MB NEWS-परळी शहर पोलिस ठाण्याची गाडी नादुरुस्त; भरपावसात व रात्रीच्या वेळी मोटारसायकलवरुन गस्तीची अधिकार्यांवर वेळ
परळी शहर पोलिस ठाण्याची गाडी नादुरुस्त; भरपावसात व रात्रीच्या वेळी मोटारसायकलवरुन गस्तीची अधिकार्यांवर वेळ
परळी वैजनाथ, प्रतिनिधी....
शहराचे प्रमुख प्रशासकीय केंद्र तसेच कायदा व सुव्यवस्था राखण्यासाठी अत्यंत महत्त्वाचे अशा शहर पोलीस ठाण्यात एक चारचाकी गाडी आहे तीही नादुरुस्त अवस्थेत असल्याने कामकाजात खोळंबा होत आहे.परळी शहर पोलिस ठाण्याची गाडी नादुरुस्त असल्याने भरपावसात व रात्रीच्या वेळी मोटारसायकलवरुन गस्त घालण्याची अधिकार्यांवर वेळ आली आहे.
पोलीसांना देण्यात आलेल्या गाड्या आता खुप जुन्या झालेल्या आहेत.पोलीसांना नविन अद्यावत गाड्या उपलब्ध करुन देण्यात याव्यात अशी अनेक दिवसापासून मागणी आहे. पालकमंत्री ना.धनंजय मुंडे यांनी गेल्या २२जुन रोजी जिल्हा पोलिस दलात तब्बल १६५ नवीन वाहनांचे लोकार्पण केलेले आहे. मात्र परळी शहर पोलिस ठाण्याची गाडी तीन टायर खराब झाल्याने कित्येक दिवसांपासून जागेवरच उभी आहे.परळी शहर पोलिस ठाण्याची गाडी नादुरुस्त असल्याने भरपावसात व रात्रीच्या वेळी मोटारसायकलवरुन गस्त घालण्याची अधिकार्यांवर वेळ आली आहे.याकडे संबंधितांनी तातडीने लक्ष देण्याची नितांत आवश्यकता निर्माण झाली आहे.
परळीत पोलीस दलात मनुष्यबळाची कमतरता आहे.सीसीटिव्ही बंद आहेत.भौतिक साधनसामग्री च्या अनेक त्रुटी आहेत.त्यात नविन वाहने नाहीत.आहे त्या परिस्थितीत पोलीस काम करत आहेत.पोलीस बांधवांच्या प्रशासकीय कामकाजासाठी निदान अत्यावश्यक सुविधा तरी उपलब्ध असणे गरजेचे आहे.याकडे वरिष्ठांनी लक्ष द्यावे अशी मागणी होत आहे.
टिप्पण्या
टिप्पणी पोस्ट करा