MB NEWS- *महाराष्ट्र विद्यालयात संविधान दिन उत्साहात साजरा*
*महाराष्ट्र विद्यालयात संविधान दिन उत्साहात साजरा*
परळी वै:दि 26 प्रतिनिधी
परळी तालुक्यातील मोहा येथील महाराष्ट्र माध्य व उच्च माध्यमिक विद्यालयात संविधान दिन मोठ्या उत्साहात साजरा करण्यात आला. विद्यालयाच्यावतीने संविधान दिनानिमित्त *संविधान जनजागृती अभियान* राबविले.
या अंतर्गत शालेय विद्यार्थ्यांकरिता निबंध स्पर्धेचे आयोजन करण्यात आले होते. मुंबई येथील 26/11 च्या दहशतवादी हल्ल्यात शहीदांना आदरांजली वाहण्यात आली. तसेच संविधान दिनी विद्यार्थ्यांनी गावात रॅली काढून *संविधान जनजागृती* केली विद्यार्थ्यांच्या हातातील फलक व घोषणाबाजी लक्ष्यवेधी ठरली.यानंतर गावातील मुख्य जागेवर संविधानाबद्दल शाळेचे पर्यवेक्षक विनायक राजमाने यांनी परिपूर्ण माहिती दिली.या नंतर शाळेत संविधान प्रस्ताविकेचे सामूहिक वाचन करून भारतरत्न डॉ.बाबासाहेब आंबेडकर यांच्या प्रतिमेस अभिवादन व संविधान पुस्तिकेचे पूजन करण्यात आले.यावेळी महाराष्ट्र शिक्षण संस्थेचे जेष्ठ संचालक सुदामदादा देहमुख, सुदाम शिंदे, उपमुख्याध्यापक सुरेंद्र हरदास आदी मंचावरउपस्थित होते यावेळी शाळेतील जेष्ठ शिक्षक मुरलीधर बोराडे यांनी संविधानाचे महत्व व गरज यावर उपस्थिताना मार्गदर्शन केले.
संविधान सप्ताह राबविण्यासाठी शाळेतील सर्व शिक्षक व कर्मचाऱ्यांनी विशेष प्रयत्न केले.
टिप्पण्या
टिप्पणी पोस्ट करा