परळीत आज आंदोलन मंगळवार ; तीन ठळक आंदोलनांचे आयोजन
परळी वैजनाथ, प्रतिनिधी....
उद्याचा मंगळवार आंदोलन मंगळवार ठरणार आहे.परळीत तीन ठळक आंदोलने आयोजित करण्यात आली आहेत.महागाईच्या विरोधात राष्ट्रवादी काँग्रेसच्या वतीने निदर्शने करण्यात येणार आहेत.बारा आमदारांचे निलंबन केले म्हणून राज्य सरकार चा निषेध करण्यासाठी भाजपने आंदोलन करण्यात येणार असल्याचे जाहीर केले आहे तर अवैध राख वाहतूकीच्या विरोधात कन्हेरवाडी येथे रास्ता रोको आंदोलन करण्यात येणार असल्याचे युवानेते माणिक फड यांनी सांगितले आहे.
🌑भाजपचे आंदोलन...
महाराष्ट्र विधानमंडळ अधिवेशनाच्या पहिल्याच दिवशी लोकशाहीला टाळे ठोकण्यासाठी* *भारतीय जनता पार्टीच्या निर्दोष बारा आमदारांना एक वर्षासाठी निलंबित करण्यात आले आहे.या घटनेचा निषेध करण्यासाठी पंकजाताई मुंडे व खा. डॉ. प्रितमताई मुंडे यांच्या सूचनेनुसार दिनांक 6 जुलै मंगळवार रोजी सकाळी 11 वाजता तहसील कार्यालय येथे आघाडी सरकारच्या विरोधात निषेध आंदोलनकरण्यात येणार आहे.
🌑 राष्ट्रवादी काँग्रेसच्या वतीने निदर्शने....
केंद्रातील मोदी सरकारने पेटोल, डिझेल व एलपाजी गॅसच्या किंमती भरमसाठ वाढविल्या आहेत. यामुळे सामान्य लोकांचे जगणे कठीण झाले आहे. कोरोनाच्या संकटाने आधीच जनता त्रस्त आहे. त्यात महागाईचा मार सहन करावा लागत आहे. मोदी सरकारने पेट्रोल- डिझेलमधून कराच्या रुपाने लाखो कोटी रुपये नफा मिळवून सामान्य जनतेला मात्र महागाईच्या खाईत लोटले आहे. याच्या निषेधार्थ ना.धनंजय मुंडे यांच्या मार्गदर्शनाखाली परळीत राष्ट्रवादी काँग्रेसच्या वतीने निदर्शने करण्यात येणार आहेत. मंगळवारी (दि.६) सकाळी 10 वाजता छत्रपती शिवाजी महाराज चौक येथे केंद्र सरकारच्या विरोधात निदर्शने आंदोलन करण्यात येणार आहे.
🌑 कन्हेरवाडी येथे रास्तारोको....
गेली अनेक वेळा राख वाहतुकी संदर्भात प्रशासनाला विनंती,निवेदन देऊन ही अद्याप अवैदध राख वाहतुकीवर कुढलेही निर्बंध लावले जात नसल्यामुळे कन्हेरवाडी ग्रामस्थांना सोबत घेऊन कन्हेरवाडी येथे परळी अंबाजोगाई रोडवर मंगळवारी सकाळी 8-30 वाजता रास्ता रोको आंदोलन करण्यात येणार असल्याचे युवानेते माणिक भाऊ फड यांनी सांगितले.
टिप्पण्या
टिप्पणी पोस्ट करा