MB NEWS-अनुदानित वसतिगृहातील कर्मचाऱ्यांच्या मानधनात वाढ _सामाजिक न्यायमंत्री धनंजय मुंडे यांची माहिती
अनुदानित वसतिगृहातील कर्मचाऱ्यांच्या मानधनात वाढ
_सामाजिक न्यायमंत्री धनंजय मुंडे यांची माहिती
सामाजिक न्याय विभाग अंतर्गत स्वयंसेवी संस्थांमार्फत चालविण्यात येणार्या अनुदानित वसतिगृहातील कर्मचाऱ्यांच्या मानधनात वाढ करण्याचा निर्णय आज उपमुख्यमंत्री अजितदादा पवार यांच्या अध्यक्षतेखाली झालेल्या बैठकीत घेण्यात आला असल्याची माहिती सामाजिक न्यायमंत्री धनंजय मुंडे यांनी बैठकीनंतर दिली.
या बैठकीत झालेल्या निर्णयानुसार अधीक्षकांना आता 9200 ऐवजी दहा हजार रुपये मानधन मिळणार आहे. एक जुलैपासून ही वाढ लागू होणार आहे.
स्वयंपाकी पदासाठी 6900 ऐवजी 8500 रुपये तर मदतनीस व चौकीदार पदांसाठी 5750 ऐवजी 7500 मानधन मिळणार आहे.उपमुख्यमंत्री अजितदादा पवार यांच्या दालनात झालेल्या या बैठकीस सामाजिक न्याय मंत्री धनंजय मुंडे सामाजिक न्याय राज्यमंत्री विश्वजीत कदम विभागाचे सचिव श्याम तागडे वित्त विभागाचे अप्पर मुख्य सचिव मनोज सौनिक, नियोजन विभागाचे अप्पर मुख्य सचिव देवाशीष चक्रवर्ती व संबंधित अधिकारी उपस्थित होते या निर्णयाचा लाभ महाराष्ट्रातील 2388 अधीक्षक, 2868 स्वयंपाकी , 470 मदतनीस, 2388 चौकीदार यांना लाभ मिळणार आहे.
टिप्पण्या
टिप्पणी पोस्ट करा