MB NEWS-परळीत चोरट्यांना अनलाॅक: विद्यानगरमधिल घरासमोर लावलेली कार गेली चोरीला
परळीत चोरट्यांना अनलाॅक: विद्यानगरमधिल घरासमोर लावलेली कार गेली चोरीला
परळी वैजनाथ, प्रतिनिधी....
गेल्या आठवड्याभरापासुन विविध चोरीच्या घटनांची साखळी सुरूच आहे. विविध घटनांनंतर आता सुरक्षित विभाग म्हणून ओळख असलेल्या विद्यानगरमधिल घरासमोर लावलेली कार चोरीला गेली असल्याबाबत शहर पोलिस ठाण्यात फिर्याद दाखल करण्यात आली आहे.
याबाबतीत पोलीस सुत्रांनी दिलेल्या माहितीनुसार, फिर्यादी अभय गहिनीनाथ रोडगे रा.विद्यानगर यांची घरासमोर लावलेली वापरती कार चोरीला गेली आहे.आल्टो कार क्र. एम एच 23 ई 1214 ही मारुती कार अज्ञात चोरांनी दि.१४ ते १५ च्या मध्यरात्री चोरुन नेली आहे.याप्रकरणी शहर पोलिस ठाण्यात गुन्हा दाखल करण्यात आला आहे.अधिक तपास पो.हे. शिंदे हे करीत आहेत.विविध ठिकाणी अशा चोरीच्या घटना घडत असल्याने नागरिकांना धडकी भरत आहे. वाढत्या गुन्हेगारीला आळा घालण्याचे पोलीसांसमोर आव्हान उभे ठाकले आहे.परळीत गुन्हेगारी करणारांना मोकळे रान मिळाले आहे.कोरोनाकाळात उत्पन्नाचे सर्व स्त्रोत बंद झाले आहेत.प्रत्येकजण यातूनच जात आहे.मग चोर, चोरटे आणि भुरटे चोर यांचीही प्रचंड विवंचना झालेली आहे त्यामुळे संधी दिसताच डल्ला मारण्यासाठी चोरटे आसुसलेले आहेत. रस्त्यावर लावलेल्या वाहनांची तोडफोड, बाजारात मोबाईल चोरीच्या अनेक घटना घडल्या आहेत. तर विविध ठिकाणांहून अनेकांच्या मोटारसायकलीही चोरीला गेल्याचे समोर आले आहे. परळी बसस्थानक येथुन कंडक्टर जवळील तिकीटाची मशिनच चोरट्याने चोरुन नेली असल्याचे पुढे आले. याकडे संबंधित यंत्रणेने लक्ष देण्याची गरज निर्माण झाली आहे.
टिप्पण्या
टिप्पणी पोस्ट करा