MB NEWS-*महिला महाविद्यालयाचे प्रा.अरुण चव्हाण यांना पीएच.डी. प्रदान .*

 *महिला महाविद्यालयाचे प्रा.अरुण चव्हाण यांना पीएच.डी. प्रदान .* 

परळी वैजनाथ दि.१५ (प्रतिनिधी)

       येथील  कै .लक्ष्मीबाई देशमुख  महिला महाविद्यालयातील संस्कृत विभाग प्रमुख  प्रा.डॉ. अरुण चव्हाण यांना नांदेड येथील  स्वामी रामानंद तीर्थ मराठवाडा विद्यापीठाने  शिक्षण क्षेत्रातील सर्वोच्च असलेली विद्यावाचस्पती अर्थात् पीएच .डी. ही पदवी  प्रदान केली .

           यशाची अनेक शिखरे पादाक्रांत करणाऱ्या व प्रतिवर्षी प्रत्येक क्षेत्रात घवघवीत यश संपादन करणाऱ्या कै. लक्ष्मीबाई देशमुख महिला  महाविद्यालयात संस्कृत विभागप्रमुख म्हणून प्रा.  अरुण माधवराव चव्हाण कार्यरत आहेत. त्यांनी 

" *काव्यतीर्थ प्राचार्य हरिश्चंद्र रेणापूरकर यांच्या साहित्यकृतींचे चिकित्सक अध्ययन"* या विषयाचा अभ्यासपूर्ण प्रबंध , ज्येष्ठ मार्गदर्शक प्रा .डॉ . गणंजय कहाळेकर , महात्मा ज्योतिबा फुले महाविद्यालय , मुखेड . यांच्या मार्गदर्शनात पूर्ण केला . या  अभ्यासपूर्ण प्रबंधाला स्वामी रामानंद तीर्थ मराठवाडा विद्यापीठाने नुकतीच मान्यता देऊन सरांना विद्यावाचस्पती (पीएच.डी.) या पदवीने गौरवान्वित केले .

या त्यांच्या यशामुळे कै .  लक्ष्मीबाई देशमुख शिक्षण प्रसारक मंडळाचे ज्येष्ठ मार्गदर्शक  अनिलरावजी देशमुख , संस्थेचे अध्यक्ष संजय देशमुख , संस्थेचे सचिव रवींद्र देशमुख तथा संस्थेचे कोषाध्यक्ष प्रा. प्रसाद देशमुख यांनी त्यांचे हार्दिक अभिनंदन केले .

     आपल्या सहकाऱ्याच्या यशामुळे आनंदित होऊन संस्थेच्या संचालिका  छायाताई देशमुख व प्रा डॉ . विद्याताई देशमुख यांच्यासमवेत महाविद्यालयाचे प्रभारी प्राचार्य प्रा. डॉ.  एल. एस. मुंडे , कार्यालयीन अधीक्षक  प्रमोद पत्की तसेच महाविद्यालयातील सर्व प्राध्यापक वृंद आणि शिक्षकेतर कर्मचारी यांनी सरांचे खूप खूप अभिनंदन केले .