MB NEWS- *किराणा दुकानाचे शटर तोडून चोरी ; पंचेचाळीस हजार रुपये लंपास*
*किराणा दुकानाचे शटर तोडून चोरी ; पंचेचाळीस हजार रुपये लंपास*
परळी वैजनाथ, प्रतिनिधी....
परळी- गंगाखेड रस्त्यावर असलेल्या एका किराणा दुकानात अज्ञात चोरट्याने शटर व कुलपे तोडून आत प्रवेश केला. दुकानातील काउंटर व गल्ल्याची नासधुस केली तसेच गल्ल्या मधील रोख पंचेचाळीस हजार रुपये लंपास केले. हा चोरीचा प्रकार सीसीटीव्ही कॅमेऱ्यात कैद आहे.
याबाबत पोलिस सूत्रांकडून मिळालेली अधिक माहिती अशी की, उड्डाण पुलालगत परळी- गंगाखेड रस्त्यावर फिर्यादी गजानन गंगाधर चिद्रवार यांचे किराणा मालाची सुपर शाॅपी आहे. दिनांक 18 रोजी सायंकाळी चार वाजता नेहमीप्रमाणे त्यांनी आपले दुकान चार कुलुप लावून बंद केले. दुकान बंद करत असताना गल्यात पंचेचाळीस हजार रुपये रोकड व उधारीच्या नावं असलेल्या चिठ्ठ्या ठेवलेल्या होत्या. दिनांक 19 रोजी नेहमीप्रमाणे त्यांनी आपले दुकान उघडण्यास गेले असताना कुलूप तोडलेले आढळले. दुकानात गेले असताना गल्ल्यातील पंचेचाळीस हजाराची रोकड लंपास झाल्याचे निदर्शनास आले. या दुकानात सीसीटीव्ही कॅमेरे बसवलेले असून एक अनोळखी मुलगा दुकानात शिरल्याचे यामध्ये दिसून येत आहे. याप्रकरणी चिद्रेवार यांच्या फिर्यादीवरून अज्ञात आरोपी विरुद्ध गुन्हा दाखल करण्यात आला आहे अधिक तपास संभाजी नगर पोलिस करीत आहेत.
टिप्पण्या
टिप्पणी पोस्ट करा