MB NEWS-गोपीनाथ मुंडे प्रतिष्ठान बीड, शिरूरमध्येही उभारणार कोविड केअर सेंटर - पंकजाताई मुंडे* *रूग्णांच्या सेवेसाठी भरीव योगदान देण्याच्या भाजप पदाधिकाऱ्यांना केल्या सूचना*

 *गोपीनाथ मुंडे प्रतिष्ठान बीड, शिरूरमध्येही उभारणार कोविड केअर सेंटर - पंकजाताई मुंडे*

*रूग्णांच्या सेवेसाठी भरीव योगदान देण्याच्या भाजप पदाधिकाऱ्यांना केल्या सूचना*

बीड । दिनांक२७ ।

जिल्हयात कोरोनाची गंभीर परिस्थिती लक्षात घेता परळी प्रमाणेच बीड, शिरूर येथेही गोपीनाथ मुंडे प्रतिष्ठानच्या वतीने कोविड केअर सेंटर सुरू करण्यात येणार असल्याचे प्रतिष्ठानच्या अध्यक्षा पंकजाताई मुंडे यांनी आज सांगितले. कोरोनाचा लढा सर्वांनी मिळून लढायचा आहे, रूग्णांच्या सेवेसाठी जिल्हयातील भाजपा कार्यकर्त्यांनी भरीव योगदान द्यावे असं आवाहनही त्यांनी केलं.

   आ. सुरेश धस, आ. लक्ष्मण पवार, आ. नमिता मुंदडा, माजी आमदार भीमसेन धोंडे आणि जिल्हयातील पदाधिकाऱ्यांची व्हर्चुअल बैठक पंकजाताई मुंडे यांनी आज दुपारी घेतली, त्यावेळी त्या बोलत होत्या. सध्याच्या गंभीर परिस्थितीत कार्यकर्त्यांचं मनोबल वाढविण्यासाठी पंकजाताईंनी मध्यंतरी दौरा निश्चित केला होता. खासदार डॉ.प्रितमताई मुंडे हया नुकत्याच कोविड सेंटर मध्ये जाऊन रूग्णांना भेटल्या, त्या क्वारंटाईन आहेत. कोरोनामुळे दौरा आणि गर्दीत कार्यकर्त्यांच्या आरोग्यावर परिणाम होऊ नये यासाठी त्यांनी आज ऑनलाईन बैठक घेतली.

  गोपीनाथ मुंडे प्रतिष्ठान परळीत आयसोलेशन सेंटर व रूग्णांना घरपोच जेवणाचा डब्बा पोहोचविणार आहे, याच धर्तीवर बीड व शिरूर मध्येही कोविड केअर सेंटर सुरू करू, त्यासाठी जागा उपलब्ध करून दिल्यास रूग्णांचा औषधोपचार व जेवणाची जबाबदारी प्रतिष्ठान घेईल असं पंकजाताई म्हणाल्या. इतर ठिकाणी आमदार महोदयांनी सेवा सुरू केलेली आहे त्याबद्दल त्यांनी त्यांचे अभिनंदन केले. तालुका स्तरावर टास्क फोर्स तयार करून रूग्ण व त्यांच्या नातेवाईकांना मदत करणे, रेमडेसीवीर चा काळाबाजार रोखणे, जिल्हयात शासन व प्रशासनाचा निष्काळजीपणावर आवाज उठवणे आदींबरोबरच आगामी लसीकरण मोहीम प्रत्येक बुथवर प्रभावीपणे राबविण्यासाठी पंकजाताई यांनी बैठकीत सूचना केल्या.

  बैठकीचे प्रास्ताविक जिल्हाध्यक्ष राजेंद्र मस्के यांनी तर संचलन शंकर देशमुख यांनी केले.आमदारांसह रमेश आडसकर, नंदकिशोर मुंदडा, निळकंठ चाटे, राम कुलकर्णी, डाॅ. शालिनी कराड, मधुसूदन खेडकर, सुधीर घुमरे, अजय सवई, अतूल देशपांडे, पोपट शेंडगे, बालासाहेब चोले, भगवान केदार, दिपक थोरात, अरूण राऊत आदींनी करोना संदर्भात मोलाच्या सूचना यावेळी केल्या. जिल्हयातील प्रमुख पदाधिकाऱ्यांसह विविध आघाड्यांचे अध्यक्ष यावेळी उपस्थित होते.

••••