*शहरातील सार्वजनिक व घरातील श्री चे न.प.च्या वतिने विसर्जन*
*परळी शहरातील 16 प्रभाग निहाय श्रीगणेश मुर्ती केंद्राद्वारे केले संकलन-सभापती किशोर पारधे
परळी (प्रतिनीधी)
परळी शहरात स्थापन करण्यात आलेल्या प्रत्येक प्रभाग निहाय असे 16 श्री गणेश मुर्ती संकलन केंद्रात सार्वजनिक व घरोघरी स्थापन केलेल्या श्री गणेशाचे न.प.च्या वतिने संकलन करण्यात आले व प्रभु वैद्यनाथ मंदीर परिसरात असलेल्या हरि हर तिर्थात बप्पांचे प्रशासनाच्या वतिने विसर्जन आज करण्यात आले.
राज्याचे सामाजिक न्याय व विशेष सहाय्य मंञी तथा पालकमंञी ना.धनंजयजी मुंडे,व न.पचे गटनेते वाल्मीक (आण्णा) कराड यांच्या मार्गदर्शनाखाली तसेच मुख्याधिकारी अरविंद मुंडे यांच्या नियोजनात न.प.अध्यक्षा, उपाध्यक्ष, सर्व स. सभापती, सर्व स. सदस्य / सदस्या यांच्या सहकार्याने स्वच्छता, आरोग्य व वैद्यक सभापती किशोर पारधे यांनी परळी शहरामध्ये गणेश मंडळामार्फत स्थापन करण्यात आलेली श्रीगणेश मुर्ती तसेच नागरीकांनी त्यांच्या घरी स्थापन केलेल्या श्रीगणेश मुर्ती संकलीत करण्याकरीता शहरात प्रभाग निहाय 16 श्री गणेश मुर्ती संकलन केंद्र उभारण्यात आले होते.
मागील दहा दिवसापासुन कोरोना मुळे साधेपणाने साजरा होत असलेल्या गणेशोत्सवाची सांगता आज दि.1 सप्टेंबर रोजी अनंत चतुर्दशी दिवशी झाली.जिल्हाधिकार्यांच्या आदेशानुसार परळी न.प.च्या वतिने थर्मल कॉलनी मुख्य गेट,संत नरहरी महाराज मंदिर,विद्युत डी.पी.जवळ,कृष्णाबाई देशमुख शाळेसमोर, गणेश मंदिर जवळ गणेशपार,सावता माळी मंदिर,हनुमान मंदिर जवळ पद्मावती गल्ली,सुभाष चौक,एस.के.हाॕटेल,बेग टाइल्स उड्डाणपुलाशेजारी,शिवाजी चौक, गजानन महाराज मंदिर,हनुमान मंदिर मोंढा मार्केट,जगमित्र नागा मंदिर,देशमुखपार, हनुमान नगर चौक चांदापूर रोड,पंचायत समिती नजीक अशा सोळा केंद्रावरून गणेश मुर्ती संकलित करण्यात आल्या.तर न.प.कार्यालयात बसविण्यात आलेल्या गणपती चे विसर्जन नायब तहसिलदार बाबुराव रूपनर,स्वच्छता सभापती किशोर पारधे, कार्यालयीन अधिक्षक संतोष रोडे,तलाठी राजुरे,शंकर साळवे , दिलीप रोडे,दिलीप गुट्टे व नगर परिषद कर्मचार्यांच्या उपस्थितीत करण्यात आले.
----------
परळी नगर परिषदेच्या स्वच्छता व आरोग्य विभागाच्या वतिने बप्पांच्या विसर्जनासाठी शहरात 16 श्री गणेश मुर्ती संकलन केंद्र उभारण्यात आली होती.नप.च्या या आवाहनाला परळीकर गणेश भक्तांनी मोठा प्रतिसाददेत श्रींच्या मुर्ती मनोभावे संकलन केंद्रात दिल्या त्या बदल परळीकरांचे आभार स्वच्छता सभापती किशोर पारधे यांनी मानले आहेत.
टिप्पण्या
टिप्पणी पोस्ट करा