MB NEWS:आज ६ वा दिवस:मराठा आरक्षणासाठी दादाहरी वडगाव चे धरणे रा.काॅ.नेते तुळशीराम पवार यांनी भेट देऊन घेतला सहभाग
आज ६ वा दिवस:मराठा आरक्षणासाठी दादाहरी वडगाव चे धरणे
रा.काॅ.नेते तुळशीराम पवार यांनी भेट देऊन घेतला सहभाग
परळी l प्रतिनिधी
मराठा आरक्षणाच्या मागणीसाठी परळी तालुक्यातील दादाहरी वडगाव येथे बेमुदत साखळी पद्धतीने आंदोलन सुरू करण्यात आलेले आहे. गावातील महिला, लहान मुले, तरुण आणि जेष्ठांचाही यात उत्स्फूर्त सहभाग आहे. आज आंदोलनाचा ६ वा दिवस असून जोपर्यंत मागण्या मान्य केल्या जात नाहीत तोपर्यंत अखंडपणे हे आंदोलन सुरूच ठेवण्याचा निर्णय सर्वमुखी घेण्यात आला आहे.
आरक्षणासह विविध मागण्यांसाठी ग्रामपंचायत समोर साखळी पद्धतीने ठिय्या आंदोलन सुरू करण्यात आलेले आहे. सर्वोच्च न्यायालयाने आरक्षणाला दिलेली स्थगिती कशी उठवणार? पूर्वी मिळालेल्या आरक्षणातून ज्या ज्या विद्यार्थ्यांनी शैक्षणिक प्रवेश अर्ज केलेले आहेत त्यांना तात्काळ प्रवेश देण्यात यावा, नोकर भरतीमध्ये शासनाने आरक्षणाप्रमाणे तात्काळ नियुक्ती आदेश द्यावेत, न्यायालयातील अंतरिम स्थगिती उठेपर्यंत नोकरी व शिक्षणातील आरक्षणाला अबाधित ठेवावे, स्थगिती उठेपर्यंत कोणतीही भरती शासनाने जाहीर करू नये, शासकीय पोर्टलच्या लिंकमध्ये वारंवार प्रगती अहवाल जाहीर करावा आशा विविध मागण्या आंदोलकांच्या वतीने करण्यात आल्या आहेत. जोपर्यंत मराठा समाजाच्या या जिव्हाळ्याच्या मागण्या पूर्ण केल्या जाणार नाहीत तोपर्यंत हे ठिय्या आंदोलन सुरूच ठेवण्याचा ठाम निर्णय दादाहरी वडगाव ग्रामस्थांनी घेतला आहे. आज या आंदोलनाला राष्ट्रवादी काँग्रेसचे नेते तुळशीराम पवार यांनी भेट देऊन सहभाग घेतला.
टिप्पण्या
टिप्पणी पोस्ट करा