MB NEWS:परळी मधील प्रिया नगर भागात अंधाराचे साम्राज्य

 परळी मधील प्रिया नगर भागात अंधाराचे साम्राज्य 

परळी वै: दि 22 प्रतिनिधी

परळी शहरातील उच्चभ्रू नागरी वस्ती म्हणून ओळख असलेल्या प्रिया नगर भागात मागील एक महिन्यापासून पथदिवे रात्रीच्या वेळी बंद असल्याने अंधाराचे साम्राज्य पसरले आहे.रात्रीच्या वेळी पादचारी अंधारात चाचपडत आपला मार्ग शोधीत असल्याने पावसाळयात अनेक वेळा पाय घसरून लोटांगण घतल्याच्या घटना घडल्या आहेत.

परळी शहरात लोकसंख्या मोठ्याप्रमाणात वास्तव्य असलेल्या प्रिया नगर हा भाग परळी शहरातील उच्चभ्रू,नोकरदार वर्गाची निवासी वस्ती असलेला भाग असून या भागात नागरिकांची मोठी रहदारी असते. या भागात भगवान विद्यालय ही शाळा देखील असून हा भाग नेहमीच नागरी सुविधा देण्यासंदर्भात दुर्लक्षित राहिलेला आहे.यातच भर म्हणून या भागातील पथ दिवे मागील एक महिन्यापासून बंद आहेत.

रात्रीच्या वेळी या भागातून पायी चालणे मोठया जिकरीचे बनले असून रात्री जसे जंगलातून जात आहोत असे वाटते यातच भर मनुन पाऊस पडल्यावर या भागात अनेक वेळा अंधारात रस्ता न दिसल्याने पादचारी पाय घसरून पडल्याच्या घटना वारंवार घडत आहेत.

या बाबतीत विद्युत वितरण कपंनीला विचारणा केली असता त्यांनी नगर परिषदेकडे चौकशी करा असे सांगितले.