विभागीय कामगार काव्यवाचन स्पर्धेला मोठा प्रतिसाद
ऑनलाइन काव्यवाचन स्पर्धेचे निकाल जाहिर;परळीतील दोन कवींना पारितोषिक
परळी दि. ६ ऑक्टोबर.....
महाराष्ट्र कामगार कल्याण मंडळाच्या वतीने मराठवाड्यातील कामगार कवींसाठी ऑनलाईन कामगार काव्यवाचन स्पर्धेचे आयोजन ५ ऑक्टोबर २१ रोजी करण्यात आले होते. औरंगाबाद, लातूर व नांदेड या गटातून ३६ कवींच्या प्रवेशिका आल्या होत्या. पैकी ३२ कामगार कवींनी कवितांचे सादरीकरण केले.
या स्पर्धेला उत्तम प्रतिसाद मिळाला असून एकाहून एक सरस सुंदर कविता कामगार कवींनी सादर केल्या.
कामगार कवींच्या सुप्त कलागुणांना वाव देण्यासाठी महाराष्ट्र कामगार कल्याण मंडळाच्या वतीने मराठवाड्यातील कामगार कवींची काव्यवाचन स्पर्धा घेण्यात आली. मराठवाडा विभागाचे सहाय्यक कल्याण आयुक्त मनोज पाटील यांनी स्पर्धेसाठी विशेष प्रयत्न केले.
या स्पर्धेचे प्रथम पारितोषिक रूपये २ हजार, द्वितीय पारितोषिक १ हजार पाचशे, तृतीय पारितोषिक १ हजार आणि उत्तेजनार्थ पारितोषिक ५०० रुपये आहे.
या स्पर्धेत प्रथम पारितोषिक विजय कुमार पांचाळ औरंगाबाद, तृतीय पारितोषिक (विभागून) केशव कुकडे परळी वैजनाथ, बिपिन राठोड चौफाळा नांदेड, तृतीय पारितोषिक (विभागून) महेश होणमाने परळी वैजनाथ, बद्रीनाथ भालगडे कोतवालपूरा औरंगाबाद, उत्तेजनार्थ पारितोषिक (विभागून) बालाजी कापसे कळंब, महानंदा केंद्रे परभणी या कामगार कवींनी मिळविली आहे.
कवींच्या वैयक्तिक बँक खात्यावर बक्षिसाची रक्कम जमा करण्यात आले आहे.
प्रथम पारितोषिक मिळवलेले कामगार कवीची राज्यस्तरीय स्पर्धेसाठी निवड झाली असून स्पर्धा मुंबई येथे होणार आहे. राज्यस्तरीय स्पर्धेसाठी कामगार कवींसाठी संपूर्ण खर्च कामगार कल्याण मंडळ करणार आहे.
या काव्यवाचन स्पर्धेचे परिक्षण डॉ. हबीब भंडारे, आशा खडतरे(डांगे) यांनी केले.
नांदेडचे कामगार कल्याण अधिकारी प्रसाद धस लातूरचे भालचंद्र जगदाळे यांनी विशेष सहकार्य केले.
स्पर्धेचे सूत्रसंचालन विजय अहिरे, सुवर्णा कुलकर्णी यांनी केले. आभार महेश विभांडीक यांनी मानले. तांत्रिक साहाय्य दिनकर पाटील, दिज्ञेश पाटील, स्वप्नील मोरे, श्यामकांत पाटील, रवींद्र पडोल यांनी केले.
टिप्पण्या
टिप्पणी पोस्ट करा