबाजोगाई तालुक्यातील बर्दापूर-हातोला रस्त्यावर भीषण अपघात झाला. दोन दुचाकीच्या समोरासमोर झालेल्या अपघातात तीन जण ठार झाल्याची घटना घडली. लिमगाव पाटीजवळ शनिवारी रात्री 7.30च्या सुमारास हा अपघात झाला. हा अपघात इतका भीषण होता की यात एक जण जागीच ठार झाला, तर दोघांचा उपचारासाठी दवाखान्यात नेत असताना मृत्यू झालाय.या अपघातात अभय सतीश चव्हाण (रा. बर्दापूर) याचा घटनास्थळीच मृत्यू झाला. तर समोरून येणाऱ्या दुचाकीवरील फारूख रहिमखाँ पठाण आणि नासीर खाजामियाँ शेख (दोघेही रा. पानगाव) हे गंभीर जखमी झाले. त्यांना उपचारासाठी लातूरकडे नेत असताना त्यांचा मृत्यू झाला. या अपघातात ऋषिकेश अशोक चव्हाण हा तरुण गंभीर जखमी असून त्याच्यावर अंबाजोगाईच्या स्वामी रामानंद तीर्थ शासकीय रुग्णालयात उपचार सुरू आहेत.